سبحان الله كلهم ضدي(خواطر)
 

انا رجل متزوج وزوجتي ما اقول فيها غير كل خير وما قصرت معي في شيئ لكن بكل صراجه ما حبيتها رغم اني اقول لها احبك وتعيش معي حياة جدا جميله في نظرها لكن انا في نظري غير... اتمنى ارتبط في انسانه احبها بدون مجامله وبدون ما اخسر زوجتي واولادي وبيتي كل اللي حولي من الرجال تقريبا للاسف لا القريب او الصديق تفكيرهم سلبي الواحد منهم متزوج وله علاقات محرمه وسفر للحرام وعدم الاهتمام في الزوجة والاولاد ..ويوم درو عن رغبتي للزواج كلهم وقفو ضدي(وش لك وشل الهم)(الحرمه من يوم تجربها تمل منها)(تفتح بيت وقلق وهم)(شوف لك صديقه وفل معاها او سافر ونقي على كيفك)وتعليقات كثيره..المهم انا توكلت على الله وحددت صفات الانسانه اللي اشوف انها ممكن تملى عيني وتقلبي وترتاح نفسيتي واخيرا وجدتها وكنت افضل تكون مطلقه اعوضها بعلاقة تكون رائعة وخطبتها وملكت عليها وكل شيئ سويته لوحدي ليييييييييييييه للاسف كلهم ضدي(انا ما يهمني يكون احدي معي او ما يكون الحمدلله ثقتي بنفسي كبيره لكن موضوع مثل الزواج احتاج فيه العنصر النسائي يتفاهم معى الحريم ويحسس الناس ان عندي اهل) ابوي امي خواتي خالاتي بنات اخوي وبنات خواتي محد فكر يساعدني ولو بشكل سري اللي تقول(اخاف ربي يبتليني ويتزوج علي زوجي)او(بتفتح لازواجنا الباب ويتزوجو علينا)وغير كذا من الاعذار.... كثير من محارمي متزوجات وتعرف ان زوجها حق علاقات وحرام وبينهم مشاكل كثير لكن تقول بكيفه يروح للحرام ولا يتزوج والنتيجه مهملها وحاقرها بصراحه مجتمع تفكيره سلبي ونظرته انيه ....الحين انا تزوجت زوجتي الثانيه وربي اعيش احلى الاوقات ومر على زواجي اكثر من سنه والله ساعدني على اقناع زوجتى الاول وعلاقتي معاها جدا رائعة مثل قبل زواجي ما تغيرت عليها

انا ما اشوف ان فيه مشكلة بموضوعك

دامك تزوجت وصار لك سنة واكثر وزوجتك الاولى راضية


وين المشكلة؟؟؟؟

cila+موهوبة الكويت الموضوع مجرد ((خاااااااطره)) ولب الكلام يتركز في رضى بعض الزوجات ان زوجها يروح للحرام وعلى مرأى ومسمع منها وتقبل في كذا وتغض الطرف وما اعتقد في زوج يكون له علاقات محرمه ويحترم شعور زوجته ويعاملها معامله طيبه والشيئ الثاني انقلاب الفطر وسلامتكم

راع الله واعدل بينهم وبتشوف الخير

ما شالله قصتك ملهمة .. الله ييسر لك امورك ..

ولكن شي يحز بالخاطر .. مو زواجك عليها .. انما سبب الزواج

ليش انتو يالرجال اذا الواحد ما حب البنت ما يصارحها بداية الزواج؟؟

ليش ينتظر لا جابت منه دستة اطفال توه يتكلم !! كثير منكم يسوون هالتصرف

يمكن البعض يقول : حبينا نصبر فترة نشوف نقدر نحب البنت فيها ولا لا

طيب وليه ما تجنبتو الحمل خلال هالفترة عشان الزوجة يكون عندها خيارات

اما انها تتركك او تظل معك وهي عارفة انك ما حبيتها ..

والشيء المؤلم بمجتمعنا .. اذا طالبت الزوجة بالحب والمشاعر

قيل لها : كلام مسلسلات ولا تبنى البيوت على الحب ... وبالاخير

يصير الواحد يفكر يتزوج عليها ... عشان ما حبها !! تناقض مؤلم

روعة المعنى......(والشيء المؤلم بمجتمعنا .. اذا طالبت الزوجة بالحب والمشاعر

قيل لها : كلام مسلسلات ولا تبنى البيوت على الحب ... وبالاخير )
صدقيني من او ل ايام زواجي وهي تسمع مني اجمل كلامات واروع جمل وما ابالغ انه ما مر يوم من تزوجتها ولحد الحين ما اضمها او ابوسها لكن وربي ما قدرت احبها كطبع واسلوب وهي انسانه طيبه وما انكر انها جميله وجميله جدا ويمكن طيبتها وجمالها هذا اللي خلاني استمر معاها وصدقيني رغم زواجي علاقتي فيها مثل ما كانت قبل الزواج وهي تحبني كثير

مشكوره اختي زهرة الرمان على مرورك انا حاولت احافظ على بيتي وزوجتي رغم اني اعرف ان قرار الزواج مؤلم بالنسبه لها لكن اذا جات للدين والاخرة والله الاخرة مقدمه على الدنيا وزواجي من الثانيه اشوف انه بلغة للاخرة لانه يبعدني عن الحرام وكل انسان ربي يعطيه على نيته والحمدلله سعيد جدا في حياتي وهذا من فضل ربي

وهل كل موضوع يعرض هنا في القسم يجب ان تكون فيه مشكلة :d

هناك موضوعات أخرى مهمة ايضا تزيد من الثقافة الزوجية والاجتماعية للرجل والمرأة

ومنها هذا الموضوع الذي ينصح الرجل بالتوجه للحلال وان كان صعبا ، وتجنب الحرام وان كان سهلا

دوبك تذكر انك ماحبيتها؟
بعد ماجبت اولاد منها
موقفك صعب
بس اذا زوجتك موافقه على زواجك الله يوفقك
واهم شي العدل

مبروك الزواج والله حلل الزواج شرط العدل وقد وفقك الله في زواجك الثاني لانك كنت تراعي زوجتك الاولى ولم

تظلمها

أعوذ بالله!!
لهالدرجة فيه ناس بايعه دينها!!
ويننا فيه صديقة وعشيقة!

مافيها شي لو الوااحد عبر عن اللي في داخله .. وفضفض

بالعكس هو اعطى صورة ايجابيه لنفسه ..

رغم ان الكل ضده بس ماشاءلله تبارك الله صبر وكافح ..

وفي النهاايه نال مايرضي الله تعالى ومايرضيه ايضاً ..

ما اقول الا

الله يسعدك ويوفقك ويكثر من امثالك

لا تنسانا من الدعاء

طيب ابغى اعرف انت ليش ماحبيتها؟؟ هل هي طيبه لدرجة ضعف شخصيتها او جهلها في بعض الامور... يعني شنو سبب عدم محبتك لها

والسؤال الثاني ...الزوجه الثانيه حبيتها..وياليت تذكر ليش حبيتها؟وايش الي ضمنك قبل زواجك انك راح تحبها؟؟

اتمنى الاجابه...