|
زوجتي الحبيبه اليوم إجازة
مساء الخير لجميع الأعضاء وتقبل الله صيامكم ودعواتكم
اليوم 3 رمضان بعد صلاة العصر قلت لزوجتي أم وجدان الله يحفظها لي والله ما تسوين شي اليوم خذي إجازة مني والفطور علي :17: حلفت تساعدني وأنا أقولها والله ما تدخلين المطبخ اليوم روحي نامي وأنا قبل آذان المغرب بـ 10 دقايق بقومك من النوم قمت على المطبخ :29: شغل سمبوسة على عصيرات وبيتزا تراني طبآآآآآخ زوجتي علمتني من كثر ما أساعدها بالطبخ ههههههههههههههه ما اطول عليكم خلصت من تجهيز الفطور وسحبت طاولة الطعام وإثنين كراسي وحطيتهم بالصالة ووضعت قماش على الطاولة و 4 شمعات مع البوفيه ههههههههههههههه وطفيت الأنوار حقت الصالة كلها وولعت الشموع ورحت بصحي زوجتي من النوم لقيتها توها صاحيه من بنتي وجدان :15: يا حليلها وأنا اقولها إذا خلصتي تعالي للفطور بعد 5 دقايق جت للصالة وتصيح مجنووووووووووووووووووووووون رسمي وانا عاد أتميلح عندها وأهايط أنا تعبت وتعبت وتعبت ههههههههههههههههههه مزح طبعاً والله فرحت من ردت فعلها حسيت إني أسوي شي يستاهل وحبيت أشاركم بموضوعي للفايدة والله مهما سوينا ما نوفي زوجاتنا حقهم يتعبون معنا بكل شي ولازم نساعدهم ,,,, وشكراً |
الله يبارك فيكما و يهنيكم يااا رب و الله اسعدني ما كتبت يا ريت يتعلمون منك بعض الرجال الذين لا يهتمون بنسائهم و لا يشعرون بتعبهم
ان شاء الله زوجي يكون مثلك هو قالي بساعدك في الطبخ لما نتزوج لانه يحب يساعد في بيتهم و لاهنه يحبني واااصل على ما انت عليه من رحمة و حنان لزوجتك و ربي يرزقكم الجنة |
ما شاء الله تبارك الله أخوي مجنونها موت
الله يسخركم لبعض يارب ويسخرلكم كل خير , شكراً أنك تشارك هذي الفكرة هنا في المنتدى , الحياة الزوجية بالفعل بحاجة إلى مثل هذهـ الأمور جُزيتَ خيراً . |
ماشاء الله ..
الله يدييم هالروح الطيبه بينكم ... ويجزاك خير .... |
بعد الفطور إللي سويته اليوم ورد فعل زوجتي شعرت بفرحه كبيره
وأنا رايح لصلاة العشاء لبست وأنا راكب السيارة إتصلت علي زوجتي وقالت تلقى ورقة صغيره في المحفظة فرحت كثير فتحتها ولقيت رسالة حب من زوجتي تشكرني فيه وتعبر عن مشاعرها تجاهي وحمدت الله تخيلوا التعب راح كلها ساعة سويت الفطور وكل شي تبقى هذه الرسالة بتاريخ 3 / 9 / 1432 هــ ذكريات جميلة أتذكر فيها هذا اليوم طول عمري ,,, |
الله يهنيكم ويستر عليكم يارب |
الله يهنيكم ويسعدكم
|
ماشاء الله ولا قوة إلا بالله
أدام الله عليكم روح المحبة أخي الكريم لكن لا تنسوا أذكار الصباح والمساء ، ، ، والله يحفظكم ويرعاكم |
ماشاء الله تبارك الله
كفووووو والله ياخوي والنعم برجولتك ولطفك الله يوفقكم ياااارب ويحفظكم من الحاسدين وشياطين الانس والجن |
اخى
ممكن اعرف صاركم كم متزوجين؟ شكد المدة؟ |
فيري ناايس :22:
هذا النوع من المفاجات يشعر الزوجه بتقدير وحب زوجها لها لانه قام بفعل امر مختلف وقليل مايقوم به الرجال .. كثر الله من امثالك والله يحفظكم ويديم عليكم السعاده والهناء .. |
مو داخل مزاجي...احسك تحلم وتجي تكتب حلمك هنا..
عموما الله يهنيكم ويحفظكم ويكفيكم شر الحاسدين |
حركه تجنن
يابختها فييك الله يخليكم لبعض |
مشكورين ع الردود الجميلة
الأخت مطرية ( صار لي 5 سنوات من تزوجت ) والأخ ليه الغرور ؟ أنا ما سويت معجزه عشان تقول : ----> ( مو داخل مزاجي...احسك تحلم وتجي تكتب حلمك هنا.. ) كل إللي سويته قمت بإعداد الفطور في أجواء رومانسيه إذا تشوفها حلم عندك أنا أشوفها من أبسط الأشياء إللي ممكن أقدمها لزوجتي الغاليه وشكراً |
ماشاء الله الله يهنيكم ويزيدكم من فضله لاتنسى وردك اخاف ننضلكم تخبر رجالنا يخونونا ومحرومات هههههه بالجنه إن شاء الله خير وابقى
|
الله يسعدكم
|
معقووول؟
:25: صراحه اكثر من موضوع لك بديت اشك ؟ معليش بس ماني مستوعبه ؟ ع العموم الله يهنيكم اذا انك صادق .. |
الله يوفقكم يارب
|
5 سنين ماشاء الله
الله يديمـ عليكمـ الحب والصحه والعافيه فكرت بالاول انكمـ بالسنة الاولى رواج |
الله يعطيك العافيه وليه الاخوات مستغربين
عادي زوجي كان دايما يعملها انما من غير شموع ادعو الله ان يديم عليكم المحبه ويبعد عنكم الحسد والعين |
اقتباس:
عن نفسي سواها بس مو بالاكل ..كان بغرفة النوم واضواء وكنت وقتها جايه من السفر .. فكانت ذكرى راائعه بقلبي ... / اتمنى تكثر من هالمواضيع سواء من الزوج او الزوجه .. نبي نتفائل نحس فيه شئ ممتع بالقسم .. احيانا يجيني تشبع بالقسم ولااحب ادخله ... مااقصد امنع احد او انتقد .. لكن نحتاج الى مواضيع مبهجه ومفرحه .. الله يديمها على الجميع يارب ويرزق كل شخص السعاده والهناء .. |
ليه تكتب مذكراتك اليوميه ؟؟
أحس انها اسرار بيوت يعني ماله داعي تكتب مثل هالمواضيع |
اقتباس:
الله يوفقك قول آمين ولا تعصب علي مره ثانيه خلك :22: مبسوط وش أسرار بيوت يا خوي أنا ما كتبت أسرار ولا مذكرات أنا أكتب وأفيد وأستفيد من الجميع كلنا أخوه ونتعاون بأفكار تفيدنا في حياتنا الزوجيه تحياتي لك ,,, |
ماشاءلله الله يهنيكم
ويسسخركم ل بعض ولا يغير عليككم موفق |
اقتباس:
انا مو مستغربه من اعدادك للفطور..انا مستغربه من انك كل فتره بسيطه تسوي شي احلى من الي قبله وتجي تخبرنا وهذا اساسا راجع لطبعك انت ...انت من الا ساس تحب تسوي وتحب المفاجآت...اما ان كان طبعك العكس مثل اغلب رجال الشعب السعودي المعروف بالرفاهييه ةالتدليل من قبل الزوجه فاكيد ماراح تسوي الي انت سويته مهما كان حبك لزوجتك يتعدى الحدود وقاسم قلبك نصين.. قد يكون الرجال هنا يشكرونك ويدعون لك بالسعاده الابديه ويعجبون بمافعلت لكن لايستطيعون التطبيق.. بالنسبه لزوجي يقدم لي كل الي ابي وكل شي نفسي فيه وافكر فيه اتفاجاانه جايبلي اليوم الثاني الا مسالة دخول المطبخ هذي مستحيله لا واعداد فطور بعد...مستحيل لانه مره كسووووووووووول.. |
ماشاء الله تبارك الله
الله يديم المحبه والسعاده بينكم ويبعد عنكم شر الحاسدين |
الأخ مجنونها موت عجبتني فكرتك وطريقة تعاملك مع زوجتك الله يسعدكم اليوم عملت نفس الطريقة هذي والله ادعي لك من كل قلبي نتائجها كانت فوق الممتاز تأثيرها فوري تزيد من الحب بين الزوجين لا تحرمنا من جديدك يالغالي وننتظر المزيد منك |
ما شاء الله تبارك الرحمن .. الله يسعدكم ويجمعكم على الخير والمودة دائما .. فعلا مثل هذي المفاجآت والافكار تدخل الفرحة على قلب الزوجين زوجي ربي يحفظه ماخذ رمضان هالسنة كله على راسه .. من طبخ وبرنامج رمضاني وغيره .. لاني حامل ربي يسعده ويسعد كل زوجين يارب ... جزاك الله كل خير اخي الكريم على طرح الفكرة .. |
| الساعة الآن 12:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©