|
طريقة التعامل مع الطليقـ /ــة
السلام عليكم ورحمة الله وبركاته
الفكرة الأساس من طرح هذا الموضوع هو إفراد صفحة ناصعة االبياض جميلة الطلة مشرقة في سماء الطلاق الذي أحله رب العباد وأفرد له سورة باسمه وذكره في سنام القرآن وفسطاطه ( البقرة ) والوقوف على تجارب الطلاق الناحج بغض النظر عن ماهية الطريقة وعن الآلية التي حولت الزوجين لمطلقين هنا نذكر فقط الأساسات التي تجعل من الطلاق طلاقًا سلميًا لا يتولد منه عداوات تضر المسلم بالدرجة الاولى وتتوالى للذرية وقد تتشعب للأهل والعلاقات الاجتماعية أرغب هنا في خلع ذلك الجلباب الأسود للطلاق نعم هناك طلاق جميل ورائع وناجح وهنا نذكر فقط طريقة التعامل الناجح مع الطليقـ /ــة |
بالنسبة لي اعتبر طلاقي ناجح نوعا ما
حمدا لله لم اسمح لاحد بذكر طليقي بالسوء لاننا انتهينا عند هذه النقطة فلما نعيد ونكرر مواقف لن نجني منها الا الاثم والشحناء تعاملي معه ليس مباشر ابدا بل عن طريق اخي او اخته والاحترام سيد الموقف بفضل الله |
بوركت يمناك أختي بسمة الإشراق .. موضوع رائع ، ، ، بالذات إذا أسفر الزواج الفاشل عن وجود أطفال !! وليس بالضرورة إطلاقاٌ ان يترتب عليه طلاق فاشل .. لي عودة بحول الله |
بانتظاركــ ...
|
المشكله مو بالطليقه يا بسمه
المشكله بالمطلق واهله وحطي تحت اهله مليوووون خط هم اللي عادة يتكلمون ويألفون قصص وخرابيط مايردعهم لا قيم ولامباديء ولا وازع ديني |
^
^ ^ طلاقي فاشل من طرف طليقي الفاشل واهله الفاشلين حسبي الله ونعم الوكيل فيهم لا وابشرك طلق زوجته الجديده ونفس الكلام طلعوه عليها |
ياهلا وغلا بسمة الاشراق تقبل الله طاعتكم
علاقتي مع أهل طليقي مازالت مستمرة وكأن شيئا لم يكن لان مالهم ذنب وطليقي عاش حياته وتزوج الله يستر علينا وعليه خلاااااااااص علاقة والله مااراد لها الاستمرار وصفحة وانتهت قال تعالى ( وان يتفرقا يغني الله كلا من سعته ) وانا متأكدة ان مثل ما الله أغنى طليقي قادر سبحانه ان يغنيني اسأل الله ان يعووووووووض كل مطلق ومطلقة خيييييييييييير |
اقتباس:
اذا هم ماشافوا هذا الشي راح يشوفه غيرهم وصدقيني مهما طلعوا عليك واتكلموا والفوا والله والله ان فيهم عاقل لابد يشوف خيرك ياختي يقولك في كل قبيله هبيله وانا اقولك في كل ناس شخص واعي يعني زي مافيهم حب الانتقام والتشفي فيهم شخص يزن الامور صح انت قدمي اللي يرضي ربك وانسي هفوات الناس وامسك عليك هذا ( اهم شي حبيبتي امسك لسانك ) لايسمع احد منك لاقريب او بعيد كلمة شينه في حقهم حبيبتي الناس مالهم في حياة انتهت صدقيني اللي تسأل تسأل علشان تروح تسولف لا تسمحين لاحد يسوي من حياتك سواليف للمجالس ولمكالمات اخر الليل واذا وصلك اي شي عنهم اي كلمه ردي بالتي هي احسن او قولي ربنا وحده العالم حتى دعاء لاتدعين اذا ماتقدرين تسامحين اقلها لا تدعين قدام الناس يالغاليه انا بعد طلاقي فيه ناس من قرايب طليقي يعني مو اهله طلعوا على اغرب اشاعه ممكن تطلع على مطلقه قالوا مشلوله لاني مريت بتعب كبير طيحني على السرير فتره حتى الجلسه ماكنت اقدر عليها ومع هذا مشت الايام وعافاني الكبير المتعال القادر الذي بيده ملكوت كل شي الحمدلله والان الخجل يلفهم لف كل ماشافوني حبيبتي هذا طليقك طلق للمره الثانية ربك رد لك اعتبارك انت الان مو محتاجه ابدا تكوني لهم ند يعني خلاص شيلهم من الراس ولدهم صار معروف عندهم ( بل الانسان على نفسه بصيرا ولو القى معاذيره ) والله والله والله حتى اهله خجلانين منه الان وهو خجلان من نفسه يعني ارفعي نفسك عنهم واعيد لاتكونين فاكهة لمجالس النساء ابداااااااااااااااااااااااااااااااااااا |
اقتباس:
جدا جدا جدا رائعه بارك الله فيك وكثر امثالك بإذن الواحد الاحد ان الله سيغنيك بما يسر قلبك ابشري بالسعاده حبيبتي |
بس الي قهرررررني طليقي وزوجته وبنتي يوم تجي عندها شوفي حسبي الله عليييييييه طلق وعاش حياته وانا الضحيه
|
يامرحبا يااخت بسمة الأشراق
موضوع جميل بارك الله فيك بس ياأختي الغاليه فيه أشياء تصدر من الطليق تحرق القلب وصعبه تنسينها والأحساس بظلم شئ يقهر يقهر يقهر والمشكله الأكبر لما تشوفينه عايش مثل السكني ويكون تزوج وجاب عيال وحياته مستمره واللي يقهر أكثر ماااااايجي ييشوف ولده إلا من فترررره بعيده شوفي على ان مرته توها والده ولافكر يجي يشوف ولده قسم بالله أن قلبي يتقطع على ولدي تقطيع دائم الانسان الفاشل يحب يتهرب من فشله السابق بس وش ذنب هذا الضعيف واللي يقهرك أكثر (انه انسان جحدني هو واهله عند زوجته الثانيه وقالو انه مارجعني هذا يقهرأسأل الله أن يأخذ حقي منهم أذا كانو ظلموني على اني اشوفه ظلم واستغفر الله والله أني أزين بكثيرررررر من زوجته الله يستر علينا وعليه شفتها والله لا للبس ولازين ولاكشخه حتى هي حسبي الله عليها كانت ترسل لي رسائل تقهرني وقالت كلام لطليقي أنا ماقلته وهو لعب بمشاعري الين قال بس على أني أول زوجه خذها بس أن شاء الله حوبتي ماتتعداهم من ناحية علاقتي فيهم فو الله أحيان تحووووم كبدي منهم وهم ارجعو يواصلوني وطبعا أنا أجاملهم علشان الولد فقط ولا الود ودي أنه تنقطع علاقتي فيهم للأبد وسبحان كل مابغيت أسامحهم اتذكر أفعالهم وكلامهم وشوي اسامحهم ولاتذكرت دعيييييييييييت عليهم على انه والله العظيم لدعيت أحس براحه عجيبه يارب تنصرني وتنصر ولدي وترفع قدره وتعز شأنه وحسبي الله ونعم الوكيل |
ياربي ترسل لك والله انقهههههرت مدري وش اكتبلك ويالتني ادري وش رسايلها مثل وش عن حياتها
|
:21:رسائله فيها لكاعه وزي اللي تتمسخر
|
مايصير لوحده راضيه على طليقها وتدعيله بعد الا كل واحد منهم راضي بالفراق والمفروض مايطلق الا وهي راضيه اما يطلق ومايعلم بالسبب الا بس يقول كرهتك وبعد ماعشنا خمس سنوات حسبي الله عليه وبنتي الضعيفه مافكر فيها وبعد يقول اذا جت باخذها وش القلب القاسي الي مافيه الاالنانيه والي يقهر البنت تصير مع ابوها الي بس عايش حياته ولادرى عنها لو تنخطف ولا تعذب انا كيف اخليه مستحيل يتحكم فيها ياربي رحماك ا
اسمحيلي شكلي خربت موضوعك |
اقتباس:
هل مفهومك للزواج انه وجود رجل وامرأة في بيت واحد بعقد نكاح ؟؟؟؟؟؟؟؟؟؟؟؟؟؟؟؟؟؟؟ |
اقتباس:
اعانك الله وفرج كربتك وجميع المسلمين واصلح ابنك وجعله اماما للمتقين |
اقتباس:
واحذري تتكلمين عن هذي الرسايل عند احد مهما كان قريب علشان مايوصلها وتصيرين سهلتي عليها تعذيب الورد اجمل طريقة لقهر العذال التطنييييييييييييييييييييييييييييييييييييييييييييي ش تعودي عليها صديقني راح تلاقينها سهله وجميله ونتائجها ايجابيه |
اقتباس:
السبب الكره هذا علمه عند الله الطلاق صار وهذا الاهم >> كل الطرق تودي الى روما انت تجاوزي معاناة الطلاق واسعدي نفسك وبنتك وانسيى طليقك اذا احسن لبنته الله يجزاه خير ما احسن فسهام الليل لا تخطئ الاهم احرصي على تعلق البنت في القران والله مافيه شي يطمن قلبك الا وجود القران في قلبها رزقنا الله واياك بالأزواج الصالحين لنا ولبناتنا |
اقتباس:
والله يعووضنى |
اقتباس:
ينشرح صدري لما اقرا لمطلقات ونفسياتهم اخر حلاوة |
لا فاهمه الزواج حب وانجاب وتفاهم ومسوووليه بس الي اقصده انهم عايشين حياتهم واانا الموووجوعه منهم بس بحاول انساااهم كانهم مايتين وبعد ماني مستوعبه وحده تاخذه مني احسسسسه لي بس الله يعيني غريب شعوووري تراني الحين منفعله مررره حتى عيووني فيها دموووع
|
الله يعوضنا انا طليقي ماسك هاذي الكلمه الي ما تبغى اهلي وش ابي فيها اطلقها لو معاي منها عشره الي يشوف ماسكه السوط واعذب اهله المشكله حتى لحين اهله يكلموني واكلمهم بالله هذا طبيعي ولا يستهبل والله احسه يبغى سبب عشان يبرر طلاقه اهله وربي عاملتهم بالحسنى حتى هم ما ضايقوني ندمانه اني تزوجته وخلفت ولا كان تزوجته ولا جبت اطفال سبحان الله حلمت بالاولى شفت تصرفاته قلت للدكتوره ما ابي اطفال كتبت ليا حبوب ضعيفه حقت الرضاعه لما عرفت اني حامل كرهته زياده من تصرفاته احسه ما يقدر الحرمه يحن على اهله وانا لا بس يله مكتوب يارب عوضني خير
|
الحمدلله انفصلت من سنتين والله يكتب لي الخير ولكل مطلقة
وما زلت على علاقة مع اهله احبهم ويحبوني اخترت الانفصال خير لي وله حتى اهلي صاروا معي مع العلم اني لازلت ادعي له وش ما طلع عني من حكي والحمدلله اولا واخرا |
اقتباس:
ونظرتك حلوة وقضيه انك انت بس اللي موجوعه صدقيني مافيه بيت مايخلو من المشاكل وحياة الطلق احسها صعبه لان زوجته تفسر كل تفكير يروح فيه او غفوة عنها انه يفكر في الطليقه صديقتي تزوجت مطلق تقول اذا ناظر للسقف قلت والله يفكر فيها ههههههه وقبل يومين تبشرني انها انخطبت :d يعني زوجته تتعذب اكثر منك :25: واحساسك انه هذا الزوج لك هذا من طيب اصلك ونظافه قلبك ونقاء معدنيك فهذا اول رجل يدخل لحياتك والعشرة ماتهون صدقيني بس تنخطبين راح تنسين طوايف طوايفه الله يرزقنا جميعا بالازواج الصالحين ويسعدنا معاهم |
اقتباس:
لانه مو فاهم الزواج ايش طليقك منهم فلا تندمي عليه واطلبي العوض من ربك وانه يبارك لك في اولادك واحمدي ربك انك ماقصرتي معاه او مع اهله هذا من صالحك في الدنيا والاخره وربك يالغلا مايظلم سبحانه يمكن لك فرحه وحياة سعيده تنتظرك بس ربك يحب اللحوح ألحي في الدعاء لا تتكاسلي فيه جملة قريتها مره حلوة اذا ضاقت بك الدنيا ففكر في ألم نشرح .. فعسر بين يسرين متى تذكرهما تفرح .. |
اقتباس:
بارك الله فيك وزادك من خيره وفضله |
| الساعة الآن 08:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©