|
مشكلة صديقتي ساعدوها بتنهار
السلام عليكم
هذي مشكلة صديقتي صديقتي متزوجه وزوجها يشتغل بمستشفى اختلاط طبعا وحده من زميلاتها بهذا المستشفى وكانت تراقب زوجها من بعيد لبعيد (هي موصيتها) فكانت تقول لها بكل شي وان وحده من الي هناك معجبه بأسلوب زوجها وبشخصيته مر يوم من الايام تقول صديقتي زوجي حس بشكي فيه وقام يعلمني بكل شي لانها هي الغبية كانت تقول له اهاا اجل ذاك اليوم كنت تبي شاهي حس انه فيه احد يراقبه فصار يعلمها بكل شي المهم مرت الايام والي كاننت معجبه فيه توفى احد قريب لها وماداومت اكثر من اسبوع تقول زوجي جاني يوم واعترف لي قال ترا خويي دخلني انفايت معها في البيبي على اساس اني اعزيها!!! هي قبتتتتتتتت وماتتت وقالت له بأي حققق تدخل وكذا قلب السالفة عليها وقال لها هذا جزاي اني معترف لك واني ابد ماخنتك تضايقت وبكت وصارت معاد تثق فيه وحلف لها بس يظل احساسها مو راضي يصدقة المهم قالت له يوم من الايام عطني جوالك تبي تدور البن حق ذيك البنت مالقته وارتاحت بس لازال الشك موجود لان جهات الاتصال حق زوجها نقصو كثير فشكت انه سوا لها ديليت المهم مشت السالفة ولازاال فيها شك قاتل وكل يوم هوشة معه بسبب هالشي لين جا اليوم الي طاحت فيه على رابط لهذيك البنت رابط موقع الأسك مي اسأله تقول بعض الاسئلة والكلام حسيت انه زوجي من كتاباته واسلوبه له نمط معين انا عارفته وحافظته زييين اشتعل النار بقلبببببها وتحلف وتقسسم انه هو الي كاتب هالكلام طبعا بالفصحى وتعرف اسلووبة زيين بس مافي دليل يخليه يعترف لانه كاتب لها بدون لقب او نك يدل بس اسلوبه مكشوف عند زوجته وهي محتاااااارة والله كلاها الهم ماتدري وشلون تخليه يعترف ان واجهته نكر وحاولت اساعدها بخطططه ماقدرت للعلم انها لقت اكثر من كلام مكتوب للبنت بنفس اسلوووووبة بليز ساعدوها |
المشكله انو مافي اي دليييل عشان تمسكها عليه وتقولو ليش سويت كداا ..
الله يكووون في عونها وييسر امورها .. =) |
ممممم طيب وبعد مآ توآجهه وش تستفييد
كذآ كذآ مارآآح ترتآح ولا رآح تثق فييه يعني ماله دآعي الموآجهه هي محتآجه تجلس مع نفسهآ وتقرر وشلون تتصرف يآطنش وتعيش حياتها معه وتبطل تفتش ورآه وتبطل تخلي صديقتها تراقبه يآتوآجهه وتعيش بنككد وشكك طوول عمرهاا وبعدين في شغله ترى هي مالهاا حق تخلي صديقتها تراقبه وعيب توضحح للناس انها مو واثقه بزوجها في امور ومشااككل لاازم تبقى خآآصه يعني وش يضمنلها ان خويتها مو ناشره غسيلهم بمكان عملها واككيد هي ماترضى ان زوججهآآ يراقبهاا في اي شككل من الاشكاال وبعدين هي يوم تزوجته كاانت تدري انه يشتغل بمكان مختلط ماله داعي تككبر السالفه وتراقب اذا هي ماتتحمل كاان من البدايه مارضت تتزوججه |
كلامي لصديقتك
اخيتي لا تفتحي على نفسك باب .. طيب افرضي اعترف وقال ايوة انا على علاقة فيها عجبك ولا شيلي اغراضك و على بيت ابوك ؟؟ ايش بتسوي ساعتها ؟؟ انكاره دلالة على انه متمسك فيك ومايبي مشاكل فانصيحة ابعدي عن التجسس واعرفي انك بنكدك و كثرة مشاكلك تقللي من رصيد الحب و الاحترام بقلبه وهذيك (اذا كان فعلا في علاقة) رصيدها يزيد لانه يلاقي عندها الحب و الراحة المفروض تغيري من تصرفاتك معاه .. دلعيه و هنيه و حبيه بزيادة ارجعي ابني الثقة بينكم و خليه يرجع يصارحك بكل شي وادعي سبحانه انه يكفي زوجك كيد النساء و يخليه لك |
هذا رد صديقتي
السلام عليكم حقيقة اشكركم على حلولكم لي ويعلم الله اني في قهر لايوصف طبعا ااناا حياتي صارت جحيم كل يوم اتهاوش معه بالرسائل بالجوال الفاظ ماتنقال من قهري بدال مايخفف علي يزيدني اكثر قلت له دامك غلطت صحح الغلطة الي انت غلطتها عشان اثق فيك قال لي انتي تبين حل يصغرني قهرني قهرني دعيت عليه بكل انواع الدعاوي تغير اسلوبه معي صار مايهتم لي ولايدق علي ويدور الزلة علي انقهرت منه كل ليلة ابكي واحس اني بموت انا عند اهلي وهو لأن والده تعبان مسافر معاه فصرت كل ما اتذكر هذي السالفة صرت ادعي عليه صرت مثل المهووسة كل شوي ادخل موقع هذيك الحقيرة اشيك كتب لها شيء او لا انا ان واجهته بينكر مستحيل يعترف على نفسة وبيغير من اسلوبة بالكتابة وماراح اعرفه مادري ياناس وش اسوي انا تعبت تعبت تعبت |
بصراحه هي الغلطاااانه
اولا هي شكاكه خلقه وغيووووره فوق المعقول .. يعني هي تزوجت رجل يشتغل بالمستشفى يعني وافقت وعارفة هالشئ المفروض تتقبل وتقدر ووضعه بشكل لا ضرر ولا ضرار .. وبعدين وين ثقتها اصلا فيه من الاول ..؟ تخلي صديقتها تراقبه وتنقل لها كل تحركاته ..!؟ وين الثقه بين الزوجين ؟ وين احترام الزوج ..؟ وين الزوجه الحكيمه ..؟ وين الثقه بالنفس ..؟ هل ترضاها هي على نفسها لو كانت تعمل ممرضه فيوصي زوجها واحد من الموظفين عليها يراقب كل تحركاتها ايش نظرتها له لو عرفت .!؟ ( بيطيح من عيني ولا يثق فيني ولا يثق بنفسه ومنتقص من روحه وهالشئ راح يؤثر سبيا من نظرتي له ) .. واذا على سالفة انه عزاها بالبيبي وانفايت كمان مع صاحبه وقبت فيه اجل وش بتسوي اذا عزاها بالمستشفى ..؟ السالفه عاديه ماستحق كل هالعصبيه منها .. ولو الموضوع يثير الغيره اوكي بس مو بهالصوره ..!؟ وبتصرفها اصلا فقدت انه يبوح لها بااي شئ .. بعض الزوجات للاسف هي فقط لزوجها ( زوجه ) وليست زوجه وصديقه ... وتقول الحين زوجي لا يدق و يدور علي الزله يعني هي اللي ماتدور عليه الزله ..؟ وبعدين اللي تحب ماتدعي على زوجهاا .. ياليت ستعيد توزانها من جديد وتنظر لحياتي بشكل عقلاني اكثر بعيد عن الشك والغيره القاتله والتهووووور .. ( وتعتذر عن تصرفاتها الاولانيه ) .. خليها تثق بنفسها اولا وبزوجها ثانيا .. ولما تشوف شئ او تحس بش يستحق الشك هذاك الوقت تتصرف بحكمه ورويه .. الله ييسر امرها ويلهمها الصواااب .. |
الله يهديها ويصلحها هي الغلطانة كيف تخلي صاحبتها تراقبه وتتجسس عليه عييييييب فشلة والله وفوق هذا بدل لاتحتويه أكثر عشان يبعد عنها زادت الطين بلة بطولة اللسان والأسئلة والحنة والزنة هي إيش استفادت الحين تقول زوجها مطنشها وماعاد زي أول معها خليها تصلح غلطها وتروح تعتذر منه وتطلب السماح وترجع لبيتها |
اقتباس:
مشكورة حبيبتي بس هي حساسة خلقة هذا ردها علي بالمسن كيف اررروح واعتذر منه واصالحه وهو فتح لها بـاب ومجـال بالانفااايت يعني كل مره بتصير مناسبة او عزا او مرض بيقعد يسسسوي كذا او هي بتسوي كذا هو سمح لها تتمادى كيف بثق فيه ولا اتقبلة ليش ماتحسسون فيني هو قال لي بسوي لك كل الحلول الي تبين بس ماني عارفة ان واجهتهم ويا بعض ممكن تزيد وتقهرني فيه ماادري شسسسوي تعبت نفسيا طيب لو احسن الظن فيه ليش ما استشارني اول وقال لي بدخل انفايت اعزيها ليش يوم سوا فعلته وحس انه ممكن يجيني خبر جا واعترف لي ليش؟؟؟وعقب تغير اسلوبة ومعاملته لي طيب ليه مايحس فيني انا زعلي وعصبيتي ردة فعل طبيعية كأي وحده ليش هو مومتقبلها لانه غلطان وماعنده حجه |
اقتباس:
ياعزيزتي لا كونين مثل الدبور اللي زن على خراب عشه .. وباسلوبها هذا ودعاوي وكلام جارح وشك وتجسس .. لا تلوم زوجها لو التفت لموظفه عنده هاديه وراكده ..! اعرف شخص يعمل في مستشفى .. وزوجته تشك فيه 24 ساعه وتفتش من وراه وكل شوي قابه فيه اخرتها طفش منها ومن نكادتها وكاد ان يطلقها بالاخير تندمت ورجعت له وعقلت .. اتمنى تعتذر له وانها كانت شوي معصبه ونفسيتها متعبه وتضيف كلام طيب .. بعدها تخف شوي من غيرتها وتتعامل بهدوء وحكمه اكثر .. كم عمرك صديقتك ..؟ |
اولا: اسلوب المراقبه غلط و لا يجوز شرعا و لا أخلاقا. و لابد ان صديقتك تبعد عن مثل هذي الامور، بالذات تفتيش الجوال، أحسه عمل طفولي و يعبر عن قلة ثقة في النفس.
ثانيا: الرجل يعمل في مكان مختلط، ما راح نوادي ليله لا سمح الله، هذا عمل، ما فيها شي، و لا هو سبب يدعو للشك، و إذا بتشك لهذا السبب، فالمشكلة فيها و لازم تعالج نفسها. ثالثا: كل رجل في الدنيا يبحث عن قلب يرتاح له، إذا ما وجده في زوجته، راح يبحث عنه في مكان ثاني، سواء مع هذي البنت أو مع غيرها. و بالوضع اللي وصفتيه، لو زوجتي تسوي كذا (و انا اعمل في مكان مختلط جدا و عايش الوضع) لو زوجتي تعمل معي كذا، كنت إنفصلت عنها بدون تردد، لان هذي إهانه للزوج. و أخيرا، إختي الكريمة، صيغة سؤالك كأنك تبحثي عن مكيدة للإيقاع بالزوج. هذا عمل ينطوي على عدائيه و خالي من المحبة و المودة و الرحمة اللي يقوم عليها الزواج. و إذا صاحبتك بتمشي في هذا الدرب، لازم تتذكر شغله مهمة، أن العصمة في يد الزوج، فإذا حاصرته بهذي الطريقة العدائيه، لا تزعل لو جاء اليوم اللي وجد الزوج نفسه مضطر يستخدم كلمة "إنتي طالق" و يفك عمره من النكد. عسى الله يوفقكم. |
حبيبتي احنا حاسين فيك
بس اللي تسويه غلط كان ممكن تبعديه عنها و تحسسيه بغلطه بشكل افضل من كدا اتخيلي معاي الاتي .. لما جا و صارحك .... سكتي و كتمتي غيضك .. وزودتي من جرعة الاهتمام و الحب .. كل ماجا يمسك التلفون اشغلتيه بشي .. يوم ماقالك على العزاء .. كنتي قلتي له واجب بس خليني انا اعزيها .. عيب ايش بتقول لو انتي عزيتها (ودخلتي من باب الحرام و الحلال ) بكل هدوء النتيجة كان مابيقلب عليك و بيزيد حبك بقلبه و هذيك بتبقى مجرد زميلة لكن اتي الله يهديك عالجتي الغلط بغلط اكبر و افظع الصراخ و اللعن و الشتم ماراح يجيب لك حل .. بالعكس ابتدينا بالنتايج المتوقعة وهو عدم الاهتمام .. لو استمريتي صديقني السيناريو الوحيد و النتيجة الوحيدة بتكون انتي نكدتي علي و انا ما اقدر استحمل وروحي بيت اهلك بطريقتك بتخليه يعاند وحتى لو مافي شي بينهم راح يعاندك و يسوي شي فا يا اختي ارجووووك اهدأي فكري و ارجعي اكسبيه بالهدوء و طول البال و العقل و خلي عنك االسب وكل اللي تسويه اعتذري منه برسالة ..قولي له انا فكرت وفكرت و لقيت اني غلطانة بحقك قولي له رد فعلي كان كبير و اكبر من الفعل .. بس هذا كله لاني احبك و اموت فيك وانت حياتي الخ الخ :) وابدأي معاه صفحة جديدة و لا توريه الغيرةو الشك و لا توريه المرأة المجنونة بتصرفاتها والفاظها وانما كوني نعم الزوجة بعقلها و حكمتها و قبل ما تتكلمي الكلمة فكري الف مرة وصدقيني بيرجع لك احسن من اول ربي يوفقكم |
ماعليش ترا صاحبتك زودتها حبتين...
الحمدلله زوجي موظف في قطاع صحي يعني مختلط . في البدايه كنت اغير بس بعدين صار يقول لي في المجال المختلط لابد ان يصير تبادل بالكلام بين الجنسين لان ظروف العمل تحتم كذا وبعض الاحيان تبتسم او تضحك من المواقف اللي تصير. في البدايه ماصدقته بس خففت كثير من غيرتي عليه. بعد مادرست وبديت تطبيقي لاحظت كلام زوجي وكان بالفعل صحيح في امور العمل لابد من التعامل مع الطرف الاخر. وبعض الاحيان تصير مواقف تخليك تضحك بالغصب. بالتطبيق اختلطت مع شباب وبنات من الفلبين والهند والسعوديين طبعا بس والله العظيم اني ما ارتحت الا للسعوديين لانهم كانوا يشرحون لنا كل شي بالتفصيل الممل ويخلونا نشتغل على الاجهزة مع انه ممنوع نظاما. وعلى فكرة زوجي رقمة عند كل الموظفين والموظفات اللي معاه بالقسم ومع عامة الناس لانه مسؤول الطب المنزلي عندنا بالمنطقة والله انه تجيه اتصالات بنص الليل وماكنت اتضايق لانه هذا عمله اساسا وفيه اجر لانه يتواصل مع المرضى وياخذ اخبارهم ومتى يحبوا سيارة الطب المنزلي تمر عليهم في بيتهم والحمدلله هو مرتاح وعلى يطول يسولف لي عن الاشيا اللي تصير معاه من مضحكه الى محزنة. يا اختي قولي لصاحبتك لاتشيل هم اولا في ربنا فوق يحاسبه على ادنى الدون وانتهى الموضوع. |
مشكورين حبايبي انا خذيت الباس حق صديقتي
انا ابي حل يصيدة دايم احساسي مايخيب وانا متأكده مليون بالمية انه هو الي كان يكتب لها بس مادري كيف اواجهه ولافيه دليل امسكه عليه غيرررر احساسي وطريقة اسلوبة ونمطه بلكتابة وربي اني ابكي كل يوم واختنق ولا ادري وش اسوي اخر مرة طفش وكتب لي بـ رسالة انا اللي ما ابيك بسبب الفاظي معه بالرسايل وتراه كان اول يتحملني ويرجع يقول لي ادري ليش كنتي تكتبين كذا من باب غيرتك بس وانا ماني زعلان منك شوفو ياناس والحين ماعذرني ولارحمني ولاقال من باب حبها وقهرها وخوفها علي تكتب كذا ومن عقبها لهذا اليوم و والله ضعفت من الهم وحياتي تدمرت خلاص صرت ادخل المسن على المحادثه حقته ابكي واكتب كلام يعور القلبببب له وهو اوف لاين وادعي واجرح وكل شي انا تعبت ما اقدر احبه ولا اقدر اكرهه انا احس اني ماراح اثق فيه انا كنت احبه مو بس احبه مجنونه فيه وهو كان يعاملني زي الملكة ويدلعني ليه تغير علي |
uppp
|
اقتباس:
سبحان الله !! انتي الان تبحثين عن المشاكل بنفسك ابتعدي التفكير السيئ وظني بزوجك الظن الحسن وابتعدي عن الشكوك ((مشي امورك بقد ماتقدرين الى ان تشوفي شي في بعينك او تسمعين بعد كذا تقدرين تتكلمين ... اما ياختي تجين وتبحثين وراه وتدورين الزله الا يعني يطيح بهالشي وبعدين صديقتك كيف تثقين فيها ؟؟ وزوجك اللي عايشه معه ماتثقين فيه!!!! )) يمكن صديقتك اخطأت بنقل الخبر .. او اي شي صار بالخطأ من صديقتك ... اذكري الله وادعي ربي يحفظكم لبعض بهالايام الكريمه افضل من انك تبحثي من وراه لين يطيح بشي .. |
حاس بوضع زوجها
من جدددد زهققق، أوك في البداية ممكن يمشي ألفاظك وتجريحك على أساس إنها نابعة من محبتك وغيرتك لكن بعد فترة لمن بس يلقى سب سب وشتم وتحقييق ومراااقبة.. خلاص حيمل، والرجال ما اتزوج إلا عشان يستقر ويلقى شي بالحلال، لكن لمن يحاول يحاول يحاول يداري زوجته عشان ويقلها كل شي ييصير في العمل، يقوم في المقابل يلقى شدة أكثر في التحقيق وتلفض ودعاوي؟؟.. إش ردة فعله تكون؟؟ أكيد بيزهق ويطنش أسمعيني يا أختي أنا عايش في بيئة مختلطة جداً، والحرام سهل سهل أسهل مما تتصوري لمن الزوج يحاول يلجأ لبيته وزوجته عشان يبعد عن الحرام، فيجد منها سوء المعامة والتضييق وربي يمل ويطققق ويروح يدور برا على قلب يفهمه، الآن بدل ما يفضفض لك مثل أول.. بيروح برى يدور على أحد يسمعه، إنتي جنيتي على نفسك بشكوكك، وصدقيني لو مشيتي في هذا الطريق حتتعبي حتتعبي، وممكن تكون سبب إنحراف زوجك أو زواجه بثانية! للأسف الرجال يدفع اللي قدامه واللي وراه عشان يبعد بالحلال من البيئة المختلطة اللي عايش فيها فيلقى من ينكد عيشته ويضيق له وسع الدنيا... الله يهديكي بس، زوجك يستحق الإعتذار |
سبحان الله
انتي اللي تبغي المشاكل بدل ماتهدين اللعب تزيدينها يابنت الناس احتوي زوجك ولا صدقيني راح يدور للي تحتويه واسئلي البنات اللي متزوجات من رجال يعملون بمجال مختلط ترا وربي طبيعي انه يكلم بنات لان عمله مختلط ( يكلمهم في امور العمل طبعا) |
| الساعة الآن 03:20 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©