|
محتاره في مساعده زوجي
بصراحه محتاره كثير في مساعده زوجي
المجتمع والي حواليني خلونا نتعقد قريب بإذن الله راح نسكن منزل او نصف بيت دبلوكس وزوجي هاليومين يحاول يجتهد يخلص قبل ما يحل علينا الإجار بس راح نسكن باثاثنا الى ان ربي يرزقنا ونأثث بس انا مقتهره اروح ببعض اثاثي من ضمنهم غرفت النوم وتوني بعت طقمين ذهب جابو لي سعر حلو وحابه أشارك ببعض التأثيث من فلوس الذهب ومتردده احيانا فكرت افاتح زوجي واقوله أني اذا حطيت بالبيت مبلغ يرد لي على الاقل نصف المبلغ وليه فكرت يرد له نصف اذا ربي رزقه لان ماني موظفه وماعندي المبالغ الكبيرة شرايكم |
شوفي اختي
على حسب زوجك اذا هو لاينسى الجميل ومن النوع اذا اخذ الشئ منك يرجعه فاأنتي سااعديه .. اما اذا كان جحوود ونكران بالجميل فلا تسااعديه .. هذي وجهة نظري والله يكتب لك اللي فيه الخيير |
أولا مبروك عليك الشهر ... ومبروك عليك البيت الجديد ... اسمحي لي اختي ... صراحة ودي اطلع شيء بخاطري ...
ياحليل الرجال السعودي ... يكد الليل و النهار علشان يعيش اهله في حياة كريمة ... وياليت يسلم من كلام زوجته ... انت وينك مانشوفك ماتجلس معنا ليش مصروفي قليل ... العيال رايحين المداري يبون فلوس شنط و و و الرجال عنده ارتباطات عنده وجهه قدام الناس بالعزايم ... والأخت أهم شيء جب جب الخ ... والي يذبحني اذا صارت مدرسة ... وتقول انا مالي دخل بك البيت اجارة فواتيرة النت الموية و المطبخ ... ولا ابيك تجيب لي شغاله ... سلامات ... وين عايشين ... أنت وين تقديرك انه تسامح معك و خلاك تروحين وتتركين البيت و اكيد راح تقصرين في حقوق البيت ... وأخر شيء الوحدة تفكر أنها متفضله علي ابو ابوه لو اعطة قرشين ونسيت أن حياته كلها لتأمين حياة كريمة لأسرته يعني ما عمرنا سمعنا ان فيه رجال حط البيت بجيبة و ترك اهله بالشارع بل البيت لأهله و المشكلة الناس تطلبه ديون و متسلف من الخلق علشان مين ؟؟؟؟ و الله أحيانا أشوف حياة الغرب أحس فيها شئ زين وشين بنفس الوقت ... الزوج والزوجة متشاركين بكل شيء ... اجار البيت الفواتر وكل واحد يشتري بفلوسة الي يبي يعني غير ملزوم في احد ... لكن حنا للأسف أن الزوج صاير أب ... وياليت انها تملي عيونهم ... تروح للحريم وتحش زوجهااااا برجولة والرجال شغله الشاغل كيف يخلي اسرته اسعد اسرة بالحيا ة ... آسف اختي الكريمة ... لكن حبيت أطلع شيء بخاطري ... أما نصيحتي لك ... أما تعطينة عن طيب قلب وتقولين هذه مشاركة مني في بيت أسرتنا الكريم ... والله لا يهينك كم من مأت الألوف دافعها بالبيت ولو كان عندي اكثر كان شاركتك ... وهذا كل الي معي ... أو خليها معاك ... و الله بيرزقه البركة بالباقي ... |
والله اذا انتي مو موظفه
المفروض من الاساس ما بعتي الذهب ، بس ما دامك بعتي اذا هو يستاهل ساعديه لأن البيت لكم كلكم ، واذا في خاطرك شي لا تساعدينه وارضي بالأثاث العادي او القديم ، اسمحي لي صراحه انتي ما حطيتي الموضوع الا انك متردده كثير فخلي فلوسك عندك احسن من المشاكل . |
همه فوق القمه مشكوره ياقلبي
وزوجي احين تضمنه لكن بعدين ما ادري زوجي طيب ومايقصر عليه لكن كما قلت هو له راتب ومدخول شهري وانا ما عندي الا ذهبي وشيئ من المال في حسابي وبصراحه مادري حياة افضل حياك الله وردك شبيه برد زوجي او المتوقع من زوجي راح يقول انا قادر وان شاء الله ما احتاج لاحد وراح يقهرني رده وبكون تحسفت ان عرضت عليه مازلت محتاره ان بغيت أساعد واضمن شيئ من حقى مافيها عيب |
ان شاء الله الف مبروك ولا تنسى لما تدخلي البيت تقولي < اعوذ بكلمات الله التامات من شر ماخلق> ثلاث مرات
والله يباركلكم فيه اما تعطينه والا لا بصراحه ياليت تستشري مختص احسن .حتى لو شاركتيه تكوني مرتاحه اكثر |
اقتباس:
|
ساعديه هنود وما تطلبي منه انو يرجعهم
وكل ما اعطاكي مصروف دخري منه وارجعي اشتري ذهب قطعه ورا قطعه طالما انه يعاملك بالحسنى فلا تبخلي عليه مبارك البيت الجديد وقولي له حلو انو ندخل بعفش جميل اذا اقدر اساعدك |
مو بالضرورة رايي يناسب الجميع، كل بيت و له ظروفه. لكن انا كزوج تعرض علي زوجتي قرض ( عملية مالية) ما رح اقبلها. في بداية حياتي احتجت مبلغ لتجارة. زوجتي عطتني تحويشة عمرها بدون ولا كلمة ولا حتى طلبت منها شي. الحمد لله لما ربنا فتحها علينا رديت لها اضعاف مضاعفة بدون ما تطلب.
اختي يمكن وضعكم مختلف و لكن اللي احب اقوله لا تجرحي زوجك. و اذا تبين تساعدينه على سبيل القرض قولي له بدبر لك مبلغ من اهلي من صديقاتي و انت رجعه بمعرفتك. الله يوفقكم. |
أعطيه بدون ماتشرطي عليه يرجعها أو لا تعطيه
|
اعانك الله على اتخاذ القرار
واذا ساعدتيه يجب عليك اخذ ورقة وعليها توقيعه حتى يرجع نقودك متى مافتح الله عليه |
اقتباس:
لو كان أبوها هو المحتاج هل كانت ستفكر مجرد تفكير ان تأخذ عنه ورقة ! لماذا يعامل الزوج بمنطق الشك والريبة دائما كأنه عدو لا حبيب ؟ |
بالله عليكِ هذه هي العلاقة الزوجية المثالية .. مع اني ضد الطلب من الزوجة لكن لو تفكر زوجتي بهذه الطريقة
سيكون آخر يوم لي معها , بالفعل الحمدلله على العافية |
اعطيه مساعده لزوجك من غير لاتقولي رجعها و حتى لو مارجعها و انسيها راح يقدر لك موقفك
|
اقتباس:
صديقتي اعطت زوجها مبلغ كبيرا جدا لمساعدة زوجها لبناء منزلهم وبعد تمامه تحسنت حالة زوجها المالية جدا ولم يفكر في ارجاعها بل بدأ يفكر في هذا المبلغ في الزواج من جديد فأي امان للزوج :11: |
اقتباس:
وانت على طول انفصال فأي حقوق تلك الزوجة |
يا أختي نصييييييييييييحه لاتساعدين زوجك إلا في حالة أنه بيعطيك الفلوس
أو قولي له راح أتسلف لك من واقع تجربه أختي باعت كل ذهبها لزوجها عشان محتاج يشتري سياره وربي لها أكثر من 3 سنوات وما سدد لها ريال واحد مع أنه بخير نصيحه هو رجال أتركيه يتصرف\ أو مثل ماقلت لك قولي له بتسلف وكل شهر أسدد هذا افضل حل والله يسعدكم يارب |
كم بيجي سعر الذهب لو فرضنا 50 الف ............ اعطيه وافرشي بيتك وانبسطوا ولا تطلبي يرجعهم
ترا البيت بيتك حتى لو كان باسمه ................ لمين اشترها ومن بيسكنه مو انتي ؟؟؟؟؟؟؟؟؟ |
اقتباس:
فلماذا أعيش معها , ربما تبيعني يوما من الأيام اذا عجزت عن القيام بحقها .. فلماذا أنتظر هذا اليوم .. |
اقتباس:
وايهما افضل يتسلف من زوجته ومتى ماتوسعت ارجعها او يتسلف من بنك وياخذ فؤايد او من صديق ويجلس يرن على رأسه حتى يرجعهن بل تسلفه ويكتب وتنظم الامور والحياة السعيدة مبينة على التفاهم واعطاء الحقوق |
نصيحة لوجه الله
خليه يتكفل بالباقي ولا تتدخلين الا اذا طلب هو ذالك 1_ انتي لستي موظفه 2_ بتساعدينه على شيء ثانوي وليس اساسي يعني اثاث اسكني بالقديم لين الله يفرجها بالعكس كذا افضل كل فتره تضيفون شيء جديد 3_ بينكسر قلب زوجك اكييييييييد لما تقولين رجعها بعدين خليك في السليم وابعدي عن وجع الراس فرحتك بالبيت الجديد الله يجعلة مسكن مبارك خلتك تبين الفرحه كامله ببيت واثاث دون حساب العواقب التاليه لما تجيبه الفرحه وتلقين نفسك فرطتي في مالك الوحيد اخواني الاعضاء الرجال انا لا امانع من مساعده الزوجه لزوجها ولكن بحدود والذي يقول الزوجها دايم طلبات جب للمدارس جب مقاضي جب وجب .............................عجيب جدا جدا هذا واجب عليك لعيالك ولزوجتك وان ما كنت قد المسؤليه لا تتزوج وتجيب عيال بس اذا كنت طلباتها زياده على الطاقه زي سفرات خارج المملكه وتغيير الاثاث دائما معقوله ما الوم الرجال حين يتشكى لانه غير اساسي وبطران ولو فكرنا ان التي تسال ابنتك او اختك والله ليتغير التفكير تخيل بنتك عندها 50 الف وغير موظفه بتقولها ساعدي زوجك بشيء ثانوي وليس اساسي مثل التاثيث وهم عندهم اثاث بس يبون جديد وطيري تحويشه العمر !!!!!!!!!!!!!!!!! |
اسهرني الجرح ناويه استشير ان شاء الله
حياة افضل شكرًا لمرورك انا نويه أشارك مساعده ويرجع لي نصف المبلغ يعني بساهم بجزء منه وعموما لو بقوله خائفه من ردة فعل وأتوقع مايوافق على اعتبار أني يمكن امن عليه يوما من الايام لانه رافضه يعرف كم في رصيدي رغم انه مبلغ زهيد* قرين حياك الله لكن كأحد يقدر يشتري ذهب في هالايام الذهب نار لكن لو رجعه مال اقدر احتفظ فيه لكن زوجي مايعطيني ادخار يعطيني مصروف واصرفه يمكن اذا ربي وسع عليه يعطيني مبلغ جامد وارجع جزء من اللي بساهم فيه Sh أني ادبر مبلغ مستحيل يرضى زوجي يتسلف وهذا الي قاهرني يقول اذا تدبر الحال شرينا جزء من الأثاث وانا ودي نسكن وحنا أثثنا غرفه النوم على الاقل لان غرفتي الدولاب صار ماينفع رواء الايمان مشكوره ياقلبي حيرتوني لي عوده للبقيه شكره لكم |
هلا هند حبيبتي برأيي لا تعرضي المساعدة من نفسك هو رجل ويعرف كيف يتصرف ... وموضوع ان تشرطي عليه أن يرجعها لك لا أوافقك عليه ومو حلوة بحقك والبيت أثثيه بالتدريج حتى لو تبدئي بغرفة النوم فقط بالتوفيق |
جديدي
عرضت عليه الفكره طبعا بعد ماجاني مغص ببطني والقلون حده وصل عندي ماني دايره ليه ط كل هالمقدمات وقلت له بعد مقدمه بسيطه شرايك اشتري غرفه النوم من عندي وعلى طول ماوافق قلت عشان ماتحس بتأنيب ضمير او يمكن امن عليك في يوم من الايام رجع لي نصف المبلغ اذا توفر عندك قال اجل اتسلف قلت اعتبرهم سلف وتسلل مني قال بس انا ماني متسلف وبحط غرفه النوم متى ماتوفرت الفلوس عندي قلت اعتبرها مساعده انا حابه أساعد وأشارك وماطلعت بشئ ما استفدت غير مغص ببطني والم شديد |
سبحااان الله تستشيرينا تسااعدين زوجك في كم الف
والمشكله هي لك يعني ولا هو بيض الله وجهه يااخي حرااام عليكم وربي والله انها حزت في خااطري اسااعد زوجي ولا لا الرجااااااال دافع فيك الالووووف والدين كسر ظهره من شاان يتزووجك وانتي تستشيرين اعطيه فلووس الذهب ولو تحسبوون فلوووس الذهب ماجاابت 10 الاف ريااال والرجااال شاري لك دبلكس وانتي مستهين بعد بالدبلكس اهم شي بيت يضفك ويستر عليك انتي وعياااالك وتقوولون الحريم مظلووماااات |
بصراحة استغربت من سؤالك
هذا زوجك يا اختي اذا لا تضحيم معاه فمع من تضحين اعكيه لك الي عندك و عيب تقولي سلفه يعني تقرضيه و االه وجعتيلي قلبي كيق تقرضين زوجك تنا و الله لما والدي اراد ان يشتري سيارة امي عندها مبلغ كبير جدا قال لها ابي اقرضيني و ارجع لك قالت له لا قرض ولا شيء خذ المبلغ و السيارة لنا كلنا قال لها لها ارجع لك بس هي رافضة و عيب اصلا زوجة تقول لزوجها اقرضك و رجعلي يعنيهو غريب عنك او شرير معكي تصرفك غلط الاصل ان الزوجة تساعد زوجها في كل شيء في وقت الضيق و انا مازلت لم اتزوج قريبا ان شاء الله و زوجي لسه ما كون يشتغل منذ 3 سنوات حتى اني فكرت ابيع ذهب الي عندي قبل ما افرح بيه لاساعده اذا احس بضيق و اخبرته و قال لي لم تلبسيه بعد و لن اسمح لك بذلك هذا زوجك اعطيه و لا تحسبيله |
ساعديه ما فيها مشكلة
بس بدون شروط لانو بالاول الاخير هدا بيتكم ورح تجتمعوا فيه سوا. |
حبيبتى
لو جنتى موظفه جان الكلامـ بيكون غير شكل بس مدامـ مو موظفه اشترى بفلوسك ذهب من ثانى او قطعه أرض بأسمك يحميك من غدر الرمن |
أختنا الكريمة/ أم أحمد
أنتِ أعلم الناس بزوجك وطبيعته وإمكانياته. ثم أقول لك أخوياً: أنتِ تعيشين تحت تأثير القصص المتداولة عن إعطاء الزوجات أموالهنّ لأزواجهنّ فيجدن المكافأة فيما بعد في شيء لا يسرهنّ...أليس كذلك؟! أيضاً فليس شرطاً أن تخبريه برصيدك أو كم تملكين من المال. ::: اسمعي يا أخية: إن كانت نفسك طيبة فأعطيه ما تستطيعين بطريقة مهذبة لبقة بدون منٍّ. أو قولي له: إذا سمحتَ وتكرمتَ دعني أؤثث مجالس النساء أو الصالة بطريقتي الخاصة وذوقي الخاص، وسأدفع أنا فيها من باب المساعدة لزوجي الحبيب الذي تعب وما قصّر معنا وتحمل لأجلنا الديون والهموم والغموم. |
اختي الغاليه
مافيها شي اذا ساعدتيه واذا كان زوجك طيب وكريم والله يستاهل ااكلمك عن نفسي يوم سكننا في بيتنا الجديد كنت اجمع مكافأت الكليه ومااصرفها وكان عندي مبلغ في حسابي فقمت بتاثيث غرفة النوم والصاله تأثيث كامل وفخم بس ماقلت لزوجي رجع المبلغ لاني متاكده انه راح يعطيني اكثر من اللي دفعته له وهذا بيتك وبيت عيالك الله يوفقكم ومبروك عليكم المنزل الجديد |
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©