أعاني من الفراغ العاطفي وعمري 15 سنة
 

سلام عليكم ورحمة الله وبركاته



مشكلتي انا اعاني من الفراغ العاطفي الشديد جداجداجداجدا
وابغى حل عشان ابطل دائما اني ابغى احد احد يحس فيني او يفهمني ودائما احس اني ابي احض يحضني ويقلي يا نواره اشبك وش مضايقك مافي احد قريب مني اضافه اني منطويه وماما دائما تسبني بس با مزح بس كان زمان لمه كان عمري 10 سنين كان عندي عادي بس لمه صرت 15 صرت اتاثر واحيانا تزعق عليه وما عمرها فكرت تفهمني وانا دائما اقول معليش بكره لمه تكبري وتكملي دراستك وتتزوجي ربي بعوضك بزوج يفهمك ويحبك ويعوضك عن كل شيء وانا باقلي كثييييييييييير الين ما اتزوج وتعبت من حالتي وكثير اتمنى لو امووووووووت او انه ربي ما خلقني اصلن وبصراحه السباب في كل فراغي العاطفي والدي
وش اسوي عشان يروح ضقي وتوتري المستمررررررررررررر:19:

ياقلبي انتي كل البنات اللي بعمرك يفكرو بهالطريقه
بس انا بعطيك خطوات بتفيدك ان شاءالله
اول حاجه حاولي تجعلي القران انيسك وداائما اقرأيه
وحافظي على صلواتك في وقتها
حاولي تسجلي في دار تحفيظ او تصادقي بنوتات فيهم خير
تشغلي وقتك بالطاعه وبهالصديقات

صدقيني بتبطلي تفكري بالفراغ العاطفي

بعدين ليش ابوك سبب فراغك؟

سلام
شكرا انتي الوحيده الي عبرتني
لانه في نفس المنطقه وله عمري شفته وله يفكر يسأل عني واخر مره شافني كان عمري 9شهور وهدا الي مخليني تعبانه كل الي حولي علقتهم غير مع ابهاتهم

اها
ليه طيب ماشافك؟
هو مطلق امك ولا كيف
وبعدين مفروض تعودتي على بعده او حاولتي تتقربي منه
اذا شافك متلهفه له بيتلهف لك
حاولي مابتخسري شي

صدفيني لو انضممتي الى حلقة تحفيظ قران كريم وبدأت في حفظ القران وأشغلتي نفسك بالقران لزال كل همك .

هو مطلق امي انا تعوت على بعده في كل شيء اله نفسيا
وبعدين هو صحيح في نفس المنطقه بس ما ادري اذا هو حي وله ميت وله وين ساكن وله اعرف شكله رقم تلفونه

ياااااقلب قلبي يالبى قليبك نوارة حبيبتي لاتفكرين كذا حبيبتي مثل ماقالت أختناخلي القرآآن انيس وحدتك ودايم ادعي واستغفري
سبحان الله كانك تكلمي عن نفسي ايام ماكنت بعمرك لاتحسبيني كبيرة تراني أكبرمنك ب٧سنين
قلبو والله انانفسك بس كنت اشغل نفسي بالقران والادعيه وايام المدرسه ماني فاضيه وإذاعندك بنات جيران تثق امك فيهم وفي تربيتهم ادعيهم لبيتك يجون عندك ويونسونك والحين الناس رمضان روحي مع امك للمسجدوصلي التراويح
وخلي هالصفحه فضفضي هنا ولاأجعلي لك مذكرات تفضفضين فيهاوبالنسبه للفراغ خلي امك تحضنك مافي مثل حضن الام
وصدقيني هالتفاكيرمرت علينا لماكنابعمرك يالبى قلبك يالغلا لك سلامي"

انت طالبه

صح

اهتمي بدروسك وصيري طالبه ايجابيه في المدرسة شاركي بالفعاليات والبرامج

انت حبيبتي مو وحدك بس انت اقنعتي نفسك بهذا الشي

غيري طريقه تفكيرك

وحسسي نفسك انك انسان فاعل
وشاركي بكل شي تقدري عليه
لو هنا في المنتدى شاركي بحل المشاكل
لو بالدعاء للعضو

مشكورين على انكم جوبتو عليه بنسبه لي رش السحاب مو لو امي اهتمة باي وحضنتي ومسحت دموعي ما كان صرت كذا وكل ما افتحها في الموضوع تقلي امي ماكانت تحضني كنت اقلها انا وش ذنبي وتقلي ننضر في الموضوع وبعدين تصرفني وانا صرت ما عاد افتحها في الموضوع


بنسبه لي م زيتون دائما اتخيل فارس احلامي هو الي يحس فيه بس انا صغيره ومطوله البين ما اتزوج وتعبت وانا اتابع الاشياء الي تشبع الفراغ عندي ومافي فايده بس الله يرزقني با الزوج الي اتمنى وكل وحده
اميييييييييييييين

ممكن اتعرف عليك انا عمرى16

شوفي يابنتي مشكلتك لها حلين :
الاول : زي ماقالو لك الاخوات
القرب من الله تعالى يغنيك عن كل الناس
والله ما امتلأ قلب بحب الله حتى يستغني عن حب البشر
اكثري من الصلاة " واستعينوا بالصبر والصلاة " وقراءة القرآن بتدبرواقرئي في التفسيرواستمعي للمحاضرات الدينية

والشي الثاني :انتي تقربي الى امكساعديها في شغل البيت
وأشغلي نفسك في أشياء حلوة مثل صنع الحلويات او الاعمال الفنية
وبكذا صدقيني ماراح يكون عندك فراغ لا عاطفي ولا وقتي ابدا
وترى هذي حالة طبيعية كلنا مرينا فيها أو أغلبنا
وحتى اللي آباءهم موجودين كثير من الآباء معاهم في البيت ولا يدري عنهم أو يعاملهم بقسوة تجعلهم يتمنون فراقه مع الأسف .

أسأل الله لك التوفيق والسعادة .*

كتبت رد وطار أصيح والا أصيح
ياقلبي وربي كان تفكيري كذا يوم كنت بعمركِ وصدقيني اغلب البنات اللي بهالمرحله يفكرون كذا هذا اذا ماكان كلهم
ابيكِ تعرفين ان الحاجه لاي مخلوق ذل الا والدينكِ وصدقيني مستحيل تلقين ام بالدنيا ماعمرها صارخت ع بناتها وعيالها انتِ بس حاولي تعرفين ليش هي تصارخ عليكِ امكن تبيكِ تسوين شئ اتسعادينها بالبيت تجلسين معها تسولفين معها عن اهتماماتها واذا امك متفهمه صدقيني بتبادلكِ نفس الشئ جيبيلها هديه بوسي راسها وقوليلها ليش تزعق عليكِ وقوليلها انكِ تضايقتي منها اشان كذا وكذا وصدقيني الا بتلين معاكِ
وابوكِ حاولي تكلمينه تتطمنين عليه اساألي عنه واتقربي منه وانتي بنته الا مايلين قلبه لكِ اذا مافيه فائده وماهتم لاتشيلين بخاطركِ واعرفي ان الدنيا ماكملت لاحد ....
وياقلبي وربي كلنا ناقص حنان كلنا محتاجين ام وأب يكفونا ويحفظونا عن الذل للناس
بس انتِ لاتغذين فكره فراغكِ بكثره التفكير وتصير كل حياتكِ محور واحد اللي هو فراغكِ واحتياجكِ
بالعكس خذي منها فائده انكِ اذا كبرتي تعرفين وش معنى حضن الام ..
وشوفي اهتماماتكِ من تصوير وشغل كروشيه وفوتو و......الخ وابدعي فيها
وحطيلكِ هدف وشدي حيلكِ اشان توصليله وصدقيني بتتغير كثييير أشياء واقري كتب واستمتعي بالأشياء اللي تسوينها ... واتقربي من صديقاتكِ اسمعيهم ويسمعونكِ واتقربي من البنات اللي بعمركِ من العائله
وغذي جانبكِ الروحي وصدقيني بتستصغيرين كثير أشياء بالدنياا
ووبس واتمنى من الله ان ينير جنبات روحكِ بالطاعه والسعاده
واذا افدتكِ لاتنسيني من دعوه ان ربي يفرجها..

حبيبتي وحبيت انبهك مادام تدخلين النت
احذري من شياطين الانس والذئاب البشرية
تراهم يتصيدون اذا شافوا وحدة تشتكي او مهمومة
ويدخلون باسماء نسائية عشان يضحكون على البنات
فانتبهي بارك الله بك وخلي قلبك معلق بالله وحده
ثم احسني صحبة والدتك واكتبي لها رسالة زي هذي وقولي فيها كل اللي بخاطرك عشان تنتبه وتفهمك لان الحوار الشفهي أحيانا ما يقدر الواحد يوصل اللي يبغاه .
وادعي الله ان يرزقك الصحبة الصالحة اللي تعينك على طاعته ..

أسأل الله أن يبارك بك ويشرح صدرك لما يحب ويرضى ويحفظك من كل سوء .

رد : أعاني من الفراغ العاطفي وعمري 15 سنة
 

اشكركم على كل الردود وانا الحمدلله صرت احسن وشكرا كثير على كل وحده نصحتني ما اقول الا الله يوفقكم والله يرزقني با الزوج الي فهمني ويعوضني عن هدا كله :18::18::18:

رد : أعاني من الفراغ العاطفي وعمري 15 سنة
 

رد : أعاني من الفراغ العاطفي وعمري 15 سنة
 

صغيرتي حفظك الله من كل مكروه
المرحله العمريه اللي انت فيها جميع البنات مررن بها اجلسي مع امك سولفي معها اول ماتصحين بوسي يدها جبي القهوه وتقهوي معها لما تجلس معك حطي راسك على رجولها سولفي عن اهتماماتك شوي شوي امك بتحس فيك هي عندها فراغ زيك يكفي انها ماتزوجت عشانك هي محتاجه لك وانت محتاجه لها اطلعي معها الكفي او مطعم لماتجي تنوم احضنيها وبكذا بتقوى علاقتك معها بس قبل كل شي قوي علاقت بربك هي مفتاح السعاده والطمئنينه
كل ماتحسين انك مشحونه خذي قلم ورقه وكتبي كل اللي في خاطرك
وفي هذا المنتدى ماشالله امهاتك واباك وااخواتك طلعي اللي في خاطرك بس انتبهي من المنتديات الهابطه والذئاب اللي فيها الله يحفظك منكل مكروه