|
اخ مقهورة واللة ابي افضفض
يااخوان واللة اكتب الحين مشكلتى ودموعي بخدي انا صاحبة القصة هذة http://www.66n.com/forums/showthread.php?t=226512
المهم قعدت 4 شهور معد كلمتة جاء يرسل رسايل ومقاطع غزل على الفيس والفيس فية ناس من اقاربنا يعرفوني وفضحني قدامهم اكيد بيقولون انها لازالت تكلمة وانا مااكلمة هو يضع مقاطع قدام العالم المهم عصبت علية مو اول مرة قعد 4 شهور يرسل بس هالمرة رفع ضغطي وكتبت لة برسالة (ان عاد شفت مقاطع فيديو ترسلها قدام خلق اللة لاتلوم الانفسك انا مااقبل علاقات من ورى اهلي دورلك ع بنات رخيصات انتهت الرسالة) قام وكتبلي (تخسين انتي من تكونين يابويا اصلن انا نسيتك وطلعتي من حياتى واذا ارسلتي مرة ثانية مارح اقول لابوك بسحبك من بيت اهلك بشعرك وبادبك ياقليلة الادب بركب بلعن ابو شكلك اصلن انتى رخيصة عندي ومالي الشرف اتعرف عليك انتهت الرسالة) انا مااقدر اكلم ابوي يكلمة لانى اعرف ابوي مايتفاهم كم مرة قلتلة بمشاكلي ويلومني انا ويوبخنى ولا امي لان امى ماتفهمنى نهائي وحتى لو قلت لاحد بيجيب حجج وبينقلب ضدي ياناس واللة انى كرهتة ماابية بس مفشلنى قدام الناس واللة انى كرهت الرجال كل ابوهم احس ماعندهم حنان واللة كرامتى بالارض دلوني وش اسوي ماعندى الاغيركم افضفض لة |
15 مشاهدات ومافي ردود تبرد ع قلبي وحزني حرام واللة ابي اانام:(
|
احذفي صفحتك من الفيس ...
وهذا مهايطي ماعنده سالفه .. لاعاد تردين عليه ولا تعطينه وجه واحقريه ... وبس .. |
يااختى مشكور ة ع الرد انا حذفت الصفحة واللة بس انا مقهورة من كرامتى الي راحت مقهورة مااقدر اتزوج مرة ثانية
|
ليه ماتقدري تتزوجي مره ثانيه؟
يا اختي اقطعي اي حاجه ممكن توصله لك الله يحفظك |
اقتباس:
كـان الله في عـونك . والله مثل هالاشكـال مايستاهل حتى انك تشيلين همه او تتضايقين منه .. اعتبري الي جرى لك درس لك في المستقبل وعليك بالدعاء ( اللهم اكفنيه بما شئت ) _ ( اللهم اجرني في مصيبتي واخلف لي خيرا منها ) اسأل الله أن يعــــــــوضكي خيرا منه ... |
ابعدي عن اي اتصال بينكم من قريب او من بعيد ؟؟؟
والمفروض ما ارسلتي له ؟؟؟؟ عشان ما يطلع الي في قلبه ويرسل لك هذي الرساله ؟؟؟ رددي دئما اللهم اكفنيه بما شئت ....واللهم اني مسني الضر وانت ارحم الراحمين اهم شي ابعدي عن اي اتصال او اي رسائل ...ولا تدخلين في محاورات معه حتى لا يحقد عليك ويسوي لك مشاكل واطلعي ابوك على كل شارده ووارده ؟؟؟ حتى لو عاتبوك ؟؟؟؟ افضل من يوصل الموضوع لفضايح وتشهير ؟؟ |
|
طنشيه واحذفي ردوده .. واذا تقدرين احذفيه بكبره من الفيس بوك ..
وانتبهي تعطينه وجه .. |
نصحيه خليكي انسانه قويه ادعي الله في اخر الليل هذا ما حصل وحده الله يكرمك تتفل على وجه خلي شخصيتك قويه كل شئ يذكرك بالماضي غيريه لا هو ولا عشره من اشكاله يهز شعره فيكي يا حريم الرجال وربي يبغالهم وحده قوية تعز نفسها وكرمتها لو شافها طيبه وربي يحتقرها هذا الي شفته في حياتي عشاني طيبه معاه ولو زعل اجري واره شوف النتجية والله معاملني معاملة اليهود ولا بعد طلق قطعيه لهم |
ابنتي الكريمة عذاب الورد:
قرأة قصتك وردودك في الرابط وقرأت ما كتبتيه هنا والسبب وجدته بكلمه منك: 1- أنت السبب في استمراره فيما يفعل فقد قلتي هل لأنه يعلم أني أحبه. وفي أحد ردودك قلتي لا أدري لماذا يفعل هذا وأنا أعرف السبب وهو واضح جداً بالنسبة لي والجواب أنه يشعر بانكسار ذكوري أمام رفض والدك ويريد أن يقنع نفسه بنفسه ( يعزز ذاته) بأنه الأقوى والمسيطر وليس الأضعف المرفوض فيشغلك بما يثبت دوارنك على محوره وتكوني تابعه له لعلمه بما يجذبك له. 2- حبك له وكونه الحبيب الأول هذا يعزز الأنوثة داخلك في هذا السن ففي الغالب من هي في مثل سنك ترفض أن تنفصل عمن يشعرها بأنها الأنثى المرغوبة لذلك كثرة تواصله معك ترفضين ظاهرين ما ترغبينه داخلياً. 3- أعطتك الأخوات حلول كثيرة وبسيطة لقطع علاقته بك ولم تستجيبي ولا أظنها مجهولة لديكِ ولكن هل حقيقة ترغبين أن يتركك؟ ظاهرياً وداخلياً ستتمكنين بأي وسيلة ولكن إذا كنتى داخلياً لا تستطيعين فهذا خلل نفسي عندك في تقدير أنوثتك معه ومع غيره وعند نفسك أي أن قيمتك كأنثى رخبصة عند نفسك إذا وقفت عند هذا المراهق ولو كان عمره كبير ولو رغبتي العلاج من هذا فأرجو تشريفي بالعيادة ( عيادة رجل الرجال النفسية ) قسم العلاقات الاسرية والاجتماعية وسأحلل أيضا شخصيته هو لتتعلمي كيف تتعاملين معه. |
والدي العزيز رجل رجال أنا عذاب الورد وصاحبة الموضوع اسمها دموع الورد
جعل الله كل ماتقوم به في موازين أعماللك ورزقك من حيث لاتعلم والله يفرج كربتك ياصاحبة الموضوع ويرزقك من حيث لاتعلمين |
لو ما ارسلتي من البدايه
حبيبتي فعلا مشكلتك بسيطة بس انت مكبرتها اقطعي كل علاقه فيه واعزي نفسك واكرميها عن هذا الرجال ولا تبالغين باي تصرف يجي منه طنشي وعيشي حياتك ولا كأنه موجود اذا قابلتيه بهذا التطنيش منك راح تحطمين رجولته لانه فعلا يسعى انه يكون موجود في راسك الله يسعد قلبك |
مشكورين يااخوان ماقصرتو انا بالعكس واللة العظيم لااحمل لة ذرة حب بعد الي صار معى بس مصدومة يااخوان اشعر ان كل الرجال كذا مدري لية
بالعيادة ( عيادة رجل الرجال النفسية ) مشكور اخوي رجل الرجال اين اجد هالعيادة؟؟؟؟ |
|
اخاوني انا فكرت اقول لابوي بس خايفة يورية الرسائل لان بعد مانفسخت الخطوبة باسبوع ترجيتة وارسلتلة رسائل انة مو بيدي الي صار ومعطيتة صورة لي واحنا مخطوبين اخاف يوريها ابوي وتنقلب ضدي انا هذا الي اخاف منة او اكلم رجال الهيئة يجيبون الصور اخاف ينشرها قدام الناس قد فضحني واللة وشوه سمعتى انى اكلم رجال على الفيس حسبي اللة ونعم الوكيل
|
| الساعة الآن 09:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©