|
قولولي مين فينا الظالم
اخواتي واخواني في الله أولآ كل عام وانتم إلى الله أقرب وقدركم الله على قيام وصيام هذا الشهر
ثانيآ لقد غبت فتره لإنشغالي بهذا الشهر الكريم ولاكني عدت وفيني حيره ومازل ضميري يأنبني مره ويشجعني على الطلاق مره سأذكر لم حداث قصتي على السريع وبإختصار متزوجه من سنه ونص عمري الآن في العشرينات مطلقه من قبل عندي بنت عند ابوها وزوجي ال2 عنده مشكله بالخلفه والله بدون مبالغه وبشهادته والكل طيبه متسامحه متعلمه متدينه وجميله بعد مشاكل بيننا وجفا ووصلت لمده يده عليه وجوأهلي أول مره يتدخلون بس شافوه مستهتر تشابكو بس بدون ضرب فتح محضر شرطه على اخواني وانا مازلت بالبيت قام بشتى الطرق على إستفزازي في البيت بانه يبغا يخرجني لإني متمسكه ببيتي وهو وقتها العكس ارسل اهله لوالدي بانه خلاص من كثر المشاكل تعبو واتفقو على الطلاق ويتم على ارجاع جزء من المهر وتعهد اخوه وحلف انه بس اسبوع والورقه تجي مره 5 شهور ورفض يطلق بنيه الصلح يرسل رسايل على الجوال يبغا يصلح تراجع فكلامه بتقولون اعطيه فرصه اعطيته قبلها 3 فرص ونفس الشيء اروح اسبوع وارجع والمره الثانيه شهر والله العظيم والي بعدها هذي اذا انا عنده يتكبر ويطرد ومابيننا شيء كبير على اسباب تافهه يحب يعيش دور المظلوم ويشتكي وفقراره نفسه يدري انه ظلمني بس هو كذا يطردني دايمآ واذا رحت عنه بعد طرده لبيت اهلي يذل نفسه ويصالح في فتره سنه ونص 5 مرات زعل ومجالس رجال ويفضح كل اسراري عند اهله المهم آخر شيء قبل اسبوع ارسل لي كيس صغير حالته حاله فيه تحف اشتريتها بفلوسي للمطبخ 3 تحف والهدايا اللي جبتها له وتنوره ليه لقيها تأكدلي بحركته هذي ان لسه عقليته صغيره والي كذا عمره ماينضج لإنه طبعه يذل ويحسبني زيه تخيلو حتى حاليآ بالرسايل يذلني بأشياء خاصه بيني وبينه وبعدها بيومين ارسلي رساله يرمض فيها تناقض عجيب المهم جا اخوه يقول الولد يبغا فلوسه كامله حرام عليهم اهله واقفين معاه بهالنقطه وانامرررره زعلانه ماتوقعتها منهم كيف يطلعوني من البيت ويتفقون على الطلاق وعلى القيمه وبعدين ينقضون عهدهم ويبغونها كامله انا رفضت الرجعه تمامآ له محاولات وانا ارفض والله منهاره لا اريد الطلاق وفي نفس الوقت لا أريد العيشه هذي مافي استقرار ابدآ طرد وذله ويشتكي ويتكلم بأي شيء بحياتنا ياما حاولت بس للأسف كل اخوانه على هالحال ومتربين على كذا خايفه اظلمه بأصراري على الطلاق لانه يقول ظلمتيني وانا ابغاك وفي نفسي اقول لا هوه اللي يطرد فيك واهلي اعطوه فرص وهوه يقول روحي ولاترجعين وانا اقله المره هذي غير لو رحت مابرجع قال طز ودخل اهله وطلعوني بالغصب بعد الاتفاق تعبت نفسي استقر قولولي لانهم زعلو لمن ابويه قالهم انتو ظالمين تاخذون كل الفلوس ليش وباي حق وولدكم وانتو الي مابغيتوها انا ماطلعتها من بيتها ولاهيه خرجت من نفسها هذا طلبكم قالو خلاص نبغا نصلح قالهم البنت على كلامكم ماعاد تبغا أول كانت تبغا بيتها وحياتها وانتو مو بس ولدكم طلعتوها قالو خلاص فهذي الحاله هاتو حقنا كامل يارب رحماك صح المبلغ مايتجاوز العشرين الف برغم اننا عائله ولله الحمد مقتدره ولاكن ليش الظلم هل انا سلعه اوايجار تزوجني وبيطلقني وبلاش مين فينا الظالم اتمنى الرد والله اني مشوشره وتجربتي السابقه ماانكر هدتني وبعد بنتي كمان ومااقول غير (لاحول ولاقوة الابالله) ارجوكم لاتبخلون علي بردودكم |
نصيحه اشتري مزاجك وراحتك ... ودامه طرد مره مرتين ثلاث .. فا اسمحيلي لو انتي اختي والله ما ترجعين له لانها مذله ..!! شوفي ياقلبي الزواج ارزاق من رب العباد .. يعني اعرف وحده متزوجه خمس مرات وسبحان الله .. عايشه حياتها بالطول والعرض .. اتمنى ما نحصر حياتنا بزاويه ضيقه .. ترى الطلاق في مثل مسالتك رحمه لك ولنفسيتك .. انتبهي لصحتك وهذا انسان ما يستاهلك .. وشايفين كل مره ترجعين وتروحين عشان كذا تمادوا وتمادى ولدهم .. الله يعوضك ياشيخه ولا حياه المذله ... وانتي بكيفك .. |
أختي الكريمة/
-أعرف مقدار الحيرة التي تقعين فيها بين لهيب الطلاق، ولهيب الذل في استمرار المعيشة مع مثل هذا رجل. آمل منك فعل الخطوات التالية قبل الوصول إلى قرار حاسم على النحو التالي: 1) توضئي وضوءك للصلاة. 2) اجلسي في مكان هاديء. 3) اقرئي ما تيسر لك من الذكر الحكيم. 4) خذي نفساً عميقاً من الأنف لمدة 4 مرات بين الشهيق والزفير. 5) استرخي تماماً. 6) خذي ورقة وقلماً، ودونّي شريط ذكرياتك معه بالشكل الآتي: أ) إيجابيات زوجك. ب) سلبيات زوجك. ج) المقارنة بينهما، والنظر إلى أيهما تغلب. د) اطرحي التساؤلات التالية على نفسك: هل من الممكن أن يتغير هذا الرجل؟ هل من الممكن أن أعطيه فرصة أخيرة لا تقبل المساومة، وأخبره بشروطي، وأي خلاف لها فمعنى ذلك الانفصال؟ هل من الممكن أن أغيّر هذه الرجل بذكائي، وفطنتي، واستخدام الأسلحة الأنثوية؟...وما يأتيك من أسئلة في حينه. 7) قيّمي إجاباتك بكل أمانة وتجرد، وحلليها، واربطي بينها. 8) بعد وصولك للقرار من خلال كتاباتك استخيري حوله، ولو كررتِ الاستخارة. 9) إن وجدتِ انشراحاً فتوكلي على الله مهما كان قرارك. 10) إن لم تجدي انشراحاً فأعيدي الرأي، واستخيري حول الرأي الجديد. ::: ملاحظة: -استعملي سلاح الدعاء، وسلاح الصدقة، واطلبي الله أن يلهمك الرأي الأصوب والأحكم. -لا بأس أن تعرفي رأي والديك في القضية. ::: خاتمة: يمكنك كتابة كل ما فعلته فيما سبق هنا لأجل مساعدتك. |
الله يفرج همك يارب
ويكون بعونك |
|
حياكِ أختي الكريمه ..
من خلال عرضكِ للمشكلة وما فيها من سلبيات لزوجكِ .. وتعثر العشرة معه .. وأنه لاينجب وأنتِ في العشرين لازلت صغيره .. وقادرة أنتِ وأسرتكِ على دفع المبلغ المذكور سلفاً ، على ماسبق احكم بأن تدفعي وتريحي نفسكِ وأسرتكِ من هذا الرجل ذو العقلية الصغيرة كما حكمتي عليه أنتِ . حياتكِ السابقة تذكريها معه هل تستطيعين البقاء مع ايجابياته كما ذكرها أخانا البليغ ، هل تغلب سلبياته؟!! أنتِ وعقلكِ ، أسأل الله أن يوفقكِ وييسر الخير لكِ. |
الله يكون بعونج يا اختي
بس المكتوب مبين من عنوانه انا ما انصحج انج ترجعين له أبدا وانصحج وكلي محامي بنات الناس مو لعبة بيده يطلق وياخذ الفلوس ربنا معاج |
اقتباس:
|
صرخه حب اخي الثنيان اختي الفاضله سيده الموقف
جزاكم الله الف خير ويكفيني منكم الدعاء كان بداخلي لوم على نفسي ولاكن من كلامكم تشجعت لإتخاذ خطوه بعقل لا بخوف من المستقبل لإني أعلم إنه بيد الله لاكن أمري لله والعوض منه سبحانه اخي في الله البليغ كم يسعدني وجودك بمشكلتي اسأل الله لك الصلاح ولزوجتك وذريتك لي الآن 5 شهور واتذكر إني طرحت مشكلتي في بدايه الأيام الأولى وقلت لي هالكلام ودايم أكتب بورقه وراح أوضح ولاكن بدون تعداد زوجي طيب يقول انه عاطفي وماشفت هذا الشيء الا وانابعيده عنه يصلي يسمع اغاني يدخن يستخدم نشوق وأعلم وماقلت له حتى لاأكسر حاجز الإحترام بيني وبينه لإنه يحسب اني مادري يحط شيء على وجهه ويطفي النور عشان ماشوفه اكبر عيب بنظري وماأتحمله (نقلته للكلام الي يصير بيني وبينه ) دايم يخليني أبرر مثل المتهم أمام أهله وحتى اخوانه برغم انهم كانو يعزوني ويحترموني لمن يزعل يشيل الهدايا حقه مني عشان كذا أقولكم عقليته صغيره ويعطيني هداياتي يحبني جدآ في نفس الوقت مايحافظ عليه عند أول مشكله يظحي ويطرد وبعدها يندم عصبي انفعالي يحاول يحطمني مايبغاني أكمل جامعه ويسوي مشاكل ومره كسر بطاقتي الجامعيه مايبغاني أملك لابتوب لإني أدرس من خلاله دايم يقولي والله لو ألف الدنيا ماألقى زيك وانتي تستاهلين منه افضل مني مكانه وعلم ووظيفه وفلوس أرد له أقوله انا احبك ولاأشوف فيك عيب ليش دايم تقول كذا يقول انتي شيء أكبر مني برغم اني ماأحسسه بضعفه المادي والله ماأطلبه شيء لدرجه اني اصرف اناعلى نفسي حتى لاأضيق عليه انا ماتهمني الفلوس انا تهمني راحه البال بس الحمدلله على كل حال |
اسردي لنا إيجابياته كاملة.
ثم اسردي لنا سلبياته كاملة. ::: إلى ماذا يميل عقلك في القرار؟ كوني صادقة مع نفسك. |
ايجابياته:
1-طيب 2-لا ياخذ من مالي شيء مهما حاولت فيه 3-يصلي 4-لايستفز غيرتي والله أعلم لاأظن انه حق علاقات 5-يحسسني بإني ماليه عينه وقلبه 6-مايقصر ببيته على قد حاله 7- اذا كان راضي يخلي سيرتي حلوه امام الكل واذا غضب العكس تناقض فيه عجيب سلبياته: 1-عقليته صغيره 2-عصبي لمن يزعل مايوزن أموره ممكن يخسرني 3-لايحفظ لي سر أبدآ 4-تعلقه بأهله مو بس حب لو كذا انا أشجعه لاكن لاء يحب يفضفض لهم بكل صغيره وكبيره 5-لو لقي عليه غلط يمشي الين يحدث مجلس ويتكلم فيه امام الكل بدون مايحسب حساب لنا لو تصالحنا كيف تكون النفوس وان المفروض تكون حدود مو اي شيء نقوله بإختصار مايخلي شيء بيننا 6-يحلف احيان كذب عشان يثبت لي صدقه 7-مادياته ضعيفه مع ان ذلك لايهمني بس للتوضيح 8-عنده مشكله بالخلفه 9-يوعد انه مايوديني بيت أهلي بزعل ويخلف بوعده ولمن أذكره يقول خلاص انتهى اللي بيننا انتي تبغين كذا 10-مايبغاني أكمل تعليمي بأي شكل من الأشكال يقول انا المفروض اواصل دراستي الجامعيه انتي يكفيك علم وثقافه 11-اخاف اسوي اي شيء وانفهم غلط ويوصلها بطريقته عشان كذا دائمآ مقل المتهمه أبرر كثييير 10--لايحتوي مشاكلنا برغم انه اساس مافي مشاكل كبيره لايحمد الله فعلآ لإنه هذي التجربه ال2 لي وله وان الله اعطاه بإنسانه مقدره كل ظروفه ماديآ ومعنويآ بل يحاول يكبر الاشياء الصغيره تعبت أفهمه اننا مو ناقصين تعب 12-عند حدوث اي مشكله لازم يشاور اي أحدحتى لو اصدقائه بالدوام اهم شيء يفضفض 13-يعبي قلب أهله عليه ويشحنهم ويقول انافهمتك كذا ولايتوب كل مره نفس الشيء يحاول وقت الغضب يخلي أهله بصفه بأي طريقه وكأننا والعياذبالله اعداء بالنسبه للأسئله: هل ممكن يتغير ؟ اقول ربما ولاكن هو متقلب فلا أضمنه ودايم يوعد ويخلف هل ممكن اعطيه فرصه ؟ احسها اهانه ليه باللي سواه فيني يساومني على فلوس برغم اني أدري انه يبغاني لإنه يرجع يتصل لاأنكر اني احببته وتمنيت ان ينتهي عمري معاه ولاكن دامها وصلت كذا لاء أشعر بأن الله يوجهني لطريق أنا ماادري عنه لإنه حتى فبعد بنتي ماراعى نفسيتي ويقول انا مو شغلي برغم اني ابعده كثيررآ عن وضعي السابق وفي الختام اتمنى اني لاأظلمه مثل ماتدرون المرأه في التجربه ال2 تكون أكثر تروي وخوف برغم اني والله الشاهد ماقصرت معاه |
من حيث الكم أجد أن سلبياته أكثر من إيجابياته...لكن هناك في سلبياته ما تستطيعين أنتِ معالجتها بالحكمة، والعقل، والصبر، والذكاء الأنثوي، وجذبك ناحيته.
زوجك فيه من صفات الأطفال، ومن صفات غير الناضجين لكن فيه صفات حسنة وأهمها الصلاة، وعفة نفسه ويده عن مالك. سؤال: ما هي حقيقة مشكلته بالإنجاب؟ هل هو عقيم؟ أم أن علاجه يطول؟ هل لديك رغبة في الإنجاب أم لا؟ هل مشكلته عائق أمام استمرار الحياة؟ -لو قررتِ العودة له فقومي بالاستخارة، واجعلي هذه الفرصة الأخيرة له، مع الرغبة في إصلاحه واستغلال ذكائك لتغييره، والدعاء له، واجعليه يقسم على المصحف بحفظ الأسرار الزوجية والحياتية بينكما، وأعطه فرصة أن يفضفض لكِ أنتِ، وخوّفيه بالله دوماً، واتركيه إن غضب واصمتي حتى يهدأ...عامليه كزوجة وأم في آن واحد. -لو قررتِ الانفصال فاستخيري، وأعيدوا حقه إن طلب ما دام أن وضعكم المادي جيد كما ذكرتِ. -الخلاصة: فكري مرة أخرى، واستخيري، ولا تكثري الاستشارة ممن حولك في البيت، أو من مجتمع آخر حتى لا تتشتتي. -همسة: أنتِ لا تريدين الطلاق، وتخشين من حمل هذا اللقب مرة أخرى. |
اخي في الله البليغ انت قلت في نهايه كلامك همسه ولاكنها كانت حقيقه تؤرقني دائمآ
والله كل الكلام اللي قلته سويته اعطيته مصحف وحلفته وقلت له اشتكي مني ليه انا الوحيده بعد الله عندي دواك لو انا فيوم لاسمح الله كنت دائك يبكي ويقول خلاص و3 يوم يرجع عند أهله بدون ماأدري ولا ابغا اصلآ اعرف عن عيوب زوجي اخي في الله والله انا لاأبحث عن عثراته لإن أبن آدم مليان عيوب ولو ابغا المشاكل هو عنده ليموزين كان بإمكاني اسبب 100 مشكله بس اعطيته ثقه ولم أبحث عنها وانا ابغا أعيش ماظهر لي حاولت فيه الإصلاح ومالم يظهر وكلت الذي عينه لاتنام من عيوب فيه انت ماتدري آخر اسبوعين ليه فبيته ايش سوى كان يفتح الباب حق الشقه عالأخير ويطلع استمر اسبوع وانا فكل مره اقفل الباب وهويرجع يفتحه في آخر زعله جاب لي هدايا عطور وملى التسريحه في فتره الاسبوعين شالها كلها برغم اني أكره اللي يذل وهو مستمر بطبعه حتى العطر الي عند الحمام اكرمك الله أخذه مايتجاوز ال5 ريالات اي دناءة وصلنا لها انا ماانكر فيه صفات حلوه ولاكن يخرب كل شيء ويعصب ويستخدم يده ويقول هذا مو ضرب دائم استخير ولاأشرك أحد فأمري أبدآ لإني انا صاحبه قرار ولاكني مشوشره احتاج منك دعوه بظهر الغيب أرجوك ولكل من يقرأ معاناتي |
نسيت الإجابه عن سؤالك المعذره لاأحد قال انه عقيم ولاكن لديه مشكله عضويه ويمكن منها يخلف ويمكن لاء عاش مع زوجته قبلي 4 سنوات وماخلف منها وطلقها وانا 2 ولي معه سنه ونص واخوه الكبير متزوج من 11 سنه وماخلف
بالنسبه لي لو كان معيشني بسعاده ماهتميت للخلفه برغم انه ودي ولاكن الله كريم ولايكمل غير وجهه آخر شيء فكرت فيه انه لاعيشه مستقر ولاماده ولا اطفال فليش اصبر استغفر الله بس يارب لاتحاسبني ولاتعاقبني أخي هل انا مذنبه من الله لمن أصريت على الطلاق علمآ بإنه هو اللي خرجني من البيت وعلى طلبه هل ندمه كافي لإن أكون مذنبه وانا اللي أتحمل قراري هذا لوحدي يارب أهدي حيرتي صدقوني موقف صعب الله لايوري مسلم حاجه وخوف وتجربه سابقه استغفر الله وحسبي هو وحده وكفى |
الله يفرج همك اختي .. وييسر امرك ..
ويكتب لك ماهو خيرآ لك .. |
والله اذا بالك طويل على المحاكم وعندك شهود انه هو اللي طلعك من البيت وحتى لو ماعندك شهود تعرفين انه مايحلف انه هو اللي طلعك من البيت ... فارفعي فسخ نكاحي وستفسخين منه بلا مقابل باذن الله ...
اما من ناحسة الظلم فحسب ماذكرتي يظهر لي انك لم تظلميه ولك طلب الطلاق لعدة اسباب 1) طردك من المنزل وسوء المعامله .. 2) عدم الانجاب اذا تاكد انه منه ... الله يكون بعونك ويكتب لك الخير |
إن شاء الله لا يوجد ظلم من ناحيتك له.
لكن: -ما هو رأي والدك في الموضوع والوضع بشكل عام؟ -هل استخرتِ بشأن الانفصال؟بماذا أحسستِ بعد صلاة الاستخارة؟ -هل لديه قريب أو صديق ممكن أن يؤثر عليه؟ -هل جربتِ بأن يأتي لبيت والدك، ويتعهد أمام والدك وإخوانك بعدم التكرار، وإن فعلها فلا حياة بينكما؟ |
اقتباس:
بعد اتصال ابويه على ابوه امس جا اخوه الكبير وقال اخوي يبغا حقه كامل وابويه رفض قال من وجه الحق على الأقل يطلب النصف واعتقد حتى النصف المفروض مانعطيكم لإنكم انتو اللي خرجتوها مو هيه ولاكن انا ابغا اشتري باقي العشره والمعزه اللي بيننا وخذو 10 آلاف وخلوه يطلق قال بكلمه واشوف الساعه 3 الفجر امس ارسل لي (الله يسامحك) وألف شكر على اهتمام كل من أعطاني نصيحه جزاكم الله ألف خير وأبعد عنكم السوء حيث كان |
اقتباس:
هل المهر اللي بياخذه مني من حقه هل هو على حق لمن طلب فلوسه ارجوكم يهمني الإجابه على هالسؤال كثييييير |
اسأل الله العظيم رب العرش العظيم ان يربط على قلبك ويلطف بحالك ،، يا رب في تدبيرك ما يغني عن الحيل فدبر امتك الضعيفة بأحسن التدابير فانه لا حول ولا قوة لها الا بك .
غاليتي بالنسبة لصلاة الاستخارة أكثري منها دائماً واعلمي ان ما سيكتبه الله لك هو خيرة لك في الدنيا والآخرة سواء رجوعك لزوجك او الانفصال عنه |
أختي فاقده شيء كل عام وكل دقيقة وثانية من عمرك وأنت إلى الله أقرب أخيتي حزنت لحزنك والله وبكيت لألمك عزيزتي لي أشهر وأنا أتجول في المنتدى ولم يشدني إلا كلمة واحده سطرتها نصيحة لبعض الإخوة كتبتي كلمة ( الجفا ) بعدها لا أدري إلا وأنا أطفق أبحث في مواضيعك قرأت وقرأت وساءني ألمك وحزنك .... عرفت حينها ( الجفا الذي تعيشينه ) كل منا يتخبط يا أختي ويشتكي ولم أسجل إلا من أجلك يعلم الله فإن لم يكن عندي حل لك أتيت لأبكي لبكاءك وأدعو الله لك في هذا الشهر الفضيل فهناك من يجيب المضطر إذا دعاه سبحانه جل وعلا في شأنه أختي الغالية... زوجك يريدك ... وأهله يقفون بينكم هذا ما أراه... هم من يطلبون المهر لا هو... هو يريدك كما أسلفتِ هم من يفتحون أذانهم ليعرفوا المزيد ويستدرجوه ليأخذوا ما يريدون وهو لا يستطيع أن يقف صامت وعليه أن يتفاعل معهم لذلك يكبر الأمور في نظرهم لأنه يبدو أنه كذب عليهم فشحنهم ضدك فلم يعد يستطيع أن يتراجع ويقول أنا المخطيء وأصبح يستمر من كذبة لأخرى... لذلك توقفي وحالاً عن إشراك أي أحد في المشكلة لأنه سيستمر في تضخيم الأمور والمرأة ضعيفة يا أختي ( والناس ما تصدق خبر ويحطون كل شي في هالمسيكينه) وهو يريد أن يظهر بريء أمام الناس فالمرء مجبول على أن يظهر صالحاً أمام الناس أراه رجل ضعيف جداً وأنت حساسة وحالمة جداً وهذا سبب بؤسك أيتها الجميلة توقفي عن هذا فوراً كي لا تعذبي نفسك أكثر أراك متحسسه من قضية الهدايا وكيف يعاود أخذها مره أخرى ... لا ألومك والله ولكن من أجل قلبك ونفسك لا تتعبيها أكثر فالأمر لا يستحق البتة... هو يغار منك وهذا واضح من كلماته عن استحقاقك أفضل منه وموقفه من إكمال تعليمك ولو هذه لوحدها مشكلتكم لقلت أنها تكفي لتدمر أسرة... فهو لا يتصف بالحكمة مطلقاً ويترك العنان لمشاعره أن تنطلق وتؤذيه أولا ثم تؤذيك... فيه من الحمق الشيء الكثير والجاهل عدو نفسه... وهذه النوعية من الرجال لا تتغير كثيراً يا فاقده ويؤسفني قول ذلك لك... إلا أن يشاء الله طبعاً فقد أحبط نفسه كثيراً ثم انتقل ليحبطك أيضاً لذلك يا أخيتي لا تفكري في الموضوع إلا وكأنني أنا التي أشتشيرك وكأن هذه المشكلة مشكلتي أنا وأتيتك طالبةً للحل قولي دعاء الهم والحزن .. كرريه... استرخي... أكثري من ذكر الله ثم عاودي دخول الصفحة حينما تشعرين أنك تخلصتي من الإحساسات السلبية.. وابدأي في نصحي حسبما ترين.. ستجدين الحل صدقيني حتى ولو بعد حين... واستخيري ثم استخيري ثم استخيري مع أنني قرأت ردك بخصوصها ... لذلك ( هاليومين فكري ) ثم عاودي الإستخارة ولن أنساك من دعائي... أسأل الله أن يزيح بقدرته حزنك ويبعد عنك شر كل ذي شر .. ويرزقك من حيث احتسبتِ ومن حيث لم تحتسبِ خطر على بالي أمر... انسي همك وتوجهي لخالقك هو أعلم بحاجتك .. رمضان إن ذهب لن يعود إلا بعد عام كامل ولا أضمن لك الحياة فلا تضيعي وقتك في هم نفسك وغمها وبادري بل وشمري للعبادة وقولي لهم بعد إنقضاء الشهر لكل حادث حديث... واتركيهم ... سيرسلون مراسيلهم واظهري عدم الإهتمام وكأنك في حالٍ رغيد وأنت كذلك بإذن الله ودعي نيرانهم تحرق صدورهم وكفاهم ذلاً وخيبة رجالاً كانوا أم نساء أن يجتمعوا لأجل قهر فتاة بريئة عليهم من الله ما يستحقون .. فلا يبدو فيهم أحداً راشداً فالأخ يبدو أن من أرسله امرأة وهذا ما يبدو لي والله أعلم عنهم ولا تهتمي طالما هم أخرجوكِ فهذا في صالحك وهم من أرادوا الطلاق ولم تبادري أنتِ بخلعه ولا أظن حلها إلا في المحاكم لأن ابنهم سيذرك كالمعلقة حتى تدفعي للجشعين خيبهم الله لا تيأسي ولا تحزني فالله معك ... واجعلي همك الآخرة فقط وحينها والذي نفسي بيده ستفتح لك ابواب الدنيا على مصراعيها .. كما ذكر ذلك رسولنا الكريم صلى الله عليه وسلم ... فالله الله لا تجعلي هماً غيرها يسكن قلبك وعقلك واشتغلي بها أختك: العـ/الفريد/ـد |
-بشكل عام لو أتى طلب الطلاق من طرفك، ورفض هو الطلاق، فيكون لك خيار الخلع على رد ماله، أو أقل، أو أكثر...والله أعلم.
-هل لديك أخ جريء؟ -حاولي إغلاق أذنك عن أي كلام يأتيك، وركزي على قرارك، وماذا تريدين. -زوجك مناور في أساليبه، ولا يدري ماذا يريد. -إن أرسل زوجك أحد إخوته كي يعيد نفس الموضوع وهو طلب حقه كما يريد، فاجعلي والدك أو أحد إخوانك يقول له: إن كان أخوك يريد حقه وماله فليأتِ هنا لطلبه. -استمري في الاستخارة، فإن لم يظهر شيء فأقدمي على أحد القرارت مستعينة بالله. |
أختي في الله العقد الفريد مادري بكيت ألين مارتحت ريحك الله مثل ماكلماتك لامست قلبي
حقيقه بعض الناس ماتعرفهم ولايعرفونك لاكن تكن لهم حب في الله وكل دعوه صادقه كلامي وكلماتي تعجز عن وصف حالتي لكتابتك لي أسأل الله لك في كل حال من أحوال عباده الراحه النفسيه في الدنيا لك ولكل من دعى لي بظهر الغيب ورد على موضوعي أختي في الله ألف شكر على ردك الجميل لإنه والله كل كلمه من تفسير لحالته ووضعه كانت في محلها سبحان من ألهمك قريت كلامك أكثر من مره أعجبت وبشده لهذا الوصف اللي عن جد وضعتيه أمام عيني برغم إني عارفه ماقلتيه ... فهو لا يتصف بالحكمة مطلقاً ويترك العنان لمشاعره أن تنطلق وتؤذيه أولا ثم تؤذيك... أخوي البليغ اشكرك شكر خاص تعبتك معاي فموضوعي حقيقه أنت من من تقع عيني على إسمه وأظل أعيد في رده وأتأمل لما فيه من البلاغه جزاك الله الفردوس الأعلى بهالشهرالفضيل |
كل ما أكتب أرجع أمسح وما أدري وش أكتب وش أقول
فيه شي مشترك بيننا وتوني اكتشفته بالصدفة والله أم ثمان سنين يا فاقده أم ثمان سنين................. آه يا قلبي عليها |
يعني إنتي أم وعندك بنت عمرها 8 سنوات وضحي لي الله يسعدك ويفرج همي وهمك
|
اللي اعرفه لو انتي خلعتي ما له الا نص المهر ويبلع العافيه كمان
|
اكثري من الاستخاره والدعاء الله يفرج همك ويكتبلك الخير في كل خطوه تخطينها امييين يارب |
اللهم يا فارج الهم ويا كاشف الغم ,, مجيب المضطر إذا دعاه .. رحمن الدنيا والأخره ورحيمهما ,, أرحم أختي ( فاقده شيء ) رحمه تغنيها عن رحمة من سواك وبشرها بفرح قريب كما بشرت زكريا بيحيى ,,,,
|
شوفي حبيتي
الحين ريحي راسك وطنشي انتي واهلك..........اقصى شي لمدة سنه لاتردوا عليه ولا على اهله لا بجوال ولا تستقبلوهم .............. لاهم ولا اي احد موسطينه عشان 1- تفكرين بعمق وتتخذين قرار مناسب 2- اذا كتب الله لك رجعة يتادب .......... لانكم عطيتهم طنااااااااش وبينتوا انكم بايعين |
فاقده......... وينك؟؟
بشريني عنك وعن أحوالك .... والله ما نسيتك.... من الدعائ لك ولصغيرتك إييييييييييييه يا فاقده عندي بنت عمرها 8 سنوااااااات وما عندي هم في الدنيا قد همها وعشانها تعلمت أكون قوية وأصبر وأصبر لحد ما الصبر نفسه يزهق مني بس انتي وينك طمنيني عليك كل ما أدخل أقول برفع موضوع فاقده أنا ما سجلت إلا عشان أواسيها بس أتراجع وأخاف وأقول الأدمية راحت تعبد ربها ليه أذكرها بهمها وأصرفها عن الأهم يااااارب يااااااارب أنت نصير المظلومين وأنت أعلم بما في قلبي الآن ولا حول ولا قوة لنا إلا بك |
الله يجزيكم ألف خير بهالشهر الفضيل على الدعوات اللي والله أشعر أنها من قلب صادق
أختي العقد انقطعت لسفري خارج مدينتي عشان جبت بنتي عندي زي ماذكرت بقسم اخبار الاعضاء ولاكن أحببتك في الله يارب يفرج همك ويوفقك على أهتمامك لموضوعي وتسلمين ياقلبي ىخر اخباري يالغاليه اتصل اخوه وقال الولد رفض يبغا حقه كامل ابويه قال اوكي خلي اخوك يقابلني بالمحكمه وان شاء الله مايشوف ريال لإنها خرجت بطلب منه وفهالحاله كنت ابغا المعروف معاكم ولاكن طمعكم فينا نساكم حق الله عليكم قاله ابويه ابغاك تشهد انت وابوك لمن جيتوني البيت وانتو اللي طلبتو مني تطلع قال اخوه طيب لمن خلص الكلام قلت لأبويه مستحيل بيشهدون ظد ولدهم وكمان القضاه عندنا بيعطونه مهره كامل لانه بيروح ويقول ابغاها وفهالحاله بقول انا مابغاه والقاضي بيقول ردي له فلوسه لإنك انتي ماتبغيه وبطول المده وبتعب زياده وعلى ايه تضنين موقف ابويه صح ولا اعطيه الفلوس وأخلص ابويه يقول كيف تعطينه وهو الي طلب ليش نكون معاهم بهالطريقه احنا نساعدهم يظلمونا مدري من فينا الصح |
أول شي أبارك لك برجوع بنتك لأحضانك وعسى عينك ما تبكيها أبداً
ثانيا بالنسبة لهذا اللي ما يتسمى....... الله يغفر لي لا تعطينه ريال....... ومن ناحية الشهادة كان المفروض ابوكي ما كشف اوراقه وانهم يشهدون معه لأنهم كذا بيفكرون ويفكرون ويلقون لهم مخرج أحلى شي عنصر المفاجئة لهم عشان ما يمديهم يجتمعون ويتشاورون وأكيد تعرفين مبدأ فرق تسد إذا قدرتوا اسحبي هالمايتسمى على جنب باين انه ينهز بسرعه وتقدرين تخلصين منه كل ما قعد وسطهم كل ما طولت المسألة وابوك بيتعب معاهم ليش ما أبوك يدق عليه ويقوله تعال يا ولدي ابيك ضروري ومن هذا الكلام..... يجلس معه يقوله البنت تبيك وبتموت علي وانت طيب ويا حلوك بس أهلك يخربونك ولا انت كامل ما شفت زيك ويسحبه في الكلام يسجل عليه تسجيل انه فعلاً ما خرجتي هم اللي طلعوك وهم اللي يتآمرون عليك وهكذا...... وابوك وشطارته يا يخلص ويهزه ويطلقك منه من ليلته وياخذه بالمشاعر والعاطفة وانتي تعرفين له أكثر وحده ولا وقت المحكمة ان رفضوا الشهادة وهذا على أقل تقدير بيسوونها وإذا قالوا العكس يطلب ان القاضي يحلفهم انه كلامهم صح وأبوك غلطان والله المستعان..... حسبي الله عليهم وإذا يخاف........ ما أحلى من طاري النفقة.... يهددهم أبوك فيها انهم طلعوك غصب وانه ما صرف عليك طول المدة اللي انتي فيها عند أهلك.... وأحسب انه كذلك فإذا كان صح خليه يهددهم فيها وانه بيرفع عليهم قضية وياخذ النفقة كااااملة وبنات الناس مو بلعب عند هالأشكال الله يفكك منه ان كان في هالأمر خير لك في دينك ودنياك وعاقبة أمرك ودعواتي لك بالتوفيق والفرج والسعادة والحبور في الدارين ونحن معك وكاااافة المسلمين والمسلمات اللي يخافون الله |
فاقده وينك؟؟
يارب سهل عليها أمورها وأخرجها من حلق الضيق إلى أوسع الطريق |
الله يوفقك وينصرني واياك على كل ظالم وظالمة اللهم انصرنا نصر عزيز مقتدر اللهم انصرنا نصر عزيز مقتدر
|
اول مره اشوف احد يفكر يخرب حياته
بيت الرسول حصل به مشاكل زوجيه انحلت يعني زمانهم يختلف عن زمنا ولابد نعرف ونفرق ونأخذ الحكمه ونصبر والزوجه الذكيه هي الطائعه لزوجها والذكيه في تغيير بعض الاشياء الغير مرغوبه باسلوب الانوثه والطيبه وحسن التبعل صدقوني كلشي راح يمشي زي ماهو مفروض وانصحك اختي بعدم التفكير بالطلاق ولاتسمعي كلام كل هلابنات لانه اللي يده في النار مو زي اللي يده في المويه وانتبهي لاتفكرين بخراب بيتك حتى ولو علشان بنتك تعيش في كنف امها وابوها والله سيجازيك على صبرك على زوجك وسيحنن قلبه لك . |
كل من شارك بموضوعي أشكركم جميعآ
اختي العقد الفريد والله لك وحشه يالغاليه أنشغلت بشهر رمضان وجيه بنتي عندي والآن سافرت عند أبوها أتمنى أعرف الكثير عنك احببتك في الله |
يا هلا بفاقده تو ما نور المنتدى
الحمد لله أهم شي كسبتي عباده بهالشهر الفضيل وبنتك الله يسهل عليها وييسر أمرها ويردها لك دائما وأبداً رداً جميلاً وأحبك الله الذي أحببتني فيه... ------------------ أنا متزوجة مضى من عمري 27 سنة عندي 4 أطفال أكبرهم بنتي وهي في عمر بنتك الله يحفظهن لنا والبقية أولاد رزقني الله صلاحهم وبرهم أجمعين وهم كنزي الثمين وأغلى ما أملك في الوجود.. مسالمة ... عند حد معين صبورة .... وأتمنى أن أكون كذلك للأبد مرحه ... مبدعة.... ومربية جيدة لأطفالي >>> كما أعتقد حسنة المعشر وأحب حسن الخلق مع من عرفت أو لم أعرف أحب الخير للناس مثلما أحبه لنفسي ولكني حساسة للأسف ومثالية في حياتي لأحيان كثيرة وبالتأكيد تتقاذفني أمواج الحياة حكال أي انسان على وجه الأرض يوم أضحك وعشرة أيام ابكي وهكذا ستبقى الأيام إلى أن يرث الله الأرض ومن عليها ولكن في نفس الوقت سعيدة بامتحان ربي لي... على أقل تقدير أكفر أكوام الذنوب التي أحملها وأثق بنصر الله لي على هذه الدنيا... أثق بأن غداً سيكون يوماً مشرررررقاً أحب النظر إلى السماء .... وأحب أن أشبهها في علوها ووقوفها بلا عمد ... انها كريمة في امتدادها وتغليفها للأرض حينما تضيق بي الأرض بما رحبت أهرع إلى نافذتي لأراها وأناجي ربي.... هذه أنا... يا فاقده افتقدتي شيء وأنا أفتقد أشياء |
اقتباس:
|
الله يسعد قلبك وين ماكنتي وأبعد الله عنك فقد أي شيء غالي يالغاليه
|
فرج الله كربتك ووجهك لما فيه خير لك في الدنيا والآخرة وما شاء الله الأخ " البليغ" ففي كلامه حكمة، وتذكري قول الله تعالى " ويمكرون ويمكر الله والله خير الماكرين" فأنصحك بالاستخارة وتسليم كل الأمر الى الله ولا تحزني فكل أمر المؤمن خير وإن النصر مع الصبر.
|
| الساعة الآن 01:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©