زوجي أصبح مشلول ولا أدري كيف أتعامل معه
 

السلام عليكم
انا بقولكم قصتي الحين انا وحيده امي وابوي وابوي متزوج 2 وبعدبن ابوي طلق امي و راح مع مرته وانا مع امي وامي قلت لي انتي لازم تتزوجين لانها ماتبي تقعد معاي تقول انتي لازم تكونين نفسج لانها تبي تتزوج واحد وتزوجت واحد وسافرت معاه بس كنت تدزلي مصروف كل شهر بس ماتسال عني بس ابوي مايدري عني وامي كل شهر تدزلي فلوس بس اهي مادري وينها حاليا مادري اي دوله مسافره لانها تدز الفلوس عن طريق بنك وانا اهني متزوجه خوش واحد اعمره 18 ووحبيته لان اهوا وايد طيب وزين بس زوجي اهله متوفين وماكان عندي فلوس وايد بس كان عنده بيت من خالته والحمدالله كان قاعدين في ومرتاحين وزجي يشتغل بالجيش وانا الحمدالله امي تدزلي 100 دينار بالشهر واهني كان عمري16 وصار لنا سنتين من زواجنا وعشنا حياة حلوه وماكو مشاكل وبعدين خالته قلت لنا ولدها بيتزوج هذا البيت حق ولدهاوقلت لنا انا اشتريت لكم بيت ثاني كان البيت صغير وقديم وكل شي في خربان بس كنا نقول الحمدالله علي كل حال شنو بعد نسوي هذا اللي الله كاتبه لنا وبعد فتره زوجي سوا حادث وانشل كل جسمه وماقام يشتغل وانا بس عندي 100 دنيار اقدر اسرف فيهم حقي وحقه وبعدين اهوا صار حيل تعبان وانا تعبت اكثرلان زوجي كان وايد يبجي وتعبان حيل وماصار يحب اقعد معاه صار غير مو زوجي اللي قبل اعرفه وماصار يتكلم عدل ولا افهم كلامه واهوا مضايق لان ماكو حتي فراش ينام ولا اكوا شي والحين اهوا تعبان حيل حيل حيل شنو اقدر اسوي عشان اخلي سعيد ومرتاح الله يخليكم ساعدوني

وعليكم السلام ورحمة الله وبركاته

الحين زوجج بالمستشفى ولا في البيت..؟
وشنو قالوا الأطباء عن حالته..؟

بالبيت عن اي ناحيه تقصدين بحالته ؟

الله يفرج لكم

ردو علي ؤين ردردوكم ردو علي ساعدوني بليز الله يخليكم قولو لي شلون أقدر آخلي سعيد واهتم في زين لأن إهوا حيل تعبان بيلز ساعدوني :'(

زوجج لازم يقدم على تقاعد مرضي اقل ما فيها تستفيدون من المعاش

100 ما تسوي شي أبدا

الله يفتح عليكم

حسسيه باهميته عندك ومقدار حبك له

اطلعي معاه منتزه وحسسيه انك تفخرين فيه

ساعديه بالطاعات سوي لكم ورد من القران تقريه انت واياه
احفظوا سور وسمعيها له وهو يسمعها لك

حاولي تكثرين سواليف معاه خبريه بكل شي شاوررررررررررررررررررررررريه باي شي علشان يحس انه مهم عندك وانك مو مستغنيه عنه

الله يسعدكم حبيبتي ويشفيه عاجلا غير اجل
ويجزاك خير

انتي ذكرتِ ان يعاني من شلل في كل جسمه
ما فهمت..؟
هو مشلول شلل تام..ولا نصفي ياليت توضحين أكثر
قبل الحادث كن يشتغل بالجيش..في هالحالة روحي قدمي له على تقاعد مبكر بسبب مرضه علشان معاش الجيش يستمر

الله يشفيه يا رب ويخفف عنو وانتي حاولي تحسسيه باهميتو في حياتك وانو ما تغير شي بحياتكم
حاولي تشتغلي
حاولي تسجلي باماكن بتراعي ظروف زوجك
كان الله في عونك

مشكورين حبيابي الحين أرد علي سوالج الشلل اللي في تام يعني مشلول كله وعن الشغل أنا ماقدر أشتغل منو راح يقعد معاه.

الي فهمته انه عمر زوجك 18 وانتي بعد 18 سنه..بنفس عمره

وحالة زوجك الدوله عندكم اعتقد تصرف اعانه لذوي الاحتياجات الخاصه اعتقد كل دول الخليج كذا..

وبعدين وش هاالام والاب الي مايسالون عنك.خصوصا انك بنت..معقوله في ناس كذا؟؟

وزوجك لاتحسسينه انك متضايقه من وضعه فهميه ان هذا قضاء وقدر ابتسمي في وجهه سولفي معه لاتتركينه و جيبيله ممرض فيه تمريض مختصين لمثل حالة زوجك..

الله يفرج همك

حبيابي أنا عمري 18 وزوجي 20 وأهل زوجي ماتو وأهلي أمه وأبوه مايدرون عنه وإذا عن زوجي مايبي أحد يعرف أن مريض ؤاهوا حدي منحرج من نفسه مادري ليش مادري شلون آخلي يواثق بنفسه

لا حول ولا قوة الا بالله
ارفعي يدك للسماء وادعي رب العباد يفرجها عليك

ليه الغرور أنا ماعندي فلوس عشان أيب ممرضه وزجي مايحب أحد يهتم في

أختي عفوا أنتي في أي دولة من دول الخليج حتي نبحث لك في نظام دولتك خصوصا أنه كان يعمل في الجيش

ملاحظة : أرجو من الأخوة في ادارة المنتدى التجاوز عن تصريح الأخت بمكانها حتي يتم مساعدتها لآني أعتقد حالتها خاصة و تحتاج الاهتمام على الأقل ممكن أحد أعضاء المنتدى من تلك الدولة و ممكن أن يساعدها بشكل أفضل و الله المستعان

انا من الكويت

زوجج عنده الجنسية الكويتية..؟

أي زوجي عنده جنسيه كويتيه وإذا عن الدوام زوجي مأقام يروح بدون سبب بعدين أعم ظلعو لأن إهوا صار في حاله نفسيه مايبي أحد يدري أن صار في جدي يخاف أحد يقول عني شيء صار ماحب أحد يشوفه ولا يكلمه لأن كلمه ماينفهم يخاف يخاف أحد يعيب عليه. وابي يصير زين وإخلي يترك هلافكار الغريبه ويتعود لأن إهوا توه صارلي جدي مو من زمان

نحن في شهر رمضان استغلي هذا الشهر بالدعاء والفرج
وأن يشفيه الله ويرفع عنه البلاء
أهنئك على صبرك ورجاحة عقلك نعم الزوجة أنتِ
لا تفقدي الأمل فالله هو الخالق وهو أعلم منا بكل حال

لا حول ولا قوة إلا بالله

زوجك يمر بحالة نفسية

يحتاج تأهيل كامل عن طريق مركز طبي

الي أعرفه بأن الكويت ما تقصر معى مواطنيها وخاصة إنه كان في الجيش

ماذا عن أصدقاء زوجك , زوجك شاب ولابد عنده أصدقاء أعزاء راح يساعدونك

ويوصلون حالته للمسؤولين

وهل له أبناء عمومة أو عشيرة أوحتى لو جار نشمي

الدنيا فيها خير

الله يشفيه ويعافيه

الله يشفيه ويرفع عنه
ويعينكم

الله يشفيه يااااااااااارب ويكون ف عونكم ..

مشكوريه حبيابي انشالله يكون بخير ادعو لي

ربي يشفيه ويعافيه ويقومه لك بالسلامه
ليه مايروح لدكتور نفسي لو جلسه وحده بس عشان نفسيته ترتاح ويكون عنده ثقه بنفسه اكثر
وحتى النطق لو يروح يتعالج ويساعد نفسه شوي شوي ويتحسن وضعه مع الايام
وعلى المصروف مافيها شي لو انتي خذيتي الاثباتات كلها انه شخص مريض
وقدمتي اعانه ربي يسهل لك امورك بالخير ويفرجها عليك ويصبرك ان شاءالله

ماشالله عليكي اصيلة يابنت

طيب خلونا من وضعه هو الله يكون بعونه

اللحين انتى بترتبطي بواحد مشلول طول العمر خاصة وانتى صغيره

حتى لو انتى موافقه وراضيه على الوضع

لا زوجك ولا المجتمع راح يسمحلك .. معليش على كلماتى هذى لكن هذا هو الواقع

بعدين ايش اللى مابي احد يدري

ليش زكمة ولا كحه هذا شلل مصير الكل يدري

اختى روحى كلمي المسؤلين وائمة المساجد اذا ماعندكم احد يساعدكم

اسال الله ان يكون بعونك ..