|
من المخطئ أنا أو زوجي ؟(مشكلة اضافية#13)
السلام عليكم
الموضوع. انه قبل شوية كنا في السوق أنا وزوجي و2 أولادي والكل يعرف كيف السوق في رمضان وأنا بالعادة أخلص من قبل رمضان بس الأخ في الله سافر ووعدني لما يرجع من السفر يخرجني أخلص أموري وما اتسهلت اخرج إلا اليوم وأنا ما أحب اتلكع في السوق ولا ألف كثير. المهم من أول ما دخلنا السوق وهي يتكلم في الجوال وكل شوية أحد يتصل عليه ولا هو يتصل على أحد المفروض يأخذ باله من الأولاد وأنا اتفرج وأخذ إلي ابغاه عصبت منه قلتله مو وقت التلفونات قعد يقول انتي مريضة بالوسوإس أنا مو في شارع عشان يضيعون مني وووو وهما في السوق كل شوية ينادوا على طفل ضائع والدنيا زحمة موت يعني المفروض انت خرجتنا يكون الوقت هذا لنا إلي يكلمك تقوله أنا مشغول مع أهلي ولا ما ترد خير شر الدنيا مو طائرة صح كلامي ولا لا بجد ينرفزني بتفكيرة حتى لما نقطع الشارع أقولهم خليكم ما جنبي لحد نقطع يقول سيبيهم يعتمدون على أنفسهم أقوله رجال بشنبات ماتوا في قطعت الشارع فما بالك بطفل ما يفهم |
وعليكم السلام ورحمـــــة الله وبركاته
اختي فونة الأطفال بالذات لازم الوالدين يحرصون عليهم خصوصا في الشارع كلمته خليهم يعتمدون على انفسهم ما كانت في محلها وانتبهي تسايرينه..امسكي عيالج وامشوا مع بعض وخلوه يمكن يحس بالغيرة ويلحقكم.. موفقة يارب |
هو الغلطان خاصة بالموقف الثاني أحس زوجك من النوع اللي مايصدق إلا الواقع بعينة
مثلا بالموقف الأول قال لا أنتي موسوسة ماراح يضيعون يدري إن فية كثير أطفال ضاعوا بس ماشاف بعينة كأنه يقول مستحيل يضيعون الموقف الثاني لا ماراح ينصدمون سمع شباب وشيبان أنصدموا وماتوا بس ماشاف بعينة وكأنة متباعد هالشيء يصير بسم الله على عيالك الله يخليهم لك بس أختي لو إنك جبتيها بكلمة حلوة راح يقول لك سمعاً وطاعة ( أقصد المكالمات بالسوق ) مثلا حبيبي ممكن تقفل جوالك وتوريني ذوقك بأختيار ملابس العيد ( كذا راح يمسك الأولاد ويختار لك من ذوقة ) الله يوفقكم ويصلح مابينكم ويألف قلوبكم لبعض |
أراه مخطيء في كلا الموقفين
واستمري في ذلك .. أعني حرصك عليهم... حتى لو كان ذلك سبباً في عودتك بلا مشتريات أفضل من أن تعودي بلا أحدهم حماهما الله وذرية المسلمين لذلك لا تنفكي عن التنبيه عليه دائماً فسيتعلم صدقيني كنت مثلك بل وقلت له بأني سأنهار وسأفقد أعصابي إذا اختفى أحد أبنائي لثواني وتحمل أنت منظرك أمام الناس فأصبح يخشى أن أفعل ذلك وعيناه لم تعد تعدوا عنهم ولكن ليس دائماً.. إن رن ذلك البغيض نسي نفسه وليس فقط أبناءه حماكم الله والمسلمون |
جزاكم الله خير
هذا الي كنت ابغى اعرفه انا غلطانة ولا لا لانه لما اتناقش معاه لازم يطلعني انا الغلطانه وهو الصح في اي شي ويلف ويدور صراحه انا ما عندي اسلوي للنقاش والحوار عشان كذا دائما اطلع خسرانه حتى لو كان الحق معاية |
حبيبتي بعيدا عن المخطيء انت ام هو
لا تفرطي في اطفالك ولاتثقي في يد غيرك تحتفظ بهم بعد الله كم سمعنا من قصص يندى لها الجبين اللهم اني استودعك بنيتي وابناء المسلمين جميعها |
ليس زوجك لوحده هو من يتصرف بهذا الشكل عديم المسؤولية
ولكن كل الجيل الحالي هم بنفس العقلية لا اهتمام ولا رعاية للابناء حتى اصبح لدينا جيل فاشل وضايع |
زوجك مخطيئ يا غاليتي ..
لكن عليكي ان تحرصي على ابنااائك داائماً خصوصاً في قطع الشارع .. أنتبهي عليهم ياقلبي وانتبهي لا تسمعي رأيه لمن يقولك خليهم يعتمدو على نفسم :S شوفي انا كبييره قد ايييش بس والدي يمسك يدي ومررا يخاف عليا لمن نجي نقطع الشارع .. بس موقف السوق : انتي علمي اولآدك من البيت ( اسمع يا بابا لمن نروح سوق او أي مكان لا تجرو وتضيعو مننا عشان في رجال يخطف الأولاد ). صدقيني بيخافوو وبيسمعو كلآمك باذن الله .. دمتي بسعااده =) |
شوفي مكالماته على حسب اذا مهمه او غير مهمه
تؤجل ولا ماتؤجل .. ويظهر لي زوجك يحس بامان زياده .. والام بطبعها حنونه وحريصه .. فانت ِ لاتكبرني الموضوع ... وناقشيه بهدوء بشكل لطيف .. وانتبهي لعيالك وكمان هم فهمنيهم لايطلعون مثلا برا المحل الله يحفظهم لك يارب .. |
مره شاهدت برنامج للدكتور عبد الكريم بكار.. وهو رجل معروف خصوصاً في أمور التربية
كان دائماً يقول أن المرأة في التربية أفضل من الرجل .... لأن لديها استراتيجية وبعد نظر في التربية ولا تغفل عن ما يأتي في المستقبل بينما الرجل همه اليوم وما يحدث فيه فقط لذلك وجدنا منك هذا الحرص يا أخت فونه وقابله ذلك البرود من زوجك لأنها حالته الطبيعية مثلما حرصك الذي يراه البعض زائد أيضاً حالة طبيعية لذلك لا تيأسي ودائماً في الأمور التي تخص الأولاد قولي له لا أريد أن أعرف من المحق ومن عكس ذلك كل ما أريده أن نقدم الأفضل لأطفالنا معاً .... أحببت أن أوضح ذلك لي وللجميع |
أختي هو المخطئ فالأطفال لا يعلمون شيء والمكالمات إذا لم تكن مهمه فبأمكانه يؤجلها وبأمكانه يكلم وهو منتبه للأطفال
وأما أنتي حاولي أن لا تغضبي بسرعه لأن الغضب يسبب مشاكل لا أخر لها وأقول الله يوفقكم ويسعدكم يارب أمين..شااااب |
اقتباس:
جزاكم الله خير مرة ثانية |
من المخطئ أنا أو زوجي <الجزء ?> وأكيد مو الأخير
? أنا من النوع لما ازعل وابكي يعلى صوتي وزوجي يأخذها من باب رفع الصوت وفرد عضلات زي ما يقول
أمس قالي نروح كفي نشرب قهوة وأنتي اطلبي حلا قلتله الناس هذي الأيام ما تروح كفيهات تروح أماكن ثانيه قالي قصدك السوق خلاص خلصنا الأولاد من قبل اسافر (هو سافر قبل رمضان ) قلتله الأولاد خلصتهم وأنا قالي مو رحتي مع أهلك وأنا مسافر (وهو عارف انها مرة وحده نزلت لمدة ?? دقيقة بس ورجعنا وما كملت ) المهم شدينا بالكلام وقتله قلبي مليان عليك بجد ما يحس فيه وأنا اخر تفكيرة ووووو والله من ? الى أمس ?? رمضان ما أكلنا شيء من برئ البيت إلا الخبز ما قد فكر يقول يوم بريحك ومن قبل رمضان والله كل الوجبات أنا اسويها فظور وغدا وعشاء وأنا من ? شهور أو أكثر ما عتدي خدامة وصابرة عشان اسعارهم نار ومراعية ظروفة قام يقولي مو بس انتي إلي تطبخي وتنضفي كل الناس قلتله بس أنا محتاجه يوم أقلها أريح فيه أنا أصبر أصبر أقول بيحس بتجي منه كلمة حلوة أ ي شيء لحد أوصل للانفجار ونوصل لطريق كل واحد يقول أنا الصح اليوم زعلان يقول لا تعمليلي فظور بفطر برئ قلتله خذنا معاك قال انتي سوي أكل للأولأدك وأنا بفطر برئ مالك دخل فيه تعبت والله مو حلو الواحد يعيش مع ناس ما تفهمة و24 ساعة مطلعني غلطانه والله انعدمت ثقتي بنفسي |
اقتباس:
مو معانا ... بعدها روحي له بسياسة الطيب .. اذا مانفع وقتها غيري اسلوبك .. بعدين ياقلبي باقي للعيد وقت لاتعكري جو حياتك لامور بدري عليها شوي .. هدي نفسك وفكري كويس كيف تتعاملي مع نوعية زوجك .. الله يوفقك الجميع .. |
اصلح الله حالكم ..
اختي انصحك ان تقراين في كتب تفيد في الحياة الزوجية .. مثلآ اللي اعرفه انا (المرأه البحر والرجل المحيط) مشاكلكم بسيطة وموجودة في كل بيت ولاتحتاج كل هذا التذمر والتشكي .. بالعكس اشوف زوجك افضل من غيره بكثير .. لكن يحتاج انك تفهميه حتى تكسبينه .. لان بتصرفاتك هذه تجعله ينفر منك اكثر.. حياتكم الزوجية تحتاج .. صبر.. تنازل ..تفاهم ..احترام .. مراعاة شعور الاخر ..الخ وقبل هذا كله التقوى والسعي الى رضا الله سبحانه .. انا متاكدة لو تغيرين اسلوبك معه راح يعطيك اكثر .. يعني كان بامكانك ان تخرجين معه للمقهى ..وبأسلوب حسن تقنعينه يوديك السوق .. واما عملك في البيت اطلبي الاجر من الله وهذا واجب عليك تجاه زوجك .. هو بيجي اليوم اللي يقدر فيه تعبك اذا وجد الزوجه المطيعه وتؤدي واجبها من قلب محب ومخلص .. اتمنى لك التوفيق .. |
ضروري أن تتعلمي أسلوب الحديث مع زوجك ..
لما عزمك كان ممكن تقبلي دعوته وتروحي وتنبسطي وهناك في الجو الهادي تلمحي له بحاجتك للسوق بهدوء |
اختي...
تعرفي مشاكلك (مشكلة الاطفال و المشكلة الحالية ) ناتجة منك ..من كثر الضغوطات اللي عليك ياقلبي هونيها و تهوووون ... مثلا موضوع الاطفال .. اغلب الرجال هكذا .. طالما الام موجودة فا مايركزوا مع الاطفال عرفين انه في من ينتبه عليهم ... لو جيتي له بالهدوء وقلتي له حبيببي خليك هنا معاهم و انا داخله عالمحل اشوف شي او حتى اشرتي له (طالما و انه على التلفون) ورحتي صدقيني كان بينتبه عليهم ... بالنهاية هو ابوهم و اكيد يخااف عليهم .. لكن يطمأن في وجودك .. المشكلة الثانية .. اسمحي لي انتي مخطأة .. زي ماقالت رسيل المفروض تتعلمي كيف تتعاملي معاه و تكلميه اكسبيييه بالمعاملة الطيبة و الكلمة الساحرة .. الحياة مو اكل و شرب و تنظيف الرجل يدور على الي تفهمه و تدلله .. لما عرض عليك تروحو كافيه (صراحة قهههررتيني ...) .. كان على طووول وافقتي و حضنتيه وقلتي له حبيبي يووووه ماتتصور كم انا محتاجة اقعد معاك لحالنا .. اطلعوا سوا و خلي الاولاد عند اهلك وانبسطي معاه .. و انتو راجعين كان ممكن تطلبي منه بذوووق و لطف تمروا على احد المحلات بسرعة وكان بيوافق ... لاحقة عالسوق و الشراء . بس القعدة و الطلعة مع الزوج ما تتعوض ... وحتى بالنسبة للاكل ,, ترى كلامه صحيح .. كلنا نطبخ ونكرف .. وبالعادة طالما ما طلبت الزوجة اكل من برا.. ماراح يحس الزوج .. ايش عرفه بداخلك من غير ما تتكلمي مافيها شي ... تعبتي من الطبخ .. بهدوء و دلع قولي لي حبيبي على بالي ناكل من برا اليوم واكيييد ماراح يكسفك .. باختصار ياغالية .. حياتك ماشاء الله مافيها مشاكل الحمدلله .. فلا تختلقيها من لا شيء لا تكوني حساسة و سهلي الامور و انظري لها من منظور ايجابي و لا تتوقعي زوجك يعرف ايش فيك والي تبيه من نظرة عيونك :) هذا كلام افلام ... كلميه واطلبي منه بدلال و هدوء و لاازم من كم كلمة معسوولة تاخذي عيونه بها .. لانه مبين زوجك طيب ... فا اعرفي كيف تكسبيه ... |
جزاكم الله خير
انحلت المشكلة ولله الحمد رسلته رساله في نفس اليوم وهو يرسل وانا ارسل لحد انتهى الموضوع يارب لك الحمد والشكر |
الله يتمم لكم على خير
وضروري تتعلمين من اخطائج |
| الساعة الآن 02:14 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©