|
عادي اشتري سيكل ؟
السلام عليكم ورحمة الله وبركاته
عادي اشتري سيكل واروح عليه البقاله والغسال والحلاق وهالأمور ؟ مع اني رجال وعمري 22 وشنب ولحيه ؟ صراحه ودي اشتري سيكل واروح عليه واجي ، احس اني كل مالي وارجع ورا للطفوله :d |
لا مابيهه شي عادي اذا واحد ما تتوفر عندة السيارة مابيهه شي
|
لا عندي سياره
بس مليت من السيارات وانا من سكان الرياض وتعرف الزحمات ونظام ساهر لذالك قرررت اشتري سيكل صراحه وشريت واحد مستعمل هذا هو http://up.3ros.net/get-8-2011-cmov0gm8.jpg بس الله يعيني على تعليقات الناس هههههههههه |
لا عادي مابيه شي وكل الشباب هسة تركب سيكل
بس انصحك بدراجة نارية افضل |
الدراجه الناريه غاليه علي مره
يعني اللي حلوه ومواصفاتها زينه توصل عندنا من الـ 10 آلاف إلى الـ 25 ألف بس ان شاء الله بكره بطب السوق وبدور لي واحد رخيص انا اشوف واحد من الجيران معاه واحد وعاجبني مره |
ههههههههه عادي مافيها شي ولو تجيب سييكل ابو ثلاث كفرات من ورى اثنين ومن قدام وحده افضل
في حمل المثقولات من اغراض بقاله والغسال ...الخ وعساكـ ع القوهـ" منجد غريب الناس تدور راحتها واختصار الوقت عشان يستفيدو منو بوقت ثاني وانت تبى تطول السالفه وتضيع الوقت وتضيع جهدك كمان ههههههههه من ناحيت عادي عـــــــــــــــــــــــــــــــــــــــــــــادي واتــــــومــــــــــــــــــــــــــــــــاتيكــ كمان " تقبل مروري" اقتباس:
|
الدبابات خطيره وأيضا ً السياكل
انتبه لعمرك بعدين السيكل متعب يعني لو إنت في الدخل وتبغى تروح البديعه تحتاج وقت وجهد أكثر يعني لو تبي تروح البقاله أو المسجد أو المغسله السيكل مفيد جدا ً :d أولاد عمي عندهم سيكل ويذهبوا للمدرسه بالسيكل بلا سواق بلا هم وهذا هو التطور بعينه بالنسبه لكلام الناس ماعليك من أحد , احنا في 2011 بالعكس بداية التطور إننا نركب سيكل وسينتهي المطاف بميترو في الرياض :22: |
بصراحه جو الرياض مايساعد علي ركوب السيكل
بنظري حلات السيكل انك تركبه ويكون علي يمينك ويسارك بساتين وجو عليل ونسمات ترد الروح مو جو يخليك طول الوقت مبوز ومكشر وحالتك حاله |
روعة الصمت : ان شاء الله ما فيه الا العافيه وش عرفك اني ساكن في البديعه ههههههههه فعلاً لو نشوف الدول المتطوره كلهم يسوقون سياكل والسياكل لها انظمه ومواقف وطرق مخصصه
نور دبي : تبين الجد بس قولي ما شاء الله انا ما عندي مشاكل مع الحر ولا الشمس لأن صراحه تعودت على الجو وصرت مثل الضب هههههه والبساتين اللي ترد الروح وين بنلاقيها عاد ههههههه |
ماشاء الله
اذن اعقلها وتوكل |
ههههههههههههههههه
من جد ضحتني وذكرتني بأخوي وسواياه .. ايش بباله يسويه مايهمونه الناس اشترى دباب ويروح الشغل عليه ههههههههههه والكل يضحك عليه وماهمه المهم السيكل .. توفير بنزين ^__^ |
السعودية تُعاني زحمة مُهلكة
وما هذا الا بسبب الفكر السائد لدى المجتمع بأن عيب على الرجل ان يسوق السيكل او حتى يمشي على قدميه. ( بالمناسبة : قديما قبل خمس وعشرين او ثلاثين سنة كان يُطلق على السيكل " حصان ابليس "!! وكان البعض يُحرمه!!!) طبعاً هذا الإعتقاد نتج عنه زحمة + حوادث وضياع اموال + موت الكثير الكثير! وادعوك انتَ ومن يزور هذا الموضوع الى مُشاهدة مقطع في اليوتيوب اسمه " ارهاب الشوارع " لتعرف حقيقة وضعنا الحالي لاتفوته فهو مقطع جميل. بالطبع لن تسلم من التعليقات ، هذه هي سياسة تغيير اي فكر سائد في مجتمع معين وعندما يظهر امثالك من الشباب الذين يركوب الدرجات الهوائية سيتغير الحال ، وشئ فشئً سيصبح ركوب الدراجة الهوائية ثقافية سائدة. وفقك الله واصلحك. |
ماعليك اشتريه إذا تبي تفتك من الزحمة بس مايكون المشوار مرررة طويل وماعليك من تعليقات الناس |
صرااحه اول مادخلت موضوعك وقريت كلمة سيكل !!!! جا في وجهي الف تعجب واستفهام .. مانعرف دي الكلمة
ماشاءلله مرررررا حلو .. نحنا في الحجاز نسميه دراجه .. عاد مصطلحاتنا كلها غرريبه عن مصطلحاتكم يعني اغلبها خخخخخخخ لو تبغاني اعلمك بعض المصطلحات المكاويه الاصيله أنا في الخدمة ههههههه يااااااااه انا لو ولد كان اشتريت دراجه "سيكل" .. بس الحمدلله على كل حال واهم شي القناااعه .. دمت بسعااده =) |
هههههههههههاي
ضحكتني بتصير كأنك هندي في واسط الرياض ع هذا السيكل هههههاي |
أهنيك على طريقة تفكيرك ..
عقبال الخمسة وعشرين مليون نسمة الباقية |
فكرة لا غبار عليها لمن يتحملها ..
المشكلة ليست في نظرة الناس لك .. المشكلة كيف ستحمي نفسك من أصحاب السيارات الذين لا يرونك شيئا .. وأنه ليس لك اي حق في الطريق .. أهم شي تجهز بتجهيزات السلامة |
بيجيك اجر من الناس راح يحشون فيك حش موب صاحي :d
اهنيك على الفكره الحلوه :22: |
يعجبني اللي يتبنى فكره ايجابيه ويسعى لنفادها
بصراحه سيكلك رووعه الله يهنيك فيه ويعطيك خيره ويكفيك شره اهم شي فعلا احذر من السيارات والتعليقات الله يعينك اول شي راح يناشبونك عليه انهم يشككون في قواك العقلية بس قل لهم هذي ضريبة التغيير |
صُدمت على السيكل البارح
بس الحمدلله جت سليمه كسر في اليد وجرح بسيط على الجبهه وفي الخد |
خخخخخ
الحمدلله على السلامه خلاص لاتسير على السيكل مره ثانيه ماعينت منه خييييييير |
حمدلله ع السلامه
ماتشوف شر انتبه على نفسسك =) |
قلت لك ..
الله يعينك على أصحاب السيارات الذي لا يحترمون الناس . تكفير وطهور أخي غريب .. |
الله يسلمكم
انا اللي غلطان رايح طريق عام وصدمني مصري عند الإشاره وسامحته الله يجزاه خير نقلني هو المستشفى |
افا
ماتشوف شر اخوي بس انتبه لنفسك في المرات الجاية ويارب اول واخر الصدمات ماعليش اذا ماعندك مانع انا متاكده انك سمعت تعليقات من الاهل والقرايب او الجيران والاصدقاء فضول لا اكثر ودي اعرف >> شوف انا كيف صريحه :d طبعا الجواب براحتك ورضاك |
اكيد فيه تعليقات
ابوي يقول انت بزر انت مهبول ؟ امي تقول يا وليدي لاتطلع على السيكل يشوفونك الناس يحسبونك مانت بصاحي اخواني يستهبلون علي اخواتي يقولون ما عليك منهم اسف ما اقدر اكتب اكثر من كذا اكتب بيد وحده |
اقتباس:
يالله .. الحمد الله ع سلامتك وماتشوف شر .. شكلها جاءتك عين حسود الله يعينك على الآلم .. |
:d
ارجع واقول ماتشوف شر |
الحمد لله هلمره سليمه ...
اقول دامك بلدخل ( فااحمد ربك جت كذا كسر وبس ) سواقت اهل البديعه والدخل صواريييييييييخ او رييييييييييييح عاتيه ويالله ياساهر ارصد وصور . الحمد لله ع سلامتك. |
لا ابدا ماله داعى عندك سيااره كفايه
السيكلل حق الاطفاااال |
الله يعافيكم
همس 2009 البديعه والدخل ما فيه فرق بينه وبين المناطق الأخرى في الرياض الصحافه ، العقيق ، الملقا ، النسيم ، النظيم ، شرق الرياض كعموم كل الرياض صار مراهقين وعدم مبالين بأرواح الناس واعتقد انها مشكله على مستوى دوله أيضاً في المدن الرئيسيه كم مره بغيت اروح غلطه في حادث بس اللهم لك الحمد ولك الشكر كما ينبغي لجلالك وعظيم سلطانك والله الواحد اذا رجع لأهله سالم في الرياض (أكبر غنيمه) تحتاج لشكر |
ههههههه
الله يحفظك اخوي وسلامات ما تشوف شر بصراحه سواقة الدراجة ولا احلى وما عليك من كلام الناس واثق الخطوة يمشي ملك بس انا اشوف انو دراجتك الي بالصورة حق اطفال صغيرة وما تنفع للشاب بعمرك انصحك تشتري دراجة شبابية وحجمها كبير مثل هذه http://www.uploadhouse.com/fileuploa...b46750fd45.jpg او هذه http://www.farfesh.com/article-images/b05729123918.jpg هذه شبابيه حلوة وسريعة افضل من الي عندك , البس بنطلون وحط كاب على راسك ونواظير سود ياسلاااام بتطلع روعه وما عليك من كلام الناس ^__^ |
من جد ضحكت على صورة السيكل
يا أخي أشتر أفضل منه شوي والله شكلك تحب الطفوله انتبه لنفسك من السيارات |
للاسف السيكل او الدرجة و الدباب حلول مؤقته و ماتفع مع جو الرياض
الرياض تحتاج حلول جذرية نبي مترو و باصات تصل لكل نقطة في الرياض من الشمال للجنوب و الشرق للغرب و نبي في المترو اماكن مخصصه للنساء و اماكن للعوائل و اماكن للعزاب بشرط المترو يوصل لاغلب الجامعات و اغلب الدوائر الحوكمية و الباصات للمدارس او لاد وبنات و للمولات و المشاغل ونبي اسعار زهيده باصات النساء يسوقونها نساء و باصات العوائل و العزاب يسوقونها رجال وبكذا تخف الزحمة و تقل حوادث المرور الى 80 % |
| الساعة الآن 12:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©