|
زوجتي تحبني و تكلم غيري
السلام
انا وزوجتي اختربت حياتنا بلحظه عمري 28 وأوضاعنا الماديه تمام الحمدلله زوجتي تحبني وايد بس للمشكله انها تكلم غيري وصارت دائماً تسمع اغاني فراق ووحشه مدري ليش لما عرفت انها تكلم واحد غيري اليوم الثاني صارت تسويلي كل شي ابيه معنا اهيا من قبل تتدلع وماترضى تسويلي شي واهيا من قبل مسقطه وبعد اسبوع تقريباشفت في جنطتها حبوب منع حمل لما سألتها عنه دخلت الحمام وانتوابكرامه الباب الا بعد ساعه ما صارت تمارس معاااي ولا تتكلم وياي ولو أكلمها تقولي أنا مضايقه شوي تباعد عني مادري شسوي معاها ومع العلم أنا من بلد واهيا من بلد ثاني وكان بينا علاقة حب قوية لما كنت ادرس بره قولولي شسوي معاها ؟ |
مادري اخوي بس خليك حازم معاها وحط حد لخيانتها اذا تابت ف الله غفور رحيم واذا مازالت ع خطاها لازم تكون حازم وشديد معاها
|
اقتباس:
يهديها ربي للتوبه إن شاء الله أرجو الانتباه لطريقة كتابة لفظ المشيئة / الاشراف |
كيف تحبك وتكلم غيرك !!
وماهي ردة فعلك عندما علمت بحديثها مع غيرك؟؟ |
كلمها يمكن تبي تنفصل. كل واحد بطريق أفضل للإثنين
|
اقتباس:
ردة فعلي عصبت وسويت حادث |
اقتباس:
وحتى لو اهيا تبي تنفصل أنا مابي ولما أكلمها احس اني بجد اضايقها ...... |
كيف تحبها وانت تعلم انها تخونك وما تبي تنفصل عنها لازم يكون عندك كرامه
افضل حل الطلاق |
أين عقلك وشرفك يا هذا،،،
زوجتك تحادث ذكرا آخر، ويتكلمان كلام العشاق ويتبادلان الاشواق، وقد يكون ما إكتشفته جزء صغيرا من الحقيقة القذرة للعلاقة بينهما، وأنت كل ما عملته هو أنك عصبت، أتعبت نفسك يا أخي. وفوق هذا هي من تتضايق منك وتبتعد عنك، وأعذرني على ما سأقوله. من الواضح أنك ضعيف الشخصية والغيرة ومثلك لا يملء عين النساء فلذلك زوجتك بحثت عن الحب لدى عشيقها المزعوم. |
أتعجب من رجال هذا الزمن ؟
فرق بين الشهامة والمروة و بين ضعف الشخصية بحجة الحب ؟ |
اذا كلمت غيرو معناها خيانة وعقابها الطلاق اكيد مو هذا الحل لا ترد على احد تكلم انت وياها وعطيها فرصة يمكن اعصابها تعبانة او عندها مشكلة خليك تكون صديقها قبل ما تكون زوجها وصبر عليها يمكن ترجع مثل الاول ويمكن احسن
والله يهدي بال الجميع مافي احد مرتاح |
يعني تدري بيها تكلم غيرة وتحب غيرة وساكت
ما اعرف شبيك تحياتي الك |
أخوانى واخواتى ليه الشدة مع الرجل ...حتى لو كان فى كلامه مايوجب الغضب....
يعنى هو مضغوط ويبحث عن حل هنا نقوم ونعذبه اكثر.... على كل ::: اخى لايصح تهاون الزوج فى امور تمس الشرف والكرامة لأن التهاون والتخاذل والتقليل منها قد يؤدى لما هو اخطر كالخيانة مثل ...لاقدر الله.. لابد أن تعرف ماذا غير زوجتك منك ..؟؟؟ وان تعرف مدى علاقة هذا الشاب بها وطبيعة كلامها معه وسببه؟؟؟ ولماذا هى لاتريد الحمل منك؟؟؟ كل ذلك يجب انت فقط تعرفه وتجاوب عليه... ولو ثبت أى شيىء لاقدر الله يغضب الله ...كن كما يكون الرجال الأحرار وطلقها .... أخوكمm.s |
لاحول ولاقوة الابالله ماتت الغيرة
|
الاخ السائل ممكن بعض التفاصيل كم عمرك وكم لكم متزوجين واين تقوموا الان فى بلدك ام بلد زوجتك ام فى بلد الدراسة وكيف تم الزواج وهل هو زواج شرعى ام زواج عرفى وكيف عرفت بكلام زوجتك مع هذا الشخص ومن اى بلد هو وهل مقيم فى نفس البلد التى انتم بها الان ومنذوا متى وهى تحدثه وكيف كان تفسرها لهذه العلاقة |
كيف صلاتك اخي
؟؟؟؟؟؟؟؟؟؟؟؟ ؟؟؟؟؟؟؟؟؟ ؟؟؟؟؟؟ ؟؟؟ |
سبحااان الله عشانها حرمه لازم تصير رده فعله قوويه
انا من رايي تذبحها الطلاق مايكفي لو رجال كان قالو انتي مقصره ولاتعلمين اهلك استري عليه اصبري ومن هالطقه انا انصحك تكون حازم وتدرس الموضوع صح اذا هي مصره علي غلطها الانفصال افضل مع الستر اذا تاابت وانت تقدر تنسي وتسامح استمر معها واسأل الله بهذا الشهر الفضيل انه يفتح على قلبها وينور بصيرتها ويبعدها عن عيال الحرام ويهدي سرك ويسهل امرك اللهم امين |
شوف اخوي-اضغط ع نفسك وادخل عليها وقلها خلاص حنا يمكن نفترق لانك خاينه وماتصلحين لي ك زوجه~~> مجرد تخويف-واذا حسيتها بدت تخاف وتعتذر سو نفسك بايعها وقول انا ارضى تجلسين ببيتي بشرط انك تسجلين بحلقة تحفيظ القران وتحفظين كم جزء من القران وانا اسمع لك ب نفسي!!! وقولها شي ثاني بعد اكسر شريحة جوالك واطلع لك جديده ومافي نت الين ماتخلصين من حفظ القران -وبكذا تكون اشغلتها عن خرابيطها وكسبت اجر بهدايتها ان شا الله
|
السلام عليكم ..
لآزم توفقها عند حدهاا .. وان شاءلله مايسير الا كل طيب .. وأستخير الله يا اخي .. دمت بووود=) |
حقيقة .. الحمدلله على نعمة الغيرة .. والرجولة ..
يعني زوجتك تحدث رجل غيرك وأنت ما اهتز حتى ثوبك .. أكيد هي لن تحبك .. لأن المراة بطبعها تحب في الرجل .. رجولته وغيرته .. واذا كان غير ذلك فسيكون آخر اهتماماتها .. |
استغرب اللي يقول ::: اذا اعتذرت
تعتذر عن ايش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
أنا مستغربه صراحه
الرجل عصب وسوى حادث ومازال واقع تحت تأثير الصدمة وكتب مشكلته لأنه فعلا مقهور وينتظر استشاره وعلى النظير اخونا الثاني gwgi اللي محروق من الغيرة كلنا هبينا فيه وعاتبناه ياناس حسن النية والثقة الزايدة لا تعني أبداً عدم الغيرة والأمور اللي زي كذا حتى الشرع مايستعجل فيها الله يهديني ويهديكم |
اقتباس:
ومابي اطلق |
لاحول ولاقوه الا بالله
وين غيرتك على اهلك؟ |
كلمها أنصحها
وحاول تمنعها من وسائل الإتصال وإذا مافاد من حقك تضرب زوجتك ضرب غير مبرح الله يهديها ويهدي ضال المسلمين |
يااخي بما انه ماعندك اي رد فعل و ماراح تتخذ اي شي بحق زوجتك ,,
و تحبها و تموت فيها وهي تكلم غيرك فليه تتعب نفسك و تكتب موضوع خلاص خليكم على نفس الوضع دام انك راضي |
اقتباس:
يعني خيانه الرجل عادي شوفي نفسك وأنتي السبب مقصره المعصيه معصيه والرب واحد وشرع ربي واحد على الرجال والحرمه طيب سؤال دار في راسي إلي تتزوج لها زاني أو رجل يزني والعياذ بالله هل من حقها تطلب الطلاق وإلا تصبر عشان عيالها وتعذب نفسها طول العمر الله يعين على الدنيا بخير والله زمن وبعدين طلقها الرجال يحبها ومستعد يغفر غلطتها خلاص يستر عليها ويحاول معها بتفاهم وإن شاءالله تتعدل |
اقتباس:
|
مشكورين إخواني وأخواتي
بس أنا مابي اطلق اخوي بو مريم عمري 28 سنتين بلد زوجتي حب شرعي سمعتها تتكلم معاه بالتلفون ايه اسبوع او اكثر بسمة الإشراق صلاتي الحمدلله |
الله يهديكم هو يريد حلا على الرغم ماكتبتم ما زال متمسك بها
هي مثل |
اختي تهاني الحياه مو كذا
|
هتلر زماني
أنا فكرت وابي حل ذكي ...... الحب مشاعر مو احبها كذا بس أنا ماقدر افارقها وكم مره كلمتها تقولي تعبت منك اقولها اي شي تبين بسوييه تقولي مابي منك شي اللي صاير ماوصل لاهلي ومابيه يوصل لاهلها والإخوان اللي يقولون لي طلق او ماعندك شخصيه أنا ماراح اطلق وشخصيتي قويه بس لما يكون الانسان مجروح مايعرف شنو يسوي ولا حتى شلون يفكر مشكورين وماقصرتوا |
الله يكون في عونك
مايحس بالنار إلا رجل واطيها الحب شي كبير وإذا تبي تحافظ علي حبك وبيتك لازم يكون لك موقف توقف زوجتك عند حدها إستسلامك مو حل لازم تكلمها وتتفاهم معها وإذا فعلا غلطانه تصرف بحزم معها عشان ترجع لصوابها بعد أهي مسكينه يمكن أحد غرر فيها أنت تفاهم معها وحاول تنقذها ويمكن هذا ظن منك والبنت ماتكلم ولا شي شف أنت كون حازم معها وإن شاءالله تنحل مشكلتك |
وممكن تعرف من الشخص هذا وتحاول تشوف وش عنده
وتثبت لزوجتك أنه كذاب ومخادع وبكذا ماراح يكون لها حجه وبتندم |
الله يفرج همك اخوي ويكتب لك اللي فيه الخير
|
الحين كيف تحبك وتكلم غيرك وماتبي تتكلم معاك ولاتبيك تقرب منها وتاخد حبوب منع الحمل وتجي تقول تحبني اللله يهداك بس يعني انت شايف انها تحبك
|
لا الحياة كذا ونص-انت لازم تحط للمهزله اللي هي جالسه تسويها هي جالسه تخونك وتخون ربها قبل كل شي-اذا ماتحركت وحطيت حد للموضوع راح تتمادى-اوكي تحبها لكن ماهكذا تورد الابل-مافيه الا هالحلول اللي كتبوها الاخوان وانت مااعجبك ولا حل -خلاص سو اللي يريحك
|
اول شئ ابو علي رجل بمعنى الكلمة ورجل ناذر تبارك الله في هذا الزمن باين انك رزين الحمد لله ويارب يهدي سركم يارب وتلاقي الحل اللي يريحكم ويسعدكم دنيا واحرة يارب
ردا على الموضوع ااعوذ بالله من اللي طلب منه ان يطلقها والله وناس ما تستحيي كدا ربنا طلب الستر ,,,,,,,طيب ليه ,,,,,,,,,,,هي غلطت ربنا يسامحها يارب يا عالم الله يغفر الذنوب كلها فكيف لكم وين الاحسان وين الرأفة ليه ما طلبتو منه يصلح الاحوال هي غلطت ولها باب تتوب فيه وربي يغفر لها طيب كيف بزوجها ما يغفر الله رحيم يرحمنا برحمته ويعفوا عنا كيف هو ما يقدر يرحمها ما يقدر يغفر لها ويحاول الصلح ويردها للطريق المستقيم الرجل ما يريد يطلق مع علمه بخطئ زوجته خلاص نساعده لايجاد خل له من اجل سعادته هو وهي مع بعض شوف اخي اذا حبيت رايي بصراحة ادرس الموضوع جيدا نقطة بنقطة من الالف الى الياء وخذ لك ورقة وقلم واكتب الايجابيات والسلبيات من علاقتك بها واكب يعني مثلا اذا سامحنها وش النتائج اللي تتوقعها بايجابياتها وسلبياتها وحاول تصحح كل خلل في علافتكم واصلاح ما تكسر يعني الحرمة كلمت رجل بالهاتف يمكن لانها جاهلة ويمكن هي تعتقد ان الكلام ما فيه عيب ويمكن ويمكن انت ناقش الموضوع معها وذا شفت انها ندمانة واعترفت لك بالخطا فاستر عليها الله يرضي عليك واستر عليها الله يستر عليك يعني لو انت اللي ختها بالله عليك راح تدخل للمنتدى وتعترف بالخطا وتعطيها حريتها اللي هو الطلاق يعني تطلقها ولا شو تعمل طيب لو هي كتبت مشكلتها وان زوجها خانها مع امرة ثانية وش تتوقع ردة فعل الاعضاء انا اقولك اول شئ اصبري استحملي هذا زوجك غلطة وما راح تتكرر عديها عشان اولادك وعشانك انت ما تصيري مطلقة بالاولاد وما راح تلاقي حد يتزوجك لان الناس تطلع العيب ديما في المراة دون معرفة السبب سامحها يا ابني وحاول هدايتها والتقرب اليها لان ما تتكلم حد ثاني غيرك الله معك ويارب يستر عليكم وعلينا وعلى حميع المسلمين |
طيب انت قدرت توصل لرقم هالشخص وحاولت تكلمو
هل حاولت تتعرف عليه او تعرف هل هو يقرب لها او هي يمكن متفقه مع احد من صاحباتها لتثير غيرتك عليها ادعو الله ان يفرج همك ويلهمك الصواب والطلاق ليس حلا ولكن البحث عن السبب اللي يجعلها تكلم احد بالتلفون هل هي محتاجه لصديق هل البلد اللي هي عايشه فيه منفتح وعندهم عادي يكلمو اصحابهم لمجرد الزماله فقط مثل عندك لبنان مصر سوريا يمكن الاردن هناك مناطق وناس محافظه ما ترضى وهناك ناس ترضى ومنتفتحه وتعيش كثل الغرب هل هي تلميذه جامعه تدرس او متخرجه من جامعه مختلطه او تعمل وعندها زملاء بالعمل |
أسأل الله لها الهداية وأن يسخرها لك
|
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©