|
قررت أن أتزوج من الخارج
بعد التحية ومن غير مقدمات
قصتي هي أنني بعد أن تركت خطبت المرأة المطلقة لعدة أسباب كما ذكرت في موضوعي السابق http://www.66n.com/forums/showthread.php?t=226327 كلمتني الوالدة عن فتاة من بيت دين ومتدينة وخلوقة وجميلة وكل أهل الحي يمدحون فيها وفي أهلها تقدمت لها بعد الإستخارة وجاء موعد النظرة الشرعية وأحسست بالقبول وهي كذلك وتمت الخطبة وبعد فترة جاء أخوها وأخبرني أن أخته بتفسخ الخطوبة فسألت عن السبب فقال من أجل الدراسة فقلت أنا أبغاها تكمل دراستها وبساعدها وحسيت في نظراته الكذب قلت له بالله هل سمعتم عني كلام ماهو زين لاتكون سمعتي مشوهة وأنا ما أدري قالي يابن الحلال أنا بأقولك الحق سئلنا عنك قالوا يطلع البر كثير وبدوي وأختي تقول ما تبغى بدوي وغير كذا سيارتك ما عجبتها ؟؟؟ الغريب في الموضوع أن عائلتنا سكنت المدن وتحضرت وتركنا البداوة من سنين طويلة من أيام جدي الله يرحمه ولا حد يفهم من كلامي أني متحامل على البدو لا والله أنا أجدادي بدو والبداوة فخر ولكن حنا نعتبر حضر وحياتنا في المدينة ومتعلمين ودارسين وقلة منا في البادية وأبوها لمح لي بالمزح أن السيارة ما تنفع للزواج وقلت له بغيرها أنا انصدمت ولا أدري كيف أرد على أخوها قلت له هي حره في اختيارها والله يرزق الجميع صراحة اكتشفت بعد هذا الموقف أن فيه سطحية في تفكير الفتيات وسذاجة بشكل لايصدق تفسخ الخطوبة عشان طلعات بر وسيارة بالله هذا سبب لفسخ الخطوبة؟؟؟ وهي تعتبر من خيرة البنات صاحبة دين وخلق الله يخلف علينا ويعوضنا بالخير البنات يقولون نبغى الستر واذا جاءها واحد تفسخ الخطوبة لأسباب واهية صراحة الزواج من الخارج هو الحل المرأة تكون فاهمة ومثقفة وتقدس الحياة الزوجية وتحترم الرجل ما تعتبره لعبة ترده وتفسخ الخطوبة لأسباب تافهة |
اولا الله يرزقك بالزوجه الصالحه ويوفقك في إختيارك ياارب
اتعجب من بنات العرب اسفه بس انا كنت اعتقد انهم اذكي من كده!!انا ماعشت في حياتي في دول عربيه مع اني عربيه ومن قبيله معروفه وتعتبر هذه المنتدي اول منتدي عربي اشترك فيها بعد ماكنت مداومه علي قراءه كل ما يكتب منذ 2005 بس للأسف تفأجات من الذي يحصل؟؟؟ليش صرنا احنا العرب كده؟؟ليش الشكليات الخارجيه صارت اهم من الدين والاخلاق؟؟استغفرالله يعني الغرب تشوف الابيض يأخذ الاسود والاسود يأخذي صيني وهكذا اما نحن العرب ليش صرنا ندقق في كل شئ؟؟يعني اللي يتزوج لازم يجيب سياره فخمه جديده؟؟ويعني لازم يلبس شيك؟؟؟وايش فيها اذا طلعاتك كثيره؟؟ الحياه العزوبيه شئ ولما الشخص يتزوج شئ ثاني اسفه بس منجد منزعجه من اللي قاعده كل مره اقرؤ المهم الله يوفقك مو شرط تأخذ واحده من بلدك او من اي بلد ثاني المهم تأخذ اللي تشوفها مناسبه لك واللي تكون تعرف دينها والاخلاق اهم شئ الزواج مو بس يوم اثنين ثلاثه او اسبوع اووو والله يوفقك |
اقتباس:
اقتباس:
شاكر لك مرورك العطر |
صراحة شيء غريب ..
ما يدري الواحد وش يبون هالبنات ؟ أنا أشوف أنه هذا يدل على مرجلتك ، يعني يبون واحد ما قد طلع بر ؟! أهم شيء أنه الواحد يكون متحضر ومظهره لائق ، أما أنه من عائلة بدوية أو يطلع البر فهذا شيء عادي ، وحنا وش نصير كلنا ما تحضرنا إلا قريب ! لكن بالنسبة للسيارة ، بالفعل في سيارات ما تصلح للمتزوج مثل الشاص والربع ، يعني بصراحة صعبة تركبها البنت . وإذا كنت معزم تتزوج من برا فالله يوفقك ، لكن التفاهم مع بنات البلد أحسن ، أو خذ من البيئات المقاربة ، والله يعينك على التعقيد في النظام .. فكر مليون مرة في نظام زواج غير السعوديين ، أكثر الوظايف بتكون ممنوع منها ، والزوجة على النظام الجديد ما لها جنسية ، ومقفلين الباب من كل الجهات .. قد خطبت بنت غير سعودية وكانت بنت فاضلة ومن عائلة محترمة ، ولكن كنسلت الموضوع وكان أهم سبب النظام اللي وقف أمامي !! وتعقدت من بعدها لأنها كانت أول تجربة خطوبة لي وأنا مو كبير في السن وحسيت أني بأفشل في كل حياتي ,, آسف على التطفل على موضوعك |
يارجال انت الكسبان والله
لا تخلي الرفض هذا يحطمك بنات الديرة ماشاء الله مافيه منهم و ان شاء تلاقي اللي تناسبك و تسعدك و توافق على سيارتك هههههههه |
وأنت على طول تنصدم من أول خطبة ؟؟
أنا بتحفظ عن المقارنة بين بنات بلدي السعودية وبنات جيراننا من الدول المجاورة لأن المقارنة من ناحية الزواج بالذات فيها إجحاف وظلم للطرفين بس بنبهك على شي مهم تفكير الإنسان القاصر دائماً يقوده لنتيجة عكسية يعني بضربك أمثلة من واقعي القريب في التفكير القاصر من زواية الزواج : 1- واحد من اخواني الله يهديه كان نظرته للسعوديه إنها متكبرة وماترضى بالقليل رغم إن اخواتي (بدون ماتكلم عن نفسي) مثال للتواضع والقناعة ووالله إن الوحدة فيهم ترضى بأقل مهر وبأقل تكاليف وهذا منطق والدي رحمه الله . المهم اكملك حكاية اخوي اللي حكم على السعوديات من نظرته لبنات عمي لما شاف شروطهم وتكاليفهم في الزواج ، قرر يخطب من الجنسيات المجاورة لنا وكانو اهلها جيران لنا .. المهم البنت خلوقه واهلها متواضعين رحبو فينا وتمت الخطوبة والزواج والحمدلله .. صار له 7 سنين متزوجها والله العظيم إنه طاح في ديون عشان يرضيها كل فرح تبغى فستان جديد ومايرضيها القليل ابداً بالغت في الٍإسراف والطلبات الله يهديها . وللعلم فيها صفات رائعه الحمد لله عسى ربي يحفظها ويهديها . طبعا هذا النموذج موجود بين السعوديات أيضاً واللي لازم تعرفه إن المرأة في كل العالم مو بس العربيات طبعها تحب الزينة والمظاهر وقليل من النساء من تملك القناعة الله يصلح نساء المسلمين . 2- المثال الثاني واحد من قبيلة بدوية تزوج من قبيلة حضرية وكان تفكيريه قاصر على المقارنة بين عيوب البدوية ومميزات الحضرية <<< لاحظ أنا قلت تفكيره قاصر على جانب واحد طبعا أنا هنا ما أقصد من مثالي أن هذي أفضل ذيك لا طبعا أنا اقصد الشاهد من مثالي التفكير من زواية ضيقة . النتيجة بعد ماكتشف عيوب الأخرى اللي زكاها من العيوب في المرة الأولى بالمقابل اكتشف مميزات الأولى اللي أقتصر على حصر عيوبها في المرة الأولى . الخلاصة يابن الأجواد بنت بلدك أكلت أنت وهي من صحن واحد أقصد تربيتو ببيئة وحدة وفيه من تتمناك وتفتخر فيك وببداوتك وسيارتك . والخير موجود ببنات المسلمين بدون تخصيص مهما اختلفت بيئتها وعاداتها. وإذا أنت تتمنى تتزوج من بنات جيراننا فيهم الخير والبركة. المهم حسن الإختيار دقيقة أنا أعاتبك على هذه السطور اقتباس:
مارح ألومك لأنك زعلان ومتأثر من موقف سلبي لا ينطبق على كل بنات السعودية . وفقك الله |
ينقل لقسم المقبلين على الزواج
|
اقتباس:
|
المشكله ماهي في البنت المشكلة حتى اهلها تفكيرهم سطحي ..
على العموم لاتعمم ..ففي بنات البلد الخير والبركة .. وراح تحصل ان شاءالله ابحث واسئل واعرف اخلاق امها وهذا اهم شي.. والله يوفقك |
فعلاً كلآم الاعضاء ..
الفتاة لو كان تفكيرها سطحي ومحدود .. في من هم اكبر منها ويصححو لها تفكيرها .. هذي فرصه .. اليوم تلقى عريس بمواصفاتك ماشاءلله بس بكرا يمكن لآآآآ .. وصدقني ربنا يحبك ويبغالك الخير .. وهادي خير من ربي العالمين .. وحتصبح في يوم اسعد الخلق باذن الله .. حيث الله سيعوووضك بكل ماهو جميل وترضااه بذلك .. نصيحه من أخت لك : لآ تفكر في الاجااانب ترى صادقة اختي رواء الايمان .. أغلبهم همهم المظاهر واسراااااف في المال كإنهم ماشافو خير !!! وفي النهايه القرار لك أنا لا اعمم ع الكل .. :D ودمت بسعااده =) |
مالك الابنت بلدك عاداتها وتقاليدها واذا لم توفق مره مرتين اصبر والرزق جآي ان شاء الله
ابحث عن اخرى وسوف تجد مايناسبك وتناسبك الله يوفقك ويسهل امرك ومن الخارج سوف تكلفك مدى الحياة سفر وهدايا الى اهلها وهذا غير مشاكل الابناء اذا حصل انفصال لو سمح الله |
أنا أفضل وبلاشك الزواج من بنات البلد وذكرت هذا في ردي الأول ..
لكن في نفس الوقت قد يفهم من بعض الردود شيء من الاستنقاص لغير السعوديات ، وأنا في الحقيقة أثارني هذا الشيء ، أنا أؤمن بأن الأحسن لكل أهل بلد الزواج من أهل بلده وخاصة نحن فالأفضل لنا الزواج من بنات بلدنا ، ولكن في نفس الوقت في كل بلدة ميزة ، بعض البلدان بناتهم أجمل ، وبعض البلدان بناتهم مثقفات أكثر ، وبعضهم يتحملون المسؤولية أكثر .. فكل بلد له ميزة ، وكل بلد له سلبية ، حتى بناتنا مع أني أفضلهم إلا أنه فيهم سلبيات ومنها ما ذكره الأخ في هذا الموضوع .. وأغلب البنات من جميع الدول يرهقون أزواجهم بالتكاليف ، سواء من السعودية أو غيرها فما في داعي أننا نقول أنه غيرنا يستغلنا ونحسس غيرنا أنهم بحاجة لنا .. فقط أرجو أن نحترم غيرنا من الجنسيات مع أني أعرف أن الردود هنا ما يقصد بها الإساءة بقدر ما يقصد بها الحث على الزواج من أهل البلد ، ولكن قد يفهم منها الإساءة وخصوصا أن هذا المنتدى يشارك فيه شباب وبنات من أكثر من دولة ونستفيد منهم كثير ولا ودنا يفهمون غلط ويأخذون فكرة سيئة . |
اقتباس:
أنا لاأدري من قصدك بالأجانب بالضبط هل هم من دول أوروبا فصدق القول أنهم أجانب أما لو قصدك الدول المجاورة قولي انهم مقيمين وعرب ومو كل الأجانب على قولتك همهم الفلوس فيه ناس تبي الستر وماتكلف عالزوج الأخ ابن الأجواد خيرة لك أن رفضتك الفتاة فهمي سطحية جدااا نظرتها للبدو المعيبة غير لائقة وش فيهم البدو والله الخير والبركة فيهم واحمد ربك وروح دووور مررة ثانية واسأل عن الناس إنهم يكونو بسطاء وعلى قد الحال |
اقتباس:
كفيت ووفيت بارك الله فيك رد فايف ستار ودي تكون الردود مافيها عنصرية أو تقليل من شأن جنسية على اخرى |
بارك الله فيك أخي مبحاث
روح المساء قلتي شي بنفسي أقوله مايجوز نقول للمسلم أجنبي جزاك الله خير |
اقتباس:
|
اقتباس:
اقتباس:
ومافيه مشكلة أجدد لها الإقامة كل فترة اقتباس:
وفقك الله وشاكر لك حضورك الجميل اقتباس:
اقتباس:
كلامك جميل جداً ولكن المشكلة أني لا أستطيع الإختيار الوالدة تتكفل بذلك ومن أهم الأشياء عندها الجمال وقد نبهتها كثير على أن الشكل غير مهم وزائل أهم شئ الأخلاق والدين والأسلوب ولكن لاحياة لمن تنادي اقتباس:
ولكن على كثييير منهن شاكر لك الحضور والشرح الأكثر من رائع اقتباس:
اقتباس:
اذا كان رب البيت بالدف ضارباً فشيمة أهل البيت كلهم الرقص اذا كان الأهل سطحيين وهمهم المظاهر بالدرجة الأولى فالله يعين اللي بياخذ بنتهم اقتباس:
بالديون ويساعدون معاه ومهورهم معقولة اقتباس:
اقتباس:
|
تتزوج من الخارج طيب فكر لبعيد شوي عيالك بيكبرون وبعدين تعرف نظره المجتمع عندنا
مثلا مع الإحترام لكل الجنسيات وعلى راسنا بس طبعا عندنا كذا بيقال لي عيالك ياعيال السوريه وخلاص كذا مو عيال فلان لا عيال كذا أخوي بتظلم عيالك وأنا أختي تقدم لها واحد وكان الرفض بسبب جنسيه أمه ومن البر في عيالك تختار لهم الأم وفيه بنات كثيررررررر ينحطون على الجرح يبرى لاتحكم من مثل واحد وأعرفهم يعني أنت لاتحكم من موقف |
كلامي اللي باقوله يخص ما يعم أبدا
في عضو في المنتدى متزوج من غير بلده وزوجته تكلم غيره اسأل الله ان يفرج له ولا يبتلي أحد بمثل مصيبته طبعا البنت يحلى بعينها ابن بلدها واذا عن الجمال شوف عيني في سعوديات يقطون الطير من السما وبعدين يا اخوي خلك قوي شوي مو من خطبة خطبتين تيأس وتدور من بره قو قلبك ودور عدل انت بنفسك دور وخل الوالدة هم بعد تدور وأكيد راح تلقى ربنا يوفقك ويرزقك بحورية سعودية |
اقتباس:
قياس غلط ف غلط. يعني ايش لامو دخل في انها من غير بلدو وانها تكلم غيرو اختي ما فيه اي علاقة بين الحاجتين سووها بنات ف عيال بلدهم كتير غلط اننا نربط الاخطاء بالجنسيات سواء كانت من نفس الجنسية او من غيرها صحيح زواج الشخص من بلدو افضل بس ابدا مو عشان السبب اللي بتقوليه وكتير توافق الارواح ما يعترف بجنسيات اخي صاحب الموضوع ربي يوفقك باللي تتوافق معاك ف تفكيرها وروحها وتشيلك انتا وكل ما يتصل بيك فوق راسها موفق |
الله يغفر لك ويرحمك ويسكنك فسيح جناته وييرزقك من الحور العين ياااااااااااااااااااااااااااااااااااااااااااااااار ب
|
آمين آمين ..
اللهم اغفر له وارحمه وارزقه الحور الحسان يا رب العالمين .. في الحقيقة مع أني لا أعرفه لكن وفاته أثرت فيّ كثيرا . |
الله يرحمه رحمه واسعة سامحك الله يالحن ابكيتينا الموضوع الآن قراته الله يرزقه من الحور العين
|
أسأل الله العلي القدير ان يرحمه ويغفرله ويجعل قبره روضه من رياض الجنه وأن يرزقه من الحور العين
يغلق |
| الساعة الآن 01:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©