|
الزوجه الثانيه والعذاب والظلم
السلام عليكم ورحمه الله وبركااته
كاااتبه الموضوع لاني محتاجه افضفض اكثر من اني ادور حل!! والله منهاااره نفسيااا واعصاابي زفت وماعاد اتحمل نفسي انا ضعيفه شخصيه جداااا وانهزاميه وسلبيه واذا حبيت احد احس كااني اعبده حبيت زوجي من كل قلبي وليت قلبي وقف قبل احبه ليت ربي اخذ روحي قبل لا اسلمها له حسبي الله عليه في كل لحظه من عمري كرهني فيها بحيااتي والله كبرت خمسين سنه فوووق عمري كرهني بكل شي صديقاتي التلفزيون النت الطلعات الاكل كل شي ياااليته بخيل ولا فقران ماايلقي عشااه ارحم مليون مره من انه يحسدني كل شي ويحرمني وهو يملك كل شي ياااناس ضاايعه افكر اتطلق ولا انتحر ولا اطلع مع شباب واقهره كل شي غلط وحرام خلاني افكر فيه ابي اجرحه ابيه يبكي كثر ماابكيت ماعاد لي نفس اعدله ابي اذله واهينه عندي تراااكمات منه لي سنتين بس وشفت كل الاهانات والتجريح كيف لو عشت اكثر معه دمرني والله احس كل شي ماله طعم كل الدنيا ظلام بقوولكم اخر موقف وشوفي هل يجرح ولا لا اول رمضان راحت الشغاله من عندي ورحت عند اهلي لاني تعبانه وبعد اسبوع جبت شغاله ورجعت البيت وزعل وكاان بيموت من القهر قال اجلسي عند اهلك هنااك اريح لك وانا خايف عليك وانا فااهمته كله عشان مااجيب شغاله مع العلم زوجته عندها شغالتين ومارديت عليه وكل يوم زوجته وبناته يطلعون من العشاء لحد الساعه2 للسووق من اول رمضان قلت مو معقول يعطيهم فلووس العيد وانا مااعطاني يمكن زوجته معاها فلوس وتشتري منها يووم ربي اراد انه يكشفه لي جت بنته اصغر مني قالت ممكن تطلعين معاي للسووق بجيب اغراض وامي رجولها تعورها ولاتسمح لي اطلع بلحالي يااليتني ماارحت معها قهرت نفسي وبس جلست تشتري مااخلت شي لدرجه استغربت تشتري بجاايم واشياء مالها دخل بالعيد وتشتري بدل هدايا لبنت خالتها وولدي اخوها مااجابت ولاشي له ولاقاالت تبين شي يوم جت تحااسب الا تطلع صرافه ابوها وتحط يدها ع الرقم السري انا انفجعت معطيهم الصرافه طيب وانا ؟؟ طلعنا وقلت ابي جبنه من العثيم وكان معاي 11ريال وطلع الحساب21قلت خلاص حاسبي من الصرافه وفشلتني وعيت تحاسب قالت استاذني من ابوي لانه اعطاني الصرافه وماقالي اعطيك منها شي دقيت عليه قلت بحااسب علي اغراض وعيت بنتك قاام كلمها وجت تكرمت علي وحااسبت واخذت 11 وحطتها في بوكها رجعت البيت وكنت بنفجر قلت بااي حق تعطيهم فلوس العيد وانا مااعطيتني شي ليش ماراح يمر العيد علينا والله جلس يضحك قاال ذكرتيني بمجااعه الصومال شكلك خايفه اسفرك العيد عندهم وماتلبسين ولاتاكلين شي انهبلت من رده قلت انت مو عادل بينا اي رجال يتزوج ثنتين يعطيهم سووى مو يدلع ناس ويحرم ناس قال ماالك شغل العدل يخصني انا ولاتخافين ماني مخليك عريانه اذا ماحصلتي شي تلبسينه نلف لك خيشه اخذ شووي واعتذر وقال امزح معك بس برفع ظغطك وبعطيك فلوس بس انا اعطيتهم قبلك عشان يخلصون ومااقعد بلحالي بالبيت لاخلصو خليتك تروحين انا مااعرف كم اعطاهم بس متاكده انه مبلغ معتبر لانهم كل شي اشتروه هم عندهم زواج بالعيد وانا عندي زواج يقرب لي اعطاهم فلوس فساتين وانا قال البسي من الدولاب المهم يوم جاء امس قال بروح اسحب فلوس العمال والسواقين لما رجع قاال خذي فلوسك 2000ويكون في علمك معاك يومين بس بعدها لو تموتين مافيه سوق وبنبه السواق ماايوديك بغت تجيني جلطه هم كل رمضان بالسوق ولاعلق ولازعل منهم واعطاهم اكثر مني ومتاكده لان فساتينهم اكثر من الف ريال غير تفصيل عبايات وعطورات وبجايم وبدل للعيد لو انها الفين كان خلصت انا حالفه اني ارجع الفلوس له وماشتري شي وامي قاالت لاتسوين كذا وياخذها ولايعطيك شي لانه مايخاف من ربي ولو يبي يعدل كاان عدل بينكم المصيبه انه يصلي ويصوم ويقوم اخر الليل بس علي انا هالبخل والحسد تحطمت احس بنقص ودي اتطلق منه بهدووء وانقهر علي عمري معي ولد وحامل وضحيت وصبرت عشانه عجزت اكرهه وعجزت اسامحه ابي حل ابيه يعدل دايم انا اقل منهم اعطى اخته وامه 6000للعيد وهم جاالسين بالبيت وانا عندي زواج وطلعات وعندي ولد يبي له لبس وغيارات واعطااني 2000انا مااكنت اركز ع الماده بس هو اسلوبه غبي يعطيهم اكثر مني ويعلمني ومايستحي وينقص علي كلهم اخذو حقهم بالقوه قبل يومين جاب مفرش للسرير لي ولزوجته اخذته وحطيته وهو مو عاجبني وشكرته ويوم طلعت لقيت حق زوجته بالحوش سالتها قلت ليش حطيتيه بري قالت مابيها باايخ يروح يتصدق فيه قلت له يعطيني 500واجيب انا علي ذوقي يووم سالتها قال ايه ذوقها صعب بكيفها بعطيها وتجيب اللي تبي طيب وانا قال انتي متربيه وعاقله واحسن منها يعرف يضحك علي الله يااخذ لي حقي وحق ولدي منه |
لآ حول ولآ قوة الا بالله ..
والله يا اختي الحق معاكي وانتي صابره ماشاءلله عليكي .. بس القهر انه مايعدل بينكم :( وباين ان عنده خير بس مقصر في حقك وحق ولدك .. بس ياحياتي لو اتطلقتي أولادك راح يتشعترو وينحرمو من العيشه الطبيعيه بين الوالدين .. الله يفرج همك ويطووول بالك ويرزقك راحه بال تسعع الكون ومافيه .. حآآولي تمسكي اعصابك وماتحرقي في دمك كتير عشان الجنين يلي في بطنك .. دمتي بووو=) |
حياتي والله مو انتي بس حتي قريبتي يوم جاه يتزوجها قوم وقعد الدنيا عشان ياخذها وهو مزوج وبس خلف منها والله ما يشتري لها شئ خواتها يتصدقون عليها بس يشتري اغراض المطبخ الله يحنن قلبه عليها
ابغى اعرف اذا هم مو حق عدل ليه يبهذلون بنات الناس ولو جيتي تناقشي يقول انتى اعقل منها ولا هذا كله خايف على مشاعر الاولى منت قد الزواج لا تتزوج الدعاء الدعاء الدعاء ان ربي يحننه عليكي وبقولك شئ قولي له الاغراض غاليه تعال اخرج معاي السوق خليه هو يسعر والله انا خرجت 3 الاف ما رجعت الا 500 كل شئ غلا لا تسوي خرابيط و تخرجي مع شاب تخلي الشيطان يضحك عليكي بتجيبي سمع لاهلك قبل ما تجيب لكي الكلام تعوذي من ابليس كل شئ انشاء الله ينحل |
والله حاسه فيك لأني مجربه
شوفي حبيبتي لا تقارني نفسك بالأولى أبداً عشان أنتي ترتاحي تعلمي تطلبي حقك بدون ماتسأليه ليه هناك أكثر وليه ماتعدل ترى كلمة >>اشمعنى هي وأنا لا<< تدمر نفسيتك وتهضم حقوقك والدليل كلمته يوم يقول ابي ارفع ضغطك لأن الزوج وبالذات اللي معدد مايحب زوجته الأولى أو الثانيه تسأله وتحاسبه إن قصر بشي وطبعا مسألة أنه يعطيهم أكثر لأنهم أكثر منك ومسألة تتسوقي يومين وهم من أول رمضان برضو لأن طلباتهم أكثر غير التبديل عادي تسوقي يومين ولو احتجتي شي جيبيه باسلوب والله السوق زحمه واي عذر ثاني وفي شي مهم لازم تنتبهي له هو رخى في البيت الأول من زمان ومايقدر يشد خلاص وحاس إنه غلط ويحاول يصحح غلطه ومايرخي في البيت الثاني وهو يشوفك الأعقل وكل زوج صدقيني حتى لو ماكان معدد لما تجيه زوجه عقلها كبير وتتحمل يزيد عليها ويضغط لأنه واثق بتفكيرها وصبرها .. وبقولك حقيقة للأسف قالت لي داعية قبل كذا لما بكيت واشتكيت بحكم اني كنت زوجة ثانيه قالت (الزوجة الثانية ينظر لها زوجها على أنها عدد زايد لا تزعلي لو قصر بحقك) بصراحة أنا حقدت وكرهتها كونها داعية ويطلع منها هالكلام بس للأسف لقيت إن هذا الواقع !! لا تناقشية بمسألة العدل هذا شي بينه وبين ربه .. ولعلمك ترى العدل مو انه كل ما اعطى هذيك يعطيك واذا جاب شي هناك لازم يجيبه لك ترى هذا مفهوم خاطئ انتشر بين المعددين وهذا ارهاق للنفس الحقيقة . العدل في المبيت هو الأساس .. وأنه يقوم بمسؤليتك وطلباتك بغض النظر أو المقارنة بينك وبين الأولى .. وأكرر نصيحة لا عاد تسألين ايش جبلهم أو أعطاهم اعتبريهم جيرانك واعتبري نفسك الأولى بحياته والله ترتاحي كثير .. وتعلمي اسلوب الدلع في طلباتك والله تحرجيه واصبري لا تستعجلي وتدققي الله يوفقك ويسدد خطاك |
اقولك شي
زوجك حاس انك داخله حياته طمعانه فيه علشان كذا يقسي عليك في الصرفيه حبيبتي هذي حياتك وهذا اللي مكتوب حاولي تسايرين هذي العيشة وتاخذين حق عيالك بالحسنى والزوجه الاولى انسيها ولاتقارنين نفسك فيها لان اكيد هي فاهمته اكثر منك الله يعينك ويفرج كربتك |
اقتباس:
والله ياجماعة الخير اللي اعرفه ان الزوج يحب زوجته الثانية اكثر واكيد ان عدم ارتياحه وتفضيل الاولى بسببك فابحثي عن اخطائك وصححيها مااقول لك انه مايخطئ بس انت عليك من اخطائك اذا صلحتيها وقتها تقدرين تصلحين اخطائه |
الله يسعدكم يااابناات والله وربي يشهد علي عمري مااحسدتهم بس هو يحسسني بنقص
كثير يتطنز علي اجي اكل فواكه يقول قد شفتي هذي ولا تعرفينها كاانه مااخذني من الشاارع وضعه الماادي جداا كويس ومرتاااح وربي يزيده احسه يحبني ويمووت فيني وانا احبه والله ولدي يموت فيه من كثر مااحس بحبي لابوه تعلق فيه اذا شافه يجلس يشم ريحته ويحط راسه علي صدره ارحمه انا مااقارن نفسي فيهم وقلت له مليون مره اعطيني اللي يكفيني. وبحدود ميزانيتك والشرع وين المشكله اذا دلعنا شوي هو مدلع زوجته وبنااته واذا جااب اي حاجه لولدي يوريها لهم ويكون خاايف طيب هذا من حقي واذا حريص علي مشاعرهم ليش تزوج يقدر يراعيهم بدون مايقصر معي سبق وقلت له لو ماتبيني اقول لهم انك تعطيني مو مشكله اقول اهلي اعطوني الله يعين بس من جبت ولدي الي اليوم وانا اطلبه دولاب سعره ب 200 ويقول طيب وفصل غرف لعياله ولا جاب لولدي شي يووم جاء اليوم جااب الدولاب اعرفه اذا حس انه ظلمني بحاجه يروح يجيب شي ثاني صاارلي قرن وانا اطلبه عشان يثبت لي انه مايقصر وعشان لو بدخل احد بالموضوع يقول انا جايب لها كل شي تطلبه غررررريب امره تعباااااانه ومتضاايقه انا اعرف الخلل فيني انا مره ضعيفه يزعلني واشيل بخاطري واتغاضى دااايم اعدي اهاناته واهماله بس لاني من كل قلبي احبه ماابي اخسره واخاف عليه من الهوى ونفسي اعيش بهدوووء بس احس اني اقل من الناس مااودي اطلع ولاودي احد يشوفني كسر فيني كل شي |
للأسف بعض البشر لايجب ان تعاملها بما تمليه عليك اخلاقك.
زوجك ينفع له المرأة القوية التي لاتسكت عن حقها ، فهو - والله اعلم - يحب هذا الأمر ولو كان يخفيه في نفسه. |
معطيك الحب ومعطيهم المادة
هو تفكيره كذا لقى عندك حب وحنان وبادلك الحب اللي يمكن ماقدر يبادله زوجته الأولى هو مرهق من الطلبات المادية ويجيه تأنيب منهم لأنه تزوج الثانية وأكثر الزوجات لما يتزوج عليها زوجها تبدأ ترهقه بالطلبات اللي من سنين ما طلبتها يعني هي عايشة حرب نفسية معه وانتي كمان عايشة بحرب نفسية حاولي تعدي ذي المرحلة بصبر وحكمة والله الصبر مفتاح الفرج .. |
وش لك بوجع الراس ياااختي لاتفتشين وراهم وش سووا وش حطوا كم عطاهم
ماعليك منهم عشان ماتتعبين الا اذا جتك السالفه لحد عندك عشان ماتقارنين وتحرقك الغيره وبتنفرين من زوجك وبتكون نفسيتك تعبانه ثانيا بتكونين مشحونه من ناحيته وتجينه باسلوب ينفر منك بعد صدقيني لو زوجته الاولى بتحاسب تصرفاته معاك بتلقى امور كثيره تغار فيها بعدين ياااختي ناظري حياتك من زاويه احسن ماشاء الله ربي منعم عليك وعندك ولد ربي يحفظه وحامل وزوجك ما اشوفه مقصر حتى لمن كلمتيه على قولة رفع ضغطك ومزح معاك وعقب عطاك 2000 يعني انتي غاليه عليه وام لاولاده ومساويك معهم انتي بيدك تكونين مبسوطه وتبعدين ابليس عن حياتكم اللي قاعد يخرب فيها |
الله يفرج همك ولاتقارني كثيرا بينك وبينهم
واوفق رأي الأخت رواء إلايمان جزاها الله كل خير |
ركزي على كلام الغاليه رواء الايمان...وحاولي تغضين النظر عن اشياء اذا عرفتيها ماراح تزيدك الا تعب...وخليه يحصل الراحه عندك وبأسلوبك الهادي والحلو تقدري تاخذي اللي تبغيه بس لاتقارنين نفسك بالاولى ..لانها معاه عشرة عمرواكيد فاهمين بعض اكثر منك.. |
لاحول ولاقوة الا بلله
انا بصراحه حزنانه على زوجك احسه شايل مسؤليه كبيره يصرف امه واخته وزوجتين وعيالهم .. نفس شكاويك في كل مره ....هم اعطاهم وانا مااعطاني هم اكثر وانا اقل منهم...هم عندهم وانا ماعندي..هي اشترت كل شي وولدي اخوها مااشترتله شي..وبعدين طبيعي هم بيعطيهم اكثر منك لانهم اكثر عدد ..وزوجته عندها شغالتين لانهم كثير ..وبيتها كبير..وانتي عائلتك لسا صغيره اختي ترى ماينفع كدا كل شوي تزنين على الرجال ليش هم كذا وانا كذا... انا قبل قلتلك عامليه نفس معاملتهم هم...شوفي هم كيف يتعاملون معه وانتي طبقي لان زوجك الظاهر له طريقه خاصه محد يتقنها غير زوجته وبناته.. صدقيني هو مابيبخل عليك بس مشكلته متهاون ومايطلع الفلوس الا بالقوه.. وانتبهي ترجعين الالفين خليها عندك واذا خلصت ارجعي اطلبيه يمكن في البدايه يرفع ضغطك ويرفض بس اكيد في النهايه بيعطيك.. واهم شي خليه يرتاح عندك لاتنكدين عليه في كل وقت .. |
حبيبتي في فرق بين العاقلة والمستسلمة
العاقلة هي اللي تاخذ حقها بالكامل بدون ما يزعل الطرف الثاني شي ثاني الزوجة الثانية عشان تعيش لابد تكون قوية وحقانية لا تقارنين نفسج فيهم أبدا والاهم استخدمي مع زوجج الحيلة والدهاء لا تصيرين واضحة ومكشوفة واتمسكني الله يوفقج |
صدقيني أختي مافيه أحد يتزوج ثنتين أو أكثر ويعدل كله كذب قال تعالى«و لن تستطيعوا أن تعدلوا بين النساء و لو حرصتم - فلا تميلوا كل الميل فتذروها كالمعلقة» صدق الله العظيم أنا بعدل وأنا وأنا كثير من الرجال يقولها ولاكن
القرآن فضحهم وصدق الله مهما كان فلن يعدلو ولاكن لايميلو مع أحداهن .....شااااب |
حبيبتي حقك طلعيه من عيونه ولاتسكتين وتنبهي لولدك بكرة يكبر ويشوف فرق المعاملة بينه وبين اخواته ويتعقد بعيد الشرر عنه فلازم من دحين حتى لوو مشتي عنحقك لا تسكتين عن ولدك لو اش ماصار انتبهي زي مايلبسهم ويجبلهم يجبله
وليه يتزوج وموقادر يعدل اصلا <<اكثر الرجال يتزوجون الثانيه شهوة ونزوه وتعدي ويرجع لاولى ام عياله حسبي الله بس يويله من الله العشر الاواخر قريبة ادعي ربك كثير الله يعينك وييسر امرك |
الله يجزاااكم خير يااارب
استغرب من اللي يقولون لاتقارني نفسك فيهم يعني من اي نااحيه مااقارن نفسي ليش لما يكون الكلام من زوجه اولى يقولون لها لازم يعدل ولازم تصيرين مثل الثانيه ومن هالكلام واما الزوجه الثانيه يقولون انتي رضيتي وانتي مو زيهم وهي الاولى وهم اهله انا مااخترت نصيبي جامعيه وعلى خلق ودين وماازكي نفسي فااهمه وصبوره وحبيته ربي كااتب لي اتزوجه ولا ورب الكعبه كنت اضحك مع صديقااتي عليه واقول فيه واحد مخرف كبر ابوي مصدق نفسه وخطبني والله كنت اتوقع اي شي الا اني اتزوج واحد بيني وبينه اكثر من 30 سنه اي انساانه بالدنيا ترضى بوضعي بغض النظر عن الظلم والعدل بس مبدأ انك مااخذه شخص كبير حااجه تحرج ماافيه الا عدد بسيط من صديقاتي يعرفون اني زوجه ثاانيه كل مجلس وكل عزيمه اخذ اهانات فيه وكلكم تعرفون كلام الناس كنت كثير اقوله انا افتخر فيك واحبك بس خلك معي تعبت من كل شي لا نظره الناس لي ولا تجريحه وكلام زوجته وخواته ومع ذلك يقولون اصبري ابي دليل واحد من الكتاب السنه العرف يدل على انه يفترض مااقارن نفسي فيهم وانهم لازم ياخذون اكثر مني والله مشكلتي الاسااسيه معه الماده مو طمع مني بس اجلس مع عياله وزوجته كل شي موفر لهم ولايحااسبهم انا يعطيني وعقب كم يوم يسالني حتي اليوم قلت له ليش تنقص علي قال اخاف يضحكون عليك راعين المحلات قلت بنتك اصغر مني ومااخفت عليها اعطيتها صرافه بيدها حقرني وطلع انااا بجد تعبت منه ماادري هو مو واثق اني احبه والله كل مااشافني قاال الله يستر عليك ودايم يقول مااجابك لي الا اني بار باامي ودعت لي ان ربي يرزقني ببنت الحلال وانا راضي عنك ومبسوط معي ومدلعني في كل شي الا الماده اذا جاء طاريه يبدى يجرحني ويحسسني اني بنت فقر واني مااشفت خير وماايهمني الا الفلوس يقول لاحظي ماتزعلين الا عشان وصخ الدنيا طيب وش اسوي لاصرت انت تقصر معي الله يصبرني ويحفظ ولدي واللي في بطني ويغنيني بفضله |
يا اختي ماحد قال اسكتي عن حقك
فيه مقارنه بعقل وفيه مقارنه خاطئة تسببلك ضغط نفسي زي اللي انتي عايشته الحين والعدل ربي أمر فيه بس فيه اسلوب اقدر اتكلم فيه معاه واخذ حقي بسياسة واذا انتي بتقارني نفسك في الأولى اجل الله يعينك ولو كنتي الاولى بقولك نفس النصيحه لا تقارني نفسك بالثانيه ومع كل الناس لو الواحد قارن نفسه مادياً بغيره يتعب للأسف اختي اتضح لي من كلامك الأخير ان كلام الناس ونظرتهم تأثر فيك وهذا يزيد عليك الضغط إذا انتي تحبيه صح استغلي حبه لك وادلعي عليه بدون ماتحاسبيه مباشره باللي يعطيه الأولى لأن هذا ينفره منك .. يا اختي النفس الانسانية جبلت على اللين والكلام الحلو فما بالك لما يكون زوجك . وانصحك ابعدي نفسك عن الجلسه مع زوجته وعياله ترتاحي كثييييييير انا شخصياً اعرف زوجة اولى تقول اتعمد انا وعيالي نقهر زوجته الثانيه والله العظيم تقول حتى اخواتي يوفرولي اشياء مايوفرها زوجي واوهمها انها من زوجي عشان تحس اني افضل منها .. شوفي كيد النساء وصل لفين !! انتي يمكن حساسة وطيبة على نياتك وصريحة ماعندك شغل الكيد واللي زي كذا تتعب اذا كانت زوجة ثانية .. اسمعي انا نصحتك وقلتلك ماتقارني نفسك وانا زيك زوجة ثانية وبردي هذا وضحتلك قصدي من المقارنة اتمنى وصلتك الفكرة. وعندي فكرة حلوه ان شاء الله تناسبك من بداية شوال قوليله بدخل جمعيه مع زميلاتي او اخواتي وقوليله ما ابغى احس نفسي اقل منهم ازواجهم يعطونهم وانت لا قوليله مثلا 500 او 1000 اللي يناسبك وادخلي فيها جمعيه واذا مالقيتي افتحي حساب بدون بطاقة صراف وجمعيها كل ستة شهور خذيها واشتري اللي نفسك فيه .. والله الحياة تحتاج لمسايرة بذكاء وبكذا انتي اخذتي منه باسلوب .. واذا رفض وماعتقد يرفض قوليله خصصلي مصروف شهري لي بدون مصروف البيت .. |
الله يكملج بعقلج يا رواء
انا شخصيا استفدت من كلامج بارك الله فيج يا اختي وحدانية انتي شكلج واضحة زيادة عن اللزوم والصراحة الحياة يبيلها لف ودوران ومسايس من اجل لقمة العيش على قول زوجي لابد من النصب لازم تاخذين حقج بالمسايسة والتدلع وعدم المقارنة <<<<< طبعا الكلام لي انا قبلج بارك الله فيج |
اقتباس:
|
كتبت رد لك قوي ولكن خفت أن أدخل فيمن خبب امراءة على زوجها فحذفته لكن اقول لك اشكري بلسانك ما يقدمه لك وخلي في فمك كلمات مثل جزاك الله خير ربي يرزقك بدالها اضعاف واضعاف ما تقصر يذخرنا من لنا في الدنيا غيرك وقبلة فوق رأسه واذا شريتي شيء جيبه له خليه يشوف من باب يشوف وش شريتوا قولي له هذا بكذا وهذا بكذا بدون ما تخليه يحس أنك تبين اطمانينة على الفلوس وين راحت وانك ما تضحكين عليه علشان يكون موقفك حلووووو الاخوة والاخوات من حقها تطلب من زوجها وهو ميسور الحال من فقير فساندوها مو تقلبون عليها |
هههههه
الموضوع مافيه مشكلة المشكلة فيك انتى اختى زوجك ما قصر اعطاكى مصروفك وزيادة .. بس عندك الغيرة زايدة شوي اش فيها لما يخليهم يتقضون بدري وتفضى له بالبيت بعدين يجي عليكي الدور دمتم بسعادة |
كـان الله في عـونك ...
كل شئ يهـون الا الظلم .. اذا ماهو قد العدل ليش ياخذ ثنتين ... وموقف السوق والصرافه مع بنته .. جدا قاسي .. حتى لو ان راتبك يعادل راتبه مرتين انتي ملزومه فيه ولك حق يصرف عليك ولا هو حتى تفضل منه انتي زوجته الا اذا فاهم الحالة الماديه مع الزوجه شئ ثاني يجب تصحيح تفكيره ... ولو انه مع الكل هذا طبعه يمكن اخف شوي .. بس يرهي على غيرك وانتي الحق لك يقتصد معاك هذا قمة الظلم ربي يعينك ... عليك بكثرة الدعـاء حتى لو كان الامر مايستاهل صدقيني بتتسهل امـورك .. |
ياااربي احنا في رمضاان وتتربط الشياطين
بس شياطين زوجي فلتااانه يااابنات تكفون منهاره تعبت تعبت امس قلت له بطلع للسوق قال خلاص ويوم جيت اطلع اعطاني الصرافه قال سددي لي فواتير ولاتاخذين ريال واحد سددت ودقت زوجته علي قالت اسحبي 500 واعطيها السواق سحبتها وبعد شوي دق علي قال سددتي قلت ايه وسحبت فلوس ويجلس ينافخ قلت مو لي لزوجتك وسكت انا نزلت بالسوق وهم راحو سوق ثاني واخذو السواق عندهم جت الساعه11 خلصت دق علي قال خلصتي قلت ايه قال ارجعي قلت السواق مع زوجتك وبنتك جلس يدق عليهم وهم حاقرينه لين جت 1 ومروني قالت اذا سالك قولي له ان ماامعنا جوالات وانا نسيناها بالبيت لاني حقرته ولارديت عليه وصلنا 2 الا ربع الاهو واقف بالحوش ومعصب جاء بيهاوش قالت ولا كلمه ونفخت عليه وطلع للصلاه رجع بعد الصلاه واكلمه تسحرت تعشيت ولايكلمني ويناظر فيني باحتقار وينافخ جيبي لي مويه لحفيني يعاملني زي العبده انا انصدمت طيب وش سويت طلعت 9 وخلصت 11 هم تاخرو علي وسحبو عليه وهو عاارف اني مخلصه حتي قلت له انا تعبت من زحمه السوق وظهري ذبحني من الجلسه ولاجاء اخذني انا مااغلطت بلعتها وسكت وناايم في طرف السرير ولايعبرني قلت بكيفه عساه مارضي رجع من الدوام يضحك ويستهبل بثقاله دم جلس يلوي يدي ويضربني بعقاله مزح بدفاشه وانا فاهمته يبي يطلع حرته فيني قلت اتقي الله تعبانه وصاايمه ويشدني المهم جيت بطلع من الغرفه ويشدني بقوه من شعري قلت خير صااحي انت الا تطيح ساعته ع الارض ويدعسها برجلها يقول جيبيها قلت والله مااجيبها واجي امشي ويعطيني كف بدوون سبب علي اسااس يمزح طحت ع الارض ابكي ويقرب يبوس راسي ولاقاني ابكي قاال الحمدلله اثرك تحترين احد يكلمك عشان تبكين كان علمتيني عشان من بدري اريحك وراح يناام بكيت لين خلاص صفى راسي يااناس يأدبني بذنب غيري افكر انتقم منه صرافته معي اقول بسحب فلوس ولاراح اعطيه خبر وبشتري وبرجعها له وبقول هذي دفعه مقابل الكف والاهانات ونقص المصروف وافكر انطل صرافته بوجهه واروح لاهلي واخذ عفشي واخليهم ينادونه ويربونه وانا مااعمري دخلت اهلي بمشاكلنا ولاقد كلموه مااني عارفه اتصرف معه هو يزعلني عشان مااطلب زياده فلوس دايم هذي حركاته الله ينتقم منه وينكد عليه زي ماايذلني |
ليه سحبتي للسواق بدون أذنه وبنته مارضت تحاسب عن الجبنه قالتلك أستاذنيه أول
|
الحين هو يوم ضربك يمزح يعني ولا شنو كيف يمزح ويضرب كف..وهل الكف جامد وكيف عرفتي انه يمزح..وهل هو دايما يمزح معك كذا ولا اول مره؟؟
مدري احس زوجك مسكين مدري ليه؟؟؟ رغم اخطاءه احسه غلبان.. هو عشان رصيده نقص يحس روحه بتطلع ..هم كذا الي ربي منعم عليهم لانقص شي من الرصيد تلقينه ماينام الليل.. وبالنسبه للبطاقة الصراف لاترمينها في وجه ولاشي...روحي اسحبي المبلغ الي تبغيه وبعد ماتصرفينه قوليله انا سحبت مبلغ وصرفته ونسيت اقلك..صدقيني ماراح يسويلك شي..بيزعل في البدايه وانتي راضيه ودلعيه ومصيره بيرضى حتى لو طنشتيه.. لو البطاقه مع زوجته ولابنته كان سووا هذي الحركه.. ان ماسويتي الي قلتلك عليه فاانتي الخسرانه..وانتبهي تروحين بيت اهلك زوجك مشكلته بس في الفلوس وامرها هين قلتلك سوي نفس طريقة بنته وزوجته وبتمشي امورك تمام..ترى حتى بيته الثاني يعانون نفس معاناتك بس هم مسيطرين على الوضع وانتي تعلمي منهم.. ومسالة انه انتي احسستيه برجولته وقاعد يتفرعن عليك لان ززوجته قويه وماحس معها برجولته هذا بصراحه كلام مايدخل العقل..يعني يحس برجولته على حساب حرمه يروح يتمرجل على ناس من برا مو على زوجته؟ وكل الموضوع ان زوجك عنده فلوس ومايطلعها بسهوله وكثير مثله مو هو الوحيد وبعضهم ماعنده غير زوجه وحده ونفس اسلوب زوجك.. |
وعليكم السلام ورحمة الله وبركاته
ياعزيزتي الحمد لله رب العالمين من مواقف زوجك اتضح انه انسان راااائع ويحبك وعااااارف قيمتك وعاااارف أخلاقك وااااضح أن زوجك مبسوووووط معك وعاجبه ضعفك تعرفي ليه؟؟ لأن أنت حسستيه برجولته اللي افتقدها هو مع زوجته الأولى القوية اللي تمشيه على كيفها فاقد انه يحس بأن له كلمة أو انه يقدر يصارخ او يرد أو يوقفها عند حدها حاس انه منهاااان معها علشان كذا أمه كانت تدعيله بزوجة حنونة وربي استجاب وتزوجك ولقى عندك اللي فاقده والأن هو يحاول ينتقم لنفسه منها فيك أنت يحاول انه يحس برجولته علشان كذا كل ماأهانك يحس بنشوة داخله لكن في نفس الوقت ضميره يعذبه لأنه طيب ويخاف ربه وعارف انك ماتستاهلي ويرجع يحاول يرضيك ويمدحك لحظتها وقت مايراضيك ارضي بسرعة وعاتبيه بدلع وقولي له حرام عليك حبيبي لاني احبك واموت فيك واحب التراب اللي تمشي عليه تقوم تذلني وتهينني؟؟ وقولي له بضحك ترى أخر مرة لو مرة ثانية أهنتني ترى بزعل منك وإذا رجع وكرر الإهانة ازعلي وطنشيه تماماً وإذا قال ليه زعلانة؟ قولي لو سمحت زي ماأعاملك بإحترام ومااغلط عليك عاملني بإحترام واتقي الله فيني ولاتظلمني أنا بنت ناس مو جايبني من الشارع ولاتقارني نفسك بهم أبدااااا أكيد هم مصروفهم أكثر منك بكثييييير لأن هم أكثر والعدل يكون حسب حاجة كل شخص مو معقول مثلا يعطيهم 1000 ريال وهم كثير ويعطيك مثلهم وانت وحدة انت وولدك بس وكمان فيه نقطة مهمة انتبهي لها : ممكن يسمع من الناس كلام ان زوجته صغيرة وأكيد طمعانة في فلوسه علشان كذا تزوجته علشان كذا هو محطي النقطة هذه بباله وخايف منك ويحاسبك على القرش وكل ماقلتي له ليش ماتعطيني وليش تنقص عليا يحس انك فعلاً طمعانة ويخاف يعطيك فلاااااااااازم تغيري فكرته هذا عنك وبخبرك كيف الحل بإذن الله: أنت صغيرة في السن ولسه ماتعرفي التعامل مع الزوج وردات فعلك راح تتعب أعصابك وبس والأن لازم تتعلمي فن التعامل معه وتستخدمي كيد ومكر الحريم بالحلال طبعا ربنا قال في القران الكريم ( إنه من كيدكن إن كيدكن عظيم ) فلازم تفهمي أولاً النقطة اللي خبرتك عنها وتشبعي زوجك من هذه الناحية بس بإحتراااااام يعني لاتسمحي له يغلط عليك ويهينك مثلاً الموضوع الأخير موضوع الصرافة المفروض لما طلبت منك زوجتك تسحبي لها فلوس تتصلي اول على زوجك وتقولي له أم فلان طلبت أسحب لها مبلغ واعطيه للسواق أسحب ولا لا؟؟ يعني حسسيه أن الأمر أولاً له مو لها وإذا قال أيوة قولي أبشر وإذا قال لا قولي معليش ياأبو فلان ياحبيبي علشان خاطري اعطيها يمكن محتاجته بكذا تكوني كسبتي رضى زوجك في الحالتين وعرف أن أنت بنت حلال ماتغيري وماهمك الفلوس *** ثانياً : وأنت في السوق كان قلتي حبيبي اشرايك إذا تقدر تعال مر عليا انا خلصت من بدري وتعبانة وإذا مايقدر مشغول قولي له طيب كلم السواق يجي يأخذني أول ونمر عليهم علشان أكيد بيتأخروا هم لأنهم كثير ومحتاجين وقت أكثر مني (يعني بالعربي دااااايما برري لنفسك بدلع بس بدون ماتحطي اللوم عليهم بالعكس لما تحطي لهم عذر بتكبري بعينه) *** ثالثاُ إذا حاول يهينك مثلاً قال عمرك شفتي هذه الفواكه أو هذا الخير في بيت أهلك ردي بحزم وقولي : مو أنا اللي همها الفلوس أنا أفضل أعيش في بيت أهلي معززة مكرمة حتى لو على خبز ناشف أحلى عندي من قصر ويتمننوا عليا فيه وكملي بضحك وبثقة بالنفس وأنت تمسكي بشعرك وتدلعي وقولي : وأصلا الخير اللي أنت فيه مو من عندك هذا رزق من رب العالمين ومثل مارزقك مال تتنعم فيه رزقك زوجة حلوة مثلي تموت فيك وتدلعك وأنت ومالك رزق من ربي لي واضحكي وإذا قلتي اعطيني فلوس وماعطاك لاتعصبي ولاتقولي ليش تعطيهم بالعكس حسسيه انك ماتبغي : قولي : مو لازم ماابغى فلوس أنت مو مقصر معي و أنت عندي أكبر كنز وأغلى من كنوز العالم............صدقيني عندها بينحرج وبيغرقك فلوس واتبعي هذه الطريقة داااايما لاتسكتي على اهانته بس في نفس الوقت اقلبيها دلع وضحك *** النقطة الأخيرة أبعدي عن الزعل والنكد وتمتعي بحياتك وعيشي بدلع ودلعيه جننيه بك مثلا لو ليلتك قبل يجي ارسلي له رسالة او اتصلي قولي وحشتننننننني تعال بسرعة بتجنن عليك ماشفتك من كم ساعة ودايما تدلعي عليه مثل الطفلة بحضن أبوها ودلعيه حتى عند النوم عوديه تنامي بحضنه قولي أحس بالأمان في حضنك ومااخاف وإذا امرك أمر وهو معصب قولي بدلع حاااضر... تجنن وأنت معصب أموت فيك ونطي برقبته احضنيه لين يضحك ويهدأ ودايما سوي له مساج لجسمه بزيت دافيء وحطي معاه عطر ودلعيه بينبسط وبيحس انه ملك عندك وإذا دخل او اتصل استقبليه بالكلام الحلو هلا بعمري هلا بسعادتي هلا بتاج رأسي ولاتناديه في البيت إلا حبيبي عمري والبسي لبس اغراء ودلع ومشيتك وكلامك كلها دلع وإذا يكلمك بالتلفون تكلمي بميووووعة ودلع وجننيه خليه يعيش الحياة اللي افتقدها من شبابه عندها بيتعلق فيك مرررررة وإذا خارج من عندك ودعيه بالدعوات ربي يفتح لك أبواب الخير يارب يرزقك من حيث لاتحتسب يارب يبعد عنك عيال الحرام يارب يسهل لك الناس الطيبة ترى الدعااااااء وهم خارجين يحبوه الرجااال أكثر من الدلع واكرمي زوجته وعيالها علشان تكسبي زوجك أخيراً حياتك حلوة بس أفهميها صح وعيشيها صح وخليك وااااثقة من نفسك واستغلي حبه لولدك وعلقيه فيك وتدلعي عليه مع ولدك ولاتخلي الشيطان ينكد عليك حياتك وأهم شيء علشان تكون حياتكم حلوة شجعيه على طاعة الله وعلى قيام الليل وصلوا سوى وقراءة القرأن وكوني عوناً له على القرب من الله كل يوم مو بس في رمضان ولاتنسي الدعاء هذه الأيام ولاتنسيني بدعواتك ويااارب يسعدكم ياااارب ويفرح قلبك |
الله يسخر لكم يااارب ويهنيكم ويرزقكم من واسع فضله
والله انا مشحونه عليه وشاايله هم بكره خلقه تعبااانه وتجريحه لي زااد ادري مشااكلي اهون من مشااكل غيري ولا بيني وبينه مشكله الا المااده دايم هي نقطه نزاع ودايم اتنازل عشان مايفهمني غلط وانا مو راضيه من نااحيه الضرب اذا تضايق مني ولا من اهله من اي شغله يجلس يرفسني بقوه ويطقني كف ولاشي من باب المزح وهو جااد ويشوفني اتضايق واتألم ومايهمه واحيان ازعل واعصب ويرجع يراضيني بكلمتين مع اني دايم اعاتبه واقوله انا مااتحمل دفاشه ومزح بس مره اتضاايقت منه اليوم وجلست ابكي من كل قلبي انا يوم اذن العشاء طلعت لبيت اهلي بعد الصلاه دق علي قاال وينك قلت طالعه للسوق كنت ابي اقهره قال بطاقتي معك قلت ايوه قال مع السلامه طبعا سويت حركه ادري انها غلط بس سويتها عشاان اخليه يموت من القهر ابي اجرحه سحبت 5000 الاف من الصرافه وحطيتها في بوكي وبرجع بكره البيت وبعطيه البطاقه وبقول سحبت الفلوس وصرفتها وبخليها يطلع كل اللي بقلبه واذا شبع من الشتاايم بحذفها بوجه وبقول مابي منك فلوس ولا ابي لبس للعيد بس ابي اعلمك من اللي يهمه الفلوس ومن اللي ماايهمه لااحد يهااوشني والله رفع ظغطي يتفرعن علي انا بس وغيري يسكتونه ويهاوشونه |
والله يا وحدانية الله يعينج
بس كلام اختي ام جمانة عين العقل صدقيني انا مثلج زوجة ثانية وجربت باللي قالته ام جمانة ونجحت وزوجي صار قريب مني حيل طبعا مو دائماً تعوذي من إبليس وادحري الشيطان وتذكري الزوجة الصالحة هي العؤود اللي دائماً تراضي زوجها سواء هي الغلطانة او هو الغلطان شتسوي عليج لو ما سأل عن الفلوس وشاف ان حسابه نقص صدقيني محد بيتبهذل غيرج فكري بعقلج مو بعاطفتج حبيبتي ربنا واياج* |
الله يسخره لك ويكون بعونك ...ركزي على كلام ام جمانه ولايهون البقيه ..احس حركتك الاخيره بتسبب لك مشكله كبيره انتِ بغنى عنها الله يسخركم لبعض يارب |
اقتباس:
انا شخصيا استفدت |
اختي هو ذنبه على جنبه
نصيحة اختي حافظ على بيتك حقك ان ماخذتيه بالدنيا بتاخذيه مضاعف يوم الحساب واشغلي نفسك وبالطاعة ولاتقارني نفسك مع توجعي راسك وتفقدي زوجك وأولادك فقط اصبري واحتسبي |
هالرجاجيل يتزوجون وهم مو قد العرس
الله يكون في عونك |
بناااات والله ذبحني التفكير
تصرفي الاخير غلط بس هو اظطرني اتهور احس ماتعودت اخذ شي مو لي حتي ماني عارفه كيف اواجهه وخاايفه من رده فعله اخاف يضربني وعقبها غصب بتركه اناا ماابي طلاق بس هو يرفع الظغط جنني تكفوون شوورو علي وش تتوقعون رده فعله مااافيه مجال ارجع المبلغ للصرافه بيعرف انه انسحب اساسا ويمكن يحسب سحبته لاهلي وانا ديني ودين انه يحس ان اهلي محتاجينه ولايبون فلوسه ولا ادري هل استمر علي موقفي ولا اجلس عند اهلي وارسل الصرافه له وارسل له مسج ان هذا المبلغ مصروف لي ولهدت اعصابي رجعت ولا ارجع واستمر برايي واتحمل نتيجته ضاايعه من كثر ماافكر |
اقتباس:
هونيها وتهون سهلية تسهل ويبدو ان زوجك ماهمه الصرافة شكلها مخصصها لكم عنده حسابات اخرى علشان كذا مو سال فيها |
^^^ ^^^ ^^^
مع هذا الرأي ... |
الاعتراف بالخطأ أفضل شيء بس بهدوء وبأسلوب
قبل لا تعترفي قوليله أنا غلطت غلطه وأتمنى تسامحني قبلي رأسه ويده واعترفي وأعطيه الفلوس أنا حاسه أنه طيب وحنون وتأسره الكلمة الحلوة |
عزيزتي
اعلم انك اسيرة تصرفات رجل...لايكترث بمشاعرك...وكلما زدتي الشكوى ضييق الخناق هم كذلك....جبلتهم كذا لذى انصحك على اللطف واحساسه بالقناعه وانه هو اهم ماتملكين ابتعدي عن المقارنه والتحسيس بان حياتك ناقصه واليمه سوف يجد الهدوء والراحه عندك وستكسبين الكثير...بحول الله اتمنى لك التوفيق |
نفذت جريمتي وبضمير متعذب
رجعت امس لبيتي وكنت ابي اتفااهم معه قاال ليش زعلانه قلت لانك زعلت مني وصديت عني ومديت يدك وتلفظت علي واستهزأت فيني بدون سبب قاال ليه بدون سبب شاايفتني سفيه قلت لا بس انت ظلمتني قاال والله بكيفك لابغيتي ترضين علميني سكت وحطيت سحوره وطنشت وراح الدوام ورجع وجلس يحاااول يراضيني ويضحك ويستهبل قلت وخر عني تغلط علي وتسكتني بكلمتين وزعل قااال انا مااغلطت عليك انتي اللي مااتعرفين تتصرفين ومااتفهمين وانا مااقصرت معااك مدلعك وعاازك قلت خلاص انا اخذت فلوس من بطاقتك وهنا حدثت الطامه نتفني من فوق السرير بغيت اولد وجلس يسب ياحراميه ياامهبوله هذي قله ادب انتي ماتربيتي وهاااتك يااهاوش وانا ساااكته اول مره مااصيح جتني قوه فجأه احسه انقهر زيااه جلس يسب عشاان اصيح ويحس انه رد حقه وانا جلست ع التسريحه واظبط شعري حسيت اني مو انا جاني تبلد قلت انت حديتني شهر وانا اشوف اهلك يتسوقون وانواع الدلع وانا محرومه ليه يااخي وش جاك مني الله منعم عليك وتحرمنا وجلس يقول والله مااسامحك وماعاد اعطيك ريال واحد والله لااحرمك لحد مااتحرمين وتندمين انك مديتي يدك يوم جاء بعد المغرب قلت بروح المستشفى عندي موعد قال مااتروحين انطقي ببيتك السواق مو فااضي عندي رياجيل ويصب قهوه وبعد شوي دقت علي بنته قالت بنطلع السواق تطلعين معانا عطاهم السواق وهو عارف موعدي ضروري اروح له وحقرني عموما ارتحت يوم اخذت حقي عمري مااوقفت بوجهه دايم دموعي علي خدي ولا يفكر فيني بس اليوم احسه انصدم فيني الله يعين ع اللي جاااي شكله بيحبسني حبسه محترمه |
بصراحه مادري وش اقولك
نار الظلم والقهر فضيييع وشعور قااااسي جدا الله يكون بعونك بعض الرجال للاسف بتصرفاته الهوجا يقلب حبيبته الي شخص اخر معادي كاني حسيتك بردتي النار اللي بجوا قلبك عليه |
| الساعة الآن 07:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©