|
لااستطيع معاشرة زوجتي وانا احبها وارغب بالزواج من اخرى واخاف على مشاعرها
بسم الله الرحمن الرحيم
اخواني اخواتي الكرام والله انني اعاني من تحطيم نفسي والان اراجع العيادات النفسية بعد ما راجعت الكثير من الشيوخ وحتى الدجالين .. انا متزوج منذو 13 عام ولدي 3 اطفال وزوجتي احبها واقدرها ولكن لااطيقها جنسيا والان لي سنه لم اجامعها .. اصبحت في حاله يرثى لها واريد ان اتزوج بثانية لعل حالتي النفسية تعود واقدر اعالج نفسي ومع الايام ارجع لزوجتي الاولى لااخفيكم ان المشاكل كثيره وربمى هي حسب ماقال احد الاطبا الذي جعتنا بهذا الطريق المسدود وش الحل زوجتي فاتحتها بالموضوع انني ارغب بالزواج من ثانية وطلبت مني ان اطلقها قبل اخطب فما هو الحل جزاكم الله خيرا انا اخاف عليها وعلى مشاعرها واخاف على ابنائي ومستقبلهم |
وعليكم السلآم ..
أخي الفاضل .. لا تطيقها جنسياً .. هل هو مرض نفسي؟؟ لأنه احتمال حتى لو اتزوجت بأخرررى بتحس بنفس الحاله .. الاعضاء بيفيدوووك باذن الله .. دمت بووود=) |
طيب خلنا نفرض إنك تزوجت ثانيه طيب ماتخاف يصير فيك مثل المره الاولى وبدال ماتكون ظلمت وحده بتكون ظلمت ثنتين
وياعزيزي الغلط منك من البدايه كيف تروح لدجالين ونصابين لايخافون الله أنت أصلح مابينك وبين الله ثم أذهب إلى رقاة شرعين موثقين منهم لأنه على مايبو أنك مصاب بسحر وهل هذي الحاله أتت فجاءه أم بتدريج أنا أقول الزواج من ثاااااااااانيه ليس حل ابدا أنت مثل اللي يبي يطلع من حفره ثم يطب لنار وبعدين وش ذنب الثانيه تقعد تعاني معك خلك مع الاولى واذكر الله والعن ابليس وماأتوقع زوجتك الاولى تستاهل كل هذا بعدين الخلل فيك أنت يعني على طول حللك الثاني الزواج الله يهديك بس |
اقتباس:
مع انني اخاف عليها من كل شي وادرى مشاعرها وفي بداية الامر كنت لااوضح لها واحاول انها ماتحس ولكن انتهى الامر واصبحت لااستطيع |
طيب ليش ماترقي نفسك قبل الاقدام على اي قرار
|
اقتباس:
اختي العزيزه بالنسبة لروحة لدجالين غصب عني عندما وصلت الى وقت لااعرف الصح من الخطا به وبعدها تبت الى الله وعرفت انهم ليس عندهم سالفه . اما الذهاب الى الرقيا الشرعية فلم اترك اي راقي معروف الى وذهبت اليه واغلب مراجعاتي لرقايين الشرعيين انا وزوجتي .. اما ماحصل لي فهوى اتى بالتدريج اختي .. اختي العزيزه انا الان استخدم ادويه نفسية لانني احس بالاحباط والياس وعندي القدره المادية والحمد لله بالزواج من ثانية وعندي اعتقاد انني راح اقدر ارجع مثل اول مع زوجتي الاولى ايضا مالمانع من ذلك .. انا اختي ليس اناني انا الان لي سنه وانا افكر التفكير اعدمني وعذبني واهلكني |
اقتباس:
|
يا اخي الكريم انت عاشرتها 12 سنة
ماللذي استجد الآن! هل كنت ببداية الزواج مو متقبلها او هذا شيء حدث مؤخرا ,بعد ولادتها ,, |
زوجتك صابرة علي الهجر سنننننننننننننة كاملة ..!
ولا فكرت بالطلاق ؟! وانت الان ترغب بالزواج ،! و تقول أخاف علي مشاعرها : وبعدين تقول اشعر بالإهانة لنا طلبت الطلاق ..! و تقول هي السبب الي جعلنا نصل لهذي المرحلة .. ( تناقض غريب ) لكن اتقي الله ومن حق زوجتك ان تطلب الطلاق حتي لو لم تتزوج عليها انتـ تريدها تحافظ علي مشاعرك و تتحمل .. مع انك تسقط عليها أخطائك ..! تريدها تتحملك الي ما تتزوج و تتعدل نفسيتك يمكن يمكن يمكن ترجع لها .. لا حول ولا قوة الا بالله كيف تفكر أنت ؟!!! لزوجتك مثل مالك من الحق .. انت لا تستطيع معاشرتها ولا غيرها وهذا الي متعبك شعورك بالعجز .. وتريد ان تثبت لنفسك قدرتك وان السبب زوجتك و عدم رغبتك فيها ..! ( كثير مثلك وظلموا بنات الناس معهم ) ابحث عن علاج دون ظلم غيرك ..! |
اقتباس:
لا بالعكس في البداية كانت الحياة حلوه ولكنه اتى قبل سنوات بالتدريج حتى وصل الى طريق مسدود |
اقتباس:
انا استطيع الزواج لان زواجي ماراح ينبني عليه تفريق وظلم لأحد الفراش محروم منه معها ولا يضرها اذا تزوجت او ماتزوجت يعني فقط مشكلتنا الغيره .. انا اعرف ان الطلاق ظلم لها كبير من عدة ظروف واريدها معززه مكرمه ببيتها وبين اولادها فهل انا مخطي .. امابالنسبة لي انا اخاف على نفسي من الحرم والممارسات الخاطئه ومن حقي اتزوج والحمد لله ليس عندي مشكلة مع غيرها بما يخص الفراش عزيزتي يعلم الله انني احبها واخاف على مشاعرها ومن كثر تفكيري بهالموضوع تعبت وانمرضت . لانني احس بالياس وانا توي شباب والحمد لله ومن الصعب الشخص يعيش حياته محروم |
السلام عليكم
اخي اعانك الله ورفع عنك ... المشكلة على ماذكرت منك وفيك ... ماذنب زوجتك ؟؟؟ المشكلة هي مشكلة جنسية اثرت على نفسيتك... هل تريد ان تزيد الطين بلة وتتزوج؟؟ اخبر اللي يتزوج بدافع جنسي وقوة في الباءة والزوجة لم تصبر عليه ,, زوجتك لها حق وهي حق العشرة فلا تتزوج عليها انت ناقص مشاكل ...ولا الومها اذا زعلت بخصوص خبر انك تريد ان تتزوج عليها هي من تضررت بسبب هذه المشكلة ضرر لاذنب لها فيه اقصد (الحق لها ) وكثر خيرها انها صابرة وساكتة لاتتزوج على زوجتك دام العيب ليس منها ........... رفقا بالقوارير حاول ان تحل مشكلتك وثق ان الزواج من اخرى بهذا الدافع لا مبرر له (وجهة نظر ) تقبل تحياتي |
ما هو الشيء الذي استجد في السنوات الأخيرة!
و ماردة فعل زوجتك في هجرانك لها بالفراش سنة كاملة اخي الكريم لا يجوز ان تترك زوجتك اكثر من 4 شهور فهي تحتاج للعفة ايضا فمشكلة الفراش إذا كانت منك فأنت ستكون تظلمها لو تزوجت لأنك لم تحقق لها العفة و ترى زوجتك الأخرى معك و هي مركونة ,,فكر بهذا الأمر اصلح من علاقتكما الزوجية ((((ثم)))) فكر بالثانية حتى تكون قادر على العدل و ((((عفة))) اثنتين أما ان تجازف قبل ان تصلح شأنك فأنت بهذا لا تتحرى العدل من هذه الناحية و تتركه للحظ من حق زوجتك لو رأت أن هجرك لها فيه (بأس) ان تطلب الطلاق لكن طبعا قد يكون هذا طلب متسرع منها لكونك تريد الزواج عليها اجلس معها و اعرف مدى تاثير هذا عليها |
الله يفرج همك قصتك مو غريبه عليا
اناا عرف حاله مثل حالتك صديقتي متزوجه من انسان عادي كان يمارس معاها المعاشره وفجئه بعد 10 سنوات صار يعتبرها مثل اخته نوم واكل وشرب سوى بس معاشره لا وذهب لشيوخ ومستشفيات ومافى امل من جهته حتى قالت ممكن سحر بس في الاخر بعد ما سوى كل شئ وصبرت كثير حصل الانفصال حتى لو تزينت له يقولها لا تحاولي ما احس فيه رغبه جهتك بس هيا لم تنجب ليس عيب فيهم بس حكمة ربي وتمدحه جدا تقول مثل هذاك الانسان ما احصل بس هو اصر على الطلاق لانه يحس انها تعاني انت وضعك غير عندك اسره حرام تهدمها |
اقتباس:
ومن ناحية العلاجات النفسيه لربما هي سبب من أسباب ضعف الرغبه الجنسيه مع زوجه اخي لالالا تستعجل بأي خطوه حتى تشوف نفسك تمام ثم أصلح مابينك وبين زوجتك يعني مو كفايه أنك حارمها من حقوقها وتقوم الله يهديك تضرب على رأسها بثانيه أخاف أنت شايف فيها شئ تكرهه أنت وماصارحتها فيه خللك واضح مع زوجتك |
الله يكون في عونهـا
حاول تتزوج ثانيه بدون ماتطلقها لكن لو مانفع معها واصرت على الطلاق لا تطلقها ولاتتزوج لان المشكله منك مو منها والوضع يمكن يتكرر مع الثانيه وتظلم الثنتين |
حرام عليك والله صابره سنه كامله محرومه من حقها الزوجي
فكرت بأنانيه بحته فكرت في نفسك حارمها من شي من حقها وألحين تبي تحرق قلبها لاتتوقع المرأة ماتحتاج مثلكم يالرجال وفيه بعض النساء أكثر من الرجال تدري ليه بعض النساء تروح للحرام ؟! لي أنها محرومه من قبل زوجها أصلا حرام على الزوج يهجرها أكثر من أربعه أشهر وزوجتك إمرأة صابره محتسبه صبرت وسترت عليك وخافت ربها والله أنها بنت رجال هذا جزاتها والله شي عجيب من حق زوجتك تطلب الطلاق ولو حرمه ثانيه كان من قبل طلبته وأتهمتك في قدرتك أحمد ربك على زوجتك وإذا طلقتها الله يرزقها بإلي أفضل منك |
اقتباس:
الحرمه بشر مثلها مثل الرجل لكن الفرق في القوامه |
اقتباس:
السلام عليكم أخي اسألك بالله هل ترضاه لآختك أو هل ترضاه لبنتك أن كنت ترضاه لهن فالله يرزقك بالثانيه التي سوف تكون طبيبة لك حتى ترجع زوجتك الأولى , وإن كنت لاترضاه فثق لن تجد ماتريد وأن الله سوف يعاقبك لأن الله هو المطلع على النوايا وماتخفي الصدور ,لاتقول الشرع حلل اربع , نعم حلل اربع بس أنت تقول مع الأيام اقدر ارجع لزوجتي الأولى, وإذا كنت تخاف على مستقبل عيالك ترا هناك اباء يخافون على مستقبل بناتهم فاتق الله واصبر على علتك مع زوجتك مدام انك تخاف على مشاعرهاوعالج نفسك , وكأن الثانيه إذا قضت حاجتك منها وحلت مشكلتك الله اعلم وش يبي يصيرلها وذاك الساعه لها رب يقول هل من داعي فاستجيب له , وتقبل اعتذاري إذا كنت قسيت عليك |
هل تتوقع ان زواجك من أخرى هو الحل لا ليس حل ابدا الحل هو ان تتقرب من الله وتصلح مابينك وبين الله
ثاني شئ ماذنب تلك المسكينه تعاقبها على شئ لم تفعله إلا يكفيها انها صبرت أنت وضعك حاليا لايسمح لك بالزواج وأنت تريد أن تدخل طرف ثاني وتظلمه ومالومها حينما طلبت الطلاق منك .. صبرت ثم صبرت وفي الاخير تجازيها بالزواج من أخرى ابعد تلك الفكره من بالك لأنه ليس حل وتقرب من الله وقرب علاقتك من زوجتك واستعيذ من الشيطان الرجيم الخلل ليس من زوجتك بل منك أنت راجع نفسك واسترضيها فوالله انها لاتستحق هذا |
الحين لك سنه ماعاشرتها -خاف الله فيها وبتتزوج تشوف حياتك وهي معلقه !!! اكيد هي منضغطه بس تداري مشاعرك -الانثى اذا ماجاها زوجها اسبوعين طقت وبدت الهواجيس كيف سنه؟؟؟ لازم تدور حل لوضعك يمكن زوجتك فيها شي سحر او نفس -*
|
هل تشعر تجاهها بمشاعر حب ؟
هل هناك اي نوع من الغزل؟ الرومانسيات ؟ الخروج وحدكم لأي مكان مساءً جرب علاج البرمجة اللغوية العصبية و اذا ما نفعت كل الحلول تسريح باحسان من حقها (شرعاً) ان تتركك و تتزوج من يعفها و يحصنها اللي صبرت سنة بكاملها تستحق منك التضحية و البحث عن علاج لك ولها و ليس لك فقط ! لا تكن أناني |
عندما تستمع الى الرقية او تذهب الى راقي يقرأ عليك ، ماذا تشعر؟
ماذا لو غصبت نفسك عليها ؟ ماذا يحصل ؟ هل انتَ مسلوب الإرادة ؟ فرج الله همك. |
وااااااااااااااااي حرام عليك سنه
صدق في رجال مايخافوا ربهم بحريمهم والمصيبه انها ساكته ياانك اناني ومسيطر عليها عشين كدا هي ساكته وصابره ومتحمله يا انه عندها شي عين او سحر يعني لازم تقرا عليها نصيحه والله الزواج الثاني مصيبه ما منه الا المشاكل خاصة ان زوجتك تعتبر مظلومه معاك واذ زوجتك طلبت الطلاق فالمصيبه اعظم اسمعني استغفر الله 1000 مره وادعي ربك وصلي قيام الليل قول يارب استخر لي خيرتك واجمعي بيني وبينها على خير وحل مشكلتي ترى القوي الكبير العظيم يسمعك الذي قال واذا سالك عبادي عني فاني قريب تراه قريــــــــــــــب يسمعك في كل لجظه وحين خليك عاقل وشغل مخك وارجع لزوجتك واعتبر انك بتزوجها من جديد حتى لو مافي مشاعر تجاهها حاول تتصنع وباذن الله ربي بيوفق بينكم وبيكسر الحواجز الي بينكم يقلك مو الانسان السعيد الي يبغى كل شي ويسويه لا الانسان السعيد الي يسعد بالي بيده يحاول يسعد بعيشته زي ماهي يعني والله لو تحاول ترجع لزوجتك من جديد احسن لك ولها ولاطفالكم الي مالهم ذنب خلي املك بالله كبير وقول يارب جدد الحب بيننا واسعدنا واحنا كلنا بندعيلكم بس اهم شي انت لازم تقرر انك تتغير وترجع لزوجتك واهم شي استعن بالله بهالموضوع وتذكر ان الله لايغير مابقوم حتى يغيروا ما بانفسهم الله يجمع بينكم على خير |
طيب مافكرت ترقي زوجتك ؟
يمكن المشكلة فيها بما انك بحثت في نفسك ومالقيت ؟ |
معليش تدور على حقوقك ونسيت حق زوجتك
|
اخي الكريم ..
العـيب فيك وليس في زوجتك .. ظلمتها لمدة سنه كامله لاتزيد عليها الظلم فإن الله يمهل ولا يهمل .. ومثل ماقالت ام هتان وبعض الاعضاء .. حارمها من حقوقها وتفكر في حقوقك .. اتق الله في نفسك وفي زوجتك فهي امانة برقبتك .. |
يـآآعزيزي قبل آنً تفكر بالثـآنيهً .. فكرً بالشرطُ الليً وضعه اللهُ بنـآءآ على ذلكً .. !
الا وهوُ (( العدلُ )) قال تعـآآلىً: (فَإِنْ خِفْتُمْ أَلاَّ تَعْدِلُواْ فَوَاحِدَةً) ..! وآنتً آصصلآ من البدآيهُ .. لم تعطهـِآآ حقهـِآ الشرعيُ .. وتفكرً بالثـآنيهً لتأتي نفسك حقهـآ متنآآآسيـآآ حقهـِآآ آقصد زوجتكُ ..! ثم يقول تعالىُ وارى انهـِآآ منآآآسبة لوضعكً : (وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُورًا رَّحِيمًا) لذلكً ,, آصصلح الاوضـآعُ بينكمُ اوولآلآلآ .. وآعطهـِآ حقوقهـِآ كـآملةً مثلمـآ لك حقوقً .. ثم بعد ذلك فكر بالثـآنيهُ .. مع وجوب العدلُ .. ~ هل جربتً الاسستغفـآآآرُ ..؟ آستغفرالله في اليوم 1000 الفً مره ً.. اقرأ سورة البقرهً .. تصدق بنية الاصلاح .. تذلل الى الله بالدعاءً فوالله الذي رفع سبع ونزل سبع .. مـآيخيبُ من دعـآهـِ .. ! |
اقتباس:
بارك الله فيك |
اشكرك جميع من شارك من الاخوان والخوات جزاكم الله خير
اغلب الارى وضعم اللوم علي وظنو انني ظالم ومجحف ولم يفكرو انني اتيت الى هنا لاني انسان مكتئب ومحتار ودخلت لثقتي ان اخواني واخواتي راح يشدون على يدي ويسعفونني بالراي ياجماعه انا اعرف ان زوجتي مظلومه الان وبدون زواج لانني لااستطيع اعطائها حقوقها ولكن يئست ولم اجد علاج انا ودي اطلقها ولكني اعلم انها راح تتظرر كثير لظروفها العائلية .. قلتلها في البداية راح اسجل الفلاء بأسمك وسيارت العائلة باسمك وتكون لك وراح اعطيك مصروف شهري خاص لك 4000 ريال اذا رغبتي بالطلاق لاني لااستطيع اعطائك حقوقك الزوجية منذو اشهر قبل ان اعرض عليها انني ارغب بالزواج لانني اقسم بالله ابحث عن مايسعدها وبيني وبينها عشره وغالية على قلبي ورفضت وقالت انها ستصبر وانها لاتفكر بالزواج من شخص اخر مطلقا وانني اذا طلقتها لن تاخذ مني شي وسوف تلجا الى احد اخوانها وتعيش معه وبعدها ذكرت لها انها لازالت صغيره ويمكن تلقا نصيبها وانا ابحث عن نصيبي ورفضت وماذا افعل .. انا مليت اريد ان احصن نفسي راح شبابي وامامي طريقين اما الانحراف للحرام والسفريات او الزواج .. خافو الله انظرو بوضعي زين وبدون اجاف .. لاتفكرو انني رافض طلاقها انانية لا هي لم ترغب بالطلاق ولكن طلبها لطلاق زعل علي وهي تعرف انني اتاثر بزعلها |
اخي عياد ..
ياليت تجاوب على سؤال اخونا الجانب الاخر .. واختنا روح الطير ... الله يسهل امرك .. |
اذا انت مصر على رايك .. خلاص روح اكتب البيت باسمها عشان ماتضيع هي وعيالك ..
وروح تزوج الثانيه .. ولو زوجتك طلبت الطلاق طلقها بعد محاولات ومناقشات وقول لها انك بتترك البيت لها ولعيالها وتعيش بشقه مع زوجتك الجديده .. خذ اغراضك واطلع عشان هي تلقى لها بيت وسند .. وقول لها لو بغت تتزوج وتشوف حياتها البيت رح يضل باسمها .. لانها بصراحه مسكينه تستاهل على صبرها عليك .. حارمها من حقها وبصراحه كلامك عنها مجرد معزه لكنك ماتشتهيها ولا تحبها وعادي عندك تطلقها .. عشان كذا لاتقول احبها وانت ماتحبها .. انت بس تعزها .. الله يعينها ويصبرها ويصبر قلبها .. والله الحريم يحبون الزوج بجميع عيوبه ويصبرون عليه .. بس الرجال بسرعه يملون ويبيعون .. اخوي مهما كان قرارك انتبه تخليها معلقه وتحرمها الزواج من غيرك ترى فيه كثير يتمنونها ولابد تشوف حياتها من بعدك |
اهدأ ياعزيزي قد تكون انت المظلوم ، اجب على اسألتي الماضية
وزودنا بمعلومات اكثر عن بعض تفاصيل حياتك مثل : متى بدأ الأمر معك ؟ كيف هي صلاتك ؟ هل لك ورد يومي ؟ ماهي الأمور الغريبة ايضاً التي تطرأ على حياتك ؟ كيف هو نومك ؟ وماهي احلامك ؟ لاتفكر بالإنفصال هذه الفترة ، تابع معنا هنا وسنحاول اصلاح الامر بإذن لله |
انا قلت يمكن مسحور سحر تفريق بس مدامه راح لرقاه ..يعني مافيه شي..
اذا كان يجيه ضمور لما يقرب من زوجته او شي يمنعه زي الجدار او يشوفها بهيئه قبيحه يعني مسحورين اما غير كذا ..يمكن مل منها |
بعض الاعضاء هداهم الله يطرح مشكلة مايبين فيها معلوماته كامله عشان نرى الموضوع بكامل جوانبه
يطرح المعلومه التي تنعكس نتيجتها سلبيا عليه ... ويلوم الاعضاء اذا ابدو رأيهم ضده .. اخي الكريم .. اطرح موضوعك كاملا قد يخفى على البعض منا الكثير من الاشياء التي قد تفيدك انت قبل ان نستعجل في حكمنا عليك .. والمعذره على الاطاله . |
طيب ليش ماترقي نفسك قبل الاقدام على اي قرار
|
يغلق
|
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©