|
هل فعلا انا زوجه رائعه وقويه ام زوجه عديمة احساس وبليده
السلام عليكم ورحمة الله وبركاته
اخواني مالي غيركم لان كل اللي حولي عارفه رايهم في الموضوع انا نزلت موضوع قبل كده عن خيانات زوجي وكل اللي حولي يقولو لي طنشي مادام مو مقصر معاك بشي ويعاملك باحترام خليه مصيره يرجعلك لاتدوري وراه لكن اللي ايده في المويه ومو زي اللي ايده في النار انا متزوجه من عشرين سنه يعني جربت كل الطرق والاساليب معاه وصار كل واحد فينا كتاب مفتوح قدام الثاني قبل سنتين تقريبا لقيت في جواله رسايل لوحده واجهته وانهرت تماما لانه كنا عايشين انا وهو في سعاده وراحه احسد نفسي عليهالاول مره اخرج من بيتي تاني يوم جا وراضاني وحلف ووعدني انه ما يكلمها ورجعت لانه ما اقد اترك اولادي انا ابويا متوفي ما عندي اخوان ولا اعمام ولا اخوال يعني ما عند احد اشد فيه الظهر امس لاحظت انه زعلان وعرفت طريقة زعله هادي وراها وحده عشرين سنه يعني حافظته فتحت جواله لقيت ما زال عل علاقه بنفس صاحبة الرقم طبعا سكت لانه عارفه النتيجه زي كل مره ينكر واذا اعترف يقولي انا كده عجبك ولا ما عجبك وفي الاخر انا اللي اروح واعتذر بحكم عشرتي معاه لقيت انه ياخد الموضوع للتسليه واكمال لرجولته ولانه كل اللي يجلس معاهم نفس الطريقه وهو له علاقات قبل لايتزوجني الان...................... ممكن يتغير لكن بعد ان يتعرض لمصيبه كبيره تفوقه او بمعجزه من رب العالمين لو عرف اني فتشت جواله راح يسيب كل المواضيع ويمسك في ..... ليه فتشتي جوالي واطلع انا الغلطانه اشعر انني اصبحت انسانه بليده بدون احساس عايشه لنفسي واولادي واقوم بواجباتي نحوه وهو اخر اهتماماتياحيانا اشعراني قويه لاني قادره اعيش من غير ما يكون هو في حساباتي ولانه ما يصح الا الصحيح اشعر بمراره في داخلي واني وحده بليده حاسه انو كلامي مو مرتب اعذروني |
انتي زوجة رائعة وقوية وقيادية ..
وباستطاعتك الكثير والكثير فلا يكبلك إشعاره إياك بالنقص جرّاء مايعمل من سخافات .. لست بليدة ولكن هذا من هول مايحصل بعد زواج 20 سنة دام بسعادة وراحة .. ادعي ربك فإن ليلة القدر قريبة .. ربي يسعدك ويسخره لك .. ادعي الله ولاتنسي الاستغفار |
انتي قوية وذكية
وانصحك طالما ماصار من اهتمامتك لا تفتشي بجواله مو عشانه عشان انتي ترتاحي بكره لو عرف انك فتشتي جواله يكسر الحاجز اللي بقي بينه وبين احترامك ويتمرد ويكلمها قدامك وقتها من جد تصيري بليدة اعذريني اهتمي بنفسك غيري كل شي بحياتك جددي شكلك اطلعي تابعي الموضة وجددي خبراتك خليه يستغرب من اسلوبك ويوسوس إن فيه أحد بحياتك مهتم فيك وبمشاعرك وربي ينجن هذا الكلام أقوله لك من تجربة لأختي الكبيرة حتى احنا استغربنا من اسلوبها وشكلها الجديد ما اقولك ماكانت تهتم زمان لا بالعكس كانت تهتم وتلبس بس غيرت طريقتها ولو تشوفي كيف زوجها انجن صار يشوفها وحدة ثانية وطبعا وسوس إن فيه أحد بحياتها بس لأنه واثق فيها كذب نفسه وبدأ يهتم بمشاعرها لأنه حس انها بدت تتغير وخاف إنها تبحث عن علاقة خاصة في الزمن ذا اعوذ بالله الفتنة تلف ع الصغير والكبير وكل شي أصبح سهل مع تطور وسائل الاتصال .. الله يقويك ويفرج همك |
رائعه لانك صبرتي رائعه لانك تريدي الحفاظ على بيتك رائعه لان اطفالك معاهم ام مثلك رائعه لانك حتى الان محافظه على العشره اما هو وين بيروح من الله ادعي الله ذكريه الي يسويه ما يرضي الله بكرة النهار يجي في بناته لازم يحس ان ربي مو غافل عن ما يفعل
|
يا عيوني اقرأ اسمك واقول مش معقول
يا عيوني طبعا رائعه ولا يحق له ان يعترض على تفتيش جواله ضربني وبكا ما تخليه يغلبك بالصوت قولي له او اسأليه اذا عرف انو انتي على علاقه مع احد شو رح يعمل اخبريه انها نفس ردة فعلك وغيري من طريقة حياتك خليه يكلم نفسو ويبحث عن سبب تغيرك سعادتنا بايدينا نحن نبنيها تغيري للاحسن ووقت يكون معك حق باي موضوع ما تخافي تكلمي وكوني قويه من الداخل |
اقتباس:
كلامك ريحني |
اقتباس:
والله لي فتره طويله ما مسكت حواله ولاصرت اهتم فيه لكن قلت اتاكد عشان لااظلمه زوجي يثق فيني جدا يمكن هدا اللي مخليه مو مهتم في كتير لانه عارف انه لايمكن اسوي شي غلط ربي يسعدك |
[QUOTE=ظل انثى;2672579]رائعه لانك صبرتي رائعه لانك تريدي الحفاظ على بيتك رائعه لان اطفالك معاهم ام مثلك رائعه لانك حتى الان محافظه على العشره اما هو وين بيروح من الله ادعي الله ذكريه الي يسويه ما يرضي الله بكرة النهار يجي في بناته لازم يحس ان ربي مو غافل عن ما يفعل [/كلماتك زي البلسم ربي يسعدك
واسال الله انه يهديه ويصلح حالهQUOTE] |
اقتباس:
سالته بدل المره الف والكلام معاه ما يجيب نتيجه والله احيانا نتناقش ساعتين ثلاثه وما نطلع بنتيجه هو عارف انه هادا مو طريقي ولا اسوي اشياء زي كده والحمد لله عايشه لنفسي واولادي الله يخليم ليه يارب |
في حكمة عند الرجال يقولون وراء كل مصيبة وحدة بس والله انا شايف العكس عمركون شفتو في رجال مظلوم لكن في كتير من النساء المضلومات يلي يشوف مصيبة غيرو تهون عليه مصيبتو انا زوجي تزوج عليي من شهرين كنت اتمنى انو يكون علا علاقة مع وحدة كان احسن عليي
هلا انا عملت نفس ما انتي عملتي بقيت لاولادي وماعاد يهمني اي شي يا اختي الله يفرج علكي وعلي قولي امين مافي شي مستاهل |
رائعه كلامك عن نفسك امدني بقوه ماتتصوريها
حبيبتي قلبي اهتمي بنفسك ودللي نفسك بالي تحبيه مو له لا نك تستاهلي على كل شي حبيبتي تذكري قبل مانتزوج كننا ندلل انفسنا مو لاحد لانفسنا فقط الحين انتي بحاجه اكثر وبالنسبه لتفتيش الجوال من اختك الصغيره خذي هالكلمه كنت افتش جواله واشوف العجب العجاب وابكي وانهار و هههههههههههه الان ماافكر افتحه وهو يترجاني افتحه وتغير مااحس بقلبه غيري ومتاكده ولو كان يخونني بكيفه هذا نقص فيه اهم شي انا اعيش ملكه بمملكتي حياتي لاطفالي وبيتي مملكتي انا البيت جنتي مكتوبه باسمه |
اعذريني اختي لا اظن تصرفك ذكي بل تصرف مستسلم
و ربما ظروفك العائلية كون انه لا يوجد عندك احد فجعله يتمادى لأن دموعك او زعلك لن يوقفا الرجل اللعوب بل توقفه الشدة و الموقف الحازم و تكملي معه بالصبر و انت ماشاء الله تبارك الرحمن , صبورة جدا عسى الله ان يهدي زوجك ابحثي عن طريقة اختي غير السكوت لأيقافه عن الحرام حتى و لو سألتيه , في جلسة هادئة هل هو حب مغامرة مراهقين او انه يريد زوجة أخرى اتبعي اي طريقة تبعده عن الحرام,,, |
اقتباس:
|
اقتباس:
والله ياقلبي لي زمان ما فتحت جواله وانا عارفه انه غلط ربي يسعدك |
اقتباس:
اكيد عارف انه ما عندي احد عشان كده اتمادى والله احيانا تصعب علي نفسي لكن ربك كبير سالته بدل المره الف ليه تسوي كده ايش اللي ناقصك ايه اللي بتدور عليه؟ معقول عشرين سنه علاقات بره وجوه ومالقى اللي بيدورعليه الموضوع عنده تسليه واكمال لرجولته ما يصير اصحابه عندهم جو وهو لا والله مالها الا الصبر والدعاء |
اللهم ارحم ضعفي وقلة حيلتي
ياربي حاسه مخي وقف من التفكير ماني حاسه بطعم اي شي تعبانه وبس |
[QUOTE=مايا شهاب;2672723 انا زوجي تزوج عليي من شهرين كنت اتمنى انو يكون علا علاقة مع وحدة كان احسن عليي
[/QUOTE] أعوذ بالله هذا اللي كنت أقوله قبل بعض النساء تتمنى أن زوجها يقيم علاقات مع النساء ولا يتزوج عليها وصار اللي كنت أقوله !!!! |
ماشاء الله عليك
انتي فعلا رائعه |
تريدين الصراحة و لا بتزعلين منى؟؟!
الصراحة أن الزوجة الرائعة هى التى تأخذ بزوجها إلى النور و لا تترك باب إلا طرقته من أجل إعادته مره أخرى إلى الصواب إن ما تفعلينه حبيبتى هو استسلام للأمر الواقع ... فقط الروعة الحقيقية أن تبذلى الغالى و النفيس من أجل إعادته حتى لو وصل الموضوع للتهديد بالطلاق و ترك المنزل لأن زوجك كما سبق و قلت أنت أنه زانى و أنت معه لك عشرين سنة ... ربنا يوفقك فى طريقك و يقدر لك اللى فيه الخير و يرده للدين ثم لك ردا جميلا و يهديه و يهديكم جميعا إلى ما فيه الخير و الصواب . |
أرجو ألا تحزنى من كلامى حبيبتى
أعرف أن العيب ليس بك أختى الغالية و إنما هو نقص به و بوازعه الدينى و خوفه من الله ولكن بيدك الكثير لتفعليه بإذن الله.... و تذكرى أن الناصر و المعين و الظهير هو الله سبحانه و تعالى و ليس الأب أو الأخ أو أى أحد فى هذه الدنيا اعزمى أمرك حبيبتى و توكلى على الله لا أقصد أن تطلبى الطلاق منه الآن..... و لكن بثى فى قلبه الرعب من موضوع الطلاق و أنه عادى عندك تطلقين و الله بيرزقك و ليس هو لا تجعليه يشعر أنك مرتبطة به و أنك ما تقدرين الحياة بدونه حبيبتى أستعينى بالله عز و جل أدى حقوقه كأفضل ما يكون و طورى نفسك فى جميع أمور الحياة وخاصة فى أمورالجماع و خذى دورات فى كل شىء تسللى إلى كل شىء فى حياته و اجعلى لنفسك بصمة كيف أجل لنفسى بصمة؟؟؟؟ اختارى على أحد الأمور التى يفعلها باستمرار و يحبها مثلا (( عادة شرب الشاى أو القهوة)) قدمى له الشاى و أنت تضعين عطر مميز و فى كل مرة تقدمين له الشاى ابتسمى له ابتسامة جذابة و المسى يديه بحنان و دعيه يأخذ أول رشفة و خذى أنت الثانية و قولى له الرشفة مكان فمك متعة ... ثم أذهبى لفعل أى شىء آخر كررى ما سبق فى كل مرة تقدمين له الشاى فيها نتيجة ما سبق أنه سيتذكرك فورا و يتذكر عطرك و لمستك عندما يقدم له أى شخص كوب من الشاى فى أى مكان كلما كثرت البصمات ..... كثرة نسبه تذكره له على مدار اليوم حتى و إن كان خارج المنزل وفقك الله حبيبتى إلى كل ما يحبه و يرضاه . |
اقتباس:
هاذا حاله من يوم اتزوجت انا اصبحت لا اعرف ماذا اريد احس اني في دوامه مثل التايهه وفي النهايه انتم اخواني وماراح ازعل منكم لانه عارفه انكم تدورون مصلحتي |
انت تقولي يبغى يحس برجولته اكثر
انت اسحبي البساط من تحت رجلينها من هذا الباب نفس كلام رواء الايمان غيري ستايلك بقوووووووووووووووووة اذا سالك قولي لاني عند زوج عظيم من حقي اتجدد كل يوم بطريقه ذكيه وحذره جدا قولي قصه عن الخيانه ونهايتها مأساوية وقولي اعوذ بالله من حياة الزوجين اللي كلها شك تدري حبيبي لما اسمع مثل هذي القصص احمدي ربي انه اكرمني فيك نعم الرجل ونعم الزوج حبيبي انا اخاف اقول لاحد من قريباتي او صديقاتي عن حياتنا الله يألف قلوبنا اكثر واعطيه مثل هذا الموال بس بحذرررررررررررررر شديد علشان مايحس انك تضربين على الوتر الحساس وعلى الطلعه والدخله استودعيه الله قولي استودعك الله حبيبي الذي لا تضيع ودائعه الله يحفظك من كل سوء عودي لسانك عليها الله يسعدكم يالغلا وانت حقيقة زوجة رائعه واسعى تكوني اروع بالحكمة والدهاء النسائي |
اقتباس:
انقذي حياتك بصمت ومكر الشي الثاني قضيه انه يطلع طول اليوم هنا مربط الفرس زوجك يا عزيزتي يشعر بفراغ داخلي التغيير واجب في حياتك العيد قريب جهزي نفسك ليله عيد ماينساها بعمره وانت وشطارتك خليها ليله مختلفه عن باقي العمر بكل شييييييييييييييييييييييييي مو شرط تكون في فندق وما ادري ايش لا عزيزتي في نفس غرفتك غيري فيها اشياء وبدلي المفرش واكتبي عبارات وجهزي العاب زوجيه حبيبتي زوجك قاعد يدور على شي ناقصه ارجع واقول اسحبي البساط من تحت رجلين العشيقة وكوني انت الزوجه والعشيقة وكل نساء العالم في حياته |
من جد انتي مو رائعه فقط انتي صبوره وحكيمه وذكيه وقويه ماراح اقدر ازيد على كلام المشاركات بردود اكثر لانهم وفوا وكفوا وعبروا بتعبير الي يليق فيك وانا اقول لك تستحقين اكثر الله يوفقك ويسخره لك ويهديكم لبعض استمري على نهجك ولكن حاولي ان تغيري بحياتك واسلوبك وشكلك للاحسن كما قالوا لك وثقي انه مهما دار ولف بنهايه يضيق فيه الوقت ويرجع لك ويعرف قيمتك |
اقتباس:
والله لو على التغيير كل اللي يعرفني يقول اتغيرت ميه وثمانين درجه ان شاء الله ربك كريم ان شاء الله نهاية الصبر فرج |
اقتباس:
في البدايه مع قلة الخبره ما كنت اعرف اتصرف وبالنسبه للخروج هو ما يحب يجلس في مكان واحد فتره طويله والله ياقلبي الحمد لله كل عيد لازم يكون في شي جديد ربك يعدلها |
خليكى مثل ماانتى عليها
الحمد الله أنك تتحكمين بحالك وبمشاعرك اكيد أنتى القويه الذكية الله يكون معاكى |
اختي
والله انك قوية وذكية وصبورة ماشاء الله عليكي والدليل انك بيدك عارفة العلاج ممكن يتغير لكن بعد ان يتعرض لمصيبه كبيره تفوقه او بمعجزه من رب العالمين ذكريه بالامور التالية الا تخاف ان تزول البركة من البيت وحماية الله عنا الا تخاف على ابنتك بهذا السن - تخيلها تكلم شاب ولا تنسى الدنيا سداد ودين ما تخاف من الايدز وهو سهل الانتشار هذه الايام يمكن كلام ثقيل لكن اسال الله انه يفكر بينه وبين نفسه بهذه المواضيع ويوقف بتوفيق الله وينتبه لبيته واولاده ودام انه مافي تقصير منه بالبيت ان شاء الله زوجك فيه خير اسال الله العظيم رب العرش العظيم ان يهديه |
اقتباس:
ربي يوفقك |
اقتباس:
والله انه عارف هاذي الامور اكثر مني ما اقول غير الله ينور بصيرته ويهديه |
| الساعة الآن 02:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©