|
ما أسباب تحديق المرأة المتزوجة بالرجال
السلام عليكم جميعا ورحمة الله وبركاته
أعلم أن العادة المرضية (البصبصة) والتحديق في الجنس الاخر/ وتكرار النظر متفشية في الرجال اكثر من النساء... وكنت أظنها ماركة اقليمية! لكني قرات تقرير في الغرب بتفشي هده الظاهرة في الرجال الغربيين!! فايقنت أنها ماركة عالمية!! هده مقدمة.. سؤالي لاخواتي الكرام..المرأة التي فيها مرض البصبصة في الرجال / ويلاحظ انها تدمن النظر للرجال في المجمعات العامة/ وقد تنس نفسها وهي تنظر في أحدهم... وطبعا حديثي عن المرأة المتزوجة ... هل هو حب فضول؟ ام عادة ؟ أم لمعاني أخرااااا أرجو الجواب بجدية ومن خلال معرفتكم ببنات جنسكم .. ودمتم بخير |
لا تزعلوا يا شباب ...
بإمكانكم التعليق ... وهدي مكرمة مني |
انا اعتقد والله اعلم انة فضول بعض الحريم الله يهديهم يحبون الاشراف ,وفي بعض منهم عادة بس والله عادة سيئة وماتليق بالمراة المسلمة الله يسترعلى نساء المسلمين ويرزقهن الحياء..
|
لا طبعا غلط مو أكثر
متفشية بين الرجال والنساء على حد سواء تقريبا والدليل أمر الله تعالى ( قل للمؤمنين يغضوا من أبصارهم ويحفظوا فروجهم ذلك أزكى لهم..... الآية (وقل للمؤمنات يغضضن من أبصارهن ويحفظن فروجهن.... الأية ) سورة النور قال النبي صلى الله عليه وسلم لعلي : يا علي ، إن لك كنزا في الجنة ، وإنك ذو قرنيها ، فلا تتبع النظرة النظرة ; فإن الأولى لك والثانية ليست لك } وهو أيضا أفرغ لباله وأصلح لأحواله . وقد أنشد أرباب الزهد : وأنت إذا أرسلت طرفك رائدا ****لقلبك يوما أتعبتك المناظر رأيت الذي لا كله أنت قادر ****عليه ولا عن بعضه أنت صابر |
الغالبيه من النساء يكون فضول لا اكثر
|
الله يعطيكم العافية ...
بنت ابو خالد - رواء الايمان - المصدومة سأحكي لكم قصة واقعية... بس خلينا في الموضوع... طبعا هدا رأيي في الموضوع لما شكا لي باعتباري قريب جدا للزوجة ... بس حزني مرة وهو يشكي ... تصدقون قرب يبكي!! يقول/ وش شايفتني؟؟ خلاص قدامي وعيني عينك لارفعت عينها بواحد وسيم ما عاد نزلتها!! |
لآ حول ولآ قوة الا بالله ..
متزوجه وتطالع في غير زوجها احسها قويه وبصرااحة عين فارغه .. وانا بصراحه استحقر الرجال المتزوج يلي يبصبص في غير حرمتو .. الله يهدي من خلق =) |
من القصة الطويلة:
يقول: يوم كنا بتركيا قبل رمضان وقفنا عند لعبة في الملاهي قالت: شكل اللعبة هادي غير مسموح فيها بالوزن الثقيل! قلت لها: بأروح اسألهم وارجعلك.. قال: رحت سألتهم/ ويوم رجعت والا حضرتها تطالع بشاب واقف قدامها يقلب في جوالو.. يقول امشي وعيني فيها ومستغرب نظراتها.. قربت منها ما عاد بيني وبينها الا مترين ولا هي حاسة فيني! يقول رجعت ولفيت من الدرج اللي وراها وقفت أطالع فيها وفيه!! بدي أشوف بعيني وأتأكد من اللي حاسو فيها من سنة كاملة (تاريخ زواجه) الشاب واقف في الدور تبع الالعاب ويروح يكلم صاحبو وهي عينها فيه، ويرجع مكانو وعيونها متمسمرررررة فيه/ يمكن 5 دقائق وهي بهدا الحال!! وهي تتحرك معاه بعيونها يمين يمين ، يسار يسار!! وهو مو معطيها وجه ولا يطالع جهتها/ قال وأنا أرجع لها وأسحبها بيدها وأطلعها برااااا وبدا الشغللللللللللللل... |
المتزوج قد تعجبه فتاه فيتزوجها..
ولكن مالحيله مع المتزوجه عندما يعجبها رجل اخر!!! الرجولة في طريقها للانقراض نسأل الله العفو والعافيه.. |
اقتباس:
|
اقتباس:
يا عزيزي لو كان زوجها رجلا (وليس فقط ذكرا) لما لجأت للبصبصه اساسا.. جزء من الرجوله في الحياه الزوجيه ياسيدي الفاضل هو فن احتواء الزوجه.. وجعل الزوجه تدور في فلك الزوج فقط.. لاترى غيره.. عيوبه بالنسبة لها مميزات.. فما بالك ان كان يحمل مميزات حقيقيه.. |
أمر زوجة صديقك غريب! ، المرأة إن نظرت فهو بدافع الفضول ليس إلا ونظرة واحدة تكفي .
وأنا بل أظن أغلبية النساء هكذا إن نظرت نظرت مرة واحدة ثم أشيح وجهي وأنسى فوراً . أمرها غير مفهوم ؟ ؟ . |
:: |
شكرا على المكرمة سيدتي
فى مجتمعنا " " الاحظ هذه العادة اكثر فى النساء وتبون الصدق عادة قبيحة لانها تجلب تجلب الشك يعنى واحد عقلياته على قد حاله يقول وش تبي هذى تنناضر اكيد تبي تشبك اووو يمنع التعرض لمجتمع معين/ الادارة |
ياويلي
مااقدر اسويها ابدا انا اخجل من نفسي اذا جات العين فجاة وعلى طول اشيل عيني النظرة الاولى لك والثانية عليك |
البصبصه مرفوضه وغير مقبوله من الطرفين بحضوره ام بغيابه
سؤالي زوجها ليه واقف يتفرج عليها وهي تبصبص في رجال العالم بدون حراك منه؟؟؟ |
انا اشوف المتزوجه ما تشوف الا زوجها لدرجة ما تنزل عينها عليها وين ما راح
وفي حريم الله لا يبلانه تحب تناظر في الرجل الوسيم وفي حريم ما تحب تناظر تخجل وفي حريم الرجل يكون غير مشبعها عاطفيا فلما تشوف واحد ماشى مع زوجته بطريقه رومنسيه ماسك يدها مثلا تناظر فيه |
اقتباس:
لكن لا تظلم الرجل حتي أكمل القصة... |
اقتباس:
فالنظرة العابرة الخاطفة لا تستوقف أحدا ... |
من كلامك فهمت ان زوجها سمين .. خله ينحف نفسه ويهتم بشكله وجماله وكشخته واناقته .. بس فيه بنات يطالعون بالرجال عناد لازواجهم لو زوجها طالع حرمه تقوم هي تطالع غيره وتتعمد انه يشوفها عشان يغار وبدل مايطالع غيرها ينشغل فيها .. وبدل ماتغار هي عليه ..يصير هو يغار عليها .. مثلاً اذا زوجها مدح فنانه بالتلفزيون .. تقوم هي تمدح فنان او رجال موجود بنفس المحطه عشان يغار زوجها ويغير المحطه ,,, وبعضهم فضول وووو الخ في كثير انواع واسباب .. وحسب المواقف اقدر اشرح لك نظرتها وش مغزاها |
الملاك يونا...
كلامك الأخير صحيح بس مو السبب الحين أكمل الكلام بس أول كلامك مو صحيح جسمه رياضي .. لكن لو كان سمين وقصير وحالته حالة مستحيل انسانة تفهم ترفع عينها بغيره الجمال والوسامة واعتدال الشكل مو كل شي يا أختي... اقتباس:
يقول : لا حظت إن عينها في الرجال طويلة ... بس كنت اتعود بالله من الشيطان ، وأقول يمكن ما تقصد / يمكن مسرحها بحاجة ثانية / يمكن ويمكن ووو يقول: بس من كثرت المواقف حبيت أتأكد... يقول يعني قلت ما بأظلمها خلني أتأكد... أكمل القصة عشان تتضح الصورة أكثر / خاصة للاخ هشام المهم يقول سحبتها بيدها بقوة وطلعنا من القيم... قلت لها: انتي ما تستحي؟! أنا من سنة وأنا عايش معك في جحيم من هالعادة !! الحين إنتي لك معي سنة اسألك بالله شفتيني في يوم اناظر في امرأة ؟؟ قالت: لا والله! قال: لو كنت أطالع في النساء ايش يكون موقفك؟؟ ما تحسي نقص في أنوثتك؟ ما تحسي بقهر ؟ المهم غسلها وما ترك شي في قلبه... يقول ولا مرت 48 ساعة وحنا في الطائرة وتجلس تطالع في المضيف!! المهم الزوج هدا ولد أخوي.. والزوجة بنت اختي.. الزوج في مركز اجتماعي مرموق - وشكله كشخة - متدين - متحضر.. مسكت البنت عشان اتفاهم معها وهي متعودة علي وع الجلوس معي والسوالف... بديت من بعيد .... سألتها كيف تعامله معك؟ والله تعجبت من كلامها!! قالت: يحترمني ويقدرني ورومانسي لأبعد حدود دايم غزل ومدح فعلا حسسني بأنوثتي! قلت طيب هو مقصر معك في حاجة؟ قالت أبدا والله كريم وطيب وحنون لدرجة كبيرة.. قلت : طيب كيف له علاقات تشكي فيها؟ قالت: لا والله عمري ما شكيت فيه تراه متدين قلت: طيب يبصبص في الحريم؟ قالت: لا عمري ما شفته يطالع في حرمة، بالعكس يكره الرجال اللي يطالعون في الحريم! صرااااحة متحضر ما عنده فضوووول أبدا... قلت يا بنتي طيب ايش حكايتك انتي؟ الرجال يشكي منك ومن عادة فيكي اتعبته.. وفتحت الموضوع معها وقلت أنا زي والدك وهو زي ولدي لازم نحل الموضوع بهدوء وبعيد عن المشاكل انحرجت وبعدين أنكرت وبعدين زعلت وقالت اسمح لي وطلعت من المجلس ولا عاد ترد ع اتصالاتي وهو مزعجني! ايش سويت يا خال!!؟ |
ههههههههههههه
تعجبني البراءة اللي فيكم أغلب النساء لما تطالع في رجل تكون معجبه إما بجسمه او وسامته وتتمنى لو تنفرد به والرجل كذلك..ما فيه رجل يطالع وحده جسمها مو حلو..دائما الرجل يضع عينه على المرأة اللي لابسه عباية ضيقه..او فاتحه اللثمه او من نظراتها يعرف انها جايه تبغى رجل.. كثير تحصل في السوق مثل هالحركات !!!! |
بصراحه .. شكلها من النوع اللي تحب تطالع وتستكشف .. فيه بنات لما تشوف واحد وسيم تتجنن عليه لدرجه تنفضح يعني انا اعرف بنات محترمات بس مراهقات وتوهم صغيرات تلقاهم يتجننون عالوسيم ويجلسون يمدحون فيه وكل شوي يناظرون فيه .. يمكن هي ضامنته انه متدين عشان كذا ماراح يطالع غيرها .. ومتأكده انها ماليه عينه عن الحريم عشان كذا ماخذه راحتها بصراحه فيه حل .. بس يمكن انه غلط .. يعني هالحل بيخليها تغار عليه وبدال ماتطالع غيره تنشغل فيه .. مثلاً : اذا راحو مكان وشافها تطالع غيره وتطول بالنظر .. لايقول لها شي ولا يزعل عليها .. يمثل انه يطالع غيرها لحد ماتنتبه له هي .. الرجال ادرى بهالحركات .. وشطار برفع الاعصاب .. هو قادر يسوي هالشي بس بغرض انها تلتفت له وتغار عليه يعني مثل ماحنا نسوي للرجال كذا عشان ينتبهون لنا .. الرجال يقدرون يسوون نفس الحركه للبنت البنت واااااااثقه ان زوجها دايخ فيها ومستحيل يناظر غيرها عشان كذا ماخذه جوها بس لو سوى هالحركه .. لايعترف لها انه مسويها عشان تغار عليه.. يخليها تتعذب بالغيره لما تتوب من حركتها بعدين بامكانه يعترف لها .. واتمنى ماحد من الاعضاء يلومني بس هذا الحل اللي فعلاً رح ينفع رغم انه قوي .. ويمكن انه يمثل انه يناظر غيرها مو شرط يناظر فعلاً ... حتى ماتقولون اني احده على اطلاق البصر بالحرام |
عينها فارغة هذا تفسيري
|
اقتباس:
سوء الظن والدخول في النيات مرض مو شطارة ... بعدين ايش تنفرد فيه؟؟ يا أخي هالكلام ما ينطبق ع كثير من الرجال اللي عيونهم زايغة لا يفكر بمنطقك صح عنده فضول وحب فضول بس ما توصل لدرجة تمني الحرااااام كيف أجل بامرأة ومتزوجة؟ اعدرني بس العقلية اللي تحملها عن هدا الصنف مدمرة :30: |
الأخت ملاك
ما تحسين فيه تناقض بين ردك الأول والثاني؟؟ إدا أغلب الحريم اللي يناظرون في الرجال تكون عملية انتقامية من الرجل كيف يقوم يناظر في غيرها عشان تبطل البصبصة الفارغة؟؟ |
لا مافي تناقض..
اذا الزوجه تحب زوجها ماراح تناظر غيره .. بس لو طالع غيرها .. بتطالع غيره كـ تمثيل ,,عشان تثير غيرته بس البنت من اساس تطالع الرجال .. يعني ماهمها زوجها ولا تغار عليه .. خله يجرب معها هالحركه .. ويتوقف عن لومها .. ويولع غيرتها .. ( هي بكل الاحوال راح تناظر) بس لو شافته فعلاً مو معبرها ويطالع بغيرها بتولع غيرتها وبتنشغل فيه ... وبامكانك تقرأ بمنتديات نسائيه مثل عالم حواء تشوف كيف الحريم يفكرون وكيف ينتقمون من الرجل البصباص والعكس .. |
اقتباس:
أنا ما جيت اتهم المرأة اللي بالموضوع انها مثلا كذا او كذا بس أقصد أن الغالب : نظر المرأة إلى الرجل .. أو نظر الرجل إلى المرأة وخاصة إذا كان أكثر من المعتاد ولفترة طويلة من أسباب الوقوع في الفتن ولذلك العلماء جعلوا النظر من أسباب الوقوع في الزنا وحذروا منه لان البداية نظره..وبعدين ابتسامه او كلمه وبعدين موعد وبعدين يحصل اللقاء المباشر نعم هناك من يتمنى الحرام..لأن من المعروف أن القلب يهوى ويتمنى لكن هذا التمني لا يقع به الاثم إلا اذا تحقق ما تمناه الإنسان إن كان أمر محرم قال رسول صلى الله الله عليه وسلم ( ان الله كتب على ابن آدم حظه من الزنا أدرك ذلك لامحالة ، فالعين تزني وزناها النظر واللسان يزني وزناه النطق والِرجلُ تزني وزناها الخطا، واليد تزني وزناها البطش والقلب يهوي ويتمنى، والفرج يصدق ذلك أو يكذبه) متفق عليه لاحظوا..اللون الأحمر.. قال ابن القيم: فبدأ بزني العين لأنه أصل زنى اليد والرجل والقلب والفرج، ونبّه بزنى اللسان بالكلام علي زنى الفم بالقبل، وجعل الفرج مصدقاً لذلك ان حقق الفعل..مكذباً له ان لم يحققه، وهذا الحديث من أبين الأشياء على العين تعصي بالنظر وإن ذلك زناها ففيه رد على ما أباح النظر مطلقاً .أهـ ========= ========= وبعدين بعضكم يقول .. بعضهم ينظر لأن عنده فضول.. فضول في ايش ؟ يعني هل نسمي نظر الرجل للمرأة..والتدقيق في ملامح جسدها أنه فضول؟!! وهل نسمي نظر المرأة لطول الرجل ووسامته فضول؟؟!! أي فضول هذا ؟!!! وبعدين خلونا نكون واقعيين لو كان الواحد منا في مكان عام وجاء واحد ويطالع في زوجتك أو أختك أو بنتك... هل تبرر نظره أنه فضول !؟ أو تظن انه جاي يطالع فيها لنية فاسدة وأنتي يا أختي..الكلام للجميع..لو كان فيه فتاة تطالع في زوجك وتطيل النظر فيه.. بتبررين نظرها أنه فضول .. أو راح تخافين أنها تلفت أنتباه زوجك وربما يفكر فيها حتى لو رجعتوا للبيت ! وبعدين الرجل يحترم المرأة المتستره والمحتشمه ولا يطالع فيها لكن لو شاف واحده عبايتها تبين ملامح جسدها..او ترمي ضحكاتها ونظراتها يمنه ويسره..وقعت في قلبه ويتمناها الحين روحوا للسوق ..مع أننا في شهر رمضان..وشوفوا كيف بعض البنات وحتى المتزوجات.. كنت قبل فترة في مجمع معروف... أتوقع نسبة من جاءت لتشتري 30 % والباقيات.. مجرد ضحك وكل وحده تدف صديقتها عشان تزاحم على بعض الرجال لا يجي واحد ومطفي النور يقول أنت تتهمنا أنا أتكلم عن الأغلبية وفيه بنات..ماشاء الله.. تمشي في حالها وكاسبة احترام الجميع وقبل كل شي رضا الله سبحانه..لا تطالع لا هنا ولا هنا... |
رحم الله من قال هذه الأبيات :
كل الحوادث مبدأها من النظر ++ ومعظم النار من مستصغر الشرر كم نظرة فتكت في قلب صاحبها ++ فتلك السهام بلا قوس ولا وتر والمرء ما دام ذا عين يقلبها ++ في أعين الغير موقوف على الخطر يسر مقلته ما ضر مهجته ++ لا مرحبا بسرور عاد بالضرر |
<<<< الله يعطيك العافية
وما قصدت بكلامي سوا التعليق ع كلامك |
سبحان الله
اسمحلي زوجها غلطان يعني راح وفضحها عندك واحرجها بدل مايحاول ويحاول معها إن شاء الله سنين ا مايعرف السبب بالله ليش كذا سوا ؟ يعدين يمكن هو من النوع اللي شكاك بزيادة . وابليس ماقصر وعظم المشكله في باله وزوجته جزاها الله خير يعني برغم انها عارفة ان زوجها شاك فيها وزعلان منها لأنها تطالع في الرجال ولا اشتكت لك وجاوبتك وقالت الحمد لله رومنسي وغزل وكل شي ولا كان فإمكانها تقول عكس كذا زي باقي الحريم اللي اذا أحد سألها كيف زوجك تكتب فيه مجلدات من العيوب ولا تبقي ولا تخللي فيه وفي أهله وفي الحي اللي ساكن فيه ماأقول غير حاول وانصح ولد أختك مايطلع أسراره الزوجيه برا البيت الله يوفق الجميع |
اتوقع انها عاااااااااااادة سيئة
انا مستحيل اطالع احد لدرجة كثيرررررررر ناس تمر في زوجات او تجمعات ولا اسلم عليهم لاني ما انتبه ومو مدح فيني والله من يوم انا بنت كنت اشتري من اي محل ولما ارجع ما اعرف اللي اخذت منه البضاعة الا بالصوت ........ طبعي كذا لما كنت بالجامعة ....... كانو بعض صديقاتي يجلسوا بمكان عالي عشان يتفرجوا على البنات ولبسهم وغيره وماكنت اجلس معهم كانهم شباب لما تزوجت انصدمت من نظرات زوجي للحريم وكنت بس اعصب وابكي ....... وقال وربي عادة ماقصدي شي ............. وفعلا لاحظت انه لما نمشي خط سريع لازم يطالع شكل الرجال اللي في سيارة ......... قلت شكلك مضحك وانت تلف راسك عند كل سيارة ........... وانتبه لنفسه والحمدلله شوي شوي ترك هذه العادة |
اقتباس:
اتق الله يعني ماذكرت شي عن الدين سوف انزل الى مستواك لنقل انه لم يحتويها وانه وانه هل يعقل ان تنحرف بالله هذا رد رجل عاقل لماذا لم يردها دينها لماذا لم تغظ من بصرها اتعرف البيت الذي يقول والله لولا الله لهز هذا السرير من كل جانبه وكان سببا في اعاده المجاهدين بعد الشهر الرابع من الجهاد اترى هذا يتعلق بالاحتواء وين عايشين الله يهديك ويصلحك بعدنا عن الدين وبدأنا نتاثر بالمسلسلات التركيه عافاك الله تقبل تعليقي بصدر رحب او اضرب به في عرض الحائط تحياتي |
عينها طويلة
وغير كذا فيها هتك لاحترام وخصوصية الناس اللي تراقبهم وتبصبص فيهم |
اقتباس:
اصلح الله شأنك وزوجتك |
اقتباس:
اي دين بدأنا نتلاعب به الله المستعان تحياتي |
اقتباس:
تحياتي |
-
واضح إنه طبع وعاده عندها .. فيه أشخاص كثير كذا يقعدون يتفرجون على الناس في الأماكن العامة .. وألاحظهم في الجامعة مثلاً .. يصيرون قاعدين في مكان معين ويتفرجون على البنات الرايحين والجايين .. يشوفونهم لين تروح البنت عن نظرهم .. وخصوصاً لو كان فيها شيء جميل ماينزلوا عينهم .. أعتقد إن بنت أختك نفس هالنوعية .. يعني القصة مو إنها تناظر الرجال .. قصة تفرج وفضول فقط . وهالشي يروح بتهذيب النفس وتصير تنتبه لحالها وهي تتفرج إنها تشيل عيونها عن الناس لأن مثل هالطبع إعتبره قلة احترام للناس ولا فيه لباقه أبداً . أذكر كان عندي صديقة من هالنوع .. وكانت تتفرج على الناس لدرجة إن مره كانوا بنات جالسين مع بعض وهي تشوفهم .. قالوا لها : ليه ماتجين تقعدين معنا بعد ؟ ههههه وعقب هالموقف إنحرجت وصارت تنتبه لنفسها .. مع العلم إني ما قد مر علي بنت أكثر منها دين وثقافة وعقل وحكمة ! |
أخي الفاضل .. واضح أنها عادة ..والدليل بعد الموقف بكم ساعة تنظر للمضيف. الله يصلح حالهم،،، |
هالعاده صراحه بكثير من النساء ماننكر لكن وش الاسباب مدري !
اللي اذكره انه كنت امشي انا وزوجي طالعين من مجمع وانتبهت عند الباركنق بنتين وجلسو يطالعون لنا وحنا نحط الاغراض ورى والبنت لافه راسها وحده منهم معنا بشكل ملفت !! وركبت ولفيت عليها الا مازالت تطالع !! قمت اشرت لها بحظني يعني تعالي اجلسي بعد هنا وصدّت بسرعه ههههههههههههههه ومن بعدها صرت انتبه لنظرات البنات بعضهم فيهم فهاوه مو طبيعيه لاطالعت ماتنزل عينها لين تقول حياك معنا !! يعين الله فيمكن بنت اختك بس تفهي يعني تنسى نفسها ولاتقصد شي وهذا اللي انا متوقعته بس تحتاج زوجها ينبها قبل اي مشوار لين تتعود من نفسها انه يابنت انتبهي لنظراتك لحد يفتح افمه هنا وهناك "يجيبها بمزح دامه عارف انها عاده" والله يسخرهم لبعض |
| الساعة الآن 10:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©