اخت رجلي اذتني حسبي الله عليها ونعم الوكيل ..
 

السلام عليكم كيفكم انشاء الله تكونون بخير .. انا اول مره اسجل بمنتدا بس ما حاولت الا من القهر الي فيني ابي اتكلم قبل لا اموت من الحره انا وحيده امي وابوي منفصلين من يومي صغيره وكلن شاف نصيبه وتزوج ..وانا عمري الان 24سنه ولي 4سنووات متزوجه وعندي بنت ومليت من الوحده ما عندي احد اروح له ولا صداقات ولا اهل و24 ساعه جالسه بلبيت.. امي تزوجت وسكنت بديرة زوجها وزوجي لااهي عني بطلعاته ما اشوفه بل يوم الا 3 ساعات ومتفرقه بدخل بلموضوع مشكلتي مع اخوات زوجي عددهم 5وثنتين منهم اذا شافوني كانهم شايفين عزرائيل من اول يوم دخلت عندهم والمشكله ان وحده اكبرمني يوم اتزوج كان ولدها ب4 ابتدائي والثانيه عمرها 19 ما تزوجت بنات كل ما جيتهم يسوون حركات هل ثنتين وطبعا هم كلهم فيهم حقهم ويجتمعون على الشر بس ذولا بزود يحاولون بشتا الطرق يقهروني بذب كلام جارح احسهم يغارون مني بقوووه ما توقعت ان الغيره توصل الناس للجرح والاهانه ..يكتبون بل جوالات ويراسلو بعض ويضحكون بتريقه واضحه يحشون فيني ويناضرون لبسي وياشرون عليه ويتبسمون مع اني يوم ادخل عليهم ما قد شفت عليهم الا قمصان وان كشخو وخربوها البسو بنجابي يعني ما فيه مقارنه بيني وبينهم بشكل انا احلا بمراحل ولبس اكشخ منهم ..ومره عزمتنا عمتهم ودخلت تسلم اخت زوجي تخيلو الموقف بنات المجلس كان شبه مليان مديت يدي عليها وانا ابتسم بسلم ونا ضرتني من فوق لتحت وراحت تسلم على الي جمبي انا ضاق صدري وكل الحريم ناضروني وخاصه مرت ولدهم الي هي سلفتي شافت الموقف وبتسمت وصدت وانا ودي الارض بلحضتها انشقت وبلعتني وتخيلو من ذاك اليوم ونا اذا ذكرت الي سوته ابكي ودعي عليها من قلب ليل نهار ان الله يلهيها بعمرها. لدرجه اني ما يجيني النوم بليل لين اصلي ودعي عليها . لدرجه انهم اذا قعد زوجي معهم يقعدون يمدحون قدامه بنات وممثلات ومدحهم مايهمني لااني واثقه من حالي بس ببين انهم بيسوون المستحيل عشان يحروني بس..تخيلو اذا ذكرت حركاتهم معي وخاصه هل 2 دمي يغلي احس اني اذا شفتها بتهور وبسوي شي فيها اعذروني بس جرح الكرامه شين ..تخيلو اذا شااافو بنيتي ما يسلمون عليها ولا يشيلونها قمه النجاسه هذي بزر شدخلها ويحاولون يبينون قدام مرت ولدهم .. وامهم بس اداريهم وتشوف اغلاطهم علي وتسكت مع العلم اني كل اسبوعين اروح لهم وجيب معي شي وسولف مع خالتي انا بطبيعتي اجتماعيه مره بس طحت بناس معقدين غيورين.. الحين خلاص صرت منعزله عن البشر تماما لا اهل ولا عزوه ولا اخوان ولا وخوات والا عمان ولا اهل رجل مثل البشركنت اعزي روحي اذا رحت لهم واقول يابنت يمكنك تتوهمي لااكن طفح الكيل حسبي الله عليها انكانها حرمتني من الجمعه والوناسه وكرهت اهلها فيني وكرهتني جيتهم .. بنات تكفون ريحوني انصحوني حطونفسكم مكاني جعل الي ترد علي وتريحن ربي يرزقه ما تمناا ويصخرله القوي والضعيف وش قصدها من هل حركات وش سويت لها عشان تحقرني وتحرش اخواته علي ..مع العلم اني مسالمه وعلى نياتي جدا ...وحاولت اتعامل معهم كااخوات لي بس مالاقيت قبول منهم قمة القهر اذا عاملت الناس بنيه صافيه ومحبه واحترام وبسذاجه بعض الشئ وكان المقابل هل حركات والكيد ..

الله يفرجها لك ويعينك . ابي اقولك شي الانسان الراقي والي ذوق وناجح لايمكن تصدر منه مثل التصرفات هذي .والمشكله تحتارين ليش يسوون كذا ؟؟تخيلي صديقتي الروح بالروح مجننه بزوجه اخوها انصحها دايما احيان تقفل الخط بوجهي اذا اشترلها شي انجنت واذا راح معاها اتصلت تبكي . بس اهم شيء بموضوعك شخصيه زوجك اذا كانت قويه مايقدرون يسوون شيء ولا يتمادوون معاكي راح يخافون من رده فعله. وانتي لا تروحين لهم كثير واذا رحتي تاديه واجب وسلام بس خليكي رسميه كثير معاهم ولا يحزنك الي يسوونه اذا عرفتي الانسان ومعدنه ماتتفاجئين من تصرفاته. بس اهم شي كيف تتعاملين معاهم ومن جهه ثانيه حاولي تنشئين صداقات يعني ادخلي معهد والا تحفيظ قران والا تعرفي على الجيران. وادعي ربي يفرجلك بصديقه طيبه الله يفرجها لك ويسعدك قولي امين

أسهرني الجرح... سعدت بمرورك الجميل وكلامك الراقي الي اثلج صدري الله يجعلها بميزان حسناتك وانتي صادقه لوهم راقين ماسوو فيني كذا... وشخصية زوجي مسالم رسمي معهم لاابعد الحدود...

الله يعين بس لازم مضايقات من اهل الزوج
على قولت خالتي الصراع الازلي
عمري ولاتشيلي هم خلك عاديه لانهم لو شافوك محروقه بيفرحون ويزودون خلي علاقتك سطحيه مجرد سلام وسؤال عن الحال بس انتي سويتي الى عليك تبين تسرين اخت لهم هم الي رفضوا وخلك مسلامة وزجك كويس معاك غيرهم على طول يشب على زوجته حتى لو هي ماغلطت وعمري لاتهملين نفسك ولاشي خلك اجتماعيه زوري اهلك خالتك واقاربك عماتك صحباتك وفرفشي وقوي عشان يزيد مقدارك بين الناس وانسي وارمي ورا ظهرك واحتسبي الاجر لا تنسي الحقران يقطع المصران بيجيها وقت بتستحي من نفسها ومن هبالها وتحس نفسها صغيرة قدامك وتغار وتبغا زله على الطاير والنازل الاختصار خلي لاقتك صطحيه فيها وفي اهله عامه لو هم زيها وتقربي من الي يحبونك منهم خلك مع زوجك ولا تطولين قال انا بمشي قولي انا معك ورجلك على رجله ولاتروحين مناسبات مالها داعي اذا مايبغونك ولاتتصلي كثير وترى ياما بنات متزوجات زيك خاصه بداية الزواج لازم ذي الحركات لازم الله يهدي بس استغفر الله

كيلسي...مشكوره حبيبتي ما قصرتي الله يجزاك خير بس كلهم نفس الصنف بس فيه تفاوت بنسبه العانه وانا الحين تاركتهم ..

شكلهم يبغونك تتهاوشين معاهم ناوين على شي
انتبهي منهم ولاتعطينهم مجـااال يسببون مشاكل بينك وبين زوجك

واثق لخطوه يمشي ملكا

ما تخافي ومن ثم عندك اللي قرب اليك من حبل الوريد سبحانه وتعالى

يغنيكي عن كل الناس التقرب من الله سبحانه وتعالى اذا شكيتي له همك لن فضحك كما الناس

صدقيني اول ما تغربت فضلت سنتان نقريب ام اتكلم الا نادرا جداااا حى اني وقتها فقدت اللغه العربيه والاجنبيه ولا فكرت فيها ولحين كبرو شويه اولادي وصرت اتحدث معهم وتعرفت على ناس وقت كنت آخذ اولادي للمدرسه نلكم شويه لحين يرن الجرس ولكن لا ازور احد لاني ما اقدر استقبل احد زوجي كل الوقت بالبيت

الله يجزاكم خير كل اللي ردو علي ونصحوني الله يرزقكم ما تتمنو>>>..ظل انثي ..لاتظلمونه..المصدومه مره..سيده الموقف..GREEN...ماقصرتو سراحه ..

:rolleyes:وين البااااااقين

167 زيااااااااااره وبس 7 الي ردووووو ليش كدا الله يهديكم ...

:(:(198 الزيارات ولا كلفتو اعماركم تردووووو,,,,

مدري بس احس ذا الاشكال تزيد اذا حجمتيها هي تبي اني اركز عليها بس وش اسوي تركتها خوفن عليها مني لااني لو بشوفها ماراح اسكت على تصرفاتها خلاص ما ورا سكت سكت لين زادوووو ..

زوجي سلبي مره معهم ماتهمه امور الحريم احسه يستسخفني اذا قلت له الي ايده بنار مو مثل الي ايده بل ماء واذا زودوها معي قال انتي عليك من امي بس والباقي بطقاق انا تركتهم بس المشكله ما اسلم من حركاتهم الله ينتقم لي منهم عاجل غير اجل امين ..

أسأل الله العظيم رب العرش العظيم في هذه اليليه المباركه ليله 27 من رمضان ان الله يرزق كل الي ردو عليا وتفاعلو معي ما يتمنوو ويصخرلهم اللي اقوا منهم والي اضعف منهم ويخليلهم احبابهم ويمد بعمااارهم بل عفو والعافيه والغفران امين يارب العالمين انك مجيب الدعاء..

لاتقولين لزوجج ودخلينه بمشاكل الحريم
شوفي اختي..خلج مع البنات رسمية ولاتعورين قلبج بنغزاتهم
اذا زرتيهم فرحي ام زوجج بهدية حلوة..وخلج عسل معاها
المثل يقول ان حبتك عيني ماضامك الدهر..حاولي انج تكسبين قلبها وبعدها بترتاحين من مشاكل البنات
ولاتدعين على عمات عيالج..اذا بتدعين اطلبي لهن الهداية

الله يصلح ما بينكم ويبدل الكره الى محبة

زوجك صح خلك بس مع امه
وهم طنشيهم ولا تتورطين معاهم ترى زوجك عاقل في بعضهم زي ماقلتك يوقف مع اخواته ضد زوجته الله المستعان ويطلعها الغلطانه فالحمد الله زوجك مو من هذا النوع ولا كان دخل بمشاكل معاك
وربي ياخذ لك حقك منهم اختي وكيل امرك لله
وادعي دايما اللهم رد كيدهم في نحورهم
و اللهم اكفني شرهم
الله يحميك ويحفضك من شر كل حاسد وغيور اختي ويكبرك في عين زوجك وياجرك على صبرك واحسانك

عليكم السلام ورحمه الله وبركاته
الله يعينك عليهم ، كثير الحين هالشكليات
ع قولتك اهم شي الكرامه!! لاتخلي مثل هالاشكال يجرحون كرامتك عادي عيشي حياتك
حتى لو ببيتك .. تحملي وأصبري ادعي ربك وان شاءلله ربي راح يفرج كربتك ..

اسال الله ان يفرج كربتك ويعينك

سبحان الله كنت زيييك قبل كم سنه
كنت وحيده وأهلي موب نفس منطقتي
وكنت ساكنه بشقه مع اهله
فكنت ابي البنات وأبي جمعتهم ويضيق صدري من رده فعلهم اللي تزعلني
فهم لاحضو هالشي فيني وكان معجبهم
وكانت فيه مرت اخوووهم محبووبه منهم ويموتوون فيها كمها بنتهم
وهي تنفشخر قدامنا وتتعمد هالشي عشان نعرف انها محبوبه وحنا يالباقين لا

المهم
انا تعبت منهم ومن مرااضاتهم اللي تزززيدهم شوفه نفس علي


صرت اطنشششششششششششش
أكشن واللبس واحتك مع حريم إخوانه واطلع
ولا اكثرررر من الكلام
اذا كانو بغرفه وعمتي ام زوجي بغرفه
اروح عندها وأسولف معها
اي وحده تذب اررررررد عليها
اي نقااش يخصني او غيري أتكلم بدون مجامله
اللي يعجبه يعجبه ةواللي مو عاجبه طززززززززز

وسبحان الله
دارررررت الايام والسنين مرت
وتوفى اخو زوجي اللي يحبون اهله زوجته اللي سولفت عنها
وصارو يتدخلون بحياتها
وهواااااش
وصارت تكرهم
وتحاول تتقرب منا ياحريم الاخووووان
يمهل ولايهمل



فا انا قلت لك سالفتي
عشان تعرفين أنة موب انتي بس اللي كذا
لا غيررررررك كثيرررررر
نصيحتي لك ومن تجربتي

خلك رسميه معهم
اياااني واياك تروحين لأي وحده وتسالينها ليش تعاملك
كذذذذا ترا بهالحركه يستصغرونك ويقولون ميتا علينا
احد يغلط. ردي عليه
اللي يطنشك مايسلم اسسسسسحبي عليه

اللبسي واكشخي وسوي طبخه يحبها ابو زوجك ولا امه
وروحي انتي وزوجك لاهله واكليهم من طبخك
واذا خذيني ساعه قولي لزوجك مشينا
لا تلزقين مثلي
تراني اكرهه روحي لاذكرت طيبتي ةسذاجتي معهم

وحاوولي تتعرفين
على جيران وبنات وتكونين صداقهه
تشغلك عنهم

ربي ييسر أمرك ويسعدك ويوووفقك ان شالله
ويحبب ويقررب لك زوجك ولايحرمك منه
موقفه عزيزتي

كيلسي يااااااحبي لك مشكوره حبيبتي ماقصرتي جعله بميزان حسناتك ومشكوره ع الدعوه الحلوه..

كنت طفله صادقه ياقلبي ما فيه اشين من جرح الكرامه لاكن الله يعينهم على الدعاء يحسبو انفسم مامنين بدنيا لاكن عين الظالم تنام وعين المظلوم تضل سهرانه ... مشكره قلبي على الدعوه ولك انشاء الله ولكل مسلم مثلها..

خياااال سبحان الله الدنيا دواره وكما تدين تدان حسبي الله ونعم الوكيل ... اهم شي افتكيتي منهم ولهووو بغيرك ... الله يجزاك خير ما قصرتي قلبي على هل دعوه الحلوووووووه ..الله انشاء الله يستجيبها ويفرج همي وهم كل مسلم امين..

هلا ام الغالي .. حبيبتي انتي تقولي لا تدعي على عمات بنتك وين العمات ما شفنا الا يهود مو عمات لا كن ما اقول الا الله يجزاك خير على المرو وما قصرتي على الدعوه..