|
زوجي يتكلم مع بنات بالآيفون
....السلام عليكم ورحنه الله وبركاته...
انا متزوجه لي 4 اشهر و داخله بقلكم ع اللي ساير معاي شوي منرفزني ومقهوره وابي مساعدتك ونصايحكم ..:( انا زوجي معاه ايفون واغلب الوقت بالبيت بس عليه المشكله مو هنا المشكله انو يسولف مع بنات فيه بس انا اكون احيانا معاه وقت يتكلم معاهم واوقات لاااا وذا الشيء يضايقني وقلتله قبل كذا بس كررها من جديد وانا مقهوره مرررررررره وكيف اقله وش اسوي ... وثاني شيء احسه متغير علي بتصرفاته وحركاته هو يحبني وانا اموووووووووووووووووووووووووووووووت عليه بس في تصرفات تقهرني منو,,,, قولولي وش السواااااااات الله يخليكم |
وعليكم السلام حبيبتي ..
اجلسي معااه وكووني مهتمه بيه دوووماً .. داائما رددي .. حبيبي اناا وااثقه فيك انك ماتعرف غيري وانك ماتكلم أحد تاني عارفه انك تحبني وانا امووووووت عليك بكداا رااح يستحي يكلم بنت في الاي فووون .. ومن ناحيه التغيير .. ياقلبي دووبكم متزوجيين يعني عموماً في الشهور الاولى من الزواج يكوون في خلافات بسيطه .. لعدم معرفه شخصية الآخر .. الله يفرج عمك ويسر الله امووركم وبدلكم الى أحسن الاحواال .. دمتي بووو=) |
أختي، اذا حاولتي معه باكثر من طريقة ولا نفع جربي هالحل.. لو معك آيفون مثله.. ثبتي نفس البرنامج اللي يسولف فيه وأتوقع انه الـ who's here ..
شوفي ردة فعله بعدها ،، |
اقتباس:
أحيانا الشحنات العالية من الحب تؤدي إلى حرق كل شيء . لأنه تجعلنا نسبح في فلك الشريك ناسين أنفسنا ،وتصيب الشريك بالضجر والملل لأنه يشعر بأنه محاصر ولم يعد كالسابق "أيام العزوبية وهيك" أختي ألم تسمعي بعبارة "ومن الحب ما قتل" :d صدق من قال "ما ترك الأول للتالي شيء" :d الخلاص حاولي أن يكون حبك متوازن .. ولا تنسي نفسك .. + وفي نفس الوقت أشتغلي على الجانب الآخر .. و زهرة الرمان أجادت وأفادت في هذا الجانب :) تحليل على الطاير :23: أتوقع زوجك فرحان بالآيفون (كغيره من شباب وشابات هذا الجيل الله يهديهم :d) .. صدقيني هي فترة وتعدي إن شاء الله. ضروري يكون بالك وسيع. الله يسهل أمركم،،، |
كان الله في عونك
انتي احكيلوا انك بتدايقي وان شا الله هو يقدر ظروفك |
يا أختي ضروري تتفاهمين مع زوجك
لأن وضعه كذا ما يرضيك حتى لو حبيتو بعض وش الفايده وهو يخونك وكثيييييييييييير بنات أزواجهم يخونونهم والوضع عندها عادي عشان الحب لا مو الحياة كذا تفاهمي معه لا يتتطور الوضع لأكبر من كذا |
نسلمــــــون ع الردود نورتوا الصفحه..
الله يعين ع الرجال بس رغم كذا انا شايله زوجي بعيوني |
اولا لسا ماصارلكم شي متزوجين بدكم فتره لتفهمو بعض
بس انتي اجلسي معه بصراحه وبنيله انك مدايقه وشوفي هو لي عم يحكي بنات قوليله انا شو قصرت معك شو الي خلاك تحكي بنات وقوليله انا اوثق فيك ولو انا ماعرفت انك بتحكي بنات ربنا شايفك وبحاسبك وشوفي شو السبب الي خلاه يحكي ؟ |
الرجاجيل هالوقت ماتعرفين لهم إذا أكرمتيه طنشك
وإذا طنشتي قام يتشكي ويهرج يعني الأفضل عيشي حياتك ويتكلم لين يمل الإثم عليه هو عليك والله يعين لو رجال كاتب شكواك كان الردود غير شكل إذبحها أنت مو رجال ولا تغار لو منك طلقتها و من هالكلام يعني وسعي صدرك بس هاذي الدنيا حلال عليهم وحرام علينا لكن في الأصل حرام علي الكل |
والله يا أختي أنا أشوف إن إبنك على ماربيتاه وزوجك على ماعودتاه وزوجك يحسبك راضيه عن إللي يسويه مادام إنه يكلم بنات قدامك وأكيد بيتمادى أكثر إذا ماشاف منك ردة فعل لازم تحسسيه إنك متضايقه من هاذي التصرفات
إللي يسويها وسكوتك ما منه فايدة صارحي زوجك باللي في خاطرك وأنتم لساتكم بأول المشوار أما إذا سكتي وبعد مايبلغ السيل الزبى تنفجري فيه وتدمري بيتك وحياتك لاسمح الله هاذا مايصلح أبد وأنت توك عروس تقدري تستحوذي عليه وتلحسي مخه ويبقى يحسب لك ألف حساب أما إذا تركتي الحبل على الغارب بعد مده زوجك ماراح عاد يشوفك عنده شئ لأنه أخذتي عليه وأخذ عليك ولاعاد راح يهتم بغيرتك وحبك له مدام إن عنده غيرك يونسونه ويسمعونه الكلام إللي يحتاجه حبيبتي شوفي شغلك معاه من الحين أنتي إللي عايشه معاه لازم تكوني أقرب له لأنك زوجته وتتعاملي معاه بواقعيه مو مثل هالبنات خلف الشاشات لو حسستيه بأنك متضايقه من أسلوبه بدون تجريح يعني حركات دلع عروس جديدة وبدون إثارة للمشاكل بس خليه يحس إن إللي جالس يسويه شء غلط وإن هناك وراه زوجة تحبه وتعشقه وتموت عليه ومستعدة توفر له كل إحتياجاته وإن مالازم يصرف مشاعره وأحاسيسه إلا لهاذي الزوجة إللي هو أنتي ولاتنسي يالغالية العود من أول ركزه خليك ذكيه وإفهمي وش زوجك يحتاج وسويه له وبالتوفيق وأتمنى لك السعادة في حياتك الزوجية . |
عديها...
|
زوجك على ماتعوديه وانتوا لسى في بداية حياتكم
اساليه يرضاها لك ؟ |
اذا عندك ايفون حملي نفس برنامج المحادثه بس لا تكلمين احد :(
وخليه يشوف البرنامج أكيد راح يحس علي دمه ويحذفه |
وعلي فكره انا حملت نفس البرنامج من فتره للأستكشاف فقط :25:
وشافته المدام :29: وقالت أيش تبغا فيه هاذا البرنامج كله بلاوي قلت ولا يهمك وحذفته |
لو انا مكانك اخذته منه ورميته بالجدار ........... واللي يصير يصير
|
لا تحملي البرنامج ما تعرفي رده فعله بتصيري انتي الغلطانة والمتهمه
اشغليه وشاركيه باللي يحبه ويستمتع فيه وان كنتي للا تستمعين فيه ثم اثني على ماقام به وامدحيه ديكورات بيت - خليه يدهن غرفه يغير لونها بيده - سفر هو يقوم باختيار المكان والوقت والحجوزات - اذا يحب الرياضية اشتريله جهاز بالبيت يعني انتي ادرى بزوجك لكن لا تحملي البرنامج ما تعرفي رده فعله بتصيري انتي الغلطانة والمتهمه واهم شي المديح والثناء اتمنى لك التوفيق |
بصراحه اللي يسويه شي المفروض ماسكتي عنه او فكرتي !
مو شي بسيط يعني دامك محترمه وحاطتله مقدار ولاكلمتي وسويت حركات مراهقته واهو مطتش صراحه المتزوجين لاشفت هذي سواياهم اخاف شلون بيربون عيال ! عفو تعف نسائكم وتجنبو مالايليق بمسلم ! لو انك رجل وجايه تشتكي عن زوجته زي هالموضوع كان شفتي الردود شي لايعقل وانا ماشوف هالشي هين ابدا له حد لان مصيرك بتنقرفين منه قال حب قال ! في جلسه هدوء ناقشيه يحط حد للموضوع والله يصلح بينكم |
نصيحتي لك لا تسكتين صارحيه انو هالشي مضايقك وخوذي ع خاطرك منه كم يوم وانتي لاتقصرين بواجباته اكله ولبسه واللذي منه-وادعي له بالهدايه
|
ياسلام على الردود من جد انتم شي
يارب لاتجعل مصيبتنا في ديننا لو انو واحد جاي يقول زوجتي منزله برنامج وتتكلم مع شباب راح تكون الردود كلها طلقها و الموضوع بيكون 10 صفحات شوفي هم كلمتين لو سكتي وخليتي الموضوع شي بسيط بعد كم سنة بترجعين وتقولين زوجي مدخل وحده في بيتي من الحين اقطعي عرق وسيحي دم خليه يعرف انو اللي يسويه شي حراااااااااااام وفيه انتهاك لعرض لبنات المسلمين هذا ابسط مدخل من مداخل الزنا خيريه بينك وبين الايفون و البرنامج |
اذا انتي تحبيه اتركيه لحاله يمكن يدور زوجه ثانيه بس ما يروح للحرام . اهم شي انصحيه انه ما يرتكب حرام قولي له اذا تريد تتتزوج هذا حقك بس ابعد عن الحرام. ما عندي اي مشكله لاني احبك
|
مشكورين ع الردود..الله يعيننا ع هالدنيا.
|
بس يابنات هو لمى يدخل بس يطقطق عليهم ولا يتريق يعني مايبحث عن شيئ فاقده ....عرفتوا
|
هذا دليل ان كلامي صحيح فيما قلته بقسم المقبلين على الزواج
|
لا حول ولا قوه الا بالله العلى العظيم انا حاسه فيكي حبيبي الله يصبرك ويعينك وكثري من الدعاء واستغلى كل دقيقه تناجي فيه ربك لانه عالم بحالك اكثر من اي انسان غاليتي ادعي الله يرده لك رد حسن ويهديه ويبعد عنه بالتوفيق يالغلا |
اقتباس:
|
اذا تبين الحق.. خليك وراه بس بلطف.. مرحلة وتعدي .. دامك مغرقته في الحب ومنتي مقصرة عليه والله مايقدر قلبه يخليك لوحدة ثانية... رح تعدي صدقيني هذه المرحلة بس حاولي تعديها بهدوء وبتلميحات من بعيد
|
.......
|
تسلموووووووون ع الردود
|
اعـآنك الله اختي :(
|
حبيبتي تسمعي نصيحتي بعرف انو شغلتك صعبة بس لا تخلقي المشاكل بينك وبينو طنشي وخليه يعمل كل شي قدامك وعلى علمك اذا واجهتيه بدو يعمل كلشي من ورا ضهرك
بعدن اذا جايب الايفوون جديد كلها يومين وبيمل |
| الساعة الآن 04:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©