|
سؤالي لكم ياأزواج
السلام عليكم ورحمة الله وبركاته
كل عام وانتم بخير والله يتقبل صيامنا وقيامنا وأعاده الله علينا أعواما عديدة صراحة موضوعي هذا سموه زي ماتحبو (سؤال /نقاش/دردشة ) أي شي أبغ أعرف كيف الزوجة تعبر عن حبها لزوجها ؟ دائما الزوجة تعبر عن حبها بالرومانسيات والورود والقلوب لكن الأزواج يقولو إحنا غير عنكم ، ولغتنا غير ، وهالأمور ماتهمنها، طيييييييب إيش اللي يهمكم بالنسبة لنا إحنا الزوجات قرأنا وعرفنا إن الزوج يعبر عن حبه بطريقته وهي خدمته للبيت يعني يجيب أثاث جديد ، يقضي النواقص ، وهكذاااااا امممممم صراحة أحس الرجال بعد كتاب الرجال من المريخ والنساء من الزهرة صاروو كل ماسوينا لهم شي يقولو إحنا غير عنكم ، مشاعرنا غير ، نفهم بطريقة غير عن طريقتكم ! أنا ماني فاهمة لا يكون صدقتو إنكم من المريخ وإحنا من الزهرة :25: لا جد ترى في النهاية كلنا من فصيلة الإنسان ، بديت أعصب :( وحدة زوجها قلب عليها الدنيا فوق تحت يقول لها قلتي كذا وكذا تقول والله ماقلت يقول إحنا الكلام يوصلنا غير ، والرجال غير الحرمة ! المهم برجع لموضوعي اللي يهمني شكلي حذفت بعييييد الان أنا سؤالي للزوج ، كيف تثبت لك زوجتك انها تحبك ؟ اعتذر عن الإطاله والإستطالة |
شكلك عروس خخخ
ماحاس البنات الا بعض الافكار اللي مدري شتبي جيبي ورود وشموع وهدايا بالهبل وخرابيط .. انا بنت لكن ماأحب اسوي هالحركات بكثرة.. لها مناسبات لو تكون بين فتره وفتره طويله ويكون لها مناسبة اما مرور سنه على الزواج او بعد زعل او بعد سفر يعني هيك مناسبات ..يكون لها طعم .. الزوج يبي وحده تعينه على دينه وديناه وتحترمه وتحترم أهله ومايشوف ولا يشم ولا يسمع الا الشي الحلو صحيح تكون فيه مشاكل زوجية لكن عادي .. تعودي انه ماينام الا وهو راضي عشان هو يعاملك بالمثل .. انا مااقولك خليك متنازله بشكل موطبيعي .. لكن حاولي قد ماتقدرين ان الخطا مايطلع منك يعني بإختصار الرجل يبين حبه بأفعاله لذلك هو يشوف الحب بالافعال لا بكثر الكلام والهدايا . موفقه .. |
بسيطه قواله اني تحبيني لو جوابت با سرعه يعني تحبك لو ترددت لو لحظه يعني مستحيه منك بس تحبك لو غيرة الموضوع تحبك بس هو هذك الحب الي انت تبي ويذا تبي تعرف هي ما تحبك قوله تر انا رح اتزوج عليكي لو قالة عادي يعني للاسف ما تحبك ولو قالة ليش ونا دلوعتك ونا صبرة عليك ومن هذا الكلام يعني البنت تموووووووت عليك
|
[]
اعتقد الرجال يبين اذا يحب زوجته والا لا يبين من عيونه ومن بعض المواقف كالمرض بس مشكلة الحريم هم اللي ييبون الكلام حق نفسهم الريال لو ما تبي زوجته ماكان قعد ولا دقيقة معاها في البيت اذا ماكان بينهم عيال واذا كان بينهم تلقينه يحاول يهرب باي طريقة باختصار احس الزوجة تحس اذا زوجها يحبها والا لا حتى لو ما عبر |
موشرط الزوج يقول لزوجته كلام حلو وكلام حب عشان تحس انه يحبها صح الزوجة تحب تسمع كلام حلو بس انا اشوف مو كل الرجال يعبرون عن حبهم عن طريق الكلام كل زوج وله شخصيته وله طريقته في التعبير عن الحب بس كل زوجة تعرف طريقة زوجها
|
يا هلا والله .. بسمو الأميرة موضوع فعلا ًجميل عزيزتي.. ننتظر رد أخواننا الرجال .. عشان نعرف كيف يفكرو.. بس في اعتقادي .. مع اختلاف شخصية كل رجل طبعاً مفهوم الحب عند الرجل هو.. >>>> الإهتمام <<<< الاهتمام بيه كرجل الدلع .. والغنج .. واللبس و(((( الكلام الحلو ))) وإذا مرض تهتمي وتدلعي كأنه طفل..:15: وإذا انجرح على طول جيبي مطهر ولصق جروح.. وإذا قالك ضهري ولا رجولي .. على طول مساج ولا ادهني جل عضلات.. وإذا كححح سوي شي دافي يشربه و اعطيه دوا مناسب..:20: ههههههههههه أتكلم بجد ماامزح..:22: وطبعاً الإهتمام بــــــــــــــــ ملابسه تكون نظيفه ومكويه أكله يكون جاهز في وقته بيته يكون نظيف وهاديء وما ننسى .. الإحترام.. شي أساسي بين أي زوجين احترامها لنفسها وله .. ولأهله ومجتمعه وأكيد لازم يكون للزوجة شخصيتها ورأيها وذوقها في كل شي.. حتى في النقاشات.. لازم تقول رأيها ..:16: بس إذا زوجك معصب مرة .. لا تناقشي في نفس الوقت.. استني الين يهدا دخلت في موضوع تاني .. :d الله يقدرنا ونكون زوجات صالحات زي مايتمنو أزواجنا وأكثر.. :14: بقي لنا رأيك أيها الرجل :30: |
موضوع يستحق التوقف والتصفح والعضو ( قلبي حنون ) قام بتشخيص الحاله بكل جـــــــدارة |
لما تكون الزوجه قائمه بجميع أعمال زوجها على اكمل وجه فهذا دليل الحب والأهتمام به والسؤال عنه والأطمئنان عليه
لو راح بعيد عنها وبالكلام الطيب واللين والأقتراب منه وعدم البعد .....شااااب |
أعتقد السؤال و الاهتمام بين الطرفين هو أهم مقومات الحب بين الزوجين ..
لكن السؤال الحقيقي: اذا كان كل طرف يرى الحب بنظرة مختلفة .. منهم من يراه بالأفعال ومنهم من يراه بالكلام .. ومنهم من يراه في القلب .. وهنا تحدث المشاكل بين الأزواج .. كل طرف يرى الأمور بشكل مختلف .. لكن أعلم يقيناً أن الزوجة قادرة أن تكسب زوجها إذا كانت تريد ذلك .. بعكس الرجل فهو مهما فعل ليكسب زوجته فلن يتأتى له مادامت هي لا ترى ذلك في زوجها (الحب) ... ونقطة مهمة كذلك هي المصارحة بين الزوجين مهمة .. وتنمي العلاقة وتقويها .. لكن لا تكون المصارحة تتحول إلى وقاحة .. لكن تكون بأسلوب لين وتودد .. الرفق ما كان في شيئ إلا زانه .. |
المرأة بطبيعتها كائن سمعي والرجل بصري..
طيب انا مرأة واحب اسمع الكلام الحلو وان زوجي يتغزل فيني وطبعا كلنا كذا معر النساء .. يعني انت ايها الرجل انا افهم طريقتك في حبك لي انا المرأة // ولكنها لاتناسبني اشعر ان فيها الجفاء؟ فإذا تحبني أحبني بالطريقة اللي أنا أحب أنك تحبني فيها// الطريقة اللي تريحني في الحب .. مو إنت كائن بصري ؟؟يعني انت تحب تشوفني بأبهى طلة وحلوة والمكان حلو ورومانسيات وغيره ..وان اكون لك مغرية .. وانا قاعدة احبك مثل ما انت تحب اني احبك يعني.. فليش انت ماتحبني بالطريقة اللي احب تحبني فيها ؟؟كلام حلو ومديح ورومانسيات تجي منك ؟؟ خلونا نتبادل شوي شرايكم ؟؟ |
أشكركم على تفاعلكم بجد بجد مااتوقعت انكم تتفاعلو مع الموضوع ومااتوقعت ان احد بيفهم وش أقصد
لكن ماشاء الله الجميييع ادلى بدلوه فعلا ملينا من كثر مانقرأ مواضيع في المنتديات عن الرومانسيات والليالي الحمرا .. طيب نسويها لمين ؟ اذا كان الرجل لا يحب ان تعبر له زوجته عن حبها بهذه الطريقة الرجال يقولو حركات الشموع والقلوب مانحبها ، طيب ايش تحبو ؟ والمنتدياااااات مليانة ، حطي له وردة في وسط البانيو ، حطي له رسالة في محفظته ، انثري له مطري ايش على المخده ، يووووووه خلينا ناخذها من الاخر ونعبر لهم بالطريقة اللي تناسبهم ويفهمو فيها |
اقتباس:
والرجل يبين حبه بأفعاله واتوقع انه يريد من المرأة نفس الشي ان تعبر عن حبها بأفعالها اقتباس:
استوقفني ردك قرأته اكثر من مرة امممممم لهاالدرجة الرجل طفل :15: ؟ وصدقتي في كلمة الإهتمام الرجل مايشبع من الاهتمام يعني قد مانهتم يقول ماهمك ياربيييييييي مومعقول اشكرك اشكرك على ردك الجميل وننتظر رأي الرجال * |
اقتباس:
أختي زوجي هو حصني أوافقك الرأي فمن حق المرأه أن تشعر بالحب وأن يظهره الرجل فالمرأه من طبيعتها تحب تسمع الكلام الحلو ولابد أن يهتم بنفسه وبمظهره وببيته وبزوجته فوق كل شيء أمر واجب على الرجل وأن يحتوي زوجته بالحب وأن يمتدح المديح فيها وان يحاول تجنب الشيء المذموم فيها .........شااااب |
اقتباس:
حنونتنا .. كفت ووفت وزادت كيلوين ببلاش :d كل عام وانتي بخير يا حنونه .. مشتاقين وكل رجل له اولويات وإهتمامات.. فعلى كل زوجه العمل على فهم زوجها ومعرفه متطلباته وإحتياجاته ليكون عطاؤك ايتها الزوجه وفق ما يريده منك ويتمناه.. ليوافق قليه وهواه .. خير من عطاء لا بحتاجه ولا يوافق هواه و ومتطلباته.. وازيد بكلمه قالها لي عمي ابو زوجي .. الله يرحمه.. انه إذا تفانيتي في رضا زوجك وعطاك له لا تخربيها في انتظار رد الجميل.. فهويشعر بتفانيك ولا بد أن يفكر بإسعادك ولو بعد حين.. |
الغالية سمو الأميرة .. أشكرك ياقلبي على تعقيبك لردي.. وموضوعك مهم جداً لكل زوجين.. لازم كل واحد يفهم احتياج شريكه وأنا أوافق الأخت ( زوجي هو حصني ).. بس المشكله في النوعية (الصامتة) ..:29: الي ماتقول ولا تعبر .. وبالنسبة لتشبيهي بالطفل .. فهذا مالمسته صراحة في زوجي وأبوه و رجال كثير .. وممكن يزعلو لو ماعملتي كدا .. من غير ماتعرفي السبب .. لكن ماننسى المثل الي يقول << إذا أردت أن تطاع فسل مايستطاع >> يعني الي يبغى زوجته تهتم فيه كتير .. لا يضغط عليها أو يجيبلها احد يساعدها في أعمال البيت:22: V V V يا هلا وسهلا بحبيتنا الغالية .. شقردية.. :17: والله والله انتي الي وحشتيني..:o كل عام وانتِ بصحة وسلامة يارب .. إن شاء الله تكوني بخير ومبسوطة انت وعائلتك الكريمة.. أوافقك الرأي عزيزتي.. . . |
متى ما وجد الحب بين الطرفين رح تشوفي حياة جميلة.. الاحترام والاهتمام هذان العنصران لا تجيد التعامل بهما الا من رزقها الله العقل والحكمة وهو نادر الان في عالم الزوجات... سبحاك ربي... ينتقل الزوج من بيت اهله لبيته الذي تقطنه زوجته كي ينعم بحنان الام وعاطفة الزوجه.. وعلى هذا الاساس فليعمل العاملون
|
اقتباس:
بارك الله فيك |
تدري اعتقد مسالة الطبخ و الكوي و شغل البيت بشكل عام ماتبين حب الزوجة لزوجها
لانه في زوجات يشوفوا هذا شي من واجبهم بغض النظر تحب زوجها ولا لا ونفس الشي بالنسبة للازواج .. في ازواج كثير اتربوا على مبدا انه على الزوجة الاهتمام بزوجها من كافة النواحي المعيشية زي ماهو من واجبه توفير المال و الامان .. اشوف الحب يبان بالتفاصيل .. مثلا مو مهم انك طبختي .. المهم ايش طبختي :) .. لما تسوي اكلة يحبها زوجك .. هذا يظهر حبك لما تلبسي شي هو يحبه عليك .. لما تهتمي مش باكله و شربه فقط و انما بتفاصيله هو .. تعرفيه من ملامحه انه زعلان و لا متضايق و لا تعبان وتطبطبي عليه .. لما تركزي معاه جدا .. بعد وقت تحفظيه و تفهميه من غير ما يتكلم .. هنا برضو يبان حبك .. لما تذكريه ببر اهله و باعمال الخير ..خوفك عليه من عقاب الله يبين حبك له لما ماتقدري على بعده و تتصلي عليه وتقولي له ماراح ابيت عند اهلي .. ماقدر انام بدونك .. تبرهني على حبك له (مش تفرحي و تهللي و تسحبيها بيات يومين ) لما تفضليه على نفسك .. . تبيني له حبك لما تروحي تخطبي له اذا بغى يعدد :) :) ... امزح اممممزح |
موضو ع شيق وجميل ياسمو الأميرة بس أنا أشوف إن الأزواج كأنهم ماشافوا العنوان ومادخلنا إلا حنا يالزوجات نسأل ونجاوب وأنا أتفق جدا مع أم القلب الحنون والغالية نوره بكل كلامهم حتى بآخر سطر كتبته نوره أتفق معاها فيه بس عندي زيادة شوية بأضيفها وهو طال عمرك إن الرجل له مراحل عمرية متعدده وفي كل مرحلة يحتاج لأسلوب معين في حياته يعني كل ما كبر الرجل يحتاج لمعاملة تتوافق مع طريقة تفكيره طبعا كل جيل من الأزواج له طريقة معينة يفكر بها مثلا حنا جيل التسعينات مو مثل جيل الألفين حنا لما تزوجنا ماكنا نعرف إيش معنى الورده الحمرإء كنا نشوفها بس ونحب منظرها وريحتها بس والله إني ماكنت أعرف عن إيش تعبر هالوردة لاكن هالوقت ورود وشمو ع ودباديب وبالونات وحفلات أنا الحين لو بغيت أعرف تاريخ زواجي لازم أرو ح أناظر دفتر عقد قراننا لاكن الزمن هاذا حفلات عيد الزواج وحركات وليالي حمراء وصفراء وخضراء وأشياء فيها مبالغة وتكلف بزيادة أنا صراحة ما أسوي هالأشياء ولا زوجي يحبها نتبادل هدايا عطورات ساعات رسايل طقم ذهب يجيبه بلوزه على ذوقه نسهر عادي بدون تكلف والحمدالله والله إنا عايشين من أسعد الأزواج وحتى الهدايا تكون في أوقات المناسبات مو كل شويه هدية حتى تحس إن لها طعم ومذاق خاص وطبعا الرجال مو سوى كل رجل وله أسلوب خاص وطريقة تفكير خاصة تختلف عن الأزواج الآخرين وكل زوجه تعرف طبع زوجها والطريقه إللي يحبها في التعبير عن حبها له كل وحدة متزوجه تعرف مفتاح زوجها وتعرف إيش إللي يحبه ماعاد الزو ج الغامض إللي على الصامت عاد هاذا يحتاج مفتاح سحري لزوجته الله يكون في عونها
المهم ترى حنا جيل التسعينات مو يعني تفهمون إنا مانفهم في الحب والرومنسية لا حنا أرمس الأزواج بس طريقتنا سريه غير عن جيل الألفين ماحنا قايلينها أخاف تغشون منا وسلامة قلوبكم يالحبايب . |
اقتباس:
لكن تبقى المشكلة في النفسيات .. فحينما تكون الزوجة مقتنعة بذلك فهنا الأمور ممتازة .. لكن إذا لم تكن مقتنعة أن الحب بالتفاصيل يظهر .. وأنه في القلب !! |
|
ابنتي الكريمة والجميع
السلام عليكم ورحمة الله وبركاته وكل عام وأنتم بخير الحب الذي هو القبول في القلب هذا يضعه الله في قلب وينزعه من قلب هذا لا سبيل إليه إن لم يوجد ولا يجلبه أي شيء من خدمة أو حسن دلال أو إمتاع لا من الرجل للمرأة ولا من المرأة للرجل وهناك المحبة والمودة والرحمة بين الزوجين وهي تأتي بحسن العشرة بين الزوجين والزواج عبادة لله بأداء ما يجب وليس للحصول على حب ألزوج بل المقصود من هذه العبادة هو الحصول على حب الله سبحانه مقلب القلوب والأبصار فإن أحبكِ الله حبب فيك خلقه لأن قلوبهم بين أصبعين من أصابعه يقلبها كيف يشاء. |
موضوعك مهم أختي سمو الأميرة .. لكني بصراحة زوجتي تهتم بكل شي لي إلا العلاقة أحس أنها مقصرة ( موظفة) وأحس أنها تحب أني أسمع لها بدووون مقاطعة ومتقصر أم حسااااااااااااااااااااام لكنها جنسياً مو شي .
|
اقتباس:
|
اقتباس:
تحياتي |
اقتباس:
الله يهنيك ويبارك فيك تحياتي |
اقتباس:
كما قلت إذا أرضيتي ربك بحسن تبعل زوجك أدخلك الله الله الجنة ولو لم يحبك زوجك فالله لا يرضى بالظلم ولا يربط جزاؤه بما لا يمكن للإنسان عمله ( لا يكلف الله نفساً إلا وسعها) ولعل المقصود دخول الجنة مربوط برضى الزوج الذي هو المسلم العاقل المنصف وليس الظلم الجاحد وقلت لعل لأني لم أتحقق من المسألة فقهياً وإن كان هذا ما يظهر من المعنى فلا تمسكي المعنى الحرفي للجملة في الحديث فلو أحسنتي لزوج فاجر وبقدر إحسانك يبغضك ويثني على عاهراته فهل يحرمك الله الجنة بسبب ذلك؟ لا فالله هم العدل وحرم الظلم على نفسه. بارك الله فيك على حسن تفقهك في دينك ونفعك ونفع بك. |
| الساعة الآن 02:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©