|
إذا رغبت المرأة ان تتزوج
السلام عليكم ورحمة الله ..
عندي موضوع بغيت أطرحه من زمان ويدور في رااااسي لكن ما تذكرت اطرحه إلا الآن .. أبغى رايكم يا اخوات سواء مطلقة أو لم تتزوج ... إذا رغبت المرأة ان تتزوج :24:بعد زواج فاشل تم بالطلاق أو لم تتزوج من قبل .... ماهي مواصفات زوج المستقبل إذا كان المتقدم متزوج .. هل ترفضه على طووول وإلا .... ماذا تشترط عليه ....... ( [COLOR="rgb(255, 0, 255)"]بصراحة [/COLOR]... ترى كلنا أخوان أو أشد من الأخوة فضفضي ) ... |
السلام عليكم شوف يا اخوي تحت الثلاثين صعبه تلاقي وحده عانس تكون متعلمه او مثقفه ترضى بالزواج من متزوج يمكن لعدت 30 بالنسبه للمطلقه اكيد انها بتوافق لو كان مناسب في كلا الحالتين المسكن المستقل هو اهم الشروط اللازم توفرها واعتقد ان اغلب النساء في هذا الوقت ولا وحد تبي تشوف ضرتها واللي يقابلهم ببعض كانه يحط البنزين على النار وهو اللي بطيح على راسه و أكيد العدل فاعطي كل وحده نفس المصروف لو جبت لذي قماش اعطي الثانيه حتى لو ما طلبت فقط عشان تحسسهم 2 انهم متعادلين ولا وحده زايده عن الثانيه ترى مو بس الضراير لو جبت اختين انولدو ورى بعض ولا بينهم احد ومافي غيرهم .. لاتتوقع يحبون بعض الا ياكلون بعض من الغيرة ... بس لما تجبلهم نفس اللألعاب نفس الملابس نفس الحلويات يختفي احساس الغيره حتى القبل لازم لعطيت وحده اعطي الثانيه (انا اتكلم عن البنات الصغار) وهذي وصا بيها الرسول و سبحان الله احساس الغيرة يختفي نهائياً حبيت افيدك موفق |
العــــدل اهم شيء
واخلاقه تكون راقيه |
شكرا أختي روماانسية الوحدة
كلامك واااقعي شكرا لك |
أختي جنه شكرا ً لك
كلاااامك مختصر وصرييييح وعسى الله يرزقك رجااال أخلاااقه رااااقية جداً |
ياالله يا أخت مشكلة والله أدلي بدلوووووك
وشوي شوي:24: |
بصراحة قصص المعددين والمتزوجين صارت تخوّف وبكل صراحة صرنا
نحجم عنهم ونستبعدهم في الوقت الحالي !!!! ربما يتغير التفكير بعدين اقول ربما ,,, وكل شيء مكتوب ومقدر من رب العالمين ,,, لكن مبدئياً زي ماقالوا الأخوات اللي فوقي السكن المستقل ,, العدل في كل شيء وعلى الدوام !! وأن لاتكون نزوه عابرة .... وأن يكون رجال وقد المسؤولية ... وأن مايمنعها من إنجاب الإطفال .... وأن مايجيب طاري الزوجة الأولى قدامها سواءً مدح أو ذم !! وأن يعاملها بالتي هي أحسن ,,, وطبعاً وضعه المادي لازم يكون ممتاز ويغطي على عيبه ( انه متزوج ) لأن الضره صعبة والألم لايحتمل .... وأن يسافر فيها زيها زي الأولى .. وأن وأن وأن وأن ......... إلخ شفت شلون التعقيدات اذاً اصبر ع زوجتك وعلى استقرار بيتك أفضل لك ,, يقول الله تعالى : { وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ فَلَا تَمِيلُوا كُلَّ الْمَيْلِ فَتَذَرُوهَا كَالْمُعَلَّقَةِ } |
والله يا أختي المعدد صعبه في وقتنا اغلبهم يتزوج فتره ويطلقها ..
ومشكوره على الموضوع.. |
اقتباس:
|
اعتقد وهذي وجهة نظري ان الحالة الاجتماعية لاتهم !
سواء مطلق اومتزوج او ارمل و اعزب المهم اخلاقه ودينه انا مطلقة وتقدم لي متزوج وقبلت فيه لاخلاقه ودينه لكن ماصار نصيب وتقدم لي اعزب ورفضته على طول طبعا لانه مقصر جدا بالدين ! المعدد لايرفض لكونه معدد لكن يرفض إذا كان مقصر بدينه واخلاقه اسأل الله ان يوفق الجمييييييييييع |
شكرا أختي مشكلة والله .... كفّيتي ووفّيتي ..الله لايحرنا من مرورك الكريم
أختي كحة والله ماعرفت انطق الاسم أنا رجل وشكراً على المرور الكريم أختي حنييييييييييييين الأمل الله يرزقك زوج دين ..... يكفي أنك تبغين زوج متدين فأنا أقف لك تكريماً وتعظيماً وتبجيلاً ... نصيحة لك ... أختي حنييين الأمل ولغيرك من الأخوات ... لايغرك الشكل ... يعلم الله أني أعلم بعض الرجاااال الغير متدينين يحرصون على الصلاة بالذاات الفجر قبل الأذان ....وأعلم بعض الرجال متدينين الشكل ترينهم آخر الصفوف . |
وينكم !! الظاهر ان مافي أحد
|
أنا مطلقة بلا أولاد ومستحيل أقبل بمعدد حتى لو انه رجل بمعنى الكملة كما يقال
لا اقبل سوى بشاب لم يسبق له الزواج او بمطلق بنفس وضعي بلا أبناء وفي النهاية لا نعلم اين نصيبنا سيقودنا وفق الله الجميع |
لحن السعااااااااااااادة أتمنى لك السعادة حيثما كنت...
وعسى الله يرزقك بزوج يحبك ويغليك ..... لايهم معدد ... مطلق ... شاب ... أهم شي أنه يحترمك و يقدرك ويهتم فيك و يحسسك بأنوثتك .. |
ياالله ياااا روح الطير تفضلي
|
ياالله يازهرة الرماااااااان ..
يعطيك العافية والله اني متشووووق أشوف ارائكم |
بالنسبة لي زوجي من مثل مااتمنى معجزة في نظر الناس لكن بسب الظروف اللي تعرضت لها
اصبحت اكثر اصرارا للمواصفات للتي اتمناها وادعوا ربي ان يرزقني مثل مااتمنى لكن موب مشكلة ربي كريم واحيانا احس موضوع الزواج اصبح الحلم الضائع في حياتي لكن ربي الحمدلله اعطاني قناعة بوضعي لكن كل ماافتكر ظروفي حيل تخليني افكر واتشبث بهالحلم واحيانا اقول اتنازل واوافق علي اي واحد واحيانا اقول صبرت وايد وربي بيرزقني مرة خطبت لقريبي وكنت خايفة اوافق وانا مابيه لكن كلمة رفيجتي ريحتني حيل قالت : ماراح تأخذينه قلت ليه قالت : وماكان ربك بظلام للعبيد وانتي صبرتي على اشياء وبعدين مارارح تصومين وتفطرين على بصله واسأل الله ان يحقق حلمي الضائع انا اعرف قدر نفسي الضعيفة وقبلها اعرف قدر وكرم الوهاب الملك والله يرزقني المعجزة خاصة لوقلت نفسي اسمع كلمة حلووووة كلمة شكرا مثلا جزاك الله خير يعطيك العافيه الله يبارك فيك اي شيء جميل |
أختي أنثى أبكت القمر .. الله يسعدك ويحقق لك ما تتمنين ... كم عمرك بصرااااحة واعذريني على التطفل تراااني والله ما أفضفض إلا في هذا المنتدى لأنه روحي .... زوجتي ما افضفض عندها ..
والشي الثاني : تراك ما جاوبتي في صلب الموضوع !! |
يا الله ياجماعة الخير تراني انتظر واحترق لحظة لحظة !
|
يارب ياكريم لا أنا ولا خواتي تحدنا الظروف نوافق علي معدد
ويبارك لنا في أزواجنا وأعمارنا وكل مسلم ومسلمه هذا ردي علي كلامك |
اقتباس:
|
^
لا مو تحدي قصدي بالكلمه تجبرنا الظروف |
لا موب عليك انا حصل لي موقف وتحديت شخص ان راح يشوف مين اخذ صراحة موقف اهانه لكن اسأل الله يوفقني واياك
|
أسأل العظيم رب العرش العظيم يحقق لك أمنيتك ويرزقك من حيث لاتحتسبين
ويفتح لك أبواب رزقه وكل مسلمه ياحي ياقيوم أمين توكلي علي الله وكثري من الإستغفار |
شكراً اختي قمر وشكرا أختي أنثى أبكت القمررر
عسى الله يرزقكن ما تمنيتن ..لأن كلّ أنسان يتمنى له الأفضل ..... لكن بصراااحة إذا البنت تقدم بها العمر(30 31 32 33 34 ) ماا جاها نصيب وش تسوي !!؟ (( الله يرزقني بزوجة أصير كلي لها وتصير كلها لي ولا يصير للماااااااااادة دور فيها )) مطلقة... بكر... عندها عيال مو مهم |
بإذن الله شمعة أمل مااااااتنطفي ....
|
اقتباس:
رزقت بشاب يحبني ويقدرني ويحترمني وبالنهاية طلقني لا اعلم ماهي مواصفات الرجل القادم التي اتمناها فانا معطلة فكري عن هذا الموضوع لكن أحببت ان اخبرك انني إنسانه لست حريصة كل الحرص على الرجل لان سعادتي فوق كل شئ مادام أنني سعيدة لماذا أضيق على نفسي من أجل أنه لم يكتب الله لي الزوج الصالح الله يقدر ونحن نسخط !!! وبالنهاية الامر من صالحنا لكننا لا نحسن ظننا بالله كنت أبكي لانني تأخرت عن الحمل والان أشكر الله أنني لم أحمل أرأيت الاقدار فانا لا املك سوى الدعاء وحسن الظن بربي وسأعيش إن كتب الله لي سواء تزوجت ام لم اتزوج وأتمنى أن من المتاخرات أن يقتنعن بكلامي فالسعادة ليست محصورة بزوج والله كتب لنا هذا فلماذا الحزن والسخط !! وضعي ببالك أن الله لم يكتب لك التأخير إلا خيرة لك في أمر بعلم الغيب وأسأل الله أن يوفق الجميع |
عن نفسي أخي لا أتمنى صراحة أن اتزوج من معدد (رحم الله امرء عرف قدر نفسه)
وانا اعرف نفسي غيورة، ولكن في النهايه لا أحد يدري أين النصيب يعني اذا ربي كاتبلي ممكن أشوف انسان متزوج وتبهرني شخصيته واخلاقه ووقتها اتنازل عن كونه متزوج.. دعواتك لي ولكل اخواتنا بالزوج الصالح.. |
اقتباس:
موفقة حبيبتي.. |
أختي لحن السعااااااااادة الله يسعدك بالعافية والصحة قبل الزواااج
والله يتمم عليك السعاااادة ... فعلاً سبحان الله كنت عزوبي أول كنت مرتااااح وسعيد ... والآن شوفة بناااتي .... و ........... أسعد شي في الدنيا عندي وينسوني المشاااكل ... . |
اقتباس:
مدامك إذا شفتي انسان متزوج وتبهرك شخصيته وأخلاقة بتتنازلين كونه متزوج ..الله يسعدك وهذا أن دل يدل على طيبة قلبك ونقائة فأسأل الله أن يرزقك على نواياك الطيبة ... وحبك للخير لا أحد يحكم عليك بخراب البويت حبي لأختك ما تحبينه لنفسك وأن مااتزوجت المطلقة أو من كبرت في السن ليه ترفض المعدد وشفييييييييييييييه حراااااااااااااااااام يروح عمرهاااا الرجل ستر للمرأة .. |
انا بعد مارضى بمعدد الا اذا فيه شي حلو يغطي عليه انه متزوج ولو اخذ معدد باذن الله اجي زي اختها
مره خطبني واحد متزوج ورضيت لانه ملك جمال واخذنا فتره وابوي يرفض لانه مو من قبيلتنا قلت خيره بس وش الي يقهرني المطلقه مافي الى القليل من الشباب يرضى فيها لو صغيره وش ذنبها الي ياخذمطلقه كانه مسوي جريمه يحطمونه |
الله يرزقك بذا الخلق والدين قبل الجمااال
والله يعينك أنتي والقبيلة !! |
انا ارضى بمعدد بل افضله
شروطي بعد الرضى بدينه واخلاقه ورضاه باببنتي : 1- فتره خطبة لا تقل عن شهرين يتحدد منها الموافقه النهائية على الزواج او التوقف هنا وليغني الله كلا من سعته . 2- السكن المستقل . 3- لا التزم بحضور المناسبات العائلية بحكم اني الزوجه الثانية ولي بنت لا اريد الارتباط كثيرا بالرسميات 4- لا يرفع يده عن صرفيه طفلتي ( سر بيني وبينكم ماراح اقوله هذا الشي صراحه بس من بين الجمل اوضح له انها بنته وهو المسؤول عنها علشان يحط في باله الصرفيه ) . 5- التقي باولاده وبناته لو يجيبهم لبيتي بس انا وزوجته افضل اننا لا نلتقي ابدااا |
لا أرغب بالمتزوج
ليس لأنهم فيهم عيب ولكن ملابسات حياتهم معقدة وشائكة وتحتاج نظر مطول فيها |
يا بسمة الإشرااق .... الله يوفقك والله ريحتيني بكلامك .... جعلك دوووووووم مبتسمة
أختي المااااضي الدفين ان معك صحيح تعقيد لكن إذا في رجل حكيييييييييم وقلبه وسيييييييييييع وحنووووووووون أتوقع بينجح الزواج من معدد (( والتوفيق من الله )) |
احس مرة تفرح لو قالوا معدد بحق كثير كثير من المتزوجين افضل من عازب
ويااخي غالبا الرفض ليس لانكم لاتصلحوون المرأة النساء احيانا صعب التعامل معهم يعني تقول كل وحدة ببيت هذا يناسب البعض بالنسبة لي انا في وضع تحدي بأن الله يرزقني مثل مااريد وحسنة الظن به بإذن الله يااما مثل مااريد وهو على كل شيء قدير او لا لااريد حلمي يتحطم سوف اعيش ياأنا ياحلمي ههه لا طبعا يافي الدنيا يافي الآخرة |
أختي أنثى أكيد أفرح وعلى فكرة ترى أنا تركت المنتدى من زمااااان بس أزور وأطلع لكني ... من حبي لها المنتدى ماعندي منتدى غيره وأحبه حب لأني أرتحت للي فيه عموماً ...كأنهم عائلتي ....
بالنسبة للنساء والله صدقتي صعب التعامل معهم وهذا اللي كثّر من المطلقات والمتأخرات زوجتي والله مبهذلتني تزعل بسررعه وأن زعلت عل طوووول تمرض ...طفشتني وكل تذكرني بالماااضي واني ما وديتها ولاسفرتها ولا عشيتها يوم الزواج ( كاااااااااااانت حالتي المادية صعبة جداً اول ماتزوجت ) الآن الحمد لله الخير واجد . |
ياالله يالأخت الكبرى تفضلي
|
الزواج من معدد مو عيب ولكن اهم شي بالنظري الاخلاق ويكون انسان ملتزم اتباعا لسنه الرسول صلى الله عليه وسلم (اذا جائكم من ترضون دينه وخلقه فزوجوه)الرسول الكريم ربط الدين بالاخلاق وهذاشيء مهم لان في رجال متدينين وماعندهم اخلاق وفي رجال عندهم اخلاق وماعندهم دين انا مطلقه ولدي ابناء افضل وضع لي هو الزواج من معدد عشان اقدر اوفق بين الاثنين واذازوجت من معدد ابغاة يعيش معاي في بيتي
بالصراحه انا احب بيتي ولا افكر اغيره ولازم يكون الزوج حكيم وعاقل وصبور ويقدر يتحمل الحريم والله حرمه وحدة وتجنن الرجال فما بالك بالثنتين ويعامل اولادي بالطيب موشرط يحبهم بس يراعي خاطرهم وما يظلمهم وعادل في المبيت والنفقه ويقوم بواجباته كامله وماينقل اسرار البيتين لبعض والعدل اساس كل شي ويشتري خاطر زوجاته ولايميل لوحده على حساب الاخرى ويحبب اولادوا في بالعض عشان لاقدر الله اذامات او صار شي في المستقبل يكون الاخواه الكبار يراعوا الله في الصغار ويحبوهم لازم الزوجه الاولى تعرف ان الزواج من حق الرجل شرعه الله له وتوطن نفسها على ذلك والرجل مايقدم على هذة الخطوة الى بعد مايتاكد انه يبغى زوجه دائمه مو نزوه ويرجع يندم ويعلق الزوجه الثانيه او يطلقها لازم يختار صح واذا عزم توكل على الله: يقدم على خطوة الزواج ومبرووك مقدما:14:: |
| الساعة الآن 01:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©