|
أخي ضرب ابني !!
السلام عليكم ورحمة الله وبركاته
كل عام وانتم بصحة وسلامة احترت بين ولدي المراهق وأخي البالغ 23 سنة ، قبل العيد بيومين أو ثلاثة اتفقنا أن يوصل أخي ولدي لصديقة وتفاجأت باتصال من ولدي وهو يبكي ومنهار ويشتكي من خاله أنه خاصمه وضربه ضربا مبرحاً أخي يقول عشانه ولدك صدقتيه وولدي يقول عشانه أخوك ماتاخذين حقي، وحالف يخبر أبوه ... وأنا في حيرة ... |
وش سبب الضرب اختي ووين صارت السالفة؟؟
|
مكرر..
|
اقتباس:
وهو من النوع الكتوم وحليم جداً وإذا زعل شين وإذا ضرب افترى... صارت بالشارع وكمل عليه الضرب بالبيت... |
اسمحيلي ...
انا ارفض الضرب ايش ماكان ... فما بالك ضرب مبرح ويتصل ولدي يبكي ومنهار ...!؟ ماله حق يضربه وان كان خاله .. وطبيعي يقولك ولدك ان ماخذتي حقي بيخبر ابوه .. لان كرامته انهدرت .. تفاهمي مع ولدك .. واتبعي الاسلوب اللي يناسبك .. |
لو مكانك اجلس مع ولدي لوحدنا، و امسك فيه تهزيييييييئ بكلام محترم
انه لا عاد يقلل من احترام خاله و زي كذا، و إنه مايدخل ابوه في اي مواضيع تخص بيت اهلك وواخواله ثم امسك اخوي و مايكون ولدي موجود، عشان هيبة خاله... و اكلمه كم كلمة،، بإنه لا عاد يمد يده على ولدك و انه طول ما انت عايشة و ابوه، فماحد له الحق انه يربي ولدك غيركم و تعملي حالك زعلانة من تصرفه و بشرط ولدك مايكون موجود و بعد كذا، اتركي الموضوع فترة و لاتكلمي هذا و لاذاك لحد ما كل واحد فيهم يحس بغلطه و يتصافوا و يتصالحوا بنفسهم و مع بعضهم |
يعني ماعليه يا أختي
انتي ليه تكبرين المسأله هو صحيح انه غلط يضربه وهو على حسب كلامكـ مراهق يعني 15 عمره وفوق لكن انا من رأيي أنك ما تتدخلين في الموضوع وتسكتين وهم يتفاهمون بينهم انتي يا اختي ما تدرين وش مسوي ولدك لابد انه مسوي شي غلط وغلط كبير بعد واخوك ما ضربه الا لمصلحته صدقيني اساسَ لو كان اخوك يكره ولدك كان ما وداه من الأساس يمكنه شاف صديقه شخص سيء او انه شاف على ولدك شي صراحه عندي ولد اخت عمره 10 سنوات لكن وش اقولك افعاله وقلة أدبه كأنه عمره فوق العشرين يعرف اشياء انا ما اعرفها ودايم مناقر انا وياه واضربه وماهو عشاني اكرهه او اكره اختي لا والله عشان مصلحته ومصلحة امه انسان لسانه وسخ وهو توه صغير وحركاته حركات ناس دشير مدري من وين جايب هالحركات ولقيته يطلع اشياء قبيحه في الإنترنت ، راسه يابس جداً جداً ومسوي نفسه كبير ويطلع من البيت يدور في الشوارع ما يرجع بيتهم الا المغرب بعد ما يطلع من المدرسه لكني تدخلت وفهمة ابوه والحمدلله صار يقر في البيت وكنت دايم اهاوشه وأأدبه لكن اختي دايم تزعل وفي النهايه تركته ، يصير فيه اللي يصير ما علي منه تعبت صراحه من اختي دايم تقولي مالك دخل فيه ولدي وماعليك منه في النهايه يا أختي الخال والد لاتخافين ما يبي الا مصلحة ولدك بالتوفيق |
أختي الضرب مايجيب نتيجة ..!!
فكيف ويكون ضرب مبرح.!!! إن أردتي أن لايطلع والده على ماحدث بينهما فحاولي تقريب وجهات النظر بينهما .. وذلك بما ذكرت الفاضله (روح الطير) بدون عناد ..حتى لو ردّ عليكِ ابنكِ تحاملي واصبري وأقنعيه بيسر وسهوله حتى يتقبل . وكذلكِ أخوكِ بعد أن تذكريه وتشكريه على حرصه على ابنكِ ذكريه بما قالت أختنا .. ولعل الله أن يقرب قلوبهم لبعض. |
اقتباس:
|
اقتباس:
|
أخي غريب 2010
جزاك الله خير بس والله ولدي الله يحفظه وأعرفه زين مو حق هالخرابيط أبداً أبداً، ولا يكذب علي، وبشهادة اللي كانوا معه أنه ما قال اللي الكلام اللي ذكرته،وصاحبه هذا أنا أعرفه زين حتى بالتلفون أكلمه من خوفي على ولدي، وفعلا الخال والد ولو حسيت باحساس بغير هالاحساس لو 1% كان يمكن تصرفي تصرف ثاني ، بس انا حز في خاطري الضرب اللي أكله منه... |
اقتباس:
|
حطي حد لاخوك.. انا لو مكانك لا يمكن افوتها لاخوي حتى لو يزعل فتره ويرجع.. الولد له ام وابو وهو اذا عصب مرة ثانيه يدور احد غير ولدك يحط حرته فيه..
|
اقتباس:
والله أنه عزيز علي وهذا اللي رادني وفعلا انا فهمته بأسلوب جاف وكان مبين علي أني زعلانه وهو ندم على اللي سواه كيف عرفت من اختي بس اللي مزعلني الآن أنه ولدي حاقد عليه جداً كيف اشيل هالحقد من قلبه ماني عارفه ، والغريب أنه ولدي دايما ينصحني ويقول ياأمي لازم نكون متسامحين بس هالمرة غير .. |
مش معقول يضربه ضرب مبرح بدون مايسوي شي
لا تخلي أمومتك تعميكِ عن الحق وبعدين فيه مرات نضرب فيها مو لأننا نبي نربي عيال غيرنا .. نضرب من قلة أدبهم علينا إذا ماتبي أحد يضرب ولدك خليه مؤدب مع الناس |
اقتباس:
|
اقتباس:
وتعتقدين انه حلال عليك تكلمين صديق ولدك وهو تعدى الـ 15 من عمره بحجة خوفك على ابنك ؟؟؟؟؟؟؟ ابنك رجل ماهو فتاة خليك قدوه لعيالك الله يصلحك:( |
اقتباس:
أصلح الله حالي وحالك ياأخي وغفر لي ولك وللمسلمين والمسلمات.. |
| الساعة الآن 01:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©