|
شغل زوجي الجديد لخبط حياتنا الخاصه
السلام عليكم راح أحوال اشرح و أوصل لكم المشكله بس المشكله نفسها لها عدة جوانب الجانب الأول: زوجي حصل على وظيفه جيده و مرموقه و بمرتب جيد و له فيها الحين 3 شهور المشكله إنه دوامه مره مزعج و مش منتظم و حياتنا صارت حوسه أيام يشتغل طول الليل و ينام طول الصباح و ما يقوم إلا لصلاه و الأكل و شراء اغراض البيت و أيام يشتغل بدري في الصباح و يرجع الساعه 3 العصر و يكون تعبان و مزاجه مره سيء و ينام بدري في الليل عشان عنده دوام بدري و أيام يدخل من الساعه 3 العصر و إلى 12 نص الليل يرجع بمزاج كويس بس أنا وقتها أكون خلاص على آخري بسبب شغل البيت و الأطفال و هو مره متفهم و معذرني الجانب الثاني: عندنا طفلين صغار يناموا معنا بنفس الغرفه و هذا طبعاً مره مؤثر بحياتنا الخاصه لأنه لازم نكون بالظلمه و نكون مره حذرين ما يصحو علينا و أحياناً لما نزود رومانسيه نشعل شموع قاعدين نجمع فلوس عشان نشتري بيت أكبر فعشان كده نحن صابرين على البيت هذا إلين ما الله يفرجها علنا إن شاء الله نحنا عايشين في الغربه لحالنا لا أهله و لا أهلي قريبين علينا عشان لو نقدر نصرف العيال عندهم مثلاً الجانب الثالث بعد الولادتين زدت 12 كيلو وهذا مؤثر فيني و مؤثر في ثقتي في نفسي , فأصبحت أتجنب أتكشف قدام زوجي طولي 160 و وزني قبل الحملين كان 54 و الحين 66, ممكن تقولوا إنه مش زياده كثيره و إنه مناسب لطولي بس أنا أشوف العكس و أشوف نفسي جداً سمينه زوجي دئماً يمدح بشكلي و راضي فيني و فعلاً أحس إنه معجب فيني الحين أكثر بكثير عن أول و يقول إني صرت "أنثى بمعنى الكلمه" بس أنا ما أصدقه و أشوف إنه يجاملني أوقف قدام المرايه و أقول في نفسي معقوله يقول إني حلوه و أنا بالشكل هذا؟ مو شايف بطني المترهل؟ مو شايف وزني الزايد مره؟ أكيد شايف بس ما يبغى يجرح مشاعري زوجي رافض تماماً أسوي رجيم أو أنحف، يقول إنتي عاجبتني كده و خليكي كده، بس أنا مو عاجبني كده و ما أقدر أضل كده أبداً الأسبوع هذا بدأت أمشي ساعه و نص كل يوم و قللت أكل و امتنعت عن السكريات و المقليات، إن شاء الله أنحف و ينزل وزني طبيعي و بدون رجمات الجانب الرابع: فتور في العواطف و كله بسبب الشغل الجديد زمان كان في دوامه يتصل فيني يسولف شوي و يسأل ايش مسويه و ايش راح اطبخ على الغدا أو إذا محتاجه شي أو إنه يقول لا تطبخي شي عازمكم على الغدا برا و أنا هذا كان يفرحني كثير و اضل متشوقه لجيته، و هذا كان ينعكس بشكل جداً إيجابي على علاقتنا الخاصه لأني أكون مشبوعه عاطفياً فتفاعل معاه أما الحين دوامه جداً صعب ويادوب يلاقي وقت عشان ياكل، و إذا أنا اتصلت فيه يسأل في شي؟ صاير شي؟ طيب الحين أنا مشغول حبيبتي أكلمك بعدين! يعني يغيب 8-10 ساعات من غير ما يسأل عنا ولا حتى في مسج صغير، و لما أنا أرسله مسج ما يرد و يرجع البيت و يتأسف و يقول والله مره انشغلت و نسيت بطلت اهتم اتصل فيه ولا أرسل له مسج إذا هو مره مشغول و مو سائل عنا ليش أنا اهتم؟ حتى ما يعطيني وجه لما اتصل فيه صحيح أنا مقدره تعبه و شغله الملخبط. بس أنا كمان انسانه و لي مشاعر و محتاجه اهتمامه زي أول، بدأ يقول إنتي ما تحبني زي أول ولا عدتي تهتمي فيني و لا للعلاقه و لا حتى صرتي تبادري من نفسك هو صادق بس ايش أسوي، أنا فعلاً ملخبطه و دوامه لخبطنا كلنا حتى العيال ما عدت أعرف متى أنظف البيت لما هو يكون نايم في الصباح ولا أسكت العيال عشان ما يزعجوه يبغاني اسهر و أستناه و ناسي إنه وراي أطفال يقوموا الساعه 8 الصباح و هذا راح ينعكس على مزاجي و أضل مصدعه و مو متحمله أي شي حتى في الإيام إلي يكون فيها في البيت وقت العصريه ماني عارفه أقعد معاه و الغي مواعيدي مع صديقاتي و برامج الأطفال من لعب في الحديقه و سباحه ولا أخليه لحاله يرتاح و ينام أيام إجازته يحاول يعوضني و يساعدني في البيت و يلاعب العيال و ياخذهم على الحديقه و يشتري لهم ايسكريم و حلويات بس أيام إجازته ما تتجاوز 4 أيام في الشهر بس الحمدلله أحسن من ولا شي علاقتنا الخاصه صارت جداً قليله، يعني ممكن يعدي إسبوع من غير شي، عكس أول كنا 3-4 مرات في الأسبوع كل واحد مستني من الثاني إنه يهتم و يبادر بالعلاقه و كل واحد مقدر تعب الثاني مثلاً مره صار اني تجهزت و مستنياه في الغرفه و هو عارف بس ضل جالس في المجلس و مستنيني هناك، و انتهت الليله من غير شي بسبب وزني ما أحب نمارس العلاقه في مكان إضأته قويه و هو عارف هذا الشي بس طبعاً يقول إنه شايفني حلوه أبداً ما أكون مستمتعه و أكون على أعصابي و أبغى نخلص بسرعه عشان أتستر، أما هو يكون العكس ماني عارفه وين أساس المشكله لأنه كل شي داخل ببعضه و أخاف لو استمرينا على كذا نصيب ببرود تام و نحن لسه شباب و لسه في بداية الحياة الزوجيه عمري 25 و زوجي 27 و بعد كم شهر راح نكمل 6 سنوات زواج |
راح اقول لك باختصار شديد جدا الان ..
واصلي اهتمام فيه ..لاتتركيه .. اعملي اليه مثل ماكنتي تعملي اليه من قبل من اهتمام وحب وغيره .. يعني اتصلي وارسلي مسجات حتى لو كان مشغول .. بعد فترة بيتعود ع العمل هذا وانتي بعد .. ويمكن يتغير ويتعدل نظام العمل هذا .. فلا تخلي مدخل للفتور بحياتكم .. اعيدوا ترتيب جدول حياتكم .. نظميه على حسب عمله .. اما بالنسبة لجسمش وزوجك اللي يحب بالاضاءة حاولي تةلبسي ملابس مغرية بس تغطي المناطق اللي انتي تخجلي منها .. خلي عندك ثقة حبيبتي ولاتقولي زوجك يجاملك لما يقول لك يبيك شدي وهو يقول عنك حلوة بس انتي خايفة يجامل .. هو من زود حبه لك يشوف كل شي حلو فلا تدققي قدامه وتخليه يبدأ يفكر يغير هذي النظرة عنك .. ماكو مشكلة حبيبتي عويصة بمشاكلك .. كلها شوية ترتيب للحياة تصارحوا .. ولاتتركوا لرومانسية موفقة |
عسى الله لا يفرقكم عن بعض
ماشاء الله حياتج حلوة وسعيدة بس يبيلها شوية ترتيبات مثلا الأولاد عوديهم على نظام معين وامشي عليه من غير لا يرتبطون في ابوهم لانهم أطفال وفي بداية تكوينهم الجسماني لازم يأخذون كفايتهم بالنوم والراحة ومافي اريح من نوم الليل اما زوجج فيفضل تخلين له غرفة بعيدة ينام فيها وقت العصرية او الصبح - غير وقت الليل- اما اهتمامه فيج فنصيحتي لج انتي خليه ان يتعود عليج لو هو مشغول وهذا اللي صار فعلا بدا يفقدج لما بطلتي تتصلين وهذا شي طيب وممتاز .... زيدي من جرعات الحب والحنان حتى لو ما لقيتي نتيجة فورية صدقيني راح تشوفين النتيجة على المدى البعيد نقطة ثانية بالنسبة لجسمج الحل بالثقة خليج واثقة من نفسج وصدقيني نظرة الانسان عن نفسه هي نفس النظرة اللي يشوفونها الناس فيه وابشرج حبيبتي زوجج ما يجاملج شايفج ملكة جمال بعينه وهذي نعمة من الله لا تجحدينها وخلج حامدة وشاكرة شي أخير حياتج اللهم بارك حلوة وجميلة بس رتبيها ونظميها الله يوفقج ويسددج ويبارك لج |
اقول عن وزنك زوجك صادق هو يحب الزوجه المربربه وانتي وزنك عدل يمكن كنتي ارفع
ثم زوجك يحب روحك وقلبك وكلامك ومن ثم جسدك لذلك شي مغري خلاص ما تقولي وزني ثم وقت يكونو الاولاد نايمين اعملوها بغرفة الجلوس او اتركي الاولاد ينامو بغرفة الجلوي لحين تخلصو انقليهم لغرفة النوم هونيها ولا تتوقفي عن المسجات لانه مشغول ويحتاج منك مسج لو ما رد عليكي انما يفرح ويحس انك معه قلبا وقالبا الله يحفظكم لبعض |
ما شاء الله تبارك الله فعلاً مثل ما قالت موهبة الكويت حياتك حلوه الله يخليكم لبعض و يزيد المحبه بينكم و لا حرمكم من بعض بخصوص دوام شغل زوجك هل دوامه كدا كل يوم شفت غير؟ ولا إسبوعياً؟ على العموم انتوا أكيد راح تتعودوا على الوضع الجديد و راح تقدري تنظمي وقتك مع الوقت و الأيام أهم شي الأطفال ما تغيري نظامهم، خليهم يناموا بدري و يصحوا بدري هذا أحسن لنموهم البدني و العقلي وقت يكون زوجك يشتغل في الليل فراح يرجع تعبان و ينام في الصباح، فطلعي الأطفال في الحديقه يلعبوا أحسن ما يصارخوا و يزعجوه بخصوص وزنك، إنت أبداً منتي سمينه تذكري هذا الشي المشي اللي تسويه الحين كويس مره مش بس عشان تنحفي بس كمان عشان صحتك و نفسيتك لو زوجك فعلاً يجاملك و مش متقبل شكل جسمك ما كان عارض الرجيم أبداً، بس لأنه فعلاً يحبك و يحبك لنفسك مش لجسمك فهو مقتنع فيك تماماً مسئلة الإتصالات و الرسائل هو لما يقول لك أنا مشغول مش معناه إنه مشغول و ما عنده وقت، بس قصده إنه ذهنياً مشغول و عشان يكتبلك كلام حلو أو يتصل عليكي فلازم يكون مزاجه رايق و يقدر يتكلم معك برواق وهو أكيد شغله متعبه و ما يبغى يزعجك معاه انتي إرسليله كلام حلو و انك مشتاقه له أو انك محضره له مفاجأه صغره و لا تستني أي جواب منه هو أكيد راح يكون سعيد برسالتك و أكيد راح يكون مزاجه شوي أحسن لما يكون راجع على البيت بسبب رسالتك و اهتمامك فيه عزيزتي زوجك له حق إنه يشوفك بأضائه كامله، إنت حلاله و يحب كل شي فيك و تثيريه زي ما انتي كده فليش تحرميه من المتعه هذه؟ إذا ماشافك انتي زوجته حبيبته أجل مين يشوف؟ لا تخلي الشيطان يلعب بعقله و يبدأ يطالع برا و يدور اللي ماهو لاقيه عندك الحين و بعدين والله روتين ممل جداً في نفس الغرفه دائماً و بظلمه و بدون صوت؟ روتين قاتل ولولا إنه فعلاً زوجك يحبك مره ما كان صبر ولا تقبل الشي هذا كل هذه المده حبيبتي حياتك فعلاً حلوه و شوفي النعمه اللي انتي فيها و اشكري الله عليها زوجك يتعب عشان يوفر لكم حياه محترمه و محتاج منك تقدريه و تشكريه و تمدحيه و تشبعيه جنسياً |
بقولك شي المجاملة واردة في كل شي عند الرجل الا موضوع جسم الزوجة لايمكن السكوت
عنه اذا كان زايد أو كان ناقص لذلك زوجك يوم قالك جسمك عاجبني فهو صادق ومستحيل يكون يجاملك وأشوف أنك تظلميه بأستعجالك بأنها العلاقة لأنك منحرجة منه |
اقتباس:
نقطة أني ما أوقف اهتمام و ارسل مسجات و اتصل عليه أنا ما عندي مشكله أني ارسل و اهتم بس المشكله انه ما عادت تفرق عنده رسلت ولا ما رسلت اتصلت ولا ما اتصلت كله زي بعضه و نفس ردة الفعل، تعب و صداع و مشاكل الشغل طيب و أنا؟ أنا اللي محتاجه الاهتمام هذا، محتاجه منه مسج قصير مثل ( احبك، اشتفتلك، وحشتيني، الله لا يحرمني منك، يا حلوتي، الخ) والله مسج بكلمه وحده منه راح يغير يومي ويخليني أطير من الفرح نقطة الملابس و الأضائه أنا فعلاً أحاول البس شي يخفي العيوب ويظهر المحاسن بس مثل ما انتي عارفه كل شي راح ينشال بعدين، فأنا هذا اللي يزعجني مع الأضائه الكامله زوجي ما يهتم كثير بفساتين النوم، طبعا مغري بس الأهم عنده انه يشوف الرغبه عندي و أني ابادر بالعلاقه حتى لو بجلابيه و ريحتي عرق و طبيخ بس أنا ما عندي رغبه في العلاقه لأنه بعيد عني عاطفيا فصعب اتقرب له جنسياً لو هو بادر طبعاً ما راح اصده وراح اتفاعل معه عادي المهم كيف أعيد ترتيب جدول حياتي؟ لو عندك شوية افكار اكون شاكره لك |
معليش اعذروني
صعب انسخ و ارد على كل رد لحاله من الآيفون فراح ارد على كل وحده بإسمها |
موهبة الكويت
شكرًا حبيبتي و أنا فعلاً سعيده بحياتي بشكل عام لولا بعض المشاكل الصغيره اللي لا بد منها و الله يجعل حياتك كلها سعاده و افراح و يعطيكي ما تتمني نظام العيال زي ماهو ما تغير يناموا 8 الليل و يصحوا 7 او 8 الصباح و الحمدلله هم ماهم مزعجين بس يعني هما عيال ويحبوا اللعب حبيبتي ما في غرفه إضافيه في البيت، غرفة نوم وحده و مجلس لما يشتغل في الليل و يجي الصباح فلازم هو ينام في غرفة النوم، و العيال و أنا في المجلس يتفرجوا كرتون و يلعبوا و يلونوا، و أنا اقرأ كتب او اقعد على النت او اكلم الأهل شوي، او احيانا نطلع نتمشى او نروح عند جارتنا لما ما يكون زوجها موجود الين ما يجي وقت نوم العيال و وقتها يصحى زوجي و يبدأ يومه و أنا اكون تعبانه بس اقعد معه كمان ساعتين و خلاص اروح أنام هذا مثال بسيط على يوم من الايام و زي ما انتي شايفه مافي رومانسيه ولا حميميه ولا شي غير روتين ممل الله يوفقك انتي كمان و شكرًا * |
Green222
لا الله يخليكي لا تقولي مربربه،اكره إلكلمه هذي و أنا هذا اللي ما ابغاه ما ابغى اكون مربربه ولا مليانه، احب اكون رشيقه و نحيفه و رفيعه، و هو ما يحب كذا كيف ما يحب و هو تزوجني نحيفه؟ طيب يعني لما كان يقولي انتي حلوه زمان كان يكذب؟ ولا كيف؟ أنا ما عندي مشكله في مكان العلاقه بس في الاضائه، احب خفيفه و لو معدومه احسن :d والله عارفه انه يحبني و حبه واضح و أنا كمان احبه الله يخليه لي بس كأنه صار بخيل بالتعبير، وهو عارف قد ايش الأشياء هذه تعنيلي مشكوره على مشاركتك حبيبتي |
Love of Life
لا حبيبتي دوام زوجي كل يوم شفت غير :23: لو كان اسبوعياً ما كنت قلت شي أبدا لا تخافي نظام العيال ما تغير زي ما قلت لموهبة الكويت، يناموا بدري و يصحوا بدري و لا حاسين في اللخبطه بس صاروا مره مشتاقين له و هو كمان يشتاق لهم، تخيلوا انهم ممكن ما يشوفوا بعض لأسبوع و هم في نفس البيت! مشكوره عزيزتي على مشاركتك |
Feeling
فعلا احس أني أظلمه و ما اخليه ياخذ راحته بس والله غصباً عني ما اقدر يمكن لو نحفت شوي أبدأ احب شكل جسمي و راح اكون منسجمه معاه اكثر فعشان كذا لازم انحف عشاني و عشانه اشكرك على مشاركتك |
حبيبتي ربيي يحميكم لبعض ولا يفرق بينكم ياارب
غاليتي بالنسبة للسمنة .. صدقييييييييييني دام انه مايعلق معناه عاجبه الوضع لو كان مو عاجبه و يجاملك .. كان بيرمي لك كم كلمة على سبيل المزح مثلا بعد ولادتي الثاني من 3 شهور زايدة تقريبا زيد وزني 65 و اشوف نفسي دبة وزوجي يقولي لي لا لا عاجبتني كدا . بس عارفة انها مجاملة لانه ساعات المزح يقلب علي :) و الايام هذه هو نحف شوي و نازل عليا شوفي ها انا عندي ارادة وانتي لا :) .. معناه افهمي ياجارة) بس انتي دامه ابدا مايعلق و على طول يمدح صدقيه وزي ماقلتي اهم شي يلمح الرغبة بعيونك مو مهم ايش لابسه .. واذا انتي نفسيا مو مرتاحة خلاص ياستي استمري على الرياضة وربي ينحفك بعافية .. شجعيني معاك :) نظام اطفالك حلو ماشاء الله بالنسبة للعلاقة .. صح ملخبطة مع الشغل زز بس صدقيني مع الوقت بيتأفلم مع الشغل و انتي كمان بتتأقلمي و تتنظمي وقتك لحالك بس تعرفي ممكن تخلي العلاقة .. قبل مايروح الشغل يكون نشييط شوفي متى يبدا دوامه و قبل ما يجي موعد قومته من النوم بنص ساعة روحي نامي جنبي .. و انتي ادرى بالباقي :) بيكون ساعتها لساته نشيييط .. و بالنسبة للرسايل .. لا توقفي صدقيني تفرق عنده و يفرح برسايلك كونه مااتكلم لما وقفتي مو معناه انه مش مهتم بس تلاقيه مستحي يرجع يطلب منك لانه هو اصلا مقصر بسبب شغله اعذرية و لا تخلي الملل يدخل بينكم استمري بلاهتمام و الدلع و الرسايل و كل شي ربي يسعدكم و يوفقكم |
Noora
مشكوره حبيبتي على مشاركتك و افكارك والله حسيت من كلامكم انه فعلا صادق و انه يحب جسمي مثل ماهو، معقوله؟ بس و مع ذلك لازم عشان صحتي و عشان نفسيتي و عشان ارضيه جنسياً انحف حتى لو بس 5 كيلو انتي لسه يادوب طالعه من النفاس و مع الرضاعه راح تنحفي اسرع اكيد شجعيني و أشجعك، انتي بس امشي ساعه باليوم و راح تشوفي الفرق بعد شهر ان شاء الله مشكوره حبيبتي |
يا قلبي انتي ربي يسعدكم ويسخركم لبعض ويزيدكم من فضله الأعضاء ما قصروا بس حيبت أدعي لك ودائما رددي ( رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً ) ( رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَداً ) |
للاسف الشفتات ، او الورديات بنظام الشغل مقلقة
اهم شئ المرونة خليكي مرنه على قد ماتقدري وهو مستحيل هيفضل كدا طول عمره يعني دي فترة مؤقته ان شاء الله لحد مايترقى استحملي وخليكي خير عون ليه وهي هتعدي عاجل او آجلا بالنسبة لشكلك انا حساكي فعلا مزوداها ليه يا بنتي عاملة في نفسك كدا الامومة ليها ضرايب على كل الاناث هنعمل ايه بس بلاش تزهقيه منك ومن شكلك عشان لو هو اقتنع هتتمني انك ترجعيه يشوفك بعين زمان جوزك كويس وابن حلال احتويه وربنا هيكرمك |
| الساعة الآن 04:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©