|
وش فـيهــآ يعــني !!
..
مرحبآ يا أعضاء منتدى عالم الاسره والمجتمع رغم المده القصيره اللي سجلت فيهآ الا اني احسكم صرتوآ اكثر من اخوان وخوآت بالنسبه لي عالعموم آخواني انآ راح اطرح مشكله فآقعه مرآرتي آللي هي : خطيبي موظف في شركه سعوديه بس انها خآرج السعوديه بس على حدود السعوديه .. طبعآ هالشركه توظف نساء ورجال وفيهآ سعوديآت بعد .. فا على هالاساس طلبت منه اني اتوظف معآه فيهآ .. فلمآ فاتحته في الموضوع تنرفز ومآعجبه وقعد يقولي اختلاط ومدري ايش انا عاد قلت له عشان لمآ نتزوج يآخي ندوآم سوا ونرجع سوآ وش المشكله .. ؟؟!! قال بس مآبيك تتوظفين هنآك انسي هالشي .. عاد انا مسكت معي الا اتوظف هنآك >< وخطيبي المحروس مره رآفض هالفكره .. عشان ايش .؟ عشان الاختلاط .. مع اني ماظنتي فيه اختلاط بدرجه كبيره يعني فيه حدود للشي هذا الشي الثآني طلبت منه وظيفه في مستشفى .. ورفض . والسبب اختلاط :( اقسم بالله كرهت كلمة اختلاط .. ينعن ابليسه يعني هو عادي من ناحيته الاختلاط .. وانا لا ؟ قال مالك الا تدريس .. وانا ديني ودين التدريس .. احس اني برجع ادرس من جديد = ( نفس الشي قومة الصبح وتحضير .. واسكتي يافلانه واسكتي ياعلانه .. لين يصير آخرتي بشهآر رغم اني تخصصي ينآسب عدة مجالات في التوظيف .. عالعموم انا موضوعي كله عن هالشركه .. مااظن فيهآ شي لو اشتغل معه فيهآ .. ملآحظه لحد يقول يغار عليك ولا كذا .. على كذا حتى انا بغار عليه واقوله اطلع من هالشركه لان فيهآ بنات >< |
هلا فيك .
اول شي اختي الله يهداك .. انتي لا زم تثقين بزوجك .. واكيد ان زوجك ما منعك الى لأسباب .. يمكن انه ينحرج انك تتخالطين بزملاءه .. او انه ما يبيك تتعبين .. والله يا اختي لو انه بخالط 1000 بنت انتي واثقه منه ما راح يصير شي اطردي الشيطان عنك , الشي الثاني المستشفى قلة ادب انا عملت بالمستشفى فتره الشباب ما يرحمو وما يعرفوا بنت عاقله و لا شينه الى يعاكسوها .. لا تخربي بيتك الشيطان حريص انه يدمر البيوت .. تحياتي لكي والله يبعد عنك المشاكل .. اخوك - طلال |
حبيبتي صدقيني والله خطيبك يحبك وانتي تهميه كتير ..
بس فعلاً كلام طلال , هوا مايبغا زملآئه يعرفو انو حرمتو موظفه "عاد دا تفكير الرجال الله يصلحهم " . اشتغلي مدرسه والله رووووووعه رااح تنبسطي صح تعب وهجوولة لكن لمن تشوفي المعلماات والسوالف معاهم رااح تنبسطي كتيييير .. وموفقه ياقلبي =) دمتي بوود |
إلا فيها ونص ^_^
أختي مازال غالب مجتمعنا يرفض عمل المرأة المختلط ويرفض الارتباط بالفتاة التي تعمل في هذا المجال لا تجعلي هذا العمل سببا في خلافك مع زوج المستقبل وإذا ما عجبك التدريس ممكن تبحثي عن عمل اداري أو بنوك مثلا المهم انها تكون منفصلة حسب طلبات سي السيد ^_^ وإذا لقيتي خبريني لا تنسي تقولي لي << نفس مشكلتك :$ الله يسعدكم ويخليكم لبعض يا رب |
اعتقد اني عرفت الشركه واقرباء كثير لي يعملون فيها
هذا شي عادي بعدين هوا رجل ما اعتقد يعطي مجال للحكي والسوالف عموماا حتى الوضيفه في شركته صحوه من الصباح هذا غير المشوار عزيزتي وغير المركز انتي تشوفينها سهله مره تعب التدريس انا زيك كنت مستآءه منه لكنه جداا مريححح الله يوفقك يارب |
والله بالنسبه لي انا كوني غيوره جدا جدا لو كنت مكانك باطلب منه انه يبحث عن وظيفه غير وظيفته ومايكون فيها اختلاط لان في هالفتره البنات صارو هم اللي يدورون الشباب طبعا موالكل بس الغالب منهم ....
|
الفرق بين الانثى و الرجل من الناحية الوظيفه فرق السما و الارض...
الرجل واجب عليه العمل و النفقه لذلك سيتمسك بوظيفته سواء كان مختلط ام العكس اما المرأه غير ملزمه بالنفقه او العمل فإذا رغبت بذلك عليها عليها ان تبحث الوظيفه المناسبه لها و يرضى بها الزوج |
......الله يعينك .......
|
انا احسك انك تدوري على المشاكل
بصراحه انا لو مكان زوجك بسوي نفس الشي واعتقد 90% من الرجال بيسوي نفس الشي الموضوع ماهو موضوع شغل او لا الموضوع كلكم راع وكلكم مسئول عن رعيته , اذا كانت حالتكم المادية طيبه فليش تدخلي في اماكن يمكن تخرجي منها بفضيحه عندك مليون شغلة ممكن تشتغليها , يعني لو فتحتي لك محل كوافيرة او اي شغلة مافيها رجال ما اعتقد راح يرفض فنصيحة كوني مع زوجك ولا تكوني عليه اتمنى لك التوفيق |
اقتباس:
أختي فيكي طيش في التفكيييييييير مره وباين عليكي تحطي نفسك في مواقف سيئة لاستعجالك في الحكم وعدم التأني ودراسة الموضوع دراسة مستفيضه... من أسوأ الأشياء اللي ممكن الفتاة أو المرأة تتعرض لها هو الإختلاط حتى لو كان بسيط وكثييييييير بيوت انهدت بسبب هذا الشي أعرف وحده بنت حلال ومالها بالطويلة بس زميلها في العمل قعد يتميلح عليها واتصالات >>>> وهي سافهته آخر شي من القهر وصل لزوجها من يقوله ان زوجتك ماهي شريفه وحصلت مشاكل وتطلقت وهي بريئة.. بس في النهاية هي اللي جابته لنفسها ومحد ضربها على يدها |
الحمدالله أني أحب جلسه البيت وأعشقها هههههههه
من جد ليه أروح أتعب عمري واشتغل وأقوم الصبح ليه أتزوج أجل عشان يريحني ويصرف علي وعموما الرجال يستمتع وهو يصرف عليك والحمدالله خطيبي ماايبني أتوظف وأنا قايله له لازم مبلغ محترم كل شهر في حسابي وبعدين ماتسوي عليك تتوظفين وظايف مختلطه كلها رجاجيل شوفتهم تجيب الهم أستغفرالله لو أنا مكأنه ماأوافق و ممكن مايبيك تتوظفين وبعدين لاتضحين بحياتك الاسريه والمرأة مهما كانت تحب البيت والأطفال عشان وظيفه الوظيفه مهمه للمرأة في هالزمن عشان الرجاجيل مالهم أمان بس ولو أتوظف بتوظف عشان أضمن مستقبلي مو أحتاج لي أحد أما إذا زوجي الحمدالله ثقه ورجال كفو لا والله البيت أولا فيني والراحه نعمه والله الله يصلح حالك |
ملامح قمر كلامها صح وشلك وشل الشغل خلك مريحه في بيتك تنامين وتصحين لا دوام وراك ولاهم
اختي عيالك وبيتك اهم شي لاتفرطين فيهم عشان وظيفه اصلا منتي محتاجتها وعندك الي يصرف عليك ريحي نفسك وزوجك وهوان شاء الله ماراح يقصر |
يآآحبيبتي,,
احمدي ربك واشكريه بدآآمه يحبك ولآ يقصر معك بشي ويغآآآآآآآآآر عليك لآترفسين النعمه بيدك حآآفظي عليه وامسكيه بمعآآمله الطيبه وحآآفظي على هدوئه لآتخلين النقآآط الصغيره تفرق بينكم وتصير بينكم مشآآكل اهتمي بشي الكبير الآسآآآآآآس لبينك وبينه وبعدين ان شا الله بتحصلين لك وظيفه يحبهآآ قلبك غيرررك يعآآآني وربي مآآحصل هآآشي !! آدعي لي ربي يصرف عني خطيبي.. |
هو رجال عادي
بس يمكن فعلا من غيرته مايبغى كمان ايش لك بالشغل بكرا بيكون عندك بيت وعيال ومسؤؤليه |
والله زوجك كفو ,,
مابقي الا هيا زوجتي تصير زميلة صاحبي في نفس العمل !! |
السلام عليكم أختي الكريمة ..
لا أريد الحديث كثيراً في هذا الموضوع .. ولكن أكتفي بقول رسول الله صلى الله عليه وسلم في الحديث الشريف زينــة المرأة بيتهــا .. وقد نهانا الإسلام عن مشاركة المرأة للرجل في ميدان العمــل .. ولكن أين نحن من هذا الكلام ؟؟ صدقيني أخي الكريمة .. المنزل أفضل مكان لك .. لا تريدين هذه الوظيفة أو ذيك الوظيفة .. وأسأل الله لي و لكم العيشة الهانئة السعيدة |
وش فيكم هو يبيني اتوظف قال عشان تصرفين عل ننفسك وصراحه ماحبيت كلمته وانقهرت وعشان كلمته ابي اتوظف الوظيفه اللي تريحني ويقولي انا ابيك تتوظفين مابيك جالسه
|
^
طيب يا عزيزتي توظفي بس مو بمكان اختلاط كل رجل يغير مو بس زوجك.. الشي هذا المفروض تقبلين فيه اذا ما ودك تتوظفين خلاص قولي له مابي ابي زوجي الحبيب يصرف علي وادلعه اخر دلع جيبيها من تحت لتحت لا تقولين مباشرة انت الي واجبك تصرف علي |
أختي العزيزه فدراليه
ماراح أتكلم في مسألة عملك و الاختلاط او جلوسك في البيت بس انا أستغرب من استغرابك رفض زوجك لعملك في الشركه التي يعمل بها وفيها اختلااااط,, فابودي اسألك كونك سعوديه وتعيشين في السعوديه.. لو افترضنا ان بيتك انتي وزوجك (اذا الله وفقكم لبعض) عباره عن مجلس كبير فقط.. وجا لزوجك ضيوف,, رجال فقط (اصدقائه ,زملاءه وجيرانه),, وقالك يابنت الاجواد تغطي واجلسي معنا (8 ساعات) بس بزاوية المجلس (طبعا المجلس كبير) ولا تتكلمين,, هل توافقين؟؟ ولا تشوفينه شي غريب وخصوصا في مجتمعنا؟؟ تخيلي لو ان الشي هذا يصير يوميا... اذا شئ عادي بنسبه لك.. يحق لك الأستغراب.... أنا ما شوف فيه فرق بين المثل اللي ذكرته وعملك مع زوجك في عمل مختلط ومع وجود زملاءه... .بل بلعكس ستضطرين للحديث مع زملاءه.. ومعظم السعوديين لا يقبلون بذلك... |
طيب ليه حلال عليه يشتغل في عمل مختلط ومعه نساء وحرام علي؟ ليه هو يغار وانا مااغار مثلا؟؟؟
|
اقتباس:
هي الندية مع الزوج ، في حين أن الواقع والعرف يقول عكس هذا أنتِ غير مطلوب منك الانفاق على الأسرة ، هو ملزم حتى وإن لم يكتب لكِ الله الوظيفة فلن يتغير عليكِ شيء بإذن الله هو العكس ،، إذا توفرت لزوجك وظيفة بدون اختلاط وبنفس مميزات هذه الوظيفة ذلك الوقت يحق لكِ أن تغاري وأن تستفهمي وأن تسألي أما إذا لم يجد إلا هذه ، فهو مجبر عليها في ظل قلة الوظائف وكثرة البطالة ،، أما إنه يطلب منكِ تتوظفين وما تكوني جالسة قولي له على يدك هات الوظيفة اللي تناسبني وتناسبك وأنا ما أقول لا :) الله يوفقكم |
زوجك من غيرته عليك منعك من الاختلاط والعمل معه بنفس الشركة ونعم ما فعل
فلا يعقل ان يرضى الرجل الحر الغيور لامراته ان تختلط بالرجال غير محارمها لانك من جملة رعيته وممن يسال عنهم يوم القيامة.. فلا تخربي علاقتك مع زوجك واستعيدي بالله من الشيطان الرجيم ووفقك الله ورعاك. |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©