|
احتاج نصيحتكم..زوجي يكلم بنات في برنامج محادثة(المستجدات بالرد 9)
السلام عليكم
مدري كيف ابدا قصتي بقولها باختصار لان مخي مخربط قبل يومين اكتشفت ان زوجي يكلم بنات في برنامج هوز هير...بمحض الصدفة البحتة ماتتخيلو قد ايش اثق فيه واخر شي اتوقعه انه يكلم بنات طبعا حط رقم سري للبرنامج بس اغلب ارقامه السرية انا اعرفها وطلع واحد منها صح وفتح البرنامج ولقيت محادثات مع بنات كثييييير ووحدة منهم يقولها من زمان واحنا نتكلم مع بعض ولا شفت صورتك حتى....انقهرت من زماااان وانا هبلة مدري عن شي...وبعد ماعرفت استوعبت انه في الفترة الاخيرة ماعاد يتفرج ام بي سي 2 حقت الافلام بس طول الوقت ماسك الآيفون... رحت حملت البرنامج وحطيتلي صورة بنت وصرت اكلمه صار يهرج ويقول انا مطلق قلتله ليش مطلق قال لان زوجتي تخرج كثير وماتهتم فيني وصار يرسل الرقم ويقول اتصلي وانا طول الوقت في شغلي فاتح المسن كلميني.....حسيته طعني في ظهري لاني ما اخرج الا وهو موافق وكل ما اقوله عندي عزيمة يقولي روحي حبيبتي ماعليكي وهو شاااايل يده من البيت كل اغراض البيت واغراضي انا وبنتي انا اجيبها وانا هبلة اقول مشغول خليني اروح مع اهلي اجيب الاغراض الفلانية وفي النهاية اطلع مقصرة؟؟ غير انه لما يجي من شغله ويقولي رجلي تعورني اقوله ادلكلك رجولك وابدا ادلكها ثواني ويقولي لا تتعبي نفسك حبيبتي انا بس يبغالي انام وبترتاح رجولي....مقهوووووورة كتبتله رسالة من 6 صفحات كتبت الاولي والتالي وابغى اعطيه الرسالة بس ما ابغاه يقراها وانا صاحية منحرجة منه مع انه المفروض انه هو اللي ينحرج لانه محترم وماله سوابق الحين بس ابغاه ينام وبحط الرسايل في الكومودينو تحت جواله واذا صحى صلاة الظهر يقراها وانا اكون نايمة ويراجع افكاره ويقراها بهدوء ... ايش رايكم لا تقولولي لا تواجهيه انا حامل وصارلي نزيف وحالتي ماتتحمل اكتم في نفسي من وقت مادريت وانا بس استفرغ ومعدتي توجعني لازم اتكلم.... شورو علي بسرعة الله يرضى عليكم كلها ساعة ويكون نام واحطله الرسالة |
اذا كانت الرسالة تحتوي على
سب وما الى ذلك فلا تعطيه اياها اما اذا كانت تحتوي على عتاب ودعوى الى المناقشة فأرسليها اصلح الله شأنك وزوجك |
نصيحة يا أختي لا أفضل المواجهة و خصوصا أنه بدون سوابق على كلامك و أعتقد الحل الأفضل هو حذفه للبرنامج و هناك طرق كثيرة لهذا الشيء و بشكل غير مباشر و ذكي
|
ياقلبي عليكي
والله باين عليكي مش مقصره عليه ولآ شي .. بس بعض الرجال الله يهديهم عينهم فااارغه .. لا ترسلي له رساله الاحسن تواجهيه بنفسسك ولحالكم .. وشووفي ردة فعلوو , وقولي له محااسنك وافعالك الحلوة معااه .. عشان يتندم انو خانك وكلم غيرك .. وان شاءلله الاعضاء مايقصروو وراح يفيدوكي ياقلبي .. دمتي بسعاده =) |
الله يعينك ويستر عليك
رجال الزمن ماتملى عينهم وحده . طريقتك لـ وضع رساله تحت جواله انا ما اشوف فيه اي مشكله ، بس الإفضل انك تواجهينه بنفسك .. وتتناقشين معاه .. ما اعتقد بيلقى حجّه يتحجج فيها والصراحه أفضل من كل شي .. قولي له كل اللي في قلبك .. ولاتخبين شي، ويمكن، صار يكلم ويسولف غيرك .. لإنك مهملتهّ حاولي تجلسي معاه دايما وتسولفين معاه وبأوقات الفراغ تسولفين وياه وتسلينه .. يعني لإتعطينه مجُال .. في هالاشياء والله يوفقك ان شاءلله واتمنى لك حياة سعيده، |
واجهيه وحطي له الرساله وريحي حالك
ومن ثم انا خايفه عليكي انتي فقط خايفه على صحتك والتعب النفسي هو معروف شو رح يكون جوابو اول شي رح ينكر وتاني شي وقت تفتحي له البرنامج ويشوف رح يقول لك انا تبت وخلاص وانا نادم وسامحيني وما رح اقدر استغني عنك وانتي روحي وحياتي وام ابني اللي في الطريق ورح يصلي ويقرا قرآن وووووو تتصدقي انو خلاص صار ملاك حطي له شروط يروح معك وين ما تروحي يتحمل مصاريف بيتو من الى عن على وكفايه توفري عليه وقت ومال وهو جالس يتكلم خليه يعرف انو هو رجال البيت ومسؤول عن عائله انتبهي على صحتك وراقبيه وما تقولي النفاس اقضيه في بيت اهلي اذا تتركيه ساعه ويعمل هيك ما تتركيه وقت النفاس شو يعمل وانتبهي ما تقولي نفاس وما تخليه يقترب منك تقدري ياخذ وطره على رجلك على بطنك من الجنب انتبهي لهذا جيدا وما تقولي تعبانه الرجال ما يصبر وقت الولاده ادخليه معك يلبس الثياب ويقف قربك ويمسك يدك ما يقول لك اخاف ووو خليه هذه اصعب لحظات حياتك خليه يحس بقدرة رب العالمين كيف يخرج جسد من بطن جسد خليه يحملو بيديه اول شخص تيحس بطعم الابوه ومن المشفى للبيت خليه هو اطلبي منه يعطيكي اغراض البيبي ويساعدك تيحس انو اب ما ترجع بعد اربعين يوم من بيت اهلك وهو الله اعلم شو بيكون عمل مهما اقنعك تجلس ببيت اهلك او اهلك اقنعوكي ما ترضي قولي ارتاح ببيتي الزوج اصعب تربيته ومراقبته من الاطفال عيونك اربعه وعشرين ساعه عليه هناك مثل لبناني يقول : يا مأمن للرجال يا مأمن المي بالغربال |
لله درك .. والله انك بنت رجال طيبين اجاويد.. بس لا تضغطي على نفسك.. هناك ماهو اهم وهي صحتك.. انتبهي لنفسك ولصحتك.. وهذه النوعية من الرجال ما فيها الا الكلام بس.. صدقيني هذا لو يجتمع مع بنت في مكان يخاف ويهج.. ريحي بالك من الوساوس .. وخليك ذكية .. عامليه طبيعي وحاولي اذا تحسنت ظروفك تتكلمي معه بهدوء ورتبي افكارك مسبقاً.. بتكسرين شوكته صدقيني.. رح يختشي اذا عاملتيه بالمعروف وتذكيره برب العالمين..واحمدي ربك ان زوجك من هذه النوعية السهلة
|
ليست لي الخبرة الكافية في مثل هده الامور و لكني انصحك بعدم مواجهته لانك باختصار ستصطدمين بجدار سميــــــك من كبريائه و سيقلب عليك الطاولة و سوف يجعلك انت المخطئة و سيغضب منك و سيجعلك تعتذرين منه مع انه هو المخطأ و متأكدة بنسبة 99 في المائة ان هدا هو السيناريو الدي سيحصل الا ادا كان زوجك عاقل و متفهم..
نصيحتي لا تواجهيه و لكن استخدمي ذكائك و قومي بالتلميح له في البداية عن الرجال الدين يخونون وزجاتهم و ان امكن اختلقي قصة لفيلم او لصيدقة ان زوجها كان يكلم فتيات فجره هدا الى الهلاك تحدثي عن ضرر هده العلاقات من الناحية الدينية و انه كما تدين تدان و ما الى دلك من الكلام مستعملة المنطق و الدكاء و بعث اشارات ثقة في نفسه.. لعل و عسى يخجل من كلامك و يراجع نفسه.. الله يهدي زوجك و يسخره لك يا رب.. |
تسلمو جميعا على ردودكم الله يسعدكم ويبعد عنكم المشاكل والهموم...
ابشركم استخرت الله عشان الرسالة وماعطيته الرسالة في نفس الوقت .... يوم الجمعة رحنا عند اهله وكنت اتكلم عادي بس ما اقدر احط عيني بعينه وانتبه هو للشي هذا... المهم رجعنا بيتنا في الليل وماقدرت اصبر حطيت الرسالة في الغرفة وهو طبعا راح انسدح في السرير ومسك الجوال بيبدأ تشات....رسلتله رسالة وقلتله في رسالة في المكان الفلاني ياريت تقراها... طبعا الرسالة مافيها كلام جارح بس فيها نقد مثل اللي كتبته في الموضوع فوق...وبداية الرسالة كانت زوجي الحبيب وانا ماشفت منك الا كل خير ومن هذا الكلام عشان يعرف اني ما انكر المعروف... المهم رحت الصالون وقعدت اصلي واصلي واستغغفر الله ولا ادري ايش قلت بصلاتي من الخوف مدري ليش كنت احس انه فجأة بيصرخ ويناديني بعصبية ...المهم خلصت الصلاة ورحت قعدت مع بنتي في الصالة وشوي ناداني...قال تعالي رحتله قالي اقعدي قدامي...وبدأ يبرر ويقولي المحادثات هاذي مافيها كلام حساس كلها هبل ...هو مايدري اني قدرت اعرف رقمه السري وافتح البرنامج ..المهم قلتله رسلتلهم رقمك قالي لااا هاذي وحدة تبغى وظيفة قلتله لااا انا شفت كل شي قالي ايش شفتي قلتله كلللللل شيييييي..وانا ابكي واطالع الارض...قالي ترى مسحت البرنامج وهو الوحيد ماسنجري قدامك وايميلاتي قدامك مفتوحة تأكدي وقاللي اصلا اللي مسوي برنامج هوز هير شيطان..كنت استخدم البرنامج وانا خايف وحاس انه وراه مصيبة.... حزنني وقالي انا مستعد اسويلك اللي تبغيه حتى لو تبغي تروحي لاهلك وماتبغيني ماراح اجبرك تعيشي معاي وانا ماراح افرط فيكي..حزنت عليه لانه يفكرني خلاص كرهته ومعاد ابغى اعيش معاه... المهم تراضينا وحطيت شروط منها انه يتكفل بكل مشاويرنا واحتياجاتنا وهو حط شروط الخرجات ربوع وخميس وجمعه بس قلت حااااضر اهم شي في الموضوع اني اكتشفت اللي وراء خيانة زوجي ليا.. لقيت محادثات مع واحد من اصحابه متزوج...في محادثة جماعية مع اصحاب ثانيين..يقولهم ياشباب ترى بشوفها والاثنين الدخلة...ويقولهم قعدت معاها وهي مبرقعة في الكوفي ولما قامت بتروح فتحت وجهها وهات يابوووس...تخيلوووو ....يقولهم والله حسيت بشعوووور غريب (يحمسهم للخيانة)...ويقول الله يلعن ابليس اللي محليلي الشغلة... عاد انا مقهووووورة زوجة صاحبه عسل وطيبة وتخاف الله ومهتمة في زوجها نفسي اقولها بس اخاف اسويلهم مشااااكل... طبعا ماقدر اقول لزوجي اقطع علاقتك بصاحبك هذا لانه مرررررة قريب منه بس كل مايروح مع صاحبه هذا براقبه والحمدلله ان صاحبه هذا في مدينة ثانية يعني يشوفه في الاجازات بس الرسايل طول الوقت يراسله ويحكيه عن مغامراته والقهر ان صاحب زوجي مو من زمان وهو راعي بنات والله كان مرررررة محترم مدري ايش غيره.... وفعلا والله اقرب طريق لحل المشاكل المواجهه بس المواجهه بحب مو بكره...لانه بعد المواجهه حسيت ان قلبي نظف من ناحيته وحيت كأنه دوبني متزوجته ومبسووووطة وهو كمان احسه صار مرتاااااح واي سؤال انا حاضرة |
الله يوفقكم ...
بس كلامك عن زميله واللي يسويه يعور القلب ياليت يتحرر وتحدفون الكلام اللي يجيب المرض.. |
طبعا صرت احرص كثييير اني ما ابينله اني شاكة فيه ولا اذكره بالخيانة حتى لما يرن جوالة ما اطالع فيه ولا امسك جواله ولا اقرب جمبه اذا كان يكلم عشان احسسه انه انا واثقة فيه واللي فات مات وعشان يعرف انه هو الرقيب على نفسه
|
الموضوع ليس بهذه السهولة والضغط على الاعصاب يحتاج لقوة وعزيمة..
لكن الافضل في مثل حالتك إذا لم تجدي ان المواجهة تجلب نتيجة او تغيراو تزيده عنادا وانكار فلا تفعلي وحاولي قد استطاعتك عدم الاهتمام به في هدا الموضوع بالدات والاعتدال في تعاملك معه وستشاهدين العجب |
طيب الحمد لله اختى الكريمة ولكن هذا لا يمنع من المراقبة من فترة الى اخرى والتأكد من انه توقف بإذن الله وهذا من مصلحته هو قبلك لان الرجل مع كثرة الفتن هذه الايام نسأل الله السلامة يضعف ويفعل ما يغضب الله لذا يجب ان يشعر انك متابعة وانك لن تقبلى بهذا الوضع ابدا بأذن الله اما بالنسبة الى صديقة فيجب ان تعلم زوجته بما يفعل ولو بطريق غير مباشر .. اولا لانه من رأى منكر فاليغيره .. ثاينا لانها صديقة لك ومن واجبها عليكى ان تنبيها الى مثل هذا الآمور قبل ان ينخرب بيتها بسبب هذه المعاصى نسأل الله ان يتوب على الجميع ويرزقنا حسن الخاتمة اللهم آمين |
مو قلنا لك زوجك من النوع السهل .. والحمدلله ان الله وفقك وكلمتيه بهدوء ويسره الله لك.. فرحت كثير لك .. الله يسعدك
|
مرحبا اختي حوريه الله يهون عليك حملك يارب
بس بقولك انا اوجهه نفس مشكلتك بالضبط ولي الان 11زواج وانا من النوع الي اواجهه بس الرجال اذا لجئ لهذا الشي مره صعب يتركه وكلهم يقولون انتوا السبب طبعا. الله يهديهم يارب ويسخرهم لنا يارب بس نصيحه لازم تتكلمين تواجهيه مش بالاوراق تغلطين غلطتي ويجي يعتذر وبعد كم اسبوع نرجع زي ماكنا الله يعينا ويسامحهم . |
انا اسفه حبيبتي ماشفت المستجدات الي صارت
الحممدالله انوا كل شي رجع لطبيعته الله يتمم عليك بس حرصي ولا تخونين عرفتي من غير ماتبينين له والله يهدي الجميع يارب |
اقتباس:
|
]
طيب الحمد لله اختى الكريمة ولكن هذا لا يمنع من المراقبة من فترة الى اخرى والتأكد من انه توقف بإذن الله وهذا من مصلحته هو قبلك هذا اللي اسويه كل ماينام اروح افتش جواله واحاول اركز اذا في شي انحذف او لا يعني قبل امس لقيت محادثة مع صاحبه اللي مخربه والمحادثة محذوفة بس موجود تاريخها ف صرت اتابع ابغى اعرف ايش يقوله صاحب السوء هذا...واليوم لقيت محادثة ويكلمه على فنادق دبي وبنات الليل مع احترامي لهذا البلد الحبيب بس ما اهتميت لان زوجي مو راعي سفرات واذا سافر معانا مايسافر لحاله ولا مع اصحابه...وبستمر اتابع انشالله اما بالنسبة الى صديقة فيجب ان تعلم زوجته بما يفعل ولو بطريق غير مباشر .. اولا لانه من رأى منكر فاليغيره .. ثاينا لانها صديقة لك ومن واجبها عليكى ان تنبيها الى مثل هذا الآمور قبل ان ينخرب بيتها بسبب هذه المعاصى انا ماشفتها الا مرة وحدة بس كلمتها كذا مرة انسانة محترمة وحبوبة ودلوعة وست بيت وطول الوقت تقولي زوجي يحب كذا وزوجي مايحب كذا احسها مهتمة فيه...مدري بعض الرجال ايش يملي عينهم...المشكلة هي بمدينة ثانية عند اهلها وتنتظر ولادتها ف مرررررة ما اقدر اقولها ولا حتى بعد ماتولد لا يروح يجيها اكتئاب ولا شي...واذا بلمحلها بعدييين يعني بعد 5 شهور مثلا ومن الحين لذاك الوقت اتمنى ربي يهديه ربي قادر على كل شي نسأل الله ان يتوب على الجميع ويرزقنا حسن الخاتمة اللهم آمين آمين ربي يسعدك ويبعد عنك كل هم [/QUOTE] |
اقتباس:
|
اقتباس:
ياااارب يتقبل ويسعد قلبك ويبعد عنك كل هم |
اقتباس:
ربي يسعدك وينولك اللي في بالك |
استغفرالله اخر الدنيا تكثر الفتن
الله يحسن لنا الميته والخاتمه الله يهدي زوجك حزت في نفسي قصه صاحب زوجك الله المستعان |
فيه برنامج اسمه WhosHere
بالعربي للتأكيد ((هوزهير)) ( يعني : مَن هنا ؟ ) هذا اخطر برنامج موجود عـ الآيفون وظيفته هي شات طبعا هو مو شات بس لكن الهدف هو التجسس على الآيفونبالكامل من ارقام وحسابات وبيانات والاخطر من كذا انه يقدر انه يشغل الكاميرا من دون محد يحس والتقاط الصور وهذي قصه حاصله عند الشيخ عادل المقبل رئيس مكتب هيئة الفاروق. يقول الشيخ : قبل فترة اتصلت علي فتاة تبكي بحرقه تقول انها كانت تستخدم الآيفون من فتره وتعرفت على برنامج (هوزهير) وصرت استخدم البرنامج ، واحيانا اصحى الصباح والبرنامج شغال ، ولا كنت اعرف مخاطره ومرت الايام ، ثم دخل علي شخص عن طريق البرنامج يناديني بأسمي فاستغربت فقلت اكيد هذا يعرفني فقلت له من معي قال مالك دخل ، فصار يعطيني معلومات عني وعن صديقاتي ويعطيني وش كنت البس باليوم الفلاني ، فاستغربت منه وشكيت بأحد اخواني وخفت اقول لهم تكبر المشكله ، وبعد اسبوعين صار يرسل لي صوري فجن جنوني منه وقمت بتذكيره بيوم الحساب ، لعله يخاف لكن ماعبرني والاخطر من هذا كله حدد وين مكان بيتنا عن طريق البرنامج وقام يصور البيت ويرسله لييقول لي يا تطلعين الحين او ارسلهم لاخوانك وهذي ارقامهم .... فوالله ياشيخ مالي الا الله ثم انت وحنا من عائله معروفه ومحافظه .. يقول الشيخ اخذت وصف بيت البنت وقلت لها اتفقي تطلعين معه بشرط انه يمسح صورك عشان مايشك انه مراقب !؟ فاتفقت معه وجاء وطلعت معه وتمت مداهمتهم ومصادرة الجوال وتحويله الى هيئة التحقيق والادعاء العام لكن المصيبه مو هنا ؟؟!! المصيبه انه نشر صور البنت ولا هامه احد اتعضو يابنات اتعضو يابنات والان تتم تتبع الصور حتى تحذف من الشبكه العنكبوتيه ارجو الا تقف هذه الرسالة عندك مررها حتى يمكن معالجة المشكله قبل وقوع الفأس بالرأس ... انشرها واحتسب الاجر فيها اكيد فيه بنات غافلات ومانبي إلا ننصحهن بدل ماهن غافلات لاهيات الوحده نجحت واشترى لها ابوها ولا اخوها آيفون وهي مهي مصدقه ما نامت من يوم أشتروه لها. (( هذا ما وردني والله أعلم )) .. ومو غريبة عـ الآيفون بعد ما اخذت جائزة أفضل جهاز تجسس . |
| الساعة الآن 02:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©