|
اتغزلت بواحد قدام زوجي وندمت ..
السلام عليكم ..
زي مو واضح من العنوان و الموقف صار قبل العيد بيوم وانا قصدي أقهر زوجي لانه كان بنفس اليوم راجع من برا ومعاه مجله و الغلاف عليه وحده شعرها طويل و قلت له غريبة تقرا مجله ..! لانه ما يقرا عادة .. قال أنا ما شريتها الا عشان الحلوة الي علي الغلاف بسسس .. طبعا ما رديت عليه لأني بردها له وقت ثاني ..! و إحنا طالعين عند السوبر سلم علي واحد أنا ما اعرفه وعاده أنا اعرف كل اصحابه قلت له لما رجع السيارة : مين هذا الحليو الي سلمت عليه ؟ قال هذا فلان ! قلت متزوج قال لا قلت ما شاء الله عليه فيه رجال احلي من البنات ، قالي ؛ كيف لو شفتي خواتــه ..! كنت ابغي ازعله و هو الي زعلني .. طبعا طنشته بس مو قادرة انسي جاني و سواس مع أني ما عليه منه عادة يهرج و يتغزل بس ما ارد عليه ... لكن مدري ليش هالمرة غير ..! حتي هو لاحظ وقال تري امزح لأني عارف انك سويتها بتردين الحركة الي سويت ... تتوقعون صادق ! و ليش هالمرة قهرني علي غير العادة ... |
صراحة زوجك ماشاء الله تبارك الله ذكي جدا
ماانفعل اثار غيرتك بشيء آخر بالله انتي من جدك تسألين صادق وللا لا واضح جدا جدا قلب المقلب عليك عشان تتوبين مرة ثانية تبيتين نية سيئة ههه اعلم جيدا انه غصب عنك وترى حتى المجلة قصده يستفزك ترى ممكن بس عشان بيشوف انتي تغارين او انه لاحظ غيرتك فحب يستفزك اطلبي من الله التوفيق في حياتك خلاص موقف وانتهى او بالاصح مقلب وانتهى |
غيرتك طبيعية وخاصة لما ألمح لي خوات صديقه وهن أقرب للحقيقة من فتاة الغلاف أو المذيعات والممثلات بالتلفاز
من رأيي أن تعززي في نفسك ومن ثم في زوجك غض البصر فما قلل من قدر أزواجنا وزوجاتنا الا كثرة النظر لما حولنا فهان في أعيننا ما بين أيدينا من نعمة الله يصلح ما بينكما ويقر عينك به ويقر عينه بك |
زوجك يثير غيرتك لتكوني أكثر أنوثه
|
قصده المزح فعلاً وهذا ما يبدو لي
ولكن هذه المره غير .. لأن الشيطان كمان غير وعرف يصيدك صيد الحمامة.. وراح تقعد بنفسك لحد ما تتعوذين من ابليس وتدحرينه بذكر الله وان استمريتي عاااااد الله يعينك نفسك والشيطان اجتمعوا عليك والموضوع عادي فلا تسوين فيها شي غير وان عندك حدس ومدري كيف ويضحك عليك شيطانك ان فيها شي وانك ذكيه وصدتيه.. وخلاص وقفي هذا الأسلوب انتي وزوجك أفضل وتسدون هذا الطريق على ابليس وأعوانه لعنة الله عليه وأعوذ بالله من شياطين الإنس والجن وهداك الله وأبدل ما تجدين في نفسك بما فيه منفعتك في الدنيا والآخرة |
أنتي زوجك رهيبين ماشاءالله
بس ماشاءالله ذكي عادي أكيد يمزح بالله وش دراه عن خواته أنتي لاتكبرين السالفه أهم شي الله يوفقكم ويتتم عليكم السعاده ويصلح مابينكم |
-صدق أبو حكيم في جوابه.
-أراد أن يستفزك بالمجلة كي يثير غيرتك فتبدين أنوثتك...وربما شعر بتقصير منك في الفترة الأخيرة. -زوجك ذكي، وقام بحساب الأمر بشكل صحيح، وقلب عليك الطاولة باحترافية. -استعيذي بالله من الشيطان+توضئي+صلي ركعتين+تحبّبي لزوجك+عليك بحسن التبعل. -كوني أحلى في عينيه من فتاة الغلاف...هي أنثى وأنتِ كذلك، فلا فرق بينكما. -احذري من تكرار هذا القول للرجل مرة أخرى...ربما المرة القادمة يكون ردها بشكل آخر، فاحذري صولة الرجل وغضبه وغيرته. -غيرة المرأة شديدة...لكن غيرة الرجل قاتلة. |
|
أذكر شعرك طويل وقصيتيه
زوجك أراد أن يلفت إنتباهك بأنه شخص يحب الشعر . لكن ردة شيء :d |
بعدين بطريقتك! هآآآآآآآآآآآذي
تحولين زوجك آلى شكآآآآآآك خليك ذكيه وفهيمه آنتي غيري ملآبسك خليهآآ ضيقه ودلع وقصيرهـ وطريقة وضعك للمكيآآآآآج والكحل جربي حآآولي تتكلمين بلغة الدلع ولآتهتمين بكلآمه خليك كلك ثقه |
ياااااادي قصة هالشعر اللي مو راضيه تخلص قصتها :)
يلمح لك على شعرك عشان قصيتيه ... بس واثق من قوة شخصيتك وتحملك لمزحه معاك .. وأكيد الحين فرحان بغيرتك عليه ... ربي يديم المحبة بينكم وأنا متأكدة بأنك أجمل أنثى بنظره ... لو كانت بنت ثانية عجبته اكثر منك لكان تزوجها هي بينما هو تزوجك أنتي .. لا تخلي كلامه يأثر على نفسيتك حبيبتي |
هههههههههههههههههههههه
الحين بالله هذي مشكله والله دمك عسل ^^ صدقيني يا حلوه دامك من النوع اللي يصدق كل كلمة تنقال بسهوله حيتونس على راسك طول اليوم |
زوجك شكله يبغاكي تغاري بس ههههه
وانتي غلطتي بهالحركه بس يلا ماصار شي |
يبغى يتلذذ في ملامح الغيرة تتزين فيك.. الرجل يموت في النوعية اللي يقدر يستفز غيرتها..لا تحاولي تكونين العكس .. دلعيه يرجع لك مثل الطفل اللي يستفز امه وهي مغرقته في الحنان
|
اقتباس:
والله مو ذكي إلا باااايخ .. و ياما بيت نيات سئية و لا صار شيء ... بس هالمرة زعلانة من نفسي إني فرحته و خليته يحس بانتصاره |
اقتباس:
لكن الموضوع ما يتعدى نظرة للإغاضة بس .. لا هان في نظري ولا شيء .. |
اقتباس:
وانا ساعدته بعد .. شكرا لك .. |
اقتباس:
و ابليس عندنا من يوم ما اخذ زوجي اجازته بس كلها كم يوم ويداوم ويرتاح ويريح .. |
اقتباس:
نفسي اساله بس كبريائي يمنعني ..! و لا ابغاه يقهرني اكثر .. |
اقتباس:
ما قصرت معه ، وحتى لو قصرت الإسلوب غلط ..! لأني من بعدها عجزت اتفاهم معه او اتحاور بهدوء ، فاتجنب الحوار .. مستحيل اتحبب له وانا بهذى النفسية .. |
اقتباس:
ماراح اعيدها مو عشان لا يزعل لالا عشان انا لا انقهر و اعطيه فرصة يستفزني .. |
اقتباس:
و عجبك رده ..؟!!!!! مشكورة |
اقتباس:
|
اقتباس:
إلى لآن حازة بخاطره ,, ! ممكن فرحان بس انا لا .. شكرا لك بيتا ... |
اقتباس:
بس تقهرني اي كلمة :d |
اقتباس:
|
اقتباس:
|
ما أحلى من موضوعك إلا اسلوبك .. بسم الله عليك يعني حبيتي تقهريه قام سبقك بس هدي تتغزلين بفلان ماحبيتها منك هما الرجال هيك فيهم غيرة شديدة وفي ابسط الاشياء تصدقي زوجي لما اقوله بابا وحشني يقول وانا اوحشك لما اغيب عنك سبحان الله يحشر نفسه بكل سالفة فيها البابا. مااقول الا الله يعيننا. |
بصراحه يااختي اهنيك على زوجك ترا تتغزلين برجال غيره مو سهله انا متنرفز من الموضوع واحس قولوني بينفجر اجل كيف زوجك ،، عموما انتبهي يااختي ومو كل مرره تسلم الجره
|
زوجك ماشاء الله ذكي
|
iههههههههههههههههه تصدقين تضحكين انتي وزجك فاهمين على بعض
|
أسال الله أن يصلح حالكما ويبعد عنكم كل مداخل الشيطان |
| الساعة الآن 07:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©