|
زوجي يخونني عندما يسافر والان طلبت الطلاق احتاج اشاوركم
السلام عليكم انا فعلا تعبانة من مشكلتي مع زوجي وابغى اشخاص واعين يوجهوني لني كل مرة اتصرف تصرف احمق وينقلب الموضوع على راسي
بقولكم على مختصر حياتي الزوجية عشان تحكمون على شخصية زوجي وشخصيتي انا متزوجة من عشر سنين وبعد زواجي بخمس شهور وكنت حامل صارت مشاكل مع زوجي يوم عرفة ونزلني في بيت اهلي وبعد العيد لمن فتحت المحاكم جاب لي ورقة الطلاق تخيلو لسه عروس وحامل وكنت متحملته خلال الاشهر الخمسة جتني صدمة كنت بموت اعرف الناس تصير بينهم مشاكل بس مو اول مشكلة طلاق انا ماقدرت اتحمل ابدا فكرة اني مطلقة تخيلو اكبر غلطة سويتها صرت ارسله رسايل الله يخليك رجعني انا اسفة بسوي اللي تبغى مع انه يعتبر هو الغلطان اه على نفسي بس كارهة لقب مطلقة طبعا بالاخير رد علي بعنجهية وغرور وقال برجعك بس لازم كلن يدري انك انتي اللي طلبتي وتعذرتيلي قلت اوكي بعدها للاسف رجعت وصارعندي فوبيا الطلاق اي مشكلة تصير بينا لو الغدا مايعجبه اجل ابكي اقول بتطلقني عشت برعب معاه بعد فترة جته دورة لدولة عربية كم شهر وقال باخذك معي انبسطت بعدين قال لا بسكن مع شباب انتي تعالي اخر شهر طبعا انا سمعا وطاعة شخصيتي ضعيفة وعندي مشكلة اخاف ازعل يطلقني ولو ماطلقني يحقرني وانا ماتحمل المهم بعد ماراح قال تعالي عشرين يوم وفعلا جيت والرجال مرة متغير لانه كان متحسن معاي وكنه وراه شي ماله خلقي بعد اسبوع قال عندنا تدريب خارج المدينة لازم ترجعين ورجعني وفعلا المهم الغبي دق علي مرة من تلفون الشقة وسجلت الرقم بعدها بكم يوم دقيت وردت علي وحدة قلت من انتي قالت صديقة فلان اللي هو زوجي قمت اهاوشها سحب السماعة وقان يهاوشني ليش اتلفظ عليها طبعا انا خفت انه يطلقني كالعادة المهم بختصر رجع وحاول يقلب الموضوع على راسي وانه بنت صاحب العمارة جاية تاخذ الايجار واني فشلته واني واني المهم رحت معاه البيت وماقدرت صرت بس ارمي عليه كلام قام طلقني شفهي كلمت اهلي جو خذوني طبعا كالعادة بعد كم يوم دقيت عليه قلت تعال رجعني المهم رجعت ةاستقرت حياتنا نوعا ما وصار عندي احساس بالامان شوي وحملت بطفلي الثاني طبعا فيه شي انا واثقة منه زوجي مايخوني ابد بالرياض ولا برا بس ذيك المرة اصدقاء السوء هذا من طيبتي زوجي بدا يتغير يطلع من الاربعاء الظهر ولا يرجع الا الجمعة بالليل ويقفل جواله اذا واجهته وحسيت انه عصب انسحبت خفت انه يطلقني لحد مامرت سنة كاملة وتهاوشنا هوشة كبيرة وجو اهلي ياخذوني وجلست عندكم ثلاث شهور غير انه مد يده علي وبهذلني واكتشفت انه على علاقة مع بنات من اللي بالي بالكم لقيته مطلع جوال ثاني وفتشته كالعادة بديت ارسله رسايل يرجعني بديت اكلم اهله اقول تكفون شفتو ذل اكثر من كذا حتى اهله قامو يتغلون علي وفهموني انه بيطلقني بعدين من كثر ماحنيت عليه كلمني بوقاحة قال ارجعي ماصدقت رحت البيت طيران ولا جا الا الفجر وحاقرني بعد فترة ترك الطلعات وتحسن مرة احسن من اول ماخذته بس صرنا اذا بغينا نسافر يودينا شوي ويقول الباقي لي انا مانبسط معكم عشان العيال قلت اوكي نخليهم عند اهلي ونروح انا وياك قال لا المهم سافر لدولة من دول شرق اسيا اللي مشهورة بالخرابيط وانها رخيصة طبعا انه صدقت انه قصده المتعة بس صار كل سفرة كذا طبعا هو كان عنده غرفة مقفلها واذا بغى يسافر يرتب شنتطه فيها وانا مستحيل اشوف الشنطة حتى اذا جا من السفر الملابس يوديهم للمغسلة في مرة نسي المفتاح وصحيت الصباح وش لقيت يالشنطة كيس مليان مقويات جنسية ومضاد حيوي ضد الامراض الجنسية والباقي انتم تعرفونا لمن صحى واجهته قال مب لي واحد موصيني وصياح ونياح وحالة طبعا زوجي بالعادة يقلب الموضوع علي هالمرة تفجأت انه يحاول قد مايقدر يراضيني وراح وبعد مارجع شرشحني شرشحة وحط الموضوع على راسي المهم سافر بعدها مرة وقرر انه يصير ذكي قال بروح الصين يدري انه مافيها خرابيط طبعا ماصدقته وتهاوشنا وتعبت مرة قلت الى متى بسكت على خرابيطه طول ماهو مسافر اتخيله مع احد غيري ماقدر ماعندي قدرة اتحمل بعدين زوجي مب مثالي ومدلعني عشان اقول ماعليش وزيادة على كذا اذا سافرنا انا اتكفل بنصف مصاريف الرحلة وهو يقدر يسفر نفسه قبل كم يوم قالي بيسافر السفرة المعهودة بعد خمس ايام طبعا هذا تكتيك جديد انه مايقولي الا قبل السفرة بكم ويوم وتكون بنص السنة مو بعد سفرتنا الصيفية سكت ماعلقت بس حس اني متضايقة يوم جا الصبح قلت له طلقني على اساس بنتناقش قالي خلاص بكرة اروح المحكمة اطلقك بس علمي اهلك لاينقدون علي طبعا هذا ردة فعل غير متوقعة مني اول مرة اكون شجاعة هالكلام من يومين وانا في البيت ومانتكلم مع بعض لااعرف كيف اتصرف وانا بداخلي لااريد الطلاق ولكن ماتحمل الخيانة والطلاق طلبته وخلاص وماقدر زي كل مرة ارجع اقول لاتطلقني لااريد ان اتصرف تصرف احمق يقلب الموضوع على راسي ارجوكم ساعدوني |
فعلا احتاجكم
|
اختي الفاضلة
زوجك بيفعل افعال لا ترضي الله ولا ترضي احد وهو ابو عيالك وانتي تبغيه وادري كيف شعورك من حيث الخيانة لكنه للاسف هذا مرض حاولي تنصحيه وتخوفيه من رب العالمين بحكمة واصبري وادعيله بالهداية لانه على كلامك طلقك مرتين وللاسف هذا الصنف متهور لانه حوالينه بنات فما بيقدر يحس بقيمتك لكن اصبري وذكريه بالله وانه عنده اولاد وانه وش سوى لاخرته وان شاء الله تكسبي الاجر فيه وفي عيالك ولا تقعدي تتعبي نفسك وتوتري نفسك من ناحية الخيانة خلاص انتي سوي اللي عليكي انصحيه واتركيه يعني لا تعاتبيه كل شوي والثاني يمكن يوم يشوفك كذا يشاور عقله ويبدا يفكر في بيته ومستقبله ويحس بفقدان قلبك يقوم يراجع نفسه طبعا بدون ما تتركي البيت وتاخدي مواقف تازم الموقف وفضايح لازم من الصبر واخرتها ربك يفرجها والله يهديلك اياه |
شكرا على ردك
انا نصحته كثير بي يثور ويعصب يقول من قايلك اني راعي هالامور زوجي مرة ذكي ويعرف انه الاعتراف هو سيد الادلة لكن هو يظل ينكر ويحط نفسه شريف مشكلتي اللحين مابي الطلاق بس ماقدر اتمل سفراته |
أختي انتي لك عقلك وتحكمين عقلك
أنتي غلطتي سكتي له من البدايه وبينتي له ضعفك وساعدتيه علي الغلط بسكوتك تعرفين عقوبه الزنا ؟! الزاني مايزني وهو مؤمن وأنا مره قريت فتوي مايجوز تجلسين مع زوج راعي فواحش إذا ماتاب أنا ماادري والأخوان يفيدونك أكثر مني لكن لاسمح الله حصل الطلاق تأكدي أنك مو خسرانه ولاتكونين ضعيفه والدنيا فانيه والله يعين زوجك علي المعاصي والذنوب مسكين غرته الدنيا أسمحيلي أقول موقف صار لي امس بعيد عن مشكلتك صار موقف والله شفت الموت كنت أشوف الله حولي نظره مودعه بس الحمدالله صحيت ويمكن إنذار لي أقول لك صار لي موقف طحت وكذا وشفت أهلي حولي يبكون وأنا مااقدر أحرك جسدي ولا أتنفس عرفت ضعف الإنسان وحقارة الدنيا أختي لاتهتمين زوجك يطلق كثر ماتتمسكين بكرامتك وعيالك تربينهم تربيه صالحه وتعملين للأخره أحتسبي لو بقيتي مع زوجك أنك راح تصلحين حاله مو تساعدينه بسكوتك ولو أنفصلتي أنك تركتيه إحتساب لوجه الله وأنه زاني وديني أهم وراح اربي عيالي عشان يخدمون الدين يكونون عيال صالحين ويدعون لي بعد وفاتي عموما ياليت تشوفين فتوي البقاء مع زوج زاني الله يصلح حالك ويهدي زوجك وييوفقك للي فيه خير وصالح دينك ودنياك |
على فكرة في نقطة حبيت اوضحها
زوجي صار له اربع سنين مايطلع من البيت الا للدوام فقط بالويكند بيت اهله ساعة ويرجع يعني علاقات هنا متاكدة مافيه لاني عمري مافقدته ولايكلم بالجوال الا بالنادر |
اقتباس:
والله حاس من كلامك وفاهمك انك حريصة على بيتك وتحبيه وتحبي بيتك وعيالك ومستعدة تضحي اكتر طولي بالك خليكي صبورة وكله باجره لا تتعبي نفسك وتجري وراه وتزعلي في نفسك حاولي معاه تسوو طلعات خرجات تماشي تشغليه بعمله وبيكي لو ما بطل اصبري لا تحدي الموقف لانه ما بقيلك الا طلقة وبعدها البيت يخرب وهو متهور ولا هو حاس الا بعد ما يطيح الفاس في الراس طولي بالك واشغلي نفسك ادري صعب وكيف شعورك بس اصبري واصبري واصبري وراح تلاقيها جبل في موازين حسناتك بالاخرة لا تتهوري معاه وتازمي الموقف خديه بالكلمة الطيبة حسسيه انه هذا البيت تعبتوا فيه وحرام بيضيع وخذيها مني مو كل شيء الواحد يلقاه في الدنيا ومافي احد منا يبغا يجلس بدون زوج او زوجة عشان كذا بقلك اصبري ولا تحطي في بالك خرابيطه بيجي يوم ويتعب ويمل ويندم ويرجعلك ويحس بيقيمتك وببيته بس الصبر من كل قلبي اقول ربنا يهديه |
اقتباس:
طيب معاملته معاكي كيف صلاته مع ابناءه |
اقتباس:
وانا عارفة ماراح يطلقني لانه متحسف على الطلاق الاول ويعتبرها غلطة مايكررها بس اللحين بيحاول يقلب الموضوع على راسي ويبي يعاقبني كيف اتجراء عليه لانه متعود مني السمع والطاعة باقي يومين على سفرته واحنا مانتكلم مع بعض بس ننام بنفس الغرفة بس باقي اليوم كل واحد جالس في مكان انا بالعادة يبين علي اني منهارة ماعاد اطلع ولا اكل واصير حزينة المرة هذي كذا بس امثل اني عايشة حياتي وماهمني و |
الصلاة يصلي ولله الحمد
وكويس مع اولاده بس انا اتحمل مسؤوليتهم اكثر منه |
اقتباس:
الحمد لله بيصلي ومعاملته طيبة فيه صفات حلوة يعني الرجال فيه خير واتاكدي مادام انك قلتي انه هو ندمان اول لانه طلق فمعناته بيحبك ولكم قيمه عنده ولا تعتبري اللي انتي سويته ضعف منك بل بالعكس ونعم المرأة انتي وربنا ما ينسالك بإذن الله اللي قاعدة تسويه وموضوع انك طلبتي الطلاق لا تكبر في نفسك وتكبريها وتخلي مدخل للشيطان يفرق ويكبر الامور بينكم روحيله بشويش واتدلعيله و اتزينيله وخديه بالكلمة الطيبة وحاوريه باللي في قلبك بدون ما تزعلي وتحدي الموقف ونبهيله انك ما تسمحي بالخيانة طبعا كله باسلوب حلو مو بصياح وتهديد وتقليل من قيمته الرجال ما يحب يطيح من عين مرته ابدا بس فهميه ووعيه انه حرام وربنا يمحق البركة من بيتنا وعيالنا ويبتلينا وانا ابغا ربنا يجمعنا في الجنة مع بعض ومن دا الكلام وان شاءالله لو نوى يسوي شيء ضميره بيصحى اسمعي كلامي وخلي الشيطان بعيد ولا تفتحيله مجال واتركي عنك الخرابيط اللي تقلك انا اتركله البيت وانا اوريه ............الخ في النهاية كلها بتأدي لخراب البيوت ولو لقيته منه بوادر خير حاولي انك ما تخليه فترات لوحديه طبعا بدون ما تقيدي حريته ويطفش لكن خلي عندك طولة بال حتى لو سوى شيء غلط اصبري واصبري مادام فيه خوف من ربه راح ينعدل اعتبريه ابنك بدل زوجك وفي النهاية بينعدل باذن الله وربنا يفتح عليكم ويهنيكم |
الله يعينك اختي ويهدي زوجك
عليك بالصلاة اخر الليل والاستغفار والدعاء ان الله يصرف قلبه عن السفر |
اقتباس:
بس زوجي نوعيته مرة صعبة ولو حس اني بروح اتقرب له واتدلع عليه يزيد عن تجربة والطلاق انا مافكر فيه لاني اصلا حامل بالطفل الثالث وماقدر اتحمل مسؤلية اولادي لحالي بس جتني لحظة بس افكر في كل خيناته لي وماقدرت اتحمل ورحت قلت له طلقني ردة فعل طبيعية احس |
انتظركم انتظر توجيهاتكم
|
اختي الفاضله لا تبتأسي.. دائما اتخاذ القرار يكون على اساس عشان اذا اتخذتيه يكون لك مرجعية من عدم التردد اللي انتي تعيشيه الان.. اقول وبالله التوفيق:
1- فكرة الطلاق طلعيها من بالك.. مارح يخسر الا الاولاد والا انتي وهو بيرزقكم الله.. فاجعلي ابناءك اام ناظريك 2- زوجك طفل كبير.. خذي هذه قاعده وكثير من الرجال يغوص في تيار مغريات كثيرة اليوم ولابد له من الخروج عن المألوف ولكن لو صلاته ودينه جيد بيرجع عن التفاهات اللي يسويها.. بالذات في الخارج ..لان كثير من الرجال للاسف يستسهلون شرب الخمر او شرب كمية كبيره من البيرة او الجلوس مع شلة حشيش لو هو ما يحشش من كثر الدخان اللي يستنشقه يسطل وبعدين يطينها ويسوي امور هو مايبي يسويها بس عقله ضارب وسواها وقضينا 3-اعلمي انك دامك طيبة وقايمه ببيتك واولادك وزوجك فوالله العظيم مايقدر يستغني عنك.. انتي باخلاقك جوهرة وماحد يقدر يفرط في انسانه بهذه الصفات عشان بنات ساقطات وخرابيط.. ربك مطلع وشايف ويعلم بالنيات.. فخلي نيتك صافيه 4- الله هو الغفور الرحيم.. اذا الله يغفر انت يالانسان ما تغفر..؟؟ وما أدراك انك كاسرة عينه بس هو يجيد التماسك.. ولكن بداخله يحمل معروفك 5-حتى لو زاد في دلعه حاولي تفهمينه عبارة(مهما صار مالنا غير بعض) هذه العبارة تصيبه في مقتل وهو في عز تمنعه وعناده 6- تصرفي بشكل عادي واشغلي نفسك بشي عشان لا تفكري بالحقران..بس لا تخلي بواجباتك اتجاهه 7- قلت ومازلت اقول اني كلما عشت في هذه الدنيا ارى ان الانسانه الطيبه يرزقها الله بانسان نمرود في اغلب الاحوال... فاعتبري هذا ابتلاء واصبري واحتسبي الاجر عند رب العالمين وفقك الله واتمنى اسمع عنك اخبر طيبه |
السؤال..
هل رايتيه بأم عينيك انه يزني؟؟؟ هل اعترف بلسانه وامامك وسمعتيه باذنك انه يعاشر بالحرام؟؟؟ |
اقتباس:
لم يعترف ابدا ولا في اي مرة ولكن الاشياء اللي حصلتها بشنتطه عشان ايش وانا سبق ورحت لهذي الدولة مع انها دولة قليل مايجيها عرب او نادر عوائل طبعا فيه شي لفت انتباهي انه اي شخص عربي قابلته هناك ماسك بيده واحدة من بنات الحرام وللذمة كل الشباب اللي شفتهم كذا ماعدا واحد وكان مبين عليه من هواة الغوص وشفته كم مرة لحاله فيعني زوجي وش بيروح يسوي هناك |
الله اعلم بنيته..
ولكن لاتقذفي زوجك بتهمة الزنا من غير دليل مادي.. الرجل يصلي.. وليس لا علاقات مشبوهه بدليل شهادتك له.. تعوذي من الشيطان الرجيم في كل مره تطرأ هذه الافكار المشينه في رأسك واستمري بالدعاء له بالهدايه وفعل الصواب |
[QUOTE=مشكلتي زوجتي;2684600]اختي الفاضله لا تبتأسي.. دائما اتخاذ القرار يكون على اساس عشان اذا اتخذتيه يكون لك مرجعية من عدم التردد اللي انتي تعيشيه الان.. اقول وبالله التوفيق:
1- فكرة الطلاق طلعيها من بالك.. مارح يخسر الا الاولاد والا انتي وهو بيرزقكم الله.. فاجعلي ابناءك اام ناظريك ( الطلاق ماكان في بالي كنت دايما اخاف انه يطلقني لكن انا مستحيل لكن صار لي سنتين ابليس يوسوسلي لحد ذيك اللحظة اللي دخلت عليه وقلت طلقني لاول مرة بعد عشر سنين زواج طبعا مو من قلبي بس من الغيرة قال اوكي ولا ناقشني ليه وكنه ماصدق كيف اللحين ارجع اقوله لاتطلقني صعبة بيستقوي علي زيادة كفاية اللي شفته منه ) 2- زوجك طفل كبير.. خذي هذه قاعده وكثير من الرجال يغوص في تيار مغريات كثيرة اليوم ولابد له من الخروج عن المألوف ولكن لو صلاته ودينه جيد بيرجع عن التفاهات اللي يسويها.. بالذات في الخارج ..لان كثير من الرجال للاسف يستسهلون شرب الخمر او شرب كمية كبيره من البيرة او الجلوس مع شلة حشيش لو هو ما يحشش من كثر الدخان اللي يستنشقه يسطل وبعدين يطينها ويسوي امور هو مايبي يسويها بس عقله ضارب وسواها وقضينا 3-اعلمي انك دامك طيبة وقايمه ببيتك واولادك وزوجك فوالله العظيم مايقدر يستغني عنك.. انتي باخلاقك جوهرة وماحد يقدر يفرط في انسانه بهذه الصفات عشان بنات ساقطات وخرابيط.. ربك مطلع وشايف ويعلم بالنيات.. فخلي نيتك صافيه(هو ماتوقع انه بيفرط فيني لكن اتوقع انه يعتبر نفسه يروح يغير جو ويبسط نفسه ويرجع لي احسن من اول لكم انا نفسي تعافاه لمن يرجع طول ماهو قدامي بس اتخيله مع غيري يحس انه من حقه ينبسط طبعا وينكر اي علاقة يقول بس تمشي مع الشباب ووناسة ) 4- الله هو الغفور الرحيم.. اذا الله يغفر انت يالانسان ما تغفر..؟؟ وما أدراك انك كاسرة عينه بس هو يجيد التماسك.. ولكن بداخله يحمل معروفك 5-حتى لو زاد في دلعه حاولي تفهمينه عبارة(مهما صار مالنا غير بعض) هذه العبارة تصيبه في مقتل وهو في عز تمنعه وعناده 6- تصرفي بشكل عادي واشغلي نفسك بشي عشان لا تفكري بالحقران..بس لا تخلي بواجباتك اتجاهه (انا فعلا عايشة حياتي عادي واطلع واذاكر لعيالي بس طبعا ملهية عمري مسوية نفسي طول الوقت مشغولة عشان ماجلس بالصالة معاه ) 7- قلت ومازلت اقول اني كلما عشت في هذه الدنيا ارى ان الانسانه الطيبه يرزقها الله بانسان نمرود في اغلب الاحوال... فاعتبري هذا ابتلاء واصبري واحتسبي الاجر عند رب العالمين وفقك الله واتمنى اسمع عنك اخبر طيبه[/QU كلامك اكثر من رائع ادخل الطمأنينة الى قلبي شكرا |
مشكلتي الان
اني اتخذت خطوة جديدة معاه تجاه السفر ولا اعرف كيف اكمل بالعادة ازعل شوي بعدين ارضى واذا جا يروح اكون عادية معاه ولا كنه رايح يخوني وانا احترق واموت من الداخل |
انا قبل النوم دخلت ونعسانه
ولكن اقول لك ماذا تنتظري لينقل ك عدوى اقلها مرض السرطان او الايدز ان لنفسك عليك حق حق الاهتمام بصحتك والابتعاد بها عن الامراض |
لاني عارفة انه زوجي مستحيل بيترك هذي الديرة لانه متعود عليها من قبل الزاج
وانا اذا بتطلق منه بيترك لي العيال وماراح يسأل فيهم وبكون حرمتهم من ابوهم انا ابيه يترك السفر بس مايطلقني صعبة مرة فكرت اكلم مديره بالدوام ماعاد يعطيه اجازات |
|
اقتباس:
|
|
الله يعطيكم الف عافية
ياليتني شاورتكم قبل لااتسرع بس ماعاد يمديني اللحين ماقدر اتصرف |
ولا تكدري حالك أختي
أرسلي له رسالة مختصرة ( سأبقى معك للأبد) فقط بدون زيادة وحتى لو ناقشك لا تزيدي على أن الشيطان وسوس لك فأنتي حقا وقعتي في حبائله عزيزتي ولما يسافر رمزي جهدك في ترتيب أولوياتك وترتيب حياتك وتزيدي ثقتك بنفسك واقرأي في أنماط الشخصيات لتصبحي أكثر حنكة وأكثر صبرا وأقل ترددا أما كلمة الطلاق فأحذفيها من قاموسك تماماً وتجعلون يحس بك وأنتي تبكين ليلا بين يدي الرحمن الرحيم |
متضايقة جدا وماكلمت احد غيركم بمشكلتي
احاول اتصرف طبيعي قدام زوجي واولادي بس من جوا مكتومة |
صعبة ارجع اكلمه واقول انا بطلت
احس تعبت من كثر ماهدرت كرامتي معاه وكل صديقاتي اذا زعلو ازواجهم يراضونهم ممل اني انا اللي ابادر دايما صعب مرة متى احس انه شاريني |
بتحسي بس لازم تتغيري قبل أنا ما اقول اترجيه ما بطلبك فقط قوليله انك ما بتتركي بيتك وأولادك
|
سبحان الله أتعجب من حال بعض البنات
\ يعني يخوووووووووونك وتصبرين اسمحو لي هذا التصرف من بعض الفتيات يجعل الشاب لايبالي بالمرأه ل أنه واثق أنها بتصبر لو كل بنت زوجها يخونها وتهجره ويحس بقيمتها صدقوني راح يعرف قيمتها أما أنك يا أختي يخونك حتى لو برى يعني عشان ما يخونك بالسعوديه تصبرين!!!!!!!!!!!!!!!!!!!! لا ياقلبي مسماها خيانه ماراح أعطيك حل لكن لو لاسمح الله أنا بمكانك وربي ما فكرت أحمل منه إلا لما أشوف نهايته ومستحييييييييييييييل أطلب منه يرجعني بعد الطلاق ولو عرفت أنه يخون بيت أهلي أرحم لي والحمدلله والله يرزق من يشاء بغير حساب |
انا صبرت كثير بس المرة هذي قررت احط حد
بس شكلي ماعرفت |
:: |
خوفيه بطريقة ثانيه شككيه انه مريض في اليدز خليه يخاف
تراجعي بكلامك انتي تراجعتي كثير وش بيضرك لو تراجعتي الحين لاتتطلقين و في طريقة ماجربتيها جربي كل الطرق عشان ماتندمين روحي لمه و قولي له سامحني ومن هالكلام بعدها قوليله يا فلان ليش لونك صاير اصفر احس لونك مخطوف معك فقر دم وش في جسمك طالع فيه كم حبه بعدها بيوم قولي ياربي جايتني التهابات غريبه الله يستر من ايش خليه يشك في عمره مدري طريقتي صح او خطا بس لاتهدمين بيتك حاولي بكل الطرق الله يكتبلك السعاده |
عيشي لنفســـك ولأولاااااادك مردّه لكم صدقيني قولي له غيرت رايي انا بقعد بالبيت علشان عيالي ولا تعطينه وجه فالبيت أبد أشغلي نفسك عنه بترتيب البيت واهتمامك بنفسك وبعيالك وخليه يعيش حياته زي مايبي ليين ما يمل ويرد لك ترى الزوج مايحب المرأه اللحوحه والبكايه يحب المرأه قوية الشخصيه لا تصيرين ضعيفه قدامه وحاولي تخليه ينام بالمجلس او خليه بالغرفه ونامي عند عيالك بعدها بيطفش ويجي يعتذر منك لا تقولين راح الوقت خلااااص !!
لا ماراح الوقت قومي اكشخي وغيري جو الهم اللي انتي عايشته ترى الدنيا ما توقف علشان رجال وروحي فهميه انك بتقعدين بالبيت عشان عيالك وانهم لو مو موجدين بحياتك كان ماقعدتي دقيقه وحده |
مشكورة ريومة
اصلا انا من يوم قلت له بتطلق منك قلت اني بجلس بالشقة وبدفع الايجار واذا جيت من السفر لاترجع للشقة لاني ماراح اطلع واللي تقول العب عليه بسالفة ايدز زوجي ضابط تحقيق ومرة ذكي يدري اني اكذب قبل لااتكلم معاه وانا لمن سافرت الدولة اللي بيروح لها انهبلت من كثر ماشفت شبابنا مع بناتهم فقلت لزوجي مايخافون على انفسهم قال لا ماينامون مع اي وحدة لازم تكشف عن كل الامراض فماتوقع زوجي غبي بينام مع اي وحدة ونائب السفير هناك صاحبه مرة ومتزوج منهم واكيد انه يرتب له كل شي قبل لايجي |
ماعليش شي ثاني ريومة
هو اذا كان هنا ماعنده خيانة وخرابيط هذاك اول ماتزوجنا لكن اللحين ماتوقع مشكلتي معاه الخيانة بالسفر |
انتي أساسآ مو متأكده ولا شفتي بعينك ولا سمعتي بأذنك ليش مقلقه عمرك على الفاضي ؟؟
والله جد حنا يالحريم نفسر الأمور من روسنا ونحلل على كيفنا واذا جا للبيت يلقى زوجته خشتها وارمه نفسها بخشمها من تحليلتها وتفسيراتها للأمور اذا زوجك اغلب وقته عندك ولا يطلع وجواله مايكلم فيه كثير ليش تسوين كذا ؟ انتي كذا كأنك تقولين له رح سافر رح للحريم بس بطريقه ثانيه .. صدقيني أذا ما ترك هذا الشي من نفسه ما راح تحركين شعره عنده وراح يستمر بس يغيظك خليه يسافر اللي مابه خير فرقاه خير واذا هو مادرى عنك لا تدرين عنه .. |
ايه صادقة هذا اللي اقنع نفسي فيه
اني ماجيب خبر بس مو قادرة واللحين بس افكر وش يدور في راسه لاننا كلنا ساكتين |
شوفي روحي لقوقل واكتبي شخصية الرجل الشمالي شرقي زوجك نفس شخصية زوجي وادخلي ثاني رابط اللي هو حق عالم حواء وشوفي كيف تعاملينه وقولي لي وش استفدتي منه ترى انا استفدت كثييير راح ينجن من تغيرك اذا سويتي المطلوب
|
| الساعة الآن 04:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©