|
تجربتي في نزول وزني (50 كيلو) اذكروا الله
صباح الخير بنوتات ..كيفكم ان شاء الله تكونو بأتم صحة وعافية .. لاحظت كثييييييير من الاخوات يشتكون من زيادة الوزن .. وابي اقولكم تجربتي في نزول (50 كيلو) اذكروا الله ..! ويعلم الله اني ابيكم تستفيدون وتتخلصون من السمنة لانها مرض عانت منة فترة طوييييييييلة ..منذ صغري وانا طفلة كنت متينة والآ قبل سنتين الحمدلله تخلصت من الوزن الزائد وباقي لي 10 كيلو للوصول للمثالي ..وعمري حاليا 22 سنة .. بصراحة انا عملت عملية السليف (تكميم معدة) في .... ويارب لك الحمد والشكر نحفت وتغيرت وتغير كل شي في حياتي صرت البس مقاسات صغيرة وزواجي ان شاء الله تعالى في الصيف .. الي تبي اي استفسار او سؤال تتفضل من عنوني .. لكم ودي وعبير وردي |
ماشاء الله اللله يبارك لك ويكفيك الشر
انا قدامي 20 كيلو ولا عندي اراده مشكلتي الشوكليت وحاولت مره اني امشي تخيلي دخت بالممشى ولا احد عطاني وجه يضنوني اتسول مدري كيف الناس تفكر متسوله تلبس شنطه وجزم ماركه ومن بعدها اخاف اروح الممشى |
حبيبتي اهم شي صحتك ورشاقتك ترى ماحد بينفعك ..انتي رحتي تمشين لاتهتمن لاي كلام البسي عباية محتشمة وتوكلي علا الله وامشي .. اسعدني تواجدك يالغلا ان شاء الله توصلين للوزن الي تبغينة لك ودي قبل ردي |
ماشاء الله
تغيير جذري ,,أكيد الإقدام على هالعملية , ألم يتطلب منك جرأة و شجاعة كيف أقدمتي عليها, بتشيجيع من أهلك او نصحك بها دكنور و ماهو النظام الغذائي الذي اتبعتيه بعدها انا عموما محتاجة انقص اكثر من عشر كيلو, لكني ببداية حمل و الشهية مفتوحة بس احاول قدر الإمكان كلمينا اكثر عن تجربتك .كم كان وزنك و ايش الريجيمات اللي اتبعتيها.. |
ماشاء الله تبارك الله
و إن شاء الله تنزلين للوزن الي انتي تبينه بصحه و عافيه يا قلبي.. |
هلابك يالغالية معليش كتبت الموضوع وانا مستعجلة عشان كذا الافكار مو مرتبة ..الله يبارك لك بحملك يارب ويرزق كل من يتمنى يسمع كلمة ماما ..قولو آمين انا يالغالية كان وزني 116 قبل العملية ..جاني عقدة وماصرت اطلع عند الناس وخجووولة فالجامعة مااكلم احد لان جسمي كان مرررررة شاذ ..المهم لما شفت مجتمع الكلية وانا بأولى وكيف البنات يلبسون احلا الملابس وانا حارمة نفسي من كل شي خلصت سنة اولى علا خير وبالصيف اخذني ابوي من دون مااعرف لجدة وعمل لي مراجعة وعملت العملية ويارب لك الحمد اني عملتها .. رجعت للكلية وانا سنة 2 وانا متغيره الكل يسألني ايش عملتي وووو ..وانا سنة 3 كلية تقدم لي ابن خالتي ووافقت علية وزواجي بالصيف ..مع اني كنت مستبعده اني اتزوج والكل صارحني بهذا الشي .. والحين وزني (65) اذكروا الله واتمتع بصحة ورشاقة وجمال احساس وربي لايوصف يارب لك الحمد بس في شي مخوفني حبتين عملية شد ترهلات البطن .. قرر لي الدكتور عملية شد ترهلات البطن لانة بطني صار مترهل بالمرررررة ..وبتكون ان شاء الله تعالى شهر 11 دعواتكم يالغوالي .. اي سؤال انا حاضرة من عنوني |
اقتباس:
ان شاء الله يارب ..تواجدك كرقة الورد لاعدمتة يالغلا |
الحمد لله ’شكرا على دعوتك
و ان شاء الله تعدي العملية بخير و صحة و سلامة و تطلعي ملكة جمال 8_8 طيب لما سويتي عملية الربط , أكيد قللتي كمية طعامك ,,,صح كيف كان نظامك الصحي ,, |
طيب لما سويتي عملية الربط , أكيد قللتي كمية طعامك ,,,صح
كيف كان نظامك الصحي ,, يالغلا انا ماعملت ربط انا عملت قص معده وبنفس العملية مااصير احس بالجوع لانة استئصل عرق الجوع ..نضامي الغذائي شهر سوائل وبعدهـ بدأت بالمهروس وبعده اكلت طبيعي ولله الحمد |
ماشاءالله
الان الكل صار يسوي العملية بس اقرووا مخاطرها واضرارها فيما بعد الله يحمينا يارب الا وزنها زايد 10 او 20 تنزلوا برياضه ورجيم دا افضل وامن مستحيل اي شي يخرج من جسم الانسان مالو ضررالله سبحانه وتعالى خلق كل شي في جسمنا لسبب معين وازالة اي شي اكيد لو اثر اقتباس:
|
هلا بنت مكة نورتي الحتة ..بالنسبة للعملية اكيد لها اضرار جانبية اذا ما التزمت بكلام الطبيب ..بس بالنسبة لغيرها تعتبر الافضل وسموها الحين عملية المستقبل .. مشكورة ع احلى مرور لاعدمت تواجدكم |
ماشاء الله
الله يسعدك ويوفقك في زواجك أنا الحمدلله مو زيادة لدرجة تحتاج لعملية لكن زيادة ع كم أسوي رياضة وأخفف أكل مايفيييييييييييد والله شهر6 خففت أكل مرة وكل يوم أمشي نص ساعة وأسوي رياضة لجميع مناطق الجسم ولا نحفت ولا كيلو << تحطييييييييييييم |
اقتباس:
وياك يالغالية مشكووورة عالدعوة الحلوة ولك بالمثل ان شاء الله كم وزنك يالغالية وكم باقي لك للمثالي؟؟ |
الحمدالله زوني تمام ماشاءالله
لكن أنتي مع التغير الكبير في زونك ماصار لك خطوط بيض في كل الجسم والجلد مرتخي النزول فجاء في الوزن له ضريبته أنا مثلا أو كان زوني بين 63 و 65 لكن ألحين الحمدالله 55 المشكله أني ودي أنحف زياده لكن أخاف من الخطوط البيض والترهل مع العلم أني أمشي ساعه يوميا الله يتمم لك فرحتك لكن الرياضه حبيبتي مهمه تشد جسمك وصحه قبل ويوفقك في زواجك |
لاانصح بهذه العمليه ابدا ابدا الامن وزنها كبير
اسأل الله التوفيق لصاحبة الموضوع والذرية الصالحة وحدة قامت ولعل الدكتور ليس بشاطر كنت اسمع اكرمكم الله صوت استفراغها لم تعد تتحمل اي اكل يزيد او اي شيء على طول تستفرغ موب كل الدكاترة شاطرين وماهرين ويخافووون الله الله يتمم عليك ياوفا الصحة |
الف حمد لله علي سلامتك
ومبروك عيك ما حصلتي عليه من وزن مثالي مناسب لسنك |
اقتباس:
والله جسمي ترهل بالمررررررة لاني كنت متينة بالمرة مع ان كنت مسجلة فالنادي بس اغلب الترهل في منطقة البطن والحمدلله الدكتور قرر لي عملية الشهر الجاي .. ولك بالمثل غاليت اسال الله التوفيق للجميع سعدت كثير بتواجدك لاعدمتة |
الحمد لله على سلاامتك .. والله يبارك لك يارب في زواجك .. والحمد لله العمليات انا أعتبرها رحمة وحافز .. ولا أظل دبا .. ربي ييسرها يارب لي .. بس بعد الإستخارة والإستشارة ..
ماشاء الله تبارك الله بس انتبهي زين لصحتك وأكلك وفيتامينانك لا تهملينها .. وعشان ماترجعين تندمين .. ربي يسعدك ويهنيك .. |
ممم اولا مبروك نزول الكم الهائل بس اسفه علي هذا السؤال ما معني عملية السليف (تكميم معدة) ???اسفه بس لاني شبه جديده علي اللغه العربيه مع اني عربيه ١٠٠%
|
هلا فيك أختي وزني 69
وباقي ع المثالي 13 كيلو |
يعطيكم الف عافية عالمرور والدعوات الحلوة
|
ما شاء الله مبروك على النزول وعقبالي باااقي لي 5كيلو واوصل 65
ان شاء الله اوصلهم على خير |
ماشاء الله تبارك الرحمن .....ز
حلو هالشعور ومبروك الثنتين نزول الوزن والخطبه |
ماشالله تبارك الله
|
| الساعة الآن 07:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©