|
برجع لزوجتي بعد شهر انقذووني ومالقيت لمشكلتي حل
السلام عليكم ورحمة الله وبركاته
انا شاب ..وحاليا انا مبتعث احضر للدكتوراة , وان شاء الله بعد شهر بتخرج وبرجع لأهلي وزوجتي ... صراحة انا عندي زوجة ثانية تزوجتها وزوجتي الاولى ماتدري .. هي من جنسية عربية اقصد الثانية كنت بالجامعة قبل يومين وادردش مع زوجتي الثانية بالجوال رسائل .. وفجأة غلطت وارسلت الرسالة لزوجتي الاولى وكان مكتوب بالرسالة كلام ماحب افصح عنه .. يعني احببك ومن هالقبيل وزوجتي الاولى استقبلت الرسالة ولا قالت شي ولا كلمتني !! مادري هي زعلت ولا استغربت مني .. المشكلة بتظنني اخونها !!! للعلم انا احب زوجاتي الثنتين واعدل بينهم حمد لله بس المشكلة اني خايف اواجها .. مادري وش بيكون شكلي قدامها ابي حل بس لاتقولون صافحها رجاء رجاء رجاء لظروف خاصة وش رايكم اسكت ولا اقول شي .. بيجوز ماشافت الرسالة !! او بيجوز تستفزني ,, وش رايكم ساعدوني الله يساعدكم |
وعليكم السلام ورحمة الله وبركاته متى ناوي تعلمها ؟ ناوي تدخل عليها بعد شهر والعروسة بيدك ؟؟ أهلك يدرون بهالزواج ؟ ولا خايف حتى من أهلك ؟ : الرسالة ممكن تظنها زوجتك لها ، ولا فيها اسم وشيء خاص يوضح انها جاتها بالغلط ؟ : اقتباس:
عدل آخر زمن !! يوم عن يوم تبيت خارج منزلك ما تسألك وين تروح ؟!! .. |
اقتباس:
حياك الله .. لا مانويت اني ادخل البيت وهي بيدي وييين كان بتصير مشكلة كبيرة .. هي تبي تقعد عند اهلها وبروح لها بين كل مدة ومدة .. وشوي شوي لين ما اتفاهم مع زوجتي الاولى لين تلين واجيبها واحطها ببيت ثاني .. اهلي مايدرون .. بس ناوي اعلمهم بعدين اقتباس:
اقتباس:
اصلا ماتعرفت على زوجتي الثانية الا بالبلد الي ادرس فيه وهي تدرس معي بنفس القسم .. وصراحة حبيتها وماحبيت اسوي حرام والعياذ بالله وتزوجتها مع العلم انها تدري ان عندي زوجة اولى بس تقول انها تحبني ..ومايهمها هالشي وانا متزوجها من 7 شهور .. |
ملاحظة : انا ماكتبت موضوعي هنا عشان تجادلوني .. انا ابي حل لشكلي عندما اواجها .. اخاف من هاللحظة وش الحل
|
انت اصبر .. اذا ماشفت منها اي ردة فعل ..
بعدين اذا رجعت السعوديه مهد لها الموضوع .. وهو لابد من المواجهه لكن تكلم بهدوء بين انك تحبها وتقدرها ولا تستغني عنها .. وغيره من الكلام الطيب ..( ان صعب عليك ارسل عليها احد او مسج بس مااحبذ هالشئ ) رجل طيب جدا راح يساعدك بالموضوع : ) الله ييسر امرك .. |
الحل لا رجعت بلدك تعلم الاولى وينتهي كل شيء
كفايه ذليت نفسك وصغرتها وعايش بهوان.. يا اخي انت ماراح تدخل عليها وحده من الشارع.. زوجتك وبالحلال.. يبدولي انك خايف تزعل وتروح بيت ابوها.. |
لحد ينط بلحقه ويقول انت خنت وانت وانت :d
هو صحيح مؤلم الزواج باخرى وبالسر ..( مافي احسن من الصراحه ) لكن لكل امر ظروفه الخاصه ماقام به حلال .. يرتبط باخرى بالحلال ولا يرتبط باخرى بالحرام .. ومن لا يخاف من الله ينخاف منه المهم العدل ويخاف الله في زوجاته .. |
الله يعينك ورطت نفسك
طيب زوجتك الثانيه عندك إستعداد تجيب عيال منك وإلا زواج كذا تسليه وبعدين أنت تزوجت لحاجه مو حب وبعد رجوعك لزوجتك يمكن تتغير مشاعرك إضافه لكذا تتزوج وشلون مظهرك عند زوجتك إلي تنتظرك ويمكن تدعي لك ليل نهار وانت جاي ومعك المدام الجديده وعند أهلك راح وأعرس أخوي ياليت تكون واضح مع نفسك وتقول لزوجتك من أول شي وقبل ماترجع وإلي بيصير ألحين بصير بعدين يعني مافيه فرق الله يصبر زوجتك خذلتها |
اقتباس:
|
اولا ياويلك من الأخوات في المنتدى قبل زوجتك هههه هههه هههه .
ثانيا من وجهة نظري وقعت في خطأ كبير وهو أنك أقدمت على زواج لم تقدم بدراسة أبعاده الكاملة , الزوجه الأولى , ترخيص الزواج , مشكلة الأولاد ... الخ , كان المفترض تبحث عن مخرج قبل أن توقع نفسك في ورطة . رابعا : بالنسبة لزوجتك الأولى وأهلك فكن قوي وجري وأخبرهم بتدرج من مزحه إلى زرحه إلى أعلام بالحال , وكن حكيما ودبولماسي, ومستعدا نفسيا لكل كلامات التوبيخ , وحتى ما هو أشد , بحيث ما ترتكب خطأ آخر وتبلش . ولا تسنى أيضا أن تستعد للرضاوه وخل علمك طيب وأظهر حبك للشريكة حياتك الأولى كل هذا سيساهم إنشاء الله في حل المشكله . أسأل الله لك التوفيق . |
اقتباس:
|
الله يعينك علي الغربه وإن شاءالله تتخرج بدرجات عاليه
اولا عليك ان تعدل بين زوجاتك في المبيت سواء كانو في بلد واحد او في بلاد مختلفه يعني لا يجوز ان تكون مع واحد اكثر من الثانيه العدل العدل الله الله علي العدل بينهم كتمان الرجل زواجه الثاني يوقعه في الغالب في شيء من الظلم لزوجته الجديدة ، ويكون مضطرباً في حياته وتصرفاته ، يخشى إن تَصرف تصرفاً ما أن تعرف زوجته الأولى أنه تزوج عليها ، وهذا قد يجره إلى سلسلة من الأخطاء فاياريت تخبر الاهل وتصارحهم بزواجك واجتهد في تربية أولادك واحتوائهم، وإشعارهم بأنك لهم ومعهم وبهم والله يوفقك |
يعجبني الرجال الأقوياء امثالك الذين يفعلون اكثر مما يقولون
لكنهم اصبحوا قليلين هذا الزمن لدرجة انهم شارفوا على الانقراض الحل هو ان ترسل رسالة عاجلة في الحال وتخبر زوجتك بزواجك واستغل فترة بعدك عنها في دولة ثانية لينفجر البركان بعيد عنك ، وعندما ترجع بعد فترة سينخمد البركان وستعاملك الاولى بعقلها بعد ان تهدأ وتصبح انت الكاسب في كل الاحوال . |
واااااااااااااااي مسكينة زوجتك الاولى
والثانيه قال ايش قال تحبني ندري والله وش تحب ؟؟!!! ياحليلكم يالرجال على نياتكم صدق اللي قال الرجال اطفالنا البالغين كان نفسي اساعدك بس ماعندي حل او يمكن حلي مايجي ع مزاااجك |
الوضوح كان يجب من البداية.. ما ادري كيف استسغت الزواج من الثانية والاولى غافله.. انا عن نفسي ما اسوي سواتك الا بوضوح ... عموماً مبروك زواجك وحاول تصلح التباين في حياتك بالوضوح...اجلس مع الاولى بهدوء وحب وفهمها كل شي.. انت ماسويت الحرام ولكن سويت شي فيه نقصان
|
خلاص انتظر لما ترجع و مهد لها..
و لو هي وصلتها الرسالة و فهمت على طول وضح لها الأمر هي المواجهة , اترك الخوف ووضح لها انك ما تستغني عنها و انك تخاف الله فيها و ما بتروح لشيء حرام ووالخ من هالكلام اللي تضحكو فيه على عقل المرأة كعادة بعضكم , و هي عن زعم بتصدق يمكن تثور , يمكن تروح بيت اهلها , ضع كل الإحتمالات و ابذل لها كل ما تستطيع من لطف و كلام جميل تقبل منها صراخها و فضفضتها ,,لا تسكتها اجعلها تخرج كل شحنات الغضب و انت الزم موقفك بأنك لن تستغني عنها و لن تتركها تذهب بيت اهلها , و قل لها لك كل ماتريدين إلا طلاقي منها (الثانية), لا استطيع ليس حبا فيها (يعني اكذب كذبة مباحة حتى لا تهدم بيتك و اسأل شيخ عن ذلك) أنما حتى لا أظلمها بالطلاق و أغدر بها , ,, لازم تحط في بالك انه بيكون فيه زعل و زعل كبير ,,و الشهر هذا حاول تتواصل مع زوجتك الأولى اكثر بالرسائل الغزلية و مكالمات مفاجئة,,, |
[SIZE="3"]اي شهادة دكتوراه تحملها يادكتور
قال دكتوراه حضرتك رايح تتونس وتحب وتعشق وتتزوج وتارك كل المسؤليه على زوجتك من بيت واطفال وتدريس ووو وفي الوقت اللي تنتظر رجعتك عشان تقوم بدورك تجيب لها ضره انا مااعترض ع الزواج لكن طريقة الزواج اللي بالخداع ومن زود الروقان ماعاد تعرف وين ترسل الرساله مااقول الا الله يصبر قلبها ويصبر كل واحده عايشه مع رجل بتفكيرك والاخ رجل طيب جدا الاقوياء من الرجال مو هذي تصرفاتهم هذي تصرفات الجبناء كل شي بالسر وين القوه القوي هو اللي يجعل كل خطواته في النور مو بالظلام عموما الحين تلاقي زوجتك مسكينه مصدومه وتبكي رح طيب خاطرها |
اقتباس:
مدري اي القلوب يحملون بعض الرجال الله يعين من وُليتم عليه |
|
اقتباس:
|
من البدايه كان اخذة زوجتك معاك ولا ما حصل هذا كله
|
كيف عادل والاولى لا تحدثها بالحب والدليل انك متاكد انها ستستغرب وتندهش يعني انت لا تبادلها العاطفة الي مفروض تكون بديل لغيابك بينما الثانية لها كل الحب ورسايله؟؟؟؟
اين العدل؟ |
مسألة الرساله بسيطه تقدر تقولها صديقي أرسل من جوالي وبالغلط جتك أو أي سي ثاني في حالة أنها سألتك وإذا ماسألت عادي ولا كأن شيء صار
وبعد كذا إذا عندك نية تجيبها معاك بالتدريج مهدلها موضوع زواجك ماينفع تخبي عشان ماتظلمهم |
للأسف بعضكم عقلياتهم صغييره .. وكأن الانسان معصوم عن الغلط !! شايفيني ملاك عشان ما اغلط !!!
وبعض الأخوات هنا ترد بكل وقاحة وتقول لو أنك رجال !! لو سمحتو اخواتي النقاش بحدود .. 1- اولا , زوجتي الاولى احبها اكثر انسانة بالدنيا .. موب معناتها تزوجت عليها ماحبها !! لا والله مافي اغلى منها الغالية 2- انا إلى الآن ماعندي ولا ولد .. زوجتي الاولى تزوجتها قبل سنة ونص .. وحنا متفقين انها ماتجيب عيال إلا بعد سنتين على الاقل .. 3- انا قلت لها تعالي معاي مرافقة رفضت وقالت خايفة من الغربه وانا انشالله اشوف لي حجز بنهاية الاسبوع القادم واروح اراضيها .. صراحة حسيت اني مذنب وش ذنبها اللي ماقصرت معاي ولا مرة !! وهي غالية الله لايبين غلاها يجزاكم الله خير .. ارجو المناقشة بحدود وعدم التجريح احنا مش فغابة ولا بروضة بزران كل واحد يعير الثاني .. |
وبالنسبة للي جايبه لي شروط الزواج من اجنبية ..
انا عارف انه ممنوع قبل ما اتزوج منها .. بس والله الملحقية عندنا ولا دارية وين الله حاطها فيه .. مايدرون عن شي نايمين الله يخلف عليهم |
وعلى فكرة ياكثر المتزوجين من اجنبيات هنا .. وقفت علي انا يعني !!
|
ولا بعد توها عرووووووووووووووووووس
توك سنه ونص حرررررررررام وربي مسكينه احنا مانعترض ع الزواج الثاني لكن الاسلوب غلط بغلط ( صراحة حسيت اني مذنب وش ذنبها اللي ماقصرت معاي ولا مرة !! وهي غالية الله لايبين غلاها ) يعني اللحين راااحت السكره وجت الفكره |
اقتباس:
طبيعي تجد هجوم شديد لان اغلب الاعضاء هنا من النساء وموضوعك هذا بالتأكيد سيجرح مشاعرهم المرهفة |
وبعدين .. معكم .. ابيكم عون صرتو فرعون !!
ماله داعي المجادلة .. عموما مشكورين جميعا وانا بتصرف بطريقتي الخاصة والله يسامحني اذا غلطت والله يقدرني على الحاق جزاكم الله خير جميعا .. ارجو اغلاق الموضوع الظاهر التعليقات بتتعدا اسس الاحترام والنقاش رجاء اتمنى اغلاق الموضوع |
اقتباس:
ليه هو متزوج علينا احنا بس تقدر تقول يفقع المراره ويجيب الضغط والسكررررررررري :17::17::17: |
فعلا كيدهن عظيم كلوني بقشوري ..
اعوذ بالله اعيد واكرر ياليت الموضوع ينغلق خلاص الاعضاءلا ماقصرو بالحلول |
وراك ماشاورتنا يومك تبي تعرس هع هع
|
آخر ملاحظة ** لاتظنوني ذاك الرجل عديم المشاعر .. عديم الاحساس الباحث عن الشهوه الجنسية ..
لالا والله لا .. بس انا رومانسي و اتأثر بسرعه بالمشاعر ولا اتحمل ردها وصدها ... ومشكورين جميعا للمرة الاخيره اتمنى اغلاق الموضوع الى اللقاء |
تصبر ياصابر ....
انت اعلم منا بزوجتك ... هل تفضل مصارحتها والذهاب اليها ...؟ هل تود مصارحتها بالاتصال .... ومن ثم العوده بعد ان تهدا ...؟ هل تود الانتظار فتره اطوول ... ومن ثم المصارحه ..؟ الامور مخيره لك ... انت تعلم جيدا من اي باب تدخل عليها .. من باب الدين .. من باب العاطفه والمحبه بينكم .. هل مجتمعك او مجتمع زوجتك متعود على الززواج من اخرى ..؟ حقيقة المفروض تروح معك دامك اخبرتها .. لكن قدرر الله وماشاء فعل .. |
اقتباس:
|
بالله عليكم ايش استفديتو من تطير الرجال من الموضوع ...؟؟ ( البعض )
ماعندكم قدره على الاحتواء ابداااااا ... بس تفريغ عواطف وهاك هجوم .. هو جاي يبي يستشير مو جاي عشان نوقف محامين عن زوجته الاولى .. بالذات انه نبهكم من الاول ..! استفادة العضو اهم من تفريغ الكلام اللي براس واحد كانكم تقولون تجي زي ماتجي المهم اقول اللي بنفسي وهو بكيفه .! .. |
اقتباس:
:: ومسمي نفسك صابر بعد كان الله بعونك على كذا بتتزوج نصف بنات الكرة الأرضية بما أنك لاتستطيع رد المشاعر :: لن تنال بلح الشام و لا عنب اليمن العروس إلي مالها غير سنة ونص صدقني راح تقلبها على رأسك والعروس أم 7 شهور راح تحرمك الدولة منها وهذه نهاية المشاعر الركيكة |
اختي سيدة الموقف اتفق واختلف معك فيما كتبت ِ ..
وان ارى استشهادك في غير محله .. لكن استشف معارضتك للزواج بثانيه بسبب دواعي عاطفيه ان خطأ بنظرك في اسلوبه فلاارى يستحق منا كل هذا الهجموم .. عموما لك قناعتك ولي قناعتي .. |
اقتباس:
|
اعتبر ما حصل في المنتدى ( بروفة ) لما ينتظركـ يا ويلكـ ........
شوف ,, المرأة اللي تحب زوجها تغفر له وتسامحه ... في جميع الأحوال انت لم ترتكب جريمة .. اعتقد زوجتك راح تخيرك هي او الثانية .... حاليا لا تصارحها راح تجرحها وتحطمها ,, انتظر حتى تفتح معاك موضوع الرسالة وفاتحها بالأمر... |
| الساعة الآن 03:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©