|
كيف اتعامل مع زوج معدد
السلام عليكم ورحمه الله وبركاته
مساء الخير وحشتوننننننني موووووت بالصراحه عندي سؤال وياليت الاخوات والاخوان يفيدوني اذا تقدم للمطلقه رجل متزوج ولديه اطفال وماعنده مانع يربي ابنائي كيف اتعامل معها ومع الزوجه1 بالصراحه انا مني متعوده على الشريكه وخبرتي في الحياة قليله وهو انسان متدين امام وخطيب بالمسجد ومشرف تربوي وضعه المادي كويسسس صفاته عجبتني واحسه طيب انا انخدع بالكلام بسهووووله اصدق اي شي بس خايفه افشل زي اول مره عند المشاكل انا الحلقه الاضعف مااعرف اخذ حقي اتمنى انكم فهمتوا كلامي نفسي اتغير واخذحقي من غير مااغلط على احد وايش رايكم اتزوج ولا اقعد الربي عيالي على قول امي؟ |
سبحان الله عنوان موضوعك كان في بالي من فتره ..
بسبب كثرة الاسئله والمشاكل حول الزواج بمعدد فاتمنيت نفتح موضوع نصائح وتوجيهات من زوجات معددين .. انا ماعندي خبره كافيه عشان افيدك يالغلا .. لكن اسئلوا بشكل جيد .. بغض النظر عن مركزه .. اتركي عواطفك على جنب وفكري بعقلك .. اكتبي الايجابيات والسلبيات .. اكتبي عن المشكلات الممكنه ان تحدث .. وكيف يمكنك تخطيها .. ادرسي الموضوع بشكل جيد .. طبعا البيت مستقل تماما امر مهم .. ماادري كم عمر اكبر ابنائك وكيف تقبلهم لزواجك ..؟ استخيري وادعي ربك .. الاخوات هنا راح يفيدونك باذن الله .. اسأل الله لك التوفيق .. |
اقتباس:
|
سأرد عليك باذن الله ولكن عندي هذه الأسئلة :
- كم عمره ؟ وكم عمرك ؟ - كم عدد أبنائك وأعمارهم ؟ - ماهي أسباب زواجه الثاني كما ذكرها لكم ؟ بالتوفيق |
لك وحشه اخبارك يا قمر وجهة نظري انا مدام الرجل متدين وراضي باطفالك معك شئ جدا جميل وحكاية ربي عيالك صديقني والله الحرمه لو حدها كل ما كبر الطفل تحسي بحاجه لرجل سند لك المسئوليه تكبر ومصيرهم يكبرون ويتزوجون ولا احد رايح يفكر الا في نفسه اذا الاخ تزوج نسى اخته وعايش في حياته عاد كيف الابن وبقولك شئ اهم شئ العدل ولا تحتكي في زوجته بس عياله عادي عامليهم مثل عيالك خافي الله فيهم اهم شئ لاتقارني بين حياتك معها وحياته معاكي لان هاذيك ام عياله والاولى اهتمي لحياتك معاه وبس و لان المطلقه لما يكون معاها اطفال لازم تتنازل شوي مو مثل البكر تريد انسان متفرغ امي كانت مثل امك بس لما شافة اخواني كل واحد والله مو داري عني ولا عن عيالي ببدءت تغير الفكره الله يوفقك يارب ويحنن عليكي خلقه |
صدقت ظل انثى
|
اقتباس:
|
[QUOTE=الماضي الدفين;2686948][FONT="Microsoft Sans Serif"][SIZE="4"][B][COLOR="DarkSlateBlue"]سأرد عليك باذن الله ولكن عندي هذه الأسئلة :
- كم عمره ؟ وكم عمرك ؟ عمره 40 وعمري35] - كم عدد أبنائك وأعمارهم ؟4 ["]بنت 13 وبنت 11 ولد9 ولد4] - ماهي أسباب زواجه الثاني كما ذكرها لكم ؟ ["]بالصراحه ماسئلت لاني لسى اقلب الفكرة بالراسي واهلي شكلهم رافضين الموضوع |
أأذا أنه أأمامـ مسسجد ومتدين ... اتوكلي ع الله واستخيري ...لان طبيعي يبي يعدل بينكـ وبين المرهـ الاولى .. ع فكرهـ لا تغيرين من شخصيتكـ وطبعكـ أنكـ تقولين انا ضعيفه وما ادري ايش ؟؟ انتي مو داخله حرب ..خليكـ ع طبيعتكـ افضل.. بالتوفيق لكـ اختي .. |
وليه اهلك رافضين الحمدالله اهم شئ انه هو راضي يكونوا اطفالك معاكي بلعكس انتي مو خسرانه شئ والله كويس امام مسجد ولا تاخذين واحد ما يعر ف المسجد وين طريقه قولي لهم الحرمه تحتاج رجل سند ظل رجل ولا ظل حيطه واستخري الله لو فيه خير يتم الموضوع لو فيه شر ربي يصرفه
|
اقتباس:
|
اقتباس:
ترا كلامي ناتج عن تجربه .. |
السلام عليكم ورحمة الله وبركاته،، غاليتي لا يغرك التزامه الظاهري ومركزه الاجتمااااعي وانه امام مسجد ،، اتوقع سمعتي كثيررررر قصص تدمي القلب لأئمة مساجد وانت إنسانه خرجت من تجربة مريررررة ففكرررري الف مرة قبل ان تقدمي على هذة الخطوة ،، اسألي عنه زيييين مرة واثنين وثلاث خصوصا أقاربه وابناء عممومته وحاولي تعرفين احواله من قريب وبرنامجه اليومي،،
تريدين الصراحة خوفتيني حينما قلت انك لا تعرفين تأخذين حقك،، عزيزتي انت ستدخلين على رجل لديه امرأة قبلك ومعرضه لأمور تحتاجين فيها الى الحزم وقوة الشخصية بدلا من الخنوع والرضا بأقل القليل لكونك مطلقة وام أطفال،، ارجوووووووك تريثي واسألي جيدا لان قلبك الرقيق لم يعد يحتمل صدمات اخرى دمت بصحة وعافية |
اقتباس:
|
اول حااجه يبي لك معجزه من الصبر ويالله تكفي
شووفي حبيبتي محدثتك متزوجه معدد ورقمي 2 ولسه صغيره وعندي احلام وطموحااات وكلها هب ريح تصدقين اكتب لك واحس اني اتخيل الين الحين مو عارفه ليش وافقت واهلي ليش زوجوني وليش ساكته عن حقوقي اذا استخرتي واستشرتي وارتحتي ووافتي جيبي لك قلب من حديد لايحس ولايهتز خليك قوووويه حقووقك كاامله توصلك لاتقدمي اي تنازل ولاتسمح لاي شخص يهينك تحملت كل شي ولا استفدت شي تناازلت ببدايه زواجي وجلست ادفع ثمن ضعفي وسخاافتي تمسح زوجته فيني الارض وانا كااني جثه يتهزون فيني تصدقين لو اقولك موقف يمكن ماتصدقينه مره طلعنا مزرعة زوجي وكانت اول مره نطلع سوي وكانت بعيده بري الرياض وكنت راكبه وري وهي قدام وطول الطريق تلف علينا وتقول البزران نامو ولا لا تقصدني انا وعيالها وانا ولانفس وتلمس زوجي وتمسح راسه وتحط يدها علي يده وتتغزل فيه وانا منكتمه طوول الطريق اهانات وانا ولاحرف ويوم وصلنا وصار اليل قالو بننام بغرفه وحده اخذت فراشي بنام بلحالي وحلفت علي والله تنامين عندنا وانا دموعي في عيني وفرشو البطانيات وحطت فراش كبير ونامت هي وياه جنب بعض بمخده وحده وانا نمت جنب البزران اخر الغرفه نمت ودموعي فوق خدي والله دعيت عليها انها زي مااكتمتني وقهرتني ان ربي يكتمها ويوم جينا نمشي وتوه راكبه السياره وهي تشرق بحااجه ماادري وشي وانكتم نفسها ومن المزرعه للمستشفي وتجلس تصيح تقول شفت الموت وانا حيه شووفي ربي كيف منتقم جباار مع العلم اني انا الصغيره ويفترض اكون جريئه او لعينه معها وهي عمرها53 ومع ذلك كانها طفله تقوول كلام ماتقوله الوحده لزوجها بسريره يعني تبيني اغار بااي شكل تبي تقهرني بس نصيحه لك اول شرط تجنبي زوجته وعياله لو طحتي تحت رجولهم والله مايرحمونك يدوسونك مهما تقدم الوحده طيب ماايثمر كلامي من واقع تجربتي وليس للعموم ممكن يكونون كويسين بس بالبدايه لازم تكوني حذره لحد ماتعرفيهم |
وحدانية
الله يعوض صبرك الجنة ويربط على قلبك غاليتي ،،،، |
: وحدانيييه جزاك الله خير ماقصرت والله يعوضك خير
انتي لك مواضيع في المنتدى انا قعدت في قسم المطلقات وماعد خرجت منه كانه بيتي:d الله يعينك ويصبرك تقولي يبغالي قلب من حديد عزالله توفقنا للاسف قلبي قلب عصفور |
التفاؤل مطلب
والعفة مطلب والاستخارة والاستشارة راحة |
السلام علكيم اختى الكريمة اولا عليك بكثرة استخارة الله ثانيا هل سيقبل زوجك واهله بدخول رجل غريب على بناتهم ثالثا اشعر من كلامك رغبتك للزواج هل تخافى على نفسك من الفتنة وتريدى زوج يعفك ويحصنك ام ان هذا الآمر لا يشغل بالك اما انك فقط تريدى تثبتى لطليقك انكى مازلتى مرغوبة ومطمع من قبل الرجال او تريدى ان يذوق من نفس الكأس اذا كان تزوج بعدك ومن اىن تعرفتى على هذا الرجل وفقك الله عز وجل لما يحب ويرضى |
[=abo marym;2687155]
اولا عليك بكثرة استخارة الله ان شاء الله ثانيا هل سيقبل زوجك واهله بدخول رجل غريب على بناتهم لااعلم وعلى مااعتقد ماراح يوافقوا وحتى امي موموافقه على الموضوع ثالثا اشعر من كلامك رغبتك للزواج هل تخافى على نفسك من الفتنة وتريدى زوج يعفك ويحصنك ام ان هذا الآمر لا يشغل بالك مااخاف على نفسي من الفتنه ولله الحمد بصراحه لي رغبه لزواج لانه ستر للمراه واتخلص من لقب مطلقه وبالصرااحه احيانا اشتاق لزوج يصونني اما انك فقط تريدى تثبتى لطليقك انكى مازلتى مرغوبة ومطمع من قبل الرجال هو عارف اني مرغوبه ومطلوبه من الرجال اتخطبت كذا مرررة وانا متزوجهاو تريدى ان يذوق من نفس الكأس اذا كان تزوج بعدك ابدا طليقي ما يهمني وحتى اذا كان بيرجعني ماراح اوفق لان نظرتي للزواج اتغيرتومن اىن تعرفتى على هذا الرجل هو جار لاخي وامام وخطيب لنفس المسجد الموجود في حينا وانا شترطت ان اولادي يعيشوا معايه وافق مااعترضوفقك الله عز وجل لما يحب ويرضى [/QUOTE] |
والله يا اختى انت فى وضع صعب طيب هل تستطيعى ان بعيش بناتك بعيد عنك وما رأى الاولاد استخيرى يا ختى واسأل الله ان يقدر لك الخير ويعفك ويحصنك انت وجميع نساء المسلمين |
اقتباس:
وموضوع قلب عصفور نكد علي ذكرني بوضعي والظلم الي حاسه فيه يارب فرج همي ومشكور ياخوي والله انك ماقصرت ماستعجلت بالرد اخذت وقتك جعله الله في ميزان حسناتك |
السلام عليكيم
ختي ريم نواف حفظك الله ما شاء الله مواصفات المتقدم لك ممتازة بس زي ماقالو لك اسالي مرة ومرتين وثلاث عنه وعن سبب زواجة للثانية وممكن انك تسالي عن زوجتة وتعاملها وتكلميها ولابد انك تشرطي سكن مستقل لان ابنائك معاك وسمعت انك لو اشترطت ان ابناء زوجك لا يدخلوا عليك فهذا من حقك ولو وافقت نصيحة مني اشترطي ابنائك ويكتب ذلك في العقد سؤال طيب اختي لماذا لانرجعي لزوجك مادام ما شاء الله عندك اربعة منه وتحاولي اصلاحة |
طبعا بناءا على المواصفات التي ذكرتي مجنووووووووووووووووووووووووونه اذا ماوافقتي طبعا بعد ماتتاكدين من اخلاقه وتعامله مع زوجته ,,,,,,,
انت عندك اشياء تخلي ابو 60 سنه مايفكر فيك اللي هم الابناء ماشاء الله كبارين فاحس ان الله بيعوضك بهالزوج روحي مواقع الزواج وشوفي المطلقات اللي زي وضعك وش مواصفات الزوج اللي تبي تلقينها تكتب العمر من 36 الى 55 وانت ماشاء الله تقدم لك وعمره 40 والله لو يبي تزوج ام 25 يلقى بالهبل لكن الرجل عاقل ويمكن يفكر يستر عليك صحيح انه يفكر بامور منها انك مشغوله باولادك ووظيفتك فماراح تكونين عبء كبير عليه ... بصراحه الزواج هذا ايجابياته اكثر بكثير من سلبياته اللي ردو عليك نساء وياكرههن للتعدد وهذي فطره عندهن ثم ان المسالة تجربه-ماراح يضرك شيء- يعني ابسالك لو طلقك مثلا وش تتوقعين بيصير؟؟؟ بالعكس فيه فوائد تكرهين الزواج ولاتفكرين فيه وبكذا ترتاحين نفسيا لانك قنعتي عنه ,,,,و لكن الان تحسين انك حارمه نفسك من الزواج ومنها الناس يقولون خلاص ماتوفقت مو لازم تتزوج مره ثالثه وانت فكري بوضعك ترى عمرك صغير ولو ماتزوجت -خصوصا انك تنخطبين-والله ان تصيرين علكه بافواه الناس ,,, واهم شيء بداية الزواج حسسيه ان الوضع فيفتي فيفتي يعني لاتتنازلين عن اي حق من حقوقك مااقول لك تهاوشي معاه لا بس لو يوم فكر يمنعك حق انبيه وقولي والله مااسامحك وعادة ائمة المساجد اللي لهم قصص سيئه مع اهلهم يكونون غير متعلمين اما هذا انا متوقع ان امامة المسجد اضافة لوظيفته تعتبر دليل على انه فاهم ,,, ثم ان بناتك يعتبرون ربائب له يعني زي بنته ومصيرهم بكرا بيتزوجون ,,, اما مسالة ان اهلك مايرضون ومن هالخرابيط قولي لهم خذيهم والله ماهم حاسين باللي انت حاسه فيه اعرف امراه عمرها 55 زوجها هجرها والله اني احسن انها مشتاقه لقهوة الصبح معه لانها كانت تسوى عندها الدنيا مع ان عندها اولاد بس سبحان الله احتياج فطري لايستطيع احد ان يقف في وجهه ,, الخطوات القادمه 1) اسالي اكثر ,,, اسئلتك خليها بالتفصيل الممل يعني ماينفع والله كويس ,,, 2) استخيري ,, 3) حددي طلباتك مثلا انك تطلعين كل اسبوع مع اولادك للملاهي ,,, الخ 4)اكدي على حقوقك ,,,وانك تتناصفينه مع الزوجه الاخرى ,,, 5)الف مبروك وشهر عسل على طول ,,, |
اقتباس:
وطليقي مااعتقد اني ارجعله النفس عافت... |
ليش كذا انت ماشاء الله مبسوط بالخطبه وتبغى الناس كلهم يزوجوا
انا استخرت والخيره فيما اختارها الله ويارب يطلع طيب ويعتبر اولادي زي اولادوا |
نصيحة اسألوا عنه اكثر من مرة
ومن الحين حاولي انج تتخيلين وضعج وانتي متزوجته وهو عند الاولى هل راح تتقبلين الوضع يعني حسي بالأحداث اللي راح تصير بشكل عام اذا تاكدتوا من أخلاقه وافقي عليه وعسى ربي يعوضج كل خير |
اقتباس:
|
مواصفات الزوج ممتازة خصوصاً إنه معروف عندكم مو واحد عن طريق خاطبة أو غيره
توكلي على الله وإسألوا عنه واسأليه عن كل ما تتوجسين منه وحلفيه بالله أن يصدقك القول فيما يقول وأتفق مع " ليش كذا " فيما قال الله يوفقك ويعوضك خير |
اقتباس:
والله يتم علي نعمته بصلاحها والله اتمنى لك الخير من كل قلبي وكما قيل المستشار مؤتمن ,,,, |
اقتباس:
مثل ثنتين من الأقارب تزوجو وحده مطلقه تزوجت شاب عازب أول زواجه والثانيه شابه تزوجت مطلق وكلام الحريم في المجلس لو أن المطلق خذ المطلقه وهاذيك خذت الشاب قلت سبحان الله قسمت الله لو نجلس علي الخلق ماجانا رزقنا وكم من بنت لكن غير جميله ولين تزوجت غريبه تزوجت ويتكلمون وكم من شاب متواضع المرتب والأصل والنسب وتزوج فتاه جميله والكل يقول شوفو خذت واحد عادي وشلون وافقت يعني أنت تريد وأنا أريد والله يفعل مايريد وفيه وحده مطلقه من زماان وعندها 6 أبناء وتقدم لها رجل أرمل وغني جدا لكن رفضت مو أنا ولا أنت نحكم هذا يستاهل وإلا هاذي تستاهل كله أرزاق وأروح تتألف أو تختلف لكن نقطه يضايقني جدا إلي يحقر في ظروف الناس وأحمد ربك جاك كذا تستاهلين أقل وأعتبره من السخريه من ظروف الناس ,’ أختي ممكن الموافقه أفضل لك أستخييري أكثر من مره وشوفي كلام أمك أهي أكثر وحده تعرف ظروفك زين وظروف عيالك إضافه لكذا محد يحبك ويخاف علي مصلحتك مثل أمك شاوريها وأعملي بشورها لو تشوفين أمك فيها شي من الحكمه كلنا حكمنا من شي ظاهر ولا ندري عن الباقي ولا التفاصيل الله يكتب إلي فيه |
أختي الفاضله ريم نواف ..
أعتقد أنكِ بحاجه لرجل وحين أقول رجل يقدر المرأة ..يعوضكِ ما جرى لكِ مسبقاً . أتعجب من عدم موافقة أهلكِ ليس على هذا الرجل بمواصفاته إنما فكرة الزواج عموماً .. فسنّكِ 35 لستِ كبيرة على الزواج بل بالعكس عمر المرأة العاقله أو كمالها ، ثانياً وجود الأبناء معكِ وقبول هذا الخاطب بهم فعلاً أمر مشجع على الإقدام على الزواج . الزواج حياة جديدة وحين يسعد الإنسان بها رجلاً كان أو امرأة هي من هباتِ الله على خلقه . الصفات التي ذكرتيها في هذا الخاطب عن نفسي أقول ممتازة: - علاقة إخوانكِ به وهذا يدل على معرفتهم جيداً به ، ومع هذا فليقتربوا من حياته الخاصه وليسألوا أكثر . - إمام مسجد ومعلم . - ميسور ماديا . - تمسكي بمبدأ أنكِ لازلت ِ في حاجه للزواج سواء من هذا أو غيره . أسأل الله لكِ التوفيق . |
الله يوفقك ياريومه ويسعدك :14:...اممممم شسمه انا متابعه لمواضيعك وسجلت علشانك....كنت جالسه اسوي بحث بالعم قوقل عن نفقه الاطفال والمحاكم وطلع لي موضوعك اللي تسئلين فيه عن نفقه ابنائك :28:...انا نفس ظروفك مطلقه وعندي اربع اطفال..
وبعدين سجلت بالمنتدى وكل ليله متكيهـ عليهـ ..<<<الفضل لله ثم لك , ضروري تاخذي نسبه. اهم شئ الاستخاره ياقلبي, وإن شاءالله الرجال يكون كفوا ويقدر يسعدك ويوفر لك الامان والاستقرار اللي انحرمتي منه..بس ماتخافي طليقك ياخذ اولادك بعد زواجك :24: |
اقتباس:
|
اقتباس:
ويقولوا الام تضحي عشان اولادها بصراحه دخول هذا الرجل بحياتي كان مختلف احس انه طيب ومره خطبني شاب بس رافضت بسرعه ما رتحت للموضوع ربنا يختار الي فيه الخير |
اقتباس:
اذا خيروني بين الاثنين راح اختار اولادي الله يفرج همك ويسعد قلبك:) |
جزاكى الله خيرا ولكن الاهم هو كثرة استخارة الله عز وجل مع عدم التسرع ابدا وكثرة السؤال عن الزوج سواء فى نطاق اسرته او نطاق جيرانه وعمله ولكن الفيصل يا اختى فى هذا الآمر هو قدرتك على تحمل العيش بدون زوج اقصد بصراحة بدون العلاقة الزوجية وهذا يا اختى فطرة سبحان الله ولا خجل فى هذا لانه لا يقبل ابدا ان ترفض المرأة الزوج الحلال وهى تعانى من الرغبة وهذه المعاناة يمكن ان تقع بها فيما لا يرضى الله عز وجل ولنا فى صحابيات رسول الله عليه الصلاة والسلام اسوة حسنة .. كنا نجدالصحابية يموت زوجيها ولا تمر فترة العدة الا قد تزوجت |
استخيري الله واسالو عنه وان ارتحتي للامر اطلبي ان يكون لكي مسكن خاص
توكلي على الله ان يتقدم لك شخص يخاف لله في اولادك ويقبل باولادك ويريدك في الحلال زوجة هذه فرصة اذا توفقتي فحسنا واذا لقدر الله فشل الزواج فاعتبريها تجربة من تجارب الحياة ولن تستطيعي ان تحكمي على نجاح هذه الزيجة الا بالتجربة انت مازلتي شابة والغريزة التي زرعها الله في الانثى انها تتوق الى زوج تسكن اليه ويسكن اليها خاصة اذا كان رجل يتقي الله وامين على اولادك فتوكلي على الله |
اقتباس:
عيالك بيكبرون وتتزوجين تجيبين لك ولد وإلا ثنين أفضل لك من كذا لو عنده 7 أو 8 بقول لك عيالك لكن ماعند إلا أربعه تزوجي والله يقويك كل سنه حمل :15::15: الله يفتح لك أبواب رزقه |
اقتباس:
أيضا عندي سؤال كم عدد أولاده ؟ عموما أختي ريم نواف بالنسبة للرجل هذا فاجمعي أكبر معلومات ممكنة عنه وأطيلي الاستخارة والتجئي لربك وكوني منتبهة لسير الأمور .. بمعنى هناك من يستخير نعم , ولكن تظهر له عراقيل ( واضحة ومعقدة ) في الموضوع تعطيه اشارات على التوقف , ولكنه يستمر ويتنازل ويرقع الموضوع الى أن يتممه وفي النهاية :30: !!! * بالنسبة لكِ أنتِ فالذي أراه مادمتي ترغبي بالاحتفاظ بأبنائك فيجب أن يكون بيدك مادة تكوني فيها معتمدة على نفسك ولا تثقلي على زوجك .. مثلا: يكون لك بيتك الخاص ويكون فيه ملحق خاص بك وبزوجك في يومك و يكون عندك القدرة على النفقة على ابنائك وبنفس الوقت تلزمينه بنفقتك الخاصة . اضمني حقوقك ( الإشهار واولهم زوجته , والنفقة , والمهر , والقسمة بينك وبين زوجته بالاتفاق ) * نجاح التعدد يعتمد عليكِ وعلى زوجك فلو كان هو رجل كفؤ وقوي الشخصية وضعي الاف الخطوط على قوة الشخصية , وكنت أنت مرأة عاقلة تلتزمين حدودك وتحافظين على حقوقك فستسير حياتكما كافضل ما يكون . * التعدد مفيد في حالتك لأنك أم لأربعة أطفال يحتاجون منك وقت وعناية , فضعي هذا الأمر نصب عينينك وعاملي زوجك على هذا الأساس . لا أن تكوني كفتاة مثلا خالية البال ليس لها شغل الا زوجها وين راح ووين جاء وليش تأخر ......الخ أنت لكِ مسؤوليات وهو له مسؤوليات فتعاملا مع بعضكما على هذا الأساس. أما لو اشتغتلي غيرة ونكد ومحاسبات على أمور تافهة فعلى الأغلب ستكون العواقب غير محمودة . لأن زواجكما فيه تنازل من ناحيته هو وفيه تنازل من ناحيتك أنت ويجب أن تأخذا جميع ظروفكما بعين الاعتبار بالتوفيق ريم |
| الساعة الآن 07:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©