بسم الله الرحمن الرحيم
كيف الجميع يارب الكل بصحه وعافيه انا حدخل في الموضوع دغوري وحابه اشوف تعليقاتكم في موضوعي جزاكم الله كل خير
سجلت ولدي في روضه اهليه عمره 4 سنوات وكنت ابغى روضه معينه بس وقف التسجيل بسبب الطلب عليها المهم رحت الروضه الخادعه وصدقت كل اكاذيبهم وانغشيه فيهم ودفعت الفلوس تركته رابع يوم ورجعت له فتره الصرفه لقيته كان عطشان وجالس في الحر مع كم طفل وما معهم ولا معلمه تراقبهم بس في وحده من الخالات قلت ايمكن بس اليوم اليوم الخامس دخلت ولدي الفصل وانتظرت المعلمه لحد ما جات وجلست اطل عليه من بعيد عملت المعلمه تصرف غريب قفله الباب في وجهي انا وكم ام قلت ايمكن مانتبهت بوجودنا،خرجت من الروضه مستودعه الله ولدي انو المفروض في ايدي امينه رجعت الصرفه قبل الموعد بشويه عشان اليوم اللي قبله كان مررره ميت عطش ،رحت الفصل دقيت الباب وفتحته اسأل عن ولدي ماهم عرفين فين وحده تقولي زعلان بره جالس على الدرج وحده تقولي راح مع وحده تقول قريبته وانا ما اعرف احد في دي الروضه انا هنا انجنيت رحت ادور عليه في كل مكان في روضه ولا وحده من المعلمات فكرت تقوم معايا كانت وحده جالسه تسمع في الايبوت تبعها وتانيه بتهرج ولاهم في حالي .

بعد ما لفيت وانا مني محصلته رجعت تاني ليهم في الفصل قامت وحده من المعلمات بتأفف عشان حدور معايا وانا حاطه ايدي على قلبي دورنا الروضه والمدرسه كلها مهو موجود لحد مارحت وانا حصلته جالس في النطنيطه في الحر عطشان وجيعان حبيبي ومحد داري عنه حسبي الله ونعم الوكيل فيهم قمت قلتلهم معقوله معلمتين اثنين مسؤله عن الطفل مهم عارفين فينه وايش حاصل معاه المفروض يكون مع القروب ، ورحت عند الاداره بس عشان اقولهم ان بعد كده لا يتكرر الشئ اللي حصل اليوم

لان وقت ما سجلت ولدي ما خلو كلمه مدح ما قلوها ليا واي انتقاد هما يتقبلوه كلمت الاداريه وقالتلي دحين نجيب المعلمتين الا وتتدخل وحده منهم بكل وحشيه وتصرخ عليا تقولي ما شاء تبغيني يعني اجلس جمب ولدك اش اسويله هو زعل وتصرخ بصوت عالي انا ما ابغاه في فصلي ياللا خليه يخرج وتصرخ وانا اول مره ابكي كأني طفله من جد جرحتني في اغلى ما املك بأسلوب جدا وحشي سرت ما ني قادره اتكلم بس ابكي دخلت عند المديره اللي عندها برود مو طبيعي كل اللي قالته احنا حنفتح فصل جديد وحيكون في معلمات تانين خليه عشان بس لا اسحب فلوسي يعني ما عالجت المصيبه اللي حاصله في مدرستها ولا شئ ولا احد اعتذر بس طبعا اخذت فلوسي وانا قلبي محروق ، والله لو كانت ام دي المعلمه كان عرفت ان الضنا غالي وانو اغلى ما املك في دنيا وانا كتبت موضوعي عشان كل ام تنتبيه لا تنخدع بلمظاهر زي ما انا انخدعت، وانا الكبيره انفجعت وخفت اجل مع ولدي والاطفال ايش كانت تسوي حسبي الله ونعم الوكيل فيها .

اسحبي فلوسك منهم و اذا رفضوا خلي زوجك يتفاهم معهم
و هدديهم انك بترفعي شكوى و من جد لاتسكتي لهم

انا سجلت ولدي و الحمد لله بروضة و هو بعمر ولدك و جلست
اراقبهم لحد ماقلبي تطمن عليه و كمان باروح السبت و مااخليه
يشوفني أبدا و فرق كبيييير بينهم و بين روضة ولدك

و مع انه الروضة اللي سجلت ولدي فيها نموذجية و معروفة عندنا
انها أحسن روضة و مدارس متطورة بس برضو ماارتحت لحد ماشفت
بعيني كم يوم :)

حسبي الله ونعم الوكيل عليهم ايش داا حرام عليهم

لآزم يهتمو بالآمانات "الاطفال" مو يفلتوهم زي كداا ..

ومحاسبين على الشي دا يوم القيامه لاحول ولاقوة الا بالله ..

حبيبتي مشموشه انا من مكة برضووا

ليش ماسجلتيه في روضه أم القرى .

أو روضه الفضل أو روضه البتووول ..

اذا كان الكلام اللي كتبتيه صح فكويس انك ذكرتي اسم الروضة عشان كل من يسجل طفله فيها ويسوي بحث في جوجل يطلع له موضوعك

الأمانة أمانة ، ومالهم حق يسوو اللي سووه والمفروض يعتذرو منك ويطيبو خاطرك عالأقل
كويس تركتيهم

ايوه حبيبتي زهره ام القرى اتأخرت في تسجيل عليهم واكتفت ابله مريم بلعدد وفعلا انا مررره ندمانه ان ولدي مهو في جمعيه ام القرى بس ان شاء الله السنه الجايه من بدري اسجلو فيها .

سمو الاميره وربي اني ما كذبت في اي كلمه وانا ام واخاف على اولادي واحس بكل ام عشان كده كتبت موضوعي في اكتر من مكان وماراح اسكت لاني خرجت من عندهم مكسوره الخاطر ولا وحده فيهم اعتذرت .

لا حول ولا قوه إلا بالله!!أستغرب كثير من حال بعض الناس
كيف قلبهم يطاوعهم ويعملو كده??حسبي الله ونعم الوكيل فيهم
انا مش أم بس انا عملت كمساعده مدرسه في الروضه هنا في أمريكا لما كنت في بدايه الجامعه بس والله احسهم مش بني ادمين احسن شئ عملتي انك سحبتي ابنك من عندهم

ظل انثى حبيبتي ..

الله يرزق ولدك بمعلمه حنوووووونه متلك وتكون متل امو التانيه حبيبتي لا تخافي اهم شي انهم مدحوو الروضه يلي سجلتي فيها ابنك ..

وانتي روحي مرري عليه في الايام الاولى ..
وشوفي وضعه كيف مبسووط ولآلآ هكذا ..

دمتي بأفضل حال أختي =)

فديت قلبك يا زهرة المنتدى اخبارك حبيبتي اجل كل يوم بروح مع ولدي واطمن عليه الله بس يرزقه وحده طيبه بنت حلال مثلك رغم اني شفت وحده في الادراه تشمق ليا وحفظ شكلها زين لاي طارئ هههههه

شكرا حبايبي لكم جمعياً والله لا يفجعكم في غالي
والله انا مني حقت مشاكل ولا كان وقفتها عند حدها واشتكيت للرئاسه بس والله اني جلست بس ابكي كأني طفله لما طردد ولدي وتصرخ تقول انا ما ابغاه خليه اخرج برى ماابغاه في فصلي وجات وحده من الاداراه مسكتها وخرجتها منتهي الهمجيه والمشكله فينا احنا احيانا نشوف الغلط ونسكت ونعدي وانتيجه سوء اخلاق من بعض مؤساسات التعليم خساره فيهم الشهاده وحمل لقب معلمه

هلا اختي وعليكم السلام
والله انا نفسيتي كانت جدا تعبانه كل ماافتكر اسلوبها وتهجمها عليا ولا احد فكر يعتذر وزوجي اليوم اتصل على الاداره وقلهم ان دي مسؤليه وامانه المفروض تحافظو عليها وانا والله ماني عارفه اشتكيهم ولا اسيبها ربي ياخذ حقي منهم ،والدي كان عند اول فصل لما تتخلي مكان الوجبه هو روضه ماادري عزيزتي اذا كنتي موجوده يوم ماكان في طفل اكرمك الله استفرغ وشافوه المعلمات وانا كلمتهم لكن اشرتلي بيدها على الاداره لحد ما جات وحده لابسه ابيض اخذته مررره حزنت على الولد

المهم انتي اتبهي على بنوتتك ربي يحفظها ويحفظ ولدي والمسلمين آجمعين وما يمنع ان اكيد في معلمات غير الاثنين وبأثتثناء اللي كان ولدي عندهم كويسين وامكن عرفت اللي تقصديها بس الاداره عندهم بياعين كلام وبكاشين على الاخر وقت الجد كلهم كانو جدا سلبين .

والله ياختي نصيحة مني روحي وقدمي شكوه لصاحب أو صاحبة الروضة والله ما أعرف لأنه الروضة سمعتها كانت حلوة أول ما فتحت الموجهة الي كانت تشرف علينا تمدح الروضة مرة قبل يمكن ثلاثة أو أربع سنين وعشان كذا دخلت بنتي فيها لأنه ممكن معلمة ترفع المدرسة وسمعتها فوق ومعلمة تنزل سمعتها تحت وعشان الاطفال اللي عندها ما يتعقدوا أبدي رايك لهم وملاحظاتك على الإدارة والمعلمة وبرئ ذمتك والله يحفظلك ولدك ويخليه لك يارب

ترى المعلمه مررره ماهمها اشتكي ولا لاء عشان الظاهر انها من اقارب اصحاب الروضه وزوجي لما اتصل كلمتو وحده تقول انها اخت صاحب الروضه بس رفضت تعطي اسم المالك وكل كلامك صحيح اختي عن المعلمه انا لما شفتها مررره عجبتني شخصيتها وقلت اكيد ولدي حيسمع كلامها وكل شويا اقولها الله يعطك العافيه بس المظاهر خداعه قدامنا حاجه ومن ورانا حاجه تانيه والله اني انفجعت على ولدي فجعه ولا احد ما خاف الله فيا والمصيبه بدل ما تعتذر اتهجمت عليا وصرخت في وجهي وانا ماقدرت ارد بكلمه صرت ابكي مو مصدقه انها كده وتطرد ولدي والاداره ماكان لهم ردد فعل غير قالولي خليه حنفتح فصل تاني عشان لا اخذ فلوسي بس انا هدتتهم بزوجي عشان كده اعطوني فلوسي ،وانا شفت الموقف تبع الولد كنت موجوده بصراحه ما عرفت تحتوي الولد وتتعامل معاه والحمد الله اني نقلت ولدي ولا كان حصل فيه شئ والروضه اللي هو فيها ما شاء الله المعلمات متمكنات وعرفو كيف اتعاملو مع ولدي حتى المديره تلعب مع الاطفال بصراحه فرق كبير بس المبني مو قد كده بس مومهم اهم شئ الاخلاق والتربيه عشان ولدي ابغاه يستفيد ويتعلم صح .

طيب ارسليلي رقمهم اداره التعليم واحكيلهم بشئ اللي حصل بس وربي انا مااحب المشاكل ابدا ولا عمري احب اشتكي احد بس فجعتي في ولدي كانت كبيره وتجريحها ليا ،وحتي زوجي عندو شغول عشان فتره الحج قربت ولا كان نويلها بس مو فاضي ، طيب حبيبتي حكيني دحين ما اتحسن سلوكهم ايمكن تكون خايفه بعد ما اتصل زوجي .

ياعمري إدارة التعليم الأهلي ما أعرف رقمهم بس أنت اتصلي على دليل الهاتف يعطونك ولا روحي في أي يوم للإدارة هي في العوالي وانتي ياعمري مولازم تكوني تحبي المشاكل عشان تشتكينهم هذا غلط والمفروض محد يسكت عليه صحيح ولدك خرج لكن في أولاد ناس ويمكن أهاليهم ما يدروا ايش الليصيرلهم وهذي مؤسسة تعليميه أصل المفروض ترتقي بهم ومو تعقدهم وتحطمهم من بدري والله زمن دافعين فلوس عشان يعقدوا أولادنا والله لو كل وحدة تكلمت واشتكت على كل شي كان يصير لها معاهم لوجدنا روضات ومدارس ترفع الراس لكن للأسف احنا نسكت ونمشي الموضوع وهذا اللي يخليهم يتمادوا
والروضة أنا ماعد رحت مع بنتي بس ان شاء الله نهاية الأسبوع حطب عليهم وأشوف الوضع

مين في زمن دا احد بياخد حقو اذا الاداره والمديره شافونو وانا ابكي وقدامهم صرخت محد فتح فمه ولا احد اعتذر اشكوى لله وكتبت موضوعي في منتدى تاني اتمسح قاللولي تشهير
فين اروح للمؤسسات التعليم اللي عندنا اللي كل واحده شايفه نفسها الا من رحم ربي انا بناتي كانو في مدرسه خاصه والحمد الله اني نقلتهم منتهي الاستهتار الباص احياناً مايجي المعلمه تتكلم جوال قدام الطالبات بساعات وكل شئ لما تروحي تسأليهم عن مستوى بنتك لازم يقولولك ممتاز حتى لو كانت كسلانه مافي اي اهتمام بعقول الطالبات فهمت او ما فهمت كلهم معطينهم امتياز عشان الامهات ينبسطو مافي رسوب بس انتم ادفعو فلوس ولما سحبت بناتي ما اعطوني كتب اسبوع وانا اجرى وراهم معطيني منهج قديم في نهايه اخذت من مدرستهم الجديده الكتب المطوره بس النظام يقول الكتب من المدرسه القديمه ،للآسف ما عندنا هنا احد تشتكي له ،حقي كان اخذتو في نفس الوقت كان ماسكت لها ولا لهم بس انا كنت مصدومه ومفجوعه معرفت ادافع لا على نفسي ولا على ولدي للآسف.

الله يعنك من جد حوسه بس حرام بنتك حتتعب نفسيتها عشان صعب عليها التغير من مكان لثاني بس بصراحه انا مستغربه من العدد الهائل على الروضه مع انهم ماعندهم تأسيس صح في التعليم وسلوك ،بس الميزه الوحيده عندهم ان عندهم حوش واسع للعب ومكانهم الوحيد من بين الروضات كويس بس الزين مايكمل حلاه انتي عارفه انا ولدي قبلها بيوم كان حبيبي جالس في الحوش لوحدو زعلان وعطشان ومااكل ومافي ولا معلمه مع الاطفال يعني ممكن احد يتعور يطيح لا سمح الله تاركينهم لوحدهم حتى انا مررره استغربت لان قبلها اليوم الثالث كانت جالسه المعلمه تشرف على اكلهم ومسحت فم ولدي بنفسها كل دا عشان جالسه اناولامهات يعني بس من قدامنا لكن من ورانا شئ تاني ، وآخر يوم قفلت الباب في وجهنا عشان ماتبغى الامهات ولا قالت عن ائذنكم ابغى اقفل الباب.

يرجى عدم تكرار ذكر اسم أي روضة مخالفة والاكتفاء بالتعميم .