|
عروس ولكن..
السلام عليكم ورحمة الله وبركاته
هذه اول مشاركه لي في هذا المنتدى الحقيقه ما دفعني الى الانضمام وكتابة هذا الموضوع هو اني لا احب ان اخوض الحديث مع اقاربي او صديقاتي وثانيا اني لمست لحمة الاعضاء هنا ورجاحة العقل في بعض الردود سأبدا معكم من البدايه انا فتاة عمري 29 سنه متزوجه من ستة اشهر من رجل طيب وهو قريب لي لدي عيوب كثيره ولديه عيوب منذو زواجي لم اشعر بسعاده مر يوم فرحي يوم عادي جدا لم اشعر بأي مشاعر لا فرح ولاحزن ايام زواجي الاولى عاديه جدا مكثنا في منطقة اهلي يوم ثم انتقلنا الى المنطقه التي يعمل بها زوجي وصلت بيتي وما كان عندي فضول ابدا اني اكتشفه فقط دخلت البيت ورتبت اغراضنا لم اشعر بأي بهجه وبدأت مباشره بتنظيف وتنظيم البيت طبخ غسيل كوي زوجي وقتها كان اخذ اجازه شهر حياتنا كانت روتين من اول يوم دخلت فيه في بيتي ماكنت حريصه على شهر عسل او تمشيات كنت صامته اغلب الوقت وهو كذلك احيان يتكلم معي لكن مشكلتي اني انسانه صامته ونادرا ما اتكلم يعني كلامي على قد السؤال بعد زواجي با اسبوعين قالي نبي نروح ناخذ عمره ورحنا اعتمرنا ورجعنا البيت وخلص شهر العسل اللي هو كان اكثر من عادي وبدا دوام زوجي وحياتنا على وتيره وحده ما تغيرت ابدا صارت تنقصني اشياء بس كنت استحي اقوله وادبر راسي صرت ابيع من ذهبي واشتري اللي ابغاه بدون ما اقوله لاني حسيت انه اذا دفع يتضايق وهالشي عرفته لما نزلت اقضي للمطبخ بداية زواجنا بس قلت في نفسي اكيد مظغوط ماديا من الزواج طول فترة 3 شهور ما طلبت ولا حاجه ابدا لاني كنت مقدره وضعه حتى جوالي لما يفضى شحنه كنت مستحيل اطلب واقوله هو من نفسه يعرف او يسأل ويشحن اما اني اطلب استحاله ولما جت مناسبة زواج بعد خمس شهور من زواجي قالي تبغين فستان قلتله اذا ميزانيتك تسمح قال مشينا السوق ورحنا وكنت حريصه كل الحرص اني اشتري ارخص شي حتى لو مو معجبني وهذا اللي حصل وماكنت زعلانه بس ما تعودت في بيت اهلي كذا محفظتي ما كانت تفضى مصروفي ماشي واي شي ابغاه يجيبونه اهلي على طول كنت مرفهه شغاله قايمه بشغل البيت وسواق تحت امري انا وخواتي نروح ونرجع وقت ما نبغى فلوس ابونا مو مقصر ابد لكن بعد الزواج اختلف الامر علي صارت محفظتي فاضيه واخاف اطلب منه اي شي انروح اي مكان كنت اشتغل في بيتي وقايمه بكل واجباتي دون تقصير لدرجة انو تعبت مره واخذني على المستشفى قال الدكتور هاذي منهكه جدا يبغالها ترتاح بس وقالي زوجي ارتاحي لا تسوين الا اشيا خفيفه وصار يساعدني في الاشيا الخفيفه بالبيت ماقصر معي لكن كان عندي شعور بخيبة امل فضيييييييييييييييييييييييييييييييييييييييييييييييي يييييييييييييييييييييييييعه كنت ابكي كل يوم بدون ما اخليه يدري بس كشفني في النهايه لاني كنت اطول في الحمام وانا ابكي وبين على وجهي ونزل وزني مره وبين الشحوب علي وصار يسألني وشفيك ليش كذا كانك تعبانه وكل مره كنت اصرفه باي اجابه مره بعد ماطلع دوامه الصباح بكيت وانهرت مره لاني كنت حابسه مشاعر الحزن بداخلي وانهرت مره وقعدت اصيح بشكل هستيري وبعدها ارتحت ونمت صرت كل ما يروح دوامه اصيييييييح عشان يمديني ارتاح ويجي وانا نفسيتي متحسنه الى ذاك اليوم طلع دوامه وفجئه رجع بعد عشر دقايق نسى الفلاش موميري وانا من صياحي ما سمعت الباب مادريت الا هو فوق راسي ويحسب صار في اهلي شي وبعد ما سكت قالي ايش فيك قلتله مافي شي بس متضايقه شوي وراح دوامه وبعدها بكم اسبوع قال بنسافر شهر عسل احنا على طول دخلنا الحياه بسرعه نبغى نروح نتمشى ونفلها قلت طيب مع ان ما كان لي خلق لسفر وسافرنا برا البلد بس ما كنت مبسوطه ابد مااعرف ليش يمكن لانه كان بس يحسب قدامي كم صرفنا ودايم يقول ماعاد معي فلوس حتى يوم قالي تبين هدايا لاهلك قلت طيب لما اخذت اشياء حسيته زعل رحت رجعتها ودورت ارخص شي وجبته كنت متفشله من اهلي لان الهدايا كانت تفشل صراحه كنت ابيع من ذهبي واشتري واهدي لام زوجي في العيد وخواته واقول من عنده وامي نفس الشي هي وابوي اشتريت لهم اشيا من ذهبي وقلت لهم هو اشتراها لكم اللحين خلص ذهبي وكم مره اسافر عند اهلي واجلس عندهم بدون مصروف وادبر عمري بدون اهلي ما يحسون -قبل فتره زارني اخوي في بيتي واعطاني فلوس ونزلتها ع الطاوله ولما راح اخوي قالي من وين الفلوس قلت اخوي قال كويس عشان اوديك فيها المستشفى لاني وقتها كنت تعبانه ومارحت المستشفى وفعلا اخذ الفلوس وعالجني فيها وانكسرت نفسي لاني بنتيت عليها احلام كانت اشيا ناقصه البيت وانا ابشتري فيها طبعا المبلغ كان 500 دخلت كشف ب100 وعلاج من الصيدليه ب80 توقعت يرجع لي الباقي بس ما شفته وسكت ولا فتحت الموضوع معه ابد بصراحه احس بالم وخيبة امل ماصرت انبسط في اي شي ايش الحل هل تصرفاتي صح وهل هو بخيل او حريص ولا وشو بالظبط ؟؟؟ ماادري وشو اقولكم هي فضفضه لاني ما ابغى اقول لاهلي او حتى صديقاتي تحياتي لكم |
اصبري على زوجك لو على كسرة خبزه فمدامه يصلى ويخاف الله ربي بيرزقه ولاتقولين لاحد ولا تفضحين اسراركم الزوجيه ومشالله اخذك وسفرك ترا الزواج مو حب زي مايحسبون ناس كثير الزواج عشرة ومودة ورحمة اقراءئ فن التعامل مع الزوج وطوري نفسك واكتشفي ذاتك بطلب من الله وحده فسوف يعينك ويصبرك ويوفقك في حياتك انشالله
مافي اختيااااااااااااااااااااااارااااااااااااات لا للزوج ولا للزوجة بعد الزواج وانما تقبل الوضع وتسيير المور واعطاء حقوق وواجبات وحياة سعيدة باذن الله ............. الحياة الزوجة = شركة .... ياتنجح ياتفشل من المؤسس ومن الموظف ..هههههه |
|
|
حسبي الله على ابليسك..
دمعت عيني وانا اقرأ كلامك... انتي انساااااااااااااااااااااااااانه ... وربي انتي انسانه بكل ماتعني الكلمة.. نادر مثلك والله نادر... صدقيني انتي اتوقع رح تنجحي في حياتك... وزوجك الله يهديه مايعرف في امور الحياة الزوجية .. وتفكيرنا يالرجال مو هو بعاطفي مثلكم... بس مهو لبخل او امر اخر ولكن دائما قائد السفينه نظرته عامة اكثر من التفاصيل.. ويحتاج لهذه الخبرة في التعامل مع الجنس اللطيف الكتوم... تحتاجي لصبر وتوجيه لطيف منك.. زوجك من النوع السهل .. والحبوب ولكن طاسته ضايعة>>مايعرف وش يزين دامه شافك بذيك الحاله صدقيني انه راح سأل وقدر مواقفك اللي يعرفها وقام قال لك على شهر العسل>> فهو شهم كلامه امامك عن مصرفاته مو لشي غير انه يفكر بصوت عالي>> حنا كذا يا اكثر الرجال نفكر من طيبتنا بصوت عالي لاننا نعتبر الزوجه ستر وغطى وانتي تري يا اختي شوية حساسة>> والله مو شوي كثير حساسة وكتومه وكريمة>>> خففي من حساسيتك هذه وتغافلي عن كثير من اللي تسمعيه>>> تري مشكلتك بسيطة ويبي لها صبر اقبلي اليه ولمحي له من بعيد انك حريصة على ماله وبيته اكثر من حرصه هو.. رح تلاقي ذلك الطفل الكبير ينساب بين يديك كالماء العذب.. وينكم يا أعضاء و عضوات عن هذه النماذج المشرفه من مجتمعنا>>>>> سبحانك ربي خلقتنا ورزقتنا فلله الحمد والمنة من قبل ومن بعد وفقك الله |
اقتباس:
|
اقتباس:
كلامك وعاني لاشياء كنت غافله عنها انا اخاف اطلب منه الفلوس بسبب حيائي منه والامر الثاني ما ابي اظغط عليه احس خلاص كثر خيره لما يقضي البيت والايجار ماابغى اصير عبئ عليه الامر الثاني لا انا اخذته برضاي وهو انسان كويس بس يمكن انا حساسه اشكرلك تفاعلك وكلامك فتح لي افاق جديده راح اخذها في الحسبان |
الدعاء والاستغفار
وبعدين شيلي الكلافه اللي بينكم... وتوظفي....وابحثي عن نقاط ضعف زوجك |
اقتباس:
موضوع الكلفه الحمد لله شايلينه من زمان بس مو عارفه ليه عندي احساس فضيع ان طلباتي ممكن تضايقه لذلك انا اتحاشى اطلب اي شي اخاف اظغط عليه انا افكر بالوظيفه اللحين عشان لا اطلبه طول حياتي واساعده بنفس الوقت مااعرف مافي لا مشاعر حب ولا كره بس احس ودي اجيبله كل الدنيا ولا ودي اضيق عليه او اضايقه تحياتي لك عزيزتي |
يااختي الله يهديكم اذا ميزنيته زينه ورتبه كويس اش يردك ماتطلبينه انتي عوديه من البديه على الشئ هذاء اول شئ عليك بثلث الاخير من اليل ادعي وصلي واستغفري وربك مايضيع اجر المحسنين وبعدين اطلبي اللي تبين بدون ماتستحين ولاتفكرين صدقيني بعدين يتعود ويسر شئ عادي انتي اهم خطوه انك ماتستحين ابدددددددددا
|
اقتباس:
واشكرلك ثنائك كلامك صح هو يفتقد للخبره في الحياه الزوجيه والانثى بشكل خاص قلت كلمه ماتدري شكثر ريحتني لما قلت انه يفكر بصوت عالي صح انتو رجال وتفهمون بعض راحت علي هالنقطه كنت لما اسمعه يحسب احس انه بخيل والبخل اكره صفه عندي بس ان شالله على قولتك هو يفكر بصوت عالي ويمكن عشان انا ما تعودت ابوي يحسب قدامنا صح انا المفروض اكون له ستر وغطا زي ما قلت ومن ناحية اني حساسه اي والله حساسه ما ابغى اضيق احد او اظغط على احد ولما اشك انو احد تضايق مني اجلس شهر افكر في الموضوع وما انام الين اتاكد ان هالشخص رضى عني تمام الرضى الله يجزاك الجنه ويجعله في ميزان حسناتك |
اقتباس:
صدقت الدعاء والاستغفار مفتاح كل خير وبالنسبه للكلافه مشيوله بس هي سالفة الحساسيه الزايده والوظيفه اخذت الموضوع بجديه وقاعده ادور على وظيفه بس ليش ابحث عن نقاط ضعف زوجي ايش القصد ياليت تفهمني ايش استفيد لما اعرفها قصدك ابحث عنها حتى اعمل على تقويتها لو كذا الاولى نقاط ضعفي انا ياليت تفهمني مافهمت هالنقطه تحياتي لك |
اختي الله يبارك لك في حياتك وزوجك.. بس بنبهك لشيئين بعد اذنك : 1-ذهبك لاتبيعينه أبداً مهما كان الا للشديد القوي الذهب هو خزينة المستقبل.. 2-زوجك مو بخيل لكن مو فاهمك وانتي حساسة بزيادة وماتوضحين له لأنه يوم شافك ضايق صدرك اقترح شهر العسل...والهدايا لاتعودينهم عليها لانه بعدين لو قطعتي بسبب قلة الحاجة مايتفهمون يحسبونك صرتي مو طيبة والاهم من هذا كله استمتعي بحياتك وانبسطي ليش كل شي عندك روتين بيمل زوجك وانتي بتملين فرفشي واضحكي واستانسي وخذي حقوقك من زوجك بمقابل انك تعطينه كل حقوقه واخيراً ربي يسعدك ويقدملك الخير..
|
اقتباس:
ومن ناحية الحساسيه مو عارفه كيف اخفف منها والهدايا اخ بس انا انسانه احب اهدي وما احب اهدي اي شي بس على قولتك لازم ابطل لاني ما اضمن وشو بيصير مستقبلا والاستمتاع بالحياه مشكله اني ما قاعده احس بطعم اي شي يعني متبلد الاحساس عندي لاافرح ولا احزن وكل شي عادي ربك يعين واطلع من هالوضع |
بسالك ياأختي ..
هل كنت ِ سعيده اثناء الخطوبه ..؟ هل كنت ِ في حياتك تفرحين لامور سعيده كالنجاح .. حفله جميله .. زواج صديقه ...؟ هل من طبعك قلة الكلام والتفاعل مع الاخرين ..؟ |
ماشاء الله عليك اختي ونعم التربية ليت اخوي ماخذ وحدة مثلك الله يوفقك
بس شوفي اختي الزمن هذا صعب واللي مش حريص بيضيعك وبيضيع اولادك خليه يمسك الفلوس ويفكر بالمستقبل اما انتي لاتنازلين عن حقوقك اذا احتجتي شب اطلبيه ومن حقك انه يمشي لك مصوف شهري لو 300 ريال وبتعودين على حياتك هذي بس اصبري وبعدين زوجك يحس فيك مش متلبد واحمدي ربك ونصيحة اخرى اذا اهلك اعطوك فلوس لايدري عنها زجك وموفقة |
ياغالية مشكلتك بسيطة مع أني حاسة أنها متعبتك كثير ... بس حابة أقولك أن المشكلة أشوف أنها من طرفك وزوجك مافيه أي شيء يعيبه ... أتوقع لو تفتحين قلبه تلاقينه قاعد يقول ليش ماتطلب مني ليش ماتفرفش وتضحك وتسولف معي ليش وليش ويمكن يوصل مرحلة - تحبني ولا مغصوبة علي - ؟؟؟ ياختي فرفشي ودلعي عمرك وانبسطي ودعي الخلق للخالق أي تصرف يصدر منه لاتتصورين من راسك أشياء مو كويسة زي هو بخيل هو كذا وكذا ؟؟!! الرجال طبيعتهم غيرنااااا وتفكيرهم مرة غير ... كل تصرف منه أحمليه على المحمل الحسن والطيب ... خلاص هو زوجك وأنتِ زوجته والبنت ماتتزوج مرتين ع قولتهم خخخ دامه إنسان ماشفتي منه شيء صريـح يستاهل أنك تتركيه أو تعدلي من سلوكه ليش تنغصين حياتك كذا ؟؟؟ ماراح تعيشين بهالدنيا غير مرة وحدة بس فليها وخلي بينكم كل شيء حلو .. لاتصمتين أضحكي سولفي كوني صداقات وخلي علاقاتك بأسرتك وقريباتك قوية عيشي حياتك لنفسك تحلا حياتك معاه .. وبصراحة تامة أقولك أنا زوجي دايم يحسب عندي فلوس أجار الشقة وكم بقى .. وبعض الأحيان يقول أنا ع الحديدة أصبري علي لين ينزل راتبي وبالعكس أتقبل منه ويخليني أحسب معاه بعد خخخخ ... صدقيني تصورك لزوجك انه بخيل أبدا مو صحيح بس ياقلبي أنتِ حساسة شويتين ويارب تخف حساسيتك لإنها مرة تنغص العيشة وتتعبك وتتعب اللي حولك في التعامل معك .. والوظيفة أطلعي توظفي لو مو عشان المال عشانك إنتي دام نفسيتك كذا ... روحي قدمي على دور تحفيظ صباحية أو مسائية ودرسي عندهم صدقيني بتنبسطين بإذن الله .. الله يكتب لك التوفيق في الدنيا والاآخرة .. |
اقتباس:
|
اقتباس:
:: خذي بها النصيحة أنا مع أبلة جوجو فيها فعلاً الصديقة المرحة تنقل لكِ مرحها وتتطبعي بطبعها :: |
اقتباس:
هلابك اختي فترة الخطوبه لم اشعر لا بفرح ولا حزن بالنسبه لنجاح والحفلات كنت عادي وحفلات نادرا ما احضر الا اذا حفلة قريب من الدرجه الاولى نعم طبعي قلة الكلام والتفاعل مع من حولي |
:: حبيبتي قرأت لك مشاركة فيها معاناة وبنصحك نصيحة أخت محبة لكِ في الله فيه إنسان بهذا المنتدى له فضل عظيم علي وخرجني بمساعدته بعد الله من أزمة نفسيه كنت أمر فيها لهذا أعرضي ذاك الموقف المؤلم بطفولتك عليه وهو مستشار وعنده خبرة نفسية عظيمة وراح يطلعك بإذن المولى من حالة الحزن واللاشعور إلي أنتِ فيها اسمه الأستاذ :رجل الرجال وله قسم هنا http://www.66n.com/forums/showthread...DA%ED%C7%CF%C9 وأعذريني لو تطفلت عليكِ :: |
اقتباس:
هنا تكمن مشكله لذلك سالتك ..اي وحده تنخطب طبيعي تكون فرحانه ويوم عرسها تكون مبسوطه .. فسالتك كيف حياتك قبل . ( لعل زواجك منه لم تكن ترغبينه او لم يكن كما تتأملين ) .. لكن يبدو الامر متأصل في حياتك .. وبغض النظر عن قلة كلامك .. التفاعل مطلوب بين الناس .. بين الصديق وصديقه .. نفرح لفرحهم ونحزن لحزنهم .. ليس لدي خبره كافيه لللمعرفه لما انت ِ هكذا .. لكن انصحك بوالدنا رجل الرجال .. سيساعدك بااذنه .. ورابط موضوعه كما وضعته اختي سيدة الموقف .. زوجك انسان طيب وشئ جميل منه عندما احس بضيقك .. سافر بك .. فيك خصال جميله جدا .. ولكنك حساسه .. يااختي هناك حقوق لك .. فلاتخجلي منها .. ( اخاف .. مااحب .. استحي ..) اطلبي لك مصروف شهري على حساب مادية زوجك .. اكتشفي عيوب زوجك وعالجيها بهدوء .. استمتعي بحياتك ياحبيبتي .. وامتعي زوجك معك .. بالكلام الطيب .. بالمفاجات بالهدايا البسيطه .. بكلمات الحب .. ادخلي جو من الفرح لمنزلك - العاب عاديه - العاب زوجيه .. تعرفي على صديقات مثل ماقالوا الاخوات على جارات ... اتمنى لك حياه سعيده .. |
((نقاط الضعف)) عشان تكسبينه من خلالها
لازم تكسييين زوجك من البدايه عشان يحس فيك ويعطيك. وفي المقابل اعرفي نقاط القوة عندك عشان تعززين ثقتك بنفسك وتقوين شخصيتك. والله يوفقك |
لو كل بنت تبي تتزوج وتعيش نفس عيشتها
عند ابوها كان ثلاثة ارباع البنات مطلقات او عوانس الحياه الزوجيه مشاركه لاتنسين كل شي غلي بعدين ماشالله ماشوف ان زوجك اهانك في شي يمكن فعلا راتبه مايساعده اصبري عليه وساعديه امي تزوجت ابوي ولا كان عنده الا راتبه الحين ماشالله لاقوة الابالله محلاته واسواقه ماليه البلد الصبر زين |
حبيبتي التضيحيه بحدود والرجال صديقني مايحب وحده ماتطلب
وكذاب إلي يقول غير كذا دلعيه تدلعي عنده لاتبكين الحياه حلوه الحمدالله ومافيه شي ناقصك لكن لاتتنازلين الحياه كلها كذا الكل يميل للي يقدر نفسه ولا يتنازل عن حقوقه ليه تبيعين ذهبك زوجك ملزوم يصرف عليك أطلبي لاتقولين أكلف خله يجمع فلوسه ويعرس الثانيه هذا مو كلامي كلام خوات كثير عاشو يراعون أزواجهم وتراعي مصاريفه الرجال ماله أمان ماقلت أطلبي شي مو معقول لا وإلا نكدي علي الرجال لكن أطلبي حقوقك كلها كامله وهو واجب إضافه لكذا أنتي غير موظفه واجب لك النفقه ومصروف شهري زوجك مو بخيل لكن فيه طبع قليل وأنتي بتزيدينه أعرف وحده زوجها بخيل ومن عائله بخيله جدا لكن أهي ماتبخل في نفسها شوفيها الكشخه كلها وشكل شي ماشاءالله زوجها يعطيها مرره عشانها أهي ماراحت تقلل نفسها ومن البدايه للزوج حقوق وعليه حقوق أولها النفقه ولو تدرين أول زوجها الكل يقول زوجها بخيل وتزوجت بخيل من شده ماهو معروف عنهم بس بالعقل والسياسه حصلت و الزوجه يجوز لها تاخذ من مال زوجها بدون علمه لو مقصر يعني هذا شي واجب ومن حقوقها أقري كلام أبله جوجو وسيده الموقف وخلي الخجل والبكاء الدنيا فانيه والحمدالله ماعندك شي يحزنك كذا تفائلي شوفي مقاطع طريفه تضحكك أسمع كلام الشيخ سلمان العوده يقول المفروض نحاول نستمتع بأقل شي مثل كوب الشاي تستمتعين وانتي تشربينه أختي أهتمي في نفسك لاتهملين شكلك أبدا والله يوفقك ويسخر لك ويشرح صدرك وييسر أمورك |
ألف مبروك
وعقبال الأيام السعيده يارب يا أختي حلو أنك أكتشفتي أن زوجك فيه عيوب ولكن اسمحي لي أخطأتي في بيع ذهبك وشراء ما تحتاجين هذا أكبر خطأ تفعله المتزوجه يا أختي حتى لو منحرجه من زوجك أرسلي له رساله واطلبي فلوس ومع الأايام راح تتعودين في مثل حالتك إذا موقادره تصارحينه شوفي أحد قريب لك مثلا أخوك تمونين عليه وصارحيه بعيوبه لاتتحملين على حسابه انتي اللي راح تتضررين أرجوك اتركي الصمت وتصارحي مع زوجك |
عليكم السلام والرحمه،،
حسيت انك تتكلمين عن شي بسيط من حياتي بس الفرق بيني وبينك اني الحمد لله قدرت اتجاوز بعض النقاط السلبيه فيني مثل الحساسيه الزائده في البدايه ،، وانتي نفس الشي بدايةً بتكونين حساسه لادنى كلمه اي شي تنزل دمعتك منه وبعد ضغوط وصعوبة بالتأقلم لانك طلعتي من بيت كنتي متعوده فيه على ان تكون كل طلباتك مجابه على ما تقولين بس عقب راح تتغيرين وتحبين حياتك وشلون اذا حبيتي زوجك ،، وزوجك على كلامك ماهو سيئ بالعكس انا اشوف فيه مميزات حلوه مثلاً شافك متضايقه قالك يالله خلنسافر دليل على انه يقدرك وفي قلبه رحمه ،، شافك تعبتي قالك لاتجهدين روحك وعاونك في اشغال البيت انتي شوفي الاشياء الايجابيه بزوجك وراح تتمسكين فيه وتحبينه وماراح تهتمين لكم كنتي تصرفين وكم كنتي هاذي بتنسينه وبترضين مااقول باقل قليل بس باللي يقدر زوجك عليه حاولي تعودينه يعطيك شهرياً 500 على الاقل حسب راتبوه وان شاء الله بتصير الحياه بعيونك حلووه اتمنى ان يوصل كلامي ،، موفقه يارب . |
ماشاء الله عليكي الله يحفظك ويسخر لك زوجك اسأل الله ان يرزقك راحه القلب والبال الصراحه افضل حل لأغلب المشاكل الأسريه لانه صعب تكتمين فى روحك وزوجك يمكن مو بقصده وبحسن نيه فحاولى تصارحينه يمكن تنحل مشكلتك وفقك الله ومتابعه لجديدك |
اختي الصغيرة انتي انسانه صبورة عندك حسن تصرف وخاصة انك ودك بتمشين سفينتك لبر الامان
ولكن هل هو حل طبعا لا الحل انك تفتحين معاه حوار هادئ ينظم حياتكما ويقربكما لبعض ومنها ان يخصص لك مصروف شهري ثابت وقولي له كيف انفق على نفسي انت الآن المسؤال عنى وحسيسه انك محتاجة له وانه سندك بعد الله اكثري من الدعاء بأن الله يسخره لك |
في ناس بيتصرفوا هيك عن قلة خبرا مش بخل
اكيد بالتفاهم والحوار كلشي بيصير حاولي تقعدي معو ومش غلط لو طلبتي مصروف شخصي الك انتي حرة فيه بس كلشي بالتفاهم بينححل ما تبكي وتتدايقي وان شاء الله كلشي بيصير زي ما بدك |
يا أختي عذرآ علي السؤال أنتِ تحبي زوجك ...!
من كلامك قلتي : منذو زواجي لم اشعر بسعاده وين راحت فرحة الأيام الأولي في الزواج ؟ وقبل لاتبين عذاريبه كيف ما حسيتي بسعادتك كزوجة ؟ البكاء والحزن بداخلك كلها أعراض تدل علي عدم محبتك لزوجك والأشياء المادية يمكن تكون مكملة لحزنك لكن ماهي السبب الرئيسي الله يوفقك وييسر لك أمورك |
ليش كذا...ياعروس الحياه حلوه ليش كل هذا الحزن...كله عشان اشياء ناقصتك ومنتي قادره تطلبي زوجك .."طيب ليش ماتطلبيه هذا زوجك ولازم تعوديه انه لك طلبات واحتياجات. حتى لو انك عارفه انه مامعه فلوس عادي اطلبيه اهم شي تنطقين وتطلبين وان قالك مامعي فلوس اعذريه..
وبعدين زوجك واضح مو بخيل لو انه بخيل ويحسب حساب الريال ماكان قالك تبين فستان لزواج قريبك ولو انه بخيل ماكان سفرك يوم شافك متضايقه...لا ياحبيبتي لاتتهمي زوجك بشي هو بريء منه والمشكله ماعندك دليل على انه حريص على الفلوس رحتي بعتي ذهبك واشترتي الي ناقصك بمزاجك يعني زوجك برئ والغلط غلطك انك ماطلبتي زوجك فلوس وبعتي ذهبك. كان المفروض تطلبينه في الاول وان مامعه تبيعي الذهب..بالنسبه انه يقلك كم صرفتوا وكم باقي من الميزانيه هذا شي طبيعي اسمه التفكير بصوت عالي خصوصا لما يكون الواحد مسافر انه يراجع حساباته وهذا مايدل على بخل او حرص ....والفلوس الي اعطاك اخوك يااختي صحيح هو حط الباقي في جيبه بس الله اعلم بنيته وبمقصده يمكن كان اخر الشهر ومامعاه فلوس وانتي ادرى بزوجك..باسلوبك هذا راح تعوديه على انك ماتطلبين وانا متاكده انه مستغرب من صمتك ومن عدم طلبك لحاجه لك بس ماقالك....واكيد بينه وبين نفسه يسال انتي ليش كئيبه ويمكن صمته هو ردة فعل لصمتك وكآبتك..لاتخلينه يندم على الارتباط بك عزيزتي الي انتي تمرين فيه طبيعي حتى انا مريت فيه بس مو لدرجة انه تنقصني اشياء ومااطلبها او اني ابكي لوحدي ..انا وكل العرايس يستحون من طلب الزوج بس..لكن في النهايه نطلب خصوصا اذا كان شي للبيت او للمطبخ..وعشان تتعودين على انك تطلبين ابدأي اطلبي اشياء خفيفه لنفسك مثل جالكسي او مارس وبيبسي اطلبيه اليوم اغراض حلا قوليله بسوي حلا قهوه وبعدين اطلبي اغراض شخصيه من الصيدليه..صدقيني ماراح يتذمر ولايوهمك الشيطان انه زوجك متذمراو زعلان ويشوه صورة زوجك امامك كل ماجاتك الفكره تعوذي منه واستغفري ربك.. عزيزتي الحياه الزوجيه حلوه لاتشوهينها خصوصا انك عروس لازم تتمتعين بكل لحظه من لحظات بدايه حياتك وتتذكرينها بعد 10 سنوات وتقولين ياليت ترجع ايامنا الاولى..انتي بيدك تقدرين تخلين حياتك سعيده وتفرحين وتفرحين زوجك... و بالنسبه لحالة الحزن والبكاء داومي على قرآة القرآن عشان تطردي الشياطين فهي حريصه على الدخول بين الزوجين خصوصا في بداية حياتهم واستغلال جهلهم فهي سبب حزنك وعدم احساسك بالسعاده..تعوذي من الشيطان وشغلي التي في على قناة القرآن واقراي مع كل فرض صفحات من القرآن وشوفي الفرق.. وضروري تبتسمين وتسولفين مع زوجك حتى لاتخسرينه وعشان يبدأ هو بالتغيير من نفسه ترى اكره ماعلى الزوج انه يحس انه زوجته تبكي ومو عارف السبب ويعتقد انك مغصوبه عليه..شوفي كم زوج جاء هنا واشتكى من صمت زوجته وحزنها بدون سبب .. اتمنى لك حياه سعيده.. |
مقهوووووووورة على الــ 500 ريال الي اخذها ..
عيييب والله ، مو من حقه ..! وأنتي ليش سكتي ؟!! لو انا كان اطلبها ,, واذا مرة مرة خجلانة منه ،، اطلبي فيها كلها اي طلبات عاادي وخليه يدفعها من الخمس مائة .. |
اقتباس:
|
اوكيه محترم ماقلنا شي ..
بس والله قوووية أخوها يعطيها فلوس ويأخذها زوجها .. ! يكفي إحراج إنها من اخوها .. يعني اكيد حس انها محتاجة .. ويجي يأخذذها زوجها ، مايصير ..! اقلها لو استاذن مو ياخذها كذا وكانها حق له .. وعلى صرفه هو ملزوم يصرف عليها .. |
انا اسفه اخت بينك...بس مافهمت كيف مو ملزوم يصرف عليها ..بالعكس زوجها وملزوم فيها...وكلنا عارفين ان الزوج ملزوم بصرف زوجته وحق من حقوقها وواجب على الزوج يأثم عليه..انا استغربت انك قلتي موملزوم يصرفها
وبالنسبه للفلوس ال من اخوها هو صحيح المفروض ماياخذها وذوقيا انه يرجع لها الباقي بس لو انا صار معي كذا وعارفه ان زوجي كويس وماقصر معي ماتغلا عليه 500 صراحه خصوصا انه ماراح يصرفها على احد غيري انا وهو..عموما كل له وجهة نظر وهذي وجهة نظري.. |
أنتي تقولي عادي ياخذ الفلوس .. لأنه هو يصرفها عليها ..
أنا قلت : لا مو عادي يأخذ فلوسها ، لأنه هو ملزوم يصرف عليها .. يعني واجب عليه الصرف عليها من فلوسه هو مو مكن فلوسها ..! يعني يجي ويأخذ فلوسها بحجة انه يصرفها عليها لالالا غير مقبولة منه .. هي فاهمة وتعرف تصرفها على نفسها ما يحتاج ياخذها منها ... وانتي تقولي مو مقصر معها ، وهذي برضه مو حجة انه ياخذ الفلوس الي من اخوها .. احس لو من راتبها اهون انه ياخذها وهي من اخوها .. اتمني فهمتي علي ..^ــــــ^ ويأختي بدون اسم : حياتك كذا اراح تمشيء مضبوط ، ما فيه داعي للخجل الزاااائد عن حده .. انتي حاسه بكابة لأنك معتبره زوجك غريب ,, وهذا صعب عليك لازم تعرفي انه زوجك وحياتك راح تكمليها معاه لازم تتعودين عليه أكثر وتكوني جريبة اكثر عااادي جدا طلبك مصروف ، ما فيها اي احراااج ..! حاولي كمان ترفهي عن نفسك باي شيء ولا تستسلمي للكآبة ابدا .. |
هذا زوجك ومافيها شي اذا طلبتي مصروفك منه... بكرا رح تتعودين
و البنات ماقصروا.. |
...........................................
|
حياكِ الله أختي الكريمه ...
رائعه أنتِ بما تحملي من فكر .. ورائعه أنتِ كزوجه وأمرأة بيت .. لكن؟ لمَ نبرة الحزن والألم أقرأها بين سطوركِ السابقة؟ لِـــــمَ أحس أنكِ تعيشِ كآبه ..!! أختي لمَ لا تسعدي في حياتكِ .. وتعيشِ أيامها الحلوه والجميله .. أنتِ عروس وكما قلتي ( كنتِ عاديه ) لمه..؟؟ المهم الآن اقلبي صفحتكِ السابقة وأبداي من جديد .. تعاملي مع زوجكِ بلا كَلَـــفه وإحراج تدربي وحاولي .. إن طلبتي منه فهو زوجكِ والمسؤل الأول والأخير عنكِ .. أنتِ راقيه بتفكيركِ وزوجكِ راقي بتعامله حين يبحث عن سعادتكِ .. الخطأ وارد من الجميع .. الحياة الزوجية تعامل وتواد وألفه بمرور الأيام ستألفين بإذن الله . اسأل الله أن يوفقكِ الى الخير. |
| الساعة الآن 05:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©