ياريت الاهتمام من الدكتور
 

دكتور انا الحمد لله حامل بالشهر الاول وروحت للدكتورة وكتبتلي علي مجموعة تحاليل ومن ضمنهم تحليل بول وحسيت ان نتيجته فيها لخبطة شوية ممكن تفدني انا هقول لحضرتك النسب اللي شاكة فيها
MICROSCOPIC EXAMINATION
0 - 1
/H.P.F
8-10
RBCs
0 - 1
/H.P.F.
10-15
Pus Cells
Few
Epithelial Cells
Nil
Casts
Nil
Ova
Nil
Crystals
Few
Mucus
ممكن يا دكتور تقولي طبيعي ولا ايه

اول واحدة اللي هيا rbcs ديه النسب 8-10
والتانية اللي هيا pus cells النسبة بتاعتها 10-15
يا تري كده دول عالين ولا ايه ياريت الرد السريع

اه ارتفاع بسيط جدا بيقول ان فيه التهاب بسيط هاتكثري من شرب المياه بس
وتعملي تحليل تاني بعد اسبوعين

دكتور هو طبيعي اني احس بمغص في بطني من تحت بس هو مش جامد زي نغز كده وساعات مش بحس بحاجة خالص في الحمل في الشهر الاول

مش مشكلة طالما مش حاجة مؤلمة تجاهليه تماما

وماتنسيش تشربي مياه كويس

دكتور انا كان عندي التهابات قبل الحمل ومش عارفة اذا كانت خفت ولا ايه ودلوقتي النهاردة لقيت افرازات بني بس خفيفة اوي والافرازات ديه مش بتنزل لما انا عملت فحص بالمنديل لقتها ومجرد ما المنديل ينشف مش بلاقي لون للافرزات يعني لونها خفيف اوي ده كده يبقا ايه ياتري في خطورة علي الحمل ولا ايه انا معادي مع الدكتورة يوم السبت لسه وعايزة اطمن

لا لا مافيش اي خطورة ولاحاجة ماتقلقيش نهائي

دكتور انا دلوقتي الافرزات ديه لقيت لونها اغمق بدل ما كان اللون خفيف لقيته بني غامق كده وكتير شوية ده من ايه طيب يا دكتور وكده في خطورة علي الحمل

توقفي الجماع وترتاحي راحة تامة على ظهرك

وتروحي للكشف علشان نشوف لو سبب موضعي ولا الدم جاي من الرحم ولو كنا هانديكي اي ادوية

دكتور انا الحمد لله دلوقتي في الاسبوع السادس ومن تلات ايام كده ظهرت اعراض الغممان والقي بس كتير اوي يعني الغممان ده معايا طول اليوم والقي بيتكرر بتاع اربغ مرات في اليوم ولما اتصلت بالدكتورة ادتني علاج نافودوكسين وهو الحمد لله ريحني جدا هو فيه مشكلة لو انا استمريت عليه لحد لما اخلص الشهر التاني علي الاقل في خطورة علي الجنين عشان انا خايفة اسيب العلاج ده القئ يرجع تاني وانا بصراحة كنت مدمرة حتي المايه مكنتش عارفة اشربها خالص

بتاخديه مش مشكلة لغاية مالاعراض تخف شوية وتقدري توقفيه

الف سلامة

دكتور ممكن اسال اذا كان الحمل والكيس يكون فاضي بردو بيبقا معاه نفس اعراض الوحم والترجيع والغممان الحاد ولا بيبقا لو الكيس فاضي الاعراض بتبقا اخف ولا مفيش اعراض خالص ياريت تطمني هو فيه اعراض لو كيس الحمل فاضي ولا مفيش غير السونار

مافيش غير السونار وبلاش قلق دلوقت

الأعراض معتدمة على الهرمونات وهي في اول 3 شهور حمل بتيجي من المبيض

دكتور انا داوقتي حامل في الشهر الرابع في تاني اسبوع منه والدكتورة كانت طلبت مني تحليل سكر وعملته وطلع 94 صايم النسبه ديه كده كويسه كنت عايزة اعرف عبقال ما اروح للدكتورة بعد يومين

هي كويسة بس التحليل مش مناسب للحامل

احنا بنعمل للحامل تحليل اسمه
glucose tolerance test

اللي هو صايم وفاطر ولا ده واحد تاني غيره

لاده واحد مختلف بتروحي يعملك صايم الاول وبعدين بيديكي محلول مخصوص من عنده ويقيس مستوى السكر كل نص ساعة

ده اللي بنقيس بيه للحامل

طيب ده متوفر في مصر اي معمل يعني اصل الدكتورة بتقولي ان 94 ده كده الحد الاقصي للسكر الصايم واني لازم اروح لدكتور تغذيه عشان كده احتمال كبير يجليي سكر حمل بس ناس كتير غيرها قالتلي النسبه كويسه

اه طبعا متوافر وسهل جدا

انا انصحك تختاري معمل محترم وبكير للمصداقية والتحليل سهل جدا وزي الصائم والفاطر العادي بس بيدوكي هما المحلول بعد الصائم مش بتاكلي انت اللي عاوزاه وكمان بيقيسوا لك السكر اكتر من مرة ويرسموا رسم بياني