|
زميلي يسألني أين يذهب مع زوجته في الرياض؟
السلام عليكم
زميل لي يسألني وين نروح انا وزوجتي في الرياض غير المطاعم والأسواق والمولات وش اقوله شكراً لكم |
* : شاليهات الثمامة:d : * |
هههه
وش يوديهم للثمامه يطعسون؟ :) |
و عليكم السلام .. قل له الرياض ما فيها شئ ..
لا استغفر الله فيها العج و الحر إذا أنك بتنصح الرجال .. خله يصر قريشاته و إذا جت الإجازة يسافر و يفرقع الي جمعه و ذكره بحديث النبي اللهم صل عليه و سلم : الدنيا سجن المؤمن و جنة الكافر |
ههههه
والله يا اخوي الرجال موب راعي مطاعم ولا هالخرابيط كنا انا وياه نتقهوى الشاهي فوق الرصيف :) بس تخبر المدام توها جديده يبي يمشيها :) |
_منتزهات وأفضلها ((منتزة فانتزي لاند الترفيهي و شاليهات قرية الثمامة ومنتجع المرسى ))
وفيه مدن ترفيهيه عوائل : سبلاش مدينة مائيه للاطفال _ حديقة الحيوان بالملز . _ممكن يروحون لقصر المصمك .. |
موقع الهيئة العليا لتطوير الرياض ممكن يفيدك
|
والله قعدت أفكر وأفكر
أنت تقول ما تبغى مطاعم ولا أسواق للأسف ما عندنا إلا هذي لكن شف مركز الملك عبد العزيز التاريخي يحوي أشياء حلوة وحركات وحدائق ( شمال برج المياه القديم ) ـ المربع ـ متحف المربع قصر المصمك في الجوار أيضا مكتبة الملك عبد العزيز بالمربع ( نساء وقسم خاص رجال ) حلوة ومنظمة وعصرية ومتقدمة جدا يوجد بها إنترنت سرعة عالية مجانا أيضا يمكن تذهب للدرعية = تحوي آثار وشعبيات طريق النهضة حديقة الحيوان بالملز حديقة حلوة شرق أسواق مكة على طريق الملك فهد مباشرة تقاطع شارع المدينة |
,,,,,,,
|
عليكم السلام والرحمه،،
يحجز لهم شاليه فيه عنده لا زكوستر اذا كان الاسم صح ياخذ يومين يمدحونه بس ماجربت اروح لوه صوره منتشره بالكمبيوتر ،، مم المرسى سلامه موب على خبرك تغيرت تماما عن اول اهمال لامثيل له من كل النواحي ،، وممكن يطلعون يشوون طبعا اخر الليل في الثمامه لانها غالبا بتكون بارده هالفتره ،، مم حاولت اعصر مخي مااش ماقدرت هاذا اللي طلع معي ،، موفقين يارب. |
اخوي في الرياض مافيه شئ جميل للسياحة هي احد هذه الخيارات .!
1- المطاعم 2- شاليهات الثمامة مثل فانتزي لاند وإلخ. 3- الأسواق . غيـرة لا تدور شئ في الرياض .... أتمنى لك وله التوفيق . |
مسكين الرياض ما فيه شيء غير مطعم او سوق او فندق
ياخذها لطريق الملك عبد الله و يتمشون يروح لها للمكتبات كان اهتمامتهم للقراءة يتمشون بالسيارة و يشغل موسيقى |
أنا عروس جديدة وأنتقلت مع زوجي للرياض وحاسه بشعورها لأنو والله شيء يجيب الطفش :(
المهم الأماكن إلي نروحها ( في حديقة ورا مستشفى التخصصي تجننن واحبها كتييير - حديقة سلام رووووعة ( حديقة المناخ ماااااايقرب عليها ) مكتبة جرير ممتعة حديقة الحيوانات حلوة نطلع أعلى برررج المملكة مرررره ينفع للمتزوجين جدد ورومنسسسسسسسي بالليل يحمس :o كتير من الأاحيان نطلع نتمشى بالسيارة بشارع الملك عبد الله ونشتري آيسكريم جد والله حلوة التمشايه أحياناً نروح عالممشى ونشتري فصفص وكمان ممتعه حالياً هاده إلي أتذكره والحياة حلووووووة وين ماكانت:d |
خله يترك الرياض ويروح للشرقية أفضل اذا كان باستطاعته
|
الرياض مافيها الاسواق ومطاعم
وعندك الشاليهات اللي بالثمامة. فيها مسطحات خضراء وملاهي والذي منه اذا خويك مايبي اسواق ومطاعم خل يصك عليه هو وحريمته باب الدار ويسهرون على الافلام والمكسرات اخر الليل الرياض مابها الا هالشيئين |
| الساعة الآن 11:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©