|
كيف اتخلص من صمتي مع زوجي ؟
السلام عليكم ورحمة الله وبركاته
اسعد الله مسائكم كيف اتخلص من صمتي ؟ اغلب وقتي وانا صامته احس زوجي طفش هو يحب يتكلم كثير واغلب الوقت هو يتكلم ويتكلم وانا ساكته اسمع ولما يطلب مني اسولف اقوله ماعندي شي اقوله سولف انت انا احب سوالفك ويضل هو يحكي بس احسه مرات يطفش يبغاني اسولف اقول اي شي بس انا احس مافي شي يستاهل انه ينقال اخاف يمل في المستقبل بيتنا هدوووؤ ساعدوني تحياتي لكم |
لأنك ما احتكيتي بآخرين فما عندك جديد تسولفين به .. أنا مثلك أيام الأسبوع ما أخرج من بيتي فما عندي شيء جديد أسولف فيه عندي الانترنت وبس ، أحكّي زوجي عن المواقع اللي تصفحتها والمواضيع اللي شدتني ، وكذا .. أحيانًا نسولف بعمله يحتاج أشياء أساعده فيها ، وتمضي الساعات :) حتى إذا هو سولف ، لا تستمعي بصمت .. استمعي وتفاعلي مع كلامه ، أي كلمه ذكرتكي بسالفه هاتيها بسرعه لا تطير منك :) .. الله يوفقكم .. |
قولي اليه كلللللل شيييي سويتينه بالتفصيل
شغل البيت وشنو تفكرين وحتى بشنو حلمتين ههههههه.. ولما يكلمش بشي او موضوع ع الاقل ابدي رايش وبس الكلام بياخذكم ولابتسكتين موفقة حبيبتي وان شاء الله دوم سمن ع عسل |
اقتباس:
ببساطة إنك تبدأين تتكلمين |
انت ماشاء الله عليك من كثرة صمتك
حتى اسم ماسميتي نفسك :d عليك بقراءة مواضيع عن تطوير الذات والتعامل مع الزوج اللي الواحد عجز يقنعهم تكلموا قالوا ثرثارات سكتوا قالوا وش فيك |
مو بالضروره تكون سوالف وحكايات ..
انتم لسه في بدايات زواجكم .. فحاولي تجعلي الحوار بينكم تقارب وتوافق .. بمعنى :: افهمي زوجك اكثر من خلال حوارك معه ( مايحب ومايكره وما يتمنى منك ) وفي المقابل .. وضحي له شخصيتك وما تحبين وما تكرهين وغيرهااا من الامور التي بين الزوجين ليس لها نهايه..... |
تصدقين إني إذا أسكت يعتقدون الأهل إن فيه "بروبلم" :d ماشاء الله تبارك الله عليك. يبدو لي إنك عروس .. إن كنتي كذلك.. صدقيني الوضع طبيعي.. مع الوقت ترجعين لوضعك الطبيعي. أما إن كان هذه طبيعتك .. حاولي مرة واثنين وثلاثة حاولي مثلا الحديث عن أمور تحبينها "قراءة،رسم، أوو" حتى حاولي تناقشين معه أسباب صمتك. الله يوفقك يارب،،، |
حكيه عن مواقف مرت عليك في طفولتك .. عن شقاوتك عن أدبك عن مغامراتك كيف أول سنة دخلتي المدرسة كيف كنتي ..
وانتِ جالسة وساكتين قولي يالله حاسة بحنين لأيام الطفولة .. اتذكر موقف حصل لي مع ..... وأبدي بالحكاية وتتسلسل المواقف والقصص .. أي شي يخطر ببالك أحكيه .. ترا الرجال يحب يسمع صوت زوجته مو شرط يكون كلامها منطقي وعلمي وكله صح في صح لا مو شرط اهم شي سمعيه صوتك ضحكتك لأنه هو يشوف نفسه هو الصح دائما فلاتشيلين هم لو كانت سوالفك خرابيط وسعي صدرك .. والرجال مايطيق المراة الصامتة فحاولي قد ماتقدرين تجيبين اي سالفة لو كيف طبختي ومتى صحيتي ووش صار بيومك كله علقي على صرصور شفتيه وخفتي لاتحقرين أي سالفة بس طلعي صوت :23:.. الكتب والنت والصديقات تزيدك معلومات .. |
والله انا مثلج ما اتكلم ويا زوجيّ
للعلم زوجي مثلي مايتكلم نظل بساعات من دون صوت [ صمتً] عـ آلآقل زوجج يتلكم تفاعلي وياه باللي يقوله ،‘ علقي عـ كل شي . . انا نفسج بس من يتكلم زوجي اعلق وامدح فيه مرات اذا طال الصمت هـذآ طبع فيه /، |
اها يعني توش عروس
عاااادي خيوتي اني بالبداية كنت ادور المواضيع دوارة كانها خلصت من الدنيا ههههه بس الحين هو ساعات لين تكلم ماسكت واني ساكتة واحيانا لو اني ابتدي بس ما اسكر حلقي ههههه وهو ساكت بس اني اكثر هههه |
صدززز فيه حريم م يتكلمون >>>> عايشه م ع عالم ثرثار ^_^
عاتي علميه قد ايش تعبتي بتنظيف البيت خبريه عن طفولتس اكيد عندتس م واقف طفوليه كثيره خبريه عن القصص الغريبه الي تشوفينها بالمنتديات واذا تبين اعطيتس كورس بنطلاق السان ابشر بعزتس انا جاهزه كود ماعندي شغله الا انتظر هالتوجيه ادعيلي يحطوني برياض مايرموني باخر الدنيا تحيييييييييييييييييييييييييييييييتي |
ادخلي دورات ومنتديات مفيدة وتأكدي اول ما يصل الاطفال الى بيتك سوف لن يسكت لسانك
وانتي زوجة فاهمة عاقلة عاطفية ولن يغيب عن كيفية التخلص من الصمت |
سبحان الله بالخطوبه ما يسكر الجوال منكثر الكلام وتتمني لو يظل الخطيب عندك بس عشان تتكلمو
بعد الزواج هالامور بتتلاشى لوحدها ......... اول النار شرارة افتحي موضوع وشوفي كيف الكلام لوحده يطلع .... |
تعرفي على هوايايته و شاركيه أياها
بالامكان انك تختاري المواضيع الشيّقة التي تجذب زوجك وتكون محور اهتمامه وبالتالي تناقشينه فيها. |
اقتباس:
شاكره مرورك |
اقتباس:
وياك يا قمر |
اقتباس:
|
اقتباس:
وبالنسبه للقرأه بحضر دورات مركز مطمئنه وبثقف نفسي في هالجانب بس الظاهر وانا اختك الصمت متأصل في :( |
اقتباس:
|
اقتباس:
صارلي تقريبا ست شهور بس المشكله انو انا من يوم كنت طفله وانا صامته لدرجة انو اهلي كانو يضحكون علي ويقلون نقدر نحسب الكلمات الي تقولينها في اسبوع |
اعتقد تفكيرك بما تريدين الحديث به هو سبب مشكلتك
ربما حياتك الطالبيه اثرت فيك فاصبحت معتادة على اوراق الامتحان س1 ج1 عموما انصحك بالتالي لاتخجلي واطلقي العنان لنفسك لا تفكري او تقيمي حديثك معه انه يجب ان يكون ممتع له ام لا دائما اجمل الاحدايث والحوارات تائتي من دون تفكير مسبق فيها العفويه مطلوبه ولا تفكري كثيرا اطيب تمنياتي لك بايام جميله اخيكم بالله |
| الساعة الآن 09:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©