|
احبه بس مو قادره
السلام عليكم
خطيبي يبغى صوري ودايم يطلبها وانا دايم تعذره احنا توا لسى ماملكنا يقول له الدرجه مو واثقه فيني؟؟ حتى ساعات يطلب صور لو بس لشعري وانا دايم ارفض وهو يقول انتي بس ترفضي طلباتي وانا كل الطابات اللي يطلبها اسويها ((للمعلوميه خطيبي يقرب لي)) وش الحل؟؟ كيف اقنعه؟؟ |
اهلين اختي
امممم من واقع التجربة كثير من خوياني بنفس حالة خطيبك اول شي تطمني دامه قريبك وخطيبك وكذا مو ناوي الا كل خير بس عده طاقة حب وشهوته هي الي تخليه يطلب صور والله يجمعكم لبعض بس موضوع الصور وكذا مايختلف عليها اثنين ان اولها مايجوز حرام وبسبب تماديكم مع بعض طلب هالطلب واقناعه سهل اقنعية برسالة نصية مو بالكلام .. ترا برسالة نصية يجيك الكلام مرتب واحلى ومقنع اكثر مو مثل المكالمات ربكة وكذا اكتبيله بالرسالة كل الي بخاطرك ومخليك رافضة ترسلي صورته وانتي ادرى مننا ليش ماتبي ترسلي له صورك بس تبين وسيلة لي الاقناع .. ارسليلة رسالة اكتبي فيها كل الكلام الي بخاطرك ومن ضمنها بضيف من عندي ((خطيبتك مو مقتنعة بها الاسلوب وارسال صور وهالكلام وانت تعرف قناعاتي بها الشي وان كنت بتضغط علي وبتهمش مشاعري وبترضي مشاعرك بدون قناعة مني بتضايق منك وبشيل بخاطري منك )) عاد انتي ادرى مننا بالاساليب الي ممكن تقنعه ورتبي رسالة وسبب رفضك وارسليها وصدقيني ان كان بيحبك ويعزك والله لايبطل بس انتي الله يهديك رافضة بدون ماتقنعيه وهو عارف الي يسوي غلط بس يضغط عليك لان شهوته تطغا عليه مو بيده بس اقنعيه برسالة وشوفي رده وادعيلي ببنت الحلال اذا جابت نتيجة الرسالة :) بس نصيحة ابتعدو عن المكالمات مايجوز واذا مرة مرة خليكم متراسلين بالرسايل الله يوفقكم يارب |
انتي لسا ماتحلي له بأي حق يطلب صورك
قولي له هذا حرام واذا تملكنا يصير خير واذا مااقتنع لأنها حرام وطلبها ثاني هنا انتبهي على نفسك منه وكوني حذرة معه ولا تعطيه صورك نهائيا لو كان يقرب لك الشيطان حي مامات وانتوا لسا مخطوبين ولا تحلوا لبعض |
مشكورين ع الردود يالغالين
بس انا بينت له وجه نظري وانو احنا لسى مامملكنا يقول انا انصدمت من كلامك وماتوقعتك كذا تشكين فيني وربي انا اني قعدت ابكي من كلامه يقولي لو تحبني صدق كان وافقتي له الدرجه مو واثقه فيني وربيي احبه وامووت فيه وخايفه اخسره ساعدوني مو راضي يقتنع |
اذا هذه مشاكلكم وعقلياتكم الحين كيف بتعيشو مع بعض ؟
وبعدين تواصلكم لايجوز .. وكل اللي بينكم الحين لعب مراهقين واعذريني .. اقطعي علاقتك به حتى يرضى ربك عليك وييسر لك امورك .. وخليه يزعل عادي يعوضك الله بمن هو خير منه وصالح لأن يكون زوجاً لك او راح يرجع اذا هو صادق وراغب فيك كزوجه .. لاتتبعين عواطفك حكمي عقلك واثقلي .. احذري .. تعطيه صورك يزعل الحين لكن بكره اذا فعلا تزوجك راح يهينك وتصغرين في عيينه .. يمكن قسيت عليك بكلامي لكن والله انصحك كأخت محبه لك الخير وتريد مصلحتك .. الله يهديك ويوفقك لما هو خير لك .. |
:* عزيزتِي لاتعطيه صورة الصور عرضه للفقد والضياع حتى لو تثقي بالشخص لاتثقي بالمحيطين به وسبق لزوجي أيام الملكة أن طلب مني صورة ورفضت رفض قاطع ليس عدم ثقة به لكن خفت أن تسقط منه أو لا قدر الله يحدث أمر لايتمم الزواج وتظل صورتي معه :* لهذا الصورة ليست أمر آمن قد يجدها من يستغلها كخادمة أو صديق أو غير ذلك :* |
ياقلبي هو ما يحل لك وشلون تكلمينه اصلا ......لا ويطلب صورك بعد
اذا تملكتي كلميه واذا تزوجتي انتي اكبر صورة له خخخخخ |
عزيزتي ..
أخوي يوم كان عاقد قرانه على وحدة و فسخوا العقد في فترة الملكة ، رجع لها ألبوم صورها .. بس كان مازال محتفظ بصورها بجهاز كمبيوتره و ما مسحه و هي ما كانت تدري ، لإنه كان مصور الصور تبعها بالإسكنر .. ماعرف ؟ نسيان و لا إيش بالضبط .. الصراحة ، أنا من لقافتي .. مسحتها كلها و حذفت المجلد .. بس حلو بفترة الملكة ، إنك تتصوري و تحتفظي الصور بنفسك.. بس دحين لا تعطيه ، لإنه أجنبي عنك .. |
لسه عزيزتي مابعد تملكتوا لما تتملكوا وقتها تقدري ترسلي صورك
|
طيب كيف اقنعه ايش اقوله
ساعدوني سالفت اني اتركه ومااكلمه مااقدرت مره تعبت لدرجه دخلت المستشفى جيبولي حل ؟ |
أولاً .. تواصل الخطيب مع خطيبته يجوز لمناقشة أمور الزواج وما يتعلق بالنفسيات .. فرجاءً لا تعمموا فتخلطوا الأوراق مع بعضها ..
اقتباس:
اقتباس:
|
بما انه قريب لك فيجب أن يحرص عليك وعلى شرفك لأن كما قالت الأخت أعلاه بأن الصور عرضة للفقد حتى وإن كانت مع من نثق بهم، لذلك هل يرضى أن تعطي أخته صورها لأحد خطبها ولم يحدث بينهما شي حتى ملكة.
إذا كان مستعجل على ذلك فلما لا يقوم بعقد الملكة ثم يمكن أن تعطيه صورة لك بكل يسر |
اقتباس:
((الله ماشفناه بالعقل عرفناه)) بختصر عليك الموضوع على بلاطة... ماهو محرم لها ويعتبر اجنبي وماتجوز له مكالمته لاتقولي خطيبته ومدري ايش لما يملك عليها ذيك الساعة يتناقشو وياثثو بيتهم على راحتهم ...واحنا ماتعمقنا بذي النقطة لان عارفين اكثرنا نتمادى بها الشي ونستهين فيه وانا اولهم يارب اعفو عنا ويهدينا.. وانا وهي والكل عارفين انه مايجوز بس هذا بينها وبين ربها مايبغالها نقاش او حلول بس الحين مشكلتها تبي وسيلة اقناع هم تمادو ويطلب صورتها فهمت وبتحلل الصور بعد..؟ الله يهديك بس الدين حللنا النظرة الشرعية ولو قريت الموضوع كامل يقولها لو بس ترسلي شعرك .. وافهم يافهيم الادمي يبي اغراء يبي يتمتع وبدري بدري ومستعجل الله يهديه وهي تقربله وقد عارف شكلها يعني مايبي يشوف تصلحله او لا مثل ماحضرتك تقول والصورة مو بغرض النظرة الشرعية في شي اسمه نظرة شرعية وثانيا عارف شكلها ولاتفتي من راسك تحياتي |
الصور عادي مافيها شي
بس تواصلكم نفسه غلط خليه يعجل الملكه ساعتها خير |
احيانآ الرجآل تعجبـه البنت العنيدهـ الي عند مبدأهـأ .. قولي لهـ ( قلت لك صور مافي ) < وش بيزعل مثلا ؟ وربي بيحبك اكثر امآ كل ماقالك شي عاد رحتي جريتي سويتيه !! ترآ بعض البنات مدري شلون يعني خلاص زوجهـا او خطيبهـا تطيعه طاعه قوويه .. مآقولك تضاربي معاهـ .. بس وين حقوقك انتي وقوتك ؟ قولي لهــــــــ صور لاااااااااااا لااااا واذا زعل راضينه _^ بالتوفيق |
ابنتي الكريمة
اسأل الله العلي القدير أن يفرج همك وأن يجمعك به حلالا وعلى خير حال. بقدر قوة اندفاعه في الطلب بقدر ندمه على استجابتك ويعجبه تمنعك الآن أكثر بعد الزواج. النصيحة: عجلي بالملكه وإجعليه يرى الأصل لا الصور. |
حبيبتي انتبهي لا ترسلي له ولآ اي صورة لسا مابينكم عقد قران ..
وعجلوو بالملكه ايش منتظرين حبيبتي .. وفقك الوووولى =) |
مساء الخير
تخيلوا الخبر الصاعقه لما قلت لخطيبي عن سبب رفضي اعطيه صوري ارسلت له كلام وفهمته تخيلوا قال لي ( راح فتح النت ودور له صوره اي بنت وجلس يتفرج عليها ولا حاطها صوره شخصيه في المسن )) يقول انا كنت محتاجك وانت رفضتيني ... آآآآآآآآآآآآهـ شكلي اخرتها بحجز لي سرير في مستشفى شهااااار.. |
هلا اختي ...
نصيحه لاتعطيه صور لأن الدنيا مافيها امان يمكن صورك تنسرق منه اوضاع جواله .. الفضيحه على راسك .. اخوك - طلال |
ياقلبي خليه يحط اي صور يباهاا يبا يقهرك ويثتثير غيرتك ..
ماعليكي طنشيه ولا تنفعلي حبيبتي وخليكي على طبيعتك كانه ماهو مؤثر فيكي .. |
اقتباس:
100% ومع احترامي لخطيبك عقليته طفل والله منجد اكلمك اخصريكي منه ولاتعطيه بال انتي بكذا ضربتي عصفورين بحجر .. رضيتي ربك اولا وزدتيه تعلق فيكي والرجل تعجبه المرأه الي تصمم على رايها ويضرب لها الف حساب باي طلب ثاني يطلبه |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©