|
بكيت ومت بالحسرهـ ولا ادري وشهو احسسن لي ....~ قصتي ونزف قلبي المجروووح
اسعد الله اقاتكم بكل خير ....
اول مشاركه لي كنت زائره للمنتدى لقيت ان هالقسم هو المكان المناسب عشان ابوح فيه الي بخاطري وافضفض يمكن القى الراي السديد من اهل الخبرهـ والمعرفه .. بدايه حياتي تزوجت بعد ماكملت دراستي الجامعيه تقدم لي شخص عن طريق وحده من قريبته اتصلت على امي ومدحت الولد قالت والله لو عندي بنت لاازوجه اياها وذكرته بالخير طبعا جاء اليوم الموعود وتقدم لخطبتي وللاسف بدون والده لان كان هناك مششاكل بينهم وحطوا تحت مشاكل الف خط ......))) جاء وجاب جده يصير خال والده واقنعه يروح معاه وسبحان الله طلع هالشخص قريب من والدي لدرجه ان ابوي قاله عطيت البنت وكله تقدير لشخص هذا بعد كم يوم جاء العريس وكان موعد النظره الشرعيه طلعت له وشافني وكانت علامات الاعجاب واضحه عليه لدرجه انه يقطع كلآمه ويبتسم كل ماناظرت فيه يعني سبحان الله تألفت قلوبنا لبعض وانا بعد اعجبني وتمت الموافقه عليه .. طبعا بعدها بفتره صارت الملكه واهل الخير تدخلوا بينه وبين ابوه عشان يصلحون بينهم طول فتره الملكه والعلاقه حلوه صارت مشاكل يعني نقل كلام عن اخلاقه لانه مو من قبيلتنا وناس حذرا اخواني منه وللاسف اني بمجرد مابلغته اتصل بووالده وقاله وابوه ماكان منه الا كلم اخواني وبدى يبري ولده وانه رجال وهالي يتكلمون فيه مافيهم خير .....الخ بعدها تم الزواج الي صارت مشاكل بسبب تحديد مكان الحفله لان عايلته ساكنه بمكان غير اهلي وابوه يقول الحفله بديرتنا واحنا متكفلين بها وابوي يقول لا بنتي ماتطلع من عندي الا ومسوي لها الزواج وعلى حسابي بعد مشاكل وكلام كثير سوى ابوي الزواج وعلى حسابه وبعدها دخلت عش الزوجيه .. في البدايه كان شخص اقل ماقول عنه ماله شبيه يعني طيبه كرم اخلاق محبه ولو اطلب روحه ماكان يقصر لكن كان هذا كله بعد فشله ليلة الدخله من ان يتممها بشكل صحيح وللاسف الشديد جلست تسعه شهور وانا بنت ويشهد الله ماكان اي مخلوق على وجهه الارض يعرف بهذا الشي لانه قدرني وحبني فقلت لازم احفظ هالسر على العلم اني كنت احس انه مستنقص نفسه وقاعد يعوضها بعزايم وسهرات وسفريات وبعدها بفتره ربي فتح عليها الله واعلم المهم انه جاء وتم كل وشاف كل شي بعيني وتاكد اني بكر عدت الايام وصرت احسه يبعد عني وزادت المشاكل والشكوك وبعدها سافرنا عند اهله وسكنا معهم بالبيت بديت اتضايق من اقاربه وبالذات بنات عمانه واخواله يجون والوحد تلبس لبس فتنه وبمجرد ماتشوفه طالع من شقتنا طلعت قدامه وجلست تتمايع له هالوضع مافي حرمه ترضى به وجوالي اناع الازعاجات كل وحده تطلبه باسمه تقول عطيني زوجك ..!! وبارقام غريبه يعني تنكدت حياتي بسببهم ومع الوقت يتعمدون يجرحوني بالكلام لاني قعدت سنه وعليها ماحملت وسبق شررحت الاسباب يعني مقصر معاي بالمعاشره لكن انا ماحطيتها عثره قدامنا عادي استمرت حياتنا مع هالمضايقات صارو يشتكون لابوه مني ويشهد الله ان ماعمري جرحت وحده منهم او قلت لهها شي وزوجي يعرف اخلاقي وتربيتي صار ابوه يشوفوني والموت وام زوحي للاسف فيها غيره بحياتي ماشفت زي كذا اوقات البس جلابيه حمرا وتكون بلبسها عادي تروح غرفتها ولبست اي شي احمر ولطخت وجهها بمكياج تحسب بتقهرني واسوي نفسي مو فاهمه وقاعده اقول فتره وبرجع لبيتي يعني صااارت مواقف كثيره مافي مجال لذكرها رجعنا لبتنا وللاسف تغير كثير علي لاول مره يمد علي ويظربني وكله عشان خيانته لما كشفته ولسانه صاريتكلم باوسخ كلام ويقول انتي مو بكر تحمدي ربك ساتر عليك ومافضحتك انا اشوف طريقته واقول هذا حبيبي وابككككككككككككككي ليه صار كذا ليه ..؟؟ وكل يوم لازم مشكله حتى لو كنت هاديه وساكته لازم يجي ويسوي سالفه مع الوقت رحت بيت اهلي والله جلست شهر لاسال ولاشي وانا بمووت من البكى لاني احبه ومااتخيل حياتي بددوونه واتصلت عليه ورد علي بعد كم رساله اطلبه يكلمني ولما رد بدون نفس يقل نعم وش تبغين والله اني مو قادره اتكلم من كثر البكى واقول تعال خذني مو قادره اعيش بدونك وهو يسفه فيني يقول ايييه تبغين اجي يصير خير وكلها كم يوم وجاء اخذني ورب البيت مافتح فمه بكلمه بس وصلني البيت وطلع ماشفته الا اليوم الثاني جلسنا على هالحال الين حملت بقدره الله وطول فتره الحمل ضرب واهانه وهنا قللللللللللللللللللللب قلب يحبه ويسامح كل غلطاته اااااااااااااااااااااه بس ليتني مارضيت المهانه من اول وبعد ماولدت رحت عند اهلي وبعدها بشق الانفس جاء واخذني انا والنونو واستمرت الحياه على نفس المنوال لايبكي النونو لا اسمع صوته ابعديه عن وجهي اوووف ماكثر طلباته يعني يكرهه وكنه مو قطعه منــه صبرت ووتحملت وكان عند ولدي مرض يعني يحتاج متابعه وصبر وانا لوحدي ماكنت اقدر اتحمل لان اوقات اكمل يومين مانمت يعني احتاجه كثيـــــــر معاي مع الوقت قلت يابنت ليه ماتغيرين من نفسك خليه يحبك ويموت فيك مثل قبل .. واجي ابيع ذهب لي بحدود عشرين الف واعطيه قلت هديتي لك رح اشتر السياره الي تبغاها انا اعرف ان خاطرك فيها وكمل على الي عطيتك اهم شي راحتك فرح بتصرفي هذا وحب راسي وقال مشكوره الله لايحرمني منك وصار يجلس معي ومع الولد ورجعت طلعاتنا زي قبل قلت يالله وين هالحل من زمان.. وبعد ماشراها وانبسط فيها كم شهر بدت ترجع حالته الاوله وقعلا طلعنا جلسه في مطعم واتفاجا انه يطلبني ابيع ذهب لي عشان يبغى مبلغ قلت ابشر اعطيه من عيوني على العيد ابوي واخواني واقاربي يعايدوني على طول بس يطلعون لازم ياخذها يعني خلاص فتحت لنفسي باب ان انا الي اصرف مع الوقت صرت ادبر فلوس ورواتبه الله العالم وين تروح وانا ابغى بس رضاه في النهايه رحنا اجازه هالسنه ولالااسف الشديد صاارت مشاكل وكنت مكبــــــوووته لدرجه مااحد يتصورها ورحت لبيت اهلي واعطيته الولد قلت يربيه هو واهله لاني اعرف مابيصررف عليه وهو مريض يحتاج رعايه واهلي مو قابلينه ولا بيتحملنه طويت على قلبي وضغطت عليه والله الله والله اني نزلت من السياره وبس قفلت الباب شاهقت من البكا لاني احبــــه واموووت فيه ومارضيت به زوج الا لاني ابغى اعيش حياتي كلها معاه لكن حسيت نفسي رخيصصه عنده لدرجه مااحد يتصوورها حسيت بالالم والقهر والظلم آآآآآآآآآآآآآآآآآآآآآآآآآآآآآآآآآهــ ثم آآآآآآآآآآآآآآآآآآآآآآآآآآآآآآآآآآآآآآآآآآآآآهـ طلقني وارسل الورقه ويقول الله يوفقها بحياتها تنساني وتنسى يوم عاشته معاي فيه انا بس اقول ليه تخلى عني بالسهوله هاااذي ليه هانت عليه العشششره كيف طاوعه قلبه يروح المحكمه ويطلقني وانا في يوم من الايام كنت اتحمل حتى تفلته بوجهي وانتو بكرامه واقول سامحيه هذا حبيبك انا تعبت وصارت نفسيتي تعبانه وثقتي بنفسي مهزوزه احس ان مهما اسوي من شي ماراح انسساه ابغى مشورتكم ومساعدتكم وعلى فكره اغلب احداث حياتي ماذكرتها لان الكلام راح يطول لكن كل الي اقدر اقوله ان قلبي معاااااه وتفكيري ليه ماقدرت اعيش مثل ماهو عايش الحين ومستمتع بحياته |
احب اضيف شغله ان والده مبسوط جدا من الي صار ويقول الحمد لله الي رجع لنا ولدنا
وانا بزوجه اطلق البنات طيب ياعمي مو انا الي كنت سبب في الصلح بينكم يوم من الايام ياعم مو انا كانت لاصارت مشكله بين ولدك واخوانه انا اتدخل اصلح بينهم والله كنت اتصل على اخوانه واقول تكفون سامحوه لاتزعلون هو شوي عصبي مايتمالك اعصابه ...) على العلم ان اخوانه يقدرني ويحترموني والله اني لو اطلب اي شي لي او لولدي يجيبونه يعني سبحان الله طيبتهم مره تذكر ياعم بيوم جيتني وقلت يابنتـــي اقدر لك صبرك على ولدي بيوم الله هداك واعترفت باني بنت ناس .. يالله معاناه من جد لما اتذكر واتذكر واتععععععب من كل هالذكريات . اتصلت بعد ماطلقني على البيت لاول مره وكنت ابغى اكلم ولدي وللاسف الشديد ابوه الي رد علي ولما عرف اني انا تكلم علي وسبني ويقول مالك ولد عندنا وهو يسب ااانا ابكي من القهر واخرتها يقفل السماعه بوجهي ياناااس ش هالقلووب عندهم |
حياتي لا يضيق خاطرك مثل هذا والله ما عليه حسافه لا تقدير ولا احترام اي حياه زوجيه ممكن تستمر انتى متزوجه عشان رجل يكرمك ولا رجل يجلس يذل فيكي مدام رسل لك ورقة الطلاق اجل الي ما يبينا ما نبيه نصحيه من اخت صلاة الليل فيه راحه كبيره ونصر قريب دايم قولي اللهم اجرني في مصيبتي واخلف لي خيرا منها ولا حول ولا قوة الا بالله
وحسبي الله ونعم الوكيل منو قلك ان مثل هذا الزوج الظالم ربي رايح يتركه في حاله صديقني وربي لاجيه يوم الجزاء من جنس العمل اهم شئ لحين خليك واثقه من نفسك انتي ما قصرتي معاه اجل هذا ما عليه حسافه وبعد يتفضل انه سترك من الفضحيه عن جد كلمة رجل فيه حرام انتي بنت رجال والي ما يقدر بنات الرجال ما انزل دمعه من عيوني عليه اكيد هذا زوجك وابو ابنك وفيه ايام حلوه بينكم بس هو ما قدر هذا الشئ ما قدر زوجه ما قدر ام عياله ما قدر عشره تبعين ذهبك عشانه يقوم يستغلك مصيبتنا نكون طبين معاهم يستغلون الطبيه لصالحهم كانه يقول احمدري ربك حصلتي رجل وعلى فكره في بعض الرجال يفضلون الزوجه الي تكون شخصيتها قويه لان الضعيفه عندهم تقبل وترضى بس القويه بتدخل في عينه بس انتي سويتي باصلك كنتي تبي رضاه وهذا الجزاء اسفه على الاطاله الله يجبر كسرك ويعوضك خير لا يضيق خاطرك وخليك قويه ثقي انه مع الله مراح يضيع وثق ثقه تامه انتي سويتي باصلك وهو الخسران نقطه اخيره اتفكري عنده خوات وراح تشوفي مهما طال الوقت ولا قصر الي يظلم بنات الناس هل هو واثق انه ربي مراح يسلط على خواته |
تألمت كثيييييييييييير لقصتك وعلى قولتهم مايحس بالنار الا واطيها !!
الله يعييييييييينك ويفرج ضيقتك ويخلف عليكِ بخيييييير صدقيني انسان مثل هذا مايستاهلك الحياة الزوجية شراكه بين اثنين قايمه على الحب والمودة هو وش قدم لك ليش انتي الي تضحين وتعطين وهو بس ياخذ ؟!! مشاعرك يالغالية طبيعية انتي بنيتي بخيالك حياة رائعة وهو خذلك وطبيعييييييييي تحبينه هذا اول رجل بحياااااااااااتك واخلصتي بمشاعرك وطبيعي جدا ماتنسينه بسهولة يكفي ان بينكم طفل بس انتي حاااااااولي ومثل مافيه مثل هالنوعية من الرجااااااال فيه نوعية ثانية تنحط على الجرح يبرى رجال تقدر المرأة وتحترمها والحياة الزوجية ماهي يوم والا يومين هذي حياة دايمة كيف تكون إذا كانت كله توتر وعدم احترااااااااام ! وتأكدي ان الله اراد بك خييييييييييير وهو ارحم بك من امك وابوك الله يوفقك ويسعدك |
لا حول ولا قوة إلا بالله
لا تتضايقي أختي...هذا ابتلاء من الله لكِ نعرف جيدا أن المصاب جلل لكن صديقنى انتي فتاة طيبة تستحق الخير الكثير فلا تبكي ولا تتألمي على إنسان لا يستحق أختى هذا رجل غير ملتزم لم يخشَ الله فيكِ ولا في بنيكِ ...فأزيله من قلبك صدقينى انتى تستحقي افضل منه بكثيييييييييير انسان غير ملتزم ولا أخلاق له ويضرب ويهين زوجته؟؟؟ ماذا نريد منه!! الله خلصك منه..وعله خير لكِ..ماذا لو جاءك منه اكثر من طفل؟ لربما بالمستقبل ستكون حياتك معه اصعب فريحك الله منه اعلمى وان تزوج سيندك على اللحظة التى تركك بها لن يجد مثلك ابدا..وسيبقى يتذكر صفاتك الطيبة فكما تدين تدان..ومالله بغافل عما يعمل الظالمون وإن الله يمهل ولا يهمل فاعملي ان الله سيعوووووووووضك الكثير لكن قلييلا من الصبر اصبري واصببري واصبري حتى يمن الله عليكِ بالفرج |
أعانك الله أختي وصبرك على ماابتلاك عليه ...
بتعرفي اختي انت المفروض تصلي ركعتين شكر وتحمدي ربك الحين على انه خلصك من هذا الانسان .. ربنا هوه الي يختار للانسان طريق الخير وهوه مايدري .. يعني ربنا اختارلك الخير حبيبتي . هذا الانسان اكييد حب وحده ثانيه من هذول الي قلتي عنهم او وحده مسويتله عمل او شي .. يعني مابيتغير من فراغ طالما كان يحبك. وحتى لو هوه مافي وحده بحياته بما ان يعاملك بهذه الطريقه هذي مو بحياه اسمحيلي .. حاولي تصارحي نفسك .. اقعدي من نفسك وتكلمي معاها وكلمي ( عقلك ) وليس ( قلبك ) لان قلبك رح يقولك انه بيحبه ولكن عقلك رح يقولك ليييش؟؟؟ هل في شي هالانسان يستاهل حبك وتضحييتك الكبيره هذه .. هل هالانسان ضحا لك مثل ماانتي ضحيتي له ؟؟؟؟ هل انا كنت سعيده معاه فعلا ام كنت اتمثل السعاده واحسس نفسي اني سعيده ؟؟؟ الزواج حبيبتي مو انك تعيشي مع رجل فقط بدون مشاعر ولا حتى كرامه .. لا طبعا الزواج حب وحنان وتفاهم وعشره وتقدير لكلا الطرفين ، لم تتوفر هذه الامور معناها اقعد طول عمري ولا حد يمس كرامتي ويهيني .... ثقي تماما برب العالمين وانه رح يعوضك بحياتك او مع انسان اخر ان شاءالله ..ادعي ربنا وتقربيله بالصلاه واشكيله، وحاولي انك تمسحي هالانسان من قلبك وحياتك ولا تخلي قلبك يتعلق بانسان بل بمجرم.. لانه ظلمك واهانك لااعرف كيف بتحبيه بعد كل هالاهانات. نحن بشر والبشر مكرمين ورب العالمين مايرضى بالاهانه والظلم . وصدقيني بيجي يوم عليه ويندم ويتحسر على كل شي عمله معاكي لانه ربنا يمهل ولايهمل .. والله يعوضك ويصبرك ويفتح عليكي ويفرج همك وينسيكي الماضي |
معلش حبيبتي سؤال صغير
لماذا تبكين هل اشتقتي للشتايم او للضرب وولدك له رب يحفظه استودعيه الله سبحانه وتعالى ما تخافي ابوه عمل هيك فقط لتصحي وتشوفي حياتك اهتمي بنفسك وادعي دعا ام سيدنا عيسى عليهم السلام قومي لا حب بلا خرابيط قومي حبيبتي واسجدي لله سبحانه وتعالى قومي يا ماما الي باعك بيعو اردي ان افهم انو وقت الواحد بدو يخطب وتسالة عنو سكون الجوااب : اخلاق ويصلي ووووو ويعملو ملاك نازل من السما ووقت يتزوجو يذوب الثلج ويبان المرج قومي حبيبتي وشوفي مستقبلك ماذا كنتي تدرسين هل انت موظفه اذا كان لا ادخلي اي معهد وادرسي فيه واشغلي وقتك ولا تستسلمي للشيطان اللي يزين لك طليقك والله ما شفت شي من كلامك يشجع انو والله اذا غير عقلو تردعي له رددي اللهم اجرني في مصيبتي واخلف لي خيرا منه |
حسبي الله ونعم الوكيل
ربي يعوضك مريت بتجربه شبيه بتجربتك لكن الحمدالله مصيبتي اهون ربي يفرج همك ويعوضك وربك يهمهل ولا يهمل وهو ظالم وعمره الظالم ما يتهنى بحياتي صح بنشوفه فرحان ومتهني بس تظنين ربك راضي الحين على بو يسوي فيك ....لا ربك كريم ورحمته فوق كل شيئ تذكري عندك ركوعك وانتي تردد ب سبحان ربي العظيم وعند سجودك ب سبحان ربي الاعلى عظيم جل شأنه وفوق كل شئ ...ف ربي يجبر بخاطرك ويخفف عني (ربي إني مسني الضر وأنت أرحم الراحمين) (ربي إني لما أنزلت إلي من خير فقير ) وعليك بالاستغفار: أنت ثقتي في كلّ كربٍ ، وأنت رجائي في كلّ شدةٍ ، وأنت لي في كلّ أمرٍ نزل بي ثقة وعدة ، كم من كربٍ يضعف عنه الفؤاد ، وتقلّ فيه الحيلة ، ويخذل فيه القريب ، ويشمت به العدو ، وتُعييني فيه الأمور ، أنزلته بك وشكوته إليك راغباً فيه إليك عمّن سواك ، ففرجته وكشفته عني وكفيتنيه . فأنت وليُّ كلّ نعمةٍ ، وصاحبُ كلّ حاجةٍ ، ومنتهى كلّ رغبةٍ ، فلك الحمد كثيراً ولك المنّ فاضلاً. اللهم صل على محمد وآل محمد وصبرني وقويني واقضي لي حاجتي يا من لا يرد سائله ولا يخيب آمله .. ارحمني برحمتك الواسعة يا أرحم الراحمين .. |
شوفي الموضوع إلي بتوقيعي و إن شاء الله تستفيدين منه
|
اسأل الله العظيم ان يربط على قلبك ،، عزيزتي اللي مثل طليقك فرقااااه غنيمة وستدركين ذلك بعد ان تتعافي من الصدمة بإذن الله ،، اوصيك بالصلااااااااة وكثرة السجوووووود بوحي لخالقك بما في نفسك فهو اعلم بك وارحم بحالك ولا ترفعي رأسك الا وقد أخرجتي ما في نفسك ،، اعانك الله
|
فرج الله همك يا اختي قولي حسبي الله ونعم الوكيل وصلي صلاه الليل واقري سوره البقره كل يوم وتشوفي الفرج وتسمعي ايش يصير فيه
مريت بشبه قصتك بس بدون ضرب ولا اهانه بعد زواج سبعه شهور وتنازلي على امور كثيره وحب وسعاده فجاه يقولي ابغا اتزوج فطلبت الطلاق وطلقني بكل سهوله زيك ومن سنه وانا في لليل والنهار اقرا سوره البقره كانت البلسم على جروحي ويالطيف ما شاف هو وزجته يوم راحه وانجب ولد مريض وحالته خطيره ونادم على ظلمه لي وطلق زوجته الان بعد ما خسرته اشياء كتير . انا قلت قصتي عشان تعرفي اكيد ربي ياخد حقك منه انتظري وتقربي من الله في قيام الليل وادعي يخرجه من قلبك ويعوض عليكي بالخير نصيحه كل ما تحسي بالم وتبكي امسكي القران واقري سوره البقره تحسي براحه بعد الانتهاء منها كامله . قال تعالى( ومن يبدل نعمه الله من بعد ما جاته فان الله شديد العقاب ) |
اقتباس:
تصدقين ان اغلب اقاربي فرحوا بالخبر هذا الكــل يقول احمدي ربك الي خارجك منه وتطلقتي بدون مشاكل بس انا متحسفه لاني تزوجت ويشهد الله ماكنت ابي اكثر من اني اكون مبسوطه معاه على اني قدمت كثيـر من التضحيات عششانه هو بس لكن بالنهايه حسيت اني طلعت من هالزواج خسرانه قلب تحمل الكثير والكثير وبعد ولدي حبيب قلبي الي ابكي على فراقه اليل والنهااار لانه بحاجتي اكثر من اي احد لكن والله ماتصرفت كذا الا لاني حسيت اني انسانه ماعندها كرامه انسانه فقدت ابسطت حقوقها كزوجه .. ندمت اني تخليت عن ولدي وكنت اتوقــع اني اذا تركته راااح يعرف قيمتي ويعرف وش كثر تحملت التعب وسهرت على راحه ولدي لكن بمجرد مازعلت قد على خدامه وجابهاا لولدي ويضل تحت رعاية امه وارسل الورقه وبــــكل بسساطه كاني شي لم اكن اااااااااااااااهـ يامراره الاحساس الي اعيشه برغم اني اتناسى كل شي لكن فجاءه اتذكر واتذكر واقول معقوله خمس سنوات راحت واكتشف بالاخير اني صرت نسيا منسيا شعور مؤلم احتااااج لوقت وربما سنين حتى اخرج من هالحاله.. اقدر لكي تواجدي ومواساتي واسال الله في عالي سماااه ان ينصرنــي عليهم فانهم لآيعجزون رب العالمين شكرا ولاتــفي هالحضور ياغاليه |
:* شوفي ياحبيبة الله عزوجل رايد لك الخير صدقيني الطيبون للطيبات وأنتِ طيبة وبنت أجواد وكريمة أصل وهو الله يرفع عنه ولايبلانا (نذل مع مرتبة الشرف) :* أنا واثقة أن رب العباد برحمته وقوته راح يكافئك على صبرك خير وكوني واثقة مافي شيء يضيع عند ربنا وهو صدقيني بتسمعين بيوم عقابة وأنتِ أرفعي رأسك فوق تخلصتي من شخص دنيء نفس ماعنده أي صفة من صفات الرجولة وهذا ماينبكى عليه هذا تصلين شكر لله على فرقاه لأن فرقاه عيد وأبغاكِ تكوني قوية وواثقة من نفسك وألف واحد يتمنون وحدة بصفاتك وإلي قلبه نظيف ونيته سليمة لايخاف ربي معه ومدام الله معاكِ لايهمونك الناس بس يبغالك شوية صبر وثقة بالله وعيشي حياتك بالطول والعرض وأبنك إذا تقدري تخلي الشيخ يحدد لك زيارة يجيك فيها فأسعي لهذا الأمر لأن طفلك من حقك تشوفيه وتخليك عنه غلطة بس حاولي تصححيها بطلب زيارة لأنه بحاجتك الله يعوضك بالزوج إلي يسعد قلبك ويستاهلك :* |
صدقيني زعلت كتير لكن حبيبتي طولي بالك........الي باعك بعيه اكيد صعب لكن مش مستحيل هاي شغلة شغلة تانية تأكدي تماما انه ظلمك والظلم ظلمات يوم القيامة راح يجي يوم ربنا ياخدلك حقك طولي بالك ويمكن يجيكي واحد احسن منه ويعرف ويندم ندم العمر كله بتعرفيش كيف ربنا حيعاقبه لانه بنات الناس مش لعبة والله يعينها الي بدها تاخده بعدك راح تاعني زيك.........طولي بالك واحمدي الله انه بعدك عنه وابنك اله رب حاميه صدقيني كل ظالم اله نهاية مهما طالت الا ما تيجي موفقة يارب وطمنينا عليكي يا عسل
|
اقتباس:
ولك بالمثل ربي يسعدك ويوفقك دنيا واخرهـ وصدقيني ماتتخيلين كيف حسيت انششال عني هم من مشاركتكم لي ودعواتكم الله لآيخليني منكم ويجعل لي في قلوب الناس محبه ورحمــه.. تصدقين بالله اني كنت ابكي دم عشان يجيب خدامه تساعدني لاني كنت اتنوم مع ولدي بالمستشفى لايام والله والله والله اني خليت امي تسافر وتجي عشان بس اقدر اخليها تقعد دقايق مع ولدي واقدر انااام يعني كان وضعي يحتاج لوحده تساعدني وحالته الماديه ماعليها يقدر يجيب ويشهد الله اني عطيته واقترحت عليه لو يطلب ابوه يساعدنا بمبلغ بسيط حالته الماديه ممتازه والله اخذ الفلوس وليومك هذا وهي عنده وبمجرد ماطلقني قدم شغاله وصارت عندهم بالبيت طيب يازوجي يابو ولدي ياشريك حيــاتي ليه ماجبتها وانا معاااك وبحاجتها آآآآآآآآآآآآآآآآآآآآآآآهـ اآآآآآآآآآآآآآآآآآآآآآآهـ ياذكريات كل مااتذكرها اتحسسر ياليتني ماتزوجته والله اني احس انه ضيعني وحطم كل شي حلو بداخلي ياناس ماكنت اطلب الا السسستر والراحه والاستقرار قسم بايات الله ياحتي العيد اني ماكنت اكلف عليه بكسوه والا بشي يشتريه وياكم اروح جمعات لاقاربي وخواتي والكل يستغرب اني ماني هذيك الاوله الي كنت اهتم باللبس والاناقه وكله عشان خاطره احس اني اكلف عليه لو قلت ودني واقسم بالله انها تمر شهور وشهور وياالسوق اني ماروحه يعني كان هو كل شي بحياتي اداريــه واراعي مشاعره واخرتها يقول لي وش يعني لو رحتـــي رآآآآآآآآآآآآح الي اغلى منك وكانت هاذي اخر كلمه قالها لي قبل انزل من السياره واقول معروفي معاه وطيبتي له اكيد مابيتعدى اسبوع الا وهو جااي يعتذر وربي انه ليومك هذا لآحس ولآخبر ماغير وحده من اقاربه تكلمني وتعطيني بعض الاخبار عنهم على انهم يعرفون انها تكلمني فكل شي يخبونه عنها مشكوره على تواجدك وعلى كلآمك الي اثلج صدري انا ارد واطلع الي بخاطريي لانه محتاجه اتكلم محتاجه افضفض من الالم الي بداخلي ربي لايحرمكم الاجر |
اقتباس:
الزواج قسسمه ونصيب وانا مؤمنه بقضاء الله وقددره ولكن انا من النوع الي ذاكرتي وقلبــي دووم ينشغل بــ الناس الي عاشرتهم مابالك في انسان رضيت به زوجآ لي اتذكر انه كان يحكي لاخته عنــي ويكثر في الثناء من اني انسانه طيبه وكيف اني احافظ على سعادته لدرجه انه يقول لها انها تشتري الشي الرخيص عشان ماتحملني فوق طاقتي مدييييح كثيـر كان يقوله بغيابي ....!! لكن الان لماذا اصبحت نسيا منسياااا كنت احتاج مشاعره هاذي تكون امامي كنت اتمنى اذا تضايق او في باله شي يقوله لكن انسسان مكاابر لدرجه لا احد يتصورها لكن انا متيقنه انه راااح يندم على كل شي سوواه معاي الله يعوض صبـري خير ويرزقني من حيث لا احتسب انه على كل شي قدير اششكرك ولا تكفي ياغاليه على هالحضور والمشاركه |
ياحبيبتي ليش تتضايقين الحمدلله إنك عشتي فترة قصيرة مع إنسان ماقدرك ولا قدر تضحياتك
هذا المفروض تقنعين عقلك بكرهه بالغصب عسى الله ينزع محبته من قلبك قولي آآآمين والله هالنوعية ماعليهم حسافة يوم إنك تقدمين وتعطين وتحبين وبالنهاية مكأفاتك الطلاق حسبي الله ونعم الوكيل فيهم لكن عليك بسهام الليل غاليتي والاستغفار واعلمي أن امرك خيررررر فالله لم يقدره لك الا خيرة لك والدنيا كلها رايحه تتضايقين عشان رجل كرري اللهم أجعل همي الاخرة والله يوفقك ويعوضنا وياك بما هو أفضل بإذن الله |
حسبي الله ونعم الوكييييييييييييل
|
الله يفرج همك واستخيري ربك وادعيه ازا لسه فيه خير بيرجعلك مالك غير رب العالمين ازا لسه بتحبيه وانشاءالله يحنن قلبه ويرجعه احسن من الاول الدعاء برد القضاء وانشاءالله بينلم شملكن
|
دنيا القوي فيها حكم خان المبادئ والقيم لو يدري أن الله ورااااه ما يووووووم في عمره ظلم
|
اقتباس:
الغلط من البدايه كان منــي المفرووض اني ماتمديت في محبته لدرجه هاااذي والله ان حبه يجري كمجرى الدم فيني وكنت اقول سامحيه لانه حبيبك وهذا اخر ماسوى فيني طلاق وفوق هذا قد ارسلت له كم رساله قبل مايطلق واقول ان ودي نرجع لبعض ومن هالكلام بين زوجين واتفاجا ان راح وقال هالشي لاهله وصديق له ووصل الخبر لاخواني كانت صدمه قويه لي انه تصرف بالشكل هذا ومـــازلت ابكيه الى الان وكاني لم افيق من هذه الصدمه .. الششكر لهذا الحضور والمشاركه الرائعه |
تكفير ذنوب ... اصبري وانا اختك
حسبي الله ونعم الوكيل... والله قصتك تعور القلب لكن الحمد لله إن رحمة الله وسعت كل شيء وطلعيه من قلبك هذا ما يستاهل وناجي ربك تالي الليل وادعيه ان يرد ابنك لك... يارب انت القادر على ذلك وادعيه ينور لك قلبك بحبه وحب طاعته سبحانه وانسي اللي فات وقوي نفسك وعيشي لعمرك وبـــــس محد يستاهل دمعه من عيونك والله محد يستاهل |
كرري.... اللهم اجرني في مصيبتي واخلف لي خير منها
تألمت كثيرا لما جرى لك .. |
الله يعينك بس حبيت اقول لك ان من حقك حضانة الولد
يعني لو تقدمين دعوى في المحكمة مباشرة يحكم لك بالحضانه ,,, وكل ريال عطيتيه اياه على سبيل الهبه يرجعه لك لانك انما اعطيتيه اياه لتدوم العشره مش لاجل ان يطلقك هكذا قال العلماء ,,, فعلا قد قيل من يعطي كثيرا يندم كثيرا ,,,, |
اعتذر منكم ياالغالين لا استطيـــع الرد عليكم
نفسيتي جدآ تعبـــــانه .. الطــلاق دماااااااااااااااااااااار دماااااااار لكل انثى |
اقتباس:
أعلم ان المصاب جلل ... وأنك تحتاجين لصبر عظيم لكن اعملى انه لكل إنسان همومه...الله ابتلى الجميع صدقيني الله ابتلى الجميع لكن لكل هم وابتلاء يختلف عن الآخر أريد ان اقص لك أمر عجبا وقد تكلمت بنفسي مع هذه الأم تقول لي لى من الاولاد 5اولاد وابتان جاءتنى اول مولودة فتاة ثم خمس اولاد ثم فتاة تقول ابنتى الكبرى كانت فتاة طيبة ...المهم مع الايام بدات تتعرف على صديقات سيئات الخلق وتخبرني وتقول اصبحت ابنتى تتعرف علىى شباب كثر عبر الجوالات وتحادث هذا وذاك اكتشف امرها ثم اخذ والدها منها الجوالات كلها سرقت ذهب امها...ومنه بدات تشترى الجوالات وتخفيها وتتصل بالسر على الرجال لتتسامر معهم بالليل.... الام كادت ان تفقد عقلها بعد ماعلمت ان ابنتها من تسرق المال والذهب فاخبرت والدها فحبسها الوالد ومنعها من الخروج وترك اخوانها حرس عليها في يوم من الايام خرج اخوانها من البيت..وكانت قد اخفت جوال في مكان ما...فاتصلت بشاب ودعته لبيتها طالما مافى حدا بالبيت...وقدر الله ان ياتى اخاها بذلك الوقت وتم مسكه قبل ان تتم الكارثة والان هذه الفتاة محبوسة ببيت اهلها بدوووووووون خروج اطلاقا لكنها تؤذي...كشفت لى امها عن ساقها فإذا بساقها بورم عظيم قلت لها مما هذا؟ قالت ابنتى عضتني وتسسممت قدمي ابنتها بكامل قواها لكنها لاصلاة ولاتساعد امها... ابدا وحاليا هذه الفتاة تهدد امها وتقول سوف اطلقك من والدي وهكذا مخلية حيات اهلها بالبيت جحيييييييييييييييييييييم تضرب وتضرب حتى امها لا تسلم منها مااود قوله...ان لكل انسان هم وابتلاء يجعله يرى الدنيا كانهاسواد بسواد صدقيني اختي كل عنده همه وكل كرب...لكن تختلف من شخص لآخر هذه هي الدنيا دار بلاء لا دار استواء وقد قال الله في كتابه العزيز ( إنما يوفى الصابرون اجرهم بغير حساب) تخيلي ان الصابرين يدخلون الجنة بغير حساب؟؟ ولما هذا الاجر؟؟؟؟ لاننا صبرنا وصبرنا وصبرنا اعود لك لاحقا لاذكر لك قصة عايشتها مع صديقتى اسال الله ان يفرج كربك اختى واعلميييييييييييييييي ان هذا ابتلاء اصبري واصبري يااختى فمهما اشتد الحبل فلا بد له ان ينقطع ومهما اشتد الليل فلا بد ان ياتى النهار فرج الله كربك حبيبتى |
اقتباس:
أدعوكِ الآن لتملئي قلبك بحب الله وحب الله فقط استيقظي بالثلث الاخير من الليل وقبل صلاة الفجر..وصلى القيام ثم ابدئي بالبكاء.. لكن البكاء شوقا لخالقك...الجئي لله..الجئي للرحمن الرحيم الجئي لمن خلقك وخلقه اتركي البشر والله لن ينفعكِ أحدا منهم ...بكاءك لن يعيده لكِ ابكي شوقا وحبا لله فليت هذه الدموع تكون شوقا لحبيك وهو الله سبحانه وتعالى الذى خلق ورزق واعملى وتيقني ان الله سيعوضك بأفضل منه وسيندم ذلك الرجل كل الندم على تفريطه بك الآن الجئي لله ولله فقط اتركيه...سياتى يود وتجدينه هو من يركض خلفك لا أنتِ توجهى لرب العباد واشتكي همك له فرج الله كربك حبيبتى أذكر لك قصة صديقتي وهى انها تزوجت وعمرها 16سنة من شاب المهم بعد ايام فجعت هذه الفتاة من اخلاق زوجها ..اذ يضربها بلا رحمة وكان يصب عليها زيت مغلي وقد عانت من الحروق ما عانت وكانت صغيرة بالسن صبرت معه سنتين عذاب بعذاب اتعلمين كان يهددها زوجها ان اخبرت احدا انه سوف يقتل اخاها ,,,وهذه الفتاة واخوها هم وحيدا امهم فخافت عليه كثرا.....وتحملت الضرب والاهانة وكان عمرها 16سنو تخيلي معى؟ طفلة المهم بعد فترة لم تعد تتحمل اذ ضربها بسكين كادت ان تقطع رقبتها فهربت من بيتها لبيت اهلها ... اتعلمين معها منه طفلين, قد عرضت نفسها وجروحها على المحامى وراى ماجرى لها وقد اخذت ولديها حضانة لديها المهم تخصلت منه وارتاحت وبعد مرور سنتين اتصل بها اخ زوجها ...واخ زوجها اسير في سجون الاحتلال...لقد وصلت صورها اليه من اخيه واعجب بجمالها .. افرسل لها انه عندما يخرج سيتزوجها ...وان لم تقبل سوف ياخذ الاطفال منها وعاشت هذه الفتاة ماساة كبيرة بعد ان انتهت محكومية اخ زوجها كان اطفالها كل شيئ لديها فقبل خروج اخ زوجها من الاسر ركض بالمشفى...وبدأت بالدعاء...وتقول يارب انى مظلومة ودعاء المظلوم مستجاب وبدات بالدعاء ان يحميها الله منه واذ بالصباح خبر ان هذا الرجل تم تمديد مدة اعتقاله واسره ل10سنين اخرى تخيلي؟؟؟ يعني اطفالها بيكبروا وبيكون بيدهم يختاروا سبحان الله هذه الفتاة عانت من السحر ماعانت وقد حدثتني عن قصتها وكانى اسمع بقصة من نسج الخيال مما لاقت من تعذيب ولازالت صابرة صامدة.....تقول سيعوضنى الله خيرا وانت كذلك ..عليكِ بالصبر...ونسيان زوجك فصدقيني ان كتبه الله لكِ سيعود لك ولو وقف كل العالم ضدكما وان لم يكتب له ان يكون لك مرة اخرى فلن يكون لذلك استعيني بالله...استعيني بالله وحده وهو الذي سيكتب لك الخير اينما كان فرج الله همك اختى الحبيبة فكل له هموم ولكن كل همه يختلف عن الاخر |
اقتباس:
لو كان كذا ما كان الله شرّعه عموما يا اختي صدقيني لأن موضوع طلاقك قريب انتي مصدومه وكلنا في البدايه نكون كذا والبعض أسوأ إلا من رحم ربي لكن بالدعاء والتناسي واتذكري تضحياتك الجباره عشانه وهو كيف قابل احسانك ان شاء الله يهون الموضوع عندك وتبدأي تفوقي وتنتبهي على نفسك أسأل الله ان يرد لك ولدك ويرجعه لحضنك ويرزقك الزوج الصالح اللي يستاهلك ربي يفرج همك وغمك ويبدلك سعاده وسرور يارب |
حسبنا الله ونعم الوكيـل
الله يفرج همك ياقلبي من رودوك وذكرك للاشياء البسيطه مثل موقف الشغاله ولماكان يمدحك وتساؤلاتك هذي اول مرحله من الطلاق مرحلة الصدمه وكلنا مرينا فيها وكنت اسأل نفس التساؤلات انتي الحين مصدومه لكن بعد فتره بتحمدين ربك وتشكرينه انه خلصك منه بتسألين ليه لاني مريت بنفس تجربتك مع بعض الاختلافات كنت مصدومه واضح من معرفي سجلت ببداية مشاكلي وانا الحين في قمة سعادتي واستغرب من نفسي شلون فكرت اني ممكن اوافق ارجع له طليقي تزوج بعدي وطلـق وصارت له فضيحه لاصارت ولا استوت بين النـاس انتي مظلومه وربي بينصرك مثل مانصرني بس رددي ربي اني مغلوب فانتصـر ولاتنسين قيام الليل وقراءة سوره البقره |
كرري الدعاء
يافارج الهم وياكاشف الغم فرج همي ويسر امري وارحم ضعفي وقلة حيلتي وارزقني من حيث لااحتسب يارب العالمين |
احمدي الله لايكون الطلاق دائما شر بل احيانا خيرر
والله يااختي بقولك قصة اختي كذا نفسك تزوجت واحد وكان طيب معها مره وحبيته بعد فتره تغير عليها تنازلت كثيررر حاولت حاولت واخر شي طلقها ............ بعد سنة يمكن انهارت بكت قال لها اخوه الكبير لما جاب ورقة الطلاق وكا ن متأثر مرة مايبي اخوه يطلقها وجاء وهو يبكي ويعطيها الورقة ويقولها صدقيني ربي كاتب لك رجال احسن من اخوي وكان يقولها بكل ثقة ............ اختي أثرت فيها كللاماته بقوه ........... سبحان الله بعد سنة تزوجت واحد ماشاء الله تبارك الله افضل من الاول مية مره وأنا اقولها لك وبكل ثقة سيعوضك ربي برجل أفضل منه لكن حتى يأتي ذلك اجمعي قواك وطوري من نفسك وحافظي على اذكارك والدعاء والصلااااااااااااااااه وموفقه وستبشررينا عن قريب عن قريب |
| الساعة الآن 09:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©