|
كيف اقدر انسى اللي سواه فيني زوجي واعيش بسلام؟؟
السلام عليكم ورحمة الله وبركاته..
اخواني واخواتي اعضاء هالمنتدى الرائع اللي استفدت منه الكثير والكثير... اعرض عليكم موضوعي وارجو من الله اني الاقي عندكم بعض الحلول والافكار اللي تساعدني على حل مشكلتي وبدخل فيها على طول.. أنا لي سنتين متزوجه وطول هالسنتين تصاعدت وتيرة المشاكل بيني وبين زوجي..وكل ما اعدي مشكلة يرجع لي زوجي بمشكله اكبر منها ... وانا حامل وصلت المشاكل للضرب مرا وثنتين وثلاث..وانا بالنفاس ضرب مبرح وصل الى نزيف واغماء وكبرت الين ماوصلت المشاكل للطلاق..لكن ربي ستر.. المهم رجعت لزوجي بعد ماجلست عند اهلي5 شهور ...بدون رضوه للاسف..بعد ما حلف زوجي انه ما يملكها (وهو كذاب وانا اعرف انه يملك الرضوة واكثر) تنازلت لكن قلبي انكسر ..حلف قدام اهلي ان يرضيني وللحين لي معه شهر بعد مارجعت ولا شفت منه شي...تغير في اشياء للاحسن..لكن اي شي فيه فلوس احلم فيه مجرد حلم.. طلبت عمره ..طلبت حج... طلبت سوق اشتري اغراض ..طلبت تمشيات..كلها يقول طيب .. كل هالشي كوم والتغير اللي صار فيني كوم ثاني.. انا حاقده عليه وبقوووه..شايلة في قلبي كل الام السنتين اللي راحت والذل والاهانة اللي شفتها منه..جحوده وانكاره لكل وقفاتي معاه.. كلامه وسبه لي ولاهلي ..ضربه لي وقسوته علي من غير سبب ...كل هذا ماقدرت انساه.. اتناسى يوم يومين لكن بس يصير ادنى موقف انفجر فيه واتذكر كل اللي سواه معي.. هو صحيح تغير... بس من فتره للثانية ترجع له حركاته زمان وحركاته ذي هي اللي تحسسني ان التغير هذا مؤقت الين ما اعطيه الامان وارجع معاه زي اول .. عجزت اسامحه وارتاح ...احس انه مايبي يبذل اي شي يسعدني فيه ..اي شي يدلني انه يبي يكسب مشاعري.. صرت اهمل نفسي بالغصب كذا كرها فيه.. قبل فتره صرح لي انه يبي يتزوج ..والله ماحسيت باي قهر..قلت له الله يوفقك قال ابيك تجين معي لاهل البنت قلت طيب.. ادري بتقولون مجنونة بس والله العظيم اني موافقه صدق وابي افتك منه ومن مشاكله واعيش لولدي بدون مشاكل.. سؤالي: كيف اقدر انسى اللي سواه فيني واعيش بسلام؟؟ هل ممكن ترجع مشاعري له زي اول؟؟ ارجوكم جاوبوني.. |
الله يفرج همك ويسر دربك اختي طرقتي باب علم الغيوب قومي اليوم بثلث الاخير وبثي حزنكي لله اشتكي له هو سبحانه وحده القادر.... نصيحه لك اختي لا تروحي معه ليخطب قولي مالي شغل ...
|
الله يعينك ويصبرك
ممكن زوجك من النوع الصعب وبعدين وقت النفاس وشلون ضربك وأنتي المفروض تكونين في بيت أهلك في هالفتره أختي أدعي الله يصلح شانك ويسخره لك ماينفع إلا الدعاء وطنشيه ولاتذبحين نفسك عشانه وصفي قلبك مو عشانه عشان نفسك الحقد مايحرق إلا قلب صاحبه وكل شي ممكن لو فيك عزم وتقدرين تسامحين وتذكري دايم حسناته و تذكري لما تشوفين ولدك أنه أبو هالولد وهل ولدك مو يستاهل تحبين أبوه صدقيني لو نبغي نسامح بنقدر لكن الشيطان يخرب علينا الله يسخره لك وييسر أمورك |
مارحت بيت اهلي فترة النفاس لانه كان رافض ...يقول يبي يشوف ولده قدامه..
وبالنسبة للمسامحة والله اني مسامحته من ايام الملكة على اشياء كبيرة وبعد الزواج كل مشكلة ااسامحه... حتى الضرب..ضربني كذا مرا وسامحته... بس مدري ليش اخر مرا ضربني فيها (اغمى علي ونزفت) عجزت اسامحه وحقدت عليه بقوه...يمكن لانها اقوى من اي شي صار قبل ..ويمكن لاني سامحته وتمادى..حسيت اني مذلوله ومهانه.. وقلت بيني وبين نفسي وش بقى بعد هالضرب الا المرا الجاية يذبحني.. ويمكن لاني حسيت انه مايستاهل كل شي سويته معاه.. إذا اكرمت الكريم ملكته و إذا اكرمت اللئيم تمردا.. |
عزيزتي يبي يشوفه يجي لبيت أهلك ومعروف النفاس بعضهم تمر بفتره اكتئاب ما بعد الولادة
وغلط الوحده تجلس في بيتها تكون في حاله تعب وتمر بظروف تحتاج فيها للرعايه وأنتي هذا بكرك إلي تجلس في بيتها إلي عندها عيال كبار ومتعوده مو وحده أول مولد إلا في حاله تكون في غربه وتجي صعبه جدا أو بيت أهلها مايساعد إستعجلتي عزيزتي وكان من باب أولي ترفضين وهذا المعروف وأنتي ماقلتي شي شاذ عشان يرفض كل الحريم كذا ألحين كل شي راح لكن لازم تصبرين تجلسين مع جالسه هاديه وقولي كل إلي في قلبك وأهم شي يكون مزاجه رايق وهادي وأنتي كذا وتجهزين كذالك المكان او طلعه برا البيت عشان تقدرون ترتبون أموركم وإضافه عزيزتي مسألت خطبة لاتروحين وأظهري رفضك ممكن زوجك كان يبي منك الرفض مو المواقفه لأنه وببساطه صعب يتزوج الزواج الثاني بعد سنتين من الأول وأتوقع السؤال يبي يشوف رفضك وتروحين لأهلك البنت هذا دليل كلامي الله يفرج همك |
ملامح قمر... والله اني رفضت ورفض وكل هالكلام اللي قلتيه قلت انا اكثر منه (من بيسوي لي الاكل.. من بيرتب البيت ..من بيستقبل الضيوف..من بيساعدني بالولد) وبيت اهلي قريب..بس هو مايحب اهلي ومايبي يبين لهم انه محتاجهم فلذلك رفض..
واذا ع الجلسة الهادية...والله العظيم اني حاولت كذا مرا اجلس معاه وقلت له هالكلام ..ماهو راضي يقتنع ولاهو راضي يبذل اي شي يخليني اسامحه..والله اني اجيه باسلوب..يقول ماضي وراح..قلت تراه راح من ناحيتك انت بس.. تخيلي يعني هو الغلطان وانا اللي اطلبه يراضيني .. ماادري اضحك ولا ابكي!! ومسألة الخطبة مدري ليش ما احس كلامك صح ..لأني حلمت فيه قبل هالسالفة بفترة انه متزوج...وهو بصراحه ماهمني .. |
لاتفسرين الاحلام وإن شاءالله خير حلمك
عموما حبيبتي مايفرج الهم إلا رب العالمين أدعي وكثري من الدعاء ربنا هب لنا من أزواجنا وذرياتنا قرة أعين في كل سجده أدعي وصدقيني ربي بيفرج همك وييسر أمرك والأخوات الإخوان ماراح يقصرون إن شاءالله معك بيفيدونك |
الله يعينج يا اختي
الزمي الاستغفار ولا عليج منه القلوب بين أصبعين من اصابع الرحمن ادعي ربج الرحيم يغيره ويسخره لج وانتي سوي واجباتج وبس الله يكون بعونج |
عزيزتي انتي الان جربتي المصارحة والطلب المباشر
لكن هل جربتي الرسمية بالتعامل ؟ تخلينه يشوفك تغيرتي صرتي رسمية .. وقفتي شكوى صرتي رسمية وصار ماينعرف وش بقلبك .. بس بنفس الوقت محافظة على ادبك وواجباتك ناحيته جربتي هالطريقة ولا لا ابي جواب |
هموسه من عيوني ارد على موضوعك انا كنت داخله ولكن شفت ردك للموضوع قلت اشوف شو ردة هالحلوه
ردي كتير صعب عليكي ويمكن يقولو انو عم شجعك على الفراق انتي ليه رجعتي ضرب واغماء وتزيف شو ناطره تتموتي ان تصابي بالشلل اللي اريده لنفسي وابنتي احبه للجميع اخلاق ما في مال ما يعطيكي عندك وولد واحد افضل من عشره ومن ثم اتذكر موضوعك السابق انتي تقدري تستقلي ماديا وتعيشي ببيت اهلك انا لو بنتي ما اتركك عندو ولا لحظه واحده حبيبتي لا سسسسسسسسسسسسسسسسسمح الله اي شجار لاي سسسسسسسسسسسسسسسبب كان ما تتجادلي معه ابداااااااااااا ولا باي كلمه اتركي فورااااااااااااااااااا اخاف عليكي من الشلل الدماغي لكثر الضرب حبيبتي هل عملتي له محضر بالشرطه وتقرير طبيب شرعي لآثار الضرب اقول لك ولا ترمو بانفسكم الى التهلكه والعيش مع هذا الرجل بهذه المواضفات تهلكه اكثري من : حسبي الله ونعمى الوكيل ليل نهار عسى الله يفرج همك ويهدي زوجك الاسى ما بينتسى ثم اياكي ت1هبي معو تتخطبي له : ليه مفكره رح يعاملها بالحسنى اخاف تدعي عليكي ليل نهار انو زوجتيها زوجك ما معقول يعاملك بكل سوء وهي يدللها على الآخر ويغدق عليها بالمال اكثري في سجودك : اللهم اجعل لي فرجا ومخرجا من امري منتظرك ردك |
(اللهم يامالك الملك ملكني امر من ملكته امري، اللهم اصلحه لي وأجعله قرة عيني ولا يرى احد غيري.. اللهم أصلح بيننا ولا تجعل بأسنا علينا وأجعل بأسك على عدوك وعدونا .. اللهم استر عنه عيوبي واستر عني عيوبه، وأظهر له محاسني وأظهر لي محاسنه.. ورضني بماقسمت لي وبارك لي فيه.. اللهم ارزقني حبه ورضاه وصدق حديثه وإن غضب فألجم فاه بكلمة لا اله الا لله ،، واسكن غضبة بلا حول ولا قوة الا بالله) آآآميييييين يااااااااارب العالمين احدى الاخوات تقول بأن لهذا الدعاء تأثير كبير لتغير زوجها الى الافضل فنقلت لك الدعاء,,, ولا تنسي اختي ان الدعاء سلاح المؤمن اسأل الله ان يصلح لك زوجك |
سبحان الله ذكرتيني بااختي وزوجها من قبل 20 سنه تقريبا كان يعاملها بنفس معاملة زوجك لك من ضرب واهانه وشك لدرجه انو اهلي ماسلمو منه حتى انه مره من المرات صارت مشكله وحدث شجار بين اخي وزوجها وتسبب هالشئ في ادخال اخي
السجن ولولا الله ثم مساندة بعض اهل الخير لنا لما خرج اخي بعد يوم فقط من سجنه ومن بعد هذه المشكله جلست اختي في بيت اهلي وعادت له بارادتها وانه زوجها وتحبه مهما فعل عندما اراد ان يرجعها وكانت في ذلك الوقت حامل بابنتهم اللتي تبلغ الان 19 من عمرها وسبحان الله الان زوجها رجل اخر غير الذي كنا نعرفه يعامل اختي افضل معامله يشتري لهم اغلى الملابس ولايهمه السعر من وقت للثاني يسفرهم الله يديم عليهم يارب المهم مابغيت اقولك الا ماعليك سوى الالتزام بالصبروعليك بالدعاء فقط وباذن الله تتحسن احوالكم..... موفقه |
اقتباس:
بس المشكلة الرواسب اللي في نفسي منه عجزت انساها.. أتحسس اذا سمعت ان اثنين يحبون بعض او سمعت زميلاتي يقرون رسايل حب.. احس انا مستحيل ارجع ارسل له او ارجع احبه.. مع اني كنت اموت عليه وسبحانه (قلوب العباد بين اصبعين من اصابع الرحمن).. حياتي معاها حاليا مجرد اني ابي اعيش مع ولدي وبس..مشاعري تجاهه تغيرت 360 درجة.. حتى هو يقول يوم كنت شين معك كنتي طيبة وزينه معي ويوم صرت زين وطيب قلبتي شينه..مدري تبيني ارجع زي اول؟؟.. انا والله ماعادت تفرق معي يرجع زين ولا شين..ماعاد يهمني كشخص.. اهم شي عندي مايمد يده علي مرا ثانية ولا مشاعري احسها ماتت تجاهه ورجعتي هذي ماكنت انا مقتنعه فيها بس اهلي ضغطوا علي اعطيه فرصة اخيرة.. الله يسعدك خالتو قرين ويجزاك عني خير..بانتظارك |
| الساعة الآن 03:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©