|
أسئله للمطلقآت .. ؟
أسعد الله آيآمكم أخواتي المطلقات أنا كما تعرفون ( مطلقه جديده ) أو على وشك طلآق ( لا أعرف ماهي نهآيه الموضوع مع طليقي ) عسى ربي أن كآن فيه خير يرده لي ردآ جميلآ وأن كآن فيه شر يصرفه عني ويعوضني خيرآ بسأل اسئله للمطلقآت : - كيف استقبلتي ورقه الطلاق ؟ - كيــف تخطيتي مرحله مآبعد الطلآق ؟ - والمطلقه بدون أولآد وماأستمر زوآجهآ الا أشهر قليله .. هل العشره القليله سهله للنسيان أم صعبه ؟ - كيف تخلصتي من حب طليقك ؟ - كيف التخلص من صداقه أخوآت طليقي ؟ علما بأني أحمل لهن محبه و موده ! - كيف وآجهتي آسرتك ونظرآتهم لك ؟ - هل أصبح عندك حلم للأرتبآط مره أخرى ؟ و تكرار التجربه ؟ برنامجي وضعته لمرحلة مابعد الطلاق و أتمنى الكل يستفيد : - ذهبت لدكتور نفسي و سلوكي لعمل جلسات مابعد الطلاق ( أنصح الجميع بتلك الجلسآت بمرآكز مطمئنه ) - التسجيل في نادي رياضي - عمل تطوعي بالخدمات الانسانيه البرنامج هذا لمدة شهر وأنا ببدآيه طلآقي .. بـ النسبه لورقه الطلاق لـم توصلني .. وهل هي ضروريه ؟ وش فآئده الورقه بحيآتي ؟ أنا ماعندي خلفيه أبدآ عن الطلاق ولا لي علاقه بمطلقآت .. أنا قريت عن مطلقآت وهمومهن وعسى ربي يفرج همنآ و يعوضنآ خير لكن مستغربه بعضهن تعدن السنه والسنتين ولم يتخطن المشكله و أحس إني أذا قريت مثل تلك الحالات يضيق صدري بقووووه و اكره المنتديات أقول يمكن أكون مثلهن مع إني وضعت برنآمج لي لكن البعض لازالت تكتب همومها ( الماضيه ) البعض من المطلقات يحبروننا نأخذ فكرة غلط عن المطلقه .. يعني اشوف ان المطلقات هن اللي خلن المجتمع ينظر لنا بهـ الشكل أتمنى لي ولكم التوفيق |
يسعدني إني اكون اول مطلقه ترد عليك الطلاق ياطويله العمر وش حليله وناااااااااااااااسه >> هههههه مو من قلب والله
أفتكر إنه جاني أخوي قالي أنه مو راضي يطلق يبغاني معلقه يعني وقال مافي إلا انا نشتكيه في المحكمه وشلت هم روحه وجيه على المحكمه وفضاايح ومابغاها توصل معاه لهذا الحد ومسكت سجاتي الليل بطوله أدعي يارب اذا أنه خير الطلاق اجعله بكره وبعد الفجر نمت وصحتني امي الظهر وقمت أصلي الا أمي قالتلي الخبر وسبحااان ألي نزل السكينه على قلبي فرحت لان دعوتي استجيبت لاحظي انا حددت في الدعوه وقلت يارب اجعله بكره إذا انه خير وفعلا صااار بكره فعرفت ان ربي يحبني وختارلي الخير واني متى مارفعت يدي أطلبه مايردني وكان عندنا عشاء يومتها لبست وتكشخت ولا كأنه شي حصلو وبعد شهر رحت مع أخوي المحكمه لانه لازم انا استلم الورقه وأوقع وقت ماخذتها شعوري عادي وقالي القاضي (وان يتفرقا يغني الله كلا من سعته) وخرجت وفي السياره خفت أفتحها حسيت فيني رعب منها وفتحتها وانا طالعه درج بيتنا ماانسى الكلام الي قريته جاااتني دوخه الارض والله دارتبي هززني الكلام كثثثير ومن بعدها أخذتلي فتره وانا أسوي مشكله في البيت من لامشكله في العده كأن يجيني شعور ضيق أحيانا أبكي مع نفسي بالليل بس إستحاله أحد يشوف حزني وافكر بالانتقام منه وساعات أحن له وشريط حياتي كله قدام عيني بس يعني شعوور متناقض لأبعد حد وماكان يخفف علي غير ذكر الله من صلاه ودعاء واستغفار والدعاء الدعاء لاتتركينه وسااعات يجيني شعور واقول لازم ارجعله ماقدر أعيش مطلقه وبدات اشيل هم الناااس ووو وبعد انتهائي من العده جاااني شعور غرريب بمجرد مااحس أني بتزوج غييره تجيني سعاده لاتوصف واعيد احلامي من جديد واحس اني ارتحت من مشاكله وسااعات اندم على اللي صااار يعني صرااعات داخليه في نفسي وكل يوم ليه راي وقطعت علاقتي بأمه من قبل الطلاق كانت تدق وانا ماارد عليها لانها تدق تغثني بالهرج وأهلي حمدالله ابدا ماحسسوني إني مطلقه يحبون ولدي ويلبوله الي يبغاااه والحين احس اني افكر في ولدي ومستقبله بكثرره وارفض الزواج بسببه ومتعلقه فيه حيل واقول في نفسي انانيه مني لو اتزوج واتركه وطليقي الان ساعات أفكر فيه لانه بدا يتميلح باين انه وده في الرجوع ويوم اشوف ولدي وتعلقه في ابوه لانه باستمرار يجي ياخذه أحن للرجووع بس في قراره نفسي اقول الفكه منه غنيمه وابو طبيع مايجوز عن طبعه هاذي الاحداث كلها وانا ماغلقت سنه من الطلاق والله يجعل الجاي احلى ويجعلك ماتذوقين نار الطلاق ربي يصلح مابينكم ان شاء الله |
- كيف استقبلتي ورقه الطلاق ؟
دريت انه طلقني لما كنا بفتره زعل وارسلت له رساله اني ندمانه وودي نرجع لبعض ومن حقارته ووده يعذبني نفسيا ارسلي انا طلقتك وورقتك بتوصلك خلال كم يوم لانه بمدينه بعيده عن اهلي ويقول اذكريني بالخيير والله يوفقك بحياتك انا وقتها بكيت بكاااااااااااااااااااااااااء مايعلم به الاربي لانه صدمني توقعت لما بتجي رساله منه بيقول غير كذا ماكنت متوقعه ولا واحد بالميه انه بيطلقني .. وبعدها باسبوع وصلت الورقه المحكمه اتصلوا على والدي وراح اخذها وجاء بلغني انها جات ومن بعدها وانا في دوامه لاتنتهي من الحزن لانه طلقني وتزووج على طول حسبي الله عليه وهو اكثر انسان يعرف قد ايش احبه - كيــف تخطيتي مرحله مآبعد الطلآق ؟ مــازلت بالعده وامر بحاله نفسيه الله سبحانه يعلم بها عذااب نفسي ومتعذبه لان كل ذكرياتي معاه مانسيتها ويوصل كلام للي يكلموني انه انسان مبسوط جدا مع زوجته وانها عوضته عن كل شي كان ناقص فيه ياويله من ربي عذبني عذاب بالكلام الي يجيني وكان يقول انه اسعد انسان حسبه الله - والمطلقه بدون أولآد وماأستمر زوآجهآ الا أشهر قليله .. هل العشره القليله سهله للنسيان أم صعبه ؟ لي معاه خمس سنوات وعندي ولد ولكن كل شي اتذكره وكاني عايشه معاه كل شي حتى اسوء الذكريات احن لها كثيير وابكي بكل قهر لما اعرف انه عايش بحضن زوجه غيري آآآآآآآآآه ثم آآآآآآآآه شعور مؤلم - كيف تخلصتي من حب طليقك ؟ ماقدرت انسسساه ولا اضن اني بقدر بيوم يصير هالشي وهو مو سال عني ولاهي بحياته الجديده حرااام عليه الي سواه فيني مايسويه عدو - كيف التخلص من صداقه أخوآت طليقي ؟ علما بأني أحمل لهن محبه و موده ! حسبهم الله كنت اعاملهم مثل خواتي ويشهد الله اني احبهم وياما وقفت مععاهم بكل شي واقدرهم وبحياتنا ماصارت مشكله بيننا وبعد ماطلقني اخوهم غيروا ارقامهم الا وحده اتصل عليها مطنشتني وماترد وكل مره اقول يمكن نايمه او شي الين تاكدت انها قاطعتني ومره اتصلت على البيت ورد ابوه علي وسبني وتكلم علي بكلام جااااااااااارح وقفل الخط بوجهي حسبي الله عليهم الله لايسامحهم على هالمعامله - كيف وآجهتي آسرتك ونظرآتهم لك ؟ الكل يعرف اني احبه بجنون وكنت اتباهى به قدام خواتي وزوجات اخواني آآآآآآآآآآآآآآآآآآآآآآآآآآآآآآآآآآآآآهـ ثم آآآآآآآآآآآآآآآآآآآآآآآآآآآآآآآآآآآآآآآآه ماشوف منهم الا نظرات الرحمه والشفقه على حالي ومالومهم على هالشي لاني اعطيته اكثر من الي يستحقه - هل أصبح عندك حلم للأرتبآط مره أخرى ؟ و تكرار التجربه ؟ انا مانسيته ومااقبل اي رجل غيره يشاركني حياتي انا وهبت نفسسسي له ولكن تخلى عني وعن حبي وراح لغيري وبرغم كل شي مازلت انتظره اي ورك انتظره تعبانه ماقدرت اعيش بعيد عنه |
اقتباس:
دمتي بوود |
- كيف استقبلتي ورقه الطلاق ؟
لا انا وضعي غير اول مرماني عند اهلي كان عندي امل بس اخونا جالس يسب ويدل في الجوال ولا احترام لا تقديرللعشره ولا لام اطفاله قلت اخوي كلمه قال الزواج مو بالغصب قلت اجل هذا ما عليه حسافه لاني جلسة شهور قلت ممكن يتعدل بس الاخ مسوي انه رجل حلم كل انثى قلت لاخوي خليه جيب الورقه هذا بصراحه ما عليه حسافه - كيــف تخطيتي مرحله مآبعد الطلآق ؟ اه الحمدالله على كل حال الناس الي انا ما احب اختلط فيهم كثير من الاقارب شماته طبعا حتى من الصديقاتي مدري ليه الوحده لما تطلق يكثر الكلام عن جد بعض الناس تفكريهم سخيف بس ربي فوق الي يتشمت بجيه يوم لا يخاف وجاني نصر الله من صديقه والله تمدح زوجها تقول مو مثل طليقك وربي تطلقت - والمطلقه بدون أولآد ولا أشهر قليله .. هل العشره القليله سهله للنسيان أم صعبه ؟ من وجهة نظري رجل ما قدر العشره ولا اطفاله والله ما عليه حسافه هو نسى العشره انا ليه اذكرها استغرب الي تقول ما اقدر انساها ليه هو لحين يذكرك حلوه هو يعيش حياته وانا اجلس ابكي على الاطلال والله لو هو مقدر العشره اتمسك فيه لاخر لحظه لو ابيع اهلي عشان بس رماني ولا قدر عشره هذا اسوي له دليت - كيف تخلصتي من حب طليقك ؟ والله يا اختى على حسب انا حبيته اكثر منه بس لما افتكر تعامله معاي واضح انه تعامل رجل ما يقدر ولا يحترم زوجه عنده الحرمه بدالها عشره وتحمد الله حصلت زوج هذا بمجرد اذكر كلامه على طول اقول ياريت ما تزوجته بصراحه الزوجه تحب زوجها لو هو كان مقدرها مو يطلقها - كيف التخلص من صداقه أخوآت طليقي ؟ علما بأني أحمل لهن محبه و موده ! عادي جدا اخته ولدة رسلة لهم الهدايه ولحين اخته الثانيه رايحه تولد وافكر وش ارسل لها بعد ليه وش ذنبهم اهله صحيح المكالمات قلة بس في المناسبات بس والله اقوم بالواجب ومره جوه يزرون عيال اخوهم اطفالي 2 اخوه طلقني في داهيه بس هم طبين على راسي احطهم حتى اذكر في مواقف بس مدام هم يسئلون عني وعن عيالي على قلبي زي العسل هاذول عمات عيالي حرام على الاقل عشان عيالي - كيف وآجهتي آسرتك ونظرآتهم لك ؟ في صراع دايم اختلاف في الاراء بعض الاحيان اتخاصم مع اخوي يقولي حلال تطلقتي قلت له بيجيك يوم خليها على ربك بس خلك واثقه في نفسك وخليك مع الله مراح تضيعي - هل أصبح عندك حلم للأرتبآط مره أخرى ؟ و تكرار التجربه ؟ عادي لا هو حرام ولا عيب بس اهم شئ يخاف الله الي يخاف الله بيخاف على بنت الناس مو يتزوج عشان يبهدل بنات الناس هم امانه ماهم تسليه وقت ما يطق في راسك تتزوج وقت ما يطق في راسك تطلق بعضهم اخذين الزواج عسكريه ولا يروي اهله انا متحكم فيها شوفوى انا رجل هو للاسف من جنبها بـ النسبه لورقه الطلاق لـم توصلني .. وهل هي ضروريه ؟ وش فآئده الورقه بحيآتي ؟ ياقلبي ليه احس ورقة الطلاق رعب مدام انتي راعتي الله فيه ولا قصرتي معاه في عشره ولا في طبخ ولا لبس ولا شئ خلاص فوضي امرك لربك اكيد ضروريه لخروج الهويه و للضمان للزوج مره اخره حتى لو جيتي اي جهة تعبي بياناتك بيسئلوكي هل انتى شابه ولا مزوجه ولا مطلقه أنا ماعندي خلفيه أبدآ عن الطلاق ولا لي علاقه بمطلقآت كلنا اصلا في عايلتنا مافى مطلقت كثير انا اول وحده وعادي الحياه تمشى بس نصحيه لا تتكلمى عن حياتك السابقه ولما يسئلونك وش سبب الطلاق السؤال هذا الي متداول بين الحريم قولي لهم مكتوب نصيب وخلاص مسوين تحليل الحريم ليه طلق وهو كان كذا وليه ما سئلتني عنه قبل الزواج الي يقول لحين الزواج من عندهم مو من ربي اسفه على الاطاله بس حبيت اوضح لك كل شئ انا مريت فيه والله يعوضك خير يارب |
اقتباس:
|
انا لستمطلقه منطلقه
|
كل شي ببدايته صعب
أهم شي لا تكبرين الموضوع بنفسك مطلقة بلا أولاد كالآنسة >> حقيقة لا مراء فيها لي عودة و عندي كثير أفيدك فيه >> مطلقة مرتين !! |
يعطيكن العآفيه أخوآتي على المشآركه عسسى ربي يفرجهآ علينآ ويعوضنآ خير ويخفف عنآ الآلم يآرب يآكـريـم ... حآلتي تتشآبه مع حآلة الأخت تناهيد الحكي كنت أتبآهي عند اهلي وصديقاتي بـ زوجي وأنآ عروس ولا توقعت أبدآ أن أكون يومآ من الأيآم مطلقه ولكن قدرالله وماشاء فعل آفاق المجد - أنتظر عودتك |
بسأل اسئله للمطلقآت :
- كيف استقبلتي ورقه الطلاق ؟والله انا لسا مستقبلتها اتصدقي في محرم راح اكمل سنتين ولسا ورقتي ماخذتها ابغى اخذها عشان اتزوج اذاربنا كتبلي - كيــف تخطيتي مرحله مآبعد الطلآق ؟الحمد لله ازمه وتعدي لاتزعلي يا ندمانه الانسان اذا ماتقدم للامام راح يرجع للخلف الحياه ماتوقف عشان انسان ومن باعنها بعناه ولو كان غالي وتخطيتها بالصبر وايماني بالله وان الله كتبي لي حياه جديد ه ا نا تطلقت بعد15 سنه زواج ولدي اربع ابناء الحمد لله - والمطلقه بدون أولآد وماأستمر زوآجهآ الا أشهر قليله .. هل العشره القليله سهله للنسيان أم صعبه ؟ والله سهله سواء طويل هاو قصيره احنا الي نعذب نفسنا الحمد لله انا تخلصت من حب طليقي الى الابد - كيف تخلصتي من حب طليقك ؟بالدعاء وتذكر اسائته لاولادي ودخول شخص اخر حياتي اتمنى الا رتباط به - كيف التخلص من صداقه أخوآت طليقي ؟ علما بأني أحمل لهن محبه و موده !بالصراحه انا كنت احب اخوات طليقي لكن بعد الطلاق علاقتي بيهم رسميه فقط في المناسبات حتى لا اعرف اخبار طليقي وهذا افضل حل والله تنسيه هواء - كيف وآجهتي آسرتك ونظرآتهم لك ؟والله اهلي وقفوا معايه وساندوني الى اخر لحظه لكن انا ماتقبلت لقب مطلقه كنت اكرهه هذي الكلمه - هل أصبح عندك حلم للأرتبآط مره أخرى ؟ و تكرار التجربه ؟نعم عندي حلم الارتباط اقسم بالله اني كنت رافضه الموظوع لكن الان الحمد لله متقبله الفكرة وادعوا الله ان يكون زوج صالح واب لابنائي برنامجي وضعته لمرحلة مابعد الطلاق و أتمنى الكل يستفيد : - ذهبت لدكتور نفسي و سلوكي لعمل جلسات مابعد الطلاق ( أنصح الجميع بتلك الجلسآت بمرآكز مطمئنه ) - التسجيل في نادي رياضي - عمل تطوعي بالخدمات الانسانيه البرنامج هذا لمدة شهر وأنا ببدآيه طلآقي .. حلو استمري ولاتيئسي الحياة لاتنتهي من اجل شخص لسا العمر قدامكبـ النسبه لورقه الطلاق لـم توصلني .. وهل هي ضروريه ؟ وش فآئده الورقه بحيآتي ؟ أنا ماعندي خلفيه أبدآ عن الطلاق ولا لي علاقه بمطلقآت ..اهم شي الورقه حتى تطلعي اثبات جديد وتفتحلك مجالبات اخرى لاتحزني ياندمانه انت سويتي الي عليك واكثر أنا قريت عن مطلقآت وهمومهن وعسى ربي يفرج همنآ و يعوضنآ خير لكن مستغربه بعضهن تعدن السنه والسنتين ولم يتخطن المشكله و أحس إني أذا قريت مثل تلك الحالات يضيق صدري بقووووه و اكره المنتديات أقول يمكن أكون مثلهن مع إني وضعت برنآمج لي لكن البعض لازالت تكتب همومها ( الماضيه ) البعض من المطلقات يحبروننا نأخذ فكرة غلط عن المطلقه .. يعني اشوف ان المطلقات هن اللي خلن المجتمع ينظر لنا بهـ الشكل أتمنى لي ولكم التوفيق |
ماستلمت ورقه طلاقي الا يوم جيت بسجل بالضمان اخذتها من اخوي بس لما سمعت انه سلم ورقه طلاقي بكيت ثم على طول رحت تغطيت ببطنيتي وبكيييييييييت بكاااء يوووجع لاني متفائله انه بيرجع
والحمدلله تعددددت ذاك الايااام الي كل شي يبكيني والحمدلله ان ربي ستر علي عند الناس اصد دموعي عنهم ومااااسكه نفسي وبعض احيان اضحك نفسي >>ماااادرو ان البكيه واصله حلقي ربي يسرررره الحين راح الشعور ذا من رحمه ربي وحب طلييييقي الى الحين موجود ومستغربه حبه وهو قالي اكرهك وطلقني وياكثر الكلام الشيييين وتزوج بعد والى الحين احبه واهلي اول ماوجهتهم بس اخذت فنجان قهوه وقلت بناام وهم مراااعين شعوري حتى ابوي ماقالي ولا كلمه وامي لما تشوفني ابكي تهدديني وتبكي علي وابوي الحمدلله ماشاف مني بكاء بس يسولف علي عن المطلقين انهم عايشين ماعليهم وانه خيره لك ان شاءالله والزواج مافكرت فيه انتظر الخير من ربي وافكر ببنتي الله يسعدها |
طبعا اخوي عطاني الورقه طبعا انهرت لاني احبه وجلست اصيح بس الحمد الله على كل حال
انا لي شهر و8 اشهر ماحس قدرت انساه ماعرف ليه لانه اول رجل بحياتي بس الرجال مافيهم وفاااااااااء ابد وينسون العشره بسرعه ويفكروا في انفسهم ىنه على طول اتزوج بعد ماطلقني انا عشت معاه 8 اشهر فقط والحمد الله على كل حال وعلى فكره اشتغل واخرج والبس بس احبه وافتكره دايم |
ورقة الطلاق ارسلها مع ولده الكبير من زوجته الأولى وملابس كلها حتى صوابين الحمام وش ابي فيها
من كثر مهو حاقرني ؟؟ نصف الملابس حاطها في اكياس الزباله مع الجزم وغيره ؟؟؟؟؟ كنت اعرف مسبق انه طلقني لكن كان عندي امل انه يرجعني قبل انتهاء العده لانه مثل علي الحب وحط لي القمر في يد والشمس في يد قلت لايمكن يستغني عني طلقني في لحظت غضب وراح ينتهي كل شي ؟؟؟ يوم شفته تأخر بأرسال عفشي قلت يمكن متمسك فيني ...لكن بعد اربعه شهور ارسله مع ورقة الطلاق حزنت بكيت بحرقه وكنت مخنوقه ابكي بصمت عشان اهلي مايشوفوني ابكي خمس سنوات وانا اتذكره واتألم هو تزوج على زوجته الأولى بعد طلاقي مباشره مشكلتنا كلنا نشترك في شي واحد نحب طليقنا حتى لو كان غلطان وظالم ؟؟؟؟؟؟؟ صدق عقولنا صغيره ....العمر يمشي وانا نبكي وننتظر والطليق يتزوج بسرعه ولا كانه صار شي مرحلت الحزن عدت ...مرحلت الانتظار عدت ....الي عندي ابي اشوف الندم في قلبه وعيونه وكل ماسواه فيني يشوفه في بنته الكبيره من زوجته الاولى وانا دعيت عليه يوم طلقني قال انتي ظالمه وانا مسوي كل شي لك وانت جحدتي النعمه ولا اهتميتي فيني وفي بيتك قلت له انا ظالمه ...انت الظالم وجعل ماسويته فيني تشوفه في بنتك الكبيره ...انصدم وسكت ولا رد بكلمه وحده وتكلم بهدوء وصار يقنعني عن اسباب الطلاق المهم ؟؟؟؟؟؟؟ كل شي راح في حال سبيله ؟؟؟ الحين ابي اتزوج وافرح ويكون عندي بيت وهو صار ماضي اليم ودفين الرزق قدام ( الله يقول اسعى ياعبدي وانا اسعى معك ) الحب خلوه ورى ظهوركم ....حبو الي يقدركم ويتزوجكم وتعيشون معه اما تحبون واحد طلق وعايش مع زوجه ثانيه هذا اسمه موت بطئ ؟؟؟؟ |
اقتباس:
والله الورقة راح تفيدك في الضمان وفي الوظيفة والنقل والخ لكن لا تفكرين فيها كثير اهلك يتولون امرها وفي النهاية هي ثبات لطلاقك فقط فعيشي حياتك حبيبتي وتذكري الجنة لمن صبر واحتسب والحمدلله الحياة لم تقف على طلاق وبعض البنات في المنتديات يزيدن الجرعه شوي لانه هو المتنفس الوحيد للبوح عن مايشعرن به من الداخل ومثل ماقلتي البعض عكس على الكل بهذه النظرة انا نظرتي لهذا النوع نظرة استحقار مع احترامي الشديد لانه الرجل كل شئ بحياتها والمشكلة انه هو من باعها ورماها وذلها وفي النهاية تقول انا احبه ومستعدة ترجع له عقب كل الي سواه فيها انت ماعليك حبيبتي من نظرات الناس او المطلقات لموضوع الطلاق عليك بنظرتك فقط انا مضظرة اطلع ومعليش اذا فيه اخطاء عديها هههههه والله يكتب لك مافيه الخير ويعوضنا ويااك وكل مطلقة لما فيه الخير يارب |
اقتباس:
كلام سليم وانا اقول نفس الكلام لنفسي اولا ثم لغيري ...هذا مهو حب هذا انقياد واذلال واحتقار لنفس واحساس بنقص ...كيف نحب واحد باع العشره برخص التراب وتزوج |
اه منكم يا منطلقات بس غافلات وربي منطلقات يعني مجرد التفكير في انه يطلقك وهو ضالمك هذا يستاهل القتل لا يتماشى مع حدود الله لا وايه تتكلمون عن الحب ....غريب اين رايتم الحب وهو يستمتع بزوجة ثانية وحب ثاني اللي فضله عليك انت اين نفسك اين عزة نفسك يا الغالية لحتى تعطي له اهتام اكثر مما يستاهل شوفوا يا بنات يوم وقع الطلاق.. هذا لا حبك ولا فكر فيك.. ولا اهتم حتى مراعاة مشاعرك ومراعاتا للايام الحلوة اللي بينكم... رجالة والله ما تستاهل...ضفر من ضفايرك يا الغالية لا اعمم لا فلكل حالة طلاق سبب ولكل مطلق ومطلقة سبب فمهما كانت الاسباب... يعني بمجرد الوصول لهذه المرحلة في الحياة الزوجية. يعني خلاص... اعتبروا ان لا شئ كان ....ولم يكن..... اصلا هي مجرد مرحلة مرت في الحياة ...اعتبريها بلاء من الله وتخفيف من الذنوب فقط لا غير بالنسبة للورقة عادي الورقة هذه تضمن لك الزواج من رجل ثاني قانونيا ولك كل الحقوق الزوجية وبهذه الورقة انت اشتريتي حريتك وراحتك اللي لا يعلم بها الا الله لانه من قدرها عليك فسعادتك مختبئة بين طياتها
الحلم اللي باقي بين يديك انك تفكري في مستقبلك وان تعيشي حياتك في قرب الله.... بالدعاء ان يرزقك برجل احسن افضل منه الف مرة وصدقيني لما تتزوجي برجل تاني ترين نعمة الله عليك انه خلصك من مطلقك هذا اللي ما يستاهلك ان شاء الله تتزوجي من ثاني ويكون لك زوج يحبك ويقدرك ويسعدك بالذرية والعيال اللي راح تجدي معهم السعادة الحقيقية وليس مع هذا الطليق اللي الله لا يرده اذا ما فيه خير انتبهي يا بنتي لصحتك وانطلقي للحياة بقرب الحبيب الاعلى اكثري من الدعاء وحسن النية مع الله وربي يستحيب لك كل دعواتك انسيه يا الغالية ببساطة رجل لا يستاهلني ابدا ابدا فلا تحطي من قيمتك قدامك ارفعي راسك وكوني قوية لا تعذبي امك ولا اهلك افرحي واسعدي بقربهم فهذه نعم من نعم الله اللي ناس كثير محرومين منهم كم من وحدة اعرفها وانا وحدة منهم تمنيت انطلق اقصد اطلق للاسف ما لي حد الجا له لا ام ولا اب الله يرحمهم ابي اتوفى من كم يوم والحال يعلم بها الله اليه اشكو حالي واساله يؤجرني في مصيبتي هذه لعلمك يا الغالية انا مطلقة من قبل لكن سعتها رجعت لبيت اهلي كانوا على قيد الحياة الله يرحمهم ودعيت ربنا اني اتزوج من ثاني الحمد لله اتزوجت وعندي اولادي الان مبسوطة معهم (اولادي ) الله يحفضهم وزوجي ما اقول غير الله يهيده ويهدينا يارب اطمني بس تتزوجي قسما تنسين اليوم اللي عرفتي فيه طليقك هذا ههههههه ربنا يسعدك يارب واي اسئلة تانية يا الغالية عادي كلنا فداك اسالي ورحمة الله تجيبك اسالك الدعاء |
- كيف استقبلتي ورقه الطلاق ؟
ما شفتها ولا اهتميت لها لأني كنت أشعر بروح الخلاص منه - كيــف تخطيتي مرحله مآبعد الطلآق ؟ الحمد الله بكل ثقة وشجاعة والله ثبتني ووكلت أمري له - والمطلقه بدون أولآد وماأستمر زوآجهآ الا أشهر قليله .. هل العشره القليله سهله للنسيان أم صعبه ؟ أنا تزوجت ساعات فقط ورجعت لاهلي وقبل أيام الملكة لم يكن هناك اتصال ولكني كنت أكرهه ولم استطع تقبله وفعلا طلع واحد حقير - كيف تخلصتي من حب طليقك ؟ أكرهه كره أن أُقذف في النار ولمجرد تذكر صورته أشعر بالغثيان والقرف الحمد لله الذي خلصني منه دون خسائر - كيف التخلص من صداقه أخوآت طليقي ؟ علما بأني أحمل لهن محبه و موده ! لا أدري فلم أرهن غير مرة واحدة ولم يكن ثمة اتصال - كيف وآجهتي آسرتك ونظرآتهم لك ؟ اسرتي هذه ستري لم أجد أن هناك مواجهة بل وكبير هذا التعبير ، حتى الناس ونظراتهم أنتِ سفيرة نفسك فكيفما عرضتيها سيراها الناس - هل أصبح عندك حلم للأرتبآط مره أخرى ؟ و تكرار التجربه ؟ طبعا حررت لأقول : لم احتج لزيارة أخصائيين نفسيين فلله الحمد أملك من القوة ما ترفعني وتدفعني للأمام وأملك حبلا غليظا مع الله أحافظ عليه قدر استطاعتي فهو القوة والأمان والطمأنينة ، وبعد الطلاق رزقني الله بوظيفة "معلمة" عقد ثم جاء قرار الملك بالتثبيت فله الحمد والشكر وأمر المسلم كله خير |
قال تعالى {وإن يتفرقا يغن الله كلا من سعته وكان الله واسعا حكيما}
قوله تعالى : وإن يتفرقا يغن الله كلا من سعته أي وإن لم يصطلحا بل تفرقا فليحسنا [ ص: 349 ] ظنهما بالله ، فقد يقيض للرجل امرأة تقر بها عينه ، وللمرأة من يوسع عليها . وروي عن جعفر بن محمد أن رجلا شكا إليه الفقر ، فأمره بالنكاح ، فذهب الرجل وتزوج ؛ ثم جاء إليه وشكا إليه الفقر ، فأمره بالطلاق ؛ فسئل عن هذه الآية فقال : أمرته بالنكاح لعله من أهل هذه الآية : إن يكونوا فقراء يغنهم الله من فضله فلما لم يكن من أهل تلك الآية أمرته بالطلاق فقلت : فلعله من أهل هذه الآية وإن يتفرقا يغن الله كلا من سعته . لابد من التفكر بهذه الاية واحسان الظن بالله الفائدة من صك الطلاق : اثبات للطلاق حتى لاتعلق الزوجة وفق الجميع |
الأخت تناهيد الحكي
طليقك مايستاهل كل هالحزن والحب بقلبك باع العشرة ونساك وماأمداه إلا وتزوج شتبين أكثر انسيه وشوفي نفسك الحياة قدامك بحلوها ومرها عيشيها ولاتندمي ماتدري يمكن الله يرزقك بواحد يقدرك ويعرف قيمتك رددي اللهم آجرني في مصيبتي واخلفني خيرا منها بالتوفيق للجميع |
شكرا لكم صدق هزني كلامكم وخاصه الي اسمها بالنجليزي>ههههههه وحده متكاسله اقراه
وبقول الكلام الي ماحطيناه براسنا ليييييييه نحبهم ونفكر فيهم وهم كسررررونا وباعونااا ولافكرو فينا ولييييييه مانقول هذا دررررس بس وتخفييييف ذنوب الصراحه طليقي مايستاهل عشت معاه خمس سنوات ويدرررري اني احس بالمووووووت على فرااااقه ويطلق بكل سهوووله وتزوووج وعاش حياته وانا الى الحين فيه حب عجزيطلع ومن غير كلماااااااته الي الحين عيوني تصب دموع منها عشان ذكرررتها |
اقتباس:
لا تنتظرينه يرجع ابدا ؟؟؟؟؟ يمكن مهو خير لك وربي مهو كاتب لكم رجوع ابدا وانت قاعده تأكلين في بعضك وتنتظرين ؟؟ عيش حياتك ؟؟؟؟ صدقيني قهره وموته اذا تزوجتي زوج يحبك ويقدرك وعرف انك ما عاد تحبينه وانك مستغنيه عنه وبحظن رجال ثاني ؟؟؟؟؟ واذا عرف انك ماتزوجتي يعرف انك تحبينه ويحس بعتزاز انه تركك وانت تحبينه وتنتظرينه ويشبع كبريائه الرجولي ؟؟؟؟ اتذكر طليقي يوم قال اذا بغيت تترك الحرمه اتركها وانت عارف وش حطيت بقلبها ؟؟؟ لكن لما تتركها وهي تكرهك ما استفدت شي ؟؟؟ |
اقتباس:
وادعي الله يعوضك بالزوج الصالح لاتيئسوووو ربنا خلقنا للعباده وعشان نستمتع بالحياه انا اكثر وحده تقريبا عشت مع طليقي 15 سنه والحيين راح اتزوج اقسم بالله اصبح ماضي وانا باقي متزوج:25: واحمد ربي اني شلته من قلبي وحياتي االى الابد:17: |
اذا وقع الطلاق فهو خيار من رب العالمين
ولاحاجة لهذا الندب والحزن فالله هو الخالق المتكفل بالرزاق لاسواه . ولعل الله يريد ان يختار لكم من يسعدكم في الدنيا ويقربكم الى الاخرة بعمل صالح ثقي اختي الفاضله ومن واقع تجربة احدى قريباتي عندما تطلقت فلم تكن تحمل الاساء والحزن لثقتها بمن خلقها وتكفل برزقها وهي الان في قمه سعادتها بعد ان ارتبطت بعدة اعمال اجتماعية وخيريه حتى وان كانت في بيتها. لاتدعي للحزن عليك طريق ابدا فانتي تحملين من القوة بكتاب الله مايفرج همومك اقدمي على الله كما يحب بالتقرب اليه وثقي وايقني بأنه لن يسناك ابدا. |
اقتباس:
حسبي الله ونعم الوكيل عليه .... علشان موضوع زعل .. طلقك .... والله حااااالة أنا زوجتي كل إجازة تزعل حتى لو خميس وجمعة ... ولا مرة زعلت ورسلت لي رسالة أنا ندمااااااااااااااانة .. بالعكس تدعي وتشحي |
موضــــــوع رائع " لي عوده \ | , |
اهلا فيك انا حالتي تشبه حالة و الاخت الكريمة وتحلو الحياة والحمدلله هلا مبسوطة ومرتاحة وهو حابب يرجع وانا ماعندي مشكلة والله يكتب يلي فيه الخير
|
| الساعة الآن 11:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©