|
من لديه خلفيه عن منهج تعليم الحاسب للمرحلة الابتدائية ؟
السلام عليكم ورحمة الله و بركآته لا أعرف بأي قسم أضع موضوعي لكن أتمنى مساعدتي عآجلآ ... من لديه خلفيه عن منهج تعليم الحاسب للمرحلة الابتدائية او اذا كان هناك مواقع تخدم هذا الغرض أو مواقع تحميل للمنهج كامل ولكم جزيل الشكر |
وعليكم السلام
اختي سويت بحث عن طلبك ولقيت الطلب الحمدالله عرض عالوورد وجدا رائع وملون وفيه تعريف الفارة والكمبيوتر ولوحة المفاتيح وكذا هذا الي تبحثين عنه ..؟. |
اللـه يجزآك خير نعم هو بدآيآت تعليم الحآسب للأطفآل ( المرحله الأبتدآئيه ) أذا تقدر تعطيني الرابط .. ؟ أكون شآكره لك |
تفضلي ياختي /
اممم تلقين رابط تحميلها بالمرفقات مجرد ماتسوين حفظ تفتحلك على طول ومن المرحلة الاولى الى السادسة اممم واتمنى بعد مشاهدتك له تعطيني رايك يناسبك او لا وهذا ماتبحثي عنه او ابحثلك ثاني |
زآد فضلك أخوي يعطيك العآفيه أخوي مـاقصرت عسى ربي يوفقك ويسسعدك ويجعل بحثك في موازين حسناتك أنا حفظتهم عندي لكن سؤآل أذا عندك خلفيـه .. كيفيه المقابله لتدريس الحاسب ؟ |
قصدك تقومين بها انتي بالتدريس..؟
|
أنا عندي غدآ مقابله لتدريس مآدة الحاسب للمرحلة الأبتدآئيه علمآ بأن تخصصي الجامعي ليس حآسب .. ! فـ أنا متلخبطه شوي |
ماشالله تبارك الله ,, الله يوفقك يارب وييسرلك المقابلة
سهلة اختي جدا.. كل الي عليكي تعطيهم خلفيات بسيطة عن الحاسب وفوائده << مافي شخص مايعرف هالمعلومات واذكريها لهم بالمقابلة, المقابلة لاتغرك ياختي مجرد يشوفون تفكيرك يشوفون هل عندك مشاكل بالنطق وكذا هذا الي يركزو عليه بالمقابلات لاتشيلي هم,, هو طبيعي نرتبك باي مقابله بس حطي ببالك انهم بيشوفون اسلوبك وكلامك ومظهرك وطمنينا بكرة باذن الله ايش صار |
آمين يآرب الله يجزآك خير أخوي على مسسآعدتي ونصآيحك أرتباكي لأن الحاسب ليس تخصصي بس إن شآءالله خير من ربي وأن شآءالله أطمنكم بكرآ |
الله يوفقك يارب
انتي بس احتياط احفظي كم معلومه من الرابط الي عطيتك هو تعريف الفارة والكمبيوتر وهالاشياء البسيطة لان المرحلة الابتدائية يبغالهم تاسيس بالحاسب الالي وهذي من الاساسيات يعني الحمدالله مافيها صعوبة عليكي مجرد اساسيات تطرحيها لهم,,وبالمقام الاول والاخير المقابلات تركز على الشخص نفسه قدرته عالكلام مدى استيعابه ولاتستغربين لو سئلتك سؤال خارج عن موضوع الحاسب |
آمين ويوفقك يآرب صح كلامك أهم شي الاساسيات و النظري إن شآءالله مقدور عليه بس طريقة العملي مدري كيف نبدأ فيهآ .. هل تتم الدرآسه مباشره بالعملي أو النظري ؟! أذا أحد عنده خلفيه كم برنامج يدرس للأبتدآئي ؟ يعني اللوورد والاكسل والأكسس ... كلهآ تدرس بالمرحلة الأبتدآئيه ؟ |
بتكوني مطبقة بالشهور الاولى وتدريسك باول اسبوعين نظري وبعدها عملي, والعملي تعلميهم كيف تشغيل الجهاز ومن ثم كتابة الروابط باماكنها المناسبة واشياء من غير حتى لاتراجعيها سهلة عالجميع بس الابتدائية يبغالهم هالتاسيسات
وبكل الحالتين التدريس على اسهل مايكون سوائن نظري ولا عملي مجرد اساسيات بالحاسب توصليها لهم على ايش شاغلة بالك اساسيات ياختي لا الورد والاكسل لا لا لا الي تدرسيهم لوحة المفاتيح كيف نفتح صفحة جديدة واشياء تافهة بحكم انهم ابتدائي ,, اما مرة وحدة بالورد والاكسل مستحييييل |
طمنتني أخوي الله يسعدك يآرب شآغله بآلي لأنه مو تخصصي وقلت يمكن أتفاجأ بأشياء ماأعرفهآ مثل الفوتوشوب بس الموضوع إن شاءالله سهل أذآ كان فقط عن مقدمة الحاسب الله ييسرهآ لي بكرآ بالتوفيق لي ولك أخوي |
واللي عنده معلومآت أخرى تفيدني لا يبخل علي أكون شآكره ودآعيه له طول عمري .. |
الحمدالله ايه خلك كذا تطمني
والله ماقولها لك مجامله او عشان اطمنك,, مستحيل تدرسيهم الفتشوب والورد والاكسل الله يوفق الجميع يارب ونسمع اخبار طيبة غدا ان شاء الله |
ما راح يعطوهم فوتوشوب عزيزتي
بس الأساسيات في البداية، كيف تفتحي الجهاز و تغلقيه من ابدأ شكل سطح المكتب، سلة المهملات، برنامج الرسام، الكمبيوتر، الدفتر بعد كذا كيف تنشئي ملف و كيف تنشئي مستند و تغيير اسم المجلد و حذف المجلد او الملف، و عمل اختصار له على سطح المكتب و بعد كذا كيف تتحكمي بالصفحة من ناحية تصغيرها و تكبيرها و اعادة تحجيمها، و إغلاقها ...* و اساسيات الكيبورد بعدين ، مثلا المسافة، الشفت، باك اسبيس، و زي كذا و ممكن بس تبداي تكتبي معهم سطرين اي جملة او سورة الإخلاص :) |
نقل للقسم الانسب
|
اختي بشرينا ايش صار عالمقابلة:25:
|
روح الطير - أحب زوجي يعطيكم العآفيه for ever-1 أخوي شكرآ بحجم السسمآء على أهتمآمك أستعديت للمقابله مع حفظ اساسيات الحاسب لكن أستخرت كثير ولم أجد الرآحه وتم مكالمه بيني وبينهم لرفض الوظيفه قد تكون خيره لي |
الحمدالله على كل شي
خيره لك |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©