اريد تفسير من الدكتور المختص
 

انا كانت الدورة اتاخرت عندى سيعه ايام في شهر 9 فروحت للدكتورة ووصفت ليا برشام اسمةcidolut nor ونزلت بعد تلات ايام ( يوم 21 / 9 ) مع االعلم انى قبل الجواز كانت منتظمة جدا
فطلبت انى احلل هرمونات
وفعلا طلع الخلل في هرمون الحليب ودى نتيجة التحاليل كلها يوم 23 / 9
TSH : 1.63 mIU/mI ( N : 0.4 - 4 mIU/mI)
FSH : 0.79 mIU/mI
Lutinizing hormone : 1mIU/mI ( N : 1.1- 11.6 mIU/mI)0
Serum prolactin : 108 ng/mI (N: 1.9-25 ng/mI)0
عايزة اشير بس ان هرمون الحليب زايد لانى كنت باكل حلبة بحبوبها طول شهر 9 وكمان كانت حلتى النفسية في الارض
فعملت اشعه مقطعية على الجمجمة عشان الغدة النخامية تقريبا او الدرقية وطلعت الحمد لله كلة نورمال
المهم
بدات اخد العلاج من يوم 25 / 9
اول برشام اسمة cyclo - progynova بداته من يوم 25 وخلصتة 15 / 10 وددا عشان ينظم البريود
والدكتورة عطيتنى برشام تانى لهرمون الحليب واسمة dostinex باخد حبيتين في الاسبوع كل احد واربع برضة من يوم 25 / 9
دى حالتى يا دكتور
الوقتى انا خلصت البرشام الاول يومين واشعر بوجع الدورة هل ممكن يحصل حمل ؟ انا صحيت الصبح لاقيت افرازات بيضة كثيفة نزلت دا معناة اية وهل اكرر البرشام دا ؟
ولسة باخد البرشام التانى
انا مش قادرة ااتابع مع الدكتورة تانى الوقتى لانى سافرت لجوزى بلد عربي وحلتى النفسية اتغيرت ومعنوياتى ارتفعت جدا وطبعا مش عدت بشرب حلبة خالص وباخد ع الريق بردقوش
ممكن تفسر ليا حالتى

استحلفكم بالله دعولى بان يرزقنى ربي الزرية الصالحة انا وكل مشتاقة يارب

لية ما حدا جاوبنى

الأولاني ده اصلا حبوب منع حمل اصلا وبتعديه تاني بعد 7 أيام من اخر حبة
وهو والثاني لازم تكمليه 3 شهور على الأقل

وبعدين نعيد التحليل ونشوف النتيجة

على فكرة حضرتك محتاجة سونار كمان

معلش ازاى حبوب منع للحمل وهو مكتوب علية ليس لمنع الحمل
وانا عملت سونار وقالت ان الرحم كويس والمبايض كويسة

انا اقصد البرشام دا
cyclo - progynova

اما اول برشام دا عشان ينزل الدورة انا مش بسال عنة
انا عايزة اسال هل ممكن يحصل حمل في الفترة دى
هل ممكن ينزل هرمون الحليب في شهر وع الجرعات الى كنت باخدها

يا دكتور لو سمحت جاوبنى

يادكتور لية ما جاوبتنى

ياريت يا دكتور تجوبنى على اسئلتى
الله يبارك فيك

انا سجلت في المنتدى لانى لاقيت ان الدكتور مهتم بكل الى بيسالوة
انا محدش جاوبنى
وقال رد ومشي
انا في حيرة يا جماعه
امشي ومش اسال تانى يعنى

يا دكتور حضرتك جاوبت على كل الى سالوك
ممكن تجوبنى

اهدي يا مدام شوية انا بجاوب والله كل ماادخل بجاوب على كل الاستفسارات الجديدة وباخرج لو كتبتي حاجة وانا موجود وبجاوب بالفعل مش بشوفها الا لما ادخل تاني

الحبوب بتمنع الحمل لكن ماينفعش استخدامها لغرض منع الحمل لانها طريقة قديمة وليها مشاكل بالنسبة لجرعات الهرمونات فيها
لكن الدكتور بيوصفها علشان يريح المبيض وينظم الدورة

طب تفسيرك اية للحالة ككل
هل ممكن يحصل حمل

اه طبعا يحصل حمل ان شاء الله وكل حاجة بس احنا نحل المشكلة دي الاول وبعدين نحاول مع الحمل