|
مد زوجي يده علي وبعنف للمره الثالثه
السلام عليكم ورحمة الله وبركاته ماذا افعل ارشدوني ماالحل لقد مد زوجي يده علي وبعنف للمره الثالثه غيرا عن الكثير من الالفاظ الدنيئه والسبب شجار عادي كاي زوجين فانا لي ثمان سنوات متزوجه ولم ارزق باطفال وزوجي كثير الشك هل اصر على الطلاق ارجوكم افييدوني
|
يعني الوحدة تصبر على كل شي الا الضرب
ولا يضرب خياركم يعني لو كانت اول مرة كان قلت لك ازعلي ببيتك وقومي بكل واجباته لكن ما تعطيه وجه قصدي ازعلي منه لين يراضيكي باي طريقة عزيزتي اسمعي مني قولي لزوجك ودي ازور اهلي وروحي بيت اهلك زعلانة ولا ترجعي الا لما يتعهد امام اهلك انه ما يمد يده عليك ويحترمك ويعمل لك قيمة في الحياة ولا ترضين بسرعة ولا ترجعين بسهولة خليه يعرف انك بنت عالم وناس مو رخيصة عند اهلك وانه وراك رجال يعمل لهم الف حساب قبل يفكر يمد يده عليك بس ما قلتي لي شو سبب الضرب وهل انت عنيدة وبس يعصب تردي عليه |
:* في المرة الأولى والمرة الثانية أيش كان رد فعلك وكيف تصرفتي..؟!! :* |
اقتباس:
|
لالا يا الغالية الا الضرب
كلمي حد من اهلك اخوك الكبير مثلا او اي احد ثريب من زوجك لازم يضع حد للضرب يا اههتي اللي مد ايده مرة ومرتين وثلاث وانت واقفة تتحسري وتبكي من غير ما توثفيه عن خد هذا يتمادى وكل مرة يزعل يقوم يضربك با الغالية وقفوه عن حده لا تسكتي ها المرة ابدا رفقا بالقوارير وليس الضرب لسنا حيوانات تنضرب في كل طالعة ونازلة الله يفرج عنك كربتك ويسعدك يارب وانت اصبري يا الغالية لا تخليه يعصب لحتى يقوم يضربك دافعي عن نفسك وان شفتي زوجك عصب اكثر التزمي الصمت وادعي ربنا يهديه |
حياكِ أختي .. ثلاث مرات والأخيرة بعنف ..!! صبراً ولكن إلى متى ..؟؟ لا ...!! عند هذا الحد يجب أن يكون لدى أهلكِ والدكِ أو إخوانكِ خبر بهذا الموضوع ..!! يجب أن يعرف حدوده ويلتزم بها .. ! يجب أن يعلم أن وراءك رجال لايرضون بما يفعل ..! حتى مع الخطأ لايعالج الخطأ بمثله ..! الحياة ليست سلطه واستبداد وإهانه .. الحياة حب وتفاهم وعشرة حسنة . لاتسكتي فإن سكتي الآن سيتمادى .. ويصبح فعله هذا مثل شرب الماء لديه ..!!!!! |
الله يعينك
كان المفروض تصرفتي من المرة الاولى |
حسبي الله ونعم الوكيل ..
حبيبتي ايش بتكوون ردة فعلك ..!!؟ وكيف زوجك في الـ8 سنوواات اللي فاتت ..!!؟ |
والله انا كتبت وانحذف ردي وبرجع بكتبو مليون مره
وشغلو الممحاة انا اليد اللي تنرفع وتضرب ما بيكفيني اقل من كسرهاااااااا ما بتعرفو تدافعو عن انفسكم ليه تتزوجو تعلمو كاراتيه جديوو ولا حتى بالمزح تنرفع ايدو يد الرجل لتلمس الزوجه وتطبطب عليها |
أبلة جرين
ماحد حذف ردك، انت كتبتي ردك على هذا الموضوع في موضوع ثاني بالغلط :D |
كلمي ابوج
خليعرف ان وراج رياييل |
اقتباس:
:* أنا مع هذا الرأي والمرة الرابعة إذا رفعها كلفي ولي أمرك يكسرها له وأنتِ لاتسمحي له كل مرة يهينك ويمد يده دافعي عن نفسك أو كلفي من يدافع عنك :* |
الله يهديه ويصلحه
وقفيه عند حده إلا الضرب خط أحمر علمي أهلك خلهم يشوفوا صرفة معاه عذرا منك بس شنو سبب الضرب ؟؟ |
اعزااااائي
اشكركم على مروركم العطر ولكم خالص تحياتي احب اوضح لكم ان بداية المشكله اني ناقشته وبحده عن موضوع ان اهله يخطبون له وانهم يبغون يزوجونه وبدات اطلب الطلاق منه وقتها عصب وانا قمت ارد عليه يبغى يعرف من اللي وصل لي الخبر وانا ما رضيت اقول له وهو عصب اكثر يوم طلبت الطلاق المره الاولى اللي ضربني فيها اهلي عرفوا وجلست عندهم فتره طويله وما رجعت الا ببيت لحالي لاني كنت بشقه جنب اهله الباب بالباب والمره الثانيه كنت بروح لاهلي لكنه اعتذر مني اكثر من مره واخر شي قام يبكي وبصدق ويدعي على نفسه بالكسر ويقول ماني في وعيي يوم ضربتك واذكره بالكلام اللي يقوله وقت الزعل ويحلف انه مايتذكر منه اي شي انا في حيره من امري واسال الله انه يصبرني ويلهمني الصواب لا تنسوني من دعواااااتكم ولا ردودكم دمتم بخير |
الله يصبرك ويلهمك الصواب .. يمكن الرجال من التفكير والضغوط مع شوية عصبيه في ذيك اللحظه ومد يدهـ عليك .. يعني انتـي عصبتيه شوي الله يسامحـه ودامـ دمعت عيونـه واعتذر .. انآ اشوف انك تدعي وتعطينه فرصهـ .. ما أقولك سامحيهـ اقولك اعطيه فرصهـ وأسأل الله العلي القدير ان يزيل مابينكم من هم .. لا تشيلي هم خيتي .. ترآ الله كبير سبحانه رحيـــــــــــم ؛ |
ماشالله تبارك الله
اهله بيخطبون له ويرجع يمد يده اانا لو مد يده وهو خاطب او اهله بيخطبوووون رحت لاهله وعطيتهم المقسووووم هذي واتتي مغمضه لني عفشتس مايبي لها راي احد او مشوره ربي يسررر امرك ويهدي زوجك ويهدي الثور اللي عنددي |
جعل كل شبيه رجال يمد يده ع حرمه تتسكر اضلوعه ببطنه ويشل اطرافه يارب
مايطلعون عضلاتهم الا ع الحريم الضعوف حسبي الله عليهم ونعم الوكيل انتي غلطانه يوم انك سكتي اول مره صارت عنده حلا واكيد شاف ردت فعلك وقال هذي تبلع كل مايجيها وصارت لغة التفاهم معك الضرب المبرح من قبله شوفي يختي لازم يكون لك موقف صارم وحازم وماتسكتين اقلها شيلي عفشك وروحي بيت اهلك وخلي ابوك ولا اخوك يتفاهمون معه اقلها يبغاله خيزران منقوع بملح يمحطون ظهره لين يعض الأرض ويعرف ان الله حق ويتأدب اسمحي لي من حرة قلبي |
اعزااااااااااائي
علاقتنا ليست بالسهوله اني الم عفشي واروح لاهلي واهله خطبوا له وحددوا موعد النظره وهو تركهم ولا رد عليهم هو انسان فيه كل الصفااات الرائعه سواء معي او مع اهلي له وقفات كثيره الا وقت مايعصب ونادرا مايصير هاالشي احيانا افكر نروح لشيخ واحيانا اقول يمكن انه يحتاج طبيب نفسي اتمنى من الله عز وجل لي ولكم التوفيق |
اختي لا شيخ ولا هم يحزنون
انتي الله يهديج استفزيتيه وهو شكله خجلان منج يعني ماله وجه يكلمج ولما عرف انج عرفتي زدتي من خجله واحراجه امام نفسه لو كنتي ماخذة الامور بدلع وعتاب كان ما حصل اللي حصل ما انصحج انج تروحين بيت اهلج أبدا اللي اشوفه انج تطنشينه داخليا وخارجيا واهتمي بنفسج وبس ولو فيه اشياء كان مو راضي انج تسوينها استغلي الفرصة وطلبيها منه الحين استغلي الموقف ودلعي نفسج معاه يعني خلي لسان حلاج يقول دام ان بتتزوج روح الله واياك بس دلعي في اخر أيامي معاك ما ادري اذا فكرتي وصلت والا لا |
من رايي لو يموت ما اعيش معه وهو يضرب لكل انسان طاقته خصوصا اذا مقصر
|
اخواتي العزيزات اشكركم من الصميم على مروركم الكريم
غاليتي / موهبة الكويت فكرتك وصلت واشكرك من كل قلبي لانك وصلتي لي حاجه كانت غائبه عن فكري لك فائق شكري واحترامي وخالص دعوااااااااااااااااتي |
أختي الله يسخركم لبعض قريت ردك وضاح زوجك يحبك الله زيدكم ويهنيكم
لكن أختي موضوع الأطفال ( هنالك دعا زكريا ربه قال رب هب لي من لدنك ذرية طيبة إنك سميع الدعاء ) أسمعي هالقصه http://www.youtube.com/watch?v=qMT-0hyZHHk الله يرزق بالذريه الصالحه وأكثري من الدعاء وإن شاءالله بيكف الله عنك زواجه وبيسر امورك وبيرزقك لكن أكثري من الدعاء ومن سأل الكريم عطاه |
انت تقولين :: ضربه لك بسبب حاله نفسيه ..
إذن ‘‘ إذا ضربك وبعنف المره الثانيه .. اقري عليه المعوذات !!!!!!!! والله المستعان ... هذا بدال ما تاخذين حقك منه ورد لكرامتك... لو كل وحده ضربها زوجها وبعنف ومعلم على جسدها الضرب تاخذ فيه شكوى .. حرم يطول حتى لسانه واعتدل وصار رجاااال .. |
| الساعة الآن 11:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©