|
هل أبحث لأخوي زوجه أخرى
السلام عليكم ورحمة الله وبركاته
بدخل بالموضوع على طول بدون مقدمات أخوي رجل متزوج ويريد ان يتزوج بأخرى وسبب لما يخبرنا بأي شئ ويقول أبحثو لي وقلت له ماني متدخله رح دور لنفسك قال أفااا وخلاني بالأخير ابحث له عن زوجه ونا ضمير يوجعني ماودي اتدخل يقول مافيه مثل خطبة الأخت لأخوها وش رايكم ادور له ولا لا والله مدري ليش ضمير يأنبني على انه ناوي يتزوج ناوي وهذي الفكره متمركزه براسه |
مدام انه ناوي على هالشي فمابوه شي يرده
اخطبي له انتي احسن لان الحريم يعرفن بعضهن في الاخير هو حاط الزواج براسه وراح يتزوج الا مشاء الله |
نصيحه اذا مافي سبب مقنع لزواجه
لاتخطبين له ترضين بنتس يتزوج عليها زوجها ياربي منكم. يابعض خوات الزوج افتكي من دعاها عليتس |
:* ضميرك يأنبك..؟! طيب ريحي ضميرك مع إني استشفيت رغبتك في مساعدته وتريدين مؤيدين لرغبتك.. :* |
اقتباس:
|
اقتباس:
وقلت له دور لنفسك مابي وعطيته قايمه طويله عريضه عن زواج الثاني وتكاليف والمصاريف وش للك بزواج بس والله براسه براسه هزواج يقول عطيني دليل ولا آيه تحرم أنك مايجوز تخطبين لي وش أسوي له أنا فيني من الهموم مايكفيني :( |
اعوذ با الله يختي خافي ربك لاينقلب حالك بيوم وليله من دعاوي الحرمه عليك
الي ماترضينه ع نفسك لاترضينه ع غيرك اصلحي مابينهم بدل ما تهدمين حياتهم حنا ماندري بتفاصيل وش سبب رغبته بزواج مره ثانيه بس اتمنى انك ماتخطبين له و شوفي وش فيه على زوجته خلي اخوك يصارحك . |
اقتباس:
بس مدري ليش صورة مرت أخوي بوجهي راحمتها مسكينه ومشكله ناشب فيني يقول ابي وحده يقطع زينها الطير من سماء هذي من وين انجيبها له الله يعين شاكره مداخلتك |
اقتباس:
أنا موب راضيه علي نفسي ولا عليها من سمعوكم قال أني انا اللي قلت له أعرس هو اللي يبي أنا مالي دخل ابدا يقول ربي انعم علي بالخير وابي اعدد يقولي حرررام قلت لا موب حرام بس بعد ذي العشره يقول لا هي معززه مكرمه ماعليها قاصر وسألته وقلت ليش طيب يقول ابي اعدد واخوي من نوعيه اللي مايحب يطلع وش بينه وبين الحرمه |
خراب البيوت مو زين بس باين عليه يبي وحده جميله طيب وزوجته وام عياله انا مدري النظره الشرعيه هاذي وش الفايده منه احد يرد عليا
|
اقتباس:
بس ترا والله العظيم مالي دخل ابداا ابداا هو اللي يقول دور لي وعلموني هي زينه ولا لا طبعا قبلها يبحث عن الدين |
تبغى الصراحه الرجل لما يكثر فلوسه مو عارف وش يسوي فيها يقول اتزوج لان مشروع الزواج هو يشوفه مشروع ناجح الله يعينك ربي احل له اربع بس هيا زوجته وش ذنبها المفروض تقولين له وش السبب عشان ما نظلم بنت الناس والعشره ما تهون الا على واحد جاحد وانتى ادري باخوكي الله يعينك ياقلبي
|
اقتباس:
:* الزينة إلي زينها يقطع الطير من السماء ماهي جالسة تنتظر المعدد وخطابتها واجد وتبغى واحد لها لحالها مالها فيه شريك وإلا واحد مستعد يطلق أم العيال أكرام لزينها ياترى لنفرض لقيتي له ضالته وطار فيها وقالت :أبغاك لي لحالي تكوني جنيتي على الآدمية وعيالها :* أختي لاتتدخلين خليه يصرف عمره لو عنده سبب مقنع قلنا معليش بس فراغة عين :* |
اقتباس:
بس على فكره هو شخصيته قووويه وزوجته ماعليها زينه مع ذللك ماملى عينه والله العظيم أنه ماعمره جاء في بالي انه يبي يعرس غريبين ذيلا رجاجيل ومشكله انا شخصيتي مره مطيعه ولو قال لي كلمه أقول طيب يصير خير بشوف وله كلمه قويه علي |
عزيزتي خجوله ..لاتدخلين في مثل هذي الامور نصيحه الاخويه مني لك
.. ربما بخطبتك له تظلمي زوجته ام عياله ودعوة المظلوم مستجابه انتبهي لانك حتى لو انه قال لك عن السبب وراء زواجه بالثانيه ربما يخفي عنك السبب الحقيقه لذلك لان الحياه الزوجيه يقولون اسرار .. .. الرجل لما يبغي يزوج يحط الف سبب مقنع لزاوجه بالاخرى وربما بكره راح يجي من يظلمك ويزوج زوجك عليك ويحرق قلبك خليه يصرف نفسه وعلشان ايضا بكره لو طلعت مش على كفيه راح يقطها براسك ... اصلحي بينهما وداعي لهما بالصلاح والألفه في جوف الليل وفي اوقات التي يكون فيها الدعاء مستجابه احسن من انك تسعي في هذا الطريق ... جاراتنا كبيره في سن ولدها تزوج على زوجته وحده ثانيه وفي فترة الخطوبه بالثانيه قلت حق ولدها طلق الثانيه وهي في فترة الخطوبه قبل الزواج وطلقها وهي ما سويت اي شي وبعدين بس سنه تقريباً زوج جاراتنا كبير في السن تزوج عليها بنت بكر وصغيره في سن واحترق قلبها مثل ماتدين تدان .. وووفقك الله لكل خير .. |
الرجال ما يملي عيونهم غير التراب واضح انه فلوسه زايده وحابب يغير والضحية مين طبعا الزوجة المغفلة المسكينة اللي تحملت قرفه ومرضه وفقره وهذا نهاية الخدمة الزواج عليها وبدو الاخ وحدة توقع الطير من السما قولي له اتقي الله وانتبه لبيتك وزوجتك واذا عندك فلوس زيادة خليه يتبرع فيها للصومال او يزوج واحد عزابي فقر ما يقدر يتزوج
وخليه يجلس مع زوجته اذا فيها مشكلة او عيوب ويعالجها ومثل ما هي عندها عيوب هو بعد عنده عيوب خليه يركز على حسناتها ويترك السيئات اسئلك بالله لا تدخلي بموضوع زواجه بلاش بكرة تي دعوة من زوجته والناس نيام وتصيبك دعوتها وانصحك بعد ما تكثر الردود هنا خليه يدخل ويقرء الردود صحيح راحوا الطيبين |
اقتباس:
افهم من كلامك يا سيدة ان اللي جالسين ما تزوجوا من قلة جمال فيهم ؟!!! لا والله مو صحيح ... بالعكس أنا شفت بنات قمة في الجمال والله جمال غير عادي و فوق هذا تعدوا الثلاثين و ماتزوجوا ... و فوق هذا برضوا مازالوا بجمالهم الأخاذ .. و بنات متزوجات ... اذا شفتيهم تستغربي ،، مين اللي ما عنده ذوق متزوج هذي ؟!!! و هذي الظاهرة منتشرة بشكل كبير ... ما سمعتي المثل اللي يقول ( حظ الملايح تحت الصفايح ،،، و حظ القبائح بالسماء لائح ) ههه سمعت هالمثل من اكثر من عجوز ،، لما يشوفوا بنت حلوة مو متزوجة او العكس ... يعني هالشي معروف من زمان ...! و سمعت منهم بعد ان اللي يكثروا خطابها ما تتزوج ..! و هذي بعد اثبتها الواقع .. اذكر جده كانت تخاف على بناتها اذا انخطبوا اكثر من مرة و تقول ما راح يتزوجوا .. ادري انك ما تقصدي لكن حبيت أوضح ..! |
السلام عليكم .... أخواتي وش بكم علي صاحبة الموضوع .... يعني الزواج أصبح مشكلة ؟!! إذا الرجل مستعد انه يعدل بينهم فما هي المشكلة ؟؟!!! أختي صاحبة الموضوع من وجهت نظري ... احسن لك تبحثين له إمرأة صاحبة أخلاق و دين ... لأنه سيتزوج ... و أفضلك أن تستاعدية لفتح بيت ... خير من ان يختار بدون مساعدتك ومن ثم يطلق لا سمح الله ... وهنا بدل ما نساعد في فتح بيت نساعد لهدم بيت من بيوت المسلمين ... وأخواتي المعارضين للتعدد ... انصحكم بالعيش بالمجتمات الغربية لأنها تمنع التعدد ... وتخالف الفطرة المخلوقات ... و شريعة الله ... صارت تخوف ... ولا ذنب و دعاوي ؟؟!! يا أحبابي مدام أن الرجل يريد الزواج بالحلال ... لماذا تردون ردود غير منطقية .... لازم الواحد يفضح بعيوب زوجته علشان ترضون بزواجة ؟؟؟ الرجل يحب ما يوضح وش بزوجته وجزاه الله خير انه ما يعيب بزوجته امام الناس ... والله ثم والله لو يتزوج أبوي أو زوج أختي يتزوج زوجة ثانية لأعاونهم بالنفعة ... مدام انه يعدل ... خلاص ... ليش حنا تسوي تخويف .... يا أخواتي ... اتقوا الله ... رب كلمة لا يلقي العبد لها بالاً تهوي به في النار سبعين خريفاً ....
أختي استعيني بالله و حاولي ان تبحثين له عن ذات خلق ودين ... و الله يعينك أنا أتكلم من باب النصح ... وعارف اني سأجد منكم ردود قاسية و ربما كره ... ولكن الحق يقال ولو كان مراً .... أرجوا تقبل كلامي ... و أن يُحمل محمل حسن الظن ولم أقصد الإستفزاز ... |
اللي أعرفه انه موضوع البحث عن عروس شيء مو سهل أبدا .
تقدري توافقي معاه لكن مو ضروري تبذلي جهد كبير بالموضوع .. على مهلك .. ما دام ما تقدري تخالفيه قولي له خير ان شاء الله .. يصير خير وماطلي بالوقت . يمكن بينه وبين زوجته خلاف ومع الوقت يتصالحوا ويصرف نظر عن الزواج من ثانية لكن إذا بعد كم شهر ظل على إصراره وإذا تعرفي بنت حلال متدينة ومحترمة وكبيرة أو أرملة أو مطلقة وعندها نية الزواج فدليه عليها ويكون حقق الهدف الفعلي للإسلام من الزواج الثاني .. وإذا الزوجة الثانية عندها أطفال يساعدها بتربيتهم يكون أحسن حتى يكون طبق الدين بكامل حذافيره بخصوص الزوجة الثانية .. عجبه يكون خير . ما عجبه قولي له هذول اللي أعرفهم أما المراهقة المتأخرة هذي ضررها أكبر من نفعها . |
اختي
اذا زوجة اخوك قايمه فيه ومو مقصره انصحك تنسحبين من الموضوع اما اذا كانت سيئه معه ولاتقوم بواجبته فخطبي له |
الله يعينك ... ووفقك للخير..
لو خطبت له .. فلا وزر عليك .. ولكن نحن النساااء لا نريدها .. رحمة بزوجته وإكراماً لها فقط .. |
اقتباس:
قال لالا عادي محفوظه كرامتها وكل شئ وبين عيالها ومصيرها تزعل وبترجع وسجل حتى أششياء نعرفها بأسمها وأشياء ماندري بها الله يرزقها ودائم أحاول اغير الموضوع بس يروح ويرجع على ذا الموال الله يعين يارب |
اقتباس:
وطيب مره بس يقول الشرع محلل لي اربع وزوجتي مافيها إلا ونعم بس أبي اعدد هو يقول أبيك تدورين لي وحده ذات دين يبي ملتزمه وجميله ويقول لي انا ماعندي طلاق ابدااا يقول إلا في حاله وحده أذا ماكانت تبغاني فالله يستر عليها يمكن لأني عارفه أنه أنسان يخاف ربه هذا شئ هو اللي أعطاني واحد بالميه أني أفكر أدور له والله أني مدري شاكره مداخلتك |
الدال على الخير كفاعله
ساعدي اخوك وارسمي البسمةعلى اخت لك تنتظر ان ترتاح من هم العنوسة |
اقتباس:
وهو انسااان فاهم جدا ونا بصراحه ماعرف وش بينهم وهو يمهد لها الموضوع ألين يخطب ويتزوج مشكور أخوي على مداخلتك |
اقتباس:
وهو أول يعني يجينا من فتره لفتره ولأنه عارف أن حنا باردين صار يجي كل يوم علشان يشوف وش سوينا ويقول هاه وش سويتو قلت ماسوينا شئ هههههه اما المراهق مراهق وبصراحه قلتها له |
اقتباس:
|
اقتباس:
لانه مايتكلم ولا يجيب طاري اهله ابدا عندنا وحنا نفس شئ نسأل عن الحال والأحوال وبس |
المشكله أنه أمس جانا
وكان يكلم بالجوال وظاهر يسأل وأحد عن يعرف أحد وزي كذا عنده بنات وقال له انت بتعرس قال ايه والله ابعرس ونا كلمت الأهل وبخليهم يخطبون لي قال أجل خلهم يدورون لي وحده الله يعافيك الله يهديهم مدري وش شايفيني خطابه ولا وش مشكله أخوي بالاربعينات وثاني بالخمسين أمرهم عجيب والله بدال ماصرت اخاف من دعوة وحده صرت أخاف من ثنتين |
اقتباس:
|
اقتباس:
|
موضوع يوجع القلب اي موضوع فيه زوجة اخرى فية انسان سوف ينجرح
لو انا مكانك مستحيل ابحث لانه مستقر ولايوجد سبب كالمرض او الموت |
من قال أنها ظالمة و آثمة إذا خطبت له ؟
الإسلام لم يشترط للتعدد سبب , أهم شيء ان يكون يستطيع العدل سواءا كانت الزوجة الآولى مقصرة او لا ... لا يهم بعض النساء و المتزوجات على وجه التحديد تقف امام التعدد بكل قوتها وكانه جريمه اين التسليم و الرضى بقضاء الله ؟ التعدد صعب لا احد ينكر و لكن الرضى الرضى بامر الله و التسليم له اين هو؟ |
1) قولي له: الزم بيتك وزوجتك.
2) إن أصرّ عليكِ بالبحث فابحثي له، واطلبي منه الصبر، واشترطي أن يجعل الأمر سراً بحيث أن يكتم خبر بحثك له؛ كي لا تتأثر علاقتك بزوجته الحالية. |
شوفي اختي الغالية انا قاعدتي في الحياة كل تصرف مصيره يرجع لي
انا ما اقول لك لا تخطبين له او اخطبي له ,,,ولا يمكن احرم حلال لكن ان خطبتي له ....... طال الزمن او قصر اخت زوجك بتخطب لزوجك؟ فاذا ترضين على نفسك هذا اخطبي له؟؟؟ |
اقتباس:
اللله يعين يارب |
اقتباس:
شكر لكي اختي |
انت قولي له تبغي تتزوج روح انت دور لحالك انا مالي شغل
وبعدين هل زوجته المسكينة تدري هو شو ناوي يعمل او لا وانت شو رايك باللي جالس يصير بما انك مقربة منهم الاثنين هل تشوفين فعلا انها مقصرة عليه حتى فكر بالثانية |
اقتباس:
يقول أبي وحده جمال ويقول أن خطبتو أبيها فوق يعني جمال مره ونا يوم قلت ابشوف وافكر بس بشرط ماتدري زوجتك قام عصب وقال لي عيب عليك أنا راح أقول لها الله يعين |
اقتباس:
واعترضت واحين أماطل بس وش اسوي والله أكيد أنا موب راضيه ويالأسف أنا مطلقه :(وجربت :(ورضيت باللي الله كتبه لي حتى اني قلت له انا مجربه حرام تره اللي تسويه يقهر ونت عارف قال عادي مصيرها بترضى ويقول هي مالها إلا اللي يرضيها ويسر خاطرها الله المستعان شكرا لكي أختي الغاليه |
| الساعة الآن 03:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©