ساعدوني في حيرتي
 

السلام عليكم
لا اعرف ماذا اقول محتارة في امري
طليقة زوجي تريد ان ترجع لزوجي واشعر بانها تخطط لشئ لتبعدني عن زوجي تريد ان تعود وقد مر خمس سنوات على طلاقها وهي من طلبت الطلاق انا لدي من زوجي ابنتان وصار لي مزوجه 5 سنوات طبعا هو بعد زواجي منه رجعها لكن مافي فايده رجعت طلبت الطلاق منه والحين تبي ترجع هو وعدني انه مابيرجعها بسبب المشاكل الي سوتها وكانت بتخرب حياتي وعدني وطلب مني اني اوثق فيه وانا فعلت والان اكتشفت انه يكلمها ويفكر في ارجاعها بعد ان طلبت منه لماذا لم يسالها اين كانت قبل خمس سنوات وكمان تبي ترجع بشروط وهي من طلبت الطلاق وصارت تجيني اتصالات ورسائل تخبرني بان زوجي يتفق من ورائي مع طليقته لارجاعها وانه يكلمها بالجوال انا مضايقه لاني وثقت فيه وهو يعمل كدا من وراي لااعرف ماذا افعل لما يجي يخبرني انه يريد ارجاعها هل اتركه اما ماذا افعل مضايقه كثير هو خان ثقتي ومتاكده انه سيضع حجة انه بيرجعها عشان بناتها لان لديها هي ايضا ابنتان بس انا بعرف انه بيرجعها مو لهذا السبب لان بينهم مراسلات ويكلمها بالجوال ويقول لها انا لحد الان احبك ويرسل لها رسايل حب وغرام ونكت فيها قلة حيا وكل هذا من وراي ولما اقوله انك تفكر ترجعها يقولي لا ومستحيل ارجعها بعد الي سوته وانا مو قد الحال عشان ارجعها وهو يادوب يصرف علي انا وبناتي خايفه ماني عارفه ايش اسوي

زوجك لعاب مع الأسف

طلقها مرتين وبيرجعها

لا والحين يراسلها ونكت والخ الخ

حتى لو رجعها بيطلقها


نهايته معروفه تيتي تيتي مثل مارحتي جيتي

انتي مالك الا الصبر الله يعينك

خوفتيني

أختي ..

هل اكتشفتِ تلك المكالمات والرسائل ورأيتها بنفسكِ .. أم أنكِ اعتمدتِ فقط على من أبلغكِ بذلك؟ .. وأساساً من الذي قام بإبلاغكِ؟

شكرا اختي عالرد نعم انا الذي رايتها بعيني لان الرسال كانت تاتي في وقت متاخر يعني الساعه الواحده ليلا او الثالثه فجر وكذلك الاتصالات كانت باستمرار وانا واجهته بالرسال والاتصالات وقالي مافيها شي هذي كانت زوجتي والحين هي ام بناتي قلت له بس هي الحين حرام عليك والله ورسوله مابيرضو بهالشي بس مافي فايده والاتصال كان عن طريق برنامج من برامج الايفون التي تغير نبرة الصوت بحيث لاتعرفي من المتصل امراه او رجل لكن الاسلوب كان اسلوب امراه وليس رجل وكذلك كانت تاتيني رسائل وكان الاسلوب اسلوب استفزاز كانهم يريدوني ان اتهاوش مع زوجي والارقام غريبه وعندما نتصل عليها تكون مقفله

اختي فري امن انا سبق واعطيتهم فرصة للرجوع ولكن مالذي حصل كانت تريد ان تخرب بيتي ولما ماقدرت طلبت الطلاق مرة اخرى والحين بعد خمس سنوات راجعه وين كانت هالخمس سنوات وراجعه ليس لاجل بناتها وانا متاكده من هذا الشئ لو كانت عشان بناتها كان مافي داعي ترسل له رسائل تخلو من الحياء ولا رساله من رسائلها شفتها ذكرت فيها بناتها همها نفسها وبس اصلا غرضها واضح ومن اول مافكرت بالرجوع صارت الارقام الغريبه تتصل علي وترسل لي رسائل زوجك يعمل كدا وكدا من له مصلحه بذالك انا جالسه ادفع ثمن غلطاتهم وحياته معها كانت ثلاث سنوات وديما بالهواش والصريخ وديما في بيت اهلها كانت تبغى تسويه مثل الخاتم بيدها ولما ماقدرت قامت بالحرب عليه هو كان عنده اطفال يتامى من زوجته المتوفية لكنها لم تستطيع تكسبهم بالود والمحبة

لو كنت بمكانها ماكنت بعمل الي هي بتعمله ولا كنت خربت بيوت الناس ان كانت فاكره ان الدنيا دايمه لها فهي غلطانه الناس تدخل من الباب مش من النوافذ لكن هذي قلة حيا فيها انها تتصل لرجال حرام عليها وتراسله كمان لو كانت انسانه محترمه ماعملت الي بتعمله هذا وعمرها 45 ماخلت شي للصغار اثنينهم كبار في السن واثنينهم مو عارفين يتصرفو صح الله يعينهم على نفسهم

الله يهديهم لا كن إذا كان يريد يرجعها فالشرع له أحكام مو بس خذني جيتك وثانيا لو رجعها حاولي معها باحسان واهتمي
بنفسك وبزوجك وبناتك وبيتك وماتهمك وبأمكانك تطلبي مسكن يخصك لو أراد إرجاعها وأسئل الله لكم التوفيق ...شااااب

الله يجزاااااااااااااااك خير أنا معك 100%

شكرا عالرد
 

لو كانو مهتمين للشرع ماراسلو بعض او كلمو بعض وهم يعرفو ان هذا الشي حرام لكن ايش نقول ان لم تستحي فافعل ماشئت ...

مشكوره اختي عالرد
 

انا كمان احيانا اقول كدا بس خايفه في نفس الوقت لان هي ماترجع بسلام وانا جربت هالشي لما رجعت قبل

اختي الله يصلح امرك حطي في بالك انا أمر الزواج والطلاق عند الله مثل الموت مايعلم الأنسان متى
اذا ربي كاتب لها انها ترجع ...راح ترجع مهما حصل واذا ربي كاتب لها ماترجع لوتسوي المعجزات ماراح ترجع
يبقا الدور عليك ؟؟؟؟

سوي مثل ما اقول لك
1- اهتمي في نفسك كأنك عروس جديده ( عيشي العسل معاه وانسي أمر طليقته)
2- اهتمي في زوجك وبناتك وبيتك وتركي امره وامرها لله يكلمها تكلمه قال وقيل خلي أذن من طين واذن من عجين
انت تقولين تجيك اتصالات انه يكلمها لو فكرتي صح لقيتي ان هدفهم تطلعين من البيت ويفظا لها البيت ...
في هذي المرحله راح تتودد له هي اكثر والبيت فاضي ...وراح ترجع على بيتك حتى لو ماكان له نيه يرجعها راح يرجعها لما يمل من كثر القرقره على راسه منك وبيته الي تركتيه فاضي
لا تردين على اي اتصال او رساله ...اذا لزم الأمر ردي برساله ( حسبي الله ونعم الوكيل ...اللهم اكفنيهم بما شئت...اللهم اشغلهم في انفسهم ) بعدها غيير رقمك وريحي راسك
اخيرا اختي اتمنى منك التنفيذ الفوري ؟؟؟؟
انت الحين عروسه جديد نقول مبروك

شكرا اختي بالفعل كلامك يريح

شكرا اختي انا بعمل كل الي قلتيلي عليه بس هو منطنشني يعني الاول كان يجن علي الحين لو اوقف جنبه مافي امل حتى يطالع فيني لو ايش البس له وايش مابعمل له مافي فايده اذا مره يطالع فيني ويقولي ايش فيك بس

معليش حاولي ولا تيئسي ....اذا ما اثر فيه الحين راح يأثر فيه بعدين
والله راح يكون معك اذا اخلصتي نيتك
احتمال الرجال مشغول عنده مشكله ..طفشان تعبان ..الخ
اهم شي انك ترتاحين بعدين ولا تقولين ياليتني صلحت له كذا وكذا كان ماخسرته
لاتنسين الدعاء يوم عرفه ؟؟؟؟؟ راح تلقين الخير الكثير بأذن الله

هو هو محتار شوي ومو قادر يتخذ القرار لانه خايف تكون ردت فعلي سلبية وانا الصراحة صبرت عليه كثير وتحملته وهو خلاني اوثق فيه ووعدني وقالي مستحيل ارجعها لان انا مانا قادر اصرف على بيت واحد كيف افتح بيتين وبعدين يطلع كلامه كله كذب ومصر على الكذب

انا ابي رايكم لو رجعها من دون مايقولي وجى بعدين قالي انا رجعتها ايش اسوي كيف اتعامل معه لانه قبل سواها معي وجى بعدين تاسف مني وانا سامحته

أختي اتوقع أنه رجعها ونتي ماتدرين لأنه زوجك نفس طليقي رجعني على زوجته اللي تزوجها من بعد ماطلقني وهي ماتدري وكنت يوم بأرجع له توقعت أنها هي عارفه انه رجعني شوفي أختي اتوقع أن زوجك مره متمسك فيك ويحبك لكن انتي اخلصي له وعامليه بكل طيبه واحترام ولاتخسرينه أبدا واتوقع ان رسائل اللي توصل للك من طليقته انها هي والله اعلم للذلك أنصحك ياقلبي بما أنك شفتي زوجك يدافع عن زوجته يوم واجهتيه ويقول وش فيها هي ام بناتي للذلك أنصحك ماتواجهينه ولاتنبشين شئ خلي الأمور تمشي مثل ماهي عليه وسوي نفسك مانتي عارفه عن شئ ابدا ون جتك رسائل لاتورينها زوجك ابدا
لأنه ياعسل أكيد هو عارف أنه طليقته اللي ترسل وبكذا انتي تثبتي لزوجك أنها تحبه ومتعلقه فيه وتبيه لها لحالها للذلك أقولك لاتصيرين تورينه رسائل ابداا
لأني أنا مثلك بضبط جتني رساله من زوجته اللي تزوجها وكانت هي كل شوي ترسل لي رسائل ويوم خليت يشوفها وسألت وقلت هذا رقم زوجتك تخيلي قال لا وش ذا رقم ماعرفه ابدا ويوم جاء بعدين فتشت جواله وعرفت انه رقم زوجته
وطبعا بعدين لانه طليقي لعاب ماوفر لي بيت وبعد اكاذيب ومرواغه أكتشفت أنه فقط يبي يلعب سحبت نفسي وطلبت الطلاق وبالفعل تطلقت على اني والله ماعمري مشيت في شئ يخرب بيت زوجته لكن هذي حكمة ربي وبعد فتره حاول يرجعني بعد محاولات رفضت رفض تام وقلت لهم اني ماشوفه إلا زي الأخ
وصدقيني أذا كانت نية زوجته شينه وتبي تخرب بيتك فلا تخافين ربي بيعطيها على قد نيتها وبتنقلب الدعوى عليها

اختي اخلصي نيتك ووكلي امرك لله وحطي نفسك مكانها
انا ضد اساليب تخريب البيوت واساليب الرسائل والاتصالات
لكن انا انسانه مطلقه وعندي بنت لو يحصل ارجع لطليقي اذا كان خير لي رجعت ولن اسعى لتخريب بيت زوجته الاولى لكن سوف اسعى للحفاظ على بيتي

المفروض ما تزوجتيه الا بعد ما تاكدتي انها طلقت طلاق لارجعة فيه

ودام انك عارفة انها طلقتين يعني احتمال يرجعها , ليش الزعل؟؟