|
اليوم تأكدت أني تطلقت
اصعب شعور بالحياة لما تطلق البنت واهي توها صغيرة
وترجع بيت اهلها بدون ذنب وترجع لغرفتها وتحط ملابسها بدولابها القديم وتمسح اثاث غرفتها وتصف اغراضها واهي تمسح دموعها وترجع مثل اول بكل شي ماعدا النظرات اللي كلها رحمة وشفقة.. ******************* زوجها حبيب قلبها اللي عمره ماتخلى عنها ومتفاهمين ويموتون في بعض يرميها بسرعة وبتهور وبدون تفكير.. بسبب وحدة بنت حرام وتدخل حياتك وتخطف زوجك ويروح معاها بهدوء ويطلقك قصتي طويلة ,, وأتوقع مافي مطلقة ظروفها أصعب من ظروفي بس وربي مابي اتكلم خلاص تعبت يعني لو باحاول انسى واعيش فلا مجال للعيش في بيئة اسرتي اسرة معقدة ومنغلقة والكل يشك بي لا ادري لماذا فقط لاني تزوجت ابن عمي عن حب .................................................. ............ الله بس يرد لي زوجي ويعرف الفرق بين بنت عمه البريئة والوفية والحنونة وبين هذي الغريبة الاطوار آآآآآآآآآآآآه ياقلبي ليش تنازلت عني ياحبيبي.. المشكلة انه ماخذني عن حب خمس سنين .. ذبح نفسه عشان ياخذني.. مالحقت افرح به الا راح .. الحمد لله على كل حال.. تتوقعون حبيبي يرجع لي والا لا .. أسألكم يارجال هل الجمال له دور في ان يتخلى الزوج عن حب حياته ويعشق اخرى من اجل فارق اللون انا بنت جميلة وكل شيء فيني ماعدا البياض.. ووجد ضالته في هذي المجرمة التي تعلم انه متزوج ولديه زوجة واطفال ولكنها تهدم بيته بهدوء لتتمتع هي بكل شيء.. .................................................. متزوج مطلقة .. تخيلوا من تطلقت من زوجها بدت تكلمه واهي بالعدة .. ومن كلمته طردنا انا وطفلي ورضيعي.. وكل شيء كان يقول لي انه مايقدر يوفره لي وفره لها واخذ كل اللي يبغاه من اغراضي وعطاها لها والباقي رماه واهله لعبوا في عفشي.. حسبي الله ونعم الوكيل اهله شجعوه لأنهم كانوا يموتون غيره من حبنا ودلعنا لبعض مو مصدقين وبنفس الوقت متفرحين ويدورون بالعروس ويحتفلون بها.. ويتكلمون بي كلام اسأل الله ان يعفو عنهم وان يرد لي زوجي رغما عن كيدهم وتشجيعهم له على التخلي عني..واردد حينها: (قل موتوا بغيظكم) .................................................. ... ابي منكم تعطوني حلول لاستعادة حبيبي.. وأنا أعرف ان التقرب لله والدعاء اعظم واصدق الحلول ولكن اريد ان افعل بالسبب ارجوكم لاتقولوا انتظري لن انتظر حتى اهلك انا متعبة الحمد لله.. الحمد لله الحمد لله |
حبيبتي فكري بصحتك وبحياتك وبسعادتك وأبنائك أفضل بكثيييييييييير من تفكيرك بشخص لم بفكر فيك ورماك وباعك برخص بالرغم من وجود الحب كما ذكرتي
لا نريد إعطائك حلول لاستعادة حبيبك لاننا وببساطة لانملك الفانوس السحري ولا نستطيع أن نقولك ذلي نفسك وأرميها على شخص لم يخاف الله فيك أريد أن أقول لك شئ واحد فقط الطلاق امر الله واعلمي أنه خيرة لك قبل كل شئ وتأكدي أن المظلوم سيرجع له حقه بالدنيا قبل الآخرة يكفي أن دعوته لا ترد لذا وكلي أمرك لله وأنسي الموضوع واجعلي الامور تسير كما يشاء الله أحسني تربيتك لابنائك أسعدي ذاتك أنظري للحياة نظرة تفاؤل طليقك عايش بالعسل وانت تموتين كل دقيقة من اجل ماذااااا أخيه من أجل رجل رجل !!!! ونصيحتي لا تلتفتي لكلام ونظرات الناس لان رضا الناس غاية لا تدرك عليك بما يرضي الله ثم يرضي ضميرك فلا تخسري صحتك وحياتك أسأل الله أن يعوضك خيرا منه ويقر عينك بصلاح أبنائك ويوفقك لكل خير ويجازي كل ظالم |
ابنتي الكريمة
أسأل الله العلي القدير أن يبرد عليك ما أصابك ويجمع لك ما تحبين وجميع المسلمين. ضعي لك موضوع خاص بي في قسم ساعدني إعادة تأهيلك نفسيا من هذا الظلم . |
لا حول ولاقوة إلا بالله
مااادري وش أقول لك أختي إلي متي هالظلم في البشر هل أحنا مخلدين في الدنيا إلا متي نعيد ونزيد الدنيا ممر مو مقر كل شي ولا ظلم عباد الله المعاصي والذنوب علي نفس الإنسان وربي أكرم وأرحم منا من أنفسنا لكن حق العباد من الذنوب إلي ماتغتفر والظلم شششششين مايروح وتشوفها في الدنيا قبل الأخره وكل قوي وفوقه إلي اقوي منه أختي فوضي أمرك الله وإذا فيه خير بيرجع لك أو يعوضك ربي بأفضل منه بس قوي أملك بالله |
لحن السعادة تألمت من كلمة (هو الآن عايش بالعسل)
انا أركض خلفه وارسل واحاول اكلمه ورافض ومااستوعبت انه طلقني الاقبل شوي جا اخوي وجهه متغير لانه استلم صكي ساكت مانطق قال لامي وامي قالت لي تخيلوا يقولون طلقك اقول لا انا ماتطلقت |
ايها الأب الحنون رجل الرجال ما اروع ماتقدمه لنا وماتفعله من اجل بنات امتك المطلقات
ان شاء الله باكتب مع ان نفسي مسدودة وابي زوجي وبس |
ملامح قمر يازينك كلامك يريح
|
كان الله في عونك
وبأذن الله سوف يعود اليك انتي واطفالك اعتني بأطفالك واشغلي نفسك بهم فهم استثمارك في هذه الحياه |
اقتباس:
إلي باعك عشان وحده وباع عياله صدقيني مايستاهل منك دمعه إلي متي وأنتي كذا انما الصبر عند الصدمة الاولى أختي قريت لك في موضوع ثاني أن المطلقه تعيش هم وغم وحياتها لازم تطلع تعيسه عشان شخص باعها ومستحيل الوحده تعيش نفس ماكانت مع زوجها أقول لك وبالفم المليان تقدر تعيش أحسن والله تقدر وصدقيني السعاده في النفس لا مال ولا زوج ولا عيال السعاده كلنا نعرف طريقها لو كنا مو ملتزمين لكن السعاده الحقيقه في طاعه الله مو في زوج ولا عيال اقتباس:
الحمدالله عندك عيالك أمك بري فيها وتوكلي علي خالقك الدنيا شوفي أقرب مثال أمير راح ترك الدنيا بعد عز ومال وملك وكلنا ماشين في هالطريق ماراح عشان نجلس أحنا لكن الله يرزقنا الجنه وسبحان الله كلمه دايم أسمعها من أبوي مايقدر الله إلا كل خير شي كتبه الله خلاص لازم نحسن الظن في ربنا ونحمد الله علي كل حال ونصبر انا إلي خلاني أرد ردك في موضوع للمطلقات الله يعوض عليهم أختي أكثري من إنا لله و إنا إليه راجعون ، اللهم آجـِـرني في مصيبتي و اخلفني خيراً منها وقول لاحول ولاقوة إلا الله فاهي دواء من تسعة و تسعين داء أيسرها الهم |
قصتك فيها ملابسات كثيره ....كيف يتخلاء بسرعه عشان وحده ابيض منك ؟؟ وكيف شافها وعرف انها ابيض منك
حطي في بالك مهو سبب رئيسي عشان يتخلا عنك اهم شي انتي اهتمي بنفسك واولادك وحاولي انك تبعديه شوي عن افكارك عشان تستعيدين صحتك وتتزن افكارك الله يفرج همك وكربتك اسئل الله لك الثبات |
اكتبي اكثر عن قصتك تشبه قصه زميلتي بس الفرق ماعندها اطفال
اكتبي كيف مهد لك الموضوع وكيف جابك لبيت اهلك واخلاقه والي يشكو منه وانتب كمان احس بالمك الله يرده لك ردا جميلا |
اقتباس:
والظالم مصيره ياخذ جزاه ياحبيبتي انا مطلقة وكان بينا حب ووالخ لكن مجرد ماباعني معاد صرت اشوف الا نه عابر سبيل بحياتي وانتهى مافي بقلبي الحين ذرة محبة له ولا أفكر حتى فيه وانا أبيك تكونين كذا قوية وأبغاك تقوين إيمانك بقضاء الله وقدره ربنا قدرك لك هالشئ فهووووو خيررررررر لك لكن لا تستعجلين فرج الله قريب والله يخليك لا تذلين نفسك خلاص ليش تكلمين وترسلين الرجال مايجي بالغصب وكلي أمرك لله والحياة لم تنتهي عند ولد عمك لا تخسرين صحتك وحياتك وأكررها مليون الله يكون بعونك وتأكدي أنها فتررررة وتعدي بإذن الله لكن حاولي ماتفكرين كثير |
الالله يعينك اكثر شيء يريحك انك تقطعين الامل منه ,,,,
التفكير فيه يتعبك كثير ,,, |
أختي الفاضلة أسأل الله أن يجبر كسرك..
ولكن أنتِ ابنة عمه.. كيف تجرأ وفعلها بك ؟؟!! أصبح باب المشاكل وقطع الرحم مفتوح على مصراعيه الآن مع الأسف.. ومن يفعل جريمة كهذه بمباركة الأهل فهو لا يستحق منك شيء.. لذلك اهتمي بأطفالك (وكثر اهتمامك بهم راح يفقع مرارة أهله ويحنن قلبه عليك إذا بعد تبينه ) ولكن يا أختي قصص الحب للأسف يحب أن يعيش بعض الرجال في سراديبها وصدقيني بعد أن يمل من تلك سيعود.. يبدو أن زوجك يعشق أن يبقى متلهف وفي شوق مستمر وطبيعة الزواج بعد فترة تهدأ فيه براكين الجنون.. لذلك عاود الكره وخصوصاً أن له باع في ذلك الآن.. فقد أعطيتيه دروس وتجارب وهذا ما فهمت من أنك تزوجته عن حب والله أعلم عنكما .. أسأل الله أن يصلح حالك في الدنيا والآخرة.. ويصلح لك أبنائك وينشئا في طاعته سبحانه وعليها.. |
حاسة فيك اختي ......... والظلم عاقبته بتشوفينها فيهم لاتخافين
انتي نفس قصة عمتي انجبت بنتين و تزوج عليها وطردها من البيت بحجة مايقدر يوفر مسكن على قولتك والله عمتي جتنا بشنطتها وتبكي وتردد حسبي الله ونعم الوكيل والله يااختي ماكملنا سنة الا صاير عليها حادث عروستة الجديدة هي واللي بطنها كانت حامل ومتوفيه سبحان الله ماتهنت فيه ولا بالبيت ورجع لعمتي يقول هاذي ذنوبي وسامحيني وارجعي لبيتك ولحد الان تفكرر بالرجعة نصرها ربي بعد مافقدت الامل كنا نقولها عروسته حملت خلاص انسيه والله كانت توقت الجوال الساعة ثلاث كل ليلة ........ والصلاه اول مايذن تقوم تصلي ركعتين وتدعي انسانة راعية صلاة سبحان الله ودين وربي ماضيعها والمفروض اي زوجة ثانيه تتأكد ان زواجها من رجل متزوج لا يأثر على بيته الاساسي ولا يطلق زوجته علشانها لكن حريم مايخافون الله قمة الانانية لكن الله فوق الكل ومطلع وشايف رددي حسبي الله ونعم الوكيل وسينصرك الله صدقيني اختي اما يرجعه لك او يعوضك بأحسن منه |
اقتباس:
والله صدقتي ......... الله يكون في العون |
زوجك اقل مايقال عنه خسيس
لايستحقك |
الله يعينك حبيبتي مادري ايش بعقولهم هالرجال من يشوفو وحده دقت فيوزهم واحنا الضحايا
|
ما يستاهل تبكين عشانه مالت عليه هو راح يتستانس شهر شهرين وبعدين بيتعود عليها ويشوفها شي عادي وصدقيني راح يرجع لك اذا الله كاتب بس غيري بشخصيتك وقتها وخليه يعرف ان الله حق وان بنت عمه ماعاد هي الأولية وانسيه وتفرغي لنفسك وتراك بنعم كثيرة عندك اطفال ماشاء الله وامك عندك وترى الوالدين نعمة والاطفال نعمة من ربي ناظري لنصف الكاس المليان لا تناظرين للنص الفاضي أسأل الله ان يربط على قلبك ويسخر لك الخير ,,,,,,,,, |
اسأل الله ان يأجركِ بمصيبتك ويخلف عليكِ خيرا منها
|
اقتباس:
|
اختي ملامح قمر انا بعز الصدمة واشكرك على قسوتك..
تعودت على هالكلمة من الكل.. الظاهر..ان الكل مقرر يقسى علي.. |
اختي نور دبي ونوارتي يعطيكم ألف عافية عالرد..
مجرد تفاعلكم يدخل السرور على قلبي.. |
أختي فاقدة شي ..
أنا راح أرتب أفكاري بعد ما أهدا وأسرد القصة بتفاصيلها.. شكرى للرد أرتاح لوجودكم حولي.. |
اقتباس:
بصراحة بعد ماطلعت من العدة احس بمشاعر متناقضة فرح وامل..وحزن والم. فرح اني ممكن الاقي فرصة واتزوج..بس افكر باطفالي ومااقدر.. وبصراحة مااتوقع في حب مثل حبي انا وولد عمي.. بس الحمدلله على كل حال الله كريم ونعم بالله الواحد لما يحزن ويشكي ترى مو معناه مو راضي بالقدر.. مجرد تنفيس.. |
اقتباس:
صـــــــــــــآدقة |
اقتباس:
|
اقتباس:
اللهم إني بريئة من عرضهم ما أحط بذمتي شي.. واهو اللي سمح لها تدخل حياته.. يعني هو السبب.. أنا متالمة على نفسي وعلى تضحياتي وصبري.. لو سردت قصتي لرأيتم من صبري وتحملي إياه عجبا.. ولكن كل شي موجود ومسجل عند الله.. والله يرزقني بإنسان يستحق اخلاصي.. ويستحق تضحياتي..سواء طليقي ان هداه الله .. أو رجل صالح ... خلاص ماعاد ينفع تتزوج الوحدة غير شاب ملتزم .. الله يهديهم هالشباب .. مايخافون الله ولايعظمون أمر الزواج والأسرة.. أنا أقترح وجود دورات الزاميه قبل الزواج.. مع شهادة وتقدير بنسبة استحقاق هذا الشاب لدخول الحياة الزوجية.. شباب هالوقت يظنون الزواج مجرد شهوة ولعب .. ,أنا أول من كان يظن أن الزواج مجرد حرية وحب وبس.. نحن بحاجة لوعي,, الى متى تستنزف قلوب بناتنا وشبابنا.. |
اقتباس:
|
اقتباس:
هو كان يتظاهر بالمرض ليخرجني من بيتي .. حتى طريقة زواجه كانت غريبة جدا..لكن الله يستر علي وعليه.. تخيلوا كان يقرا..واهو مافيه شي اصلا..بس يبي يطلعني.. طردني وكل ما ارجع يطردني.. وبالاخير قال بعد العيد برجعك ورحت لأهلي فرحانه إن معاناتي انتهت.. وتعيدت وانبسطت..وتجهزت لاستقباله..يوم تأخر..قمت أكلم امه وتقول مدري عنه وصوتها منكسر.. خفت عليه مرة..وفجأة يرسل لي رسالة..يقول انا تزوجت وطلقتك.. ويجيبها تسلم على أهله وفرحان فيها,.المشكلة انها اكبر مني .. ومن منطقة بعيدة عن منطقتنا يعني اللهجة والاطباع وكل شي مختلف.. فوق هذا مطلقة توها طالعه من العدة..ومعها ثلاث اطفال تركتهم بديرتها وجت تخرب بيتي وتاخذ زوجي واهي واياه فالينها وناسين انهم مخلفين اطفال ومرمينهم.. هي رامية اطفالها على طليقها.. وهو رامي اطفاله علي.. ما أدري الظاهر تفكيرهم متوافق ..أنانية ومراهقة متأخرة.. الله لا يبتلينا.. الحمد لله على نعمة الدين والخلق والفعة.. اللهم اني أبرا اليك من طريقة زواجهم.. ولا اشهد عليهم.. رغم أني رأيت زوجي بعيني وسمعته بأذني يكلم اكثر من مرة.. واهو ماعمره كلم ..لكن اللي خلاني أربط أنه تقول لأقاربي إنها مطلقة من سبعة أشهر بنفس الوقت اللي كلم فيه زوجي وطردني.. فوق هذا طريقة وصوله لها..يعني تناقض بينه وبينها بكل شي.. بالتربية بالمنطقة..والعمر واللهجة.. |
زوجة ثانية..رووز..حنين الامل..
أشكركم من كل قلبي تفاعلكم له مكانته في قلبي..والله العظيم.. |
اقتباس:
انا ماودي اكتب تفاصيل القصة.. لأنه يعرف المنتدى.. مابي مشاكل.. |
اقتباس:
تقدرين تسوين أشياء كثيرة حتى لو انت في بيتك المجالات متعددة عندك اولادك الله يخليهم لك فكري بتربيتهم ووالخ جو أسرتك خليه على جنب حياتك وحدها ومنفصله عن حياة اهلك عشان كذا لا تلتفتين لهذا الشئ الحب بيومين يجي وبيومين يروح يالغاليه انت انظلمتي وربك معك وبيجيك إن شاء الله الزوج الي يعوضك ويعوضك عيالك لكن تفاءلي واحسني ظنك بالله ورددي دائما اللهم إني أسأل حسن الظن بك وصدق التوكل عليك |
ماتنلامين ...الله يعينك .... بس بصرااااااااحة زوجك قمة في الأنااااااانية والظلم .... ( إذا إنتي ما قصرتي في وااااجباته ) ... والله أعلم ..
|
مافي بشر كامل اكيد فيني عيوب بس عيوب عادية وبسيطة..
ولكن اللي سواه هو فيني ظلم يكفي انه طاردني من بيتي.. ومدعي المرض.. ورافض اضف عفشي وادخل بيتي بعد ماتزوج وطلقني.. يالله الله يشوف ويسمع.. الله يهديه يارب ويعفو عنه.. |
همك كبير لكن ربك اكبر اشكي إليه حزنك الله يصبرك
|
"ان مع العسر يسرا" اسأل الله يعوضك بزوج يعاملك زي الملكه ويحبك ويحترمك ويصوونك يااااااارب |
اقتباس:
آمين الله يلهمني الصبر.. |
اقتباس:
مشكلتي..أحب زوجي..أقصد طليقي..أحبه الله يهديه ويعوضني.. |
نوآره ..
قلبي معاك يالغلآ انتي قريتي قصة طلآقي وانا وانتي مشتركين في اشياء كثيره هذا نصيبنا من هالدنيا والله يعوضني ويعوضك خيــر .. انا بمجرد مافكر انه تزوج غيري وبكل بساطه ااتاثر وتبدى مرحله الكآبه والحزن والذكريات ولما الاقي نفسي مجهدهـ من كثر البكى اتجه لرب العالمين واصلي ركعتين وقتها احس براحه لكن والله انه شعور مؤلم مهما حاولتي تتناسينه او تتجاهلينه من اقرب موقف او سالفه يرجع لك كل شي يذكرك فيه بخآطري كلآم كثير وانا اكتب الرد احس اني قاعده اوجه الكلآم لي خليها على رب العالمين والله يعوضنا بالجنه خير من الدنيا وماعليهآ . |
| الساعة الآن 12:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©