|
وش رأيكم بطليقـي ؟
السلام عليكم و رحمة الله وبركاته فضفضه كل من يدخل على موضوعي لاينساني بدعوه من قلبه وخصوصآ بهالأيآم الفضيله و بيوم عرفه أدعوى لي ورقـة طـلاقي عند الأفتاء .. لتحليل الطلعه اللي بعد العيد أو معرفه الحكم فيهآ لأن طليقي طلعني وهو يعرف بأنه طلاق بآئن هذآ اللي يعرف موضوعي هنآ http://http://www.66n.com/forums/sho...d.php?t=226613 ( وأنا ماأرضى بأنه يتلاعب فيني .. لأن الورقه مكتوب طلاق بائن لاتحل له الا بعد زوج آخر وطلعني والورقه كانت معاه وهو موقع عليه ... والموضوع ماحبيت بأنه يمر مرور الكرآم ) بمعنى لو قدر الله و حملت بيكون الطفل ( حرآم ) ماهو ذنبي أنا والطفل ؟ بيكون هنآ ( زنآ ) والعيآذ بالله ! حتى لم يسقطني من بطاقة العائله .. والله يستر أذا كان للآن يستخدم أسمي بالشقق المفروشه ! ووآلد طليقي أخبرني بأنه طلقني طلقه وآحده .. وبالنهايه أكتشف بأنه لعب علي ووآلده للآن يطلب مني بأن أسآمح أبنه وآخوآت طليقي بـ الوآتس آب للآن يبي يعرفون الحقيقه لأنهم مستغربين من ردة فعل أخوهن .. ! والشيخ اللي ماسك الموضوع : جلس معي بالأمس بعد ماجلس مع طليقي .. ووصلي وجهة نظر طليقي للأسـف كما فهمت من الشيخ بأن : طليقي كان ينتقم مني لأنه حبني ثلاث سنوآت وأنا مابادلته بحجم حبه ببداية زوآجنآ فآرآد بتلك الحركآت الأنتقآم مني .. وكما يقول بأنه خسر فلوس وسنوات عمره على وحده مـاكانت تحبـه .. ! << وين حنا بمصر حب ومدري أيش حتى ماكان من القرايب يمكن أعذره مع إني ماكنت خلال الثلاث سنوات متواصله معه لا برسايل ولاشي كيف أحبه ؟! لو كنت متوآصله معه خلال ثلاث سنوات وعطيته وعد بالزواج والحب .. يمكن يقول خدعتني بس وربي يشهد أني ماكلمته الا قبل الزوآج بأسآبيع والملكه قبل زوآجي بـ أسبوعين خطبني بشهر 4 وتزوجت بآخر 5 وكان زوآجي بسررررعه جدآ .. ولاحتى كان فيه فترة ملكة كافيه ولاقدرت أتنفس كان طليقي مستعجل وأنا يدوب أخلص تجهيزي لزواجي ولافكرت أحب كنت أسعى لحبه بعد الزوآج لكن حسب الله ونعم الوكيل .. الله يسامحك الله يسامحك الله يسامحك يـاطليقي أنــا وش ذنبي ؟! مو ذنبي إني مـاحبيتك قبل الزوآج وربي نزلت دمعه هنآ .. صرت مطلقه بس لأني ماحبيتك قبل الزوآج مثل حبك لي وأنا اللي أخترتك من كل اللي تقدموآ لي بعتهم وأشتريتك الله يسامحك وربي كل مافكرت بهالمووضوع أتوجع فعلآ ماتستآهلني .. وبسبب تافه أتطلق .. وبعدهآ يتقدم لي مطلقين ومعهم أولاد وأنا حتى ماتهنيت بحياتي ولاتهنيت بفستاني الأبيض ولاحتى تهنيت بملابسي ومكياجي وأغراضي حقآت الزوآج قتلت فرحتي وأنا اللي كنت أتمنى وأحلم وأحلم والمصيبه بأنه لما تقدم لي : كأن فيه شخصين متقدمين لي معه رفضتهم لعيونك لأنك تحبني ولأني شفت فيك الرجل المناسب لي ... لكن مـاتوقعت بأن تفكيرك كذآ ؟! الله يسامحك الله يسامحك وربي أكتب هنا فضفضه مع دموعي من جد شي موجع كلام طليقي للشيخ .. ليه الأنتقام بس ليـه ؟ كنت برآسه من ثلاث سنين وأخذني وبعدهآ رمآني آآآه بس بس لأني ماحبيته قد حبه لي ... الله يسامحك الله يسامحك كذبت علي و خذعتني وأنـــا الغبيه أني سكت عليك ووافقت أني أسكن معك بشقه مفروشه ورفضت أنك تاثث لي بيت عشان وضعك كنت غبيه كنت أغبى أنسآنه اللي رآعيت وضعك كنت أغبى أنسانه لما وآفقت أني أتزوج بهالسرعه .. لأنك ضحيت ثلاث سنين وماكنت أبيك تزعل تحديت أهلي لعيونك عصيت أمي و أخوي وكنت معك و وتزوجت خلال شهر .. تضحيه لك حتى ماكملت تجهيزي ( خسرت أهلي وطاعتي لهم لجلك ) وبالنهآيه أكتشف بأنه أنتقآم وتطلعني معك بعد العيد وأنت مطلق طلاق بآئن .. نظر عيني كأن أبتزآز ؟ الله يسامحك الله يسامحك الله يسامحك فعلا كنت غبيـه ... وقلبي ودآني بدآهيه معآآآآآك مافكرت بعقل كنت أمشي معآك ومع قلبي .. وعقلي للأسف كآن مو معآي لو كنت بعقلي مـاسمحت لك تسدرجني بالشقق المفروشه لو كنت بعقلي مـاسمحت لك تطلعني وأنت مطلقني طلاق بآئن لو كنت بعقلي مـاسمحت لك تتزوجني بسرعه الحمدلله أنـا صحيت والله صحيت وعرفت الصح من الخطأ وقلبي مآرآح يتحكم بحيآتي مره أخرى ,,,, آعتذر وربي فضفضه بعد مـاجلست مع الشيخ أمس وراح يوصل وجهة نظري لطليقي وبعدهآ مدري وش ربي بيكتب لي .. لا أعرف هل طليقي بيرجع أو لا بس الأكيد إني صحيت .. مو زعلانه .. بس الحمدلله كأن هذا شي مكتوب لي أني أتزوجه وأتطلق .. الحمدلله على كل حآل عسى ربي يقدرني على نسيآن هـ التجربه من حياتي تجربه موجعه بكل تفاصيلها .. وصدمتي بطليقي صدمه ماتوقعتها .. لاتنسوني مـن دعوآتكـم |
الله يفرج همي وهمك وكل مسلم ومسلمة
|
آميـن يـــآآآآآرب عسى ربي يكتب لي ولك الخير شكرآ على الدعوه ياأختي |
اسأل الله ان يفرج همممممك ويشرح صدرك
ويعوضك خيييييييرا الحمدلله أختي الغاليييييية ندمانة حيل مابينكم أطفال هذي أكبر نعمة انتي الان في مرحلة الصدمة ومشاعرك جدا طبيعيييييييية مهما كانت الاسباب الطلاااااااااااق مر لكن عزاااااااكِ ان الله يحببببك فهذا من الابتلاء وتأكدي ان طلاقك خيييييييرة لازم تحطين هالشي براسك ! قولي الحمدلله من قلبك واعتبريه ماااااااااضي وانتهى وبإذن االله القااااادم أحلى الله يعيييييييييييينك وييسر أمرك |
اقتباس:
الحمدلله الحمدلله الحمدلله فعلا انا بصدمه .. وإن شآءالله تدريجيآ جآلسه أطلع منهآ بلعكس صرت مقتنعه أكثر من قبل بأن طلاقي خيره من ربي وعسى ربي يقدرني على النسيآن ويعوضني بـ أخير تسلمين لي ياأختي على مشآعرك ودعوآتك |
ربـي اكتب لـي الخيــــر حيث كــان و رضنـي بقضــائك يــــا رب |
ندومه حبيبتي
الضربه اللي ما تقتل تقوي فاهمه شوفي ادخلي وشوفي رد كاتبه في رساله لمن تكره اقول فيها انا امرأة من حديدي قومي ماما والله ما حد يستاهل ينبكى علي افرحي الله سبحانه وتعالى انقذك قبل ما تحملي انما ما تسكتي عن ذهابك معه للشقه خليه يعرف ان الله حق وبنات الناس مش لعبه هو انسان لعاب واستعصيتي عليه فطلبك للزواج هو تعود بالحرا ويرمي متعود على الشقق المفروشه حبي الله سبحانه وتعالى انقذك منه |
لا حول ولا قوه الا بالله عزيزتي
اتمني من الله ان يفرج كربكي، وأن يزيل همكي، وأن يسعدكي في دنياكي وأخراكي، إن ربنا قريب مجيب يا ندومه ، وانصحكي أن تجتهدي في أن تهوني على نفسكي وتصرفيها عن التفكير فيما حدث من ظلم لك من زوجك، فإن تذكر هذه الأشياء لا ينفعك بل قد يضرك، والحياة الدنيا دار ابتلاء...وما يدريك لعلي الله قد انتقم منه من حيث لا تشعرين، أو أنه سبحانه يريد أن يؤجل ذلك حتى يوافيه به يوم القيامة وعذاب الدنيا أهون من عذاب الآخرة، فثقي بأن حقكي لن يضيع، والأمر لله من قبل ومن بعد...والله يكتب لكي كل الخير ولاتحزني هذا الشئ قضاء الله وانتي دائما في دعائي والله يرزقكي كل ماتتمنيه |
اقتباس:
ايـه والله يالغاليـه ... بنات الناس مو لعبه والله بيأخذ حقي منه إن شآءالله والشيخ ان شآءالله بيفهمه وبيعلمه بأن اللي سوآه غلط وتلاعب بـ الشرع وبالطلاق وصآر معآي وأن شآءالله مايتكرر مع بنات غيري وأنا ثاني وحده يطلقهآ .. وإن شآءالله ربي يعوضني خير ربي يسسعدك ماما قرين |
اقتباس:
آمين يآرب شكرآ أختي على النصيحه والحمدلله على كل حآل أنا راضيه ومؤمنه ان شاءالله بماكتبه ربي لي |
إن حملتي فاعملي للجنين اجهاض قبل يدخل الشهر الرابع وهو الشهر الذي تبعث فيه الروح، لازم تسوي كشف عن قريب وإذا فيه جنين سوي له اجهاض، بالنسبة للحكم أعتقد أنه لا يجوز، لكن توبي إلى الله بعدها، لكن لو اجهضتي الطفل بعد ماتبعث فيه الروح بعد الشهر الرابع راح يعتبر قتل نفس، لذلك بادري باجهاض الطفل بأقرب وقت إذا كان موجود
وقبل كل شي لا أدخل في ذمتي شي، تواصلي مع الشيخ سلمان العودة ويفيدك بهذا الأمر، لأني على ما أظن أني سمعت ذلك منه، وتأكدي بنفسك فذمتي بريئة من كلامي |
اقتباس:
أختي شكلك مـاقريتي موضوعي الأول ولاتعرفي قصتي عالعموم أطمنك ياأختي أنا ماحملت الحمدلله وأنا مـالي ذنب باللي صآر لأن ورقة الطلاق ماكانت عندي عشآن أعرف هو بآئن أو لآ أنا كل اللي كنت أعرفه بأني : بالعده ويحق لي أشوف زوجي خلآلهآ وزآرني طليقي وقتهآ .. وطلعت معه على أن الطلاق ( طلقه وحده ) لكن بعدهآ عرفنآ بأنه كان مطلق بـ الثلاث معنآه هنآ خدعنـي لمآ طلعني معه وهو كآن يعرف بأنه مطلق طلاق بآئن الله يسآمحه |
ربنا يعوضك خير يا ندمانه ،، خلي عندك ثقة بربنا ،، وانه حقك مش هيروح
هو ابتلاء ،، والحمدلله ان كل اللي بتحبيهم بخير وياستي لو هو بيحبك حب حقيقي ماكنش هيعمل كدا ده لا هو رجولة ولا حب ،، والحمدلله على كل حال |
اقتباس:
آمين يآرب الله يعوضني خير فعلآ هذآ أبتلاء من ربي .. والحمدلله رضيت باللي كتبه لي ربي ماكان يحبني حب حقيقي كان حبه لي نزوه ووهم والحمدلله أكتشف لي من البدايه .. قبل أحمل مشكوره اختي على المداخله |
عزيزتي ندمانة
صدقيني هذا انسان لايبك عليه،الحمد لله انه خلصك منه، _تفائلي خير وستجديه ان شاء الله _اقرائي سورة الطلاق وستجدي فيها خير كثروسيهدا بالك باذن الله الواحد الاحد (قال تعالى: ومن يتق الله يجعل له مخرجا -ويرزقه من حيث لايحتسب، ومن يتوكل على الله فهوحسبه ) |
أختي ندمانه حيل لاتندمي الحمد لله أنها وقعت بسيطه وتعلمي دائما أن لا تنظري للخلف دائما وأنظري للأمام وأنسي
ماقد حصل وتوجهي لربك خير لك من زوج لا يخاف الله وخير لك أنك لم تكملي حياتك مع زوج لا يخاف الله وربك كفيل أن ينسيك احصل وكفيل أن يزوجك برجل ينسيك ماحصل ويسعدك فهو أمره بين الكاف والنون ومتى ماأردتي أن تفضفضي فصدورنا مفتوحة للجميع أعضاء المنتدى قبل أن يفتح لك المتصفح ............شااااب |
ينقم على ايش ...الحب غصب ؟؟؟
هذا انسان حقود يبي يثبت رجولته بزواجه منك ثم طلاقه حتى يكسرك اتركيه ولا تتركي له مجال يتمادى او حتى يعتذر ؟؟ خليه لربه ....ماخسر الا انتي ولا انجرح الا نت ؟؟؟؟ كلمت اعتذار وش تفيدك فيه ؟؟؟ خليه ينكوي بنار ظلمه لك ؟؟؟ صدقيني هو الحين مهو مرتاح في حياته ؟؟؟ |
اخيه لاتحزني إن الله معنا
أسااال من بيده أمرنا أن يعضناا بمن هم خيير فتضحيااتنا ونوايانا ماكانت خالصه إلا لوجهه فهو لن يخذلنا |
اقتباس:
الله كريم شكرآ أخوي على نصيحتك ولولا أقتنآعي بهألمنتدى وأعضآئه مـافضفضت ربي يسعدكم يآرب |
اقتباس:
لاوالله ياأختي الحب مو غصب .. الحب من الله الله يسآمحه هذآ اللي أقدر أقوله وعسى ربي يعوضنآ خير |
اقتباس:
الحمدلله على كل حآل مو حزينه لأن ربي كتب لي هـ الشي وعسى ربي يعوضني ويعوضك خير |
سبحان الله يوم عن الثاني يتضح لي إنه مو كل الناس أسوياء !
فيه ناس عايشين بيننا ظاهرياً مافيهم شي لكنهم مرضى داخلياً بتفكيرهم ونظرتهم للحياة وللناس لكن ما تكتشفهم إلا بعد ما تعاشرهم وزوجك السابق منهم على إنه للحين كل مااشوف يوزرك اتذكر العضو ليش كذا كان كلامه صحييييييح من أيام موضوعك برمضان وكنت أتمنى تصحين شوي وتفكرين بعقلك لأنه الاندفاع اللي فيك كان يخووووف وانصحك بحياتك القادمة تريثي كثيراً قبل الاقدام على أي أمر وخذي بآراء الحكماء عندما تستشيرينهم الآن الحمد لله على كل حال انتهى الموضوع على خير بإذن الله لا تفكري كثييير والجأي لربك بالدعاء وخاصة الآن في هذه الأيام الفضيلة ورجاااااااءً لا تقولي ماراح يتقدم لي الا معددين او كبار في السن وترضخين !! لا تجعلي هذه التجربة تحطمك وتحسسك انك صرتي أقل من غيرك زواجك ما استمر طويل واغلبه عند أهلك لذلك عززززي نفسك بالإختيار الأفضل ومو زواج وبسسس أهم شي تقتنعين وترتاحين وتستخيرين الله يعوضك خييييير وحسبي الله على كل من يلعب في بنات الناس وما يراعي الله في حياته انصحك تتصدقين ولو بالقليل راح ترتاح نفسك كثيييير والله يكتب لك الخير في حياتك * |
الحمدلله إنك عرفتي حقيقته بمدة بسيطة وأنا من قلتي طلقني عشان كلمة كنت غاسلة يديني منه
هالشخص لعاب ونصاب وشكله أنبسط على سالفة الزواج والطلاق في كل مرة لكن أحمدي ربك وأشكريه ليل ونهار إنك تخلصتي منه وصدقيني ربي بيعوضك واحد أحسن منه لكن لا تزعلي من القضاء ولا تكررين على مسامعك أنا عروس وماتهنيت ومن هذا الكلام الي يزيدك هم ويضرك أكثر من إنه يفيدك بالعكس أعتبريها تجربة أستفدتي منها أكثر من إنك تضررتي منها وانت لسى بنوته ولا تستعجلين بزواجك الثاني وبيرزقك ربي برجل صالح ويمكن ماسبق له الزواج بعد المطلقة مو مجرمة حتى ينفرون منها الشباب بالعكس الرجل يفكر بالدين والاخلاق قبل إنها تكون بنت أو مطلقة لكن كثير يكتم هذا الامر وممكن يختلف من مجتمع لمجتمع عسى الله يعوضك ويرزقك بالزوج الي يستحقك |
يا حياتي انتي..
الله يهديه يارب ويرده لك ان كان فيه خير او يعوضك موضوعك مارضى ينفتح معاي مدري ايش السالفة .. بس ماحبيت اطلع بدون ما اقولك كلمة.. لان انا افرح لما حد يرد علي فقلت خليني افرحها بردي ودعواتي ابد لاتزعلي كلنا زيك مطلقات ومظلومات وسعي صدرك.. الطلاق صار ظاهرة في المجتمع.. |
قريت فضفضتك اوجعن قلبي والدمع بعيني ...
اتذكر تفكيرك بمراضاته واعتذارك بالرسائل , ولا فكر قلبه يلين كان فقط يمثل عليك دور الضحيه وانه يبكي و و وغيرها من حركات المراوغه .. كنت بموضوعك السابق متاكده ان زوجك ...... وما كنت ابغى اكتبها لانك تتالمين والآن تاكد لي مليون بالميه ان انسان مغازلجي بالدرجة الاولى .. هذولا الفئة مراوغين وعندهم قدرة كبيره على الايقاع بقلوب الفتيات من خلال اساليبهم اللي تذوب صخر مو عاد قلب بنت .. كنت تكتبين لنا بانه يبكي على فراقه لي وانا اعرف انها تلك اساليبهم .. كان يتفنن بتعذيبك حسبي الله عليه .. وكنت كتبت لك اشياء برد سابق اوضح لك انه مايحبك بس كنت للاسف تحت تاثير مخدر العشق والهيام ... اقتباس:
|
لا أعتقد
بأنك صحيتي إلى الآن فلازلتي بسباتك القديم الذي لو عاد مرة أخرى لعدتي لبداية الُحلم من جديد أعانك الله |
الله يصبر قلبك على ما ابتلاه،،.
والله أني اقرأ وانا شبه مستوعبه ان عدم حبك له قبل الزواج هو السبب الحقيقي!!! ما شفت تفاهة اكبر من كذا!! اللي زي كذا الزواج فيه............. الله يعوضك بمن يستحق قلبك العفيف قولي امين أختك ام حمزة |
ندمانـه خلاااص اصحي واتركــــي الماضي يرووووح
ماله داعي تتواصلين مع هذاك المصلح وتسإلينه ليش طليقج طلقج وليش ينتقم وليش وليش هذا طليقج ماعنده شي..وسالفة الإنتقام ما أستبعد إنه مخترعه ومألفــه تدرين..ماراح تتغيرين وإنتي على هالأفكـــار! ما أحــد اهني راح يقدر يساااااعدج..انتي بروحج بس تقدرين تساعدين نفســج أول شي ليش تكرهين مسمــى مطلقــه..!!! عمرج ماراح تتغيرين إذا ظليتي بهالسلبيه القاتله..المفروض تحمدين ربج ع الطلاق اللي ريحج من شخصية معقدة حتى النخاع مادري شلووون وصلت نفسه لهالدنائه هذي..رفضج بالحلاااال ويبيج بالحرااااام انسان مريض وويتبع الشيطااان لاحول ولاقوة إلا بالله.. احمدي ربج إنج تحررتي منه..المفرووووض لما عرفتي بخداعه واستغلاله تفتخرين إننج مطلقة ومو تزعلين هذا أكبـــر دليل يثبت إنه مو كفو زواج بعدين ليش ترفضين المطلقين وتنصدمين لما يخطبونج..!! ترى أكثرهم مكسورين وعانوا مثلج بالضبط..ويتمنون بداية جديدة مع إنسانة جديدة كنت أتمنى إن يخطبني مطلق..بس ولا واحد خطبني منهم واللي تقول احمدي ربج مارزقج الله منه عياااال..!! طيب واللي الله سبحانه رزقه شتسوي..تقعد تبجي وتقول ياحسرتي وياهمـــي..!!! الأطفااال من أعظــم النعم اللي ربي أهداها لنا..من المعيب أن نعتبرهم عاله وغم في حالات الطلاااق ندمانه اصحي يا أختي وحبي نفسج أكثـــر..لاتتعقدين من اسم مطلقــة عااادي..هذا نصيبج اللي انكتب وإنتي في رحم أمج ارضي بالقدر خيره وشره..هو من أركان الإيمـــــان لاتعلقين قلبج بالدنيا وزينتها..دنيا فاااانيه..هي سجن المؤمـــــن ارضي بالقضـــاء..والله ماتعلمين ما يخبأه الله لكِ من سعادة إن رضيتِ فقط إن رضيتِ دمتِ بعـــافيه وخيـــر بإذن الله..,,, |
يالله الى الان تقولين الله يسامحك !!
سبحان الله فتاة قمة مثلك تقع في يد حقير مثله قلتها سابقا واليوم وغدا طليقك في قمة التفاهه لانني رجل وافهم اشباه الرجال وحركاتهم للاسف واجهني الاعضاء بهجوم كاسح وكنت احترق لوضع اختي ندمانه وبعض الاعضاء لازال يقول اطلعي معه وتواصلي ومن هالخرابيط عموما والله لو اشوفه بيكون لي شغل معه مع اني مش اخوك ولا اعرفك >> اتكلم من جد ومن ناحية الشقق بامكانك تقديم شكوى ضده في المحكمه في حالة كان الطلاق بائن الدعوى تقولين فهيا انه لعب عليك ,,,, الى اخر القصه وتطلبين تعزيره على هذا الفعل حيث انه واقعك بالحرام وهو يعلم ذلك ... بعدها القاضي يرسله لهيئة التحقيق لاقامة دعوى الزنا ضده ...... او تتوجهون للهيئه وتخبرونهم بما حصل وممكن يرجعون لسجلات الشقق وبيلقون اليوم اللي كنتم فيه مع بعض ,,, |
معليش بس ليه ترددين الله يسامحه؟؟؟؟!!
الله لايسامحه ولايحلله لإنه هذا شرفك وعرضك وكله عشان انتقام لإنك ماحبيتيه مايفهم إنه الحب مايجي إلا بعد العشرة هو مو جاهل إلا إنه معاق ذهني يارب بس لايبلانا بهالأشكال وين يروح من عذاب ربه لإنه اللي سواه كما يسمى زنا وبوسي يدك وجه وقفا إنك ماجبتي منه عيال لإنه مو كفو حتى يصير أب حسبي الله ونعم الوكيل |
توني بقول نفس كلام الأخ ليش كذا
أنا لو منك وربي أرفع عليه دعوة وأخليه يتشحطط ويتمرمط بالمحاكم وأخليه يعرف إنه الله حق وبنات الناس مو لعبه آآآخ بس لو أشوفه قدامي إني آكله بأسناني أكل >>> موضووعك حرق دمي من قلب |
لآحول ولاقوة الابالله ... ياربي وش فيهم الرجال صاروا كذا
ياربي رحمتك .. حبيبتي الذنب عليه وربي بيحاسبه على كل شي سواه والله الي طاوعه قلبه يسوي كذا فيك انه ينخاف يسوي بعدين شي اكبر من كذا الله يصبر قلوبنا ياحبيبتي كنا نتمى نتزوج ونلقى الزوج الحنون الي يحفظنا لكن مالقينا الا الغدر وكسرة الخاطر الله يعووضني ويعوضك ياقلبي .. اقتباس:
شخصية طليقي ويفهمه .. واكون داعيه وشاكره لك |
اقتباس:
الله يجزآك خير أختي على نصآيحك والحمدلله أنا صحيت وفعلآ أنا بالسابق كنت غبيه ولمآ صحيت عرفت أخطأءه .. وإن شآءالله هـ االتجربه ماراح تحطمني بلعكس إن شآءالله رآح تقويني بأذن الله |
اقتباس:
أشكرك أختي على نصآيحك والحمدلله ربي كاتب لي هـ الشي وخيره من عنده إني أتطلق من البدآيه وعسى ربي يعوضني بـ أخير منه ولا رآح أستعجل إن شآءالله باالتجربه الثانيه وصدقتي أختي المطلقـه مافيهآ عيب ومومجرمه بس الله يكتب اللي فيه خير يآرب |
اقتباس:
آميـن يآرب .. الله يكتب اللي فيه خير الله يجزآك خير أختي . . |
اقتباس:
سلامة قلبك ياختي .. ايه واللـه للأسف أتذكر الرسايل اللي أرسلتهن له والله شي موجع ولاحتى لان قلبـه كأني قاتله أحد أولاده .. ماكان الموضوع يستاهل بأنه يطلق أو مايلين قلبه فعلآ أكتشفت مليون بالميه بأنه كان يرآوغ خصوصآ بعد ماسمعت كلام كثير أنقآل من لسسآنه وأكآذيب بحقي وأشيآء كثيره صدمتني والله .. لكن ربي يعرف بصدق نيتي وإني كنت صريحه معه وماكذبت عليه بأي شي فعلا كلامك كأن يتلذذ بتعذيبي .. حسبي الله عليه وعسى ربي يعوضني باخير منـه يآرب |
اقتباس:
صدقني أخوي .. أنا صحيت وربي يشهد بأني عرفت أشيآء كثيره وعرفت الأخطآء .. وأعترف بأني كنت على خطأ بالسابق لمآ وآفقت على كل شي بس الحمدلله على كل حآل |
اقتباس:
آميـن يآرب عسى ربي يصبرني ايه والله كآن سبب تآفه أدى لطلآقي .. كأننآ بعلاقه عآبره حسبي الله ونعم الوكيل شرفتين أختي أم حمزه |
اقتباس:
الحمدلله ياأختي أنا صحيت .. وبالنسبه اللي متوآصله معه هذآ مستشآر شرعي أخوي مسكه الموضوع لاهو مصلح ولاشي .. فقط شرعآ حكم الطلعه ومايترتب عليهآ التغيير يبدأ من الدآخل .. وأنا الحمدلله عندي ثقه بنفسي بأني بطريقي للتغيير مآكرهت مسمى مطلقه بس لأني لم أتزوج زوآج حقيقي .. أحس بأن الكلمه لاتنآسبني وفيهآ ظلم لي لأني لم أعيش كـ زوجه وفي بيت يحفظني والحمدلله أنا شآكره ربي .. لأن طلاقي خير الحمدلله أنا مـارفضت المطلقين كـ أشخآص .. رآفضه مبدأ الزوآج من شخص له تجربه سآبقه وله أبنآء لأني آسآسآ ماعشت تجربتي الأولى صح .. فمن حقي أبدأ مع رجل لم يسبق له الزوآج لأني أنا أعتبر نفسي لم يسبق لي الزوآج .. وكأن زوآجي السآبق لم يكن سوآء شي عآبر ولاحتى فيه أي روح من الحيآة الزوجيه كأننآ .. نفعل شي بـ الحرآم بسبب عيشتي بالشقق المفروشه ماكان فيه آمآن كنت كل لحظه أعيش بخوف .. بس الحمدلله على كل حآل |
اقتباس:
أذآ ربي يسآمح ليه أحنآ يـا البشر مـانسآمح .. للأسف بأن غلطتي كانت لما توآصلت معه وطلعت .. أكبر غلطة بحيآتي بأني سمحت لقلبي يتحكم بكل شي معآه .. وكنت غبيه للأسف من أول يوم زوآجي إلى طلعتي الأخيره معآه كأني كنت بحلم وآلآن صحيت منه .. كأنه عطآني شي خلآني لا أتكلم لا أرى لا أسمع لو تمنيت الأمآني أتمنى ترجع كل الأيآم اللي عشتهآ معه وأيآم الملكه لأنه بيكون لي رأي ثآني وبالنسبه لموضوع الشقق .. والطلعه الأخير مآرآح تمر مرور الكرآم والآن بدأت الأجرآءات مع مستشآر شرعي وإن شآالله خير لأنه كأن يعرف بأنه مطلق طلاق بـآئن .. ومع ذلك طلعني << هذي بحد ذآته كبيره بحقي ومآرآح أسكت عنهآ .. لو يقول إني مادريت كذآب لأنه شخص فآهم وبيده الورقه وهو اللي رآيح المحكمه وهو موقع على الورقه وعنده خبره بالطلاق لأنه هذا ثاني طلاق لـه ... يعني كل شي وآضح .. وعسى ربي يكتب اللي فيه خير |
| الساعة الآن 02:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©