متى يجي دوري واتزوج؟
 

السلام عليكم
احس قطار الزواج(اكره من سماه قطار) :16: فاتني او بيفوتني او اصلا ماعنده نيه يوقف عندي ماقد احد تقدم لي او حتى جاب طاري او لمح او اي شي اشوف البنات حواليني على الاقل يخطبها 2 او 3 بالسنه وانا :25: ولامره
مليت من كثر التفكير بالموضوع
انا ابغا الزواج ابغا اعف نفسي بالحلال ابغا اكون اسره ابغا بيبي ابغا زوج يفهمني ويحتويني ويصير سند لي ابغا بيت خاص فيني انا اكون مسؤله عن كل قراراتي... عمري 24 مادري افقد الامل من نفسي يعني؟

لا تستعجلين على رزقك
بيجيك بإذن الله نصيبك

أختي صديقة أختي خطبها حول 30 واحد وتحلف انها ماتبالغ يعني تتخطب في الاخر تزوجت في عمر كبير
وتزوجت واحد أستغفر الله يعني خفيف عقل
ووحده ثانيه وهاذي تقرب لي مانخطبت ولا مره إلا في عمر 26 وألحين ماشاءالله لاقوه إلا بالله

حبيبتي لاتستعجلين علي رزقك وأدعي الله يوفقك في الرجال الصالح

وهالقسم أكبر دليل مو أهم شي تتخطبين ولاتتزوجين إلا الرجال الصالح إلي يحبك ويخاف عليك

عزيزتي رزقك مكتوب وأنتي في بطن أمك
ومايرد القضاء إلا الدعاء وسبحان الله ممكن الوحده مكتوب لها تموت ماتزوجت
مو شرط كل البنات تتزوج
لكن الإنسان يعرف أنه خلق لغايه وأهي عبادة الله
وإن شاءالله أنتي توك صغيره وبيجيك رزقك أهم شي أهتمي بنفسك وتركزي في كل محل

,’

ولا أوصيك في العروس كسري المنصه رقص وشرط يجون نمل عند بابكم
شوفي عندك العجوزات يخقون علي الدبدوبه والشعر الطويل وبياض يخلونك الصاروخ :d

أول يوم كنت دبه شوي مو مره بس يعني دبدوبه لكن نحفت الحمد الله وكان شعري طويل :25:
المهم مالك في الطويله كنت محبوبه العجزان يوووه وناسه لين شافوك يذكرون الله ويتفلون ألحين خلاص طلعت عندهم شينه عشاني نحفت وقصيت شعري ماعاد يحبوني :29:

بس من عندنا طولي كشتك واستشوريها وخلك دبدوبه ويخطبونك لعيالهم والبنت تطيح الطير من زينها :15:

الله يرزقك بالزوج الصالح

أسأل الله أن يرزقك الزوج الصالح يارب

توك صغيره

ما تقولين هالكلام الا لما تتعدين الـ 30

ليش مستعجلة ؟؟

لا تحسبي الزواج جنة , الزواج عبودية مطلقة للزوج ,
اذا نام زعلان عليك لعنتك الملائكة حتى تصبحين
واذا خرجتي بدون اذنه لعنتك حتى تعودين
واذا خالفتي امره يحق له ضربك ..
واذا طلبتي الطلاق حرام عليك رائحة الجنة ..

اختي sona2010
اذا انت 24سنة وتقولي فاتك القطار وتفقدي الامل
اذن ماذا اقول عن نقسي عمري 37 سنة اقول لا امل في الزواج ؟ وخلاص ماراح اتزوج ابدا؟
حبيبتي خلي املك بالله سبحانة وتعالى والزواج رزق وتاكدي ان اي انسان مايموت الا ومستوفي رزقة الي كتبه الله له
حبيبتي داومي على الاستغفار وستري عجباً وتوفيقاً في حياتك
ولاتنسينا من دعواتك

,,,

نتريا فديتج شو ورانا :d
وانا نفس الأحلام اتصدقين وايد أتمنى يكون عندي بيبي:15: ههههههههه
الله يرزقنا انا وياج ونرجع انقول لهم باركو لنا :25:



لازم انداوم ع الاستغفار والله كريم بيرزقنا مثل ما رزقهم

راح يجى دورك وهذه انت قلتيها بنفسك دورى يعنى اكيد بذن الله راح يصير

لساتك صغيره استمتعي بحياتك...ورزقك راح يجيك لاكن عليك بذل الاسباب
اكشخي وخليك عاقله ورزينه ..واهتمي بحالك

الله يهديك لو تكسرين المنصة وتتكسر رجولك ما أحد بجيك لأن أغلب الرجال ( مثلي ) يحب المرأة الخجولة :oإلى تمشي حبة حبة مو تكسر المنصة ...
عندي أخت عمرها 28 ولا هي موظفة وجاها نصيبها والحين عندها بنت ... ما تروح لا عروس ولا شي وجاها نصيبها رغم كلّ العقباااات ... تزوجت

تطمنى الان أغلب الشباب يفضلون البنت اللي عمرها 24 وفوق لانها تكون ناضجه ,,,,, ابشري بنصيبك..

انا فاهمه القصد لانه في مجتمعنا اغلب اللي يخطبون الام ووين تشوف البنات بالزواجات وهذا قصدها انه ارقصي كل شوي ينتبهون لك بس انا مانعزم وش اسوي؟:25:

---

شكر لكل ردودكم ودعاؤكم لي الله يجزاكم كل خير

أكثري وواظبي على قوله تعالى ( رب إني لما أنزلت الي من خير فقير )
و" حسبنا الله سيؤتينا الله من فضله انا الى الله راغبون"

ايه ؟؟؟؟؟؟؟؟؟؟؟؟
صادقه اذا كانت الرغبه قويه للزواج وظروفها صعبه راح تتعذب حتى لو كان عمرها 17سنه

ممكن تجي وحده عمرها فوق 30 لكن عندها قناعات ومرتاحه وماتفكر كثير

ووحده صغيره تموت الف مره وهي تنتظر الزواج لرغبتها الشديده ولظروفها

لكن لو شفنا العمر قلنا ام 30 مصيبتها اكبر من ام العشرين لفارق السن وقربها من مرحلت الخطر وهي انقطاع الطمث

الله يثبتك ويفتح عليك من كل باب رزق وللمسلمين والمسلمات

اذكر زميلة اختي متعذبه عمرها 25 سنه ماتزوجت قلت صغيره قالت اختي مقارنه ببنات جماعتهم الي تزوجو تعتبر كبيره وعانس والكل يتكلم عنها ؟؟؟؟

كل بنات اقربائها يتزوجون من 17 الي 20 والقليل 22سنه وهي وصلت 25 سنه مصيبه عندهم
وهذا شي لأبد ان نحطه في الحسبان ؟؟؟ ولا نلوم وحده منهبله على الزواج عمرها 25سنه حتى نعرف الظروف

وش رايك في ردي ياصاحبت الموضوع اعجبك يالله حطيلي نجمه ؟؟؟؟

هههههههههههههههههههههههههههه وربي ضحكتيني يا نوارتي من قلبي وانا طفشانه حلوه نجمه

الله يرزقك بزوج الصالح الدعاء الدعاء والله كريم

هههههههههههههه ضحكتيني:d بس كلامك ميه ميه:22:

يوووووووووه ياصاحبة الموضوع فتحتي جروح بقلبي ... أنا كبرك عمري 24 وانخطب كثير الحمدلله لكن وش استفدت من كثر الخطوبات !!!! بالعكس تحطمت وتعبت حييييييييييييييييييييييييييييييييييييييييييييييل
هذا يصلح هذا مايصلح هذا فيه هذا مافيه تمنيت اني مانخطبت الا لشخص واحد
يكون من نصيبي ... ولاكل مرة انخطب وافرح عالفاضي !!!!
ياشيييييييييييييييييييييييييييييييييييييييييييييين ه من شعور لما تفرحين وتبنين أحلام انك مخطوبة وبالأخير بححححححححح كل شئ بححححححح مالك الا نصيبك ياقلبي صحيح انا ماانصح نفسي بهالنصايح لأني محبطة من هالموضوع وضاااايق صدري
اغلب اللي خطبوني تزوجوا ماشاء الله وآباء الحين ... وانا اقشر بصل في بيت أهلي ..
لكن الحمممممممممممممممممممدلله على كل حال ...
مو مهم حضور الزواجات ... أهم شئ الإهتمام بالنفس الكشخة البسااااااااطة لاتحطين كيلو مكياج
النظآآآآآفة والريحة الحلوة الإبتسامة خليها تشق وجهك ...
خليك على سنقة عشرة حتى لو بالبيت لحالك ... اهتمي بشعرك ..
وحتى لو انك سمينة البسي لبس يخفي عيوب جسمك واجزمي وانتي تسوين ريجيم واكيد تنحفين إن شاء الله
وحده وزنها مية وزوووود وتزوجت عااااااااااااااادي النصيب أقوى من كل شئ ...
والثثثثثثثثثثثقة أنصحك بالثقة بالنفس بالمشية بالكلام بالنظرة الثقة تزين اللي مايتزين ...
والله فتحتي جروحي بهالحكي .... الله كريييييييييييييييييييييييييييييييييييييييييييييييي م ...

( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) )