|
رأيكم يهمني جدا وبصراحة لاتترددون
السلام عليكم ورحمة الله وبركاته
مطلقة منذ تسع سنوات معاي بنت 9 سنوات وحيدة ماابي اتزوج نهآئي متفرغة لبنتي ولتربيتها بس المشكلة ويــــن؟ من أكثر من سنتين فيه شخص عاجبني كثير وملتزم ورجل ومشهورعربيا بس اصغر مني ومن فترة بسيطة تعرفت عليه بمعنى اصح دعيت دعوة بعدها هو من نفسه تعرف علي وتقربت منه وتفرب مني كثيييييييير وأحبه جدا بس كأخ وهو بعد يعني صديق مخلص ويريحني لما احكي له وهو يرتاح يحكي لي بس هذا كل شيء تنبيه كلنا لازمين حدودنا مافي غلط وخروج عن الادب أخوان بمعنى الكلمة وش تنصحونا فيه؟ |
تحبينه كأخ شلون بتتزوجينه
اذا تحبينه تزوجيه..اما كأخ واحكي معه وارتاح له فقط وبعدين شنو نهاية وضعكم اذا ماراح تتزوجينه اتركيه وابتعدي والله يعوضك خير في انتظار اجابتك |
علاقة كهذه اتركيها فهي من باب الشرع تعتبر محرمة لأنه ليس من محارمك وحتى إن كان الاحترام والأخوة تحيط هذه العلاقة .
إن لم تفكري بالزواج فاتركيه |
نتمنى ذلك كلنا ولكن العوآئق كثيرة وشبه مستحيل نتزوج لأنه مو سعودي
ومع هذا لانستطيع ترك بعض |
يا قو قلبك :) موب سعودي وتشاوريننا ! الحين حنا بين القبائل و المناطق وفيه تشدد ما بالك بأجنبي؟ هل اهلك ممكن يوافقون علييه؟ اذ لا نصيحتي اتركي هالطريق لأنه من الاساس غلط ولا يزينه لك الشيطان ويخليه بريء أو على قولتك فيه حدود :) وتذكري ان من ترك شياً لله عوضه الله خيراً منه . |
معاك حق ياأختي بعيدة هناك
ولكنه بمئة رجل سعودي لا مثيل له ليس بشهادتي أنا ولكن بشهادة آلاف الناس وندرك كلنا صعوبة الوضع ولكن أرواحنا ألفت بعض وتآلفت ولاتنسين أني وحيدة مطلقة لهذا السبب احنا اخوان بس نعين بعضنا وممكن الله استجاب دعوتي في رمضان وأتى به وأحبني وأحببته بل تعلقنا ببعض بشكل خطير ولعل هناك أمل ومع هذا لم يسمع حتى صوتي ولم يرى حتى اصبعي ولكن جذبته أخلاقي ماذا سأفعل أنا في حيرة من أمري والله |
اختى هذا الشيطان يزن لك هذا الادمي كلمة مية سعودي انتى لحين عليكي بظاهر وش عرفك ممكن يسوي نفسه ملاك انتى ما عشتي معاه حتى تحكمي الي اريد ان اوصله علقى روحك بربي الي خلقك مو في انسان ممكن هذا ابتلاء من ربي يريد يختبر صبرك ربي فوق واقرب لك من حبل الوريد اتركي هاذي العلاقه لانها ممكن تفتح لك ابواب الشيطان اي حب واي خرابيط والله مافي غير العذاب من ورى هاذي العلاقه
|
شكرا لكل من رد على الموضوع الله يعطيكم العافية جميعا
وياأختي ظل أنثى لم نصل لدرجة نغضب الله فيها كلنا ملنزمين ومحافظين ويشهد الله حتى الأغاني مانسمعها ولكن احترنا في وضعنا كيف جمعنا ببعض؟! وماهي النهاية ولاتخافون علي والله اني أراقب الله وهو بعد أكثر حرص مني |
حاولي أن تعرفي بطريقتك الخاصة هل والدك يقبل بزواجك من شخص خارج دولتك.
إن كان ممكن أرى أن ترسلي لذلك الشخص رسالة مختصرة .. وضحي فيها أنك تتمنين الزواج بشخص مثله. |
تبين رايي وبصرااااااحة ابتعدي عنه كيف تحبين شخص لايحل لك
وتقولين كأخ !! لاتنسين قول المصطفى عليه الصلاة والسلام ( لايجتمع رجل بأمرأة الا وكان الشيطان ثالثهما )او كما قال عليه الصلاة والسلام وتقولين لازمين حدودنا اي حدود وانتي تتحدثين لشخص غريب عنك ! وهو كيف يرضى لنفسه ان يتحدث مع امرأة اجنبية عنه ؟! اخيتي والله اني لكِ نااااااااصحة هذا طريق يزينه لك الشيطان ابتعدي عنننننننننننه اسأل الله ان يحفظك من كل سوء |
اقتباس:
وشلون تسولفي معه وترتاحي لكلامه ويرتاح لكلامك ؟؟ |
تزوجيه وفوراااااااااا
ليه الله ما خلق الا السعوديه ورجال السعوديه شو هالتعصب اتزوجيه خليه يتقدم لك دعيت ربك واستجاب لك وتقاربتو عليك بدعوه ثانيه وتصيرو ببيت واحد بالتوفيق واانا اول ما ينهنئك غدا ابنتك ستكبر وتتزوج وستجدي نفسك وحيده وضاع عمرك ابنتك ستتزوج وتنشغل عنك وتبقي وحيده تزووجيه بالتوفيق |
شكرا لكم على اهتمامكم وردودكم الله يوفقكم جميعا
صدقوني لولا أني دعيت الله في العشر الأواخر من رمضان وبعدها لم يكمل عشرة أيام الرجل من نفسه بين لي انه معجب في من فترة اعجابي به بس ساكت مثلي سبحان الله والله لو ماهذي الدعوة مارديت عليه ولاتقربت منه بهاالشكل بس أحس الله يريد بنا خير وقربنا من بعض وتعرفت عليه من منتدى محافظ والشخص هذا ملتزززززززم وربي ملتزززم وكلنا عارفين خطورة الوضع وعلشان كذا نحس الزواج صععععب بس ندعي الله في صمت وقاعدين زي الاخوان بل قلبنا واحد والله وانقسم نصفين وياليت الظروف تسمح والله أنا أواجه هلي ماعندي مشكلة وأتزوجه بس الظروف حتى من الدولة ماتسمح الرجل معروووووف ومشهود له بالصلاح ولكني أخاف أعلقه فيني وبس وهو فعلا تعلق وماادري وش الحل علشان كذا طلبت النصيحة والله لاني صغيرة ولعابة ولاهو شاب فاضي ويتسلى |
اقتباس:
المشكله ليست تعصب ولا انتقاص بأحد بس عاداتنا جداً جداً صعبه للأسف يعني اذا السعودي يتزوج اجنبيه ممكن بس العكس جداً مرفوض حتى بالخيال :29: |
اختي العزيزه يا قو قلبي ... اهلك وش تتوقعين ردة فعلهم ؟ هل ممكن يوافقون؟ توي انتبه ان حتى الدوله تمنع الزواج من اجنبي ؟ متأكده ؟
|
اقتباس:
ولي عوده ؟؟؟؟؟؟؟ |
ليس مصري ياأختي نوارتي !!
أهم شيء مو سعودي وهلي أتوقع المعارضة منهم وفيه شروط تعجيزية للزواج من شخص غير سعودي وهذا أكبر عائق وايضا انا مو مقتنعة باني اكبر منه |
الله يفرج همك ويقضي حاجتك ويسخر لك الخير ويجمعك مع من يكون لك عونا على طاعته أكثري من الدعاء والاستغفار في جوف الليل والاستخاره ووكلي امرك الى فاطر السماوات والارض ووكلي امرك الى قاضي الحاجات ,,
وجهة نظري ان الموضوع صعب بس أدعي ان كان زواجك منه خير لكم جميعا ان ييسره ويعجله وان كان غير ذلك فاسألي الله ان يصرفكم عن بعض وييسر لكم البعد عن بعض,, |
أقول يا الغلى ..
الأثم ماحاك في نفسك وكرهت أن يطلع عليه الناس .. وش رايك .. اللي تسوينه إثم والا أخوة ودعوة مجابة !! كل تبريراتك .. من ايحاء الشيطان لك .. ليمنحك راحة الضمير.. الذي لم ولن يرتاح .. حتى جئتي إلى هنا وطرحتي مشكلتك .. وإن كنتي تخافين كلامي .. فقومي الآن واذهبي لاهلك وأخبريهم بأخيكي هذا .. -الله يهديك .. لا تخلي الشيطان يضحك عليك .. وأحسن لك تتركي الرجل بحالة .. وإن أردتي أن أحلف لك لحلفت .. أنك لاتحبينه كأخ .. نحن نساء ونفهم بعض .. أرجوك يا أختي .. -لا تقولي أنا مابي أتزوج ومدري أيش .. إنتي بحاجة ماسة لزوج يملأ عليك عواطفك .. اتركي هذا الرجل لوجه الله وسترين الفرج .. |
أقول نوارتي ..
تهقينه اللي بالي بالك .. هههههه !! الله يصلح الحال يارب .. هالتقنية سهلت أمر التواصل والخلوة بالرجال الاجانب ..(ما أقصد أجانب يعني مب سعوديين .. أقصد من غير المحارم). وعاد الرجل من وراء الشاشة يكون ملاك .. وتحسين كل البنات والشباب اللي ورى هالاجهزة ناس ذوق ويخققون على قولتهم.. كذا الشيطان يسول لابن آدم .. أختي فيه فتوى إن اللي تحادث رجل بالشاتنق أو أي وسيلة تقنية أخرى ولو بالكتابة فقط تعتبر خلوة ياليت اللي يحصل الفتوى ينزلها .. وأنا كمان حدور عليها.. اللهم اصلح قلب اختي ياقو قلبي .. واكفها شر نفسها وشر هواها .. ما به أزين من أبو سروال وفنيلة خلي عنك .. ادعي ربك .. وإن شاء الله فترة وينطق بابكم .. وتتزوجين :14:.. وتضحكين على هالأيام .. وعلى هالفكرة الغريبة .. ههههههههه !! - للفرفرشة ياقلبو .. حبيت نضحك شوي .. لا تاخذي بالخاطر ترى خاطرك غالي وربي .. |
اقتباس:
ولكنكما بشر .. وعرضتما نفسكما للخلوة .. واتبعتما خطوات الشيطان .. حتى تطورت العلاقة .. وطاحت الميانة.. أختي ترانا بشر ونحس .. ومطلقات مثلك وصغار بعد .. وشابات .. وودنا برجل يملى حياتنا .. وما في ألذ من وجود رجل رائع ويخاف الله في حياة البنت .. -ولكن للشيطان في كل ما حدث نصيب .. زودتها بردودي بس مرة متحمسة معك .. وسامحيني إن أزعجك أو ما أعجبك كلامي .. إنتي طلبتي ناخذ راحتنا ونقول الصراحة .. |
اقتباس:
انا كان في بالي واحد معروف جدا نسونجي درجه اولى ...الحرمه ما تاخذ معه ساعة زمان الا جات على وجهه ؟؟؟؟ لسانه مثل العسل ويداعب مشاعر الحريم واعرف وحده مطيحه عليه وذايبه في دبديب غرامه الله يعطيها عقل وثقل وهدايه ..بينهم تلفونات عايشه جو معه ومصدقه الحمدلله على نعمت العقل والهدايه وهو الخبيث معطيها جوها ومواعدها بزواج وكل ماكلم وحده نفس الشي المشكله انه كبير في السن وسبق له الزواج اكثر من مره ؟؟ لكن مازال ماشي على نفس الطريقه ؟؟؟ ليش قلت مصري لأني خفت يكون نفس الشخص الي في بالي ؟؟؟؟ اختي مافيه شي اسمه مثل اخوي كان غيرك اشطر انا اقرب مثال هدفي الزواج دئما ماعندي لف ودوران مكالمه ثنتين الثالثه اعرض عليه الموضوع اني انسانه ابي الزواج ولا عندي هذي السوالف تعرفين وش الرد منه ؟؟؟؟؟؟؟ يقول خلينا اخوان والله لأكون الاخو الي ماجابته امك ؟؟؟؟ تعرفين وش ردي ؟؟ اقول ماابي اخوان ماني ناقصه اخوان ؟؟؟ تركت هذا الطريق للأبد لاني عرفت ان مافيه زواج انا اتعذب وهو مبسوط وزود على انبساطه ابسطه بالمكالمات وحلو الكلام ؟؟؟؟؟ بعض المظللات كانو ينتقدون اسلوبي وكنت واثقه من نفسي انا هدفي الزواج الي يطق بابي يلقا جوابي ؟؟؟ العلاقه بين الرجل والمره لا تخلو ان تكون من المحارم او غير المحارم غير المحارم لايخلو ان يكون زوج فيصبح من المحارم يعني مافيه شي اسمه صديق ؟؟؟ والي متى صديق ؟؟؟ هو يروح ويلعب ويلخبط ويتزوج وعنده اولاد وانا اجلس اعد النجوم واقول هذا صديق وقلبي يفرفر ؟؟؟ ليش اجيب المهانه لنفسي وانا اعرف ان قلب المرأه مهو في يدها ...وانها عاطفيه..وتبحث عن الأستقرار دئما ؟؟ ليش اشبع هذا الغريب بالعاطفه واعطيه كل ماعندي من الاهتمام وسؤال وحلو الحديث ؟؟ يسكر التلفون يروح يلخبط وانا اجلس تخيل مالي الا الخيال والتطبيق له ههههههههه اتركي الحب اذا صار في غير محله مضيعه للدين و للوقت ومهدره للصحه والمال حبي نفسك واولادك وبعدين زوجك |
اقتباس:
انا والله ثم والله اني صادقه فيما اقول لك انا تعرفت على واحد ملتزم وصاحب مناظرات مع اصحاب المذاهب الظاله عن طريق النت من خلال احدى المنتديات ؟؟؟ وكان لي حوارات معه ومع بعض اصحاب المذاهب الظاله الرجال ابدى اعجابه بي وبتفكيري واخذ يتقرب مني الي ان طلب مني الزواج اصغر مني 15سنه وشاب ومن عائله معروفه قلت له كل مواصفاتي واني اكبر منه ومطلقه وعندي بنت ولكنه اصر على خطبتي وتمسك جدا واخذ يحلف بصدقه فرحت قلت جاني الفرج ويمكن هذي وحده من دعواتي استجابت :22::22: شفتي عاطفتنا وين تودينا ؟؟؟؟؟؟:30: عطيته رقم اخوي وجاء وخطب وكان متردد وكانه استعجل ولا هو واثق من خطوته لما شافني عذرب فيني قال لبوي بنتك كبيره شوي ومطلقه مع انه عارف مسبقا وعارف مواصفاتي ومع كذا اصر يجي عشان يتفرج على صاحبت هذا الردود والحوارات المتواضعه ؟؟ قال له ابوي انت جاي تخطبها ولا تعرف من الي دلوك علينا قال لا ما اعرف ؟؟؟ قال ابوب عندي اخواتها الأصغر ؟؟؟ ابوي توسم فيه الخير من شكله وهيئته ؟؟ اتصل على اخوي قال وش مواصفات اختها ....والا اقول خلاص مايحتاج اشوفها ؟؟ واثق من نفسه انا بنوافق على طول؟؟؟ كيف يكون جاي عشاني وما يبي الا انا ومتمسك فيني شوي قلب لما قال له ابوي اختها الأصغر شفتي العب كيف ؟؟؟ وقام يتكلم كلام لخبطه في لخبطه يبي يخارج نفسه ؟؟؟ قال تسكن معي في مديني ولا خلاص بسلامتها الله يرزقها ؟؟؟ اخوي طرطع وعاتب ابوي انه عرض اختي الأصغر وعاتبني اني مافكرت بعقل قبل ما اطلع له يشوفني ؟؟ لان اخوي قال لي واضح عليه انه يبي يتزوج فتره عشان يستر نفسه ويطلق عشان جاي فترت دراسه وراجع لمدينه الي يسكن فيها وهو متزوج وعنده اولاد ؟؟؟ ولا هو واثق وش يبي ؟؟؟؟ بعدها قلت والله ما اثق الا بربي وتبت اليه ؟؟؟ شفتي يا اختي هذا ملتزم ومناظرات... انا اخص ولا اعم ؟؟؟ وفتره طويله يراسلني عبر المنتدى ويطلب الخطبه ومقتنع بي جدا مهما كنت على طول قلب على الوجهه الثاني ؟؟؟ يعني فتحي عقلك زين مازين بلاش تركضين وراى العواطف ؟؟؟؟؟ قال ملتزم جدا ويراسلك وتراسلينه وقلوبكم صارت قريبه من بعض ..من المراسله فقط ؟؟؟؟ هذا جني مهو بشر ؟؟ |
اقتباس:
و ربي كلام بالذهب!! |
أختي الرجاجيل كذابين أغلبهم إلا من رحم ربي
مهما حلف وقسم وأظهر لك أنه الشريف إلي قصده شريف تلاقين وراه بلاه إلا النادر خليه وأتركي الهم وصدقيني ماراح تندمين ولو تركتيه لكن راح تندمين لو كملتي نصيحه من اختك ومن قلب أقولها لك أتركيه لاتندمين مافيه رجال يستاهل تضحين عشانه لأنهم وبإختصار خونه كذابين |
وربي ردودكم زي العسل على قلبي
وفعلا انكم أخوات ناصحات الله يوفقكم ويعوضكم بأزواج صالحين ياااارب تدرون عاد ؟! أنا تركته قبل ماأكتب هذا الموضوع يمكن بشهر لله في الله قلت خلاص يكفي باين انه مستحيل وماناقصني هم وبعد أنا ماأبي آخذ ذنبه وأعلقه وأنا عارفة الطريق مسدود بس كنت شوي ندمانة لأني قطعت العلاقة ماكان يستاهل لأنه من حفظة القرآن لكن الآن أحس اني ارتحت الله يكتب لي وله ولكم الخير يارب العالمين |
يا أختي الفاضلة ابتعدي هداكِ الله عن مثل هذه العلاقات مع هذا الشاب حتى لو كانت علاقتك مجرد أخوة، ترى الشيطان حريص والدين مايقبل وتذكري أنه لك أخوة وأب لايرضون ذلك، فلا تخوني امانتهم وثقتهم فيك، فوالله ليس هناك أضيم ولا أكثر ألماً من أن يكتشف الأب أو الأخ أخته تتحدث مع شاب حتى ولو كان الحديث معه مجرد حديث عام، والزواج له أبوابه ومن دخل من غيرها فإنه معرض للفشل، وهذا ليس بمجتمعنا فقط بل حتى في المجتمع المصري فالزواجات التي سبقها حب نسبة كبيرة وظخمة كانت فاشلة، بينما التي جاءت عن الطريق السليم أكثر نجاحاً، ثم أن هذا الرجل عربي ولا علاقة له بمجتمعنا ولو تم الزواج لحدثت الفروقات الاجتماعية والثقافية بشكل كبير بينك وبينهم وهذا يقود إلى فشل في الزواج، ثم أنه أصلاً يكاد يكون من المستحيل أن تتزوج البنت من أجنبي، فلا يضحك عليكِ الشيطان ويضعك في أحلام وسراب، أسأل الله أن يرزقك الزوج الصالح.
|
ربي ييسر لك كل خير اختى
يارب |
أختي الكريمة :
لو وجدتي مثلا : زوجك يتحدث مع بنات في الجوال أو عبر النت ؟ هل سترضين ؟ سقول لك أنهن مثل خواتي ؟ هل ستقتنعين ؟ إذن أحذري فهذه كلها تحسين وتزيين من الشيطان , وأنا أعتقد أن رجل رضي أن ينزل معك إلى هذا المستوى وقاعد يسولف معك , هذا رجل ليس جدير أن يكون زوجا لك , ولا يغرنك حلاوة لسانة . إذن نصحية لوجه الله أقطعي العلاقة مباشرة قبل فوت الآوان . |
لا يوجد علاقة اسمها اخ واخت بين رجل وامرة ليسو من اب وام واحده
بس ياليت تقولين لي وش هي الدعوة الى دعيتيها :) |
| الساعة الآن 09:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©