|
متى يتم أخذ حمض الفوليك
السلام عليكم ورحمة الله وبركاته
بعد إذنك يادكتور انا كنت عايزه اسأل حضرتك امتى ابدأ اخد حمض الفوليك مع العلم ان اخر دوره جاتلى كانت بتاريخ 11-10-2011 وانتهت يوم 17-10-2011 وكان حاصلى اجهاض بتاريخ 10-9-2011 وكنت لم اكمل 40 يوم من الحمل فلما روحت للطبيب فى حملى الاول كنت كملت شهر فقالى ابدأ اخده انا عملت اختبار باليوم الخامس من انقطاع الدوره والحمدلله طلع ايجابى فهل ابدأ اخده من يوم الخميس بإذن الله اللى هو 17-11-2011؟؟؟؟؟ لانى قرأت مواضيع كتير وكلها بتقول عن ضرورته فى الاشهر الثلاثه الاولى وانا محتاره وامتى ابدأ اذهب للطبيب للمتابعه؟؟؟؟؟؟؟ وجزاك الله خيرا |
كان المفروض تاخديه قبل الحمل اصلا
ابدأي فورا تروحي للطبيب عند 6 أسابيع او 8 أسابيع من عمر الحمل |
اقتباس:
|
دكتور معلش سؤال
هو انا كده ابقى هكمل شهر يوم 17-11 -2011 يعنى حساب الاسابيع كيف يتم ؟؟؟؟؟؟ وببدأ احسبه من يوم انتهاء اخر دوره ام من يوم بدايتها اعذرنى للاسئله كثيرا ولكنى مشوشه وخايفه ولما بحاول اقرأ عن اسئلتى بلاقى اراء بتلغبطنى اكتر ارجواجابت حضرتك لانى قلقانه |
معلش يادكتور هو حمض الفوليك اللى عندى 2.5 مجم
المفروض اخد قرص بعد الافطار ام 2 |
انت ف الأسبوع الخامس يعني كملتي شهر في 11-11
قرص واحد فقط اول ماتقومي من النوم مع كوباية مياه |
شكرا يادكتور أحمد وجزاك الله خيرا
|
ازى حضرتك يادكتور أحمد
معلش سؤال لانى بجد متوتره ومضايقه أنا لسه دلوقتى نازل عليا افرازات غامقه لونها بنى زى الافراز اللى بيكون فى نهايه الدوره الشهريه ودى زى الافرازات اللى نزلتلى فى البدايه فى حملى السابق عندما اجهضت أنا بجد خايفه ومش عارفه المفروض اعمل ايه؟؟؟؟؟؟؟؟؟ |
الراحة التامة وزروي طبيبك في اقرب فرصة علشان لو هايديكي ادوية تساعدك
ان شاء الله خير |
انا روحت لطبيبي وده العلاج اللى ادهولى
ابرprontogest وعددهم 5 اقراص اسبوسيد للمضغ قرص بعد الغداء وكبسولات progest كبسوله مساءا وقالى اروح يوم 3-12 عشان يعملى سونار وحمض الفوليك انا باخده من وقت ما سألت حضرتك بس كده |
ممتاز كلام حلو
التزمي الراحة التامة ربنا يكملك على خير |
ازى حضرتك يادكتور أحمد
اخبار حضرتك ايه انا عملت سونار يوم 3-12 والحمدلله الجنين كان بخير وكيس الحمل كان حجمه كويس والنبض موجود الحمدالله والدكتور طلب منى تحليل RH - C.B.C وانا عملتهم وكان الRH ايجابى الحمدالله |
وده كان نتيجة تحليل C.B.C
RED CELLS& AEMOGLOBIN: PLATELET COUNT : 308.000 /cmm {150.000-500.000}Haemoglobin : 10.0 gm% red cell acount : 3.980.000 PCV % : 30.2 % MCV: 76.0 FL {77-93FL} MCH : 25.1 pg {27-30 pg} MCHC : -- g/dl {27-30 g/dl} RETICULOCYTE: --% LEUCOCYTES : ارجو حضرتك تطمنى ايه اللى مكتوبTotal leucocytic count : 6.300 /cmm {4.000-11.000} Differential lecocytic count : -Nuutrophils( segmented): 70% 4410 {35-65%} {1700-7500} Lymphocytes : 30% 1890 {25-45} {1500 -4500} HAEMOPARASITES: RBCs.MORPHOLOGY: Predominantly microcytic moderately hypochromic |
التحليل زي الفل مافيش بس خلي بالك من اكلك محتاجة تغذية شوية
|
شكرا لحضرتك
بس انا عندى مشكله فى الاكل شوية ان معظم الاكل زى اللحمه والفراخ واللبن والبيض ساعات مش بقدر اكلهم ولما بضغط على نفسى بحس ان عندى غثيان ولما بشرب لبن بطنى بتوجعنى لفتره طويله البيض مش دايما ساعات بيبقى عادى وساعات مش ببقى طايقه اكله بس بعوض اللبن بالزبادى والجبنه لكن اللحوم باكل حته بالعافيه والفراخ نفس الحكايه لو هاكل ربع باكله بصعوبه ولو بانيه باكل نصف واحده بالعافيه وبالذات ان الاسبوسيد اللى باخده بعد الغدا بيقلب معدتى فمش عارفه المفروض اعمل ايه |
مع الوقت هاتتحسن شهيتك ان شاء الله
والأسبوسيد خليه بعد الفطار |
ان شاء الله
وجزاك الله خيرا يادكتور أحمد |
معلش يادكتور أحمد بعد إذنك استفسار
بالنسبه لاستخدام الموبايل انا سمعت ان ليه اضرار فهل ده صحيح؟ انا بستخدم الموبايل من 1/2 ساعه الى ساعه الا ربع على مدار اليوم كله وعلى فترات متفاوته فهل ده فيه مشكله؟ ونفس الشئ الكمبيوتر انا مش بفضل قدام شاشته فتره طويله يعنى ممكن اقرأ حاجه او اسأل عن حاجه يعنى ممكن اقعد قدام شاشته من ربع الى نصف ساعه فى اوقات بيبقى كام يوم ورا بعض وساعات على فترات بعيده وساعات ممكن اتفرج عليه على اى شئ ترفيهى وممكن يوصل الموضوع الى ساعه ونصف او ساعتين بس زى شاشه التليفزيون يعنى مش ببقى قاعده قدامه مباشر فهل ده فيه مشكله برده؟ ومعلش لو تعبت حضرتك |
لا مافيش اي مشاكل من كل ده وربنا يتمم لك على خير
|
ازى حضرتك يادكتور أحمد
يارب تكون بخير معلش انا كان عندى استفسار انا حاليا فى النص التانى من الشهر الخامس ومن حوالى اسبوعين كنت تعبانه ولما عملت تحليل بول طلع ان عندى نسبه صديد من 10-15 وكتل صديديه ومكنتش عملالى حرقان فى البول لكن كانت عملالى سخونيه داخليه ورعشه ووجع فى جنبى الايسر وكان الوجع بيسمع فى ايدى ورجلى والحمدلله اخدت جرعه العلاج وبقت النسبه صفر لكن من يومين بالظبط بدأت احس بلسعه من تحت وكانت بتخلينى احس بوجع عند التبول فى بدايته وتانى يوم بدأت اللسعه دى تتحول لحرقان فى نهاية التبول ونزول قطرات بول بعد انتهاء التبول وحاسه بأعراض برد يعنى حاسه ان نفسى مكتوم واحتقان فى الزور بيهدأ الاحتقان على نص اليوم والوجع اللى عندى بيهدأ شويه بدش مايه دافيه مش عارفه بصراحه هل اللى عندى ده بسبب البرد والا الصديد ممكن يكون رجع تانى ؟؟؟؟؟؟؟؟؟ انا بفكر اعمل تحليل بول تانى والا ايه رأى حضرتك؟؟؟؟؟؟؟؟؟ |
ارجو يكون تأخر حضرتك فى الرد خير
انا يادكتور عملت تحليل بول فعلا وطلعت نسبة الصديد من 15-20 وبصراحه مش عايزه اخد علاج تانى هو مفيش كتل صديديه الحمدلله فهكتفى بشرب الشعير والا رأى حضرتك ايه؟؟؟؟؟؟؟ |
ازى حضرتك يادكتور أحمد انا كنت مكتفيه بشرب الشعير بس الوجع احيانا بيتزايد فالدكتور كان كاتبلى على (رواتينكس )
ضمن العلاج اللى كان كاتبهولى المره اللى فاتت ومعملش نتيجه ساعتها واللى هو مضاد حيوى روفاك وعلاج اسمه سبازموسين وباراسيتامول واخدت مضاد حيوى شديد اسمه هاى بيوتك وكان معاه فوار اسمه رينال اس ولبوس اسمه دولفين ك هل اكرر حاجه من الادويه دى انا بجد مش عارفه بس مكنتش حابه اخد علاج كتير |
لا الإلتهابات البولية خطر على الكلى ولازم تتعالجي وعلى فكرة ضروري تعملي سونار على الكلى وتزوري طبيب مسالك كمان
|
ماانا روحت لدكتور مسالك وقال مفيش حاجه وهو اللى ادانى العلاج التانى اللى هو الهاى بيوتك والفوار واللبوس
وقال مفيش حصوات والكلى كويسه وعملت تحليل بعد جرعه العلاج وكانت صفر بس بعديها باسبوع الصديد رجع تانى بس من غير كتل صديديه |
مانا بقول لحضرتك محتاجة زيارة لطبيب مسالك اخر لان ده فشل في العلاج
|
حاضر يادكتور أحمد ان شاء الله هروح لدكتور تانى
بس معلش سؤال هل قبل ما اروحله اعمل تحليل بول تانى لمقارنته بالاول؟؟؟؟ لان الحمدلله الوضع احسن دلوقتى من الاول |
اه ممكن تعملي تحليل بول تاني
|
ازى حضرتك يادكتور أحمد
معلش انا كان عندى سؤالين انا كنت باخد فيتامين الثيرجران ولما الدكتور لقى ان الانيميا لسه موجوده فقالى اخد واحدة ثيرجران بعد الفطار واخد واحده فيروترون بعد العشاء وبعد ما يخلص اخد واحده فيروترون الصبح وواحده بليل لحد معاد الولاده فكنت قريت ناس كاتبه ان الثيرجران افضل وبلاش الفيروترون هل ده صحيح والا ايه؟؟؟؟؟؟؟؟؟ سؤالى التانى معلش انا بنت خالتى فاضلها اسبوع وتخلص الشهر الرابع وفى اول الشهر الرابع كان نزل عليها دم وهى كانت مسقطه قبل كده اول الرابع لان الجنين مات فى بطنها وقلولها عشان بطانه الرحم ضعيفه وكانت اتعالجت منها قبل الحمل ده المهم الدكتور كتبلها على حقن مثبت وكده بس موقفش الدم فراحت مستشفى قلولها ان الرحم بتاعها مفتوح وكانت خلاص هتسقط وقالولها لازم تعمل عمليه ربط وعملتها وبعد كده ادوها محاليل وبعديها بكام يوم اخدت محاليل تانى وهى دلوقتى مبتقدرش تتحرك يعنى بتقوم من السرير للضروره الملحه يعنى تروح الحمام فقط اعزكم الله والدكتور قالها انها تفضل كده لحد التاسع فهل ده طبيعى ؟؟؟؟ لان فى ناس تانيه بيقولوها انهم عملوا نفس العمليه بس بيتحركوا عادى لكن هى تعبانه ومبتقدرش تتحرك وكل شوية يجيلها برد معلش طولت على حضرتك |
لا مافيش مشكلة خديهم بس مش بعد الأاكل لازم تبعديهم قبل الأكل بساعة او بعده بساعتين على الأقل
وده هايجبلك شوية امساك ومشاكل في الجهاز الهضمي بش ده علشان يحصل للحديد والمعادن امتصاص بيختلف من حالة لحالة في حالات الراحة ضرورية جدا وحالات ممكن تتحرك بس لو هاترقد في السرير على طول بدون حركة لازم تستشيري طبيب خبرة جدا علشان ممكن نحتاج نديها مسيلات دم خوفا من الجلطات بسبب الرقدة والحمل مع بعض |
يعنى اخد الفيروترون مرتين عادى بس زى ما حضرتك قلت؟؟؟؟ وبلاش ارجع للثيرجران؟؟
هى بنت خالتى بتاخد اسبوسيد والا حضرتك تقصد حاجه تانيه؟؟؟؟؟؟ وشكرا لحضرتك |
ممكن تاخديهم الإتنين وممكن تاخدي الحديد بس ماتفرقش زي ماتحبي
لا اقصد حاجات تانية |
شكرا يادكتور أحمد ربنا يجازيك كل خير
انا بإذن الله هبقى اخد الثيرجران مرتين لانه مريحنى اكتر وشكرا لحضرتك |
ازى حضرتك يادكتور أحمد
معلش انا عندى سؤالين بعد إذنك حضرتك عارف ان انا بكريه فموضوع الولاده قالقنى شويه فانا كنت عايزه اسأل عن الشق بالعجان هل اصبح عاده دلوقتى والا فى حالات معينه لازم يحصل لان كل اللى اعرفهم ولدوا طبيعى حصل معاهم كده ؟؟؟؟؟؟؟ وعندى سؤال بالنسبة للقسطرة التى توضع لسحب البول من المثانه هل توضع فى كلا الولادتين الطبيعيه والقيصريه والا القيصريه بس وبتتحط قد ايه لانى سمعت ان الدكتور اللى متابعه معاه بيحطها يوم كامل ومبيرداش يشيلها قبل كده فهل لازم تقعد كل ده لان بصراجه ده قالقنى منه؟؟؟؟؟؟؟؟؟ هو الواحد سايبها على ربنا بس غصب عنى قلقانه زمعلش طولت على حضرتك |
لا الشق لما بيكون المهبل ضيق شوية على راس الجنين علشن نتجنب جروح المهبل العميقة وانقطاع العضلات
احنا بنفضي البول قبل الولادة الطبيعية بس ومش بنركب قسطرة عادة اما القيصرية فعلى حسب العملية مشيت ازاي ومضاعفتها بس انا مش بعمل كده غالبا علشان الام تفوق من البنج تقوم من السرير فورا |
شكرا لردك يادكتور أحمد
ربنا يبارك فى حضرتك ويجازيك خير |
| الساعة الآن 09:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©