|
ماعاد للدنيا طعم زوجي دمرتني
السلام عليكم ورحمه الله وبركااته
احياانا الانسان من كثر الصدمات والتجريح والقهر تجيه حااله غريبه يصير يضحك بدال مايبكي ماادري وش اقرل ولا من وين ابتدي اعيش مع كائن حي غرريب الاطوار احيان اشك انه انسان لان الانسان يحس ويتأثر وهذا لايحس ولا يتأثر باللي حوله يجرح يغلط يهين يطنش وكل هالتصرفات مايسمح انها تصير له زهقت بتنفجر المراره وبولد والسبب نفسيتي الزفت احاول اعديها وعيت تعدي بقوولكم وفي ذمتكم ان كاني غلطانه تعلموني لو تسبوني وتمسحون فيني الارض بس ابي نصيحه صاادقه وحطو نفسكم مكااني ابي حل زهقت من عيشتي اااخر مستجداات حيااتي الزوجيه قبل العيد رفض يعطيني فلوس العيد طبعا طبيعي لانه دايم ينشف دمي وعقب يعطيني لما بقى يمكن 5 ايام اعطاني 1000 قال لك ولولدك قلت ماتكفي هذي لي انا بس ولدك ياما عطني زيها ولا انزل معي واشتري له انت وشوف كيف السوق والاسعار قاال لو نزلت والله ماشتري له الا من اردي محل احمدي ربك ودبري نفسك طبعا حقرته وقلت ليش احرق اعصابي بقضي لنفسي وغصباا عنه يقضي لولده اشتريت لنفسي وخلصت جيته قلت ابي فلوس لولدي رفض وجلس يقل ادبه ويتكلم كلام كله سب وانتي بزر وهمك المظاهر جرحني لدرجه جلست ادعي ربي اموت لو قبل لايدخل يوم العيد بدقيقه بغيت انجلط من الزعل يعني انسان ربي منعم عليه ويحرمني وانا مااطلبت شي صعب كل الناس تلبس بالعيد طبعا كان ماينام عندي قبل العيد باسبوع ينام عند ابوه لان زوجه ابوه مسافره يوم جاء اليوم اللي قبل عرفه وجت الساعه 10 بالليل قال يالله امشي قضي لولدك وداني خريص الوقت ضيق والمحلات بتقفل وكاان حووسه مره رحت ودمعتي علي خدي وكل مامسكت شي غالي قاال ووعععععع هذا ذوقك لو دريت مانزلت فيك السوق طبعا المقاسات مخلصه واللبش بايخ كل شي فوق بعض حتي راعين المحلات يقولون مره متاخرين انتن وبعضهم مارضو يطلعون مقاسات كانو بيقفلون اشتريت بدلتين اي كلام ب 400وطلعت رجعت البيت قستها علي ولدي وحده كبيره مره ووحده صغيره اول ماشفتهم علي ولدي انهرت من الصياح فصختهم وحطيتهم بالكيس قلت رجعهم بكره وولدي ورب البيت مايعيد عندك الا اذا انا بنت حراام حسيت من وجهه انه حس انه ظلمني سكت وطلع دقيت عليه الصباح عشان اصلح ضرسي وداني ورجعت للبيت كان يوم عرفه وصايمه وتعبانه رجعني قال اطلعي مع السواق بدلي ملابس ولدك وعطاني 500 قال هذي مصروفك للعيد انتي وولدك حفايظ حليب اي شي تبونه ان شريتي فيها لبس له تري ماراح اعطيكم مصروف وانتي حره شوفي وش الاهم بالنسبه لك سفهته ورجعت لبس ولدي وطلعت لغرناطه واشتريت لبس البرد وخلصت كل الفلوس كان بإمكاني ابقي فلوس بس حطيته عناد له ولانه معطي عياله وحريم عياله وكلهم مقضين من اسبوعين الا انا خلاني اتسحب بالسوق حامل وصاايم مارحمني قلت والله لاقهره رجعت مامعاي ولا ريال بس ماهمني يوم جاء العيد وزع علينا 100 انا وحرمته وعياله وحريم عياله طبعا يفترض احاسبه علي اسلوبه معي وهوااشه بس قلت كبري راسك وخلاص اشتريتي لولدك وانتهت السالفه طبعا عندي شغاله بالشهر وكل شوي يحاول يطفشها ويهزئني عشانها بس انا سااكته هو جايب لحرمته شغاله وانا من يوم تزوجته وهو مقدم لي بس مابعد جت طبعاا يكذب وانا قلت له كذا مره ورني اوراقها ويجلس يصارخ ليش انا كذاب وش شايفتني مراهق قلت بالطقاق لاجت تجي امشي الي بالشهر بس لايمكن امشيها بدون شغاله طبعا شغاله حرمته سريلانكيه تهبل قال انا قلت لها تجيب وحده من جماعتها ومشي انتي اللي عندك قلت لارحت المطار واستلمت شغاله ودخلت بيتي امشي شغالتي حسيته حقد علي قلت وبعدين انت تقول مقدم لي ليش تجيب وحده ثانيه انقهر عرف اني فاهمه كذبه الزبده قال لافتحت المكاتب بطلع فيزا ونجيب اخت هالشغاله طبعا انا مره فرحت مع العلم ادري بيماطل بس قلت بزن عليه وبقول للشغاله تزن عليه وتقول مانيب جالسه الا لاجت قريبتي واتفقت مع حرمته انها تساعدني بكذا طبعا ماقصرت قالت له وجلست اظغط عليه واقوله اريح من اللي بالشهر ومن هالكلام طبعا جتني اليوم الطامه لي يومين مريضه وعند اهلي واليوم تدق علي زوجه ولده وهي مررره مغروره وتكرهني استغربت قلت معقول بتتطمن علي مارديت ويوم جيت بيتي قال دقت عليك فلانه قلت ايه بس مارديت قال ليش ماكلمتيها قلت الحين ادق عليها ليش وش صااير؟ قال حامل ومعها نزيف والمشيمه نازله عندها ومانعينها من الحركه وابيك تدورين لها شغاله بالشهر بااي سعر ضعيفه تعبانه وعيب علينا نخليها تروح لبيت اهلها وخلي الشغاله تجي من بكره طبعا نزل كلامه زي الصااعقه علي بولدي كنت حامل بعد زواجي ب 4 شهور وجاني نزيف وتوني عروسه نطلني عند اهلي لحد الشهر السادس وجلس كل مره يجي يقول بجيب لك شغاله وكله كذب وبحملي هذا تعبانه وولدي صغير وعندي فقر دم حاد وحصواات بالمراره جننتني ويقول ماانتي محتاجه شغاله وبيتي دور وكله سراميك وزوجه ولده بيتها شقه غرفتين وصاله وبنتها عمرها 5 سنين وبيتها مفروش وعمتها اللي هي زوجه زوجي تطلع لها الاكل والشغاله تقصص لها الخضار والبصل وكل شي وتحطه بالفريزر يعني لو طبخت التعب ع القدر طبعا هي شخصيتها قويه وتعلم اهلها بكل شي وهذا اللي خلاه يفكر يجيب لها شغاله لانه خايف تفضحهم طبعا كل هذا وماقلت شي دقيت عليها وتحمدت لها بالسلامه وعطيتها ارقام الشغالات اخذت شوي قلت بذكره بموضوع شغالاتي قلت الله يعافيك خلص لي موضوع الشغاله قبل اولد ولا تروح علينا قال ايه صح انا كلمت فلان يقصد ولده اللي حرمته حامل وقلت بكره تطلع الفيزا عشان نرسلها من الفرحه طمرت وحبيت راسه قلت الله يطول في عمرك مااقصرت وجلس يضحك انصدمت منه قال لاتشققين ماهي لك لزوجته هم اكثر حاجه منك وانتي شغالتك بالطريق بس هم مستعجلين بغيت اموت مااتكلمت ولاحرف ولابكيت بس احس ان قلبي وعقلي منهارين انهيار تااام هالحين هو نام وانا احس ان روحي بتطلع مو مصدقه الموقف نفسي اقتله ولاراح تبرد حرتي تكفون وش اسوي كلهم يدرون انه واعدني وهالحين بيعطيها لزوجه ولده ماهي اول مره يسويها فيني قد وعدني بشغاله اندنوسيه ورحت معاه للمطار واخذها ونزلها عند امه ولازعلت قلت اكيد بيفضل امه علي بس هالحين وش عذره قسم بالله افكر انحاش لبيت اهلي زهقت منه* |
أقول ياأخت وحدانيه الله يكفيك شر نفسك زهقتي منه عشان شغاله مو قالك خلاص بيجيب لك ولا همك كلام الناس وخلاص؟؟ بصراحه ولا تزعلين مني وين حسن التبعل؟؟ مرررررره تعاندين بشكل مرعب يعني كل سالفتك في هذا الموضوع فلوس العيد وملابس وشغاله وكلهم عارفين وهمك الناس ومدري ايش انتي عايشه للدنيا بس ولا كيف؟؟؟ وكمان مافي طريقه أفضل من الصراخ والدموع والدعاوي على نفسك عشان تاخذين اللي تبينه وبعدين تعالي..... يعني اللي تطلع شي عن زوجها وأهله عند أهلها وتفضح فيهم هذي شطاره وصارو خايفين منها؟؟!!! وأشوف الفكره عجبتك وودك تنحاشين وتكملينها ياختي هذي أقل شي اغتابتهم والغيبة معروف وضعها والله لو تحب السماء والأرض سوا ما ينمحي هالذنب أبد لحد ما تعتذر منهم وتقول أنا قلت فيكم كيت وكيت وهم بعدين يشوفون الوضع يسامحون ولا يقتصون منها يوم القيامة والله على بالي زوجك سكير ولا راعي مخدرات ولا ماسح فيكم أرض بيتكم من كثر الضرب ولا ما يصلي ولا منحرف أخلاقياً ياختي روعتيني من مقدمتك لدرجة اني أقول الله يعينها على بلواها وآخر شي رافعه ضغطك عشان شغاله يابنتي كبررري عقلك قالك بجيب لك وانتهت السالفه الله يكفيك شر نفسك وبسسسسسسسس |
طيب ليش ما تقولي لأهلك ؟؟؟؟ يمكن يخاف ينفضح عندهم |
خيتو وحدانيه هدي الوضع شوي مافي اي كلام سلبي عن زوجك بين اسطرك
ولاكن انتي تتعبي نفسك ويمكن بسبب الحمل وتعبك تزيد همومك الحيآه حلوه عيشيها عيشي ايامك لاتشغلي نفسك في فلانه عندها وانا ماعندي فلانه جابت شي وانا لا كذا الحيآة ماتمشي ماشاء الله لاقوة الا بالله عايشه في بيت وشغاله بالشهر وفلوس يعطيك وش باقي تبغين أحمدي الله شوفي من هو ادنئ منك .. قال تعالى: (لَئِنْ شَكَرْتُمْ لَأَزِيدَنَّكُمْ ) دمتي بحب وسعادة.. |
الله يسعدكم وشااكره لكم
يابنات افهموني تكفوون كل شي يوعدني فيه يخلفه ويحققه لغيري والله مقهوره ليه يوم حملي الاول وهو مقتدر وانا لسه عروس رماني عند اهلي وكذب علي انه بيجيب لي شغاله وكان معي نزيف ولاهمه وهالحين بحملي الثاني مررره تعباانه ودايم يعايرني بموضوع الشغاله كل من شاف معي شغاله يحسبها جت بطيب خااطر منه والله انه يكرهني فيها كل ثانيه كل شوي اجيب وحده جديده ولدي تعقد مت كثر ماتدخل علينا اشكال غير واقوله هالشغالات بس فلوس ع الفاضي جيب وحده علي كفالتنا وياليته يقول لا المصيبه يقول انا مقدم وهو يكذب وهالحين زوجه ولده قليله ادب معاهم وبنتها كبيره وبيتها صغير وتوها بدايه حملها وساكنه فوق زوجته يعني حتي لو ماجتها شغاله يقدرون يطلعوون لها شغالتهم تساعدها ودايم يوفرون لها كل شي مااحسدتها بكيفها يجيب لها بالشهر بس ليه الشغاله اللي وعدني فيها بيعطيها لها وبعدين مو ضروري زوجي يصير زاني ولا يضرب ولا مايصلي عشان اشتكي منه انا بشر ولي احساس واتأثر بتصرفاته البايخه واكره صفه الكذب وتدمرني الوعود المزيفه ياااربي سااعدني وهون علي |
يا جماعة الأخت معاها حق .. لازم تتنازل وتسكت عن شي من حقها .. وخصوصاً أنه مأمنه لزوجته الأولى .. وبيأمنه لزوجة ابنه .. طيب الأولى يأمنه لزوجته .. هي حرة تتنازل عن حقها ولا لأ ... ولا يعني إذا في مشاكل أكبر من مشكلتها أنها ما لها حق !! صحيح يمكن لو كنت مكانها ما كنت تدايقت مثلها .. لكن أرى أنه من حقها تتدايق من تخاذل زوجها عن شيء هو من حقها أصلاً ... لكن ما جاوبتيني أختي .. إذا هذا الشيء مضايقك لهذا الحد ... ليش ما تقولي لأخوك مثلاً يكلمه بهدوء ؟؟ |
استخدمي اسلوب اللطف معه يمكن باللين يلبي مطالبك
شوفي كيف اسلوبهم معاه وكيف يلبي مطالبهم |
مانبيها تتنازل عن حقوقها لكن ودي انها تريح نفسها من هالهم كل شي ملحوق عليه في الدنيا واللي مايجي اليوم بيجي بكره وإذا مانفع مع زوجها وكان عنيد وراحت الشغاله لزوجة ابنه وش تسوي تحرق في دمها زياده وبعدين معاها وقت من هنا لحد ماتجي وشوفوا كم بتاخذ ويمكن كم أسبوع ويمديها في هالفترة تتحرك باسلوب وطريقه تنفعها ما تضرها لكن تفكر انها تطلع من بيتها عشان شغاله !!! فهذا مش طبيعي أبداً |
الله أكبر الدنيا بكبرها صار ما لها طعم عشان شغالة وأمور تافهه !! كبري عقلك حبيبتي |
ياشيخة والله انك عايشة في نعمة زوجك بيعطيك الالف عشان لبسة العيد بس ومو عاجبك
طيب في بيت اهلك بتشوفيهم هالالف ؟؟ لاتزعلي مني بس احس انك عايشة وسط بيئة مليان كيد ونكد وسطحية .. يا اختي وسعي المدارك شوية حتى تكسبي صحتك وتكسبي زوجك وتعرفي تربي ولدك كمان معليش الشغالة مصيرها تجيك وانت عندك هالحين شغالة يعني مو انك تعبانة من شغل البيت ومنكسر ظهرك من الكرف ..حنقك الشديد سببه المقارنة الي عاقدتها في راسك مع زوجته وعياله وحريم عياله استعيذي بالله من الشيطان ربي يصلحنا واياك |
ام أحلى وردتين ، كفيتي ووفيتي ماشاء الله قلتي الي يدور في بالي.
|
اختي...انتي ماعندك مشكله صدقيني..حتى مانقدر نقول من فيكم الغلطان لان مافي احد غلطان..كلها يوميات مثل المسلسلات والزعل على شغاله وانتي اساسا عندك شغاله يعني لو ماعندك كان قلنا معك حق تزعلين ..مدري ليش انتي تنكدين على نفسك من لاشي..
مشكلتك الوحيده هي المقارنات...تقارنين بينك وبين كل وحده من بناته ولا امه ولا زوجته ولا زوجة ولده...الله يهداك بس ودام عندك الحين شغاله ليش الزعل هذا احمدي ربك انه عندك شغاله ومو شرط استقدام...ترى الي عندك احسن من الي يستقدمها لو جاتك الحين يبيلك سنه تعلمين فيها.. |
اقتباس:
وبعدين انتوا ليش تحبون الشغالات..وانتوا لسا على طفل واحد ليش تدخلون ناس غريبه في بيوتكم..وانتوا منتوا بحاجتها..صدقيني مافي احلى انك تقومين في بيتك بنفسك بترتاحين نفسيا وتلبسين براحتك حتى زوجك يرتاح اكثر في بيته..حتى لو كنتي تعبانه من الحمل روحي ارتاحي عند اهلك او جيبي شغاله بالساعه تنظف وتمشي.. والشغاله خليها بعدين لاكبرت عائلتك وكبرتي انتي وصار عندك اطفال كثير.. |
ياابنات والله الموضوع اكبر من موضوع شغاااله المبدأ عندي الكذب
والوعود المزيفه يعني والله اني طيبه ولا احب المظاهر والنكد بس لو قالي يام فلان انتي عندك شغاله وانا بقدم لك والشغاله اللي وعدتك فيها بنعطيها لولدي لانهم محتاجينها وكان صادق معي مو مشكله المصيبه انه ماقدم لي شغاله اساسا ويقول انه مقدم والشغالات اللي بالشهر يطفشهم ويجلس يسبني عشان اطردهم ومع ذلك مالي حق ازعل زووجي كذاب من الدرجه الاولى ولاينفع معاه تقديم تنازلات مايجيب نتيجه التهاون دخلت عليه عروسه وسكني بشقه اثاثها حق حرمته وكنت شااكه انه مو جديد وكان يحلف انه جديد وكانت تجيني نغزات من حريم عياله ان الاثاث مستعمل جلست سنه ادعي ربي ان الله يكشفه لي عقب اعترف لي من نفسه انه اثاث زوجته وانه اشتري لها اثاث جديد عشان ترضي وماله داعي يرمي اثاثها وحطه لي طبعا بغيت اموت زعلت وبالقوه غير لي اثاثي قبل كم يووم جالسه مع بنته وزوجته وهو موجود وبنته ساكنه بيت جديد قالت يبه ابيك ترسل السواق لشقتي القديمه ياخذ باقي عفشي عندي دولاب ومساند شعبيه ماابيها اتصدق فيها قال بيعيها قالت مااتجيب شي قالت امها اسمع تراني اعرف طبعك لاتجيبها وتحطها قدام خشمي وتضايقني فيها لاترسل السواق لحد مانلقى احد ياخذها طبعا انا حاضره الموقف كله بعدها بكم يوم رحت ازور خالتي مريضه رجعت لقيت المساند بغرفه عندي عرفت انه جابها وبيحطها لي قلت قبل لا اساله بسال بنته عشان مااظلمه يمكن ماهي حقتها ارسلت لها وش صار ع المساند لقيتي احد محتاجها قالت ابوي اخذها اليوم قلت كيف شكلها عشان بدور احد يقبل فيها ووصفتها لي طلعت هي اللي عندي لما رجع بالليل قلت مساند مين هذي قال حقتي قلت من وين قال شريتها قلت لمين قال لي انا وش عليك منها قلت والله اذا في بيتي لي علاقه ولاابيها تجلس عندي قال خلاص برسلها مع السواق بنحطها للمزرعه راح السواق المزرعه ولا اعطاها له قلت للسواق ليش تروح وبابا موصيك تاخذ المساند معاك لانه قال انا وصيته بس الحمار راح ولاطق عليك قال بابا يبي يحطها لكم وجاب عامل يفصل ستاره سم سم لوون طبعا بيجي احد بيقولي عاادي عشان اموت انا!! يااناس كذب غير طبيعي ماادري ليه مايصارحني زهقت من سخافته مشاكلي مو تاافهه بس الصراحه معدومه بينا. |
اقتباس:
انت ِ نفسيتك تعبانه وتخليك تكبرين المواضيع وكل شئ عندك ردة فعله صياح وبكا ودعاء من عرفتك بالمندى دايم معصبه وزعلانه قبل ماتكون المشكله بزوجك فيك انت ِ بعد مشكله .. اقتباس:
وماعليش يجيب لك شغاله عشان وش ..؟ تخدم مين ..؟ :d اقتباس:
اقتباس:
بعدين زوجك مو بخيل الشغاله اللي بالشهر اغلى من اللي تستقدمينها .. كثر الله خيره يجيب لك وان كان بطلعة الزور لكن بالنهايه لبى لك .. بعدين قد يكون زوجك ماحبب بالبيت شغاله .. وكثير من الرجال يتضايق من وجودها بالبيت لانها تحد من حريته .. وفعلا انت ِ حياتك قائمه على المقارنات ليش هم عطاهم كذا وانا عطاني كذا وليش هم راحو وليش انا ... اقترح عليك تغيرين من اسلوبك اتركي الصياح والعصبيه .. من عرفت مواضيعك واسلوبك في ادارة مشاكلك نفسه جربي تغيرينه وشوفي النتائج .. مرات صراحه احسك متضايقه انه هذا زوجك بالتالي 24 ساعه منفعله ..! الله يسهل اموركم .. |
الاعضاء يصبون ردودهم في اتجاه اخر غير اتجاه المشكله الحقيقيه ودون تفهم لها
اعتقد ان المشكله تكمن في شخصيه زوجك وانت حره في التكيف معها علي هذه العيوب او اختاري لنفسك اعتقد ان زوجك من النوع الحريص جدا علي المال فهو لا ينفق مال الا لما يراه ضروري ويستحق فكل شئ عنده بحساب وهذا يدفعه دوما للكذب للحفاظ علي ماله اطول وقت او التنصل من انفاقه ودائما الشخصيه الحريصه تميل الي التقتير بالمال والكذب والمماطله والوعود الكاذبه وهي من اسوأ الصفات التي لا علاج لها الا بتقويه ايمانه فالايمان ينافي كل هذه الصفات بل لا يجتمعا معا فالكذب يؤدي الي الفجور وهذا ناتج من نشئته العصاميه واعتماده علي نفسه فكل قرش عنده له قيمه وربما يضع في اعتباره ان سينفق مثله علي زوجته الاخري واحذري ان يقودك ذلك الي ان تكوني مثله فاذا اردت ان تعيشي معه فلتسعي لتقويه الوازع الديني لديه لان الدين دائما يدعو الي الكرم والعطاء مادام مقتدر الله يصبرك ويقدر لك الخير |
من ناحية الكذب خليه يكذب يابنتي ليييين يشبع
الذنب في صحيفته ولا صحيفتك؟؟ ويمكن يعرف انك حااااره وتنقهرين بسرعه عشان كذا يلف ويدور ويكذب على قولتك وانت أعرف بوضعك وهنا ما أدافع عنه بس قلت يمكن بالنسبه للشغالات اللي يطفشهن هذا أسلوب غلط مافيه شك أصلاً وش يبي بوحده أجنبيه يكلمها أساساً ولا يطفشها ولا البساط أحمدي عنده !!!! وماديته كيف ؟؟ كتبتي ان عنده خير .. طيب وش مشكلته إذا وحده تساعدك خصوصاً وقت الحمل وش وجهة نظره هو ؟؟ ليه مايبي يستقدم ولا يبي بالشهر؟؟ يمكن يابنت الحلال الرجال يبي ياخذ راحته معك ولا شي؟؟ وبعدين هدي هدي هدي ولا ترى اللي في بطنك بيجي مزاجه صعب ونفسيته مو تمام مافي شي يسوى تحرقين دمك وأعصابك عليه وإذا استشكل عليك شي افرشي سجادتك وتوجهي للواحد الأحد الفرد الصمد وهو يقضي عنك حاجتك سبحانه جل في علاه وتصدقين عاد هذا مبدأي مع زوجي لا أتعبه ولا يتعبني لف دار سوى حركات رفعت يديني ودعيت ربي ودايم أقول قبل ما أسلم (ربنا هب لنا من أزواجنا وذرياتنا قرة أعين واجعلنا للمتقين إماما) واليوم الثاني يجي الرجاااال ولا أحلى منه إلا أروع زوج في الدنيا فديته لذا يا أختي ماله داعي تعصبين ويمكن تقصرين معاه في امور ثانيه وتتأثر نفسيتك وتشيلين ذنوب لا قبل لك بها وانتي مانتي حاسه على عمرك والزوج مكانته عظيمه فلا تودين نفسك في داهيه وروقي المنجا وخذيها من قصيرها وقوليله برر لي تصرفاتك ذي واقنعني وش عندك .. عشان أكون معك على نفس الموجه الله يصلح أموركم ويسخر زوجك لك وكل مسلمة.. |
مشكلتك فعل غير عاديه
واسلوب الكذب واللف والدوران ماتحبيه اذا ما عليك غير انك تكتبي طلباتك بورقه وتحددي الاشياء ايلي المفروض ان زوجك يغير من نفسه فيها يعني موضوع الشغاله يكون بسؤال واحد محدد تساليه بتستقد شغاله اولا وايش ماكان رده لاعاد تطلبي منه مره ثانيه لانك حتتعبي اعصابك علي الفاضي وصدقيني ايلي في دمه الكذب صعب ان يغير طبعه بس انتي اتجنبي تسالي عن اشياء انتي عارفه انه حيكذب فيها وشئ ماعجبك قوليه من غير ماتشرحي له الاسباب حافظي علي بيتك واطفالك لان بيت الزوج يظل افضل لمن معهااطفال |
اقتباس:
بالرغم إنه أنا ضد اللي جالسة تسويه بنفسك ومبدأ المقارنات بس زوجك مو يرفع الضغط بس إلا يجيب الجلطة بكذبه واللف والدوران تبعه الله يعينك ويصبرك ويهديكم ثنينكم ويصلحكم |
اختي وحدانيه
ذكرتي سابقا انه راتب زوجك ما شاء الله تبارك الله جدا عالي ولو عرفوه الاعضاء رح يعرفو انه فعلا هو حريص ومارح يلوموك هذا غير الاملاك اللي ذكرتيها انها ملكه ما شاء الله هنا وهناك .. انتي تعبتي من الطلب والاستموات الين ما يرضى يرمي لك (حفنه من المال) اللي هي المفروض انها توصلك من دون ما تنذلي بما انه هو المسئول عن الانفاق .. تعرفي حسيت انه زوجك مستغرب انه انتي كيف رضيتي تتزوجيه؟هو عارف انه مافيه اي ميزه لا من ناحية العمر ولا من ناحية الشكل ولا من ناحية ظروفه انه معدد وعياله متزوجين ومقتنع انك اتزوجتيه فقط لطمعك بماله لانه هو عارف انه مافيه ميزه تجذب فتاة في مقتبل العمر مثلك له..فبالتالي هو منقهر من جوى زي ما تقولي هو مغيوظ انك اخذتيه طمعا في ماله (زي ماهو شايف ومقنع نفسه وهو اصلا مو عارف الظروف اللي جبرتك انك تقبلي تاخذيه) فتلاقيه قال مارح اعطيها الريال الا بعد ما اهد حيلها .. وانتي مو قادره تتحمليه لانه جوى راسك بتدور فكرة (شين وقوي عين) وانتي من جوى حاسه انه انتي يستاهلك واحد احسن منه ولما يقصر معاك تتوتري وتعصبي بزياده وتصيري مو عارفه تتصرفي .. زوجك يبغاله وقفه قويه الاستهتار والمذله في الصرف بالشكل هذا ما يجوز وولده لازم يصرف عليه كويس والصرفيه تكون على قد مستواه المادي .. وسالفة الشغاله طولي بالك عليه شوي ويقولك (امشي ورى الكذاب الى باب بيته) طولي بالك وسايريه وشوفي الين فين حيوصلك صدقيني حيوصل لمرحله ما يقدر يراوغ فيها ورح يجيبلك هي بالاخر .. الله يوفقك ويسخرلك زوجك ويقومك بالسلامه.. |
crestalla
أختي الكريمة إنتِ منت عارفة إنك قاعدة بتحرضي البنت على زوجها وبتفتحي لها باب من التحليلات إللي ممكن تقتنع بها وتصير مصدر توتر دائم في قلبها . |
اقتباس:
أنا مع كرستاله بتحليلاتها بس مو معها بمبدأ القوه ,,, الاخت وحدااانيه الله يعينك بجد بجد انتي في موقف لاتحسدي عليه لوتفكري شوي يعني اتوقع زوجك تعدى الخمسين وهالحركات ماهي بعمره هذا طبعه ثمرة سنين انسي انسي انو يتغير الا اذا ربك غيره او اذا اقتنع من نفسو ....!! يعني عصبيتك وهواشك ماراح يأثر فيه شي ممكن يمشي معاك يوم يومين بس حترجع حليمه لعادتها القديمه وكمانه حيشوفك الحرمه النكديه الماديه اللي همها المال الحــــــــل مالك الا الصبر لانو مستحيل تخربي بيتك وتتطلقي والدعاء ومع العشره راح يتغير طووولي باااالك مرررره هو مو مقصر 100% فيه اشياء تشفعله لو انك تشوفيها قليله بس صدقيني احسن من غيرو ... وقفه للحريم اللي جلسوا يلموونها أنا متأكده لو انتو بمكانها كان انفجرتم فاتركوا عنكم المثاليه اللي تنادون بها من وراء الشاشه..!!! لو زوجها كان ماعندو وماهو بخير مثل ماتقوول وهي جالسه تقارن كان قولنا لها كلامكم اللي كتبتوه بس الادميه تقوول بخير ويعطي غيرها ومقصر معاها فلها كل الحق بالزعل ..!! |
الله يعين زوجك عليك
|
الله يسعدكم جميعااا شاكره لكل من رد علي وابدأ رأيه في مشكلتي
بس استغربت من اللي تقول الله يعين زوجك عليك؟؟ انا مو بلوى ولا مصيبه حلت عليه انا انسانه تنازلت كثير عشاانه وعشان خاطر ولدي مااطلبت كثير اذا تتوقعون طلبت الشغاله من باب الرفاهيه وربي يشهد علي اني تعبانه لدرجه صعب اوصفها وعلى فرض طلبتها من باب الدلع والدلال بيكون من ابسط حقوقي مو عشانه يقدر يدفع قيمتها بس لانه موفرها لكل اللي حوله يعني زوجته عندها وامه عندها والحين بيجيب لزوجه ولده من حقي اقارن نفسي فيهم ومن حقي مااعيش بمستوى اقل منهم يابنات ياقلبي تكفون افهموني والله المساله مو طمع او ماده زوجي طيب حكيم عاقل كبير يحبني فيه صفات كثير تعجبني واحبه واموت فيه بس انا انفعاليه كثير وهو مشكلته معي الكذب والتسويف كثير يوعدني وكثير يخلف والسبب مني انا مو حازمه معه يعني كل حاجه اطلبها يوافق عليها ولاينفذها وبعد فتره الاقي نفس الحاجه اللي طلبتها حققها لغيري لانه مايحب كثره الزن والمشاكل يعني زوجه ولده بيجيب لها الشغاله لانها قويه وترد عليه والله انها كذا مره قدامي تفشله وتخاصمه ليش مايعطي بنتها فلوس ويدلعها انا عشان ولدي ماتلفظت عليه وهو ابوه زوجي يدوس ع اللي اضعف منه حتي في تعامله مع العمال اللي يسكت عن حقه يجلس يماطل انه يعطيه راتبه واللي يدق عليه وينافخ يعطيه على طول انا مااعرف لهذ ا الاسلوب من اجي اناقشه ابكي ويبان علي اني مااعرف اركب جملتين مااتحمل منه اي كلمه يعني هو فهم اسلوبي وعارف ماوراي سالفه وصار يتمادى بكذبه يعني امس رجع من الدوام ويبي يسوي مشكله عشان مافتح موضوع الشغاله حطيت الغداء قال وين الثوم ليش ماحطيت وانا قايل حطي قلت انت تعرف اني متوحمه عليه ولااحبه ولااقدر اشم ريحته قال لاتشمينه انا اللي باكله قلت طيب بس الريحه بتبقى فيك قال مو شغلك انا بكيفي قلت طيب انت بتجلس جنبي ولااقدر اتحمل قال ومن قال لك اجلسي عندي وجلس يسب وانا مو مصدقه ويدف الصحن بوجهي ويدخل غرفته وينام جلست اصيح من قلبي من الظهر استناه ولااحب اكل بلحالي وتعباانه ويفشلني طبعا طلع المغرب ولا كلمني يوم جاء بعد العشاء معزوم وبيطلع قلت عادي اروح اتعشى عند اختي قال لا زي ماحرمتيني الغداء انحرمي من العشى واجلسي بلحالك سكت وقلت مو مشكله بيطلعني غلطانه بس مايعرف كيف صحيت اليوم ويجيني ولده الصغير قال وش رايك نطلع نتمشى وكذا قلت استأذن من ابوك اذا وافق نطلع قال ابوي مسافر ولا هو بجاي الا بعد يومين!!! يعني بالله يرضي مين يزعل بدون سبب يجرحني ويسافر واعرف من اصغر عياله انا حامل وعندي بزر ولاحط ولا ريال بيدي طيب اذا احتجت شي من مين اخذ؟ يعني وش المطلوب مني؟ انا ماقلت ان زوجي كله عيوب بس اسلوبه زفت معي دمر اعصابي ونفسيتي بذمتكم هالحين وش الحل معه ادق اراضيه عشان ثوم طيب مواقفه البايخه معي ماتزعل وليش يسافر بدون مايعطيني خبر والله لو اني وش مسويه والله من دريت انه سافر وانا مره متضايقه يعني عيب واحد في عمره يسوي كذاا على فكره مافردت عيوبه لاني اشوفه كبير واني استحق احسن منه لا وربي بس فعلا ابي حل انا ماتمنى رجال غيره يلمسني ونفسي نوصل لحل ونعيش بدون كذب ولف ودوران بنات تكفون ابي حل لوضعي ادق عليه اعاتبه ولااطنشه وش اسوي الحين هو اللي زعلان |
شوفي حبيبتي أنا ماأقدر أعطيك نصايح بخصوص المشكلة كلها يمكن غيري أكبر عمرا وعقلا يقدرون يفيدونك يالغلا
بس أنا ركزت على ألف ريال مصروف العيد لك ولولدك ..... ولاتكفيك !!!!!!!!! يااختي ياقلبي ياعمري ياعيوني ليش كل هذا بس ... بغض النظر عن غضبك على زوجك وتفرع المشكلة بينكم والشغالة ووووووو .... بس بقولك شئ عن الفلوس .... بتكفيك صدقيني خلي العناد على جنب لاتعاندين زوجك عشان فلوس وش بقيتي للأمور الكبيرة ؟؟ ترى عنادك لزوجك يجي على راسك وهو لاشافك تعاندين بيزود بعناده تحسبينه بيعقل لاعاندتي ؟؟ ومقيوله من عمر الدنيااااااااااااا الرجال مامعه حق منظره لكن معه مهر مره << أتمنى جبت المثل صح خخخخ دايم جدتي تقول الرجال لاقلتي له ابي حق منظره قال مامعي ... بس يقدر يدبر مهر عروس !! طبعا شكلي تحمست وشطحت بعيد عن الموضوع .. بس يمكن كلامي وشطحاتي تفيدك بعدين .. نرجع لمحور حديثنا << الخبل ماينسى سالفته ههههه ألف ريال والله تكفي بتقولين انك تشترين من ماركات من غرناطة وخريص ووووو والله بتكفي وهذاي حلفت أنا أشتري من ماركات ومن نفس الأسواق والحمدلله الكل يمدح بذوقي ولبسي ... وماتكلفني إلا ست مية وان كنت مبذرة مره كلفتني سبع مية كلبس للعيد مع لبس اضافي بعد ... ومرات خمس مية بس .. ومرات والله ميتين بس ههههه .... القناعة كنز مايفنى يالغلا .... ولازم تغيرين القناعات عندك عشان تقدرين تعيشين بسلام مع زوجك لأن أغلب المشاكل بين الزوجين إن لم تكن كلها فهي مادية !! من وجهة نظري الخاصة .... والأطفال لاتشترين لهم لبس غالي وماركة والله بيكبر الولد ان شاء الله وتضيق عليه وماراح يستفيد منه الأطفال مو مثل الكبار... بسرعة يكبرون لأنهم بمراحل نمو مستمرة .... حرام تشترين له غالي فيه طقوم اطفال حلووووة كشخة وتجنن وسعرها معقول من أماكن حلوة وراقية ... مو حي الله والشئ الأكيد زي ماتفضلوا الأخوات عشانك حامل زادت الضغوطات عليك وتقلبت نفسيتك استعيني بالله ولاتعجزي لكن انا عندي ايمان قوي ان سبب المشاكل هي مادية عالجي هالنقطة وأكيد بتنبسطين بحياتك إن شاء الله تعالى ... وماشاء الله وزع عليكم عيدية مية ريال احمدي ربك ياشيخة وشوفي محاسنه والبسي نظارة سوداء على مساوئه معلييييييييييييش تحملي عشان البيبي وعشانك انتي .... انا يعطوني عشرة ريال عيدية واحيانا يسوون تخفيضات وتصير خمسة هههههههه عادي ياقلبي أهم شئ القناعة .... دعواتي معك ... ربي يصبرك ... |
حبيبتي انصحك ترسلين مسج له وهو مسافر نصيحة ياقلبي ادحري ابليس حتى وهو مزعلك عشان ثوم !!
هذاك قلتيها عشان ثوم !!! يعني انتي مستحقره السبب اذن طالما السبب بايخ وتافه فخليك أكبر من كذا وارسلي له مسج شوق ومحبة لاتجيبين طاري للزعل ولاللثوم ولاكنك زعلانه ولاشئئئئئئئئئئئئئئئئئئئئئئئئئئئئئئئ صدقيني بينقهر وبيحقر روحه وبيندم جربي وش أنتي خسرانة ؟؟ واذا جاء ولايهمك استقبليه وسلمي وتحمدي له بالسلامة ولاكنك متهاوشين ياقلبي انتي اذا هاوشتيه وتزاعلتوا مجددا راح تخسرين كثير واذا تصبرتي وجاملتي وارسلتي له رساله راح تخسرين بعد انك انجرحتي منه ومافكر يراضيك وسافر ولاقالك ووو لكن فكري أي الخسائر أقل ؟؟؟ أكيد بالثانية ؟؟ فنطلع بأقل الخسائر أحسن من نبلش بخسائر ترهقنا فوق ماحنا خسرانين ... طنشي شوي واستمتعي بالويك اند والزمي الإستغفار ... اشغلي تفكيرك بعيد عنه فكري بأي شئ مهما كان سخيف بس عشان ماتتعبين زود فكري وش راح تسوين بنفاسك بعد ماتقومين بالسلامة وش تسمون البيبي وش راح تلبسين ووووو استهبلي على عمرك شوي واشطحي بعيد انسي همومك شوي وربي معك يالغلا ... |
اقتباس:
أذكري الله وتعوذي من ابليس ودايما خلي القرآن شغال في بيتك على سورة البقرة عشان تهدى النفوس بس تحسي إنك عصبتي اشربي كاس ماي بارد (أنا مجربة) واستغفري ربك صدقيني رح تهدي وطنشي على فكرة زوجك يعرف إيش نقطة ضعفك عشان كدا يحاول يستفزك وهو مبسوط بهالشي إنتي ليه ماتدوري نقطة ضعفه وتستغليها لصالحك؟؟ إدعي له بالهداية والصلاح |
اختي وحدانيه...حبيبتي لاتتخلين زوجك ينفر منك ويندم على زواجه منك...الله يرضا عليك لاتفتحين له موضوع الشغاله نهائيا..طالما عندك شغاله بالشهر ماعليك من الاستقدام..
الحين هو سافر اتصلي عليه واعتذري منه باسلوب حلو وفهميه انه موضوع الثوم مايستاهل كل هذا الزعل ولوانك تذرين انه بيزعل كذا كان حطيتيه مع الغدا..وانتبهي تفتحين معه في نفس المكالمه موضوع الفلوس وانه سافر ومااعطاك مصرورف ..هذي خليها وقت ثاني وعاتبيه باسلوب حلو مو بالبكا والصراخ.. وواضح ماشاء الله انه علاقة عائلته معك كويسه وحلوه خصوصا مع زوجته وبناته واولاده ..وهذا شي انتي محظوظه فيه صراحه..ويرجع لصالح اطفالك انه تكون علاقتهم باخوانهم قويه وحلوه وبدون مشاكل عشان كذا خليك معاهم سمن على عسل من اجل مستقبل اطفالك..ولاتربطين افعال زوجك بهم ولاتظنين فيهم ظن سوء لانهم واضح انهم يعانون نفس ماانتي تعانين لكن هم لهم طريقة تعامل خاصه مع زوجك ويرضخ لهم عشان يتفادى كلامهم ..وانتي يبي يرتاح عندك ومايبيك نسخه منهم والظاهر انه حتى الشغاله مايبيها عندك عشان يبي يرتاح عندك اكثر مايبي يشوف حد غريب يطالعكم انتي وهو مع بعض مايبي نفس الوضع الي عند زوجته الاولى . انتي متضايقه من كذب زوجك...طيب هو يكذب عشان يتفادى كثرة كلامك وزنك صدقيني انا متاكده انه مو من صفته الكذب لكنه يضطر يكذب عليك عشان لاتكثرين كلامك وتنفعلين وتبكين عنده وتقولين ليش هم كذا وانا كذا وتفتحين له مواضيع قديييمه ..الرجال يكذب عشان يريح راسه من القرقره الزايده.. لما يكون فيه موضوع مضايقك افتحيه مع زوجك مره وحده بس ولاتكررين عليه كل يوم الكلام والزن..لان لوكثرةالكلام تفيد كان فادت معك من زمان.. زوجك ماشاء الله مو مقصر في كل شي...صحيح مايطلع الفلوس الا بطلعة روحك بس دامه في النهايه يعطيك ومايقصر خلاص ماعليك فيه..انتي بنفسك قلتي تعامله مع الكل كذا حتى مع العمال مايعطيهم الراتب بسرعه.. اختي زوجك ماشاء الله مقتدر ماديا ولاتستبعدين انه يجيب وحده ثالثه عليك عشان يهرب عندها وقت مايبي الراحه والجو الهادي.. نصيحه ريحيه ولاتزنين عليه ومقارنات مالها داعي خصوصا سالفة الشغاله خلاص دامك عندك شغاله ماله داعي فتح الموضوع معه.. ولاذا فيه احد من برا او من اهلك قاعد يزن عليك وشيشك لاتسمعين لهم ابد..والكلام الي تسمعينه من اذن خرجيه من الاذن الثانيه..اهم شي حياتك واولادك.. |
حاولي معه باللين بعض الرجال مايجي الا باللين
|
مشكلتك بس قاعده تراقبين الناس وتراقبينه بعين المحقق وش حطو ووش سوو وهذي بيتها فيه وهذي بيتها مافيه..وانا اختك من راقب الناس مات هماً،،انتي انتبهي لبيتك وولدك وماعليك من احد،،عطاك 1500 اشوفها نعمممه ،،بس انتي مايملا عينك شي لان الغيره والمقارنه عاميتك،،انتبهي لحياتك ولاتدمرينها بيدك بسبب اوهامك وحساسيتك الزايده
|
اقتباس:
يا عزيزتي يا حبيبتي اسفه يمكنك طفشتي من اسمي من كثر ما تشوفيه في مواضيعك لكن ما يهمني الاهم عندي الان اني احاول اساعدك.. يا اختي بس لحظه ركزي معايا هل تعرفي ان انفعاليتك دليل على تشوش نفسي بمعنى تفتقدين الهدوء النفسي المطلوب لتكون انسانه متزنه ولو لحد ما ليش الاتزان مطلوب... حتى تجدي للحياة قيمه في نفسك حتى تستطيعي التحدث مع زوجك فانت كما قلتي لا تستطيعي ترتيب الكلام او تفقدين التركيز وهذا مصدره نفسي انا لا الومك ربما هناك ظروف ارغمتك من صغرك على ان تكوني بهذا االنفسية ولا ابرر لزوجك اخطائه لكن حتى تستفيدي لازم تكوني متماسكه تعرفي متى تشتكي ومتى تقارني وتفهمي زوجك اكثر لاني اشعر من كلامك انك تحبيه لكن ما تفهمية بصراحه انت ما تقدري تغيري زوجك لكن تقدري تاثري عليه اذا كنتي بذاتك قوة انفعالية ايجابية لا سلبية اكمل ولا لا؟؟:) |
معليش اختي انا من قريت موضوعك وانا ارتفع ضغطي واقول ليش كذا بس مالقيت فرصه ارد غير اليوم ياقلبي انتي غايبه عن بالك نقطه مهمه وهي انك انتي زوجه ثانيه اخذك يبا يتنفس يبا يعيش جو يبا يجدد يبا يشبب وانتي الله يهديك بمخك هذا قدمتيه 10 سنين يعني حس انه شايب مافيه امل حبيبتي مو عشان ضرتك وامه عندها شغاله انتي لازم ترى مو وقت الشغاله معليش هنا امكن يحس ان حرمته الاولى انشط واصغر منك ويحس انك هم عليه عيشي الرجال حياته خليه يحس ان عنده عروس وريه الرومنسيه على اصولها ونسيه همومه اسلبي عقله وقلبه بتاخذين الاول والتالي مو من دخلتي عليه ماغير ارقام وحسابات واوامر ومقارنات خلي يجيبلهم الي يجيبلهم انتي لاطلبتي اطلبي له قولي بشتري والبسلك بروح كوفيره بتزينلك بشتري ورد ارميه عليك بشتري عطر تتنفسه فيه والله غير يعطيك من غير حساب لا ويوديك هو بنفسه ويخرجك ويوديك مطعم كافي ملاهي يطيربك بس انتي عيشيه الجو راح تاخذين الي تبين مو معيشه نفسك قد امه وزوجته الله يهديك انتي وعقلك |
:* قلت لك قبل كذا خليه يحدد لك مصروف شهري يكفيك أنت وولدك وأطلعي من دائرة الإنفعال والتوتر وضغط النفس حتى لو تضطري تدخلي أحد حكيم من أهلك خليه يسوي لك أقتطاع من راتبه مثلاً 2000 ريال شهرياً إذا راتبه جداً مرتفع مثل مافهمنا ومنعم الله عليه ومعيش الجميع بمستوى عالي وهالإقتطاع بيريحك من مواجهاتك معه وذل نفسك للحصول على حقك الإقتطاع دايركت من حسابه كل شهر لحسابك وكفا الله المؤمنين شر القتال وأنسي الماضي ياعمري أنسيه وتقبلي قدرك ونصيبك خلاص تزوجتيه وإلي صار صار لاتجلسي تذبحي بنفسك هذا مو وقت الندم أنتِ شايفته مو مستاهلك ياواحدانية معليش أنتِ إلي وافقتي عليه برضاك التام فكوني قد القرار إلي أتخذتيه وعيشي حياتك لاتدمريها بالغضب والمشاكل العمر يمر فلاتخليه يمر بدون ماتحسي بحلاوته :* |
اقتباس:
مثل هالرد تزوجتيه عشان فلوسه وصرتي تبين تحققين هالشي ولكن هو كان حذر معك تقبلي وقعك الله يوفقك |
| الساعة الآن 04:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©